فراشة اعلى الفرقاطة بقلم منال محمد سالم ج ٧
أسندت شيماء يدها على فخذ فرح ، وظلت تربت عليه عدة مرات و…
-شيماء بنبرة متلهفة : متقوليش كده يا فرح ، كلنا جمبك ومعاكي .. محدش هيسيبك أبداً
أجهشت فرح بالبكاء المرير ، وأطرقت رأسها للأسفل ، و..
-فرح بنبرة باكية : بس ماما سابتني لوحدي ، سابتني بعد كل اللي حصلي ، مين هايقدر يحبني زيها ، محدش هايعاملني زيها أبداً، أنا بقيت لوحدي
مطت شيماء شفتيها في إشفاق ، ثم وضعت ذراعها حول كتف فرح ، وضمتها إلى صدرها ، و..
-شيماء بخفوت : والله انتي ما لوحدك ، أحنا كلنا معاكي وآآ.. وبنحبك
ظلت شيماء تتحدث مع فرح محاولة التهوين عليها ومواساتها حتى تخرج من تلك الحالة الكئيبة التي تمر بها إلى أن هدأت هي تدريجياً ، ثم ساعدتها على النوم مجدداً في الفراش ، ودثرتها بالملاءة .. وما إن اطمأنت أنها غفت حتى دارت حول الفراش لتحمل صغيرتها على كتفها ، ثم دلفت إلى خـــارج الغرفة ..
………………………
رأى آدم زوجته وهي تحمل ابنته ، فنهض عن الأريكة وتوجه ناحيتها ، ثم حمـــل عنها الصغيرة و..
-آدم متسائلاً بهدوء : ايه الأخبار ؟
-شيماء بإيجاز : حالتها صعب
-آدم بنظرات ثابتة ، ونبرة جــادة : ربنا يعينه يزيد بقى عليها
-شيماء بنبرة راجية : ربنا يهديهاله
-آدم بنبرة عادية : بقولك ايه ، يزيد نزل تحت يجيب أكل ، أول ما يرجع احنا ناخد بعضنا ونخلع من هنا .. خليهم يتصافوا مع بعض
-شيماء بتوجس : بس أنا قلقانة من ردة فعل فرح ، هي الصراحة حالتها النفسية تعبانة أوي
-آدم مبتسماً بثقة : لأ متقلقيش .. يزيد ناوي يستخدم معاها اسلوب جديد خالص
عقدت هي حاجبيها في عدم فهم ، ثم رمقته بنظرات استغراب و..
-شيماء متسائلة بقلق : هو ناوي يعمل ايه ؟؟؟ اوعى يكون آآ..
-آدم مقاطعاً بثقة : لأ اطمني ، ده هايستعمل تكنيك رجل الحرب والسلام
-شيماء بتوجس ، ونظرات مرتبكة : استرها يا رب
ثم سمع كلاهما صوت فتح لباب المنزل ، فالتفتا برأسيهما في اتجاهه ، و..
-آدم مبتسماً بحماس : ده يزيد جه أهوو ، حلو أوي .. كده نقدر نخلع
-يزيد متسائلاً بدهشة ، ونظرات ضيقة : ايه يا جماعة ، انتو رايحين فين ؟؟
-شيماء بنبرة طبيعية : يدوب نلحق نروح البيت ، احنا طول اليوم بنلف
-يزيد بجدية : ده لسه بدري
-شيماء مبتسمة نصف ابتسامة : معلش عشان تاخد راحتك مع مراتك ، وأنا مش هوصيك عليها ، تخلي بالك منها يا سيادة المقدم
-آدم وهو يوميء برأسه مؤكداً : بالظبط ، خليك حنين معاها
-يزيد بنبرة هادئة : انتو هتوصوني على فراشتي ، دي أغلى ما عندي ، وربنا يعيني وأقدر أعوضها عن اللي فات
-شيماء بنبرة واثقة : إن شاء الله هاتقدر ، أنا مطمنة
