صغيرة الأدهم بقلم نوران احمد ج٢

الحلقة 11
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي

شهقت ميرا بفزع وص..دمه اول ما صحيت من النوم
وشافت ادهم جنبها علي السرير وبيبصلها

جت تقوم بسرعه كانت هتقع لحقها ادهم بسرعه وقربها ليه لتحمر وجنتاها وعيونها بترمش بسرعه وقالت : ا ا انت اي اللي جابك هنا

ادهم : دي اوضتي

اتكسفت ميرا وابعدته عنها ووقفت وقالت : ااا اه انا اسفه

واسرعت في خطواتها عشان تخرج بره بسرعه
لحقها ادهم ومسك ايديها وقربها ليه وقال : انتي جيتي بمزاجك هتطلعي بقا بمزاجي انا

اتوترت ميرا جدا وقالت : ااي ابعد كدا

حاولت تبعده وتفك ايديها لاكن مقدرتش

لتسمع صوت اسر علي الباب : يا ادهم اتاخرت النهار ده يلا بسرعه

لتضع يدها علي فمها

ادهم : اي اللي دخلك اوضتي وانتي عارفه اني مبحبش حد يدخلها

ميرا : يعني أنا غلطانه اني حاسيت انك تعبان وفضلت سهرانه طول الليل علشان تنزل حرارتك

ابتسم ادهم لتسرح ميرا في ابتسامته وتبتسم اول مره تشوفها ودق قلبها بطريقه غريبه لتدرك اللي هي بتعمل علي صوته
ادهم : كنتي قلقانه عليا

اتكسفت ميرا ومعرفتش ترد تقول اي فضلت تبص حواليها كتير وركزت نظرها علي البلكونه وملامح وشها انقلبت للصدمه وقالت : اسر

ليلتفت ادهم بسرعه للبلكونه لانه عارف اسر مبيلتزمش بقوانين ومبيخفش من حد وعمره ما خبط علي باب حد دايما بيدخل علي طول من الشباك أو البلكونه

لتبعده ميرا بسرعه وتخرج وتذهب سريعا لغرفتها وتضع يدها علي قلبها

ابتسم ادهم علي كذبه صغيرته
وبدأ يجهز للنزول لتحت

نزلت ميرا واستغربت وجود نور في المطبخ وبعد ما السفره خلصت راحت نور وفي ايديها طبق لأسر وحطته قدامه

نور : عرفت انك بتحب المسقعه ف عملتهالك وابتسمت

استغرب اسر جدا التصرف من : وده من أمتي الحنيه دي ما هو الحدايه مبترميش كتكيت

نور متصنعه الحزن : انا قولت اشوف بتحب اي اعملهولك ك شكر لإنقاذك ليا

ابتسم أسر وقال : تسلم ايدك اكيد هيبقا احلي حاجه علي السفره النهار ده

ميرا : فين شهد

نور : ملهاش نفس يا ستي

اول ما جه ادهم توترت ميرا وتجنبت تبصله خالص

بعد سماع مازن كلام نور اتضايق وطلع علي شغله
ادهم : عندكم امتحان بعد بكره خلي بالكم من دراستكم شويه

وبعد انتهاء الطعام طلع كل واحد علي شغله وراح اسر يخرج مع الشباب اللي اتعرف عليهم في الجامعه

*************

عند حور
انا ليه مزعقتلوش وقولتله وانت مالك اصلا هو اصلا ملوش حق يزعقلي كدا وليه بفكر فيه اصلا

ردت علي الفون
حور بعصبيه : ايوه نعم

نور بصوت عالي : هو في اي مش مظبوطين ليه يا حيلتها انتي وهي خليكي معايا عشان يومكم اسود النهارده وفتحت الاسبيكر

ميرا : مالك بقا يا شهد حبستك دي وملكيش نفس مش طبيعيه في اي

نور : احكي لسه في بلوه غيرك

شهد بدموع : حكت ليهم اللي حصل لأنها بتحس انها فعلا مع اهلها واخواتها واول مره تحس بالراحه مع حد غير امها وكملت

كل بنت بتحلم باليوم اللي ييجي فيه حد بيحبها بجد وتلبس فستان وتفرح وتفرح أهلها بس انا اهلي ضاعو مني وسابوني ومشيو وحتي الامل في الحب ضاع لانه اتجوزني بس عشان ينقذ موقف احساسي دلوقتي بيقولي اهربي من كل ده وابعدي

ميرا : مش يمكن كل ده خير من عند ربنا بصي للأمور بشكل مختلف هتلاقيه عوض ربنا ليكي
باباكي لو مكنش بيثق في مازن مكنش من البدايه
قاله بنتي معاك ومتسيبهاش

حور : ايوه كدا صح هو كدا بينفذ وصيه باباكي كمان مينفعش تعيشي معاه وتفضلي معاه وانتي مفيش اي صله قرابه بينكم

شهد : شوفتو بقا يعني اتجوزني علشان بس وصيه بابا ليه او ممكن علشان ينقذ موقف حصل بسببي مش بيحبني

نور : انتي بتحبيه صح

شهد بتوتر بصت الأرض وسكتت

ميرا : تفتكري مازن أو ادهم مكنش ممكن حد فيهم يلاقي حل تاني غير ده كان ممكن جدا اصلا بقا اسر كان ممكن يخلص الحوار ده من بره بره ومكنش حد عرف حاجه بس هو اختار الحجه دي عشان يرتبط بيكي

شهد وهي بتمسح دموعها : بجد يعني ممكن يكون معجب بيا

حور : اكيد اصلا ميرا تعرف اخواتها اكتر من اي حد هتلاقيه مكسوف بس يعترف

نور : ادي نفسك فرصه تقربي منه بس كاصدقاء مش تتلككي اول ما ييجي عشان تهربي

شهد : هحاول اكون صديقه بس لو محستش بالحب أو معترفش مش هاجي علي كرامتي وهمشي

نور : تصدقي انك بت نكد يلا يا حو حو دورك

حور : عايزه اي

ميرا : احكي مالك

حور : بصراحه كدا بقا اخوكي اللي اسمه فارس ده مش محترم وبارد جدا وقليل الذوق

شهد : لا علي فكره ده نسمه ومحترم جدا

خبطتها ميرا وقالت: انتي متعرفيش حاجه اصبري

نور بفضول : ها عمل اي

حكت حور الي حصل وقالت : هو ماله اصلا

بصو البنات لبعض وضحكو

حور : اي يا عيال في اي

نور : شكل كدا في حد هيحب قريب

حور : مين احكولي

ميرا : ظلمك اللي دخلك هندسه بمعدل ذكائك ده

نور : شكل الواد وقع فيكي يا شبح الحته انت يا قمر

ميرا حطت ايديها علي خدها وقالت : وشكل حد كمان كدا وقع

بصت شهد لنور وقالت : بتهزري نور ازاي

ميرا : وهي يتقلد نور عرفت انك بتحب المسقعه ف عملتهالك

ضحكت حور وقالت : لا بجد الشبح بتاعنا عمل كدا

نور : مفيش الكلام ده كل الحوار اني كنت بشوف بيحب اي عشان محدش غيره ياكل منه عشان حاطه ملين فيه

شهد : يخربيتك يا مفتريه ليه

نور : عشان يبقا يزحلقني ويوقع عليا الدقيق تاني

حور : طبعا مفيش خير بييجي منك اصلا لازم اقفل دلوقتي سلام

ميرا : اسر هيعرف وانتقامه بيكون صعب خلي بالك بقا

نور : ولا يقدر يعمل حاجه

ميرا : يلا بس نلحق نذاكر الامتحانات واكيد شوشو حبيبتي هتساعدنا

شهد : يلا يا حبيبتي انتي وهي من غير مطرود

*************

كان اسر مع الشاب اللي مكلف بحمايته وبقوا أصحاب

يوسف : تعرف يا اسر انا بحب بنت بس مبتبصليش حتي حاولت الفت نظرها بكل الطرق مش عارف

افتكر اسر نور وابتسم : هي مين دي

يوسف : بنت اسمها ملك

اسر : طبيعي جدا متبصلكش

يوسف : ليه بس

اسر : لانك انسان فاشل ومستهتر وصايع والبنت دي جد و متدينه وعايزه راجل بجد معاها

يوسف : انا ممكن اتغير علشانها

اسر : انت لما تفكر تتغير اتغير لنفسك مش عشان حد وقرب من ربنا قولي امتي صليت وكنت راضي عن نفسك

يوسف : بصراحه ولا مره

اسر : يبقا ربنا مش راضي عنك يا صاحبي اعمل الصح اللي يخليك راضي عن نفسك ولو حصل ده اعرف أن ربنا راضي عنك ووقتها بس هعرفك تعمل اي

يوسف : بجد انت اخ مش مجرد صديق وانا هعمل كل اللي انت قولته ده

بدأ يظهر علي اسر اعراض التعب بس اتحمل وقال :
انت جواك شخص كويس مش وحش زي ما بتظهر للناس ومسك معدته

يوسف : مالك يا اسر

اسر : الحمام فين

وصفله يوسف وجري اسر علي الحمام واول ما طلع قال : انا لازم امشي حالا
يوسف : مالك بس يا ابني
اسر : بعدين بعدين سلام

وصل أسر البيت وصل ساعتين في الحمام

كله بسببك يا نور الزفت والله لاوريكي

حدي اليوم من غير أي أحداث وتاني يوم كانو البنات بيذاكرو مع بعض ومبيخرجوش خالص
وادهم سافر علشان يخلص صفقه مهمه
وفارس راح يعمل اعلان عن سكرتيره مصممه وتكون بشهادات معينه في تفوقها في شغلها
اما اسر راح الجامعه

****************
قعد اسر علي كرسي قدام ملك وقال : ازيك يا ملك
قامت عشان تمشي
سند ظهره علي الكرسي
وقال : انا عارف انك معجبه بيوسف
بصت ملك بتوتر حاولت تطلعه بشكل ضيق : وانت عرفت منين بقا
اسر : المكان ده كل يوم حد ف الاسبوع بتيجي تقعدي فيه وتمسكي الكتاب لاكن انتباهك بيكون في حته تانيه
قعدت ملك : انت عايز اي
اسر : اساعدك
ملك : والمقابل
أسر بابتسامه : عايز يوسف يبعد عن الطريق اللي ماشي فيه هدفنا واحد
ملك : مع اني مش مقتنعه أن في حد طيب كدا بس همشي معاك أما نشوف هنوصل لفين
ابتسم أسر وقام : هبقا اتواصل معاكي سلام

****************
طارق : الواد اللي اسمه اسر ده بقا خطر عليا كل البنات بتحبه حتي الواد يوسف اللي كنت بخرجه معانا يصرف علينا مبقاش يخرج وبقا معاه دايما
اصبر عليا يا اسر انا لازم اخرجك من هنا

****************
وبالليل
دخل مازن غرفته
وسمع خبط علي الباب سمح بالدخول

مازن : ازيك يا شهد

شهد : الحمدلله

مازن : محتاجه حاجه

شهد : اه انا عايزه اشتغل

مازن بضيق : ليه اللي انتي عايزاه اطلبي وانا عجيبه

شهد : انا هكون مبسوطه لما اشتغل

مازن : تمام وانا مش موافق

شهد : بس انا عايزه اشتغل بجد سيبني اجرب

مازن حاول يتحكم في عصبيته : شهد انا قولت لا الموضوع خلص وانتهي مش عايز اي نقاش فيه مفهوم

شهد بتوتر : علي فكره انا دلوقتي بستأذنك كان ممكن معملش كدا

مازن بعصبيه و صوت عالي وحاد : اقسم بالله يا شهد لو عتبتي باب القصر ده من غير استاذان لكسرلك رجلك انتي فاهمه

هزت شهد راسها بخوف وعيونها دمعت وحطت ايديها علي عينيها وقالت : ا انا عايزه اروح لماما

وخرجت من الاوضه

اغمض مازن عينه ومسح علي شعره بغضب شديد

**************

نور ااااااااه اخيرا هنام الواحد طلع عينه مذاكره اي ده
دخلت غرفتها وكانت خلاص هتروح في النوم حست بحاجه غريبه وصوت غريب اتفاجات بافعي كبيره في الاوضه بتاعتها صرخت بصوت عالي
دخل اسر بسرعه : اي في اي
شاورت نور بخوف علي الافعي
مسك اسر الافعي من رأسها وقال : هي دي اللي مخوفاكي كدا

نور : ب بالله عليك أبعدها عني اللهي تنستر يا شيخ أبعده

قرب اسر منها وقرب الافعي ليها اكتر وقال : دي لطيفه خالص كدا تخوفيها منك بصريخك ده

نور : والله يا اسر لاصوت والم عليك اخواتك كلهم وهقول لادهم

اسر : مازن خرج وهيبات في المستشفى وفارس لسه في الشركه بيخلص حاجات وادهم مسافر وميرا نومها تقيل وأدام شهد مجتش لحد دلوقتي على صريخك يبقا هي زي ميرا وقرب الافعي اكتر منها

نور : ييي اسر متهزرش بجد دي مفيهاش هزار

اسر : والملين اللي اتحط في الاكل ده مكنش هزار وانا رايح شغل واتبهدلت

نور بخوف : طب انت خدت حقك اهو أبعده بقا

اسر : لا اعتذري الاول

نور : ا انا اسفه

أبعده اسر عنها وخرج وقفل الباب لتأخذ نفسها براحه وتتوعد له

***************

في صباح يوم جديد

دخل مازن علي شهد وشاف دموعها وشعرها الجميل كانت زي الملاك وهي نايمه صحاها بهدوء

اتخضت لما شافته وحاولت تجيب الطرحه بتوتر وخوف

حضنها مازن وقال : يا بنتي انتي بنتي ومراتي بتعملي اي جهزي نفسك عشان هنفطر و ورانا شغل كتير نخلصه

بعد شهد عنه وخدوها حمره وقالت : انا اصلا مبكلمش ومش هروح معاك

مازن : براحتك كنت ناوي افسحك وعاملك مفاجاه

شهد بفرحه : بجد مفاجاه اي

مازن : اجهزي بسرعه عشان تعرفي

وعند سفره الطعام

فارس : عندي محاضره واحده بس النهار ده ممكن ابقا اجي اخدكم

ميرا : خلاص تمام

كان اسر بيبص علي نور اللي كان باين عليها الضيق وكانت بتتجاهله
ف قالت نور : يلا يا ميرا اتاخرنا

اسر : انتم في طريقي هوصلكم

نور : لا شكرا حور هتيجي تاخدنا

****************
كان اسر لسه داخل الجامعه
واتفاجا بحد بيمسكه من ياقه قميصه لاكن متهزش وفضلت أيده في جيبه وبيبصله ببرود
اتجمع شباب الجامعه حواليهم

طارق : انا مش هسيبك يا زباله من ساعه ما جيت وانت واخد كل حاجه حتي حبيبتي بتحبك

اسر : والله مش ذنبي ان هي مش شايفاك راجل كفايه عشان كدا بصت لواحد تاني

ضربه طارق لتنزف شفاه اسر ولاكنه مهتمش وجه يوسف وابعد طارق عن اسر

****************
خلصو البنات الامتحان وطلعو يطلبون اكل ويستنو حور تخلص محاضرتها وتيجي
ميرا : الحمدلله الامتحان حلو

نور : يعني هو مش وحش ما تقومي تطلبي لينا مش كل مره انا

ميرا : طيب يا اختي هروح

جه حازم لنور وقال ازيك يا انسه نور
بصتله نور وقالت : في حاجه
حازم لا ابدا انا بس جيت اقولك أن حبيبك بيضرب

نور بتفكير حبيبي اسر صح اترعبت نور وجريت لحد المكان
وشافت الشباب بتحوش بين طارق وأسر جريت نور بخوف علي اسر : اسر انت كويس حصلك حاجه ومسكت وشه بايديها
استغرب اسر تصرفها وخوفها ووجودها اصلا بعصبيه : انتي اي اللي جابك هنا
نور بتوتر : ااا انا انا كنت
قاطع كلامها طارق بابتسامه صغره وخبث : ليك حق حد يشوف مزه بالجمال ده ويبص لغيرها

اتعصب اسر جدا لدرجه برزت عروق يده وكان هيضربه لولا يوسف والشباب بعدوه ونور مسكت أيده بخوف وقالت : عشان خاطري يا اسر اهدي
لاحظ اسر رعشه ايد نور وحس بخوفها في عيونها مسك ايديها ومشي بيها بعصبيه

***************
طلعت ميرا وهي جايبه الاكل وبتدور علي نور ملقتهاش استغربت وطلعت بره المكان خالص وراحت قدام مبني الكليه تشوفها وتتصل بس مفيش رد قلقت عليها اتفاجات بشاب بيقرب حاولت تبعد بس وقف قدامها وقال : اي يا قمر وأقف لوحدك ليه مستنيه مين
بعدت ميرا بخوف اتفاجات باللي مسك ايديها لا إراديا ضربته بالقلم
اتعصب الشباب وضربها بالقلم بقوه وقعتها علي الارض وقال : والله لاربيكي يا زباله انتي مش عارفه انا ابن مين أما فصلتك من مبقاش انا
دخلت لعميد الكليه وقفها وقعده هو الشاب : البت دي اتبلت عليا علشان مدتش ليها ريق حلو ومكفهاش لا وضربتني كمان
العميد بعصبيه وصوت عالي : انتي ازاي تتجرئي يا حثاله انتي تمدي ايدك عليه شكل اهلك معرفوش يربوكي وانا بقا اللي هربيكي
كانت ميرا دموعها بتنزل وبتترعش من الخوف وبتحاول متعيطش
وفضلت تفكر كتير تتصل بمين اسر اللي قريب منها دلوقتي مجرد طالب عادي ومازن في العمليات وادهم هيبهدل الدنيا لو جه وفارس عصبي بس ارحم من ادهم حاولت تتصل بيه لاكن مفيش رد

*************
كان تليفون حور كل شويه يرن ف قلقت وردت علي المكالمه
كان فارس بيشرح وشاف حور واتعصب
فارس : الانسه اللي بتتكلم في التليفون ما تسمعينا معاكي انتي بتتكلمي في اي

حور : انا اسفه جدا يا دكتور بس ده موضوع ضروري مقدرتش مردش

فارس : يعني عارفه أن الكلام ممنوع في المحاضره ومع ذالك رديتي طيب يا تفتحي تسمعينا كلنا اي المكالمه المهمه دي يا انتي محرومه من درجات اعمال السنه اي رايك اختاري

