خداع انثى الجزء الثالث
-انزلى يلا يا رقيه
نظرت له بأستغراب وقالت بتساؤل
رقيه:- طيب ورائد هيروح فين
نظر لها بتوتر وقال
رائد :- ها رائد هيروح يسهر
نظرت له بضيق وقالت
رقيه :- رقيه مش عايزه رائد يروح يصيع ويسهر مع البنات ويعمل قلة أدب
نظر لها نظره مطوله واقترب منها وقال
رائد :- رائد مستعد يفضل النهارده فى البيت بس يقضى الليله مع رقيه فى اوضتها
جحظت عيناها بصدمه والكلام وقف بحلقها ابتلعت ريقها بتوتر وقالت
رقيه :- ر ر رائد قليل الادب ورقيه هتزعل منه تانى، رائد كان محترم مع رقيه ومش قليل الادب النهارده
ابتعد عنها مره اخرى وزفر بضيق وقال
رائد :-يبقى خلاص اتفضلى انزلى خلينى امشى
نظرت له بترجى وقالت
رقيه :- رائد يفضل فى البيت وميروحش الأماكن الوحشه دى علشان خاطر رقيه
نظر لها نظره مطوله وتنهد بضيق وقال
رائد :- اخلصى يا رقيه انزلى بقولك
زفرت بضيق وهبطت من السياره بغضب ودفعت الباب بقوه وتركته ودلفت إلى الداخل وقالت
رقيه:- مش قادر يعيش محترم زى الناس ابدا لازم يروح الأماكن الزفت دى منك لله يا اسر انت السبب عاااا هموت من الغيظ وصعدت إلى غرفتها
ظل يتابعها حتى اختفت من امام عينه وتنهد بضيق وادار السياره سريعا واتجه إلى إحدى الأماكن المشبوهه
ارتمت على السرير بضيق ووضعت الوساده على وجهها وقالت بغضب
رقيه :- كان كل ده مستخبى ليا فين بس ياربى هطق من جنابى وانا عارفه هو رايح يعمل ايه دلوقتى كان لازم اتنيل على عينى واحبه ده مش حب ده عذاب وانا مش حمل عذاب تانى تعبت بقى تعبت.
………………………………………………………
فى إحدى الأماكن المشبوهه
وصل رائد بسيارته وهبط منها واتجه إلى داخل أحدى الملاهي الليلى وبحث بعينه على اسر صديقه وجده جالس وعلى قدمه فتاة ترتدى ملابس فاضحه اتجه إليه وقبل الفتاة من وجينتها وجلس على المقعد المجاور لأسر
نظر له بأبتسامه وقال
اسر :-سى روميو منور المكان
نظر له بأستغراب وقال
رائد :- روميو !! أنت شكلك اليومين دول اتجننت بتقول كلام مش مفهوم
تعالت ضحكاته وقال
اسر :- لا يا حبيبى الكلام ده مش عليا انا انا عاقل وزى الفل وعايش حياتى وبمتع نفسي الدور والباقى على سي روميو اللى وقع على جدور رقابته ومع مين رقيه ده انت اللى اتجننت على الآخر بقى حد يسيب الحريه والمتعه دى كلها علشان واحده زى دى وقبل ما تتكلم وتنكر انا متأكد من كلامى حتى لو انت بتنكر ورافض الحقيقه دى انت واقع لشوشتك يا سى روميو
