أنت قدري بقلم سمية بلال ج3

البارت الأخير الجزء الأول
فرحة: حبيبى تليفونك بيرن
بدر: ايه ده دى ليليان بنت عمتى
فرحة وهى تضع يدها فى جنبيها: نعم ياخويا وبتتصل عليك ليه اشمعنى انت ليه ماتصلتشى على تليفون ماما
بدر: والله ماعرف يمكن ماما تليفونها مش معاها ثانية وهنعرف
وفتح التليفون وفرحة لزقت ودنها فى السماعة وبدر مبسوط من غيرتها رد ولقى ليليان جت البد ومش عارفة البيت بدر وصفه ليها وقال انها قريبة منه وفضل معاها لحد لما وصلت وبعدين قفل
بدر: اظن مش محتاج اشرح ده انتى سمعتى احسن منى وبعدين انا هروح ابوس ليليان علشان بفضلها عرفت انك بتغيرى عليا ياتفاحتى
فرحة بعصبية من الحمل وهى بتجرى وراه: نعم ياروح مامى تبوس مين
بدر: ههههههههه يابت استنى مش قصدى
ونسيبهم بقى علشان زهقت من خناقهم
صباح: ازيك يالي لى
ليليان: الحمد لله ياعمتو
صباح: دى فرحة الكبيرة جدة فرحة مرات بدر
ليليان: اهلا وسهلا تشرفت بمعرفتك ياطنط
فرحة: الشرف ليا ياحبيبتى وقوليلى عمتوو بلاش طنط دى
ليليان تضحك: ماشى ياعمتو
صباح: معلش يافرحة هنتقل عليكى
فرحة بعتب: عيب عليكى ياصباح انتى زى اختى وخلاص انتم بقيتم من اصحاب البيت
صباح: طول عمرك كريمة يافرحة
فرحة نزلت من ع السلم: ايه ده مين اللى جايب فى سيرتى وراحت سلمت على ليليان
فرحة 2: اهى ام لسان جت اهى
بدر وهو جى وراها ورحب بليليان بعدين قال : جبتش حاجة انا من عندى علشان تعرفى العبد الغلبان ده بيعانى اد ايه
فرحة بغيظ ترفع احدى حاجبيها : بقى كده
بدر : عكيت انا صح انا بقول هروح العب شطرنج مع جدك وجدى سلام ياحبيبتى
الجميع: ههههههههههههههههه
ليليان مبسوطة من الجو ده اول مرة تعرف ان الجو الاسرى جميل كده وكمان اول مرى تعرف الجانب التانى من بدر على طول كانت بتشوفه جد ومعقد بس لما يبقى مع فرحة وعمتو بيبقى شخص تانى لامت نفسها لما كانت مرخصة نفسها ولما كانت بتحاول تخليه يحبها
فرحة: تعالى يالى لى اوريكى اوضتك زمانك تعبانة من السفر
ليليان بابتسامة: ماشى
وطلعوا فوق سوا بعدين قالت فرحة: ها عجبتك الاوضة
ليليان: جميلة اوى شكرا
فرحة : مفيش شكرا بينا ياعبيطة انتى زى اختى ورد
ليليان بدموع: وانا والله كان نفسى يكون ليا اخت زيك واسفة على معاملتى ليكى قبل كده
فرحة بحنية: ولا يهمك خلاص اعتبرينى اختك واى حاجة تحتاجيها انا موجودة
ليليان: ان شاء الله فرحة
فرحة : نعم
ليليان: هو انا وحشة اوى للدرجة دى
فرحة: لا ياحبيبتى ماشاء الله انتى امورة اوى
ليليان بدموع : لا مش قصدى كده اصل وانا جاية فى اتنين ضايقونى وفى واحد جه وساعدنى ولما شكرته قالى شوفى هدومك اللى انتى لابساها دى وبعدين اتكلمى هو حسسنى انى رخيصة انا والله مش وحشة اوى كده
فرحة مسكت ايديها وقعدتها جنبها وقالت: فى الاول امسحى دموعك دى ثانيا بقى هو كان قصده ينصحك يعنى انتى ماشاء الله ربنا من عليكى بجمال كتير غيرك بيتمناه يبقى من واجبك على ربنا انك تشكريه على النعمة دى وتحافظى عليها وياليليان ربنا قالنا ازاى نحافظ على النعمة دى وشرع لينا اللباس الشرعى وبكده هتبقى زى الجوهرة اللى جوا الصدفة محدش ليه حق يشوفها الا اللى يستاهلها ويفوز بيها
