حب امتلاك حنان اسماعيل ج1
ﺃﺷﺎﺭ ﺍﻟﻴﻬﺎ ﺍﻥ ﺗﺠﻠﺲ ﻭﺟﻠﺲ ﻫﻮ ﻗﺒﺎﻟﺘﻬﺎ
ﻋﺪﻟﺖ ﻣﻦ ﺷﻌﺮﻫﺎ ﻣﻦ ﺍﻟﺨﻠﻒ ﻓﻰ ﺍﺭﺗﺒﺎﻙ ﻗﺎﺋﻠﻪ ﺑﺼﻮﺕ ﻣﻨﺨﻔﺾ
ﻟﻴﻠﻰ : ﻋﺒﺪﺍﻟﻠﻪ .. ﺍﻧﺎ
ﺳﺄﻟﻬﺎ ﺑﺒﺮﻭﺩ : ﺧﻴﺮ ﺍﻧﺎ ﺳﺎﻣﻌﻚ
ﺍﻛﻤﻠﺖ ﺣﺪﻳﺜﻬﺎ ﻗﺎﺋﻠﻪ ﺑﺤﺮﺝ : ﺍﻧﺎ ﻛﻨﺖ ﺣﺎﺑﺔ ﺍﺗﻜﻠﻢ ﻣﻌﺎﻙ ,, ﺍﻧﺎ ﻋﺎﺭﻓﺔﺍﻥ ﺍﻟﻤﻜﺎﻥ ﻣﺶ ﻣﻨﺎﺳﺐ ,,, ﺑﺲ
ﺍﺷﻌﻞ ﺳﻴﺠﺎﺭﺗﻪ ﻗﺎﺋﻼ ﻟﻬﺎ : ﻓﻰ ﺍﻳﻪ ﻣﺎﻟﻚ ﻳﺎﺍﻧﺴﺔ ﻟﻴﻠﻰ ؟
ﺍﺳﺘﻐﺮﺑﺘﻪ ﻗﺎﺋﻠﻪ : ﺍﻧﺴﺔ ﻟﻴﻠﻰ !!!
ﺍﺟﺎﺑﻬﺎ ﺑﻬﺪﻭﺀ : ﺍﻩ ﻃﺒﻌﺎ ﻫﻮ ﺍﻧﺘﻰ ﻣﺶ ﺍﻧﺴﺔ ﺑﺮﺿﻪ ؟
ﺻﺪﻣﺖ ﻣﻦ ﺗﻠﻤﻴﺤﺎﺗﻪ ﺍﻟﻤﻬﻴﻨﺔ , ﻓﺎﺳﺘﻄﺮﺩ ﻭﻫﻮ ﻳﻨﻔﺦ ﺍﻟﺪﺧﺎﻥ ﻧﺎﺣﻴﺘﻬﺎ ﻣﻤﺎ ﺟﻌﻠﻬﺎ ﺗﺴﻌﻞ ﻗﺎﺋﻼ
ﻋﺒﺪﺍﻟﻠﻪ : ﺍﺣﺴﻦ ﺗﻜﻮﻧﻰ ﻓﺎﻛﺮﺓ ﺍﻥ ﺍﻟﺒﻮﺳﺔ ﻣﺜﻼ ﺑﺘﻔﻘﺪ ﺍﻟﻮﺍﺣﺪﺓ ﻋﺬﺭﻳﺘﻬﺎ , ﺍﺻﻠﻰ ﺍﻋﺮﻑ ﺍﻥ ﺍﻟﺒﻨﺎﺕ ﻭﻫﻤﺎ ﺻﻐﻴﺮﻳﻦ ﻟﻤﺎ ﺍﻫﺎﻟﻴﻬﻢ ﺑﻴﺨﺎﻓﻮﺍ ﻋﻠﻴﻬﻢ ﻣﻦ ﺍﻟﻐﻠﻂ ﺑﻴﻔﻬﻤﻮﻡ ﺍﻥ ﺍﻟﺒﻮﺳﺔ ﺑﺘﺨﻠﻰ ﺍﻟﻮﺍﺣﺪﺓ ﺗﺤﻤﻞ ﻭﻣﺘﺒﻘﺎﺵ ﺑﻨﺖ
ﻧﻈﺮﺕ ﺍﻟﻴﻪ ﺑﺪﻫﺸﺔ ﻏﻴﺮ ﻣﺼﺪﻗﻪ ﻟﻤﺎ ﻳﻘﻮﻟﻪ ﻓﺎﻛﻤﻞ ﻗﺎﺋﻼ