كانت حور متوتره وفتحت الاسبيكر

ميرا : بدموع ح حور ا انتي فين س ساعديني ا انا م مش ع عارفه ا اتصرف
دب الرعب في قلب فارس من طريقه كلام أخته خد الفون بسرعه وووو
كدا تكون خلصت حلقتنا استنونا في بارت جديد مع السلامه

الحلقة 12
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك

يلا نبدا اول حلقتنا بالصلاه على النبي

🔴🔴🔴🔴🔴🔴🔴🔴🔴🔴🔵

ميرا : بدموع ح حور ا انتي فين س ساعديني ا انا م مش ع عارفه ا اتصرف
دب الرعب في قلب فارس من طريقه كلام أخته خد الفون بسرعه وقال : في اي يا حبيبتي اهدي اول ما سمعت صوته مقدرتش تمسك نفسها وعيتط بصوت سمع فارس صوت حد بيزعق وبيشتم
فارس : مين الحيوان اللي بيتكلم بالطريقه دي
ميرا : ده ال عميد
فارس : انا جايلك حالا

خرج فارس بسرعه وركب سيارته واتفاجا بحور بتركب جنبه
بصلها بضيق ومشي بسرعه

***************

نور : ايدي يا اسر ابعد بقا كفايه فرجت الجامعه عليا وانت بتجرني بالشكل ده

اسر بعصبية : انتي اي اللي جابك هنا

نور اتصدمت لأنها اول مره تشوفه بالعصبيه دي قالت بغضب : انا غلطانه اني قلقت علي واحد زيك
وسابته ومشيت لاكن وقفها صوته

اسر بتفكير : عرفتي منين

لفت نور وشها ليه وبدأت تحكي اللي حصل

سرح اسر شويه وقال بحاده : لو شوفتك أو مجرد عرفت انك وقفتي مع حد أو اتكلمتي مع اي شاب انتي حره واتحملي بقا اللي هيحصلك

سرحت نور شويه وظهرت في عيونها لمعه حزن وقالت : هتضربني

استغرب اسر من ردها والحزن اللي ظهر عليها وقال : اكيد لا

قالت بضيق وعصبيه طفوليه : اصلا متقدرش وانا اعمل اللي انا عايزاه يا بابا فسح بقا كدا شويه انت سادد الطريق

مسكها اسر من قفاها وقال : وربنا لعلقك انا هوديكي الجامعه فتره الامتحانات وانا اللي هجيبك لو عرفت انك وقفتي مع حد هعلقك ومحدش هيمنعني

نور : ابعد كدا يا جدع وسيب الشكت

اسر بنظره قرف : شكت امشي امشي قدمي

اسر في سره فيكي حاجه غريبه يا نور شكل حياتك مكنتش سهله ولازم اعرف

*****************

كانت ميرا قلقانه علي فارس لانه عصبي وممكن لو عمل حاجه شغله يتأثر حاولت تخفي مكان الضربه بالطرحه ومسحت دموعها

دخل فارس ووراه حور علي طول حضنت ميرا وقالت انتي بخير هزت ميرا رأسها وعيونها علي فارس بتطمنه
قعد فارس علي الكرسي اللي قدام العميد وحاول يتحكم في أعصابه

العميد : انت مين وازاي تدخل تقعد و قدامي من غير استاذان

فارس متصنع البرود : فارس دكتور في كلية هندسه هنا وأخو الطالبه اللي قدامك اي المشكله

العميد : انا رايي تسمع من الاستاذ نفسه اي المشكله

الشاب : الاستاذه ماشيه تغوي الشباب وعشان مدتش ليها ريق وفكتني منها ضربتني بالقلم وجايه تتبلي عليا

حاول فارس يمسك أعصابه وضغط علي أيده جامد وقال : وحضرتك ليه مسمعتش منها

العميد : كلامها مش مقنع

الشاب : هو انت متعرفش انا ابن مين وممكن اعمل اي

ضحك فارس بشده وقال بابتسامه : يعني هي كدا بقا يعني مش عشان كلامها مش مقنع بصراحه احب اتعرف انت ابن مين

الشاب بضيق : ابن ……… ابن اكبر رجل اعمال وليه نفوذ وسلطه

فارس بتفكير : اه عرفته ده اللي عنده كذا شركه من رأس مال ادهم اكبر رجل اعمال في الشرق الأوسط وأسهم في شركه ادهم بيه بردو صح الكلام

الشاب بابتسامه وحط رجل علي رجل وقال بغرور : مظبوط

رن هاتف العميد وكان بيتكلم بتوتر واضح : الو ايوه يا فندم حاضر اعتبره حصل

ابتسم فارس
ليغلق العميد الخط ويقول : انا بعتذر جدا يا انسه ميرا وبعتذر لحضرتك يا استاذ فارس انا مكنتش فاهم أن الموضوع كدا
اما انت ف انت متحول لمجلس تأديب واحتمال كبير تتفصل من الجامعه

اتصدم الشاب وبدأ يعلي صوته ويزعق

صوت والده وقفه : اخرس يا كلب وضرب ابنه ضربه قويه وبص لفارس انا اسف جدا يا فندم ده انسان مستهتر وغبي مبيفهمش اتمني حضرتك تسامحني انت والانسه بعتذر مره تانيه

فارس : انت عارف اكيد هتتعامل مع مين ومش انا اللي هقرر عن اذنك وخد البنات وخرج

****************
مازن قدام المستشفي : كنتي عايزه تشوفي مامتك مش كدا

فرحت شهد أنه فاكر طلبها وابتسمت وهزت رأسها
وبعد ما قعدت مع مامتها خدتها مازن للبحر واتمشو شويه عليه وجاب ليها كل الحلويات اللي بتحبها وتغدو بره كانت سعيده جدا باليوم ده وباهتمامه بيها وهو بيحاول يعرفها اكتر علي نفسه ويصالحها بسبب اخر مره واتفق معاها اي حاجه تحصل يحكو لبعض علي طول منزعلش ونقفل علي نفسنا ها ولا مليش نفس وتجاهل الجو ده كله يتغير

وافقت شهد علي كلامه وكان اليوم ده احلي يوم في حياتها

****************

وصل فارس حور
ووصل للقصر
ميرا : هو اي الي حصل وليه عملو كدا

فارس : عشان عرفو انك قريبه الوحش اللي جوه ده وان الدنيا ممكن تتقلب عليهم بمكالمة واحده متشغليش بالك ويلا علي اوضتك

شافت ميرا نور و حكو لبعض يومهم كان ازاي وحصل اي
دخلت ميرا غرفتها وفتحت مذكراتها وكتبت

تجربه صعبه أو غريبه عن الحياه دي بس الجميل أن ربنا لسه بيعلمك وبتقع وبيشيلك بتعيط فبيضحك قلبك بتقلق بيخليك تحس براحه بترضي فبتبدا تفهم معني الحياه الحقيقي بتفقد ناس فبتشوف خير الله في اليوم التاني ولما يفاجئك الموت فيعلمك ربنا أن مفيش باقي الا وجهه
بتحس أن الحياة بتوقف في محطه فيبعت ربنا حاجات جميله علشان تبدأ تحاول تجري مع الحياه من جديد مهما حصل لسه هنشوف ومهما حصل اوعي تستسلم

دخلت نور عليها فقفلت الكتاب

نور : بقولك في ندوات في الكليه تيجي نجرب

ميرا : انتي عارفه اني بتكسف ومش بعرف اتعامل أو اتكلم ولا اقف قدام الناس واحكي والكلام ده

نور : متقلقيش مش هيحصل ده وبعدين احنا عايزينك اصلا تغيري تصرفاتك دي ويلا عشان العشاء

بدأت البنات يروحو مع بعض ندوات ومؤتمرات وتخلص يبدؤون في غيرها وحست ميرا بأنها بتتغير وقدرت تتكلم وتتعامل وتفهم الناس وكانت سعيده جدا بالخطوه اللي خدتها دي وخلصت الامتحانات وبدأت الاجازه كانت نور وأسر علي طول في خناق ومقالب وحور و فارس مفيش تعامل بينهم الا قليل
ومازن وشهد علاقتهم اتطورت وبقا احسن كتير من الاول اما ادهم وميرا مفيش اي تطور معاهم غير أنه قرر يترك ليها حريتها في اتخاذ القرارات الخاصه بيها

ودعت نور ميرا والبنات لأنها لازم تسافر عند عمها ومشيت

****************

عند حور

حور : بابا انا عايزه اشتغل في مجال خاص بالدراسه بتاعتي هيفيدني جدا في دراستي

بابا حور : مفيش مشكله يا حبيبتي اعملي اللي انتي عايزاه قدمي ورقك في اي شركه انتي عايزاها وشوفي

حور : أن شاء الله هلاقي شركه كويسه

بابا حور : جهزي نفسك بقا عشان هنروح عند عمتك

حور : بابا مينفعش عشان خاطري تعفيني من المشوار ده انا مش عايزه اروح

بابا حور : حور انا مش هتكلم كتير في الموضوع ده
وبعدين دي اختي الوحيده لازم نروح نشوفها كل فتره ومينفعش لاي سبب اسيبك لوحدك في البيت

حور : حاضر يا بابا اللي تشوفه عن اذنك

*****************

وصلت نور لبيت عمها وبتدعي ربنا يسترها معاها فتحت مرات عمها الباب واول ما شافتها قالت بضيق : الحق يا حج المحروسه بنت اخوك شرفت بعد ما هربت وخلت وشك في الأرض

عم نور : اهلا اتفضلي يا اختي

نور بتوتر : عمو حضرتك انا اتفقت معاك لما جيت البيت اني هجيلك برجلي ومش ههرب تاني بعد ما اخلص امتحانات وحضرتك وعدتني مش هتأذيني

عم نور : لو مشيتي تحت طوعي مش هأذيكي إنما لو نشفتي دماغك زي كل مره استحملي اللي يجرالك يا يا بنت اخويا

****************

كان اسر حاسس بالضيق وبيقول في نفسه والله البت نور مع انها عيله بارده بس كانت بتعمل حس للبيت الظلمه ده وبتنوره

بدأ اسر يتسحب ونط لبلكونه فارس لقاه مشغل اغنيه قديمه وسرحان ضحك علي شكله وغني من الاغنيه
اسر : والعاشقين داااابو ما تااابوووو طول عمري بقول لا انا قد الشوق وليالي الشوق ولا قلبي قد عذابه

فارس : بس بس اخرس يلا انت مش هتبطل العاده السوده بتاعتك دي في حاجه اسمها الباب

اسر : اه ما انا سمعت عن الاختراع ده بس عارف محدش في البيت بيطيقني وخصوصا انت مبترضاش تفتح الباب علشان موجعش دماغك بقا بدخل من البلكونه

فارس : كويس انك عارف ان محدش بيطيقك عايز اي

نط اسر علي السرير نام عليه بالجنب وسند بكوعه علي السرير وأيده علي خده وقال : قولي يا فروسه مين واخد عقلك الشوق والعاشقين بصراحه جو قديم موت

فارس : ولا اتعدل يلا بدل ما اعدل وبعدين عادي مجرد اغنيه عجبتني بس

اسر بخبث : فعلا بس تعرف ياض يا فارس البت حور دي وتكه واحد صاحب الواد مازن شافها وأعجب بيها وكان عايز رقم ابوها

بدأ يظهر علي وش فارس العصبيه والضيق وقال : وشافها فين ده أن شاء الله

اسر : وانت مالك اصلا يهمك في اي

فارس : تعالا يا اسر

قرب منه وقاله : اي

فارس : انت قولت عليها اي

اسر : وتكه بصراحه يا فارس البت عود

ضربه فارس في معدته بقوه

اسر : اه يا غبي ايدك تقيله يا عم

فارس : عشان تحور عليا مره تانيه

اسر : اي اللي عرفك أنه تحوير

فارس : بقولك اي خلاص انت عرفت متتكلمش كتير بقا

اسر : بتحبها يا جدع اخيرا ربنا فتحها في وشك الله يكون في عونها والله لو وافقت بيك كفايه مش هتصدعنا بالاغاني بتاعتك دي

فارس : كان في حد مشغل خساره خساره فراقك يا جاره بالنسبه لده اي

اسر : لا محصلش مفيش الكلام ده بقولك اي لازم امشي سلام

**************
اللواء محمود : ها يا اسر اي الاخبار

اسر : لحد دلوقتي المعلومات اللي عندي بتقول أن في اتنين ممشيين الممنوعات واحد جوه الكليه والتاني بره الكليه وفي دكاتره عارفين ومتورطين في الموضوع ده غير أنه مش مجرد تهريب سلاح لا دول بيتاجرو في حاجات تانيه

اللواء محمود : كويس جدا حاول تعرف معلومات اكتر امتي التسليم وفين المخازن وحاول تزرع نفسك وسطهم وتكون واحد منهم ويطمنولك

اسر : علم وينفذ يا فندم عن اذنك

****************
كانت ميرا كل شويه تزن علي مازن يروحو البلد نفسها تشوف قرايبها وتقضي معاهم العيد

ميرا : وحشتني لمتهم وناكل مع بعض ونقضي اليوم مع بعض وحشوني اوي حاول تلاقي وقت انت والشباب رتب معاهم وخلينا نروح بالله عليك

مازن : صدعتيني يا شيخه كل شويه تتكلمي في نفس الموضوع حاضر

كانت ميرا متحمسه جدا وفرحانه وحاولت تتصل علي نور بس كالعاده من ساعه ما سافرت متعرفش عنها حاجه اسر كان بيسال عليها بطريقه غير مباشره وميرا عشان غلبانه كانت بتقر بكل اللي تعرفه عنها

قرر اسر يروح يطمن عليها بحجه أن في حد بيطاردها ولسه متقبضش عليه وصل عند شباك اوضتها ولسه كان هينط سمع خبط ورزع باب علق نفسه بحيث يشوف اي اللي بيحصل من غير ما حد يشوفه و شاف

نور بدموع مرميه علي الارض وعمها بيقفل الباب بالمفتاح وسحب الحزام وووو

وكدا تكون خلصت حلقتنا استنونا في بارت جديد مع السلامه

تفتكروا ايه اللي هيحصل مع نور ويا ترا كل ده ليه
وأسر هيعمل حاجه ولالا
وميرا هتلاقي السعاده بعدين ولا المشاكل هتبدا تطاردها

الحلقة 13
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك

يلا نبدا اول حلقتنا بالصلاه على النبي
🔴🔴🔴🔴🔴🔴🔴🔴🔴🔴🔵

سحب الحزام ولفه علي أيده
كانت نور باين عليها الخوف وقالت بدموع وشجاعة : انا مش غلطانه من حقي ارفض اي حاجه مش عجباني انا مش عايز اتجوز يا عمي ارجوك سيبني في حالي عايزه اكمل دراسه

عم نور : مفيش دراسه بعد كدا خلاص وهتتجوزي غصب عنك

نور بدموع وصوت عالي : هي دي الامانه اللي بابا سابهالك هو عشان اهلي ميتين بتعمل فيا كدا بابا لو كان عايش مكنتش عمرك عملت كدا

اقشعر بدن اسر وشعر بالألم في قلبه بعد سماع كلامها

عم نور ضربها وقعت علي السرير وهي بتعيط قال بعصبيه وغضب : انتي بتعلي صوتك عليا يا زباله لو كان عايش كان عرف يربيكي واه بضربك عشان اهلك ميتين وملكيش حد غيري ولا حد يهمه امرك وجوازك الاسبوع الجاي ها ونزل فيها ضرب وهي رفضت الصراخ والشعور بالضعف أمام عمها مما زاد ضربه لها اكتر
وبعد فتره خرج عمها
كان اسر بيحاول يمسك أعصابه باي طريقه علشان محدش يعرف بوجوده ومتحسش بالكسره قدامه بعد ما شافها كدا افتكر لما قالت انت هتضربني ولمعه الحزن اللي كانت في عيونها وقتها وفهم هي كانت تقصد اي وهو خارج شاف علامات الضرب علي ضهرها وكانت شويه وهتنزل دم غضب اكتر واتوعد لعمها ومشي

****************
ميرا : متحمسه اوي اروح البلد في الاجازه بحس بجو العيله بجد والدفئ والخوف عليا لما كلنا بنكون متجمعين

حور : انا بقا بحسه جو كذب ونفاق مع أن متاكد أن بابا بيحب أخته جدا واخته بتحبه جدا بس في حاجات كتير بشوفها نفاق هي بتعملها اقدر اقول اني مش محبوبه أو غير مرغوب فيا

ميرا : ازاي الكلام ده اكيد انتي غلطانه

حور : مش دايما الأهل بيكونو سند ساعات الأهل هما اللي بيكسروك متتعشميش

ميرا : بصراحه حوار الندوات ده فادني كتير جدا بدأت افهم الناس ومتاكده أن اهلي احلي أهل وناس ومفيش فيهم لا حقد ولا كره ولا حتي بيكسرو بخاطر حد طيبين اوي

حور : بعد كلامك انا شايفه انك مستفدتيش حاجه خالص لا من ندوات ولا زفت

شافت ميرا فارس نازل وقريب منها حبت تتاكد من حاجه كدا وقالت : صحيح يا حور احكيلي عن ابن عمتك ده اي نظامه معاكي

قعد فارس علي كرسي قريب منها وفتح الفون ضحكت علي تصرفاته اللي أول مرة تشوفها

حور : عيل بارد ومستفز ومش محترم ولزقه كدا مندوش كرامه وعنده غرور في نفس الوقت زفت

ضحكت ميرا علي كلامها وقالت : يبقا بيحبك انتي بقا اي
ولاحظت الغضب اللي ظهر علي فارس
وأنه بيقرب

ميرا : في حاجه يا فارس

حور اول ما سمعت اسم فارس قلبها دق بطريقه غريبه واتوترت لما سمعت صوته

فارس : كنت بس عايز اقولك علي حاجه مستنيكي تخلصي

ميرا : تمام اكلمك بعدين يا حور

فارس : لا مش مشكله هستنا شويه خلصي كلامك معاها

ميرا : لا خلصت كلامي وقفلت مع حور وبصتله
ميرا : واقع ومقفوش اوي

فارس : بقيتي لوكل اوي انا ماشي

ميرا : مش كنت عايزني في حاجه

فارس : لو هتسافرو مش جاي معاكم سلام

****************

مازن : انا هاخد شهد ونطلع علي اي مكان سياحي

ادهم : واختم اللي بتزن عايزه تروح البلد

مازن : كلنا مشغولين واكيد محدش هيروح ومينفعش تروح لوحدها الإنسان مهما كان تقيل

ادهم : انا موافق انها تروح

مازن : ازاي الكلام ده بص انا عارف انهم كويسين بس مش هيستحملوها

ادهم : ادام عايزه تجرب وتطلع تشوف العالم خليها تشوف علشان بعد كدا تبقا معانا في قراراتنا معتقدش انها هتطلب تروح لوحدها تاني