ليليان: كلامك جميل اوى بس غصب عنى ببقى عايزة لبس زى صحابى وبعدين اكتر الناس لابسة كده
فرحة: حبيبتى انتى لو تدبرتى فى القرآن الكريم هتلاقى جملة اكثر الناس لايعقلون او لا يفقهون وكمان ربنا قال فى القران وإن تطع أكثر من فى الارض يضلوك عن سبيل الله
يعنى الناس دى مش هتشفع ليكى عند ربنا صح
ليليان: صح
فرحة: وكمان القلوب بين ايدين ربنا اصدقى النية انك عايزة تعفى نفسك وهو هيعينك صدقينى هتيجى فترة وتقولى ازاى انا كنت بعمل كده من ترك شيئا لله عوضه الله خيرا منه
ليليان: عندك حق
فرحة: وكمان ياستى الهدوم اللى على الموضة دى مفيش مشكلة هاتيها والبسيها فى بيتك لازم تكونى جميلة من وجهة نظرك انتى مش من وجهة نظر الناس اصدقى بس النية وانك عايزة تحافظى على نفسك وربنا هيعينك صدقينى
ليليان بامتنان: شكرا اوى يافرحة بس انا مش عارفة البس ايه بعد كده خايفة اروح اشترى حاجات وبرضو تبقى بتغضب ربنا
فرحة: ولا يهمك بكرة نروح اى محل قريب من هنا ونجيبلك شوية هدوم لحد لما نروح ونبقى نشوف ايه اللى ناقص
ليليان بابنسامة: ماشى
::::::::::::::::::::::::::::
حبيبة وهى توقظه: ياسر فى حد بيخبط
ياسر بنوم : هو فى حد يجى دلوقتى الرحمة ياناس
حبيبة: ياسر قوم الساعة بقت 11
ياسر: طيب قومت اهو امرى لله
حبيبة: خلاص هروح افتح لما تغير هدومك
ياسر: تروحى فين ياختى طول مانا فى البيت رجلك مش تعتب ناحية الباب انا بغير عليكى من الهوا مش عايز اى حد يشوفك غيرى
حبيبة بخجل: بجد يا ياسر
ياسر بحب: بجد ياعيون ياسر
الاتنين اتخضوا لما سمعوا صوت الباب بيخبط تانى جامد ياسر راح يفتح وحبيبة ميتة ضحك على شكله
ياسر بغيظ : امه داعية عليه اللى بيخبط ده
وفتح الباب وقال بعنين مغمضة: ايوا مين
راضية: ايه ياد انت انت لسه مش صحيت
ياسر: مين أما
راضية: بص يابو ياسر الواد لسه مش عقل برضو
رضوان: بالراحة ياراضية انا قلتلك زمانه نايم مش لازم نزعجهم دلوقتى
ياسر: والله يابا انا طول عمرى بقول رايك على طول صح
شهقت راضية: بص الواد انا غلطانة انى جايبة ليكم الفطار
ياسر: ايه فطار طيب مش تقولى كده من الاول اتفضلى يامامى انتى وبابى عيب تفضلوا ع الباب كده
رضوان ضربه على راسه بهزار: لسانك ده عايزله قص
حبيبية جت ورحبت بيهم: اهلا بيكم نورتونا والله
راضية: ده نورك ياحبيبتى بص اتعلم من مراتك شوية
ياسر: وانا لحقت اتعلم حاجة مانتو طبيتو علينا على طول
حبيبة راحت قعدت جنب راضية: ايه الكلام ده يا ياسر دى ماما وبابا اصحاب البيت يجوا وقت ماهما عاوزين
راضية وهى تحتضنها: يكرم اصلك ربنا يسعدكم يارب وتعقلى الواد ده حاكم انا غلبت معاه
ياسر: اوبا الغالية زعلت منى
رضوان: مين اللى يزعل هو فى زى حنية قلب امك دى الاصيلة بنت الاصول
راضية بخجل: انت اللى قلبك صافى يابو ياسر
ياسر بهزار: ايه ياحاج انتو جايين تحبوا فى بعض عندى انتو مش ليكو شقة ماتروحوا فيها ولا حبكت فى شقتى
ضحكت حبيبة وضربته فى جنبه بهزار: بس بقى احرجت ماما
