مريض الحب ايمي احمد ج1
ميرا:طب ما ممكن يكون جاي يسال عنها عاوز منها حاجه مش لازم تكون حرميه يعني.
التقطت ميس حقيبتها وكتبها وهمت بالوقوف:وانا لسه هفكر هو جاي ليه.
اوقفتها ميرا:استني هنا رايحه فين؟
ابتسمت بلؤم قائلة:هروح اوري بنت الخدامه دي مقامها كويس…اصبري بس واتفرجي.
وما ان رحلت ميس حتي نظرة ميرا الي مرام سائلة اياها:ميس ناويه علي ايه؟
مرام:مش عارفه..بس لو الي في دماغي يبقي ميسون دي راحة في خبر كان.
ميرا:ايه الي في دماغك.
مرام:بلاش تعرفي..خليني نتفرج ونشوف ميس هتعمل ايه.
شعرت ميرا بالرايبة داخلها فالتقطت حقيبتها وكتبها و رحلت دون ان ترد علي نداءات مرام المتكرره عليها.
مرام باندهاش:البنات مالهم اتجننوا النهارده ولا ايه..بلا وانا مالي اما اطلب الكوكتيل بتاعي واشربه علي راحتي.
وفي مكان اخر في الكليه حاولت ميرنا الوصول لميسون ولكنها لم تفلح كانت تود الاطمئنان عليها واخبارها بذلك الظابط الذي سال عنها اليوم،واثناء انشغالها جلست بجوارها ميرا .
ميرا:ازيك يا ميرنا.
ما ان راتها ميرنا حتي نظرت لها باستحقار وهمت بالوقوف،فمسكتها ميرا راجية اياها:من فضلك يا ميرنا استني.
ردت عليها ميرنا غير ناظرة لها:عاوزه ايه.
ميرا بصوت مرتجف وقلب خائف:خالد اخباره ايه؟
ميرنا: بتسالي عنه ليه؟ مش خلاص كل الي بينكوا انتهي من زمان.
ميرا:انتي مش فهمه انا بعدت عنه علشان مصلحته.
ميرنا:مصلحته، مصلحته في انك تكسري قلبه تتخلي عنه في اصعب ايامه، انتي دمرتيه.لأ وكمان زعلتي لما خطب جيجي وجيتي بوظتي الخطوبه وهتلاقيكي جايه تشمتي دلوقتي في الندله دي الي سابته في تعبه وجريت علي غيره ما كلكوا شبه بعض.. انتي مش بتفكري غيري في مصلحتك وبس..عن اذنك.
مسكتها ميرا من ذراعها موقفة اياها:استني.
ميرنا:عاوزه ايه تاني؟
ميرا:ميس بتخطط لحاجه هتاذي فيها ميسون صحبتك وهتخلي الدكاتره يكرهوها..دا الي كنت جايه اقوله لك.
انهت ميرا كلامها ورحلت علي الفور هاربة من امامها لكي لا تري ميرنا دموعها..
صدمت ميرنا من ما اخبرته ميرا لها توا وظلت حائرة ماذا تفعل وكيف تنقذ الموقف فتذكرت ان معها رقم ذلك الظابط،اخرجت هاتفها واتصلت به ولكنها لم تتلقي ردا علي اتصالها،فقررت ان تذهب الي بيت ميسون.
،،،،، ،،،،،،،،،،
اما في كلية الصيدله
فجاه وجدت نادين من يمسك يدها جاذبا اياها اليه لتصطدم به متاوهة..
نادين:اااه
نظرت ندي الي ذلك الشخص صارخة باسمه في فرح:عمر