مازن : هي هتروح لوحدها

ادهم : لا اسر معاها وانا هكلم حد من خالاتها تخلي بالها منها اسبوع بس تقضي العيد هناك وترجع

مازن : اممم تمام انا همشي بقا سلام

****************

رجع اسر البيت مهموم وباين عليه الضيق وسمع خبط علي الباب سمح بالدخول

ميرا : مالك يا حبيبي مش متعوده عليك كدا

ابتسم أسر : انا بخير ممكن ضغط شغل بس

ميرا : الكلام ده مش عليا انا قول مالك مش هسيبك انت حر

اسر : هي ليه الحياه وحشه اوي كدا

ميرا : اوعي تقول أن الحياه وحشه ليه دايما بنظلم الحياه معانا في كل حاجه عمر ما الحياه كانت وحشه الناس اللي فيها هما اللي بيوحشو كل حاجه ربنا خلقها جميله

اسر : طيب تقدري تقولي ليه الناس بقت وحشه كدا

ميرا : لسه بقولك مفيش حاجه ربنا خلقها وحشه الناس معدنهم الطيب لسه موجود فطرتهم الاساسيه هي الخير مفيش انسان وحش للآخر مهما كان وحش فيه حاجه لسه جواه بتنبض بالخير بس بيقلدو الوحش شايفينها شطاره أنهم يجرحو أو يكسبو حتي لو علي حساب غيرهم بس صدقني جواهم خير بس عايز اللي ياخد بايده للطريق الصح ويظهره تفتكر لو كل واحد قابل الشر بالحسنه وفضل وري الشخص لحد ما غيره هيبقا في شر في الدنيا
كل واحد شاف اذي كتير في حياته بس الفرق فيه اللي الاذي ده غيره للاحسن وقدر يتعامل معاه واللي غيره للاقسي والاوحش وده بتكون حياته كلها ضلمه ومش مبسوط فيها وحيد وعايز اللي يساعده

اسر بسرحان : الدنيا دي غريبه

ميرا بابتسامه : ابتسم بس انت للحياه وهتلاقي كل اللي جاي جميل

ابتسم أسر وباس رأسها وقال بخبث : شكرا ريحتيني جدا انا عرفت هعمل اي

***************
وفي صباح يوم جديد
صحيت حور من بدري اديت فريضتها ولبست ونزلت تقدم علي شغل في شركات كتير جدا
وطبعا لصغر سنها وعدم كافئتها اترفضت من كل الشركات و كلمتها ميرا

ميرا : ها وصلتي لفين

حور : تعبت ومفيش فايده بدأت ايأس خالص بقا

ميرا : طب شوفتي في شركه ………

حور : لا طبعا دي شركه كبيره ومستحيل يتوافق عليا فيها

ميرا : جربي دي شركه كويسه وبتدي فرصه للشباب

حور : طيب هشوف سلام بقا

راحت حور للشركه وقدمت ملفها واتسالت كتير وتقال ليها معانا رقمك واي جديد هنتصل بحضرتك
خرجت حور وهي متاكده أنه خلاص كدا

ميرا : يا بنتي تفائلي خير وهتلاقيه

حور : أن شاء الله خير يارب والله تعبت

ميرا : متقلقيش يا قلبي

حور : انا تعبت النهار ده خالص هروح انام بقا عايزه حاجه

ميرا : سلامتك يا قلبي

****************
في مكان تاني

وصل عم نور لمكان شبه مهجور وقال : مين المجنون اللي جابني المكان دي عشان شغل ده مفيش مخلوق فيه سمع صوت بص وراه وشاف شاب بعضلات بشرته قمحي ومش باين غير عينيه

عم نور : انت جاي تهزر معايا يلا شغل اي اللي هنا

الشاب : الشغل اللي هعمله فيك وخلع الحزام ولفه علي أيده وقرب منه

خاف عم نور : انت عايز مني اي انا مأذتكش

الشاب : وهي البت اللي عندك دي كانت اذنك بردو

عم نور وهو بيرجع للخلف : ارحمني

الشاب : وانت كنت رحمت بت يتيمه ونزل فيه ضرب وصوت صراخ الراجل كان بيعلي وكمل وقال : مين قالك انها عشان يتيمه يبقا ملهاش حد انا موجود ولو نزلت دمعه من عيونها تاني بسببك اللي انا بعمله فيك دلوقتي ولا حاجه بالنسبه للي هتشوفه بتوجعك

عم نور : ترحمني مش قادر

الشاب : ده وانت راجل ومش متحمل الضرب طب والبنت الضعيفه اللي جيت عليها دي اي سيبك من كل ده هتقول لربنا اي لو خدت روحك دلوقتي هتطلع تقوله اي اللي انا بعمله دلوقتي ولا حاجه بالنسبه لعذاب ربنا في الاخره انا وراك طول ما انت عايش وهحاسبك لو عرفت انك قربت منها أو اذتها هتشوف الجحيم بعينه ولو عرفتها حاجه هقتلك وقرب منه ووووو

وكدا تكون خلصت حلقتنا استنونا في بارت جديد مع السلامه

الحلقة 14
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي

🔴🔴🔴🔴🔴🔴🔴🔴🔴🔴🔴🔵

ادهم : كنت فين ده كله يا اسر يلا عشان تاخد ميرا وتسافرو

اسر بابتسامه : انا جاهز

خد ميرا وركبوا العربيه وكانت فرحانه اوي

اسر : للدرجه دي فرحانه انك هتروحي هناك

ميرا بفرحه : جدا وانت كمان مبسوط شكلك خلصت الحوار اللي كان مضايقك

ابتسم أسر وقال : حاجه زي كدا

اول ما وصلت ميرا البلد مع اسر كانت متحمسه جدا انها تروح لعائلتها واهلها

راحت عند خالتها وفضلت قدام البيت شويه لحد ما جه حد من فوق قال ليها أن خالتها بتنضف ومش هتقدر تنزل تسلم قالت ميرا : مش مشكله هستناها استنت كتير بس مفيش فايده ف قالت : خلاص هجيلها في وقت تاني

اتحمست انها تروح عند جدها اول ما وصلت لقت مرات جدها بتقول : هو في حد يجي لحد في وقت زي ده

فضلت ميرا واقفه مكانها وقالت : انا بس كنت عايزه اشوف جدو

مرات الجد قالت : جدك نايم ادخلي ادخلي ولا انتي مبتدخليش غير عشان تأكلي

ميرا : لا شكرا انا لسه جايه من السفر تعبانه جدا عايزه ارتاح عن اذنك

روحت ميرا
اسر : ها اي الاخبار

ميرا : شكلي كنت متحمسه زياده عن اللزوم تصبح على خير

حس اسر انها متضايقه من حاجه بس قرر يسيبها تشوف الدنيا والناس

تاني يوم شافت ميرا ترحيب كبير اوي من خالتها لقرايب جوزها وحست بالفرق في المعامله بس مهتمتش كتير
وطبعا عزمات علي الاكل لخلاتها وخالها الا هي وهي مطلبتش حاجه

راحت قعدت عند خالتها شويه بس حست انها تقيله اوي

بنت خالتها اتحايلت عليها تبات معاها بس النهار ده وافقت ميرا وكانت تعبانه جدا وعايزه تنام من السفر فتره طويله

نامت عند خالتها من بالليل لحد العصر

دخلت بنت خالتها بالاكل وقالت : يلا ناكل صاحيه متأخر
كلت ميرا وقالت لبنت خالتها وهي داخله تودي الطبق بتاعها تاخد بتاعها معاها لأنها حاسه بالتعب

والليل جه طلعت ميرا من الاوضه واتفاجات بخالتها بتبص ليها بضيق وموديه وشها الناحيه التانيه استغربت بس سرعان ما فهمت بعد ما مرات جدها قالت : انتي يا بت ازاي متدخليش تغسلي المواعين ولا تساعدي خالتك قومي اغسلي المواعين

تجاهلتها ميرا وخدتها بهزار نزلت تشوف اسر علشان تروح بيت اهلها احسن
اسر : اي مالك
ميرا : تخيل خالتي متضايقه مني عشان مغسلتش المواعين

اسر : اه ما انا عارف

ميرا : ازاي

اسر : ما هي نزلت قدام الرجاله كلهم وقالت انك نايمه علي ظهرك طول النهار مبتعمليش حاجه حتي الطبق مشيلتهوش من مكانه

ميرا : انا عايزه اروح

اسر : يلا

وصلت البيت وراحت تنام

اسر : مبقيتيش مبسوطه ولا متحمسه زي الاول ليه

ميرا : بدموع مش حاسه بالحب هنا ولا ده مكاني حاسه بالغربه انا بقيت اخاف اعمل اي حركه ليقولو عليا وحشه عارف انا بخلي خالتو تتريق عليا باي شكل بس علشان اشوف ضحكتها وتضحك

اسر ضمها ليه وقال : انتي اللي طلبتي تفضلي اسبوع هنا خلاص قريب هنمشي

ميرا : انا بحس بالخوف هنا يا اسر

اسر : متفكريش في اي حاجه وانسي كل ده وبدئي صفحه جديده معاهم بكرا تمام

ميرا : حاضر

في اليوم التالي

جت بنت خالتها ليها تقول : اي رايك يا ميرا نروح نسلم علي جدو بالليل محمد جاي

ميرا بابتسامه : تمام يا قلبي

وصلت ميرا بالليل لبيت خالتها وقفت علي عتبه الباب وقالت : يلا يا عيال

سمعت صوت صراخ خالتها عليها بسبب الجزمه اللي واقفه بيها علي عتبه الباب السيراميك قدام ابن خالتها ومرات جدها فنزلت ميرا بسرعه لتحت سمعت صوت خالتها بتقول تعالي اقلعي الجزمه وادخلي اشربي عصير
ردت ميرا : مش عايزه
نزلت بنت خالتها وابن خالتها ووصلو عند بيت جدها
دخلت سلمت علي جدها وحضنته وقالت : اسفه يا جدو الجزمه بتاخد وقت علي ما اقلعها وعلي ما ألبسها رد الجد : ادخلي يا حبيبتي وكبري دماغك
دخلت ميرا وولادة خالتها وفضلو يهزرو ويضحكون لحد ما جت مرات جدها وقالت : انتي اي اللي دخلك بالجزمه
قالت ميرا : جدو قال ادخلي عادي

مرات الجد : بقا كدا وضلت تصرخ علي الجد أنه ازاي يسمح لميرا تدخل كدا وأنها هتخليه يكنس وينضف
انصدمت ميرا من جدها وهو بيقول حاضر وأنها ازاي تحرجه بالشكل ده قدام أحفاده كانت دموعها هتنزل فخرجت بسرعه من البيت وفضلت قاعده علي السلم بره بتحاول تهدي نفسها ميرا متعيطيش حاولي تهدي معلش اهدي لتتفاجا بعد قليل بمرات الجد جايه ومعاها عصايه بتضربها علي رجليها وبتقول ليها : بقا انتي اللي تخرجي زعلانه وانتي اللي غلطانه ها وضربتها بالعصايه علي رجلها كذا مره وقالت : انا بعلمك الحاجات الصح علشان محدش غريب يتكلم عليكي

قالت ميرا وهي بتحاول تتماسك : اي غريب يتمني ادخل عنده حتي لو بالجزمه ديما الوجع بييجي من القريب بس

ثم قالت : انا بشوف ولاد خالي بيدخلو عادي

مرات الجد : لا متقارنيش نفسك بولاد خالك ولاد خالك متربيين

سكتت ميرا

لتقول مرات جدها : انا اسفه يا ست ميرا مبسوطه كدا انا مش دخللكم بيت

قامت ميرا من مكانها وبصوت مخنوق قالت : عادي يا ستي ولا أنا هدخلك بيت

لترد مرات جدها : انتي عايزه تركبيني غلط لا طبعا ده بيت جدك تيجي فيه براحتك

ميرا : شكرا ومشيت وهي بتقول اهدي متعيطيش قدام حد انتي مش ضعيفه

لتوصل ميرا لبيت خالتها وتطلع تحكي كل شي بعدها تقول : انا مش متضايقه من كل ده بس ازاي تحرج جدي وتعلي صوتها وتتكلم معاه كدا

ضحكت خاله ميرا وقالت : هي مش هتعمل كدا بتقول كلام وخلاص علشان المره الجايه ميسمحش لحد يدخل بالجزمه

قال ابن خالتها : اللي صدمني ازاي تمد ايديها عليها اصلا

لم تهتم خاله ميرا وكانت بتتكلم مع بنتها

بنت خالتها : ماما كان فاضل ليا في الوقت بتاع الامتحان 10 دقائق كنت عايزه اراجع فيهم بس المراقب خد الورقه وقال خلاص كدا الوقت خلص ومسمحش ليا اخد الورقه

لترد خاله ميرا وقد احمر وجهها من الغضب والعصبيه : وازاي تسكتيله كان المفروض تزعقي معاه وتقولي انا ليا 10 دقائق مش مسموح ليك تاخد الورقه

كانت ميرا بتتابع الحوار وعلي وشك البكاء كانت بتقول جواها كنتي بتقولي اني زي بنتك دلوقتي عرفت اني عمري ما كنت ولا هكون زي بنتك

نزلت ميرا تحت واتصلت بمازن اول ما سمعت صوته شعرت بالأمان والراحه فبكت بقوه علي كل شي
مازن وفتح الاسبيكر علشان ادهم يسمع مازن : اهدي يا قلبي مالك : فضلت ميرا تعيط وتشهق وتحكي زي الاطفال وهي منهاره
وبعد ما خلصت قالت : ا انا ع عايزه ا اروح م مش عايزه ا افضل هنا ي ياريتني ما قولت اجي ا انا غ غلطانه ي ياريتني ما سبتكم ا انا خ خايفه

هداها مازن أنه هيبعت عربيه تاخدها بعد بكرا استحملي بس بكرا وهتمشي قفل معاها الخط ليجن جنون ادهم ازاي يتعاملوا معاها كدا انا كنت غلطان فعلا لما وافقت انها تفضل هناك واتصل بخاله ميرا وقال : انا بضرب نفسي بالجزمه اني وافقت انها تيجي عندكم شكرا اوي علي الواجب اللي عملتوه معاها وقفل الخط

كانت ميرا هديت ولقت خالتها بتدور عليها وبتحاول تضحك وتهزر وبتقول ليها نفسك في اي يا حبيبتي اجيبهولك معايا فلوس اطلبي اللي انتي عايزاه ميرا وقتها قالت : شكرا أنا عايزه اروح ومشيت

تاني يوم رفضت ميرا تاكل اي شي بسبب حالتها النفسية الوحشه وفضلت نايمه وهي مفتحه عيونها لحد ما الليل جه وكان لازم تروح علشان تسلم علي خالها اللي جاي من السفر وعلي جدها قبل ما تسافر

لما فكرها اسر انها مجرد ساعات بس وهتسيب البلد وترجع بيتها كانت سعيده جدا ومتحمسه انها تروح وتمشي بسرعه علشان ترجع بيتها

وصلت ميرا لبيت جدها هي وأسر دخلت سلمت علي الكل وفضلت مستنيه شويه علشان تسلم علي خالتها لاكن خالتها تجاهلتها لأنها شايفه أن ميرا بتاعه مشاكل وعايزه تخسرها ولاد اختها دخلت ميرا علي خالها وجدها تسلم عليها وفي بالها انها هتسلم وتقعد بره شويه وتروح وتمشي من المكان ده اخير علشان تدخل تسلم علي خالها وقفت بالجزمه علي السيراميك وسلمت علي جدها وضحكت وهزرت معاهم ولاكن وقفت برجل علي حافظه سجاد ومحستش بنفسها غير وهي بتطوح يمين وشمال قدام قرايبها وبتترمي بره البيت كانت مرات جدها اللي عملت كدا وقالت : اقلعي الجزمه بره

حست هنا ميرا انها حتي النفس مش قادره تاخده حست بالظلم والكسره والغربه والوحده جريت بسرعه علي بره لقت اسر بيجري ورها وبيقول ليها : مالك في اي

حاولت تكمل جري بره البيت بس مسكها اسر فانهارت وعيتط بصوت عالي جدا ومقدرتش تتحكم لا في صوتها ولا عياطها وقالت سبني وكملت جري

واحده من الستات اللي بتقعد بره البيت شافت ميرا بالشكل ده قلقت عليها وقالت : مالك يا بنتي في اي

بس وقتها ميرا مكنتش شايفه قدامها اول مره تعيط بصوت عالي وفي الشارع ودموعها تنزل بالشكل ده حست انها ضعيفه اوي وأنها اتكسرت خلاص وملهاش حد ده لو مكنش ليها حد كان هيكون ارحم ليها من وجودهم

وقفها اسر : اهدي خدي مناديل امسحي دموعك واهدي واحكي اللي حصل

قعدت فتره ميرا علي ما قدرت تطلع الكلام اصلا بسبب عياطها

فضل اسر يشتم علي البلد وعلي اللي كانت سبب في زعلي

حاول يهديها : ميرا خلاص الناس بتتفرج علينا اهدي يا قلبي العربيه هتوصل خلال نص ساعه وهنمشي خلاص

رن هاتف ميرا لتجده خالها بيقول أنه مستنيها قدام الباب راحت ميرا وخالها قال : مالك معقول موقف زي ده يخليكي تنهاري كدا

ميرا بدموع غصب عنها بتنزل وبتضحك في نفس الوقت : كنت بدور هنا علي الأهل والسند والدفئ والحب احساس العيله اللي بجد احساس أن وامي مش معايا انا حاسه بوجودها في خالتي اللي المفروض بتحبني زي عيالها عمري يا خالو ما أضعف بسهوله ومش من موقف هتنهار كدا لا ده كتير وكنت بعدي بمزاجي بس خلاص مبقتش قادره اتحمل

خال ميرا : يا حبيبتي مهما كان هنا اهلك

ميرا : ازاي اهلي وانا حاسه بالغربه وسطيهم ده مش مكاني

خال ميرا : يا حبيبتي انا خايف عليكي في الدنيا ياما هتشوفي الوحش ومش كل مره هتنهاري كدا وتعملي في نفسك كدا

ميرا : انا بتعلم اهو أن شاء الله بعد كدا هيكون عندي اتزان انفعالي واقدر اتحكم في نفسي كويس

خال ميرا : طيب يلا اقعدي معانا جوه
بعد فتره دخلت ميرا وحاولت تبتسم وقعدت جنب خالتها علشان تسمعها بتقول ليها : تاني تاني جايه تعملي مشاكل ليه كدا
وسمعت حد تاني بيقول ادام هتيجي تعملي مشاكل يستحسن متجيش اصلا

لتستأذن ميرا وتمشي وطول الليل في العربيه دموعها بتنزل

كان اسر حزين جدا علي حال أخته متوقعش أن صدمتها ممكن تكون كبيره كدا
حاول فارس اول ما وصلو يخرجها أو يتكلم معاها لاكنها رفضت ودخلت غرفتها وقفلت علي نفسها وفضلت طول الليل تعيط كان ادهم سامعها ومعرفش ينام وقرر أنه

يا تري ادهم هيقرر اي

وايه اللي هيحصل مع نور

وهل حال ميرا وادهم هيفضل مستقر ولا هتحصل مشاكل تغير كل حاجه

كل ده هنعرفه في البارت الجديد استناونا في حلقه جديده مع السلامه

الحلقة 15
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي

🔴🔴🔴🔴🔴🔴🔴🔴🔴🔴🔵

اسر : ايوه يا ابني راقبته كويس

…..

