طع,نات الغد,ر والحب الكاتبة ايمي ج8

استطاع عمر ان يحضر الى سيف الدواء الذى طلبه منه لتنفيذ خطة الهروب بالرغم من
عدم موافقة عمر على تنفيذ هذا الامر الا انه فعل ذلك بعد الحاح سيف الشديد عليه
بعدما دخل سيف زنزانته ابتلع كمية معينة من هذا الدواء وانتظر قليلا حتى بدت عليه الاعراض التى تنبئ عن حدوث تسمم له
فبدأ يتصبب عرقا وانتابه الما شديدا فى المعدة لدرجة انه شك فى ان هذا الدواء مسمم بالفعل
ولم يكن لسيف ان يسلك طريقا آخر لاظهار هذه الاعراض الا هذه الطريقة حتى اذا ما عرض على طبيب السجن فيحيله الى المستشفى لمعرفة السبب و لعمل غسيل معدة له
وهذا ما كان فبعد رؤية طبيب السجن له شك فى حدوث حالة تسمم لسيف فكتب له طلب نقل الى المستشفى فورا لمعرفة السبب ولادراك المشكلة
وكان سيف اثناء طريقه الى المستشفى يتألم الما حقيقيا وشديدا للغاية وهذا ما جعل الجميع لا يشكون بأمره مطلقاوبمجرد وصوله الى المستشفى رآه الطبيب المختص وعاين حالته وشك هو الآخر فى حدوث تسمم فطلب تحليل عينة من الدم ليعرف سبب هذه الاعراض
وبعد ان اخذ العينة وانصرف من عنده ظل بجانبه حارسين حتى لا يهرب وكانا ينتظران على الباب,حضر عمر الى المستشفى وبيده حقيبة بها بعض الملابس ومن ضمن هذه الملابس
بالطوا ابيض وسماعة حتى يستطيع سيف ان يخرج بها من المستشفى وملابس اخرى سيرتديها بعد هروبه من المستشفى وكان عمر قد احضر لنفسه هو الاخر ملابس طبيب حتى يستطيع ان يساعد سيف فى الهرب
ارتدى عمر البالطو الابيض فى الحمام ووضع السماعة على رقبته وبدى كطبيبا يعمل بالمستشفى
بعد ان ارتدى نظارة نظر كبيرة ووضع شاربا صناعيا ولحية بسيطة صناعيةهى الاخرى
حتى لا يتمكنوا من معرفته فى المستقبل اذا مانجح سيف فى الهروب
ودخل غرفة سيف على انه طبيب زميل سيعاين الحالة كمساعد للطبيب الاصلى
ودخل بالفعل وكانت آثار الدواء قد بأت تزول نظر عمر الى سيف وهو مرتبك وقال:يالا مافيش وقت الدكتور ممكن ييجى فى اى لحظة
قم سيف من السرير بسرعة وقال له:طب هخرج ازاى والحراس اللى على الباب دول مبيتحركوش انا لومامشتش حالا الدكتور هييجى بعد ما يكون اكتشف ان الاعراض دى مزيفة ومافيش تسمم ولا حاجة وهيرجعونى السجن تانى
عمر:انا هتصرف بس اعمل اللى هقولك عليه
خرج سيف من الغرفة وهو يستند على عمر واخذ يتأوه نظر الحارسين اليه فقال احدهما
انت موديه على فين ده ممنوع يتحرك
عمر:المريض محتاج يروح الحمام ضرورى ومتقلقش انا هرجعه تانى
الحارس:طب استنى هآجى معاكوا لانه مينفعش يمشى من غير ما يكون معاه حد فينا
نظر سيف الى عمر وقد فشلا الاثنان من التخلص من وجود هذا الحارس
دخل سيف الى الحمام بينما ظل الحارس وعمر واقفين بالخارج وهما بانتظار سيف
ارتدى سيف الملابس التى اعطاها له عمر ووضع ملابسه داخل الحقيبة التى معه
واخفى ملامحه بالشارب الصناعى وارتدى السماعة هو الاخر على رقبته
اما عمر فاستدار للجهة الاخرى عن الحارس واخرج من جيبه مخدر اسبراى يفقد الوعى
وهو فى غاية الارتباك ظل لحظات مغمضا عينيه ليستجمع قوته ثم استدار واطلق المخدر على وجه الحارس بغزارة حتى خارت قواه وسقط على الارض
هنا طرق عمر على باب الحمام بسرعة ونادى على سيف ليخرج،فخرج سيف بسرعة وبيده الحقيبة وقد ارتدى الزى الطبى وهو يخفى معالم وجهه بالشارب واللحية والنظارة
ثم خرج مبتعدا عن الحمامات و الغرفة التى كان فيها وسلك طريقا يؤدى الى البوابة الخارجية بعيدا عن عيون المارة
هنا استوقفه عمر وهو ينظر حوله بقلق ثم قال:ارجوك يا سيف لازم تختفى عن العيون تماما
مش لازم يقبضوا عليك لازم انت اللى تسلم نفسك علشان لو قبضوا عليك هتبقى التهمة ثبتت اكتر
سيف:اطمن خالص ان شاء الله محدش هيشوفنى
عمر:انا جيبتلك هدوم غير اللى عليك دى ادخل اى حمام عمومى والبسها وهديك مفتاح الشاليه بتاعى اللى كنت بسهر فيه انا واصحابى تقعد فيه لحد ما تشوف مكان تانى لان البوليس مش هيسيب اى مكان ممكن انت تتردد عليه الا وهيراقبوه
