أنت قدري بقلم سمية بلال ج3

البارت ماقبل الاخير

الفصل السادس والعشرون

فرحة: يانهارى انت هتنط الحتة دى كلها ازاى
بدر بحب: خايفة عليا

فرحة: بخاف عليك من الهوا
بدر وهو بيرجع: احنا فينا من كده هتخلينى اشيلك واروح لجدك واقوله انا هاخد مراتى واللى عايز تعمله اعمله

فرحة بخجل وخوف: ياحبيبى يلا بقى علشان انا خايفة حد يجى دلوقتى وساعتها مش هيحصل خير
بدر: طيب امرى لله

فرحة: اوعى تنسى تكلم جدى بالراحة وسايره علشان اصلا هو مش بيحب حد يعانده
بدر بحب: امرى لله مع ان ده مش طبعى بس علشان عيونك اعمل اى حاجة
قال وهو يقبل جبينها: سلام ياقلبى ونزل من البلكونة
فرحة: سلام ياحبيبى وبعدين قالت بحالمية: هييييييييييح كان نفسى انط معاه

بينما كانوا جميعا جالسين
الحارس: حاج علام فى واحد بره بيقول عايز يشوفك وبيجول اسمه بدر

علام قام بغضب: اطردوه من هنا بسرعة
فرحة بارتباك: جدى انا عايزة ارجع لبدر

علام بص ليها بغضب: بتجولى ايه يافرحة هتعصينى وهتكسرى كلمتى
فرحة : لاعاش ولا كان اللى يكسر كلمتك بس ياجدى بدر ابو ابنى

علام بصدمة: ابنك انتى بتخرفى تجولى ايه
فرحة بخوف : اناا حاااممل

علام: حامل من عدوى
فرحة بجدية: بدر مأذنبش بحاجة ياجدى عمره ما أذانى فى حاجة عوضنى عن حنان الاب والام كان جنبى فى وقت كنت محتاجة حد يضمنى ويقف جنبى ورثنا من المحلين بتوع ماما وبابا هو اللى رجعه لينا بعد لما قريب ماما سرقه ونصب علينا فيه بس سامحنى ياجدى ماتنكرش ان انت السبب فى انه يتشرد هو وعيلته كنت عايزه يعمل ايه يسامحك بالسهولة دى

ورد: ياجدى بجد بدر وقف جنبنا لما ماما ماتت وعمر فرحة ماشتكت منه اديهم فرصة يعيشوا حياتهم بعيد عن الكره والتار اللى بينكم

فرحة الكبيرة: عندها حج ياعلام مش تجنى عليها زى ماجنيت على حسن
عمار: انا من رايي ياعمى تقعدوا مع بعض وتصفوا حسابتكم وتتصافوا وخصوصا ان بقى فيه طفل بينهم

علام وقد بدأ يلين: يعنى انتى لسه رايداه
فرحة بخجل: ايوا ياجدى وصدقنى بدر طيب اوى علشان خاطرى حاول تتصافى معاه وتسامحوا بعض

علام وهو بيكلم الحارس: جوله يدخل

بدر بصوت رجولى: السلام عليكم
الجميع: وعليكم السلام ورحمة الله وبركاته

علام من غير نفس: اتفضل
بدر راح قعد جنب فرحة: شكرا

بدر فضل ساكت شوية وبعدين قال : انا عايز مراتى وابنى ياعلام
فرحة انصدمت سكت دهرا ونطق كفرا ده اللى انا عمالة اقولهوله واحفظهوله وفى الاخر يقول علام بصت ليه بغيظ وبعدين ضربته فى جنبه وقالت من تحت ضرسها: باين عليك عايز تتطلع على نقالة

بدر وهو بيرد عليها بصوت هادى: هتتحاسبى على الضربة دى
فرحة : بقى كده
بدر بعند: ايوا

علام بغضب: ماتركز معايا هنا خير يابشمهندز عايز ايه طلباتك
الاتنين اتخضوا من صوت علام اتعدلوا فى مكانهم

اما ورد وعمار كاتمين الضحكة على شكلهم

بدر بجدية: بص ياحاج انا عايز مراتى وانا مسامح فى حقى
علام بصدق: انا دورت عليكم علشان ارجعلكم ارضكم بس لقيتكم مشيتوا من البلد وانا موافق خصوصا ان بقى بينكم ولد

بدر فى نفسه مش لازم اضيع وقتى فى حاجة عدت فرحة وابنى اهم حاجة عندى دلوقتى: خلينا ننسى اللى فات ياعمى

علام: عندك حج يابنى وخصوصا اننا بجينا عيلة دلوجتى

بدر: اكيد طيب ياعمى اسمحلى انا هاخد مراتى ونروح بيتنا
علام: ان شاء الله بس مش دلوجتى انا عازم اهلك كلهم وعلى راسهم عبد الحميد وان شاء الله لما يجوا هنا هسلملوا الارض بتاعتكم