اسر : تمام تمام حلو اوي خليك وراه بقا يلا سلام

****************

دخل عم نور ورجاله مسندينه

نور : انت كويس يا عمو

بصلها بضيق وقال : اه

نور بتوتر : عمو لو سمحت كنت عايزه الفون علشان اطمن علي صاحبتي

عم نور بضيق وصوت عالي : لا وغوري من هنا
بس افتكر بسرعه كلام الشاب ده أنه مراقبه ومعاه علي طول

بص حواليه بسرعه وقال : خدي خدي اللي انتي عايزاه من الأوضه تحت المخده

مرات عمها : جري اي يا راجل انت اتخبط في نفوخك

عم نور : اسكتي انتي مش فاهمه حاجه

استغربت نور جدا تصرفات عمها بس كانت فرحانه وخدت الفون ودخلت اتصلت بميرا كتير مكنتش بترد ف اتصلت بحور
حور : اي يا بنتي ده كله فينك

نور بحزن : مشاكل يا حور ميرا فينها بتصل عليها مفيش

حور : اخر حاجه قالتها انها هتروح عند اهلها في البلد اسبوع ومن وقتها مفيش اي اخبارك منها ومبتردش

نور : ومستنيه اي روحي عندها يلا دلوقتي واول ما توصلي رني عليا

وصلت حور القصر وقابلتها شهد وحكت ليها أن ميرا بقت حزينه وقافله علي نفسها

حور : طب تعالي نطلع ليها

شهد : رافضه خالص

حور : تعالي بس نجرب

راح اسر وقال لمازن وادهم وفارس أن البنات معاها فوق

ادهم : هي سمحت ليهم يدخلو

اسر : اه يلا نروح نشوف الدنيا ماشيه ازاي

مازن : ده ازاي ده

اسر : من البلكونه بتاعتي قريبه البلكونه بتاعتها

فارس : قاعدتك مع الحرميه علموك كتير

اسر : من الاخر هتيجو

مازن : اتصنت مستحيل

ادهم : انا ورايا حاجات لازم اخلصها

فارس : انا مش مهتم اصلا

همس اسر ليه : دول بيحكو علي أسرارهم ممكن تعرف حاجه وغمزله وقال بصوت عالي انا هروح سلام

وصلو لاوضتها ودخلت حور

ميرا : ابعدو عني وسيبوني لوحدي لو سمحتم

سمعت صوت نور
نور : جري اي يا حيلتها الضربه اللي متموتكيش بتقويكي امال عايشين ليه في الحياه دي

ميرا بدموع : صعبه اوي كسرو فرحتي قولت هحس بفرحه العيله والدفئ بحس اني بشوف ماما في خالتو بس الظاهر اني كنت عاميه كانو بيعملولي قيمه وبيمثلو الحب قدام اخواتي كنت متعشمه اوي فيهم

حور : كلنا اتأذينا من اهلينا في مقوله بتقول الضربه دايما بتيجي من القريب قبل البعيد

ميرا : مش زيي اكيد محدش فيكم شاف ده

نور : محدش يعرف اللي بقوله ده ابدا من وقت موت اهلي وعمي بيض..ربني ويحبسني ويشغلني ومش من حقي اعترض ولا من حقي ادرس قدمت علي مدرسه من وراه واض..ربت كتير كان دائما كل همه اجيب فلوس ومرات عمي كانت بتدور علي ازاي تجوزني وتخلص مني وعمي بيدور علي العريس اللي يدفع حلو عشان ياخدني هربت من البيت لما كانو هيجوزوني غصب وقدمت علي الجامعه وعرفتكم وعرف يوصلي وكان هيقتلني لولا أني قولت هدفعله كل الفلوس اللي عايزها عشان يسيبني بدافع عن نفسي بنفسي من اللي شوفته من الحياه

مش دايما الأهل بيكونو سند ساعات الأهل هما اللي بيكونو سبب كسره النفس والقلب اوعي تصدق الكلام اللي بيتقال بتاع انتي زي بنتي عمري ما هكون غاليه زي عيالهم اهو كلام بيتقال وقت الجد مبلاقيش حد معايا وممكن الاقي بس الاذي علشان كدا بقيت اعتمد علي نفسي ومبقتش اثق في حد

شهد : مش يمكن انتي شايفه الصوره غلط

نور : لا ابدا بشوف فرق المعامله بيني وبين عيالهم واي حد من قرايبي محدش بيقدرني ولا بيحترمني ولو حد ادالي اهتمام بيكون عشان يجرحني قدام الناس

حور : طب ليه بترفضي تتجوزي

نور : عايزين يجوزوني اي حد وخلاص ولو رفضت لأي سبب ف ده علشان انا وحشه ومش مقدره النعمه وبتدلع
مرات عمي قالتلي مش هيجيلك فرصه احسن من كدا

ميرا : ليه يعني ما وارد جدا يجيلك الاحسن

نور : لما جه الاحسن ياااه علي التغيير والاحترام والحب اللي شوفته في عيونهم بس لانه منصب محترم وحلو جدا بس رفضت

شهد : ليه مرتحتيش

نور : رفضت حتي اشوفه كفايه شوفت في عيونهم لحظه احترام وتقدير ومن وقتها قررت مش هتجوز واللي هيح..ترمني هيح..ترمني لشخصي مش علشان هتجوز منصب أو حد محترم لازم اكون حاجه مهمه وبشتغل وبتعب عشان اوصل لده مش هسمح لحد يرسملي شكل حياتي انا بس اللي هرسمها

ميرا : وانا معاكي ومن النهار ده حلمنا واحد

في البلكونه

مازن : البت دي ب 100 راجل ما شاء الله عليها

اسر : عشان كدا بحبها

فارس : اي يا حلو قولت اي

اسر : انت اي اللي جابك مش قولت مش مهتم

فارس : عادي مجرد فضول

اسر : طب اسكت عايزين نسمع

نور : و حوحو بتكره تروح عند عمتها الوحيده تفتكري ليه

ميرا : ليه يا حور

حور بتوتر : هي مش صعبه زي نور بس عمتي غريبه جدا ساعات بتكون كويسه معايا وساعات بلاقيها بتعمل حاجات كدا تثبت أنها بريئه وغلبانه وإني وحشه وجايه اوقع بينها وبين بابا ساعات كتير بساعدها وبهتم بيها بس هي دائما شايفه ولادها صح وإني وحشه مهما عملت وبعدين بتقارن دايما بيني وبين بنتها وتقول دايما لبنتها اتعلمي منها وتقولي عرفيها تعمل اي واي الصح حتي في اللبس بتفضل تتكلم وتقول إنه مش هيكون حلو عليا ومش هيدخل فيكي انتي تخينه شويه مش زي بنتي ولما البس حاجه وتكون حلوه متتكلمش معايا بس تروح لبنتها تزعق معاها وتقول يا غبيه كنت جبتي الفستان ده ليكي انتي
كله كوم وابنها البارد المستفز ده كوم تاني يقول عايز رقمك بس عشان اطمن انك وصلتي بخير قولت مش حافظاه وجيت امشي خد الفون مني وخد رقمي وابتسم ومشي ومن ساعتها يتصل كتير يرغي في كلام ملوش لازمه بتضايق منه علشان كدا برد عليه دايما دبش

تعرفي أنه مره كنت في البيت وبابا في الشغل
والداده بتنضف
خدت شور وسبت شعري ينشف وقولت اعمل حاجه اكلها من المطبخ
الباب خبط كنت بحسب بابا عادي وكنت بغني في المطبخ اتفاجات بالبارد ده واقف قدام المطبخ وبيقول الله اي الجمال ده كان الجمال ده كله فين

طبعا مقدرش اوصفلك قد اي كنت مكسوفه جدا وحاول أخرج بس منعني
لحد ما جت الداده ف بعد وانا دخلت الاوضه بتاعتي متضايقه جدا أنه شافني بشعري خدت ذنوب وهو مش محترم
بتتعامل معايا وحش لو هزرت مع بنتها وقولت كلمه هي اللي تضايق مش بنتها وتشتمني وتزعقلي لاكن قدام الكل طيبه كدا وحافظه القران ومش بتسيب المسجد ابدا
مش عارفه اتعامل معاها ازاي بس بحاول علي قد ما اقدر أجبر بخاطرها عكس اولادها

اسر : اهدي يا برنس انت بتطلع دخان

فارس : ده انا هنفخ الحيوان ده ولو عرفت انها رايحه هناك هنفخها هي شخصيا

مازن : بأماره اي يا دكتور انت مين اصلا عشان تحكم عليها

فارس بغضب شديد : هكون جوزها قريب جدا ومشي بعصبيه

عند ميرا

ميرا : صدق اللي قال اللي يشوف بلاوي الناس تهون عليه بلوته

شهد : انا بحمد ربنا أن مكنش ليا غير بابا وماما

قامت ميرا حضنت البنات وقالت : وانا بحمد ربنا علي وجودكم في حياتي هونتو عليا كتير ربنا يخليكو ليا

صرخت حور بفرحه

نور : فزعتيني يا بنت المجنونه في اي

حور بفرحه : اتقبلت في شركه ودي من أكبر الشركات مبسوطه اوي بجد

شهد : اخيرا يا صحبه نكد حاجه نفرح بيها

خبط فارس عليهم ودخل

فارس ونظر لحور بضيق : شهد مازن عايزك في الاوضه بتاعته

شهد : تمام وخرجت

حور بهمس لميرا : انا انا هروح بقا

ميرا : خليكي شويه

حور ونظرها علي فارس : لا لا انا هروح افرح بابا بردو سلام

فارس : ميرا ادهم عايزك في المكتب تحت

نزلت حور وميرا وصلتها ميرا وراحت علي مكتب ادهم

فارس : حور استني هوصلك

حور : لا شكرا

فارس بحده : انا قولت استني

حور بضيق : هو انت لما بتشوفني بتت..عصب وبتكون متضايق كدا ليه عملتلك اي انا

فارس : يمكن عشان شكلك وتصرفاتك بتعصبني

حور : طيب دي تبقا مشكلتك انت بقا مش انا انسان بارد وجت تمشي مسكها فارس من دراعها وضغط عليها ولفها ليه بسرعه
وقال بغضب : عيدي اللي قولتيه

حور بخوف : انا…..ا انا

فارس بعصبيه : انتي اي

بدأت دموع حور تنزل وقالت : ا ايدي

ساب فارس ايديها وقال بحده : ورايا هوصلك

***************
سمح ادهم لها بالدخول

ميرا : انت كنت عايزني

ادهم : اه عندي سفريه في قريه سياحيه عشان شغل تيجي معايا

ميرا : مليش نفس اروح اي مكان

ادهم : تمام جهزي الشنطه بتاعتك هنطلع من بدري

ميرا : بس انا

ادهم : مش عايز كلام كتير يلا

ميرا بضيق : حاضر ومشيت وهي بتدبدب في الأرض

****************
دخلت شهد

مازن : كويس انك جيتي هروح اغير واجي نتكلم

شهد : طيب ممكن الفون بتاعك اعمل مكالمه لان تليفوني وقع في البيت قبل ما اجي

مازن : اتفضلي

دخل مازن غرفه الملابس

شهد : زيزو حبيبى الثغنون عامل اي

زيزو : سهد انا زعلان منك اوي يا سهد

شهد : ليه بس يا قلبي

زيزو : ده كله مس بتيجي تسوفيني

خرج مازن وشهد لسه بتتكلم وسمع

شهد : يا حبيبي هاجي اشوفك متقلقش بس حصلت ظروف كدا معايا هحاول استأذن واجيلك في الخباثه كدا بس اوعي تقول لحد

بعد سماع مازن كلام شهد الغضب سيطر عليه وكان شكله يرعب وقال بصوت قوي وهو بيحاول يتمالك أعصابه : بتكلمي مين

شهقت شهد برعب من صوته اللي خضها وخافت اكتر بعد ما شافت عيونه الحمرا واعصابه المشدوده بدأت تاخد نفسها بصعوبه وقالت في نفسها ا اكيد فهم غلط

قرب مازن منها بسرعه لتحاول الابتعاد بسرعه ليمسك بها بسرعه وقوه لترتعش وتنظر له بخوف يلاحظه مازن ليغضب أكثر ويقترب منها فتحضنه شهد بقوه وتقول بصوت مهزوز : مازن انا خايفه

هدي مازن شويه بعد استيعابه هي فعلا بتتحامي فيا مني
فتح الاسبيكر

زيزو : يا سهد يا سهد ردي عليا

ابتسم مازن وضمها ليه اكتر وقال : انت بقا الاستاذ اللي شهد عايزه تسيبني وتجيلك

زيزو : اه عسان بتحبني اكتر منك

ضحك مازن بقوه وطبطب علي دماغ شهد وقال : صحيح الكلام ده يا شهد

بصتله شهد بخدود حمرا وبعدت عنه بسرعه وقالت بتوتر : ص صح طبعا زيزو يا حبيبي هبقا اكلمك بعدين خلي بالك من نفسك كويس اوكي

زيزو : ماسي باي

كانت شهد متوتره وبتفرك في ايديها وآدتله الفون وقالت : ش شكرا عن اذنك وجت تخرج مسكها من أيدها ليزيد من احمرار وجنتيها بصتله وهي بترمش كتير

مازن في سره اي بس القمر ده

مازن : كنت عايز اتكلم معاكي نسيتي ولا اي

شهد قعدت وقالت : صح اتفضل

مازن : مين اللي كنتي بتكلميه

شهد : ده ده زياد بدلعه زيزو كانت بروح ملجأ الأيتام كتير وليا صحاب كتير من الأطفال بس هو الأقرب لقلبي دايما ممكن لو اتاخرت عليه يرفض يذاكر أو ياكل وكدا ف كنت بطمنه مش عندك مانع اني أبقا اروح صح

مازن كان سعيد بكلام صغيرته البريئه وقال : اكيد لازم نروح

شهد : بجد هتيجي معايا

مازن : طبعا انتي عايزه زياد ياخدك مني ولا اي

زاد احمرار خدودها ليضحك مازن عليها بقوه ويقول : انا مسافر

شهد بضيق : فين

مازن : عندي مؤتمر في باريس هقعد يومين تلاته وممكن اسبوع

شهد بحزن : طيب

مازن : جهزي نفسك بقا عشان هنسافر الفجر

شهد بفرحه : بجد

مازن : طبعا

شهد بفرحه وهي بتخرج : هحضر الشنطه علي طول

*****************

كانت حور باصه ناحيه الازاز ومكشره وقفت العربيه بسبب خناقه حصلت في الطريق سده عليهم الطريق وناس بالطجيه ومعاهم اسلحه وصوت عالي

قفل فارس العربيه ولسه هينزل مسكته حور من أيده

حور : متنزلش و تسيبني

فارس : متخافيش مش هتاخر

حور بخوف : لا

قبل ما يرد فارس كان ازاز العربيه متكسر صرخت حور وووو

وكدا تكون خلصت حلقتنا استنونا في بارت جديد مع السلامه

عايزين تفاعل زياده ورأيكم في البارت يهمني

الحلقة 16
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي

🔴🔴🔴🔴🔴🔴🔴🔴🔴🔴🔵

صرخت حور بسبب شومه كسرت ازاز العربيه
وغطت وشها بايديها
فتحت عينيها شافت فارس قريب منها اوي وظهره للازاز بيحميها احمرت لقربه الشديد منها وهو سرح في عيونها وفاق علي صوتها

حور بتوتر : ا انت كويس

بعد فارس عنها بسرعه وقال : تمام وخرج بسرعه من العربيه وقد أظلمت عيناه غضبا ومسك شومه من علي الارض ونزل بيها علي اي حد يقابله لحد ما قعدو كلهم علي الارض حطين ايدهم علي رأسهم بخوف
الراجل : خلاص يا باشا

الراجل التاني : انت مين يا جدع انت ده انا هوديك في داهيه وجه يقوم خبطه واحد جنبه وقاله اقعد لينزل فينا ضرب مره تانيه

الراجل الاول : اخرس انت ده شكله شرطه وهيحبسنا كلنا احنا اسفين يا باشا

الراجل التاني : احنا حبايب يا باشا مفيش مشاكل بيناتنا ده احنا كنا بنهزر بس

بصلهم فارس بضيق ورمي الشومه علي الارض بعصبيه ومشي ركب عربيته ورزع الباب وراه

اتخضت حور وفضلت تبصله بانبهار

فارس بحده : في حاجه

هزت حور رأسها بالنفي وبصت قدامها وافتكرت لما ضرب الرجاله وعضلاته وعروقه البارزه لما بيتعصب ابتسمت و وحطت ايديها علي وشها وضحكت