وياريت تبدل شريحتك وتتصل عليا من الرقم الجديد واول ما اخد رقمك الجديد هبدل شريحتى انا كمان لانهم ممكن يراقبوا تلفونى
سيف:خلاص بقى سيبنى امشى احسن زمانهم اكتشفوا هروبى
عمر:طب مش هتسلم عليا قبل ما تمشى؟؟
احتضنه سيف بقوة لمدة ثوانى ثم ارسله وهو يقول :اشوف وشك بخير يا عمر
نظر اليه عمر بعيون لامعة وقال:خد بالك من نفسك يا سيف
اومأ له سيف ثم تركه وجرى مبتعدا ليخرج من المبنى تماما
اما عمرفنظر حوله ليتفقد المكان وليرى اذا ما رآهم احد ام لا وعندما اطمأن اختفى هو الآخر
عندما عاد الطبيب بنتيجة التحليل لم يجد سيف بالمكان فاسرع الى الحارس يسأله فاخبره ان طبيب آخر حضر ليأخذه الى الحمام وذهب معهما زميله الحارس فشك الطبيب بالامر وذهبا معا الى الحمام
فوجدا ان الحارس الآخر ملقى على الارض وهو فاقد الوعى تماما فتفقدا الحمامات فوجداها خالية تماما فأيقنوا انه قد هرب
علم خالد بالامر فصدم من ذلك فجاءته اوامر بان يأخذ معه مجموعة من العساكر للقبض عليه فنفذ الوامر وهو فى غاية الالم من تصرف سيف الذى سيكون قد اضعف من موقفه فى القضية
وصل خالد الى المستشفى وحقق فيما حدث وعلم ان هناك شخصا ساعده على الهرب ولكنه جهل معرفة هذا الشخص فأخذ اوصافه من الحارس وامر شخصا برسم صورة مماثلة له
………………………………………….. ……………………
وصلت سوسن الى الاوتيل الذى تقطن فيه سلمى وذهبت لتسأل
موظف الاستقبال عن غرفتها فدلها عليها
صعدت سوس الى الدور الذى يوجد به غرفة ابنتها واقتربت من الغرفة ثم طرقت الباب عدة طرقات خفيفة
فتحت سلمى الباب بعد ان ارتدت الروب فتفاجأت بوالدتها تقف امامها
فنظرت اليها وآثار المفاجأة على وجهها ولم تتكلم
نظرت اليها سوسن وقالت:مش هتقوليلى اتفضلى؟؟
تركت سلمى الباب مفتوحا ودخلت الغرفة دون ان تطلب من والدتها الدخول
تقدمت سوسن داخل الغرفة واغلقت الباب خلفها والقت حقيبتها على السرير وهى تقول:انتى لسة برده زعلانة منى بعد اللى حصل؟؟
انتى عارفة كويس انك انتى اللى خرجتينى عن شعورى
سلمى بوجه عابس:ممكن اعرف بقى انتى عرفتى مكانى ازاى؟؟
سوسن:هو ده كل اللى همك؟؟
عرفتك مكانك ازاى؟
ومش همك انك تسبينى قلقانة عليكى طول المدة دى من غير ما ترفعى سماعة التلفون علشان تطمنينى عليكى؟؟
سلمى بتهكم:عايزانى اتصل بيكى علشان تفتحيلى محضر وتقوليلى انتى فين وبتعملى ايه ؟
سوسن:هو انا لما ابقى خايفة عليكى يبقى بفتحلك محضر
سلمى:انا عارفة مصلحتى كويس وبعرف احمى نفسى ومش محتاجة وصايا من حد
سوسن:واضح انك لسة برده مصممة على اللى فى دماغك
بس احب اعرفك حاجة
عمر شاكك ان ليكى علاقة باللى حصل لسيف
مش كده وبس ده عرف انك على علاقة بكارم حسين وبتقابليه
شعرت سلمى بالقلق من كلامها وقالت:طب وهو عرف ازاى انى بقابل كارم
سوسن:معرفش
سلمى:حتى لو يعرف هو معندوش دليل على اللى هو بيقوله ده
سوسن:انا خايفة عليكى يا حبيبتى
علشان خاطرى
علشان خاطرى ارجعى معايا وابعدى عن اللى اسمه كارم ده
طول ما ليكى علاقة بيه هتلفتى النظر ليكى وممكن رجلك تيجى فى القضية
سلمى:انتى مالك خايفة كده ليه
هم كانوا لقوا دليل على الكلام اللى بيقولوه ده ولا بيقولوا اى كلام وخلاص
وبعدين انا علاقتى بكارم عبارة عن بيزنس وبس لانى هفتح معاه مشروع خاص بشغلى وهنصمم ازياء عالمية ونصدرها
سوسن:وملقتيش غير ده وتشتغلى معاه؟؟
ده سمعته زى الزفت
سلمى:انا مسمعتش عنه اى حاجة وحشة لحد دلوقت
وبعدين ده رجل اعمال ناجح وفكرته عجبتنى والمشروع ده
هيبقى فوق خالص وهتشهر اوى مش احسن ما انا بشتغل على الضيق؟
سوسن:يعنى مافيش فايدة؟؟
سلمى:لو سمحتى يا مامى سبينى اشوف مستقبلى
متحسسنيش انى قاصر ومش عارفة مصلحة نفسى
سوسن وهى تمسك بحقيبتها:يعنى مش هتيجى معايا؟؟
سلمى:لأ
لما احس انى اعصابى ارتاحت انا هرجع من نفسى
سوسن :انتى حرة
بس افتكرى انى جيتلك هنا ونصحتك لكن انتى مرضتيش تسمعى كلامى
توجهت سوسن ناحية الباب وفتحته ثم القت على سلمى نظرة اخيرة وهى تتنهد بحزن ثم خرجت واغلقت الباب خلفها
اما سلمى فزفرت انفاسها وهى تقول:مافيش حد فاهمنى خالص
ايه ده؟؟