بدر : ملوش لزوم ياحاج
علام بحزم: لا ده حجكم ولازم تاخدوه
بدر: اللى تشوفوا

عمار تدخل: عن اذنكم ياجماعة احنا هنسافر النهاردة ان شاء الله
فرحة الكبيرة بحزن: ليه يابنى انا ماصدجت انكم بجيتوا حواليا

عمار بحرج: معلش ياحاجة علشان الاجازة اللى انا اخدتها من الشغل خلصت
ورد: متخافيش ياستو ان شاء الله هنيجى كل اسبوع وفى الاجازات

علام: خلاص اللى تشوفوه
:::::::::::::::::::::::::::::::::::::::::::::::::: :::

ورد بحزن: عمار انت لسه برضو زعلان منى ومش عايز تكلمنى
عمار: انت اللى مصممة تزعلينى ياورد انتى ليه مش حاسة بيا

ورد بيأس: عمار ده رزق ربنا بعتوا لينا وانا مستحيل ارفضوا
عمار: بس ده هيضيعك منى وانا مش مستعد اخسرك انتى لسه مش عارفة انتى ايه بالنسبالى

ورد: دى فرصتنا الوحيدة ياعمار افهمنى لو نزلته مش هيبقى ليك اولاد هتعيش وحيد طول عمرك
عمار وهو يمسكها من ذراعيها: الولد اللى مش منك انا مش عايزه كفاية عليا انتى انتى بنتى وزوجتى وكل حاجة ليا هنتبنى اى طفل المهم تكونى معايا

ورد وهى تدير رأسها قالت: مش هاقدر ياعمار ده ابننا مش هقدر انزله واقتل روح بريئة
عمار بغضب: ماشى ياورد خلي عنادك ينفعك

طول الطريق عمار سايق وهو مكشر وزعلان انها مش راضية تقهم وجهة نظره هو مش عايز اطفال من غيرها عمره ماشتكى ليها ازاى هيقدر يعيش من غيرها مين هيصحيه لصلاة الفجر مين اللى هيفهمه من نظرة عينيه مين اللى هيهون عليه المشاكل ليه مش قادرة تفهم انه ادمن وجودها فى حياته
::::::::::::::::::::::::::::::::::::::::::::

بدر خلى السواق يجيب جده ومامته لحد بيت علام وفهمهم ان المشكلة خلاص اتحلت وعلام عرف غلطه وعايز يرد الارض ليهم من تانى

علام بخجل: انا اسف ياعبد الحميد كان شيطان وانا جريت ورا طمعى
عبد الحميد بصدر رحب : المسامح كريم ياعلام خلينا ننسى اللى فات احنا اولاد النهاردة

علام: وده عشمى فيك ياعبد الحميد طول عمرك طيب وجلبك كبير وده ورج الارض بتاعتكم
عبد الحميد: خلاص ياعلام احنا بجينا اهل

علام: علشان خاطرى خد ارضك علشان ابجى مرتاح
عبد الحمبد: ماشى الامر لله

صباح وهى تحتضن فرحة: وحشتينى اوى يافرحة البيت كان وحش اوى من غبرك
فرحة : وانتى وحشتينى اوى ياماما كان غصب عنى المهم دلوقتى اننا بقينا مع بعض

فرحة الكبيرة: منورانا ياصباح فرحة حكت ليا عنك كتير
صباح: فرحة دى بنتى اللى مخلفتهاش

فرحة: ربنا يجمعنا على الخير دايما
الجميع: يارب
:::::::::::::::::::::::::::::::::::::::::::::
عمار لسه راجع من الشغل وكان زهقان ومتضايق لانه راح لمامته وبرضوا رافضة تكلمه لقى ورد مستنياه ابتسم ليها ولما افتكر وضعهم كشر ومشى علشان يدخل جوا سمع ورد بتقوله
ورد: حبيبى مش هتاكل
عمار وهو بيسد الباب وراه جامد: لا مش عايز اطفح ولا اقولك هدخل اتخمد احسن

ورد دمعت من كلامه اول مرة يتكلم معاها كده عمره ماكان قاسى او زعل منها زى المرة دى
فتحت الباب لقت عمار نايم وحط دراعه على عينه قعدت جنبه وقالت بدموع: انت مش قلتلى عمرى ماهكون السبب فى ان دمعة واحدة تنزل من عينك

عمار بص ليها
كملت بشهقات: وكمان مش قلتلى طول مانتى معايا مش عايز اشوفك حزينة ليه دلوقتى بتعاملنى كده عمرك ماكنت قاسى معايا كده وسابته ومشيت وقبل ماتخرج من الاوضة لقت اللى بيشدها من دارعها وحضنها جامد