فارس : هو انتي متخلفه

بصتله حور وكشرت وبصت الناحيه التانيه وقالت : بصوت واطي انسان بارد

فارس : انتي قولتي حاجه

حور : لالالا نزلني هنا وصلت شكرا

******************

وصل مازن وشهد علي باريس وبعد ما خلص شغله قالها تعالي نتفسح شويه فرحت شهد جدا و لبست فستان نبيتي جميل

مازن : بصي في حفله هنا لازم ادخل بس اسلم على بعض الشخصيات المهمه وهرجع علي طول دخلو حفله استأذن منها مازن : دقيقه وجاي متتحركيش سلم فيها علي بعض رجال الأعمال وبص ناحيتها ملقاهاش ف قلق كانت شهد واقفه وحد عزم عليها بعصير ابتسمت وشربته وكشرت وشها علي طول وطلعت لسانها اي ده وحش اوي وحطته بدأت تدوخ وتبتسم حست بالحر وطلعت بره القاعه دور عليها مازن كتير لحد ما لمحها بره راح ليها ولسه كان هيزعق ليها لأنها قلقته عليها جدا لقاها بتضحك شاورت عليه وقالت اتاخرت اوي وبصت الناحيه التانيه وكشرت كانت خدودها حمره بص ليها مازن باستغراب وقال ليها هو انتي شربتي حاجه ابتسمت وقالت بطفوله اه كانت حاجه لونها فروله وحشه اوي عمض عينه بضيق وحط أيده علي وشه وقال طيب يلا واول ما خرجو وقفت وكشرت بطفوله وسحبت ايديها
مازن : مالك بصتله وضحكت وقفلت عيونها نص قفله وعضت شفايفها وطلعت تجري
مازن : انتي يابت يخربيتك طلع يجري وراها طلعت علي باب بيت ورنت الجرز وخبطت وجريت طلعوا الناس لقو مازن في وشهم بص ليهم واعتذر جدا وطلع يجري وراها ركبت اوتوبيس بيتحرك فضل مازن يجري وري الاوتوبيس لحد ما قدر يطلعه بسرعه وجري عليها حضنها ومسك ايديها ونزلو جاب مازن شنطه حلويات
مازن : ياربي هو انا جايب بنت اختي معايا بص عليها لقاها بتلف حوالين نفسها
وبتقوله : شوفت الفستان بيطير ازاي وفضلت تضحك مسكها من ايديها ومشي بيها أبعدته عنها وجريت علي محل خدت منه قالب كيك وجريت صاحب المحل مسك مازن وكان مازن محتار جدا أنه عايز يلحق يدور عليها يشوفها راحت فين وان الراجل ده ماسكه زي الحرامي وشويه وهيجيبله الشرطه دفع مازن الفلوس وفضل يدور عليها راحت فين
لحد ما دخل مطعم لاقاها بتبتسم لكل طربيزه شويه وتديلهم من الحلويات اللي معاها وكان في شباب بتضحك ليها وباين عليهم الاعجاب اتضايق مازن جدا وراح شالها وطلع بيها بره المكان وزعق معاها
مازن : لو اتحركتي من جنبي تاني هتتعاقبي انتي فاهمه

لوت شهد شفايفها وحطت صباعها علي شفايفها بمعني انا ساكته ومش هعمل حاجه وهما ماشيين شافت محل فيه مصاصات كبيره فضلت تشده من أيده والجاكت بتاعه وتشاور علي المصاصه

مازن : مفيش حلويات ليكي تاني انتي وذعتي اللي جبتهم وخربتي بيتي مصاريف لا يعني لا وادالها ظهره
قوسط شهد شفايفها بضيق ومن غير ما مازن ياخد باله مسكت طوبه كبيره وكسرت ازاز المحل وخدت المصاصه وبعدت استخبت وري بوستر دعايا
اتصدم مازن وشد شعره وصرخ بصوت عالي وفضل يخبط بايده الحيط بعصبيه وضيق اتخانق معاه طبعا صاحب المحل وخد منه فلوس مضاعفه للازاز واللي هي خدته

بص للبوستر وقال اطلعي بدل ما اطلعك بطريقتي بصتله بعيون بريئه وهي بترمش كتير وقالت : اسفه يا بابا ومدت ايديها بالمصاصه بتقوله تاخد حته

قال بعصبيه وصوت عالي : قدامي
فضلت ماشيه بتضحك ومبسوطه وبتاكل في المصاصه لحد ما شافت الملاهي وقبل ما تجري لحقها مازن ومسك ايديها جامد

مازن : لا بقولك اي هنا مش هعرف اوصلك لو توهتي

شهد وهي لاويه بوزها : عايزه اروح

مازن بحده : لا امشي

بصتله شهد بدموع
مازن : انسي بعد اللي عملتيه فيا مش هتأثر امشي

فجاه سمعها بتعيط بصوت عالي زي الاطفال وكانت الناس كلها بتبص عليهم

مازن : يخربيتك يا شيخه كان يوم اسود لما طلبت نخرج بس بس اسكتي هعملك اللي انتي عايزه بس

سكتت شهد وبصتله : ينفع اروح العب

مازن بنفاذ صبر : لعبه واحده بس

شهد سقفت بايديها بسرعه وضحكت ومسكت أيده بتشده لجوه

مازن : حسبي الله وبعد شويه سرح في ملامحها الجميله وضحكتها اللي تخطف القلب وصورها فيديو وهي بتلعب
وقال بابتسامه : شكلي وقعت فعلا في حب طفله مجنونه

بدأت شهد تدوخ اكتر و كانت بتنام علي نفسها شالها مازن وقعد ها علي استراحه وسابها علشان يجيب تاكسي مسكت أيده وقالت بصوت نايم : خليك
وشدته من أيده يقعد جنبها ونامت علي كتفه وقالت بصوت هادئ

شهد : انا عايزه اروح لبابا

مازن : انا زي بابا

كشرت شهد ورفعت راسها من كتفه وبصتله بضيق واستغراب ومسكت وشه بايديها الاتنين وقربت منه
اتصدم مازن من تصرفها لحد ما قالت : انت مش بابا ولا زيه انت وحش

مازن : ليه

شهد : بتزعقلي وبتخليني اعيط كتير بسببك

اتضايق مازن أنه كان سبب في نزول دموعها

كملت شهد وقالت وهي بتنام علي كتفه بحس بالدفئ في حضنك زي بابا ونامت

دق قلبي بسرعه كبيره معقول هي كمان بتحبني

كانت ميرا بتغني أغنيتها المفضله كان في فراشه صغننه وشافت فراشه جميله دخلت ليها الأوضه فرحت وحست أن اكيد في حاجه حلوه هتحصل اليوم
وسمعت خبط علي الباب وصوت ادهم

ادهم : جهزتي نفسك

ميرا باستغراب : لاية

ادهم بضيق : هو انا مش قولت أننا هنسافر

ميرا بتوتر : ا انا مش عايزه

ادهم وهو بقرب منها : ميرا مش هعيد كلامي مرتين هتجهزي ولا اجهزك بطريقتي

ميرا بخجل وكسوف : حاضر حاضر بس امشي

ابتسم ادهم وقال : تمام الصبح بدري هنمشي

الساعه 6 الصبح صحيت ميرا علي صوت اسر

اسر : قومي يا وخم كل ده نوم ده لو ابو الهول كان نطق اي ده

ميرا وهي بتفرك عيونها بنعاس : علي فكره نمت متأخر امبارح من حقي مش اقوم وبعدين انا نومي مش تقيل

اسر : اه انتي هتقوليلي تحبي افكرك ب قد اي نومك تقيل

ميرا : علي فكره انت معطلني وعقول لادهم انك السبب

اسر : اه يا مفتريه انا غلطان سلام

خرج اسر ودخلت ميرا غسلت وشها واتوضت وطلعت أدت فريضتها وجهزت حاجتها ونزلت لتحت

ادهم : صباح الخير افطري عشان تمشي

ميرا : صباح النوم حاضر

أنهت ميرا فطورها سريعا وطلعت وري ادهم وركبت العربيه جنبه

ميرا : ممكن تشغل اغاني

ادهم : لا

ميرا : اي فيلم اي حاجه معايا انا اغاني ممكن تشغلها

ادهم : لا

ميرا بضيق وصوت واطي : كل حاجه لا لا رخم اوي وفتحت شنطتها وطلعت السماعات بتاعتها وشغلتها علي الاغنيه اللي بتحبها و كانت بتغني معاها وهي مبتسمه وبتبص من الشباك واتفاجات وفرحت اوي لما شافت نفس الفراشه كأنها بتسابق العربيه علشان توصل ليها وبعدين اختفت فرحت اوي بيها

كان ادهم مركز مع حركاتها ومبتسم ولما بصتله رجعت ملامح البرود والجديه علي وشه كشرت وبصت الناحيه التانيه

وبعد فتره نزلو استراحه
راح ادهم يجيب اكل

وميرا كانت مستنياه بره و اتفاجات براجل شكله غريب الكل بيبعد عنه بيقرب منها

الراجل : ازيك يا بنتي انا بس كنت محتاج 8 ج علشان دي اجره المواصله لبلدي لو مش معاكي خلاص

قلقت ميرا شويه وبعدين افتكرت انها كانت محوشه 30 ج من الجامعه في الشنطه بتاعتها وطلعت منها ال 8 ج بالضبط زي ما طلب وادتهمله

فرح الراجل جدا افضل يشكر فيها ويقول انها ملاك مش من الأرض هنا وكان هيعيط وكان عايز يجيب ليها حاجه حلوه بس هي رفضت بشده وبعدت

لقت نفس الراجل جه تاني وقال : هو ال 8 ج دول كانو اجره المواصله زمان مش عارف دلوقتي بقو قد اي وقال بس عادي خلاص مش مهم يعني لو مش معاكي وانا هستنا اهلك اشكرهم علي تربيتهم ليكي
طلعت ميرا اللي معاها وادتهوله والراجل قال ليها : انتي هتتجوزي حد كويس جدا ولا هو فقير ولا غني جدا وهتجيبي ذريه صالحه و هتكوني دكتوره جامعه

استغربت ميرا جدا أنه قال كلام كانت لسه بتقوله لنور انها عايزه تكون دكتوره جامعه وفرحت في نفس الوقت لأنها حست أنه رساله من ربنا بيقول ليها متزعليش الحلو والخير كله لسه جايلك بعدين شكرته ميرا ومشيت علي العربيه وركبت

وصل ادهم وكانت ميرا فرحانه اوي انها عملت خير واول ما شافت ادهم فرحت اوي أنه جاب الحلويات الي بتحبها وحست أن الراجل ده جه ليها بدل الفراشه علشان يخليها تبتسم

وبعد شويه نامت ميرا في الطريق وبعد فتره صحيت لقيت نفسها في اوضه غريبه ضلمه حاولت تنادي كتير مفيش رد طلعت من الاوضه لقت نفسها في بيت غريب مظلم بدأت تظهر عليها علامات الفزع والفوبيا ووو

★★★★★★★★★★★★★★

في مكان تاني كان اسر مع صحابه اللي في الجامعه وكان زهقان واتصل علي نور

نور : مين

اسر : الناس بتقول الو السلام عليكم مش مين

نور : جبت رقمي منين ياض

اسر : ياض في بنت المفروض انها تكون رقيقه تقول ياض

نور : اخلص يا عم عايز اي

اسر : بعيد عنك الواد مازن خد شهد وسافرو وميرا وادهم سافرو بردو وسابوني لوحدي وحداني مع المعقد فارس ف قولت اشوف حد ارخم عليه بدل الزهق ده

نور : وملقتش غيري ولم تكمل كلامها لسماعها صوت طلقات نارية وسقوط الهاتف لتصرخ باسمه بخوف اسررررر ووو

وكدا تكون خلصت حلقتنا استنونا في بارت جديد مع السلامه

الحلقة 17

رواية / صغيرة الأدهم
بقلمي / نوران احمد
علقوا هنا ب 10 ملصقات + رايك

يلا نبدا اول حلقتنا بالصلاه على النبي

🔴🔴🔴🔴🔴🔴🔴🔴🔴🔴🔵

كان اسر بيكلم نور وحس بحاجه غريبه وسمع صوت وقدر يحدده واتاكد أنه قناص جاي يستهدف حد معين قلق علي الشاب اللي المفروض بيحميه وشد حديده كبيره وسميكه وقدر يحدفها علي المكان اللي القناص هيضرب فيه ومع إطلاقه للرصاصه دخلت في الحديد واتني ساعتها الناس لاحظت وبدأت تصرخ وتسيب المكان
كان اسر كل اهتمامه أنه يحط صحابه دول في مكان آمن وحاول يلحق القناص لاكن مقدرش وقتها بس اتاكد أن اللي عمله ده اول خطوه في اكتشافه هو مين وفشل مهمته وقال في نفسه المهمه دي لازم تخلص في اقرب وقت خلاص كدا الوقت خلص لازم انفذ

كانت نور مرعوبه عليه وبتلف حوالين نفسها كتير في الأوضه وبتقول : يا تري حصل اي يا زفت يا اسر مفيش مكان بتروحه الا وبتعمل مصيبه الناس كانت بتصرخ لالالا اكيد هو بخير طيب ليه مكلمنيش واي صوت ضرب النار ده لا الموضوع ميطمنش اصلا وانا مالي ليه قلقانه كدا ما يولع عادي لا حرام بعيد الشر ييي ليكون حد من اللي خطفني راح علشان يقتله اصلا مش مهتمه
سمعت صوت رنين هاتفها لترد بلهفه : الو اسر انت كويس

فرح اسر من لهفتها عليه : اه تمام مفيش حاجه

نور : طب اي الصوت اللي كان عندك ده

اسر : متشغليش بالك هكلمك بعدين سلام

نور : اي الواد المجنون ده

مرات عمها : هو مين ده اللي مجنون يلي متتسمي

نور : لا ولا حاجه بكلم نفسي ولا ده كمان حرام

مرات العم ب لاويه بوز : وهتفضلي مشرفانا كدا كتير اكل ومرعه وقله صنعه

نور : تقصدي اي

مرات العم : قصدي انك تتلحلحي يا اختي كدا وتشوفيلك شغلانه بدل قعدتك اللي ملهاش لزمه دي

نور : انا اسبوعين بس وهسافر واشتغل هناك وابقا ابعتلكم الفلوس محدش هيقبل يديني مرتب بعد اسبوعين بس

مرات العم وهي بتشد نور لبره البيت : روحي دوري ياختي واعملي بلقمتك وهتلاقي شغل وقفلت الباب في وشها

*******************

صحيت حور من النوم وبدأت وهي بتحسس تشوف الفون فين ولقت الساعه 7 ونص
حور بخضه : يالاهوي هتاخر علي اول يوم شغل وجريت علي الحمام اتوضت وطلعت لبست فستان ازرق وادت فريضتها ونزلت بسرعه علي تحت

الداده : براحه يا بنتي محدش بيجري وراكي وتعالي افطري يا حبيبتي قبل ما تخرجي

حور : حبيبتي يا داده والله متاخره مش هقدر بس مش هزعلك اهو خدت سندوتش عن اذنك ادعيلي

الداده : روحي يا بنتي الهي يجعلك في كل خطوه سلامه

نزلت حور علي عربيتها وحاولت تخليها تدور بس مفيش فايده متعطله

حور بزهق : اوووف بقا كانت ناقصاكي متاخره

راحت بسرعه وقفت تاكسي واول ما وصلت لمكان الشركه نزلت بسرعه وسالت موظفه الاستقبال
: لو سمحتي انا الموظفه الجديده اقدر استلم شغلي منين

الموظفه : أطلعي الدور التالت يا انسه وأسالي عن الانسه سالي هتشرحلك

ابتسمت حور : تمام شكرا جدا عن اذنك

كانت حور بتحاول تلحق الاسانسير بس في شخص ساعدها وحط أيده في اخر لحظه

حور بابتسامه : شكرا

ماهر بابتسامه : العفو اهلا بيكي

اكتفت حور بالابتسامه وسالت علي الانسه سالي وراحت ليها

حور : السلام عليكم ازي حضرتك انا الموظفه الجديده

سالي وهي بتبص ليها من فوق لتحت بقرف : امشي ورايا

اتضايقت حور بس قالت : كبري دماغك يا حور خلي اليوم يعدي علي خير

خبطت سالي الباب ولما سمعت إذن الدخول دخلت ووراها حور

سالي بدلع استغربت منه حور وبصت ليها بدهشه وفتحت بقها : استاذ فارس الموظفه الجديده وصلت

لف فارس بالكرسي وبص عليها وابتسم

حور : هو انت

فارس ببرود : خليها تستلم شغل السكرتاريه الخاصه بالمكتب بتاعي

سالي بضيق بتحاول تداريه وهي بتقرب بدلع : حضرتك دي جديده ومفيش خبره هتبوظ كل حاجه ممكن انا امسك الشغل ده انا حافظه كل حاجه عن حضرتك

فارس ببرود : اظن كلامي واضح اتفضلي

حور بضيق مش عارفه سببه بس متضايقه من البت المايعه اي البت الواقعه دي اي ده مشوفتش
وصلت علي المكتب بصت ليها سالي بغرور ومشيت

حور : اي ده في اي

ماهر : اي اللي مضايق القمر بس

بصتله حور بضيق وسكتت

ماهر : انا اسف جدا يا انسه لو زعلتي من كلامي بس انا متعود اتكلم بالطريقه دي مع الانسه سالي يعني احنا زملاء وبنهزر

حور : لو سمحت مبحبش الطريقه دي ولا بحب اتعامل اصلا مع ولاد

ابتسم ماهر : ولاد اي بس احنا في مدرسه لازم تتعاملي مع الزملاء عشان يساعدوكي وانا في الخدمه لو احتاجتي اي حاجه انا جاي اساعدك مش اضايقك

حور بابتسامه مصطنعه : تمام شكرا جدا

ماهر : بالمناسبه انا ماهر وانتي

حور : اهلا بحضرتك حور

طلع فارس من مكتبه وشاف ماهر مبتسم لحور وحور مبتسمه اتضايق واتكلم بحده : هو اي اللي بيحصل هنا ده مبقاش شغل بقا ده استهبال

ماهر : حضرتك انا كنت بسال علي ملف مش اكتر عن اذنكم

بصتله حور بستغراب بصلها بغضب وقال بصوت عالي : شوفي شغلك ودخل ورزع الباب وراه وقال غبيه

بعد شويه كانت خلصت حور شويه ملفات في ايديها وخبطت ودخلت : لو سمحت الملفات دي محتاجه امضه حضرتك وتراجعها لو امكن

سحب فارس الملفات وقال ببرود : علي مكتبك

حور : طيب لو سمحت أن…..

