فراشة اعلى الفرقاطة بقلم منال محمد سالم ج ٧
ثم حملتها فـــرح بذراعها ، وتوجهت ناحية باب الغرفة وفتحته ، وأطلت برأسها أولاً لتتأكد من عدم وجود يزيد بالخـــارج ، فلم تلمحه ، فاستغربت سلمى من تصرفاتها و…
-سلمى متسائلة بفضول : في ايه فلح ؟ انتي اعملي كده ليه ؟
-فرح بنبرة أقرب للهمس : ششش ، انا بس بشوف في حرامي برا ولا لأ
-سلمى باستغراب : حلامي ( حرامي ) ؟ ليه ؟
-فرح وهي تتنحنح بخفوت : احم .. آآ.. يعني بنلعب وكده
ثم ســـارت على أطراف أصابعها وهي تحمل الصغيرة في اتجاه المطبخ ، وتنفست الصعداء لأنها لم تجده بالخـــارج ، ولكنها شهقت على الفور حينما رأته متواجداً بالمطبخ ، ومستمتعاً بطهي الطعام ، فابتسم هو لهما بسعادة ..
كان يزيد قد بدل ملابسه وارتدى ما أحضره له آدم ، حيث ارتدى تيشيرتاً من اللون الأبيض ، وبنطالاً قماشياً منزلياً من اللون الأزرق الداكن ..
عقد هو ساعديه أمام صدره ، و..
-يزيد بنبرة متحمسة : اخيراً خدتم افراج من الحبس الانفرادي
-فرح بنبرة مصدومة : انت بتعمل ايه هنا ؟
-يزيد بنبرة متمهلة : بعمل مكرونة نجرسكو
أنزلت فرح الصغيرة لتقف على قدميها ، فرقصت طرباً وصفقت بكلتا يديها في سعادة و..
-سلمى بنبرة متشوقة : الله ، أنا حبها
-يزيد بنبرة واثقة ، وهو يغمز لفرح : وأنا بحبكم أوي .. !
تنحنحت فــرح في حرج ، ثم جهمت ملامح وجهها ، و..
-فرح بنبرة جادة ، ونظرات ضيقة : لو خلصت ممكن تتفضل خليني أشوف هاطبخ ايه
-يزيد وهو يعقد حاجبيه في استغراب : وتطبخي أصلاً ليه ، ما أنا خلاص جهزت كل حاجة
-فرح بإقتضاب : متشكرين ، مش عاوزين حاجة منك
-سلمى بنبرة طفولية معترضة : بس أنا باني نانة ( بطني جعانة ) ، وحب ماككوونا ( أحب المكرونة )
مـالت فرح على الصغيرة ، وأسندت كف يدها على كتفها الضئيل و..
-فرح بنبرة خافتة : أنا هاعملك كل اللي بتحبيه على طول
عبست الصغيرة بوجهها ، ولوت فمها في حزن ، و..
-سلمى بنبرة طفولية : تــؤ .. أنا مس استنى ( أنا مش هاستنى ) ، احنا ناكل مع آمــو زيت ، وفلح ابخي تاني ( فرح اطبخي )
-يزيد مبتسماً في غرور : بالظبط يا لوما ، احنا ناكل الأول ، وبعدين فرح تطبخلنا تاني وتالت وعاشر ، هو احنا ورانا حاجة غير كده !
ثم هــز هو حاجبيه في انتصار ، فرمقته فرح بنظرات مغتاظة ، وتوجه إلى خـــارج الغرفة ليعد طاولة الطعام ، ولحقت به الصغيرة سلمى ، بينما ظلت فرح قابعة في مكانها وهي تزفر في ضيق و..
-فرح بنزق واضح : الظاهر إن أنا مش هاخلص منه بالساهل !!!
