مريض الحب ايمي احمد ج1

مراد(انتفض من مكانه ووقف امامها وركع علي ركبتيه وقبل يدها):بعد الشر عنك يا ست الكل..ربنا يخليك ليا..

مرفت(مسحت بيدها علي شعره واحتضنته):ويخليك ليا يا حبيبي..بس انا نفسي افرح بيك واشوفك عريس..

مراد:خلينا نأجل كلام في الموضوع دا لبعدين..انا هطلع ارتاح في اوضتي..لان تعبان من السفر..

مرفت(علمت انه يريد الهروب من الحديث):ماشي يا مراد اتفضل..

صعد مراد الي غرفته والقي بجسده علي السرير واغمض عينيه..ليتذكر ما حدث له عندما سلم قلبه ليقع في الحب…الحدث الذي جمد قلبه ومشاعره..
……..
فلاش باك..
كان مراد في بداية حياته المهنيه.. يتدرب في مستشفي والده مع مجموعة دكاتره اخرين..كان من ضمنهم ليلي..التي وقع في حبها من النظرة الاولي….وما هي الا فترة قصيره..وتمت خطبتهم..وفي يوم كان فيه منشغل في المشفي..وصله اتصال من فتاه لا يعرفها تخبره ان خطيبته تخونه مع صديق عمره..د.خالد..في منزله..
عندما سمع ذلك الكلام..لم يتمالك اعصابه وخرج من المشفي وركب سيارته وانطلق الي بيت صديقه علي امل ان يكون ذلك الكلام كذبا..ظل يتصل بليلي وخالد ولكن كانت هواتفهم مغلقه.وعندما وصل الي العماره التي يسكن فيها صديقه..ركن سيارته بعيدا عن المدخل..وظل فيها..يرفض تصديق ما قيل له..ظل يفكر في حبيبته..بانها تعشقه مثلما يذوب هو عشقا فيها..محال لتلك الملاك ان تخون..
قرر الا يظل في حيرته ومسك هاتفه واتصل بها فوجدها ترد عليه..
ليلي:حبيبي..

مراد:حبيبتي قفله فونك ليه ؟ كدا تقلقيني عليكي..؟

ليلي:معلش يا روحي..كنت مع نهي في المول..وفصل شحن ولما وصلت البيت دلوقتي..شحنته وكلمتك..

مراد:انتي في البيت؟

ليلي:ايوه..

مراد:تعرفي انتي وحشتي قلبي اوي..

ليلي:وانت كمان وحشتيني..

مراد:اعملي حسابك مش هتاخدي اجازه تاني..خلي الاجازاتي دي بعد جوازنا.

ليلي:خلاص بقي يا مراد..بطل تكسفني..

مراد:اكسفك ايه بس دا انا…..

ليلي: حبيبي معلش مضطره اقفل..اصل ماما بتنادي عليا..

مراد:ماشي يا قلبي..باي

ليلي:باي يا روحي..

تنهد مراد براحة..وابتسم..لانه اطمئن بان ذلك الكلام كذب..وادار مفتاح سيارته..ونظر في المراه علي الطريق خلفه ..ليتاكد من انه خالي..فانقبض قلبه..واخطفت انفاسه..وصدم عندم رأي ليلي تدخل العماره التي يسكن فيها خالد صديقه…نزل من سيارته..واقترر قليلا ليتاكد من انها هي..وعندما وجدها تصعد..صعد خلفها دون ان تشعر به..وعندما وصلت الي الطابق الذي توجد فيه شقة خالد..دقت الجرس ليفتح لها خالد ويحتضنها ويقبلها..