حب امتلاك حنان اسماعيل ج1
ﺍﺣﺴﺖ ﺑﺎﻟﺤﺮﺝ ﻣﻦ ﺗﻠﻤﻴﺤﻪ ﻓﺒﺮﺭﺕ ﻟﻪ ﻗﺎﺋﻠﻪ
ﻟﻴﻠﻰ : ﺑﺎﺑﺎ ﺍﻧﺎ …..
ﻣﺼﻄﻔﻰ ﺑﺤﺰﻡ : ﻣﻦ ﻫﻮ ﻳﺎﻟﻴﻠﻰ ؟
ﺍﺟﺎﺑﺘﻪ ﺑﺘﻠﺒﻚ : ﻫﺤﻜﻰ ﻟﻚ ﻛﻞ ﺣﺎﺟﺔ ﻳﺎﺑﺎ
ﺍﺳﺘﻤﻌﺎ ﻟﻬﺎ ﻭﻫﻰ ﺗﺤﻜﻰ ﻛﻞ ﺷﺊ ﻣﻨﺬ ﺑﺪﺍﻳﺔ ﻣﻌﺮﻓﺘﻬﺎ ﺑﻌﺒﺪﺍﻟﻠﻪ ﻭﻣﺸﺎﻋﺮﻫﺎ ﺍﻟﻤﺘﻀﺎﺭﺑﻪ ﺗﺠﺎﻫﻪ ﻭﺍﻫﺘﻤﺎﻣﻬﺎ ﺑﻪ ﻭﻏﻴﺮﺗﻬﺎ ﻋﻠﻴﻪ ﻭﻫﻮ ﺑﺎﻟﻘﺮﺏ ﻣﻦ ﺍﻳﻤﻰ ﻭﺑﺴﻌﺎﺩﺗﻬﺎ ﺣﻴﻦ ﺗﺼﻔﻮ ﺍﻻﺟﻮﺍﺀ ﺑﻴﻨﻬﻢ ،ﻟﻢ ﻳﺤﺎﻭﻝ ﺍﻥ ﻳﻘﺎﻃﻌﻬﺎ ﺑﻞ ﻇﻞ ﻳﻨﻈﺮ ﺍﻟﻴﻬﺎ ﺑﺘﺮﻗﺐ ﻭﺣﻴﺮﺓ ﻭﻫﻰ ﺗﺤﻜﻰ ﺣﺘﻰ ﺍﻧﺘﻬﺖ ،ﻇﻠﺖ ﺗﻨﺘﻈﺮ ﺭﺩﻩ ﺍﻭ ﺗﻌﻠﻴﻘﻪ ﺍﻭ ﺣﺘﻰ ﺭﺃﻳﻪ ﺑﺎﻻﻣﺮ ﺍﻻ ﺍﻧﻪ ﻧﻬﺾ ﻭﺍﻗﻔﺎ ﻭﻫﻮ ﻳﻘﻮﻝ ﻟﻬﺎ ﺑﺤﺰﻡ
ﻣﺼﻄﻔﻰ : ﺍﺑﻌﺪﻯ ﻋﻨﻪ ﻳﺎﻟﻴﻠﻰ ﻭﺍﻟﻨﻬﺎﺭﺩﺓ ﻗﺒﻞ ﺑﻜﺮﻩ
ﺍﺳﺘﻐﺮﺑﺖ ﻣﻦ ﺭﺩﺓ ﻓﻌﻠﻪ ﻭﻫﻰ ﺗﺴﺄﻟﻪ ﺑﺤﻴﺮﺓ
ﻟﻴﻠﻰ : ﻟﻴﻪ ﻳﺎﺑﺎﺑﺎ ؟