ﻋﺒﺪﺍﻟﻠﻪ : ﻋﺎﻣﺔ ﺍﻟﻤﻮﺿﻮﻉ ﻣﻌﺎﻧﺎ ﻣﺨﺘﻠﻒ ﻭﺍﻧﺎ ﻭﺍﺛﻖ ﺍﻧﻚ ﻓﺎﻫﻤﺔ ﺩﻩ ﻭﻋﺎﺭﻓﺔ ﺍﻥ ﺍﻟﻠﻰ ﺣﺼﻞ ﺑﻴﻨﺎ ﺩﻩ ﻣﺶ ﺍﻛﺘﺮ ﻣﻦ ﺑﻴﺴﻤﻮﻫﺎ ﺍﻳﻪ ﻳﺎﻋﺒﺪﺍﻟﻠﻪ ؟؟ ﺍﻩ ﻫﻔﻮﺓ ﺑﻼﺵ ﻛﻠﻤﺔﻏﻠﻄﺔ ﻋﺸﺎﻥ ﺩﻯ ﻛﻠﻤﺔ ﻛﺒﻴﺮﺓ ﺍﻭﻭﻯ ﻋﻠﻰ ﺍﻟﻠﻰ ﺣﺼﻞ ﻭﻟﻮ ﺍﻧﺎ ﻣﻨﻚ ﺍﻧﺴﻰ ﻭﺍﺑﺘﺪﻯ ﺍﺟﻬﺰ ﺣﺎﺟﺎﺕ ﺍﻟﻔﺮﺡ ﻋﺸﺎﻥ ﺍﻧﺎ ﻟﺴﻪ ﻣﻜﻠﻤﺔ ﺟﺪﻭ ﻭﻃﺎﺭﻕ ﻭﺍﻣﻪ ﻋﺸﺎﻥ ﻳﺠﻬﺰﻭ .. ﺍﻳﻪ ﺭﺃﻳﻚ ﻧﺨﻠﻰ ﺍﻟﻔﺮﺡ ﺑﻌﺪ ﺍﺳﺒﻮﻋﻴﻦ ؟
ﻟﻢ ﺗﻨﻄﻖ ﺑﻞ ﻇﻠﺖ ﻣﻜﺎﻧﻬﺎ ﺗﻨﻈﺮ ﺍﻟﻴﻪ ﻓﻰ ﺁﺳﻒ , ﺣﺎﻭﻟﺖ ﺍﻥ ﺗﺘﺤﺮﻙ ﻛﻰ ﺗﺨﺮﺝ ﺍﻻ ﺍﻥ ﻗﺪﻣﺎﻫﺎ ﻟﻢ ﺗﻄﺎﻭﻋﻬﺎ , ﺩﺧﻞ ﻋﺰﻳﺰ ﻭﺑﻌﺾ ﺍﻟﻌﻤﻼﺀ ﻟﻠﻤﻜﺘﺐ ﻓﺘﺮﻛﻬﺎ ﻋﺒﺪﺍﻟﻠﻪ ﻭﺍﻗﻔﺔ ﻭﺭﺣﺐ ﺑﻀﻴﻮﻓﻪ ﻭﻫﻮ ﻳﺸﻴﺮ ﺍﻟﻴﻬﻢ ﺍﻥ ﻳﺠﻠﺴﺎ , ﺗﺎﺑﻌﻬﺎ ﻋﺰﻳﺰ ﻭﻫﻰ ﺗﺮﺣﻞ ﺑﻨﻈﺮﺍﺕ ﻣﻦ ﺍﻵﺳﻒ ﻭﻫﻮ ﻳﻨﻈﺮ ﻟﺼﺪﻳﻘﻪ ﻧﻈﺮﺍﺕ ﻋﺘﺎﺏ , ﺳﺤﺒﺖ ﻟﻴﻠﻰ ﻧﻔﺴﻬﺎ ﻟﻠﺨﺎﺭﺝ ﻓﻰ ﺧﻄﻮﺍﺕ ﺛﻘﻴﻠﻪ ﻣﺤﻤﻠﺔ ﻭﻋﺒﺪﺍﻟﻠﻪ ﻳﺮﻣﻘﻬﺎ ﺑﻄﺮﻑ ﻋﻴﻨﻪ ﻣﺘﺎﺑﻌﺎ ﺣﺪﻳﺜﻪ ﻣﻊ ﺍﻟﺠﺎﻟﺴﻴﻦ
…………………….
