أنت قدري بقلم سمية بلال ج3

البارت الثانى والعشرون

أُسْدِلَ السِتارْ

صباح : خد بالك من نفسك يابدر وابقى اتصل اول ماتوصل
بدر يقبل يدها : حاضر ياامى ان شاء الله

وذهب الى جده وقبل رأسه : هتحتاج حاجة ياجدى
عبد الحميد : مش عايز الا حاجة واحدة تاخد بالك من نفسك لاننا ملناش غيرك
بدر : ربنا الحارث ياجدى

لم يتبق الا هى ذهب اليها وقبل جبهتها قبله طويلة
بدر: اجيبلك حاجة وانا جاى قولى اللى نفسك فيه

فرحة تمنع نفسها من البكاء هزت راسها بالنفى حزينة
بدر : يلا اشوف وشكم بخير فى امان الله

فرحة : استنى هاجى معاك لحد بره
بدر: انا قلت ايه

فرحة بترجى : علشان خاطرى
بدر بتنهد: راسك ناشفة دايما مش في المود خالص

فرحة للمرة الالف تعيد كلامها : خد بالك من نفسك البس تقيل الجو هناك هيبقى برد بالليل وكل كويس مش تكسل وانا هصحيك كل يوم الفجر

بدر وهو يحتضنها : أى ااومر تانية يافندم
فرحة: اممم دلوقتى لا لو افتكرت حاجة هقولك

ذهب بدر وانتظرت حتى اختفت سيارته من امامها امسكت بقلبها وقالت بضياع: انت قلقان كده ليه

:::::::::::::::::::::::::::::::

يوم الخطوبة وكتب الكتاب

تحسنت معاملة والدتها لها ومع ذلك تمتاز بالبرود كأن والدتها تنفذ اوامر اسندت اليها ولم تطق تلك الاوامر ففعلتها برتابة شديدة

سارة : ايه ده يامامى ايه الجو ده انا اتخنقت
ميرفت : وانا اقدر اعمل ايه واعمله انا بنتى يتعمل كتب كتابها فى البيت

سارة : ده تامر مرضاش يقعد كتير زهق ومشى دول مش راضيين يشغلو حاجة نرقص عليها كله اغانى بالطبلة اللى معاهم دى

ياسر بحب : مبروك
حبيبة بخجل : ربنا يبارك فيك

اتى عمار وورد
عمار: مبروك ياصاحبى واحتضنه وبعدين قال مبروك ياانسة حبيبة انا عارف انه غلس بس قلبه طيب استحمليه

ياسر بصدمة: ياخاين وانا اللى قلت صاحبى هييجى ينفخنى ويشعر فيا قدامها تيجى عايز تبوظ الليلة
عمار ضحك ليغيظه: امال لو قلتلها الصبح قبل ماتيجى ايه اللى حصل تصورى ياانسة حبيب..

وضع ياسر يده على فم عمار : ايه فضيحة بتموت انت فى الشتيمة صح تصدق انى غلطان انى عزمتك روح لمراتك ياعم وسيب الناس الغلابة تاخد رزقها انت اتجوزت انما انا لسه حرام ياناس باشد ف شعري

كل ذلك وحبيبة وورد يضحكون
عمار : انا همشى بس علشان اتاخرنا المرة اللى جاية هبقى احكى انت عملت ايه الصبح
ياسر وهو يعدل بدلته : ناس مش بتيجى الا بالعين الحمرا

ذهب عمار وورد بعد تبادل الاحضان بين ورد وحبيبة

ياسر بغيظ : عمالة انتى تضحكى ولا تقولى ادافع عن الراجل ده على فكرة ده زى جوزك والله
حبيبة :ههههههههههههه انت عملت ايه بجد الصبح

ياسر يضحك: اصل راحت عليا نومة واتفجأت بعمار عمال يرن عليا وكنت اتاخرت علشان الحق اشترى البدلة وكده ولبست هدومى بالشقلوب ونزلت ولقيت جيرانى عمالين يضحكوا قلت الناس دى اتهبلت ولا ايه طلعت انا اللى عبيط

حبيبة :هههههههههههههه موقف محرج بصراحة
ياسر بهيام: علشانك اعمل اى حاجة باحبه يا ماما

سكتت حبيبة بخجل محرجة
ياسر: تعرفى انا بحب خجلك وحياءك ده اوى وبالذات لما تقلبى تفاح امريكانى كده عسل ياناس

