لمن القرار سهام صادق ج 6

لم تكن تُصدق أن الذي أمامها هو ” رسلان” لقد توحشت نظراته إليها، واصبحت عينيه ترمقها بنظرة أبرد من الصقيع

– انا من زمان اتغيرت يا ملك، اتغيرت من ساعه الليلة اللي اكتشفت أنا أد إيه راجل أهبل ، اتجوز بنت خالتي عشان انفذها من الفضيحة ، و واحدة ضحيت عشانها بفرص كتير لمستقبلي عشان اعرف اخدها واسافر بعيد واكمل عمري معاها، واحده بسببها حطيت فجوة كبيرة بيني وبين اهلي عشان كانوا السبب، واحدة كرهت ولادي لأنهم مش منها.. حبك لعنة ومرض يا ملك وانا هتخلص منه الليله ديه

– رسلان، انت بتعمل إيه.. سيبني يا رسلان، ارجوك متخليش اكرهك

ضحك بمرارة وهو يستمع لعبارتها

– للأسف انتِ بتكرهيني يا ملك.. صدقتي عني اني ممكن اكون راجل زاني..، صحيح انا حاولت انتقم من كل ست إني اعيشها الحب وبعدين اسيبها وكل ده بسببك وبسبب اختك.. انتوا لعنة دخلت حياتي… ياريتني كنت فضلت طول عمري بسعي ورا مستقبلي وفضلت مسافر

كتم صرختها بقبلاته.. فخرجت أناتها بصعوبة.. ، لقد أعادت “رسلان” الذي كان عليه بعد وفاة ” مها ” لقد أعادت “رسلان” الذي أصبح يكره ذاته.
وبانفاس هادرة كان يخبرها

– اسف يا حببتي، بس لازم ده اللي يحصل مش هنتخلص من بعض غير كده

ضعف صوت صراخها..، ومع استكانتها بين ذراعيه عاد همسه

– يمكن لما امتلكك… حبي ليكِ ينتهي وافهم إني أختارت الطريق الغلط.. يمكن اقدر احررك مني

سقطت دموعها تنظر إليه راجية، فلم يعد إلا خطوة واحدة وتكتب النهاية او البداية ومع قانون الحب
” لا رفاهية للأختيار”
هدأت أنفاسه الثائرة، يمد يديه يمسح عنها دموعها
– نفسي احرر نفسي منك، نفسي قلبي يفهم إنه مش لازم ياخد كل اللي عايزه من الحياة، ليه خلتيني احس إن خلاص حققت حلمي فيكِ

وبصعوبة كان ينهض عنها يرفع الغطاء نحو جسدها
– ست شهور وهنفذ ليكِ رغبتك يا ملك، هحررك مني

اكمل خطواته نحو خارج الغرفة بعدما التقط قميصه يرتديه ولكنه توقف يمسح فوق جبينه المتعرق
– أنا وضحت حقايق كتير لجسار عن جيهان لكن هو اللي عايز يفضل أعمى

غادر الغرفة ليتركها كما هي جاحظت العينين، تُطالع الفراغ الذي أمامها ودموعها تنساب فوق خديها.. لقد انقلبت اللعبة وبدل من أن تذيقة مرارة الانتقام اذاقها هو مرارة لا تعلم مذاق مرارتها
………

دلف بها إلى ذلك المطعم الخالي من الزبائن وكما يبدو للعين إنه على وشك الغلق، تقدم منه أحد العاملين يخبره عن وجوب غلق المكان ولكن ” جسار” بماله استطاع أن يجعل العامل يذهب إلى مديره يُخبره عن حجز المكان بأكمله.