ﻓﻰ ﺍﻟﻄﺮﻳﻖ ﻟﻠﺒﻴﺖ ﺍﺭﺳﻠﺖ ﺭﺳﺎﻟﻪ ﻣﻦ ﻫﺎﺗﻔﻬﺎ ﺍﻟﻰ ﻃﺎﺭﻕ ﺗﺒﻠﻐﻪ ﻓﻴﻬﺎ ﺑﺎﻋﺘﺬﺍﺭﻫﺎ ﻋﻦ ﺍﺳﺘﻜﻤﺎﻝ ﻋﻼﻗﺘﻬﻢ ﻣﺘﻤﻨﻴﺔ ﺍﻥ ﻳﺘﻔﻬﻢ ﻫﺬﺍ ﻭﺍﻥ ﻳﻈﻞ ﺍﺧﺎ ﻭﺻﺪﻳﻘﺎ ﻟﻬﺎ , ﺍﺳﺘﻘﺒﻞ ﻃﺎﺭﻕ ﺍﻟﺮﺳﺎﻟﻪ ﻭﻫﻮ ﻣﻊ ﺍﻣﻪ ﻭﺟﺪﻩ ﻭﺍﻟﺬﻯ ﺳﺮﺡ ﺑﻌﻴﺪﺍ ﻗﺒﻞ ﺍﻥ ﻳﻨﻬﺾ ﻭﻫﻮ ﻳﻄﻠﺐ ﻋﺰﻳﺰ ﻓﻰ ﺍﻟﻬﺎﺗﻒ ﻟﻤﻼﻗﺎﺗﻪ ﻋﻠﻰ ﺍﻻ ﻳﻌﺮﻑ ﻋﺒﺪﺍﻟﻠﻪ ﺑﺸﺄﻥ ﺗﻠﻚ ﺍﻟﻤﻘﺎﺑﻠﻪ ،ﺍﻣﺘﺜﻞ ﻋﺰﻳﺰ ﻟﻄﻠﺐ ﺍﻟﺠﺪ ﻭﻗﺎﺑﻠﻪ ﺧﺎﺭﺝ ﺍﻟﺒﻴﺖ
………………………
ﺗﻘﺎﺑﻼ ﺧﺎﺭﺟﺎ … ﻓﺴﺄﻝ ﺍﻟﺠﺪ ﻋﺰﻳﺰ ﻗﺎﺋﻼ : ﻋﺰﻳﺰ ﺍﻧﺎ ﻣﺶ ﻫﻠﻒ ﻭﻫﺪﻭﺭ ﻓﻰ ﺍﻟﻜﻼﻡ ،ﻫﻮ ﺳﺆﺍﻝ ﻭﻋﺎﻭﺯ ﺍﺟﺎﺑﺘﻪ ﻣﻨﻚ ﻭﺑﺼﺮﺍﺣﺔ
ﻋﺰﻳﺰ ﺑﺼﺪﻕ : ﺍﻧﺖ ﺗﺆﻣﺮﻧﻰ ﻳﺎﺟﺪﻭ ،ﺍﻧﺖ ﻣﺶ ﺟﺪ ﺻﺪﻳﻖ ﻋﻤﺮﻯ ﻭﺑﺲ ﺍﻧﺎ ﻋﻤﺮﻯ ﻣﺎﻫﻨﺴﻰ ﻭﻗﻔﺘﻚ ﻣﻌﺎﻳﺎ ﻭﻣﻊ ﻣﺎﻣﺘﻰ ﻟﻤﺎ ﺑﺎﺑﺎ ﻣﺎﺕ ﻭﺳﺎﺑﻨﺎ ﻣﺪﻳﻮﻧﻴﻴﻦ ﻭﻛﻨﺎ ﻫﻨﻄﺮﺩ ﻓﻰ ﺍﻟﺸﺎﺭﻉ ﻟﻮﻻ ﺍﻧﻚ ﻭﻗﻔﺖ ﺟﻨﺒﻨﺎ ﻭﺳﺪﺩﺕ ﻟﻨﺎ ﻛﻞ ﺍﻟﺪﻳﻮﻥ