فارس بحده : قولت علي مكتبك

طلعت حور وهي مكشره ومتضايقه جدا منه وبعد 5 دقائق جت ليها سالي بغرور : في شويه شغل عليكي وشاورت لواحد شايف اكتر من 20 ملف وقالت بابتسامه بارده : استاذ فارس اللي طلب نبعتلك الملفات دي ويخلصو النهار ده ضروري وسابتها ومشيت بدلع وعلي وجهها ابتسامه صفره

حور بضيق : يا شيخه الهي ينكسر كعبك ويجيلو تسلخات تحت بطاطه ويمشي رافع أيده في الشارع قادر يا كريم مفتري ازاي هخلص ده كله النهار ده واول يوم ليا ولسه بتدرب اروح لاستاذ ماهر يساعدني بابا حور نحن نساء قادرات انتي قدها حسبي الله ونعم الوكيل فيك يا فارس يا مفتري بارد
بدأت حور شغل وخلصت الملفات بعد المغرب دخلت عليها سالي كتير وقالت : تأكلي يا حور اه صح نسيت وراكي شغل مش فاضيه ومشيت فضلت حور تقلدها بتريقه وهي متغاظه وبتقول : الا الاكل مش مسامحاك يا فارس ابدا

دخل عليها ماهر : لقيتك مخدتيش استراحه قولت اجيبلك سندوتش كلي اي حاجه وانتي بتشتغلي

حور بابتسامه : بجد مش عارفه اقول لحضرتك اي بس شكرا جدا

ماهر : ولا يهمك لو احتاجتي حاجه ابعتيلي والله يكون في عونك علي اللي انتي فيه ده همشي بقا قبل ما يطلع ويسمعني كلام ملوش لازمه سلام

ابتسمت حور وقالت : سلام والله إنه محترم

الساعه 4
دخلت سالي علي حور
سالي ببرود : معاد شغلنا انتهي وكلنا ماشيين ياريت متمشيش غير لما تخلصي اللي في ايدك وتسلميه علي مكتب فارس سلام

حور بضيق : نننننننني علي مكتب فارس سلام بت غتته علي راي نور

بعد المغرب بدأت حور تتمطع وتضرب ظهرها بايديها اااااخ تعبت اخيرا خلصت ودخلت مكتب فارس حطت الملفات عليه وقالت : دي الملفات اللي حضرتك طلبتها عن أذنك هروح

فارس : استني هروحك

حور ببرود : لا شكرا عن اذن حضرتك

فارس بحده : قولت استني الوقت متاخر وانتي اتاخرتي بسببي ف هوصلك

حور بضيق : لا ميرسي جدا لذوق حضرتك ابن عمتي جاي ياخدني
بصت حور عليه لقت عروق أيده بدأت تظهر وفي عيونه نظره ترعب ف خرجت بسرعه من المكتب ونزلت لتحت

**********************

عند ميرا

صحيت من النوم وشافت كل اللي حواليها ضلمه وفي اوضه غريبه حاولت تتحرك بسرعه وهي خائفه تفتح اي انوار وتنادي وافتكرت أن اخر حاجه كانت فاكراها انها نامت في العربيه فضلت تنادي مفيش رد وفتحت كل الانوار مفيش اي ضوء بدأت الفوبيا عندها تظهر اكتر وجسمها بدأ يترعش طلعت بره الفيلا بسرعه وهي بتنادي علي ادهم وفضلت تجري لحد ما شافت حاجه خلتها تصرخ بكل وقتها

يا تري ميرا شافت اي
واي اللي هيحصل مع نور
وأسر هيقدر يخلص المهمه بسرعه ولا هييجي اللي يعطله
وادهم هيقدر بجد يقرب من ميرا ويخليها تحبه ولالا
وهل دخول حور المجال ده وبدايه الشغل هيكون سبب في سعادتها ولا هيكون سبب في بدايه تعاستها

كل ده هنعرفه في البارت الجاي
وكدا تكون خلصت حلقتنا استنونا في بارت جديد مع السلامه

الحلقة 18
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي
🔴🔴🔴🔴🔴🔴🔴🔴🔴🔴🔴🔵

جريت ميرا بره الفيلا بسرعه كبيره وصرخت
‏كان ادهم لسه راجع البيت وسمع صوت صراخها حس بالرعب دب في قلبه من فكره انها ممكن تتأذي جري للمكان اللي سمع منه صوتها
كانت بتبعد لوري وكلاب بحجم كبير بتقرب منها زي الأسد اللي هيهجم علي فريسته

اول ما شافته حست بالأمان وجريت عليه نطيت ولفيت رجلي علي وسطه وايدي حوالين رقبته وحضنته بقوه

ميرا : هي اي الكائنات دي

ابتسم ادهم وقال : كلاب

ميرا : عندنا كلاب في القصر ده مش شكل كلاب خالص

ادهم : المهم أن انتي بخير

شافت ميرا الكلام بترجع كلها لوري وبترجع مكانه

ميرا : هو الكلاب كمان بتخاف منك

ادهم بحده : اي اللي خرجك من الفيلا

بصتله ميرا واتكسفت أبعدته عنها ووقفت بعيد عنه شويه وقالت : مفيش نور في البيت كنت خايفه اوي لو سمحت خدني معاك بعد كدا متسبنيش لوحدي

كان ادهم هيتحرك مسكت أيده بصلها بستغراب من تصرفها وكمل طريقه وشغل النور في القصر

ادهم : كلتي

ميرا : لا

ادهم : طيب البسي هنتعشا بره

فرحت ميرا وطلعت جري علي غرفتها

***********************

في مكان تاني

كانت حور بتحاول توقف تاكسي

حور بضيق : يييي كله بسبب الزفت فارس

رن هاتفها لترد بتوتر : ايوه يا بابا

بابا حور بعصبيه : انتي فين ده كله

حور بتوتر : والله يا بابا جايه في الطريق متقلقش

بابا حور بعصبيه : واي اللي اخرك ده كله حسابنا لما ترجعي يا حور وقفل الفون

حور : بابا يا بابا اوووووف بقا معقده ليه معايا النهار ده

وقف فارس بالعربيه قدامها وقال ببرود : اركبي

لفت حور وشها الناحيه التانيه بضيق وقالت : لا شكرا

فارس بحده : مبحبش اكرر كلامي مرتين يلا

لفت حور جسمها كله الناحيه التانيه وكانت بتشاور لتاكس وقالت : مش مضطره اسمع كلامك شكرا لمحاوله مساعدتي انا لقيت تاكسي خلاص

قبل ما تركب التاكسي لقت رجليها مش علي الارض اتصدمت من أنه شالها فضلت تخبط بايديها في ظهره وتحرك رجليها علشان ينزلها واحمرت بشده من الكسوف والضيق حور : انت بتعمل اي نزلني انت مجنون ميصحش كدا ابعد

ادخلها فارس العربيه وقفل الباب ركب وقفل العربيه من جوه

حور بضيق : اي اللي انت عملته ده دي قله ادب علي فكره

فارس بحده : وطي صوتك احسن ما تشوفي قله الادب بجد

بصت حور بضيق للناحيه التانيه وسكتت

وبعد ما وصلت حور البيت بشويه وحاستش بكهربه الجو من باباها سالت الداده : هو بابا اي

الداده : لا بابا تمام متقلقيش

حور : ازاي ده كان شكله هيولع فيا في الفون

الداده : جاتله مكالمه ومن بعدها هدي

حور بفضول : متعرفيش من مين

الداده : من واحد اسمه فارس كدا والله اعلم يا بنتي

حور بابتسامه : فارس

**********************

اسر : ههههههههههههه يا ابن المجانين

فارس بضيق : ما تتلم يلا في اي

اسر : ازاي تشيلها في الشارع يا بني ادم مش حلالك

فارس : لا ما هي هتبقا حلالي قريب وبعدين عايزني اسيبها تركب مع عيل شمام الدخان كان ملئ العربيه وبصاته ليها مكنتش مظبوطه وهي غبيه عشان بس مضايقه مني مش شايفه قدامها تركب مع أي حد كدا

اسر : ادام بتحبها كدا وبتغير للدرجه دي ما تروح تكلم ابوها بقا خلينا نخلص

فارس : أن شاء الله قريب انت بقا اي الدنيا معاك

تنهد اسر بضيق : مش تمام انا دخلت جحر التعابين والقرصه بموته لازم اخلي بالي من النفس اللي طالع مني

فارس : ونور

ابتسم أسر بسخريه : مقلقتش عليا يعني

فارس : طول عمرك في خطر ومشاكل وموقع قلبنا عليك

اسر : اديك قولت يبقا مش هدخل حد في حياتي يكون نقطه ضعف وتتأذي بسببي

فارس : لو دخلت عيلتنا محدش هيقدر يمسها بسوء احنا نقدر نحميهم كويس

اسر : مش عايز احس دايما بالخ..وف وأحط ايدي علي قلبي من فكره يحصلها حاجه في شغلي اعدائي كتير ليه ادخلها دائره ممكن تتأذي فيها وانا بأمكاني أبعدها خالص عن كل ده

فارس : نور قويه يا اسر متخافش عليها

اسر : انا الي خايف اني اخسرها لما تبقا بعيد ومطمن عليها احسن وبابتسم وقال : وبعدين هترضي ترتبط بواحد اكبر منها ولسه في الجامعه فاشل وهي عايزه تكون دكتوره

فارس : يا ابني ده انت مسميينك في المدريه المعجزه ازاي في سن صغير تعمل كل ده وتكون ليك سلطه واعلي من الضباط وبيعملولك الف حساب

اسر : لحد ما المهمه اللي متكلف بيها تخلص انا مجرد طالب فاشل قدام الكل وبس

فارس : هترجع عن قرارك يا اسر في موضوع نور والايام هتثبت

اسر : الله اعلم انا هروح انام سلام

*********************

دخلت نور بالليل متأخر وباين عليها التعب وبدايات برد

العم : كنتي فين يا روح امك لوكاندا اهلك هي

مرات العم : مش بقولك يا حج البت دي عايزه قطم رقبتها مش عارفه ساكتلها ليه

العم : ادخلي يا اختي ادخلي قريب اوي هنخلص منك

دخلت نور غرفتها وبصت في المرايا واتفاجات بدموعها بتنزل وسمحت لدموعها تنزل وظلت تبكي بصوت فتره طويله ونامت علي الارض بوضع الجنين بتحضن رجليها وتقول ليه يا بابا سبتني ليه مخدتونيش معاكم ليه الدنيا قاسيه ووحشه اوي يا بابا من غيركم ظلت تبكي حتي نامت مكانها ومكنتش كلت اي حاجه طول اليوم ومحدش يسأل عنها

********************
في باريس
صحيت شهد وهي حاسه بوجع كبير في رأسها ولقت نفسها مش عارفه تتحرك بصت حواليها واتفاجات بمازن نايم جنبها صرخت شهد وضربته بالرجل
صحي مازن مفزوع ووقع علي الارض وقال : في اي يا بنتي انتي حد يصحي حد كدا بردو

شهد بخضه بتشاور عليه : انت انت انت انت

مازن : اي الشريط سف ولا اي

شهد بضيق : اي اللي نيمك هنا يا قليل الادب

مازن : انتي هبله يا بنتي انتي مش انتي اللي قولتي متسيبنيش خليك جنبي بحس معاك بالأمان وكان بيقلدها

شهد بصدمه : ا انا

مازن : ده انتي عملتي فيا عمايل امبارح

شهد بصدمه ووجه احمر : ا انا انا عملت اي

مازن بيمثل الحزن : انتي ده انتي مفتريه اي معندكيش اخوات ولاد ولا اي

شهد بضيق : بتهزر حضرتك

مازن : انتي ليكي عين تتكلمي اصلا ده انتي طلعتي عين اهلي امبارح

شهد : مش فاكره حاجه وبعدين بصت علي شكلها وشهقت بخضه : مين اللي غيريلي هدومي والحجاب فين

قرب مازن منها لتخجل بشده ليقول : اي مش جوزك ولا اي وغمز ليها

شهد : م مين غيرلي هدومي يا مازن

مازن : انا مش جوزك ده شئ طبيعي

بصتله شهد شويه وبدأت تعيط زي العيال الصغيره بصوت عالي

اتصدم مازن وحاول يهديها : اهدي اهدي مش انا والله بهزر معاكي بس اهدي

بدأت شهد تهدي ودموع لسه في عيونها : بجد مش انت

مازن : اه والله طلبت بنت من الفندق دخلت غيرتلك

ضربته شهد في كتفه وقالت : انت بارد علي فكره

مازن : بجد مع أن كلامك امبارح مكنش بيقول كدة

شهد : ازاي يعني

فتح مازن الفون وفتح فيديو كانت شهد بتقوله أنه جميل وحلو اوي بس لما بيزعق بيكون شكلها وحش

جريت شهد تاخد منه الفون وتحذف الفيديو طلع يجري وهي وراه رفع أيده لفوق وقال : بس يا قصيره ابعد فرهدتيني

بعدت شهد عنه وجريت عليه ونطت عليه ولفت لجليها علي وسطه وحاولت تاخد الفون بس كانت بردو قصيره بص ليها مازن وسرح في ملامحها القريبه اوي منه وهي كانت بتقول : هات بقا وبتبص اتفاجات انها قريبه اوي منه فضلت بصاله شويه وبعدين نزلت بسرعه بتوتر وقالت : ا انا جعانه

ضحك مازن وقال : طيب يلا بينا ننزل بس بقولك اي متشربيش حاجه غير لما تستأذنيني مش ناقص انا كفايه اللي حصلي امبارح

شهد : هو اي اللي حصلك

ابتسم بسخرية : يستحسن متعرفيش يلا البسي بقا

شهد : حاضر

*********************

نزلت ميرا بسرعه علي السلالم وقالت : انا جاهزه وطلعت تجري بره الفيلا تركب العربيه بس وقفها صوته

ادهم بضيق : اي القرف اللي انتي لابساه ده

ميرا بستغراب بتبص علي الفستان : ده ديس حلو خالص

ادهم بحده : روحي غيري

ميرا : بس انا بحبه

ادهم بعصبيه وحده : انا قولت غيري الزفت ده

اتخضت ميرا من نبره صوته وطلعت علي فوق ولبست فستان واسع رقيق ونزلت وهي مكشره
ركبت العربية

وفي مطعم راقي وجميل علي البحر
اول ما شافت ميرا المنظر ده فرحت وابتسامتها كانت كبيره ابتسم ادهم علي الطفله البريئه اللي معاه وقعدو وطلبت بيتزا

ادهم : مبسوطه

ميرا : اه بس عايزه اكون عند الناس وسط ناس كتير بتمشي

ابتسم ادهم : خلصتي اكل

ميرا : اه

ادهم : طيب يلا

ميرا : علي فين

ادهم : مش عايزه تروحي عند الناس يلا

وصلو لمكان ناس كتير فيه مسك ادهم ايديها
بصتله بستغراب

ادهم : علشان متسرحيش وتمشي ومعرفش اوصلك كدا احسن

ميرا : طيب عايزه ايس كريم بالشوكولاته

جاب ليها اللي عايزاه وهما بيتمشو

ميرا : انت ليه طيب معايا دلوقتي

ادهم : هو انا مكنتش طيب معاكي قبل كدا

هزت راسها بالنفي : لا مكنتش ابدا طيب دايما بتزعق وبتعاقبني وبتمنعني من الخروج

ادهم : مش ممكن يكون ده خوف عليكي

اتكسفت ميرا وقالت : مش بالطريقه دي

ادهم : لما اكون متعصب يستحسن تبعدي عني وانا مقبلش ابدا اي عذر للكدب في حالتين دول مبقدش اتحكم في غضبي

ميرا : موافقه بس توعدني انك متخوفنيش منك وتحاول تسيطر علي كل ده

ادهم : هحاول اي رايك نبقا صحاب

ابتسمت ميرا بفرح : موافقه بس متتعصبش عليا مهما حكيت اوكي

ادهم بابتسامه : ماشي

ميرا : ابتسامتك حلوه ليه دايما بتخبيها بالتكشيره دي

بدأت ملامحه تاخد شكل البرود ومردش

ميرا في سرها يا علي الكسفه اللي انت فيها يا حازم يخربيت شكل بوزك يا شيخ

ابتسم ادهم : صوتك عالي علي فكره

احمرت وجنتاها وحطت ايديها علي وشها وطلعت تجري بعيد عنه

ابتسم ادهم ومشي وراها بسرعه

عدي اليوم وكل واحد دخل ينام

********************

في صباح يوم جديد

صحيت نور علي صوت مرات عمها بتضربها برجليها علشان تصحي

نور ببرود : عايزه اي

مرات العم بابتسامه ساخره : والله وطلعلك صوت قومي يا حيلتها عشان تجهزي للشغل

نور ببرود : شغل اي ده أن شاء الله

مرات العم : خالتك ام عنايات جايبالك شغل توصيل اكل للمنازل اخلصي ياختي والبسي حاجه عدله

نور بضيق : والبس ليس عدل ليه لشغل

مرات العم بتوتر : كدا عشان تنضفي شويه بدل ما انتي شبه الرجاله كدا

نور : دي حاجه تخصني ملكيش دعوه

مرات العم : تعرفي يا بت انتي لو مرجتيليش بفلوس والله لولع فيكي وامشيكي بعاها في وشك عشان متنفعيش لحاجه بعد كدا اخلصي انجري

وقفت نور وحست بدوخه كبيره وكان باين عليها التعب
دخلت اتوضت وطلعت أدت فريضتها وفضلت تدعي ربنا ينجيها من كل اللي هي فيه ده وحياتها تتغير بقا
طلعت عملت اكل وفطرت ولبست

مرات العم : خالتك ام عنايات جايالك دلوقتي تعرفك هتروحي فيه وشغلك اي

هزت راسها بهدوء

مرات العم : ما تنطقي يا اختي ولا القط اكل لسانك

نور بتعب : انا مش فايقه ولا قادره ارد عليكي لو بصحتي كان وصلك ردي

لوت بوزها وبصت الناحيه التانيه وصلت أم عنايات رحبت بيها جدا مرات عمها
ام عنايات : امال فين نور القمر بتاعتنا

