فراشة اعلى الفرقاطة بقلم منال محمد سالم ج ٧
أجفلت عينيها لتنظر إلى نفسها ، ثم رفعت رأسها ورمقته بنظرات قوية قبل أن تصدح بـ …
-فرح بنبرة قوية وعالية وهي تشير بيدها : وإنت مالك ؟؟؟ انا حرة في لبسي ، اتفضل برا
رمقها هو بنظرات متحدية ، ثم قام بنزع ( تي شيرته ) الأبيض ليقف أمامها عــاري الصدر ، فشهقت على الفور ، ووضعت كلتا يديها على شفتيها وتراجعت خطوة للخلف ..
وقف هو أمامها يستعرض عضلاته ، فحدقته بنظرات خجلة ، ثم أشاحت بوجهها المتورد للناحية الأخرى و…
-فرح بنبرة متلعثمة : انت .. انت اتجننت ، ازاي تـ… تقلع كده قصادي
-يزيد بصوت آجش : عادي يا فروووح ، انتي مش غريبة ، وبعدين أنا محتاج أخد شاور ، مش معقول يعني هاستحمى بهدومي
-فرح بنبرة معترضة : اقلع هدومك في الحمام مش هنا
-يزيد مبتسماً بلؤم : جوا زي برا ، ماهو أنا كده كده هافضل من غير هدوم لأني معنديش حاجة ألبسها
-فرح بنبرة حادة : يبقى مافيش داعي إن تستحمى من أصله
-يزيد مازحاً : ليه بس ، ده حتى الجو حر ، والمياه منعشة للي زينا
-فرح وهي تتنحنح في خجل : احم .. من فضلك ، انا مش بحب التلميحات دي
-يزيد بنبرة هادئة ورخيمة : طيب شوفي حل للموضوع ده يا فرووح ، أنا عاوز أستحمى ، وماجبتش معايا هدوم ، وهافضل كده !!
-فرح وهي تزفر في ضيق : اووف ، ماشي ، طب وسع كده
اعتلى فمه ابتسامة واثقة ، ثم تنحى جانبا ، وأشار لها بيده لكي تمر ، وبالفعل ســارت هي في اتجاه خزانة الثياب وكادت تتعثر في طرف عباءة والدتها ، ولكنها أمسكت بطرفها ، ورفعتها قليلاً عن الأرضية لتكشف عن ساقها اليمنى ، فابتسم بخبث هو لرؤيته إياها ..
ثم قامت بفتح الدلفة الخاصة بملابس والدها الراحل ، وأرخت قبضة يدها عن عباءة والدتها لكي تتمكن من البحث بداخل الخزانة ، ثم أخرجت ( منامة ) رجالية قديمة من اللون الأزرق المخطط بالطول ، ومدت يدها بها في اتجاهه ، و..
-فرح بإقتضاب : خد البس دول مؤقتاً
-يزيد باستغراب : ايه دول ؟
-فرح بنبرة جادة : دول هدوم المرحوم بابا
تناول هو المنامة من يدها ، وظل يتفحص موديلها الذي ( إنقرض ) من وجهة نظره و..
-يزيد مازحاً ، وهو يغمز لها : ماشاء الله ، أبوكي كان بيلبس زي اسماعيل يس .. حاجة أخر شياكة ، مافيش بعد كده ..!!!!!
-فرح بضيق : انت هتهزر !!
-يزيد مبتسماً بسعادة وبنبرة أقرب للهمس : لأ طبعاً .. أي حاجة من ايدك حلوة ، حتى لو هلبس زي شوكو كوكو !