راضية وقفت هى ورضوان وعلى ايه ياخويا احنا ماشيين وانتى ياحبيبة بقيتى بنتى ولو الواد ده زعلك فى حاجة قوليلى وانا اقطملك رقبته
حبيبة بحب : تسلميلى ياماما ياسر عمره ماهيزعلنى طالما ليه اب وام زيكم ربنا يبارك فيكم
حبيبة عليت فى عين راضية بكلامها اللى زى البلسم : ربنا يعزك يابنتى
ياسر: بقى بدل ماتيجى تديها كلمتين وتعملى زى مارى منيب تيجى تقويها عليا
رضوان : يلا ياراضية اصل الواد ده لسانه طويل حاسس انه بيطول كل دقيقة كل دقيقة ايه دى كل فيتموثانية
ضحك الجميع وقال ياسر: ماشى ياحاج مقبولة منكم
بعد لما خرجوا قال ياسر: ماما باين عليها حبتك اوى
حبيبة: مامتك طيبة اوى ياريت كل الحموات يبقوا زيها
ياسر: بس انا مقدر حركة الجدعنة اللى انتى عملتيها دى
حبيبة باستفهام: حركة ايه
ياسر: انك بتنادى امى بماما وابويا كمان بابا
حبيبة: كفاية انهم جابوا وربوا شخص زيك ياحبيبى ده جميل هفضل شايلاه ليهم
طول العمر ومهما عملت مش هوفيهم حقهم
احتضنها ياسر: انتى اللى نعمة كبيرة من ربنا وطول عمرى هفضل اشكره عليها
:::::::::::::::::::::::::::::::
فرحة: ابعد ابعد يابدر
بدر: فى ايه يابت انا عملت فيكى حاجة
فرحة تضع يدها على انفها: رحتك وحشة
بدر بشك وهو يشم نفسه: يابت انتى هتشككينى فى نفسى ده انا لسه واخد شاور
فرحة: ماليش دعوة مش تقرب اوف ريحتك وحشة
جت صباح: فى ايه صوتكم عالى ليه
بدر بغيظ: انا عارف رايح اقعد جنبها بتقولى ريحتك وحشة
ضحكت صباح: هههههههه ده من الوحم ياحبيبى
فرحة: جبتش حاجة انا من عندى
بدر: وانا مالى ومال الوحم ياماما
صباح: الوحم جاى فيك نصيبك بقى
بدر بحنق: هو الواد ده جاى علشان يقرفنى اومال لما يطلع هيعمل ايه
فرحة تتخصر: نعم ياخويا اومال لو انت الحامل كنت عملت ايه انت عارف انا تعبانة اد ايه اصلا
واتخيلت بدر بالشكل ده ومعرفتش تمسك نفسها من الضحك لحد لما قعدت لدرجة ان صباح خافت عليها : ايه يابنتى بالراحة
فرحة بتضحك جامد: ههههههه والله شكلك تووووووحفة ياحبيبى ههههههههههههههه
بدر يضرب يد بيد: والله البت دى اتهبلت

ليليان كانت ماشية قدام البيت ومبسوكة اوى بالجو الريفى ومنظر الخضرة منظر يريج القلب ويصفي الذهن امبارح فرحة نزلت معاها واشترت ليها ملابس وسبحان الله كانت حاسة فى الاول بالندم والشيطان استلمها وانها كدا هتضيع برستيجها بس الحمد لله زى مايكون فى حاجة جواها بتناديها وبتقولها اثبتى لبست الهدوم وسبحان من بدل قلبها فضلت تدور بيها حوالين نفسها وكانت مبسوطة جدا حست انها غالية وانها كده بتحمى نفسها والنهادرة اول مرة تخرج باللبس ده راحت تتمشى قدام البيت لقت واحدة كبيرة شايلة حاجات كتير وكل شوية يقع منها حاجة راحت تساعدها
ليليان: عنك ياطنط خلينى اساعدك
ام منصور: ربنا يكرمك يابنتى مش عايزة اتعبك
ليليان بطيبة: لا ولا يهمك مفيش مشكلة هاتى بس اشيل عنك شوية
ام منصور : اتفضلى يابنتى
ليليان: ها هو ده البيت
ام منصور: ايوا يابنتى معلش تعبناكى
ليليان مبسوطة اوى مكنتش عارفة ان مساعدة الناس فرحتها بتبقى كبيرة كده: لا تعبك راحة
