الوسيم والصهباء ج3

وقع نظرها عليه وقد غير ملابسه لملابس بيتية مريحة
مد يده لها بهدوء فقبضت على كفه وتوجها للأسفل
بخطوات متمهلة
******…….
جلس الجميع بهدوء على طاولة الطعام لا يسمع غير أصوات اصتدام الملاعق
كان يترأس الطاولة بينما ليل تجلس على يساره وفي مقابلها جدته
وبجوار جدته تجلس لبنى يليها والدها
قطع الصمت المخيم على المكانة صوت جدته
الحاجة فاطمة بهدوء
=بكرة إن شاء الله في عزومة كبيرة على الغدا بمناسبة سلامتك وكمان عماتك جايين علشان يسلموا عليك وعلى مراتك عايزين يشوفوها وبالمرة الكل يعرف موضوع جوازك
لم تتدرك ليل سبب التوتر الذي أصابها فهي تشعر بالرهبة الشديدة وكل شيء جديد عليها
يامن بهدوء مكملا تناول طعامه
=تمام مفيش مشكلة أنا كنت بفكر في كده برده
توقف الطعام بحلقها والد,ماء تندفع لوجهها عندما شعرت بيده تسير فوق
ساقها بتمهل شديد
نظرت لملامح وجهه فوجدتها باردة لا يظهر عليها أي تعبير
مدت يدها بحذر حتى لا يلاحظ أحد تحاول إبعاد يده عنها
فقبض على يدها وإبهامه يتحرك فوق رسغها بخفة
حاولت سحب يدها منه ولكنه أبى تركها وهو ينظر لها بابتسامة خبيثة متلاعبة
الحاجة فاطمة بهدوء وقد لاحظت توقفها عن تناول طعامها
=مالك يا ليل مابتكليش ليه الأكل مش عاجبك
يامن بخبث وهو ينظر لها يرفع حاجبه
=فعلا يا ليل أنا حاسس إنك مش بتاكلي تحبي أنا أكلك
ليل بغيظ وهي تنظر له بينما تجيب جدته
=لا يا نينا بالعكس الأكل حلو جدا بس أنا شبعت
قاطع كلامهم
راغب بهدوء وهو ينظر ليامن
=بعد ما تخلص أكل عايزك في المكتب علشان موضوع المشروع اللي إنت موقفه ده
لم تعلم ليل لما لا تشعر بالإرتياح لهذا الرجل فمنذ أول مقابلة لها معه ونظراته المريضة تشعرها بالإشمئزاز منه فهل يعقل أن ينظر رجل لفتاة بعمر ابنته
يامن بهدوء وهو ينظر له نظرة ثاقبة
=وأنا خلصت أكل اتفضل على المكتب وأنا جاي وراك
حرر يدها من يده متوجها للمكتب بخطوات ثابتة بينما يتبعه عمه بهدوء
بمجرد خروجه وقفت ليل من مكانها
ليل بهدوء وهي تبتسم للحاجة فاطمة
=تصبحي على خير يا نينا أنا هطلع الأوضة علشان تعبانة شوية
الحاجة فاطمة بابتسامة هادئة
=وإنتي من أهل الخير يا حبيبتي اطلعي ارتاحي
أومأت بهدوء وهي تنسحب من مكانها متجهة لغرفتهم تحت نظرات لبنى الحارقة التي رافقتها منذ جلوسها على طاولة الطعام
بمجرد دخولها للغرفة تجردت من ملابسها واتجهت لخزانة ملابسه تسحب أحد قمصانه قامت بارتداءه
جالسة على السرير بهدوء تشعر بحزن شديد يخيم داخلها لا تعلم مصدره
أطفأت كل حواسها وهي تضم نفسها تستنشق رائحة عطره العالقة في ملابسه
****…….
راغب بهدوء محاولا فهم ما يدور بعقله
=مفهمتنيش بقا الشغل هيرجع في المشروع امتا
وايه حكاية الفلوس اللي بتتاخد من وراك دي
يامن بهدوء وملامحه لا يظهر عليها أي تعبير
=الشغل هيرجع كمان كام يوم كده بس أراجع الحسابات وأتأكد من كل حاجة بنفسي وبعدها هنشتغل واستطرد بخبث أما بقا بالنسبة لموضوع
الفلوس فأنا عارف أنا هعمل ايه كويس أوي
راغب بتوتر
=قصدك ايه يعني بالكلام ده
يامن بهدوء وابتسامة ساخرة
=مقصدش حاجة ..وأكمل بجدية…أنا عايز كل الورق اللي معاك ويخص المشروع
راغب باستنكار وغضب
=يعني إيه عايز كل الورق على الأقل المفروض يبقا معايا نسخة من الورق ده
يامن بصوت عالى
=أنا اللي عندي قولته وبعدين أنا مش هاكل حقك مثلا أنا بشوف اللي ليا ولا إنت إيه رأيك
تحرك من مكانه على مضدد يسحب أحد الملفات من درج المكتب
راغب بحنق شديد
=اتفضل الملف
أومأ يامن بابتسامة مستفزة وسحب الملف من يده متوجهاً للحديقة ليجري اتصالاً مهما وبعدها جلس ليراجع الملف بهدوء وتركيز شديد