كلامها كان سكين بتقطع فى قلبى انا قسيت عليها جامد كده بس ده كله لمصلحتها علشان توافق تنزل الجنين
دموعها دموعها دى نقطة ضعفى ماقدرش اشوفها زعلانة ماحستش بنفسى الا وانا حاضنها خايف تضيع منى بس الحمد لله قدر الله وما شاء فعل

ورد بشهقة: اوعى تزعل منى تانى انا مش بعرف انام وانت زعلان منى وكملت بدموع: وكمان الملائكة بتلعنى وربنا ببقى زعلان منى

عمار بندم: انا عمرى مازعلت منك انا بس خايف عليكى ياورد مش عايز اخسرك ومد ايديه ومسح دموعها بحنية انت لسه مش عارفة انا بحبك اد ايه

ورد: صدقنى ياعمار انا متمسكة بيه علشانك انت انا عايزة افرحك انا بفكر فيك قبل مافكر فى نفسى محدش عارف اللى جاى ايه والاعمار بيد الله هو وحده اللى عالم امتى هنموت

عمار بحب: ونعم بالله بس عاهدينى الاول
ورد بابتسامتها الجميلة : ماشى

عمار فى نفسه اد ايه وحشتنى ضحكتها البريئة قال : تحافظى على صحتك ومفيش اهمال وتسمعى كلام الدكتورة بالحرف واللى تقولك عليه تنفذيه

ورد: موافقة
عمار: ومفيش حركة كتير وكمان مفيش طبخ انا اللى هطبخ

ورد تبرم شفتيها كالاطفال: ايه ده ياعمار وانا هعمل ايه لا طبعا انا اللى هطبخ وبعدين انا مرضاش ان انت اللى تطبخ مش للدرجة دى
عمار: نو! نو! احنا اتفقنا على ايه ومتقلقيش انا بعرف اطبخ انتى ناسية ان انا كنت عايش لوحدى ها اتفقنا
ورد : اتفقنا يا عمار

عمار بمشاكسة: لا فى كلمة احسن من عمار عمار دى طعمها وحش
ورد تضع راسها على صدره: اتفقنا ياحبيبى
:::::::::::::::::::::::::::::::::::::::::::::::::: :

ليليان: ايوا ياماما انا وصلت البلد اهو
هنية: انتى عصيتى كلامى ورحتى برضو

ليليان: ياماما اعتبرينى طالعة رحلة وكمان هبقى هنا مع جدو وعمتو وكمان بابا موافق
هنية وهى بتقفل التليفون: اعملى اللى انتى عايزاه سلام
ليليان: لامتى هتفضلى متكبرة كده ياماما

وقفت العربية فى مكان قريب من البيت ونزلت تسال عليه لقت اتنين بيضايقوها وبداو يمشوا وراهاخافت وسرعت فى خطواتها لقت واحد جه ناحيتهم

منصور: احترم نفسك يالا انت وهو
الرجلان: فى ايه ياعم احنا شفناها جبلك شفلك واحدة غيرها

منصور بصوت عالى ونظرة خوفتهم : يعنى انتو ناويين على خناقة طيب اللى راجل فيكو يقرب

قال احدهم : اجرى يالا احنا مش ناقصين وبعدين تعال نشوف غيرها وجريوا هما الاتنين

ليليان ببكاء: شكرا لحضرتك انا بجد مش عارفة اشكرك ازاى
منصور وهو باصص فى الارض: العفو ده واجبى

ليليان وطلعت فلوس من شنطتها: طيب اتفضل دول
منصور بغضب: انتى شايفانى باشحت يابت انتى

ليليان: ماتقوليش بت وبعدين والله انا مش قصدى انا كنت عايزة اعبر عن شكرى بس لانك انقذتنى من الاتنين دول

منصور : بصى لنفسك الاول بالهدوم اللى انتى لابساها دى وبعدين اتكلمى
ليليان بدموع: انا ماسمحلكش

منصور: تسمحيلى ولا لا انا مالى ومالك سلام

:::::::::::::::::::::::::::::::

ورد: مبروك يا حبيبة ربنا يبارك ليكم
حبيبة بسعادة: الله يبارك فيكى ياورد انا مبسوطة اوى انك قدرتى تيجى خصوصا بعد السفر

ورد: عيب يابت ده انتى اختى انا والله فرحانة ليكى اوى ربنا يتمم ليكم على خير
حبيبة: يارب

راضية والدة ياسر: خدى يابنتى كلمى ياسر انا عارفة الواد ده ماله
حبيبة : مش عارفة ياماما ههههههههه

ياسر: من الليلة وعلى دارى رايحة عروستنا وماسكلها الطرحة ولو مش رضيت هديها العلقة
حبيبة: ههههههههههههه ايه ده يا ياسر

