خداع انثى الجزء الثالث
نظرت بغضب لهشام وقالت
امينه :-اختك ترجع البيت يا هشام واللى يوقف فى طريقك اخلص منه حتى لو كان اخوك اسلام فاهم
نظر لها بتوتر واوما رأسه بالموافقه وقال
هشام:- ح ح حاضر يا اما
نظرت له نظره مطوله وتركته ودلفت غرفتها
نظر هشام إلى أثر والدته وجلس على المقعد بضيق وقال
-هتعمل ايه بس يا هشام وهتوصل ليها ازاى بس وسط كل الحرس دول .
……………………………………………………
بالشركه
وصل رائد مكتبه ومعه رقيه نظرت إلى مكتب فاطمه الفارغ ثم نظرت إلى رائد وقالت بتساؤل
رقيه:- رائد هى فاطمه فين مش قاعده مكانها ليه!؟
زفر بضيق وقال بغضب
رائد :- راحت فى ستين داهيه ومن هنا ورايح مش عايز اسمع اسمها ده تانى فاهمه
اومات رأسها بأستغراب وقالت
رقيه :- ر ر رقيه فاهمه وجلست على الاريكه وظلت تنظر له وهو يتابع عمله حتى غالبها النوم وذهبت فى سبات عميق
لاحظ هدوء رقيه بالمكان رفع رأسه ونظر إليها وجدها نائمه نهض من على مقعده واتجه إليها وجلس بجوارها على الاريكه وظل ينظر لها وهى نائمه حتى شعر براسها تسقط إلى الاسفل وضع يده سريعا ومنعها من التساقط ووضعها على كتفه وظل يتابعها وهى نائمه بهدوء حرك اصابعه على وجهها برقه ثم اعتدل بجسده واحاطها بذراعه ووضع رأسه على رأسها وابتسم بسعاده وظل على هذا دقايق معدوده استيقظت رقيه وشعرت بشئ على رأسها وشعرت بذراع احد اعتدلت سريعا ونظرت إلى الأعلى وجدته رائد ابتلعت ريقها بتوتر وقالت
رقيه :- ر ر رائد بيعمل ايه هنا
اعتدل بجسده وابتعد عنها وقال
رائد :- ولا حاجه لاقيتك نايمه وراسك هتوقع قعد جنبك علشان احط راسك على كتفى
نظرت له بأستغراب وقالت
رقيه :- رائد طيب ورقيه بتشكره
أبتسم لها وقال
رائد :- اول مره رقيه تمدح رائد
شعرت بدقات قلبها تزداد ابتعدت عنه وضمة ذراعيها على صدرها وقالت بتوتر
رقيه :- ع ع علشان رائد النهارده مش قليل الادب مع رقيه
نهض من على الاريكه وخلع سترته واقترب منها ووضعها على جسدها وقال
رائد :- البسي ده
نظرت له بأستغراب وقالت
رقيه :-بس رقيه مش سقعانه
نظر إلى جسدها وقال
رائد :- البسي الجاكت يا رقيه البلوزه قصيره والبنطلون ضيق
نظرت إلى جسدها سريعا وارتدت سترت رائد وقالت بخجل
رقيه :- م م ماما سهير هى اللى صممت أن رقيه تلبس الطقم ده
