مريض الحب ايمي احمد ج1

مرفت:مين يا سميه الي جه؟

……:دا انا يا مرفت هانم..

توقفوا عن تناول الطعام..ونظروا الي المتحدث..وعندما وقعت عيني مراد عليه..اظلمت عينيه وانزعج….و….

#البارت_الثالث(3)..
…………………………………………….
(في فيلا د.مراد حمدي…)..

عندما دق جرس الباب طلبت مرفت من سميه الخادمه ان تفتح الباب..

مرفت:مين يا سميه الي جه؟

……:دا انا يا مرفت هانم..

توقفوا عن تناول الطعام..ونظروا الي المتحدث..وعندما وقعت عيني مراد عليه..اظلمت عينيه وانزعج…
مرفت:اهلا اهلا يا ميار..حماتك بتحبك..

ميار(نظرت لمراد نظرة ذات مغزي):اكيد هتحبني..طالم انا بحب ابنها..

غضب مراد من تلمحاتها الواضحه…فهو يعرف نواياها جيدا…ويعلم ان برائتها تلك براءة زائفه..

مرفت:سميه..سميه..

سميه:ايوه يا هانم..

مرفت: من فضلك هاتي طبق وشوكه لميار علشان تاكل معانا..

ميار:لا..مره تانيه..علشان ماتاخرش علي المستشفي…انا جت بس اطمن علي مراد..وارجع تاني..

مراد:انا كويس شكرا..بس كان ممكن تتصلي بدل ما تتعبي نفسك وتسيبي شغلك ومديرك..يبهدلك..علي غيابك…

ارتبكت ميار من نبرة صوته التي تغيرت فجأه ومن نظرته الشرسه لها..وكلمته الاخيره..وقررت ان تهرب من امامه قبل ان يقوم باحراجها..وطردها امام الجميع..

ميار:حمد لله علي سلامتك يا دكتور مراد..معلش استاذن انا بقي..علشان العيانين الي في المستشفي..

مرفت:طب ما تخليكي شويه..كلي معانا..دا انا الي طبخه بايدي..

ميار: معلش ان شاء الله مره تانيه..باي..

بعدما رحلت..سخرت منها نادين..اما مراد فاجري اتصالا..واخبر وليد بما حدث و امره ان يوبخها..ويخصم من راتبها لتركها العمل..دون اذن..ثم عاد ليكمل غداءه.
نظرت له مرفت بضيق علي تصرفه..وبدات في معاتبته..

مرفت:انت ازاي يا دكتور يا محترم تتكلم مع البنت كدا..دا جزاتها انها جايه تطمن عليك..

مراد:امي لو سمحتي انا عارفها كويس وعارف نواياها..

مرفت:وايه بقي نوايا البنت حضرتك؟

مراد:عوزاني اقع في حبها واتجوزها.

مرفت:وماله ما تتجوزها…دي البنت نسب و حسب ودكتوره كمان..

مراد(بدا ينزعج..ارتفع صوته):مش كل مره هنفتح فيها الموضوع دا…انا لا عاوز احب ولا عاوز اتجوز..

مرفت:وهتفضل كدا لحد امتي؟..عاوزني اموت قبل ما اشوف ولادك..