مريض الحب ايمي احمد ج1

قبل ان يرحل مد اصبعه اسفل ذقنها واغلق لها فمها وابتسم ثم رحل وهو يضحك عليها..اما هي فظلت في مكانها تنظر عليه..حتي اختفي…فذهبت مسرعة الي صديقاتها..
ميس :لقيته…لقيته…لقيته..

ميرا:هو ايه دا الي لقتيه..

ميس(جلست بجوارهم و اكملت بهيام):لو شفتم عنيه حلوين قد ايه..

مرام: شكلها كدا قابلته هي كمان..

ميس: تقصدي ايه؟

ميرا: انا هقول لك..في واحد قمر كان في المدرج دلوقتي بيسال عن البنت دي الي اسمها ميسون.. وسال صاحبتها دي الي اسمها ميرنا عنها و مشي..ومن ساعة ما دخل والبنات كلها منهاره..

ميس(باستغراب):بيسال عن ميسون ليه؟..هو يعرف البنت دي منين..دا باين عليه انه من عيله..هيعرف اشكال زيها منين..

مرام:مش عارفه..انا ممكن اروح اعرف من ميرنا الحكايه..

ميس: خلاص روحي..بس كانك بتسالي عن ميسون..و بتطمني عليها واعرفي الحكايه..

مرام: ماشي..

قامت مرام وجلست بجوار ميرنا وظلت تتحدث معها..حتي عرفت منها بعض التفاصيل عن هذا الشاب..و..
~~~~~~~~~~~~~~~~~~~~~~~~~~

(في الحي الشعبي..في بيت الست فاطمه)

كانت الست فاطمه تؤدي اعمال البيت..فخرجت ميسون من غرفتها وطلبت منها ان تتركها تساعدها…
ميسون:خليني اساعدك يا ماما..

فاطمه:لا يا حبيبتي روحي كملي مذاكرتك..

ميسون:انا خلاص خلصت … خليني اساعدك شويه وبعدين هبقي ارجع اكمل..

فاطمه:انا عارفه دماغك نشفه،هتنفذي الي في دماغك..

ميسون:..تربينك يا ست الكل.

الست فاطمه:ماشي يا لمضه..نضفي بس الصاله…و انا هروح اكمل الغدا..

ميسون:حاضر..صحيح يا ماما هي ليلي خرجت راحت الشغل.؟

الست فاطمه: لا انا بعتها تجيب شويه حاجات للبيت.

ميسون:بس هي خرجت من بدري،اتاخرت اوي، انا بدأت اقلق عليها..

الست فاطمه( دلفت الي المطبخ مبتسمه): الغايب حجة معاه،هتلقيها لفت في السوق شويه،زمانها علي وصول.

وما ان انهت كلمتها حتي سمعت طرقا علي الباب..

الست فاطمه:اهي جت،افتحي لها يا ميسون.

ميسون:حاضر.

تركت ميسون ما في يدها وذهبت لتفتح الباب..و اظهرت علي وجهها علامات الامتعاض..وفتحت الباب قائلة:انتي وحشه خالص وانا مخاصماكي ومش هك…

لم تستطع ان تكمل كلامها فلم تكن ليلي..بل كان شخص ما ان رأته حتي شحب وجهه وتصلب الدم في عروقها..و تجمدت في مكانها.. حتي انها لم تجب علي والدتها عندما كانت تناديها..
~~~~~~~~~~~~~~~~~~~~~~~~~~
في مستشفي د.حمدي