خداع انثى الجزء الثالث
-مالك يا أسلام متعصب كده ليه
أغلق عينه بضيق وقال بنبره مختنقه
اسلام :- انا سيبت ليهم البيت النهارده ومش هرجع تانى ليهم امى وهشام خلاص فقدوا عقلهم وكل تفكيرهم ازاى يستفيدوا من وراه رقيه ومش مهم هى تولع انا مش هسمح لحد فيهم يأذيها
تنهدت بضيق وقالت بنبره هادئه
مياده:- طيب اهدا يا اسلام واللى انت شايفه صح اعمله بس ناوى تعيش فين كده
رد عليها بنبره غاضبه وقال
اسلام :-مش مهم انشالله انام فى الشارع احسن من اعيش فى بيت فيه ناس كلها شر وحقد على اختى
ردت عليه بقلة حيله وقالت
مياده:- والله لو كان ينفع كنت قولتلك تعالى اقعد عندنا فى الشقه بس انت عارف ان الناس مش هتسكت وهيفضلوا يقولوا فى كلام جارح علينا
تكلم بتفهم وقال
اسلام :-عارف يا مياده وانا مستحيل اعمل كده انا مش شاغل بالى هنام فين انا كل اللى شاغل بالى دلوقتى ازاى احمى اختى منهم امى وهشام مش ناوين على خير ليها لازم ابقى جنبها علشان احميها
نظرت له نظره مطوله وقالت
مياده :- طيب ما تخلى رقيه تكلم الراجل صاحب البيت يشغلك عنده ويشوف ليك اوضه عندهم منها تلاقى شغلانه احسن من اللى انت فيها دى ومنها تبقى جنب اختك وتعرف تحميها منهم كويس
حرك رأسه بالنفى وقال
اسلام :-لا طبعا مستحيل اعمل كده ابقى مفرقتش كتير عن هشام واستغليت اختى انا كمان علشان مصلحتى سيبك منى انا هعرف أدبر امرى انا بس كنت مخنوق وعايز اتكلم معاكى شويه ربنا يخليكى ليا وتفضلي دايما فى ضهرى يا مياده
ابتسمت له ابتسامه حزينه وقالت
مياده:-انا عارفه ان الفتره الاخيره دى اتحملت كتير فوق طاقتك بس انت قدها وقدود يا اسلام وده اختبار من ربنا ولازم تصبر عليه وان شاءالله ربنا هيحلها من عنده قريب وانا هفضل جنبك وسندك طول العمر يا حبيبى
امسك يدها بسعاده وقال
اسلام :-كلمة حبيبى طالعه من بين شفايفك جميله اوى
ابعدت يدها من يده وقالت بخجل
مياده :-ا ا انا لازم امشى علشان اتأخرت على البيت وماما هتزعق على التأخير ده
اوما رأسه بتفهم وقال
اسلام :-ماشى قومى يلا اوصلك
نهضت من على مقعدها ونهض اسلام وخرجوا من المكان سويا أوقف سيارة اجره وذهبوا إلى منزل اهل مياده.
……………………………………………………
انتهى وقت العمل وعاد رائد ومعه رقيه بالسياره إلى البيت وقف امام الفيلا ونظر إلى رقيه وقال
