الوسيم والصهباء ج٢
انتهى من مراجعة كافة الملفات والتوقيع عليها
لكنه شرد بتفكيره في تلك السيارة التي كانت تتبعه حتى لحظة وصوله للشركة
طرقات على باب مكتبه
يامن بهدوء: اتفضل
دخلت نور وهي تحمل في يدها دعوة وضعتها أمامه على المكتب
التقطها متسائلا : دعوة ايه دي
فقالت بصوت فرح وهي مبتسمة بشدة: دي دعوة الفرح بتاعتي يا يامن بيه وبجد هبقى مبسوطة جدا لو حضرتك شرفتني
فابتسم بهدوء
يامن بفرحة حقيقية: ألف مبروك يا نور وسألها الفرح امتا
فردت بحماس: كمان اسبوعين وكنت جاية أقول لحضرتك علشان اقدم على أجازة وكمان المفروض يبقا فيه حد يمسك مكاني
ظهرت ابتسامة خبيثة على شفتيه
ورد عليها: لا ما تقلقيش البديل موجود وهيجي يدرب من يوم الحد الجاي
فأومأت بفرح وقالت: حضرتك محتاج مني حاجة
فأشار بالنفي وقال: اتفضلي على مكتبك
خرجت مسرعة وفور خروجها صدمت بالجالسة على الاريكة الموضوعة للانتظار ترتدي ملابس أقل ما يقال عنها فاضحة بشعرها الاشقر وعيونها البنية وجسدها النحيل فاتجهت لها
نور بتساؤل: هايدي هانم حضرتك محتاجة حاجة
فردت عليها بتكبر : أنا أعوز منك انتي حاجة
وسألتها يامن جوه
كظمت الأخرى غيظها من تلك المرأة المستفزة
وردت وهي تصطنع الابتسام : أيوه جوه حضرتك عندك ميعاد معاه
فردت هايدي بنفس الطريقة المتعجرفة: لا قوليله بس هايدي بره
فاتجهت لسماعة الهاتف
بعد ثوان أتاها الرد فسألته: هايدي هانم موجودة بره وعايز تقابل حضرتك
صمت قليلا ثم قال بهدوء: دخليها ثم أغلق الخط
فأشارت لها بالدخول
ثم تمتمت بغضب اتجوز مرتين ومش مبطل رمرمة مع إن مراتة أحلى ميت مرة من السحلية دي بس هنقول ايه
فور دخول هايدي لمكتبه أغلقت الباب خلفها وجدته واقفا بشموخ ينظر من زجاج مكتبه اتجهت ناحيته بسرعة ناحيته تحضن من ظهره بشوق حقيقي
ولكنه سرعان ما نفض يديها عنه وهو يبعدها
يامن بنبرة حادة: مش قولتلك كل حاجة بينا انتهت
يبقا من هنا ورايح تعرفي حدودك كويس واوعى تفكري تقربي مني بالشكل ده تاني
فضحكت بسخرية من نفسها هل كانت تعتقد أنه سيستقبلها بالاحضان
فاقت من أفكارها على صوته
يامن بصرامة: ايه اللي جابك
هايدي بهدوء:أنا كنت جاية محتاجة شغل
ضحك بشدة ثم قال: هايدي محتاجة شغل هي الدنيا جرا فيها ايه ثم قال ساخرا مش لقيا صيد جديد ولا ايه
فردت بغرور: مش محتاجة صيد علشان أعيش على
فلوسه أنا بس زهقت
نظر لها ببرود وقال: وأنا بقا شيفاني عيل علشان أشغلك معايا صح بصي معنديش وقت للكلام الفارغ ده أنا بس وافقت أدخلك علشان أقولك حاجة واحدة لو رجلك عتبت الشركة هنا تاني هندمك
فأومأت له وهي تقف وقالت بخ..بث: تمام أوي كده يا يامن بيه ثم ضربت جبهتها بخفة وهي تقول صحيح
نسيت أقولك مبروك على الجواز من..كان اسمها ايه يا ربي ثم اصطنعت التفكير قليلا وقالت ليل صح
وأطلقت ضحكة ساخرة وهي تخرج من المكتب
نظر خلف أثرها بهدوء وتوعد لها في نفسه شكلك مش هتجبيها لبر يا هايدي
بعد انتهاء الدوام اتجه لسيارته ركبها وانطلق بسرعة بعد مدة من القيادة لاحظ نفس السيارة التي كانت تتبعه في الصباح ابطأ من سرعته حتى أصبح خلفها وأخرج هاتفه بسرعة محاولا التركيز على الطريق في نفس الوقت وقام بالتقاط بعض الصور لارقامها ثم أسرع متجها لمنزله