راحت نور سلمت عليها

ام عنايات كانت بتبصلها بنظره خبيثه وبتلفها وبتبص عليها وغمزت لمرات عمها وقالت : لا تمام كدا تعالي يا نور اوريكي شغلك فين

حست نور أن في حاجه غلط بس كبرت دماغي

ام عنايات : النهار ده علشان اول يوم ليكي هبعتك عنوان واحد بس تبعتي الاكل للعنوان وتيجي وليكي نسبه طبعا اه احنا منكلش حق حد

نور بتعب : تمام يا طنط امتي معاد التوصيل

أم عنايات : العصر هيأذن دلوقتي بعده علي طول هتطلعي

نور : تمام

دخلت نور صلت العصر وطلعت خدت الاكل ومشيت

دخلت علي عماره في مكان غريب استغربت بس مهتمتش كتير طلعت للدور الثاني وبدأ العرق يتصبب من جبينها

**********************

رن هاتف اسر : ايوه يا فهد في حاجه ولا اي

فهد : بقولك يا باشا الواد اللي انت مخليني ارقابه ده طلع سافر علي بلد كدا ارياف طلعت وراه يا باشا لقيته داخل مكان كدا غريب

اسر بضيق : هي دي المعلومات المهمه

فهد : لا يا باشا انا شوفت الانسه نور داخله عماره مشبوهه

اسر بعصبية : ازاي يعني اي اللي يوديها مكان زي ده

فهد : وانا اي اللي يعرفني يا اسر بيه انا عملت اللي ضميري قالي عليه واتصلت بالبوليس وقولتلهم علي العنوان

شد اسر علي شعره بغ..ضب شديد وقاله : انت غبي وقفل في وشه

******************

خبطت نور علي الباب
فتح ليها شاب بصدر عاري وبيبص ليها بخبث

نور بصت في الأرض بتوتر وقالت : حضرتك طلبت الاوردر ده

الشاب بخبث : ايوه طلبت الاوردر بس متوقعتش يكون اوردر حلو اوي كدا

شدها الشاب ده لجوه بقوه وقعت علي الارض وقفل الباب بالمفتاح

نور بصدمه وتعب بتبعد وقالت : ا انت بتعمل اي افتح الباب ده

الشاب : متوقعتش ام عنايات تجيب الحلويات دي كلها لا تستاهلي اكتر من 3000 يا مزه

صدمت نور أكثر من مرات عمها ودموعها كانت هتخونها وتنزل حاولت تستجمع قواها ولاكن كانت ضعيفه

قرب منها الشاب اكتر ووووو

تفتكروا اي اللي هيحصل مع نور
لسه احداث كتير مستنيه ابطالنا

الحلقة 19
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي
🔴🔴🔴🔴🔴🔴🔴🔴🔴🔴🔵

اقترب منها الشاب وشالها
كانت نور بتضرب فيه وبتحاول تبعده ولاكنه كان زي الصخره مبيتحركش
رماها علي السرير

كانت اول مره تحس بالضعف والخوف الكبير ده وكانت بتتمني من ربنا يساعدها

اول ما قرب منها

فجاه اتكسر الباب ودخلت الشرطه ومسكو

وقتها نور مكنتش حاسه برجليها ومش قادره تقف مصدومه ومرعوبه من كل اللي بيحصل ومش مستوعبه كل ده
فاقت علي ايد حد بيشدها بع..نف وقعت علي الارض

الظابط : متقومي يا روح امك شغل السهوكه ده ميمشيش معايا اخلصي يا بت

دخل اسر في الوقت ده بسرعه اول ما شافته نور حست بالأمان والخوف في نفس الوقت
بصت في عيونه مشافتش غير السواد والغضب وده خلاها تخاف اكتر

قرب اسر منها بسرعه مسكت نور أيده بضعف
وقالت : انا مظلومه وغمي عليها

******************
في مكان تاني

مازن : انا تعبت انتي مبتتهديش

شهد تتصنع اللطافه : الله يسامحك انا بس نفسي اشوف كل حاجه في البلد للدرجه دي انا تقيله عليك

مازن : اه

شهد : عادي مش مشكله هكمل بردو لن ايأس

مازن : يا شيخه منك لله

ابتسمت شهد ومشيت بسرعه لمكان بعيد عنه بعد شويه بصت وراها ملقتش مازن بدأت تقلق دورت عليه في كل مكان مكنتش لاقياه قعدت في مكان علي جنب وبدأت تعيط زي الاطفال التايهه وسكتت وحاولت تستخبي لما لاحظت شباب سكرانين جايين ناحيتها
اول ما مشيو حست براحه نسبيه واتفاجات بحد من وري بيشد ايديها وبيقربها ليه كانت لسه هتصوت

مازن : اهدي اهدي ده انا

حضنته شهد بدموع وضر..بت كتفه وقالت : كنت فين انا كنت خايفه اوي

طبطب عليها مازن بحنان وقال : جالي تليفون علي ما خلصته ملقيتكيش المهم أن انتي بخير

مسحت شهد دموعها وبعدت عنه بسرعه وقالت : اي يا عم انت ما بتصدق ولا اي

مازن بحده : عقابك بعدين علي تهورك ده اتفضلي قدامي

حست شهد انها غلطانه ووشه مش بيبشر بخير
شكلو كدا لو اتكلمت هيق..تلني

وصلو للفندق

اول ما دخلت الغرفه
شهد : انا انا اسفه اني كنت متهوره ومشيت في مكان غريب وبعدت عنك

مازن بحده : مفيش خروج تاني

شهد بتوتر : ليه انا….

مازن بعصبيه : اظن كلامي واضح

وسابها ومشي وهي متضايقه من انفعاله المبالغ فيه

********************
في مكان تاني بره مصر

…….. : مرحبا سيدي

…….. : هل نفذت المهمه

…….. : اجل سيدي اراقب تلك العائله جيدا لا داعي للقلق

…….. : أن اخطأت في مهمتك ولو بكلمه واحده لم تصلني فأنت ميت

وتم إغلاق الخط

********************

دخلت عنايات علي مرات عم نور

مرات العم : البت فين يا عنايات اتاخرت كدا ليه

عنايات : كان يوم اسود يوم ما شغلتها معايا جلابه المصايب البومه

مرات العم : جري اي يا وليه حصل اي

عنايات : محصلش يا اختي البوليس طب عليهم واتقبض عليها يا لهوي بالي لتبلغ عننا وأننا زقناها علي الشغلانه دي روحنا في داهيه

مرات العم بخبث : هي اللي بت شمال وهربت من بيت عمها قبل كدا ولو حد كلمنا هي اللي ماشيه في الطريق ده من زمان واحنا ملناش دعوه يا اختي

عنايات : دماغك عاليا وعجبتني طيب اسيبك بقا

اول ما عنايات فتحت الباب

تصنعت مرات العم الحزن وظلت تصرخ وتضرب علي صدرها وراسها وتقول : يالهوي يالهوي علي سمعتك يا حج اللي باظت واتمرمغت في طين هنودي وشنا من الناس فين بس يا ربي بقا ده جزاتنا تعمل خير ونرييها وهي تجيبلنا العار

خرجت عنايات وهي مبتسمه علي تمثيل صديقتها

دخل عم نور وقفل الباب : جري اي يا وليه حصل اي عامله صداع ليه فرجتي علينا الناس

مرات العم وهي تبكي متصنعه الحزن : الحق يا حج مسكو بنت اخوك في شقه راجل عازب في منظر استغفر الله وجه بوليس الاداب خدهم يا خويا وهي في القسم دلوقتي

عم نور : بتقولي اي يا وليه انتي ازاي الكلام ده لو كلامك صح انا هقتلها واغسل عاري بايدي

مرات العم بخبث : اهدي بس يا حج وليه تدخل السجن عشان واحده زباله زي دي

العم : تقصدي اي يا وليه

مرات العم بخبث : هقولك هتعمل اي ….

**********************

ميرا بملل اي الز..هق ده بس يا ربي

شافت ادهم نازل قامت من مكانها بسرعه وراحت عليه

ميرا : انت رايح فين

بصلها ادهم ببرود : نازل البحر

ميرا بسرعه : خدني معاك

رفع ادهم حاجبه وقال : نعم

ميرا بتمثل الحزن : يرضيك اقعد لوحدي زهقانه حزينه وحيده في بين طويل عريض لوحدي ومفيش معايا حد

ادهم ببرود : تمثيلك زفت

كشرت ميرا بوشها وبصت في الأرض

ادهم بنفاذ صبر : قدامك دقيقتين وتكوني قدامي

ميرا بفرحه : فوريره وجريت علي فوق مطولتش فعلا ونزلت علي طول

علي الشاطئ الخاص كانت ميرا قاعده بتبص علي البحر في هدوء ومعاها روايه بتقرا فيها ومستمتعه بالجو ده

بتبص علي البحر مشافتش ادهم خالص قلقت عليه وفضلت تنادي مفيش اي حركه ولا صوت
سابت اللي في ايديها علي الشط
حست بقبضه في قلبها وأنها مش عارفه تاخد نفسها وبدأت تتوتر وتبص حواليها كتير
نزلت البحر وفضلت تمشي لقدام كتير وهي بتنادي عليه
لحد ما وصلت لمكان رجليها ملمستش الأرض فيه وهي في العاده بتخاف من البحر ومبتعرفش تعوم

بدأت ميرا تغرق وتحرك ايديها كتير لحد ما استسلمت وغمضت عيونها وحست بايد علي وسطها بترفعها واول ما حست بالهواء بيخبط وشها فتحت عيونها بخوف
شافت ادهم قدامها حضنته بخوف وقالت : ا انت كنت فين

ادركت ميرا قربها الزياده من ادهم شهقت وابعدته عنها

ميرا بخجل : ابعد سبني وفضلت تخبط في كتفه الممسك بها

نظر ادهم لها ببرود وتركها بدأت تغرق مره تانيه

رفعها ادهم مره تانيه بدأت تكح جامد وتمسح عيونها ووشها بظهر ايديها

ابتسم ادهم علي مظهرها الطفولي

أمسكت به ميرا بدموع وخوف : طلعني بره

ادهم بحنان : ازاي خايفه وانا موجود

بصتله ميرا باستغراب من حنانه بصت في عيونه وحست بدق قلبها بسرعه كأنه هيخرج من مكانه أبعدت نظرها عنه واتكسفت جدا من قربه منها بالشكل ده

ميرا بدموع : طلعني يا ادهم عشان خاطري

ادهم : العوم ده ممتع جدا لما بحس اني مضغوط من كل حاجه حواليا بحب انزل تحت الميه فتره طويله سايب نفسي ومسترخي ولما بحس اني محتاج الهو بطلع اي رايك تجربي

ميرا : انا بخاف

ادهم : انا معاكي مش هسمح بأي حاجه تأذيكي واثقه فيا

بصتله ميرا وهزت رأسها بتردد

بدأ ادهم يعوم وهي علي ظهره كانت حاسه بمتعه جميله وشويه خوف وقف ادهم وسط البحر مكنش في موج
ادهم : جربتي تنامي والبحر يشيلك وعيونك علي السما وصفائها هتحسي كل همومك بتضيع

ميرا : خايفه من التجربة

رفعها ادهم وحط ايد علي وسطها وايد علي ظهرها

ميرا بخوف مسكت في رقبته : لالالالا انا مش عايزه

ادهم : انا ماسكك اهو متخافيش

حاولت تعمل زي ما هو قال وكانت مغمضه عينيها

خدت نفس عميق اهدي بيه نفسي وغمضت حاسيت بشعور غريب برغم أن القلق كان لسه في قلبي بس حاسيت اني طايره فتحت عيوني علي سما صافيه والهوي بيخبط في وشي حاسيت للحظه أن الهوي ده بياخد معاه كل همومي وقلبي بيتفتح وان الميه غسلتني من جوه وكل اللي فات نسيته وببدا حياتي من جديد كانت راحه جوه قلبي جميله اوي وكنت بجد سعيده من التجربه ومطمنه

ابعد ادهم يديه عنها وهي مش حاسه ونام جنبها وغمض عيونه في لحظات هدوء

ميرا : شعور جميل شكرا

ادهم : عارف

اتفاجات من الصوت جنبها بتبص لقيته أيده جنبه

ميرا فتحت عيونها بذهول : م مين اللي رافعني بدأت تهتز وقامت غرقت مره تانيه

مسكها ادهم : حد قالك انك مزعجه قبل كدا

كشرت وشها بطفوله وقالت : انت اللي خدنت ثقتي

عام بيها لمكان رجليها تلمس فيه الارض وهو بيقول : بس يا بت يا هبله انتي

اول ما رجليها وصلت للأرض قالت : هبله ها وفضلت ترش عليه الميه وطلعت تجري

جري وراها واول ما وصلت للشط شالها

ميرا : خلاص والله انا اسفه

ادهم : وريني هترشيني بالميه ازاي وانتي في نص البحر وابقي شوفي مين هيمسكك ما انا طلعت خاين

ميرا : لالا ده انت جميل نزلتي يا ادهم أن شاء الله تنستر ويخليلك عيالك يا شيخ

لاحظ ادهم رعشه جسدها من البرد

ادهم : عفوت عنك المره دي بس عملي حسابك ليا طلب

ميرا بسرعه : موافقه عليه

نزلها ادهم علي الرمله ولبسها لبسه وحط عليها فوطه

ميرا : وانت هتلبس اي

ادهم اداها ظهره وهو ماشي: مش هلبس

ميرا : هتمشي كدا عادي

ابتسم ادهم و لف وشه ليها وقرب من وجهها : اه
اول ما لاحظ احمرار وجنتيها ضحك ومشي

ادهم : اعملي حسابك ورانا حفله كمان ساعتين جهزي نفسك وهتلاقي مفاجاه علي سريرك

*****************

معرفتش انام طول الليل من تفكيري في البارد اللي شالني ده ازاي اصلا يتجرأ ويعمل كدا
لا بس بصراحه كان حلو اوي
اي الهبل ده فوقي يا حور مش كدا
كانت حور سرحانه بتفكر في المكتب

سالي بصوت عالي : انتي يا بتاعه انتي فوقي وركزي معايا هنا في اي

وقفت حور بسرعه : نعم حضرتك محتاجه حاجه

سالي : خلصتي الورق

حور باستيعاب : ايوه حضرتك وهو علي مكتب استاذ فارس دلوقتي

سالي بغرور : اوك هدخله

حور ده انتي برده برود يا شيخه

ماهر : صباح الورد علي الورد

حور بضيق : اهلا بحضرتك شكرا علي المره اللي فاتت

ماهر : متقوليش كدا وطلع الفون وكمل كلام بقولك يا انسه حور كنت محتاج رقمك تساعديني في شويه حاجات

كانت حور متوتره ومش عارفه تتصرف

وأما الآخر كانت عيونه تشتغل غضبا وطلع بعصبيه واتكلم بحده : حور عندنا اجتماع مهم بره الشركه اتفضلي

خرجت حور وراه بستغراب وبصت علي ماهر وابتسمت ومشيت بسرعه

اخيرا هعرف اخد نفسي كل اللي في الشركه بما فيهم المدير باردين

فارس : مين ده اللي بارد

حور : انا معاد عملي خلص اصلا علي فكره ومش هروح في اي حته غير لما اكل عن اذنك ومشيت خطوطين

فارس : كنت ناوي اعزمك في اغلي واحلي مطعم هنا بس مفيش نصيب بقا

رجعت حور بسرعه وقالت لا إراديا : وفي حلو

فارس : اكيد

حور : اممم ممكن اعتبره كاعتذار عن اللي حصل امبارح وبما انك مصمم جدا انك تعزمني يلا ومشيت لقدام

ظهرت شبح ابتسامه علي وجه فارس

*******************
كانت شهد قاعده زهقانه ومتضايقه
طلعت البلكونه وشافت مازن مع بنت وبيضحكو
اتضايقت جدا
شهد : اه يا خاين والله لاوريك ي مازن انا غلطانه اصلا اني بسمع كلامك ماشي انت اللي بدأت بقا براحتك

دخلت الاوضه وحست بدمعه نازله منها واستغربت ده ف فسألت نفسها معقول بتحبيه يشهد طب ليه زعلانه

******************

صحيت لقيت نفسها في سرير غريب استغربت المكان لاكن افتكرت اللي حصل بسرعه وعلي طول دموعها نزلت

بصت حواليها ملقتش حد

بعد شويه دخل اسر علي وجهه معالم الغضب

جريت عليه نور بدموع : انت مصدقني صح انا معملش حاجه زي كدا يا اسر والله يعلم ربنا اني مظلومه انت ساكت ليه اتكلم

اسر وهو بيحاول يتمالك نفسه : خلاص الموضوع انتهي يا نور انا اتصرفت

نور بدموع : يعني اي وازاي وانت انت مصدق يا اسر وبدأت تصرخ رد عليا

اسر بغضب : انا متضايق من نفسي لو كنت موجود مكنش كل ده حصل وازاي تشوفي شاب في البيت ومتمشيش علي طول ها

نور بدموع : ملحقتش والله هو شدني بسرعه انا انا والله يا اسر انا مظلومه

اسر بضيق : طيب اهدي وارتاحي انتي لسه تعبانه هنتكلم بعدين يلا عشان اوصلك

دخلت نور للعربيه وهي حزينه معقول يكون مصدق انها كدا كانت دموعها بتنزل بهدوء

اول ما اسر وقف العربيه نزلت جري علي البيت اول ما خبطت والباب اتفتح

اتفاجات بقلم علي وشها

عم نور : شرفتي يا زباله انا هق..تلك

بدأت نور تترعش وترجع لوري وهي منهاره وبتتكلم بالعافيه

كانت نور نسيت في العربيه شنطه الادويه طلع اسر بيهم واتفاجا بالناس بتتفرج والباب مفتوح ابعدهم ودخل بسرعه

لقاها منهاره بتعيط وبتترعش اول ما شاف ايد عمها بتنزل علي وشها اتحرك بسرعه ومنعه وكانت عيونه حمرا من كتر العصبيه جريت نور واستخبت وري اسر ومسكت في قميصه بقوه وهي بتشهق اتفاجات نور بشخص وفجاه ….

