خداع انثى الجزء الثالث
-انا ايه جابنى هنا وازاى نمت كده وهى ازاى سكتت انا مش فاكر ايه اللى حصل امبارح وازاى اصلا نمت معاها فى اوضه واحده من غير ما المسها شكلى تقلت فى الشرب امبارح وظل ينظر لها وهى نائمه وسرح بملامحها الطفوليه وحرك يده باتجاه وجهها وتحسس بشرتها ثم حرك اصابعه على شفتيها شعرت بيده فتحت عينيها سريعا وابتعدت عنه وقالت بتوتر
رقيه :- ر ر رائد ب ب بيعمل
ابتلع ريقه بتوتر وقال
رائد:-ه ه هو انا نمت هنا ازاى امبارح
نظرت له بأستغراب وقالت
رقيه :- ل ل ليه ه ه هو رائد م م مش فاكر حصل أيه امبارح
حرك رأسه بالنفى وقال سريعا
رائد :- لا مش فاكر، هو حصل حاجه ما بينا امبارح
ردت عليه سريعا وقالت
رقيه :- لا ، ر ر رائد دخل أوضة رقيه وهو سكران ونام على طول من غير ما يقول اى حاجه ورقيه معرفتش تصحيه علشان يروح ينام فى اوضه سابته
نظر لها بضيق وقال
رائد :- رائد نام ورقيه سابته ده من حظى الزفت يعنى يوم ما نمت فى اوضك نمت زى زيك كده من غير ما اعمل اى حاجه والله عيب على رجولتى
نظرت له بغضب وقالت بنبره مختنقه
رقيه :- رائد يروح اوضه قبل ما حد يجى يشوفه هنا
نهض سريعا وقال
رائد :- وعد منى المره الجايه هقلل الشرب شويه علشان اكون فايق واعمل معاكى الواجب وتركها وخرج من الغرفه
نظرت إلى اثره بحزن وقالت
رقيه :-حتى الكلام اللى قالوا ليا امبارح طلع مش فاكر منه حاجه وقالوا تحت تأثير الكحل يعنى انتى مفكره ايه رائد هيسيب كل البنات دى كلها ويحبك ويبصلك انتى هو عايز منك حاجه واحده بس لو اخدها هيبقى اخرك الشارع فؤقى يا رقيه وفكك من شغل الجنان ده رائد مش توبك ولا انتى من توبه ركزي فى مهمتك وسيبى البيت ده فى اسرع وقت ونهضت من على السرير ودلفت المرحاض
…………………………………………………….
بالحاره
جلست امينه على الأرض امام طاولة الطعام ونظرت إلى أبنائها بغضب وقالت بنبره عاليه
-بقولكم ايه اقسم بالله لو اختكم مرجعتش البيت النهارده لكون سايبه ليكم البيت وامشى ومحدش هيعرف مكانى
رد عليها سريعا وقال
هشام :- اعمل ايه بس يا اما ما انا مش ساكت اهو وروحت عملت ليهم دوشه قدام الشركه والراجل اتكلم معايا بأسلوب وحش وشكله كده انه مش سهل ومش بيخاف حتى من التهديد
ردت عليه بغضب وقالت
امينه:- يعنى ايه خلاص على كده البت راحت من تحت ايدينا طيب والراجل اللى جاى كمان يومين علشان يتجوزها هنعمل معاه ايه
