خفقات قلب ابي النسيان بقلم سما سعيد ج5

اما عن العروسان فذهب بيبرس بأسيل الى مطعم راقِ بالمدينة

تم الترتيب الية مسبقاً من قبل بيبرس ففوجئت اسيل بهذا التصرف

دلف بها الى المطعم وهى بفستان الزفاف فرحب بهم جميع

من يعملون بهذا المكان الخلاب الرومانسى

تناولوا عشاءهم على اضواء الشموع ووسط الموسيقى الهادئة

جذبها بيبرس من يدها وتوسطوا قاعة الرقص

نظر الى عينيها الهائمة فأقترب اليها وضمها بين ذراعية

واخذوا يتمايلون بخفوت على الانغام الهادئة

التى وكأنها تعزف على اوتار القلب

ومن بعد ذلك ذهبا الى منزلهم الجديد

…………………….

داخل شقة اسر ومها
::::::::::::::::::::::::

دلفا الاثنان وكل منهم يحمل احد الصغار بين يدية

وضعوهم برفق بفراشهم لكى لا يوقظونهم

ومن ثم دلفا الزوجان الى حجرتهم

ودار هذا الحوار بينهم

اسر بسعادة غامرة….يااااااة قلبى ارتاح اخيرا اطمنت على اختى

مها مبتسمة…….ربنا يسعدها يارب ويتمم فرحتها على خير

ومن ثم اردفت بحزن……بس اسيل مش عجبانى انا قلقانة عليها اووى يااسر

تنهد اسر بعمق وقال…….. انا لاحظت كدا ان اسيل خايفة يامها

ماهو اللى عملة الحيوان اللى اسمة سيف فيها مكنش هين ابدا

واردف بحنق وهو يسر على اسنانة…….اة ,,اة لو كان فضل عايش

داانا كنت كلتة بسنانى وهو حى والله ما كان يكفينى فية مو؟؟؟تة بين ادية

اقتربت الية مها وقالت……..اهو راح فـ دهية وريحنا منة ربنا المنتقم بقى

ومن ثم اردفت بتساءل……..تفتكر اسيل هتعمل اية مع بيبرس انا قلقانة عليهم

ربت اسر على كتفها وقال…….متقلقيش بيبرس بيحبها وهيقدر يتصرف معاها

انا متأكد من كدا لان اسيل كمان بتحبة وربنا يعدى الليلة دى على خير يارب

تركتة مها وذهبت بأتجاة المرآة وهى تحاول فتح السحاب الخلفى للفستان

اقترب اسر منها وهمس بقرب اذنها وقال…..تحبى اساعدك

ابتسمت مها بخجل وقالت………هتقدر ؟؟

اسر بخفوت….عبيطة انتى يابت داانا جايب توأم بتهزرى

داانا اقدر ونص ادارها اسر حتى اصبحت مقابلة الان

مد يدة خلف ظهرها وبدأ بفتح سحاب الفستان

وهو يقبلها بشغف ونهم كبير

وفجأة سمع صوت بكاء احد الصغار يأتى من الجهاز اللاسلكى

فأبتعد اسر عن شفتيها ومن ثم تأفف وقال……..يادى النيلة

اكيد دى چودى اروح منها فين ياناس

ضحكت مها ملآ قلبها وقالت……..معلش ياحبيبى انا هروح اسكتها وانيمها