ياتري اي اللي هيحصل مع اسر ونور
وحور وفارس اي اللي هيحصل بينهم
وشهد هتتعامل ازاي مع مازن
وهل ميرا هتكون سبب في مشاكل لادهم ولالا كل ده هنعرفه في البارت الجديد

وبس كدا تكون خلصت حلقتنا استنونا في بارت جديد مع السلامه

الحلقة 20
.
.
رواية / صغيرة الأدهم
بقلمي / نوران احمد
علقوا هنا ب 10 ملصقات + رايك
يلا نبدا اول حلقتنا بالصلاه على النبي

كان اسر في عربيته بيفتكر كلام الدكتور

الدكتور : انت تقرب للمريضه

اسر بتوتر : اه خطيبها

الدكتور بعصبيه : انا مش فاهم اي الإهمال ده البنت ضعيفه جدا وواضح انها مكلتش حاجه بقالها يومين وكمان حرارتها عاليا و وعندها انهيار عصبي محتاجه راحه تامه وتاخد الادويه بانتظام ويريت تبلغ البيت عندها يهتمو بالغذاء اكتر من كدة هكتبلك علي شويه ادويه ياريت تجيبها

اسر بضيق : تمام يا دكتور شكرا

اسر في سره يا تري اي اللي بيحصل معاكي يا نور ازاي وصلتي لكدة

باك

افتكر اسر كلامه مع الدكتور وأنها وهي طالعه مخدتش الادويه بتاعتها
طلع بسرعه علي فوق
شاف ناس كتير بتتفرج علي حاجه قدام بيت نور وسمع اصوات غريبه ابعد الناس لحد ما دخل وشاف عم نور بينزل عليها ض..رب
احمرت عيونه غضبا وظهرت عروق أيده واتحرك بسرعه مسك ايد عمها وبص ليه بعصبيه وتحدي

حس عم نور بالخوف شويه بس اتماسك ولسه هيتكلم
اتفاجأ بنور بتتحامي في اسر وبتستخبي وري ظهره وماسكه فيه بخوف

عم نور : جري اي يا بنت اخويا جايالي من القسم بقضيه اداب ودلوقتي جيبالي راجل البيت للدرجه ده انتي و…..

مقدرش يكمل كلامه بسبب ايد اسر اللي مسكته من رقبته ورفعته لفوق وقال بغضب جحيمي : شكل ضربي ليك المره اللي فاتت مجبش نتيجه اقسم بالله لندمك علي رفعه ايدك عليها ولو سمعت كلمه من لسانك الوسخ ده عليها ورحمه امي لاقطعهولك ورماه علي الارض

فضل يكح وهو بيحاول ياخد نفسه بصعوبه

صرخت مرات العم : يااااالهوي الحقونا يا ناس بيتهجم علينا في بيتنا

اسر بعصبية : تحبي اقول للناس دي شغلانتك اي بالضبط وبتعملي اي في المصانع ولا احكيلهم علي شغلك مع ام عنايات

انصدمت وقالت بخ..وف : انت مين

اسر : انا عملكم الاسود

نور بصوت مرتجف وبتشاور بايديها : ح حازم

بصلها اسر بضيق فخافت نور اول مره تشوفه بالشكل ده وفعلا نظرته كانت ترعب اي حد

اسر : انت بتعمل اي هنا

عم نور : ده عريس نور

نور : ا ازاي الكلام ده

عم نور : احمدي ربنا انك لقيتي حد يسترك بعد عملتك السوده

نور بدموع : انا مش موافقه

قام عم نور بعصبية عشان يضربها
استخبت بسرعه وري اسر
اول ما جت عينه في عيون اسر رجع لوري بسرعه

عم نور : ادخل يا مولانا

********************

اول ما وصلت كنت متحمسه جدا جدا اشوف مفاجاه اي اللي علي سريري
فتحت العلبه ولقيت فستان جميل اوي فرحت بيه اوي لدرجه اني حضنته وفضلت الف بيه كتير في الاوضه وبدأت اجهز للحفله وكنت متحمسه اوي مع أن قصصي مع الحفلات دايما حزينه بس المره دي اكيد مختلفه كان الفستان ابيض رقيق حاسيت بيه اني شبه الاميرات حطيت روج احمر خفيف وكحل
ونزلت كان ادهم مستنيني تحت اول مره احس اني شايفاه شاب حلو اوي طردت الفكره دي من دماغي اتكسفت من تفكيري اصلا حاولت اتجنبه واروح علي العربية علي طول بس وقفني أيده

ميرا : ااااه اي يا ادهم ايدي

ادهم بحده : اي القرف اللي في وشك ده

ميرا : مفيش حاجه

ضغط ادهم اكتر علي ايديها وقال : امسحي الزفت ده حالا

ميرا بتردد : بس انا مش عايزه

كانت نظراته ترعب اي حد كنت خايفه من شكله اوي قرب منها وحاصرها علي الحيطه وقرب وشه من وشها جدا وقال بنبره مخيفه : يبقا اشيله بطريقتي

حطيت ايدي علي وشي بسرعه وقولت : هشيله حاضر ابعد

روحت غسلت وشي قدامه وانا مضايقه من تصرفه بس كله يهون علشان الحفله

ميرا بضيق : كدا حلو

ادهم بصوت لم يسمع للأسف شفايفك بقت مغريه اكتر

ميرا : هاا

ادهم : يلا

في مكان الحفل

ادهم : ميرا عندي صفقه مهمه مع مستثمر كبير اوي ياريت تكوني هادئه ومتتحركيش من مكانك خليكي قدامي تمام

ميرا : حاضر ونزلت بسرعه

ادهم : مش مطمنلك

نزل وراها

اتقابل مع صديقه وفضلو يتكلمو شويه وبعد شويه
ادهم بضيق : مين من هو بيبص لمين كدا وجه يمشي مسكه صديقه

جاسر : انت غيران من جارسون

ادهم : هو انا غيرا ن

جاسر : ايوه

ادهم بدهشه : انا غيران

جاسر : اه يا ادهم انت غيران وجدا كمان

ادهم : ولو انا غيران فعلا نعم عادي

ابتسم جاسر وهو شايف صديقه المجنون بيبعد

مشي ادهم وري الجارسون وقاله : انت بتبص علي اي

الجارسون : بزمتك مش جميله

ادهم : هي جميله في نظرك

الجارسون : اقصد زي اختي يعني

ادهم : اه طب بص بعيد بقا لو عينك جت عليها مش هخليك تعرف تشوف تاني لا هي ولا غيرها

انحني الجارسون بتوتر ومشي ادهم

ادهم : شكلهم بدؤوا يتحركو

راح ادهم للمستثمر وعيونه علي ميرا

ادهم : اهلا بالسيوفي باشا

السيوفي بابتسامه : كنت بدور عليك عايزين نتكلم في الشغل

ادهم : اكيد حضرتك اتفضل

السيوفي : عايز اعمل قريه سياحيه تكون مختلفه ومميزه وطبعا اعمالك بتتكلم عنك

ادهم بابتسامه : أن شاء الله الشغل هيعجب حضرتك ومش هيكون اخر تعامل بينا

كانت ميرا بتتجول في المكان ومنبهره ومعجبه بكل حاجه ولأنها بتحب الحلويات دخلت علي البوفيه وكانت بتجيب حاجه تاكلها من الحلو ولسه بتاكل اتفاجات ببنت غريبه جايه عليها وبتقول

البنت : هو من امتي الحفلات دي بيدخلها شحاتين

وقربت من ميرا ورفعت صباعها بقرف وخبطت بيه كتف ميرا وهي بتقول

انتي مش بكلمك

ميرا : انا نعم

البنت : الفستان ده غالي جدا انتي سرقتيه منين وازاي تدخلي مكان زي ده

ميرا : انا مش سرقت حاجه ادهم جبهالي وهو اللي جابني معاه هنا

البنت بدهشه : ادهم مين

ميرا ببرائه : بصي اللي هناك ده وشاورت عليها

البنت : طبعا مستحيل ادهم مبيديش لاي بنت وش هيجيبلك انتي فستان
وبعدين انتي مين انتي علشان تقولي ادهم كدا من غير القاب الزمي حدودك ولا انتي شكلك عايزه تتعلمي الادب من اول وجديد

كانت ميرا باين علي وجهها الضيق والغضب للاحظ ادهم ده وقرب منها

البنت : مستر ادهم شوف البنت البيئه دي بتقول أن انت اللي جبت ليها الفستان بس شكلها شغاله عندك ياريت تعلم موظفينك الادب

ادهم ببرود : اعتقد ان دي حاجه متخصكيش

بعد ما قال كدا ميرا من وري ادهم طلعت لسانها تغيظ التانيه

اتضايقت البنت وفهمت من كلامه أنه جاب فعلا الفستان ف عملت حيله وعملت نفسها بتقع علشان يمسكها أو يسندها لاكنه بص الناحيه التانيه ومهتمش

اتضايقت ميرا منه أنه مش خد حقها بردو ومشيت بسرعه ف وقعت وكسرت كعب الجزمه
حست أن وشها كله بيطلع سخونه اتكسفت جدا

وقبل ما تقوم كان ادهم شايلها ومهتمش ابدا باي حد في الحفله وخرج بيها

خبطته ميرا في كتفه : نزلني يا ادهم عيب كدا

ادهم ببرود : مسمعش صوتك لحد ما نروح

ميرا بضيق : اصلا مش عايزه اكلمك

اما عند التانيه ف كانت تستشيط غضبا وتوعدت لميرا وادهم

وصلو الفيلا ورماها ادهم علي الكنبه

ميرا بوجع : ااااه على فكره بقا انا هقول لمازن انك كنت قليل الادب معايا

اتعصب ادهم وقبل ما يكلمها رن هاتفه ف دخل الأوضه قلعت ميرا الجزمه وطلعت وراه تشوف في اي وكان الحوار كالتالي

ادهم : ايوه يا جاسر في اي

جاسر : السيوفي لغي اي تعاقد معانا

ادهم بضيق : ازاي الكلام ده هو شغل عيال عشان يرجع في كلامه

جاسر : لا يا حلو مش شغل عيال وضحك بسخرية شغل بنات

ادهم : ازاي يعني

جاسر : قريبه السيوفي بتحبك وواقعه فيك

ادهم : اه وعشان بتحبني يعني اعملها اي

شعرت ميرا بالضيق مين دي اللي بتحبه

جاسر : يا ابني ركز معايا انت احتكيت بمين النهارده

ادهم : اه تقصد البنت اللي كانت بتكلم ميرا واتدخلت

جاسر : ايوه هي دي بقا قريبه السيوفي لو رضيتها وخرجت معاها وكام كلمه حلو كدا الدنيا هتمشي

ادهم : مش انا اللي اعمل كدا انا هحلها بطريقتي سلام

رجعت ميرا بسرعه علي اوضتها بتفكر في حل تساعده بيه

********************
كانت دموعها بتنزل ومش عارفه هي زعلانه ليه معقول بتحبه وبتغير عليه معقول دموعي بتنزل من احساسي أنه ممكن يخوني حتي لو بالكلام معقول ده الحب طب هو كمان بيحبني ولالا أنا مش قادره احدد علاقتنا وتصرفه الاخير معجبنيش ابدا
اتصلت من فون الفندق انها عايزه تطلب مكالمه من مصر وادتهم الرقم وبعد شويه رن هاتف الغرفه وردت ميرا : الو

شهد بحزن : ايوه يا ميرا

ميرا بفرحه : شوشو حبيبتي وحشاني موت اخبارك اي

شهد بنبره حزن : مش كويسه ابدا اخوكي ملحقش وبيخوني

ميرا : نعم ازاي

حكت لها شهد كل شي وقالت : انا عايزه أطلق

ميرا : بصي حسب خبرتي في الروايات انتي بتحبيه يا اختي وأدام بتحبي تمسكي بحبك ومتبعديش

شهد : بس انا مش عارفه اذا كان بيحبني ولالا

ميرا : يا هبله بعد كل اللي عمله ده ومش عارفه طيب بصي اممم حسب الروايات بردو البطله عشان تعرف البطل بيحبها ولالا بتبدا تشوفه هيغير عليها ولالا هيخاف عليها ويقلق عليها ولا لا

شهد : يعني اعمل اي

ميرا : اللي خلاكي تضايقي وتغيري جربيه نفسه معاه وقف اتكلم مع بنت اقفي اتكلمي مع ولد ولا هو يجوز ليه واحنا لا وغيري استايل لبسك لحاجه جامده كدا وميكب خفيف وروقي علي حالك وربنا يسترها عليكي

شهد : ليه

ميرا : عشان انا متاكده أنه بيحبك و مازن غيور جدا وعقابك علي اللي هتعمليه مش هيكون سهل ولا بسيط عشان كدا فكري كويس

شهد : امممم طيب فهمت

ميرا : ادهم بينادي عشان الفطر هروح بقا عايزه حاجه

شهد : لا يا قلبي تسلمي

ميرا : خلي بالك من نفسك وفكري كويس يلا سلام

ابتسمت شهد وقفلت اول ما سمعت صوت الباب جريت بسرعه تحت البطنيه وعملت نفسها نايمه وفضلت تفكر في كلام ميرا تنفذه ولالا لحد ما اخدتت قرار وسرعان ما ذهبت في نوم عميق

********************

خبطت علي الباب وسمعت صوت سمح بالدخول

حور : حضرتك طلبتني

فارس : اه يا حور عندنا حفله النهار ده لازم نحضرها هنخلص شغل ونروح علي طول

حور : ليه يا فندم هو ضروري احضر

فارس : اه هنعرض مشروع هناك وطبعا انتي اللي هتتكلمي عنه

حور : تمام ماشي عن اذن حضرتك

اتصلت حور بالداده

الداده : ايوه يا بنتي

حور : داده لو سمحتي ممكن تبعتيلي اي فستان شيك للشركه عندي حفله بعد انتهاء معاد العمل ولسه عندي شغل بخلصه ممكن تجيبيه

الداده : متقلقيش يا حبيبتي هبعت السواق ليكي بالفستان نص ساعه ويكون عندك

حور : ربنا يخليكي ليا يا احلي داده في الدنيا عندي شغل دلوقتي لازم اروح باي

بدأت حور تشتغل وسالي كل شويه تيجي تسألها عن أي حاجه وتشغلها وتلغبط ليها شغلها وتقول

سالي : اي يا حور كل حاجه عاملاها غلط كدا ليه اعتذري لمستر فارس انك مش هتقدري تروحي علشان تلحقي تخلصي شغلك مظبوط

حور : لا شكرا هلحق اخلص شغلي واروح ومستر فارس قال إنه عايزني انا لشرح المشروع

سالي بضيق : اقدر انا اروح بدالك واشرح المشروع احسن منك كمان غير كدا احنا عايزين وجهه حلوه للشركه وانتي مش هتنفعي خالص بشكلك ده

حور بضيق : اتمني تخليكي في نفسك وتلزمي حدودك معايا بعد كدا عشان تصرفي المره الجايه مش هيعجبك ابدا

طلعت سالي بغضب شديده بره المكتب

حور : اوووف علي برودها اي الناس دي

كانت سالي طالعه وسمعت حد بيسال علي حور

سالي : حضرتك عايز حاجه

الموظف : في حد ساب الطلب ده لانسه حور

سالي : لالا ده شكله ليا انا هشوفه كدا واقولك

وخدته المكتب وفتحته وشافت فستان رقيق جدا
ابتسمت بخبث وقالت : يا عيني يا حور مش هتلاقي حاجه تلبسيها للحفله ومسكت المقص

وبعد شويه طلعت سالي : اتفضل يا استاذ فعلا الطلب ده مش ليا

دخل الموظف على مكتب حور وحط الطلب علي الكرسي وخرج كانت حور مشغوله جدا من كميه الملفات اللي قدامها ومش مركزه في حاجه

وبعد مرور ساعتين
خرج فارس : حور انتي لسه هنا مجهزتيش ليه

حور : كنت مشغوله في شويه شغل

فارس : كان ممكن يتأجل الشغل عادي النهار ده

حور بستغراب : انسه سالي قالت ضروري يخلص النهار ده

فارس : جهزتي هتروحي بايه

حور وهي بتبص حواليها : اه اهو وفتحت الشنطه وطلعت الفستان بس كانت مصدومه كان قصير ومتقطع
بصت للفستان ولفارس و ابتسمت

شدها فارس من ايديها وقال : تعالي معايا ركبو العربيه وبعد فتره وقف في مول كبير فيه فساتين جميله جدا ودخل احد المحلات وكانت حور بتمشي وراه

شاور بايده علي 3 فساتين وشاور للعاملين يجيبوهم

الموظفه بإعجاب وهيام : تؤمر بايه يا فندم

بصتلها حور وفتحت بقها من تصرفها

فارس ببرود : عايز التلات فساتين دول مقاس الانسه

الموظفه بابتسامه : حاضر يا فندم ارتاح بس انت

قعد فارس وحط رجل علي رجل وحور بتبص بضيق وقالت : اي المكان ده

فارس : حاجته حلوه قيسي الفساتين وشوفي

بصتله حور بغيظ ف ابتسم ليها دخلت غيرت
واختارت فستان ازرق سماوي رقيق

لاحظت حور تصرف الموظفه وهي بتفتح بعض زراير القميص وبتقرب من فارس اشتعلت حور غضبا

الموظفه : ممكن حضرتك تديلي رقمك علشان
نوصل اللبس لبيت حضرتك
حاولت حور تقف قدام البنت علشان متخليهاش تبص علي فارس ليبتسم فارس
حور : بس احنا مش عايزين ده شكرا
ابتسمت البنت وقالت : علشان بردو لو في اي استايلات نزلت جديد ابلغ حضرتك

حور بضيق : لو عندك الشجاعه اعملي كدا وانا هكسرلك المحل ده

وبصت علي فارس لقته بيضحك
مسكت أيده وشدته لبره المكان بغضب

********************
نور بخوف ووجهها اصفر : م مأذون لايه يا عمي

العم : عشان يكتب كتابك علي حازم بيه

تفتكروا اسر هيعمل اي وهيقدر يخلص نور ولالا
وادهم يا تري يقصد اي بأنهم بدؤو يتحركو
وهل ميرا هتقدر تلاقي حل عشان ترجع صفقه ادهم
وشهد خدت القرار الصح ولالا يا تري هتعمل اي مع مازن
اما فارس تفتكروا قدر يوقع حور وهل اللي جاي بينهم هيقربهم ولا القدر ليه راي تاني
كل ده هنعرفه في البارت الجديد
وكدا تكون خلصت حلقتنا استنونا في بارت جديد مع السلامه

ياريت اشوف تفاعل زياده وتقولو رايكم وتشاركوني