خداع انثى الجزء الأول دودو محمد
هدر به بغضب وقال
هشام :- اخرس انت ، دى فج**
الراجل فيه ايه يعنى تتعايب ما على قلبه فلوس قد كده وكلها كام سنه ويموت وكانت هتورث ملايين من وراه وسعتها كانت تقدر تتجوز شاب فى سنها وكانت هى هتستفاد واحنا كمان هنستفادوا ونقب شويه على وش الدنيا ونخلص من ام الفقر ده ، ده انا الاقيها بس ومش هرحمها
نظر إلى والده وقال بضيق
اسلام :- انت ساكت ليه يا بابا اتكلم قول حاجه بلاش سكوتك ده اللى ضيع رقيه مننا
رد عليه بقلة حيله وقال
خالد:- هقول ايه يا ابنى لله الامر من قبل ومن بعد حسبى الله ونعم الوكيل وتركهم ودلف غرفته
نظر لهم بغضب وقال
اسلام :- حرام عليكم كفايه ظلم فيها هى علشان مش بنتك تعملى فيها كده بتنتقمى من جواز بابا من امها فيها من يوم ما امها ماتت واخديها وانتى مشرباها المر وانت طول النهار تحكمات فيها وضرب ليل ونهار على الفاضى والمليان ارحموا من فى الارض يرحمكم من فى السماء والله العظيم اترحمت منكم يمكن نومها فى الشارع وسط الكلاب ارحم منكم فى البيت منكم لله حسبى الله ونعم الوكيل فيكم انا هدور عليها وأقسم بالله لو لاقيتها ما هخليكم تلمسوا شعره واحده منها وتركهم ودلف غرفته
نظر له بضيق وقال
هشام :- عجبك اللى ابنك بيعملوا ده يا اما
نظرت له بعدم اهتمام وقالت
امينه :- سيبك منه، دور عليها كويس وحاول تلاقيها فى اسرع وقت وانا هكلم الراجل واطلع ليه اى عذر اخليه يأجل شويه كتب الكتاب لحد ما نلاقيها الراجل ده مش لازم يضيع من أيدينا ده كنز هناخد من وراه قد كده
أبتسم لها بشر وقال
هشام :- ياااااه يا اما كنا خلاص هنطلع من ام الفقر ده ونقب على وش الدنيا
ربت على ظهره وقالت بشر
امينه :- لاقيها بس وكل حاجه هتبقى زى الفل
……………………………………………………
عند رائد ورقيه
وصلوا الاثنين إلى الشقه وفتح رائد الباب ونظر لها بأبتسامه وقال
-ادخلى يا رقيه
ابتلعت ريقها بتوتر ونظرت إلى الداخل بخوف ونظرت له بتردد وحركت رأسها بالرفض وقالت
رقيه :- ل ل لا رقيه عايزه تمشي
نظر لها بأستغراب وقال
رائد :- ليه بس مش انتى جعانه !؟ طيب مش عايزه تلعبى باللعب اللى جوه
نظرت له بقلق واومأت رأسها بالطاعه وتحركت ببطئ شديد وقدم مرتعشه ودلفت إلى الداخل
أبتسم بشر وتحرك خلفها واغلق الباب