ام منصور: بس باين عليكى مش من هنا اصل اول مرة اشوفك
ليليان: ايوا انا من القاهرة بس اهلى من هنا تعرفى الحاج علام
ام منصور بضحكة: ايوا يابنتى مهو جوزى شغال معاه وكمان الحاج لجى ولاد ابنه وربنا رجعهم ليه بالسلامة
ليليان بابتسامة: اهو انا قريبة جوز بنته وكمان الحاج عبد الحميد العياض لو تعرفيه انا حفيدته بس هو ساب البلد من زمان
ام منصور: اه ده كان راجل طيب هو وابنه رضا مع ان جوزى بيشتغل مع الحاج علام الا انى مكنش موافجة على اللى بيعمله ديه بس الحمد لله العيلتين اتصافوا الدنيا دى فانية مش تستحج اننا نظلم حد علشانها
ليليان: عندك حق
ام منصور: تعالى بجى اتفضلى نضيفك
ليليان : شكرا ياطنط هروح انا بقى علشان مش اتاخر
ام منصور: والله لهتجعدى انا حلفت لازم اديكى واجبك
ليليان بابتسامة: ماشى علشان خاطرك بس
ام منصور: طيب هروح اجيبلك الشاى وكنت عاملة فطير هتاكلى صوابعك وراه
ابتسمت ليليان: اكيد هيبقى حلو علشان من ايدك
ام منصور: تسلمى يابنتى ده من زوقك استنى ثوانى وجاية
قعدت ليليان تستناها البيت كان بسييط وكانت قاعدة على كنبة عالية شوية وكل شوية ترفع نفسها وهى بتضحك اول مرة تقعد على كنبة لحد لما سمعت الصوت ده
دخل منصور من الباب: ياامى برضو روحتى السوق لوحدك مش قولتلك اس
وقطع كلامه لما شاف البنت اللى قابلها قبل كده
منصور باستغراب: انتى
وقفت ليليان بارتباك
دخلت ام منصور: انت جيت يابنى
منصور: احم مكنتش عارف انك معاكى ضيوف انا داخل جوا
ام منصور: معلش يابنتى ده ابنى منصور تلاقيه ميعرفش ان فيه حد هنا
انها تبقى معاه فى مكان واحد حاجة بتخوفها متعرفش ليه ارتباكها زاد : لا عادى ياطنط معلش انا تاخرت انا اسفة هبقى اجى وقت تانى ان شاء الله
ام منصور: ماشى يابنتى زى ماتحبى
:::::::::::::::::::::::::::::::::::::::::::::::::: :::

وجه يوم عيد جواز ورد وعمار وفرحة وبدر
ورد راحت صبغت شعرها بلون عيون حبيبها واستغلت ان عمار اتاخر فى الشغل استغربت لانه عمره ماتاخر جهزت نفسها وظيطت الاكل وكل حاجة وعطرت الشقة
لقت جرس الباب بيرن بصت من العين لقته عمار فتحت ليه الباب وعمار لقى حبيبة قلبه استقبلته احسن استقبال ابتسم ليها وطلع بوكيه الورد اللى كان مخبيه وراه وقال: كل سنة واحنا مع بعض ومفيش حاجة تفرقنا
ورد ابتسمت ليه وقالت افتكرتك نسيت
عمار بحب: انا مستحيل انسى اليوم ده
ورد: يلا ادخل
عمار: ايه ده انتى عملتى كل ده امتى
ورد : من ساعة لما رحت الشغل وبعدين قالت بسرعة وهى بتحرك ايديها والله عملت على قدى ومش تعبت الحمد لله
عمار بص ليها بنصف عين وده اتفاقنا
ورد: ياحبيبى والله ماتعبتش انا اصلا كنت عاملة حسابى وجهزت بعض الحاجات قبل كده
عمار وهو يتلمس شعرها قال بزعل: انتى صبغتى شعرك ليه مانتى عارفة ان انا بحب لونه الاسود
ورد قعدت على رجله وقالت بمسكنة هو انا صبغته بلون غريب مهو لون عيون حبيبى
عمار: ايوة ثبتينى ومسك ايديها وقال غمضى عيونك ورد غمضت طلع خاتم رقيق زيها ولبسه ليها وبعدين باس ايديها
عمار: فتحى ها ايه رايك
ورد فضلت تبص للخاتم وتلمسه بايديها بسعادة : بس ده كتير اوى ياحبيبى
