مريض الحب ايمي احمد ج1

مراد:Bonjour
(صباح الخير)

العامل:vous avion décollera à 10 heures du matin.
(طائرتك ستقلع في تمام العاشره)

مراد(بابتسامه):
Merci(شكرا)

اغلق مراد الباب واخذ هاتفه ..واجري بعض اتصالاته ،ثم جهز حقيبته وارتدي بدلته ووضع برفانه الخاص..وسلم مفتاح غرفته واستقل سيارته الي المطار..
وصل الي المطار..انهي جميع المعاملات وركب الطائره..وبعد عدة ساعات..كانت الطائره تهبط في مطار القاهره الدولي..كان في انتظاره صديق عمره وليد (صديق مراد..ويعمل معه في مستفي والده.. بالنسبه لمراد اكتر من اخ..هو في عمر مراد..شعره اسود وتقيل وعيونه بني فاتح..ذو ابتسامه جذابه..)

وليد كان يقف مستندا علي سيارته مرتديا نظارته السوداء ينظر الي ساعته..وفجاه وجد من يتحدث خلفه..

مراد:ممكن توصلني يا اوسطي..

وليد(ضحك واستدار ):يا اوسطي بقي في دكتور عالمي راجع من باريس يقول يا اوسطي..

حضن وليد مراد: وحشتني..حمدلله علي السلامه..

مراد: الله يسلمك..

وليد:مصر مضلمه من غيرك.

مراد:يابكاش..يلا يا دكتور بطل احضان الناس هتفهمنا غلط..ويلا نشوف ورانا عمليات..

وليد(خد شنطة مراد ووضعها في شنطة العربيه)
اتفضل يا دكتور..ربنا علي القوي…

ضحك مراد علي تصرفات وليد..ثم ذهب وركب بجواره..
وركب وليد..وانطلق ولكن ليس من طريق المشفي وانما اتخذ طريق اخر..اندهش مراد وسااله..

مراد:انت رايح فين..دا مش طريق المستشفي.

وليد:جت لي اوامر عليا اني اوصلك علي الفيلا.علشان ترتاح..

مراد:اوامر من مين؟

وليد: من ولدتك..ارتاح النهارده وانزل المستشفي بكره..

مراد:انا غايب عن المستشفي بقالي اسبوع..وعاوز اعرف الشغل ماشي فيها ازاي..

وليد:كل الشغل تمام..وكله تحت السيطره و حسب نظامك كانك موجود..ارتاح النهارده بس..

مراد(رجع راسه لوراه): مفيش دكتور بيرتاح يا وليد..

وليد:مالك يا مراد..حاسك مهموم؟

مراد:لا ابدا..تعبان من السفر بس مش اكتر..

وليد:انت عملت ايه صحيح في سفريتك؟..انا سامع ان طاقم الدكاتره الفرنسي..انبهروا بنجاح العملية الي عملتها..وقرروا يتعاملوا مع المستشفي بتاعتنا ويبعتوا الحالات الصعبه تتعالج عندنا..

مراد:خلينا نتكلم في الموضوع دا بعدين..لما نتقابل بكره..

وليد:ok

بعد ساعه تقريبا…اوقف وليد سيارته امام بوابة فيلا د.حمدي..وطلب من البواب ان يفتح البوابه..