حب امتلاك حنان اسماعيل ج1
ﺍﻟﺠﺪ : ﺍﻧﺖ ﻣﺘﻌﺮﻓﺸﻰ ﺍﺑﻮﻙ ﻛﺎﻥ ﺑﺎﻟﻨﺴﺒﺔ ﻟﻰ ﺍﻳﻪ ؟ﺩﻩ ﺍﻟﻐﺎﻟﻰ ﺍﺑﻦ ﺍﻟﻐﺎﻟﻰ ،ﺍﺻﻠﻚ ﻣﺘﻌﺮﻓﺸﻰ ﺟﺪﻙ ﻋﻤﻞ ﻣﻌﺎﻳﺎ ﺟﻤﺎﻳﻞ ﺃﺩ ﺍﻳﻪ ؟ﺍﻟﻤﻬﻢ ﻫﻮ ﺳﺆﺍﻝ ﻭﺍﺣﺪ ،ﺍﻳﻪ ﺍﻟﻠﻰ ﺑﻴﻦ ﻋﺒﺪﺍﻟﻠﻪ ﻭﻟﻴﻠﻰ ؟
ﺍﺣﺲ ﻋﺰﻳﺰ ﺑﺎﻟﺤﻴﺮﺓ ﻭﺍﻟﺘﻮﺗﺮ ﻓﺎﺳﺘﻜﻤﻞ ﺍﻟﺠﺪ ﻛﻼﻣﻪ
ﺍﻟﺠﺪ : ﺍﻧﺎ ﺑﺴﺄﻟﻚ ﻟﻤﺼﻠﺤﺘﻪ ﻭﻟﺨﻮﻓﻰ ﻋﻠﻴﻪ ،ﺍﻧﺖ ﻭﺍﺛﻖ ﺍﻧﻪ ﺍﻏﻠﻰ ﺣﺪ ﻓﻰ ﺣﻴﺎﺗﻰ ﺻﺢ؟
ﻫﺰ ﻋﺰﻳﺰ ﺭﺃﺳﻪ ﺑﺎﻻﻳﺠﺎﺏ ﻗﺎﺋﻼ
ﻋﺰﻳﺰ : ﺍﻳﻮﻩ ﻳﺎﺟﺪﻭ .. ﺍﻧﺎ ﻫﺤﻜﻰ ﻟﻚ ﻛﻞ ﺣﺎﺟﺔ ﻣﻦ ﺍﻻﻭﻝ ﻭﺑﺎﻟﺘﻔﺼﻴﻞ
ﺣﻜﻰ ﻟﻪ ﻛﻞ ﺷﺊ ﻭﺍﻟﺠﺪ ﻳﻨﺘﺼﺖ ﺑﺈﻫﺘﻤﺎﻡ ﺣﺘﻰ ﺍﻧﺘﻬﻰ ،ﻻﺣﻆ ﻋﺰﻳﺰ ﺻﻤﺖ ﺍﻟﺠﺪ ﻓﺘﻜﻠﻢ ﻗﺎﺋﻼ ﺑﺼﺪﻕ
ﻋﺰﻳﺰ : ﺍﻧﺎ ﻭﺍﻟﻠﻪ ﻳﺎﺟﺪﻭ ﻧﺼﺤﺘﻪ ﻛﺘﻴﺮ ﺟﺪﺍ ﺍﻧﻪ ﻳﺴﻴﺐ ﻟﻴﻠﻰ ﻓﻰ ﺣﺎﻟﻬﺎ ﺑﺲ ﺍﻧﺖ ﻋﺎﺭﻑ ﻋﺒﺪﺍﻟﻠﻪ ﻭﻋﺎﺭﻑ ﻃﺒﺎﻋﻪ ﺳﺎﻋﺎﺕ ﺍﺣﺲ ﺍﻧﻪ ﻣﻬﺘﻢ ﺑﻴﻬﺎ ﻭﺳﺎﻋﺎﺕ ﺍﺣﺲ ﺍﻧﻪ ﺑﻴﻜﺮﻫﻬﺎ ﻣﺶ ﻋﺎﺭﻑ ﻟﻴﻪ
