الوسيم والصهباء ج2

بعد انتهائها انطلقت متوجهة للشركة
عند دخولها للشركة معظم رؤوس الرجال إلتفتت ناحيتها مصدومين من جمالها وصلت لمكتب نور فوجدتها جالسة هناك ترتب بعض الأوراق
إلتفت لها نور بإبتسامة فور دخولها: صباح الخير يا ليل هانم يامن بيه امبارح قالي إن حضرتك هتاخدي مكاني هنا
فأومأت بابتسامة: صباح النور وبعدين بقا بلاش ليل هانم دي ده أنا حتى هتعلم منك
نور بإبتسامة: تمام أول حاجة لازم نعملها هي قهوة يامن بيه لازم تبقى على مكتبه أول ما يدخل
فأومأت بهدوء وهي تتبعها أخبرتها نور كيف يحبها وقامت هي بتحضيرها بنفسها
ثم توجهت كلتاهما للمكتب وليل تحمل كوب القهوة
نور بهدوء : يامن بيه دخل المكتب قبل ما انتي تيجي على طول فالمفروض تدخلي القهوة دلوقتي
وأكملت بتساؤل تحبي انتي تدخليها ولا أنا
ليل بابتسامة: أنا هدخلها
طرقت الباب عدة مرات فسمعت صوته العميق يسمح لها بالدخول
فور دخولها نظر لها بإبتسامة وقام من مكانه يستقبلها بعد أن قامت بإغلاق الباب خلفها
التقط صينية القهوة من يدها بهدوء يضعها على المكتب
يامن باشراق: ليل هانم بنفسها جيبالي القهوة
ضحكت بهدوء
ليل بمزاح: طيب دوق الأول يمكن متعجبكش
تذوقها ولكن عندما نظرت ملامحه لم تتبين إذا كانت قد أعجبته أم لا
قام بجذبها باتجاهه وهو يحيط خصرها النحيل
ليل وهي تدفعه: يامن بيه مينفعش كده متنساش إن حضرتك في الشغل لازم تتعامل بمهنية شوية
لم يهتم لكلامها والتقط يدها التي تدفعه بها مقربا ايها من شفتيه يقبلها
يامن بابتسامة: أحلى قهوة أدوقها تسلم ايدك يا ليلي
ابتسمت بهدوء والخجل يغزو ملامحها من اطرائه
قبل جبهتها بخفة
يامن بهدوء وقد افلتها متجها لمكتبه: يلا بقا على الشغل كفاية دلع كده وأكمل بخبث علشان لو فضلتي
كده كتير مش مسؤول عن اللي ممكن أعمله
اتجهت بسرعة للخارج وهي تغلق الباب خلفها بدون الرد عليه فهي على معرفة تامة بوقاحته
جلست على الكرسي الموضوع بجانب نور ونور تشرح لها كيفية سير العمل
بعد مدة طويلة كانت الساعة قد أصبحت الثانية عشرة
نور بهدوء: معلش مضطرة ألبي نداء الطبيعة يا ليل
ضحكت ليل بخفة على كلماتها فهي اكتشفت أن نور شخصية مرحة للغاية
ليل بإبتسامة: ماشي يا ستي متقلقيش
فأومأت نور بإبتسامة وهي تتجه للخارج
بعد خروج نور بدقائق سمعت صوت خطوات تقترب من مكتبها رفعت رأسها وقع نظرها على رجل يظهر عليه علامات التقدم في العمر
ولكن نظراته لها لم تعجبها بالمرة فهو ينظر لها بطريقة فجة أشعرتها بالرغبة في التقيئ
ليل بهدوء: أساعد حضرتك إزاي
راغب والخبث يرتسم على ملامحه: مستعجلة على ايه بس يا قمر قوليلي الأول اسمك ايه
ليل بصوت هادئ قدر الإمكان: مظنش هيفيد حضرتك في حاجة
امتدت يده ليقبض على يدها ولكنها ابعدت يدها بسرعة
ليل بغضب شديد: ازاي حضرتك تسمح لنفسك تعمل كده انت اتجننت
راغب بغضب: انتي اتجننتي ولا ايه أنا هعرفك ازاي تتكلمي معايا كده
دخلت نور في تلك اللحظة وقد سمعت كلماته الأخيرة
نور بسرعة: راغب بيه اتفضل ارتاح على ما ادي خبر ليامن بيه
ليل بصوت عالي: يتفضل مين ده حاول يمد ايده عليا
خرج يامن من مكتبه على صوتها العالي
نور بسرعة: ده راغب بيه عم يامن بيه وحماه
صدمت ليل وأغلق يامن عينيه بغضب فور سماع كلمات نور
يتبع …….