ﻣﺼﻄﻔﻰ : ﻋﺸﺎﻥ ﻫﻮ ﻣﺒﻴﺤﺒﻜﻴﺶ ﻫﻮ ﻋﺎﻭﺯ ﻳﻤﺘﻠﻜﻚ ﻭﺑﺲ ،ﻋﺎﻭﺯﻙ ﻟﻪ ﻭﺑﺲ،ﻫﻮ ﺷﺎﻓﻚ ﻭﺍﺣﺪﺓ ﻏﻴﺮ ﻛﻞ ﺍﻟﻠﻰ ﻋﺮﻓﻬﻢ ،ﺟﻤﻴﻠﻪ ﻭﻋﻨﺪﻫﺎ ﺭﻭﺡ ﺟﻤﻴﻠﻪ ﻳﻤﻜﻦ ﻣﺶ ﻋﻨﺪﻩ ﻭﻣﻔﺘﻘﺪﻫﺎ ﻭﺍﻟﻠﻰ ﺯﻯ ﻋﺒﺪﺍﻟﻠﻪ ﺩﻩ ﻳﺎﺑﻨﺘﻰ ﻫﻴﻔﻀﻞ ﻭﺭﺍﻛﻰ ﻟﺤﺪ ﻟﻤﺎ ﻳﻄﻔﻰ ﺍﻟﺮﻭﺡ ﺩﻯ ﻭﻳﺸﻌﻞ ﻣﻜﺎﻧﻬﺎ ﺍﻟﻢ ﻭﻋﺬﺍﺏ ،ﻫﻮ ﻣﻘﺎﻟﻜﻴﺶ ﺍﻧﻪ ﻣﻌﺠﺐ ﺑﻴﻜﻰ ﺣﺘﻰ ﻭﻻ ﻟﻤﺢ ،ﻛﻞ ﺍﻟﻠﻰ ﺑﻴﻌﻤﻠﻪ ﺍﻧﻪ ﺑﻴﻠﻌﺐ ﺑﻴﻜﻰ ﻭﺑﻤﺸﺎﻋﺮﻙ ،ﻳﻮﻡ ﻳﻄﻠﻌﻚ ﺳﺎﺑﻊ ﺳﻤﺎ ﻭﻋﺸﺮﺓ ﻳﻨﺰﻟﻚ ﺳﺎﺑﻊ ﺍﺭﺽ،ﺑﻴﻼﻃﻒ ﺻﺤﺒﺘﻚ ﺍﻭﺩﺍﻣﻚ ،ﻓﻰ ﻏﻴﺎﺑﻚ ﻭﻓﻰ ﻭﺟﻮﺩﻙ ﻭﺍﻧﺎ ﺑﺠﺪ ﻣﺴﺘﻐﺮﺑﻚ ﺍﺯﺍﻯ ﻗﺎﺑﻠﻪ ﺩﻩ ﻋﻠﻰ ﻧﻔﺴﻚ ﻭﻋﻠﻰ ﻛﺮﺍﻣﺘﻚ ﻭﻋﻠﻰ ﺍﺧﻼﻗﻚ ﻓﻰ ﺍﻟﻤﻘﺎﻡ ﺍﻻﻭﻝ ﻭﺍﻧﺖ ﺑﺘﺴﻤﺤﻰ ﻟﻮﺍﺣﺪ ﻏﺮﻳﺐ ﻳﺪﺧﻞ ﺑﻴﺖ ﻓﻴﻪ ﺑﻨﺘﻴﻦ ﻟﻮﺣﺪﻫﻢ ،ﺍﻳﺎ ﻧﻌﻢ ﺍﻧﺎ ﻛﻨﺖ ﻋﺎﺭﻑ ﺍﻥ ﺍﻳﻤﺎﻥ ﺩﻯ ﺍﺧﻼﻗﻬﺎ ﻣﺶ ﻭﻻﺑﺪ ﺑﺲ ﻛﻨﺖ ﻋﺎﺭﻑ ﻭﻭﺍﺛﻖ ﺍﻛﺘﺮ ﺍﻥ ﺑﻨﺘﻰ ﺍﻗﻮﻯ ﻣﻨﻬﺎ ﻭﻫﺘﻘﺪﺭ ﺗﻔﺮﺽ ﻋﻠﻴﻬﺎ ﺍﺧﻼﻗﻬﺎ ﻭﺗﺮﺑﻴﺘﻬﺎ ﻭﺍﻋﺘﺰﺍﺯﻫﺎ ﺑﻨﻔﺴﻬﺎ ﻭﺑﺄﺻﻮﻟﻬﺎ ﺍﻟﺮﻳﻔﻴﺔ ﺑﺲ ﻭﺍﺿﺢ ﺍﻧﻰ ﻛﻨﺖ ﻏﻠﻂ ﻭﺍﻧﻚ ﺿﻌﻔﺘﻰ ﻭﺳﻠﻤﺘﻰ ﻣﻦ ﺍﻭﻝ ﺟﻮﻟﻪ ….