ﺍﻟﺠﺪ ﻭﻫﻮ ﻳﻬﺰ ﺭﺃﺳﻪ : ﺍﻧﺖ ﺍﻟﻨﻬﺎﺭﺩﺓ ﺟﺎﻭﺑﺖ ﻋﻠﻰ ﺍﺳﺌﻠﻪ ﻛﺘﻴﺮﺓ ﻛﺎﻧﺖ ﺟﻮﺍﻳﺎ ﻋﻦ ﺍﻟﺸﺪ ﻭﺍﻟﺠﺬﺏ ﺍﻟﻠﻰ ﺑﻴﻦ ﻋﺒﺪﺍﻟﻠﻪ ﻭﻟﻴﻠﻰ ﺑﺲ ﺍﻟﻨﻬﺎﺭﺩﺓ ﻓﻬﻤﺖ
ﻋﺰﻳﺰ ﻣﺘﺴﺎﺋﻼ : ﻃﺐ ﻓﻬﻤﻨﻰ ﻳﺎﺟﺪﻭ ﺍﻟﻠﻪ ﻳﺨﻠﻴﻚ
ﺍﻟﺠﺪ : ﻓﻰ ﺍﻟﺒﺪﺍﻳﺔ ﺍﻟﻤﻮﺿﻮﻉ ﻛﺎﻥ ﺑﺎﻟﻨﺴﺒﺔ ﻟﻪ ﻣﺠﺮﺩ ﺭﺩ ﺍﻋﺘﺒﺎﺭ ﻻﺣﺴﺎﺳﻪ ﺑﺎﻥ ﻓﻰ ﺑﻨﺖ ﻫﺎﻧﺘﻪ ﻭﻫﻮ ﺍﻟﻠﻰ ﺷﺎﻳﻒ ﺍﻥ ﻛﻞ ﺍﻟﺴﺘﺎﺕ ﺗﺤﺖ ﺭﺟﻠﻴﻪ , ﺍﻟﻤﻬﻢ ﻟﻤﺎ ﺍﻧﺖ ﺟﺒﺖ ﻟﻪ ﻣﻌﻠﻮﻣﺎﺕ ﻋﻨﻬﺎ ﺍﻛﺘﺸﻒ ﺍﻧﻬﺎ ﺯﻳﻪ ﺍﺗﺤﺮﻣﺖ ﻣﻦ ﺍﻣﻬﺎ ﺍﻟﻠﻰ ﺍﻛﺘﺸﻔﺖ ﺟ*ﺜﺘﻬﺎ ﺑﻨﻔﺴﻬﺎ ﺯﻯ ﻣﺎﻫﻮ ﺍﻛﺘﺸﻒ ﺟ*ﺜﺔ ﺍﺑﻮﻩ ﻭﻟﻮ ﺍﻧﻬﺎ ﺑﺼﺮﺍﺣﺔ ﻋﺎﻧﺖ ﺍﻛﺘﺮ ﻣﻨﻪ ﺍﻟﻒ ﻣﺮﺓ ﺑﺎﻟﻠﻰ ﺍﻧﺖ ﺣﻜﻴﺘﻪ ﻋﻨﻬﺎ ﻣﻦ ﺷﻮﻳﺔ ،ﺍﻟﻤﻬﻢ ﻋﺒﺪﺍﻟﻠﻪ ﺷﺎﻑ ﻓﻰ ﻟﻴﻠﻰ ﺑﻨﺖ ﻗﻮﻳﺔ ﺍﻗﻮﻯ ﻣﻨﻪ ﻫﻮ ﺷﺨﺼﻴﺎ , ﻋﺎﻳﺸﺔ ﻭﻛﺄﻥ ﻣﻔﻴﺶ ﺣﺎﺟﺔ ﺣﺼﻠﺖ ﻟﻬﺎ , ﻣﻨﻄﻠﻘﻪ , ﻭﺑﺘﺤﺐ ﺍﻟﺤﻴﺎﺓ ﻭﺍﻟﻨﺎﺱ ﻭﻣﺘﺴﺎﻣﺤﻪ ﻣﻊ ﻧﻔﺴﻬﺎ ﺑﻌﻜﺴﻪ ﻫﻮ ﺍﻟﻠﻰ ﻋﺎﺵ ﻋﻤﺮﻩ ﻛﻠﻪ ﻋﻠﻰ ﺍﻟﻜﺮﻩ ﻭﻓﻜﺮﺓ ﺍﻻﻧﺘﻘﺎﻡ ﻣﻦ ﺍﻣﻪ ﻭﻋﻤﻪ ﻭﺣﺘﻰ ﺍﺧﻮﻩ , ﻋﺒﺪﺍﻟﻠﻪ ﻋﺎﻭﺯ ﻳﺤﻄﻢ ﻟﻴﻠﻰ , ﻋﺎﻭﺯﻩ ﺗﺒﻘﻰ ﺯﻳﻪ ﺑﺘﻌﺮﻑ ﺗﻜﺮﻩ ﻭﺗﻨﺘﻘﻢ ﻋﺸﺎﻥ ﻣﺘﺒﻘﺎﺵ ﺍﻗﻮﻯ ﻣﻨﻪ , ﺍﻟﻤﻬﻢ ﺍﺳﺘﻔﺰﻩ ﺍﻛﺘﺮ ﻣﻨﻬﺎ ﻟﻤﺎ ﻗﺎﻟﺖ ﻟﻪ ﺍﻧﻪ ﺑﺘﺤﺐ ﺍﺧﻮﻩ , ﺣﺲ ﺍﻧﻬﺎ ﺑﺘﻌﻴﺪ ﺍﻟﻤﺎﺿﻰ ﻭﺍﻧﻬﺎ ﺑﺘﻤﺜﻞ ﺟﻴﻬﺎﻥ ﺍﻣﻪ ﺍﻟﻠﻰ ﺯﻣﺎﻥ ﺍﺗﺠﻮﺯﺕ ﻭﺍﺣﺪ ﻭﺣﺒﺖ ﺍﺧﻮﻩ ﻓﻘﺮﺭ ﻳﻨﺘﻘﻢ ﻣﻨﻬﺎ ﻭﻣﻦ ﺍﻣﻪ ﻭﻋﻤﻪ ﻓﻰ ﺍﺑﻨﻬﻢ ﻟﻤﺎ ﻳﺸﺮﺑﻬﻢ ﻣﻦ ﻧﻔﺲ ﺍﻟﻜﺎﺱ ﻭﻫﻤﺎ ﺑﻴﺸﻮﻓﻮﺍ ﻟﻴﻠﻰ ﺑﺘﺤﺐ ﻋﺒﺪﺍﻟﻠﻪ ﻭﻫﻰ ﻣﺮﺗﺒﻄﺔ ﺑﻄﺎﺭﻕ ﻭﻟﻮ ﺍﻧﻰ ﺍﺷﻚ ﺍﻧﻪ ﻫﻴﺨﻠﻴﻬﺎ ﺗﻮﺻﻞ ﻟﺠﻮﺍﺯ ﻻﻧﻪ ﻣﺶ ﻫﻴﻘﺪﺭ ﻳﺘﺨﻴﻠﻬﺎ ﻓﻰ ﺍﺣﻀﺎﻥ ﺣﺪ ﺗﺎﻧﻰ ﻏﻴﺮﻩ
ﻋﺰﻳﺰ ﻣﺘﻌﺠﺒﺎ : ﻛﻼﻣﻚ ﻣﻨﻄﻘﻰ ﺟﺪﺍ ﻳﺎﺟﺪﻭ , ﻃﺐ ﻫﻮ ﺑﻴﻔﻜﺮ ﻓﻰ ﺍﻳﻪ ﺩﻟﻮﻗﺘﻰ ؟ﺍﻧﺎ ﻛﺪﻩ ﺗﻬﺖ
ﺍﻟﺠﺪ ﻭﻫﻮ ﻳﺘﻨﻬﺪ : ﻫﻴﺨﻠﻰ ﻟﻴﻠﻰ ﺗﺘﻌﻠﻖ ﺑﻪ ﻛﻞ ﻳﻮﻡ ﺍﻛﺘﺮ ﻣﻦ ﺍﻟﻴﻮﻡ ﺍﻟﻠﻰ ﻗﺒﻠﻪ ﻟﺤﺪ ﻟﻤﺎ ﻳﺴﻤﻊ ﻃﺎﺭﻕ ﻭﺍﻣﻪ ﻭﺍﺑﻮﻩ ﺩﻩ ﺑﻨﻔﺴﻬﻢ ﻭﻳﺒﻘﻰ ﻛﺪﻩ ﺣﻘﻖ ﺍﻧﺘﻘﺎﻣﻪ ﻣﻨﻬﻢ
