طع,نات الغد,ر والحب الكاتبة ايمي ج8

سلمت منى على دادة وعلى نيرمين وجلست بجانبها بعض الوقت ثم اخذت نيرمين جانبا
عندما لاحظت على وجهها الحزن فقالت لها:مالك يا نيرمين شكلك زعلانة من حاجة
نيرمين:مافيش يا منى
منى:هتخبى عليا؟؟
امسكت نيرمين دموعها وامسكت منى من يدها وسحبتها خارج الغرفة وهى تقول لدادة:
منى عايزانى فى حاجة يا ماما هشوفها عايزة ايه وهاجيلك على طول
دادة:ماشى يا حبيبتى
خرجت نيرمين من الغرفة ثم انهارت فى البكاء
نظرت اليها منى بحزن وحضنتها قائلة:فى ايه بس يا نيرمين قلقتينى
نيرمين:مش عارفة اقولك ايه يا منى
انا بجد تعبانة اوى
منى:طب اهدى كده وفهمينى ايه اللى حصل
سيف زعلك فى حاجة لما كنتى عنده؟؟
نظرت نيرمين اليها وهزت راسها وهى تبكى
منى:طب فهمينى قالك ايه زعلك
نيرمين:انا كنت فاكرة انه عمره ما هيسيبنى ولا يتخلى عنى بعد ما عرف اللى حصل من عمر
وقولت حبه ليا اكبر من اى حاجة وخصوصا انه عارف انى ماليش ذنب فى اللى حصل
اتفاجئت النهاردة انه لبس الدبلة وعايز يرجعلى
منى:طب وهى دى حاجة تزعل؟؟
نيرمين:مش ده اللى مزعلنى
اللى مزعلنى يا منى مرجعليش الا لما عرف ان عمر ملمسنيش لان كرامته متسمحلوش يتجوز واحدة اتعرضت للاغتصاب من واحد غيره
انهارت فى البكاء ثم قالت:يعنى الاستاذ مكانش هيقبل على نفسه يتجوزنى علشان مكانش هيستحمل على نفسه يتجوز واحدة واحد غيره اعتدى عليها حتى لو كان غصب عنها مع انه لو كان حصل فعلا كان هيبقى هو السبب
تنهدت منى بحزن ثم قالت:معقول يكون بيفكر بالطريقة دى!!غريبة اوى
مع ان كلامك عنه بيقول غير كده
نيرمين:بقولك قالهالى فى وشى،انا لحد دلوقت مش مصدقة
معقول كان هيتخلى عنى ويسبنى وهو عارف ان ده كان غصب عنى وكمان هو السبب فيه؟؟!!
منى:معلش يا نيرمين هم الرجالة كده بيبقوا عايزين البنت اللى يتجوزوها قطة مغمضة ومالهاش تجارب وميكونش حد لمسها قبله حتى لو كان هو عمل مية علاقة مع واحدة غيرها قبل ما يتجوزها
نيرمين:وهو ده العدل؟؟
منى:لأ طبعا،بس هنعمل ايه بقى قدر ربنا ولازم نستحمل
نيرمين:نستحمل ايه؟؟
انتى فاكرة انى ممكن ارجعله بعد اللى قاله ده؟؟عمرى
منى:يعنى مش هترجعيله؟؟
سكتت نيرمين لحظات ثم قالت:عايز يرجعلى بعد ماعرف انى سليمة ده بعده
انا بقى هتجوز غيره وفى اقرب وقت كمان
منى:انتى بتقولى ايه؟؟هتتجوزى مين؟؟
نيرمين:د وليد
منى:هو د وليد اتقدملك؟
نيرمين:ايوة طلب منى الجواز ورفضت وفضل يلح عليا ولحد دلوقت يتمنى انى اوافق
منى:متتسرعيش يا نيرمين وتاخدى قرار وانتى مضايقة لازم تفكرى بعقلك وبهدوء
نيرمين:وهو انا عاد فيا عقل انا خلاص هتجنن
منى:مينفعش تتجوزى د وليد وانتى بتحبى سيف
كده هتظلميه معاكى وهتظلمى نفسك
نيرمين بحزن:وهو الحب كان عملى ايه،ده انا شوفت عذاب فى حياتى بسبب حبى ليه محدش يقدر يستحمله
منى:طب استهدى بالله وابقى فكرى بهدوء مع نفسك والاحسن تستخيرى ربنا
وان شاء الله ربنا هيختارلك اللى فيه الخير
نيرمين:هو ده اللى هيحصل
انا هستخير ربنا واللى ربنا كاتبهولى هشوفه
منى:طب ممكن تفضينا من السيرة دى بقى وتعالى اما احكيلك حتة موقف انما ايه
جنان
نيرمين:موقف ايه تانى
منى:عارفة الشاب اياه اللى حكيتلك عنه قبل كده؟؟
نيرمين:ماله ده؟؟
منى:شوفته تانى النهاردة
نيرمين:دا انتى موعودة بيه بقى!!