ﺍﺟﺎﺑﺘﻪ ﻟﻴﻠﻰ ﺑﺤﺰﻥ ﻭﻫﻰ ﺗﻘﺎﻃﻌﻪ : ﻻ ﻳﺎﺑﺎﺑﺎ ﺍﻧﺎ ﺯﻯ ﻣﺎﺍﻧﺎ
ﻣﺼﻄﻔﻰ : ﻣﺘﺄﻛﺪﺓ ﻳﺎﻟﻴﻠﻰ ؟
ﺍﺟﺎﺑﺘﻪ ﺑﺈﻗﺘﻨﺎﻉ ﻭﻫﻰ ﺗﻬﺰ ﺭﺃﺳﻬﺎ ﺑﺂﺳﻰ : ﺍﻳﻮﻩ ﻳﺎﺑﺎﺑﺎ ﻭﻫﺜﺒﺖ ﻟﻚ .
ﺍﺑﺘﺴﻢ ﻣﺸﻔﻘﺎ ﻋﻠﻴﻬﺎ ﻭﻫﻮ ﻳﻘﻮﻝ : ﺍﻫﺮﺑﻰ ﻳﺎﻟﻴﻠﻰ ﺍﻫﺮﺑﻰ ﻟﺒﻌﻴﺪ ، ﺍﻋﻤﻠﻰ ﺍﻟﻠﻰ ﺍﻣﻚ ﻣﻘﺪﺭﺗﺸﻰ ﺗﻌﻤﻠﻪ ،ﺍﻭﻋﺪﻯ ﻧﻔﺴﻚ ﺍﻥ ﻋﻤﺮﻙ ﻣﺎﻫﺘﺴﻤﺤﻰ ﻟﺤﺪ ﻳﺂﺫﻳﻜﻰ ﺍﻭ ﻳﻔﻘﺪﻙ ﺍﻟﺜﻘﻪ ﻓﻰ ﻧﻔﺴﻚ ﺍﻭ ﻳﺘﻌﺴﻚ ﻭﻳﺨﺴﺮﻙ ﺭﻭﺣﻚ ﺍﻟﺠﻤﻴﻠﻪ ﺩﻯ ،ﻭﻻ ﺍﻟﻀﺤﻜﺔ ﺍﻟﻠﻰ ﺑﺘﺴﺤﺮ ﻗﻠﻮﺏ ﻛﻞ ﺍﻟﻠﻰ ﻳﻌﺮﻓﻮﻛﻰ ،ﺍﻫﺮﺑﻰ ﻳﺎﻟﻴﻠﻰ ﻣﻨﻪ ،ﻣﺘﻜﺮﺭﻳﺶ ﻏﻠﻄﺔ ﺍﻣﻚ ﻭﺗﺴﻠﻤﻰ ﻧﻔﺴﻚ ﻭﻗﻠﺒﻚ ﻟﻠﺸﺨﺺ ﺍﻟﺨﻄﺄ .
………………..
ﺣﻴﻦ ﻋﺎﺩﺕ ﺍﻳﻤﻰ ﻓﻰ ﺍﻟﻤﺴﺎﺀ ﻟﻢ ﺗﺠﺪ ﻟﻴﻠﻰ ﻭﻻ ﻣﻼﺑﺴﻬﺎ ﻓﻰ ﺍﻟﺪﻭﻻﺏ ﺑﻞ ﻭﺟﺪﺕ ﺧﻄﺎﺑﺎ ﻣﻨﻬﺎ ﺗﺨﺒﺮﻫﺎ ﻓﻴﻪ ﺑﺮﺣﻴﻠﻬﺎ ﺑﻌﻴﺪﺍ ﻟﻈﺮﻭﻑ ﺍﺿﻄﺮﺍﺭﻳﺔ ﻛﻤﺎ ﻭﺟﺪﺕ ﻣﻊ ﺍﻟﺨﻄﺎﺏ ﺟﺰﺀ ﻣﻦ ﺍﻟﻤﺎﻝ ﻧﻈﻴﺮ ﺍﻳﺠﺎﺭ ﺍﻟﺸﻘﻪ ﻭﺑﺎﻗﻰ ﺍﻟﻤﺼﺎﺭﻳﻒ،ﺣﺎﻭﻟﺖ ﺍﻳﻤﻰ ﺍﻥ ﺗﺘﺼﻞ ﺑﻬﺎﺗﻒ ﻟﻴﻠﻰ ﺍﻻ ﺍﻧﻬﺎ ﻭﺟﺪﺗﻪ ﻣﻐﻠﻘﺎ .