عمار: مفيش حاجة كتيرة عليكى ياروح قلبى
ورد وضعت قبلة رقيقة على وجهه: ربنا يخليك ليا
======================
========================
فرحة افتكرت ان النهاردة عيد جوازها هى وبدر بطنها كبرت وبدات تتحرك بصعوبة شوية كسلت تروح الكوافير وطلبت اكل جاهز وحلويات ووضبت الشقة بتاعتها واستريحت اكتر لما بدر قالها انه هيتأخر
عملت ماسكـ وفردته على جسمها وكانت كلها اسود فى اسود وكانت لابسة جلابية قديمة علشان هدومها مش تتبهدل ولسه بتدور رايحة الحمام لقت اللى بيبصلها ببلاهة وفاتح بقه من الصدمة
يانهار اسوح قالت وكانها هتعيط : ببدرر
بدر بصدمة: نهارك ابيض ايه اللى انتى مهبباه فى نفسك ده
فرحة ببكاء: غمض عينك غمض عينك انت مش قلت هتتاخر
بدر: ايوة قلت كده علشان اجى بدرى واعملك مفاجأة
فرحة باحباط مفاجأة قال مافجأة قال وجريت على الحمام
بدر ببلاهة: البت دى جرالها ايه هى اللى بتحمل بتتهبل كده
فرحة وهى بتخبط فى راسها: غبية غبية ده اللى هو انا اتخضيت من شكلى امال هو هيعمل ايه اووووف انا عارفاه لما يصدق يمسك عليا حاجة ويفضل يذلنى بيها يارب ينسى انه شافنى بالمنظر ده
ظبطت نفسها وعملت تسريحة بسيطة لشعرها اللى بدر بيموت فيه ورشت من البرفان بتاعها وخرجت
بدر اول ماشافها صفر ومسك ايديها ولف حوالينها : اوبا ايه الجمال ده صاروخ ارض جو
فرحة فى سرها الحمد لله نسى قالت بسهوكة: بجد ياحبيبى
بدر: جد الجد ياعيون حبيبك قمر ياناس غمضى عينك بقى
فرحة غمضت وبدر راح من وراها ولبسها عقد وراح بيها لحد المرايا وحضنها : ها ايه رايك
فرحة بدهشة: ده ليا انا يابدر
بدر بحب: كنت عايز اجبلك حاجة تعبر عن حبى ليكى بس مش لاقى حبى ليكى اكبر من اى وصف واى كلام ها ايه رايك لو مش عاجبك اغيره
فرحة بحب: ده جميل اووى
بدر: هو جميل علشان انتى اللى مزودة جماله
فرحة: طيب وانا كمان عندى ليك مفاجأة
بدر بص ليها باستفهام
مسكت ايديه وحطتها على بطنها وقالت: عرفت نوع الجنين
بدر بصلها بلهفة
فرحة ابتسمت : ولد
بدر حضنها : الحمد لله انا مبسوط اووى مبسوط لانك معايا ولان فى حاجة هتربطنا ببعض طول العمر ربنا يباركلى فيكم
فرحة ويباركلى فيك ياحبيبى
بدر مسك تليفونه وقال وهو ماسك ضحكته بصى تعرفى من دى
فرحة انصدمت بدر صورها لما دخل وهى مش واخدة بالها ووشها يفطس من الضحك بصتله بغضب وانا اللى بقول نسى اتاريه مخطط لحاجة تانية : امسحها
بدر بضحكة: نو نو نو لا هنحتاجها
فرحة بغضب: والله وهنحتاجها فى ايه ان شاء الله
بدر: علشان لما النونو يشرف ويعيط اخوفه بيها علشان يسكت وينام على طول ههههههههههههه
فرحة :لاااااااااااااااااااااااااااااااا
بدر: هههههههههههههههههههههههه
( عمرهم ماهيعقلوا انا شايلة ايدى منهم grin رمز تعبيري )
::::::::::::::
ورد بألم تمسك قلبها: ألم عمار ألم هنا بيوجع اوى
بدر بحب: سميته حسن
….: أبلة انتى مش فاكرانى انا اللى قابلتك فى الكلية بتاعتك واشتريتى منى اقلام
الطبيب وهو ينزع الكمامة: البقاء لله
عمار بحزن: سامحينى ياورد مش قدامى الا الحل ده