ياسر: بغنيلك ياحبيبتى
حبيبة: ياسلام هى دى اغنية وبعدين ايه هديها العلقة دى احنا فينا بكده

ياسر: ياستى ادينى انتى العلقة بس تعالى نروح بقى انا زهقت
حبيبة بضحك: ياسر دى سابع مرة تتصل وبعدين انت سايب صحابك وبتكلمنى
ياسر: صحاب مين دى عيال جزمة كل شوية يشلونى ويهشتكونى لحد لما اتبهدلت

حبيبة: هههههههه ياخبر
ياسر: بس بينى وبينك انا كنت بعمل فيهم اكتر من كده فزى لما تقولى كده بيردولى الجميل

حبيبة: ههههههه اقفل ياحبيبى بقى وابقى قولى مغامراتك دى بعدين الناس مستغربة
ياسر بمكر: بقى كده طيب سلام ياعروستى
حبيبة باستغراب: سلام مش عارفة حاسة انه هيعمل حركة ندالة

ورد: خلصتى المكالمة ولا لسه ههههههههه
حبيبة: ايوا ياختى اتريقى

راضية: يابنات ظبطوا نفسيكم اللى لابسة نقاب تلبسه لان العريس هيدخل

حبيبة متفاجأة: هو هيدخل دلوقتى لسه بدرى
دخل ياسر وكان لابس بدلة رصاصى وكانت طلته جميلة راح لعند حبيبة وطول مهو ماشى مثبت عينيه عليها

قرب منها وباس جبينها وقال: مبروك ياقلبى وربنا يقدرنى واخليكى سعيدة دايما
حبيبة بخجل: الله يبارك فيك

ياسر: ايه يابت القمر ده يابختك ياواد يا ياسر ده انا امى داعيالى فى ليلة القدر
راضية: معلش ياحبيبة انتى عارفة لسانه الطويل وانت ياخويا خف على البنية شوية

ياسر: يوه ياماما مش لازم اعبر عن اعجابى وبعدين عريس وعروسته بيتكلموا روحى انتى ياحاجة شوفى المعازيم بتوعك

راضية: يرضيكى كده يابنتى يعنى انا متقلة عليكم
حبيبة بمكر: لا طبعا مش يرضينى انتى تقعدى فى الحتة اللى انتى عايزاها ياماما

ياسر بمكر اكبر : بقى كده
حبيبة حست انه هيتهور لسه كانت هتتكلم لقت نفسها طايرة فى الهوا ياسر شالها بين ايديه وقال: بعد اذنكم بقى ياجماعة

حبيبة اتفاجأت قالت وهى هتبكى من الاحراج: ياسر الله يخليك نزلنى الناس بيبصوا علينا
ياسر مش رضى ينزلها لحد لما راح لحد الباب ونزلها ولبسها الكاب تبع الفستان ومسك ايديها وقال بابتسامة جميلة : انتى عايزة حاجة من الفرح ده
حبيبة بابتسامة جميلة شدت على ايده وقالت لأ
وجريوا هما الاتنين لحد العربية

ميرفت: ايه اللى عمله المجنون ده
سارة بندم: ربنا يفرحها حبيبة تستاهل صبرت ونالت باين عليه بيحبها اوى ربنا يتمم ليهم على خير

:::::::::::::::::::::::::::::::::::::::::::::

عمار: ههههههههههه الواد ياسر ده مجنون اخر حاجة
ورد: ههههههههه ده كل اللى فى القاعة فضلوا يضحكوا عليهم

عمار: ربناا يسعدهم
ورد: امين

عمار وهو يتلمس بطنها: اخبار حبيب قلبى ايه
ورد بحب تضع يدها على يده: الحمد لله فى صحة وعافية الحمد لله

عمار بقلق يخفيه: الحمد لله حبيبى انتى كويسة مش حاسة بالم
ورد : صدقنى ياعمار انا كويسة والله وبعدين قالت علشان تضيع الموضوع صحيح انت عايز ولد ولا بنت

عمار: كله رزق من ربنا اهم حاجة تفضلوا جنبى كلكم وتبقوا اصحاء
ورد: امممم انا فى نفسى فى بنت عايزة اسميها فاطمة على اسم ماما الله يرحمها

عمار بحب: ان شاء الله بس عايزها نسخة منك
ورد: لا انا عايزاها تاخد لون عينيك انا بحبهم اوى

عمار: لا لا لا انا عايزها نسخة منك بالظبط شعرك عنيكى وكمان ضحكتك الحلوة دى احلى ابتسامة
ورد بسعادة: الله ياعمار شعور حلو اوى مش عارفة اوصفه الحمد لله الحمد لله

عمار : الحمد لله فعلا شعور جميل ربنا يرزق كل مشتاق يلا بقى ياريحانتى نصلى قيامنا ونقرأ وردنا
ورد: يلا ياحبيبى