منى:بصراحة انا ببقى سعيدة اوى لما بشوفه ياخراشى عليه
قمر قمر
نيرمين وهى تنظر اليها بابتسامة :الله الله الله
دا انتى وقعتى بقى؟؟
منى:وقعت دا ايه مش انا اللى تقع بسهولة كده
نيرمين وهى تقلدها:قمر قمر!!
والله يا بنتى شكلك وقعتى
………………………………………….. ………….
“فى الشركة”
دخل اسامة احد العاملين بالشركة الى مكتب سيف الذى كان يجلس فيه عمر لمعاينة بعض المستندات حتى يعرف الوضع الذى آالت اليه الشركة
نظر عمر اليه وقال:كنت عايزنى ليه اسامة
اسامة:فى حاجة غريبة حصلت يا عمر بيه ولازم حضرتك تاخد خبر بيها
عمر باهتمام:ايه هى؟؟
اسامة :فى واحد اسمه جمال بيشتغل تبع كارم حسين
واحد من الموظفين شافه جه اكتر من مرة وفى مرة فيهم شافه بيكلم واحد من اللى بيحرسوا المخازن
مش عارف بقى الموضوع ده له علاقة باللى حصل ولا لأ
ترك عمر ما بيده وقال:الكلام ده انت عارفه من امتى
اسامة:لسة عارفه النهاردة
عمر:ومين اللى شافه
اسامة:واحد من العمال اللى بيشتغلوا فى المخازن
عمر:انا عايزك تبعتهولى هنا حالا
دقيقة واحدة الاقيه عندى مفهوم؟؟
اسامة:امرك يا عمر بيه
خرج اسامة من المكتب بينما نظر عمر امامه بغيظ وهو يقول:انا كنت شاكك انك وراها يا كارم الكلب
انا هخليك تمشى تلف حوالين نفسك
………………………………………
“مكتب خالد”
نظر سيف الى خالد وهو فى غاية القلق وقال:خير يا خالد وصلت لحاجة؟؟
خالد:للاسف يا سيف محدش من اللى بيحرسوا المخازن يعرف اى حاجة وكلهم قالو انهم مخلوش اى حد غريب يهوب ناحية المخازن والبضاعة زى ماجت زى ما دخلت محدش غير فيها حاجة
سيف بعصبية:ازاى الكلام ده يعنى المخدرات دخلت لوحدها؟؟
خالد:اهدى يا سيف انا مش هسكت وخليت فى مراقبة على كل واحد فيهم وان شاء الله هنوصل لحاجة
سيف:لو حد فيهم عرف انه بيتراقب اكيد هيقول لزمايله وهياخدوا بالهم وساعتها مش هتعرفوا تمسكوا عليهم حاجة واضيع انا فى شربة مية
خالد:اطمن انا عامل حسابى وموصى اللى بيراقبوهم ياخدوا بالهم كويس علشان محدش فيهم يحس بحاجة
………………………………………….. .
ارتدت سلمى فستان سهرة رائع وفى قمة الاناقة مع قرطين من نفس نوع العقد ومعه خاتم من نفس الطقم الرائع وذهبت لتقضى سهرتها مع كارم فى المطعم الذى عزمها فيه