طع,نات الغد,ر والحب الكاتبة ايمي ج8

………………………………………….. ……………………
بعد ان تم رسم الصورة المماثلة لمن قام بتخدير الحارس اخذ خالد الورقة ودقق فيها
فوجد ان الصورة هى لرجل بشارب ولحية ولكنه يشبه الى حد كبير عمر
فانتابه الشك حيال عمر بانه هو من قام بمساعدة سيف على الهروب
لم ينتظر خالد واتصل على عمر وهو يقف امام سيارته وسأل عن مكان وجوده لانه يريده فى امر مهم
كان عمر ساعتها قد وصل الى الشركة وكان يقف امامها فاخبر خالد بانه فى الشركة
ركب خالد سيارته وانطلق بها الى الشركة
جلس عمر فى مكتبه وهو يشعر بالقلق الشديد من ان يكون قد قبضوا على سيف او ان يكون احد شك فى امره ويتورط هو الآخر بعد ان ساعد سيف على الهروب فظل منتظرا خالد وهو فى غاية التوتر
حضر خالد الى الشركة وذهب الى عمر فى مكتبه
قابله عمر بوجه مرتبك بعض الشئ وسلم عليه واجلسه قائلا:تشرب ايه يا خالد
خالد:انا مش جاى اشرب حاجة يا عمر
انا جاى اسألك سؤال واحد وتجاوبنى عليه بصراحة
عمر وهو يشعر بالقلق:سؤال ايه؟
خالد:انت اللى ساعدت سيف على الهروب؟؟
عمر:ايه ده هو سيف هرب؟؟
خالد:متلفش وتدور عليا يا عمر
ساعدته ولا لأ
خالد:انا اساسا اول مرة اعرف ان سيف هرب دلوقت حالا
يبقى ازاى هكون ساعدته
خالد:احنا جيبنا رسام ورسم صورة للشخص اللى ساعد سيف على الهروب وفيه شبه كبير منك
لو انت اللى ساعدته قولى سيف فين واوعدك انى مجيبش سيرتك خالص فى الموضوع
عمر:انا بصراحة مش عارف انت بتتكلم عن ايه
قولتلك انى معرفش عنه اى حاجة
خالد:يا عمر سيف كده بيئذى نفسه ولو انت عرفتنى مكانه انا مش هقبض عليه لانك عارف انه صديقى وانا لا يمكن هأذيه لكن هروح اقنعه يسلم نفسه علشان الهروب مش فى مصلحته
سكت عمر قليلا وهو لا يدرى ايخبره ام لا
خالد:ارجوك يا عمر قولى سيف راح فين
لو بتحبه وخايف على مصلحته عرفنى مكانه علشان نلم الموضوع قبل ما يكبر
نظر اليه عمر بحيرة ثم قال:بس انا لو قولتلك على مكانه اكيد هيزعل منى
خالد:معنى كده انك عارف مكانه
يعنى انت اللى ساعدته؟؟
تنهد عمر وهو يقول :ايوة
خالد بحزن شديد:ليه كده يا عمر انت عارف انت عملت ايه؟؟
انت عملت جريمة ممكن تتحاسب عليها انت كمان ده غير انك اذيت سيف بتصرفك ده
خالد:انا آسف جدا يا خالد بس هو اترجانى كتير وانا مكونتش موافق وحاولت اقنعه يصرف نظر لكن هو مرضيش يسمع كلامى
خالد:طب ممكن تقولى بقى الاقيه فين علشان نلحقه قبل مايعمل مصيبة تانية
عمر:انا قولتله يروح يقعد فى الشاليه بتاعى لانه أأمن مكان ممكن يروحه على ما يشوفله مكان تانى
خالد طب بينا على الشاليه ده يالا
عمر:بلاش انا يا خالد لانى متأكد انه هيزعل وهياخد موقف منى لانى دليتك على مكانه
روح انت لوحدك يمكن تقدر تقنعه يسلم نفسه
خالد:طب ادينى العنوان بسرعة