خبأت وجهها من الإحراج
ياسر : ايه ده لا انا عايزك تنحرفى النهاردة كده مش نافع مش هتقوليها بقى

حبيبة بخجل تام وقد فهمت مقصدى: أقول ايه

ياسر : انتى عارفة انا عايزك تقولى ايه بس انا هقولهالك الكلمة دى فضلت مخبيها فى قلبى ودلوقتى جه وقت انى اخرجها بحبك بحبك او ياحبيبة فضلت مخبيها علشان طعمها فى احلال احلى وربنا يقدرنى واسعدك واقدر اعيشك فى نفس المستوى بتاعكم علشان متحسيش بالفرق

ادارت وجهها له : انا عمرى مافكرت بالشكل والمنظور ده صدقنى ياياسر لو شقة واوضة واحدة انا راضية طالما هتتقى ربنا فيا وهتعاملنى بالحسنى

ياسر يمسك يدها ويقبلها : ربنا يخليكِ ليا

دافئة تلك الهمسة
غريبة تلك النغمة
و سحر هذه اللمسة
والأغرب تلك الكلمة
احبك..احبك..احبك
مذاقها فى الحلال احلى

سمية ツ
:::::::::::::::::::::::::::::::::::::

عمار بقلق : حبيبتى تعالى نروح المستشفى علشان نطمن
ورد بانهاك: لا ياحبيبى ده بس تعب لانى كنت مع حبيبة طول النهار هنام وكل حاجة هتبقى تمام

عمار : طيب تعالى نروح علشان اطمن ومش ابقى قلقان
ورد تسند رأسها الى صدره وقالت بنعاس: صدقنى هنام وهبقى كويسة
وما كان منه سوى ان اطبق ذراعيه عليها والخوف يملأه على صغيرته

صباح اليوم التالى
عمار : ياجبيبتى انا ماشى بس خدى بالك من نفسك
ورد باعياء تحاول ان تداريه: من عنيا ياحبيبى خد بالك من نفسك اه صحيح فرحة هتيجى علشان اطلع معاها مشوار اروح

عمار :طبعا ياحبيبتى بس لو تعبتى ارجعى او اتصلى عليا ماشى
هزت رأسها بالايجاب طبع قبلة على خدها وغادر

بعد قليل كانت فرحة وورد امام المشفى
فرحة : كان لازم تقوليله برضو ياورد
ورد بخوف : انا مش متاكدة يافرحة كنت خايفة يفرح وبعد كده يكون مفيش حاجة وفرحته تضيع

فرحة : خلاص اللى انتى عايزاه وانا كمان هعمل اختبار لانى من كام اسبوع حاسة بخمول جامد
ورد بسعادة: ياااااااااه لو احنا الاتنين نكون حامل زى بعض هههههههه

فرحة بمزحة : وابنى هياخد بنتك اه لازم زيتنا يبقى فى دقيقنا
ورد:هههههههههههه

اجروا الاختبار ووقفوا فى الخارج منتظرين بينما رن هاتف فرحة وكان بدر وذهبت لتجيب عليه فى حين اتت الممرضة بالنتائج وقالت : مبروك ياقمر انتى حامل

اتت فرحة وورد تتكلم قالت بتوجس :ها ياورد ايه الاخبار
ورد بسعادة: فرحة انا حامل
فرحة :الف مبروك ياح

اتت الدكتورة مسرعة وقاطعتهم :يالمياء دى نتيجة اللى معاها حامل فى 4شهور اما التانية لسه ربنا مش اراد

انطفت فرحة ورد وشعرت فرحة بالحزن لاجلها: معلش ياورد العمر لسه قدامك
مسحت ورد سحابة الحزن من وجهها وقالت بفرحة لاختها: قدر الله وما شاء فعل ان شاء الله خير والف مبروك ياحبيبتى هتتصلى ببدر وتقوليله فى التليفون

فرحة: لا هستنى لما يجى علشان اعملها ليه مفاجأة
ورد: كلى كويس وخدى بالك من نفسك

فرحة بضحكة: ههههه وصينى على اى حاجة الا الاكل ده حبيبى
ورد:ههههههههههههههه ربنا يعين بدر عليكى

عادت ورد الى المنزل قامت بتجهيز الغداء وانتظرت حتى جاء عمار وتغدا سويا
عمار يقبل يدها:تسلم ايدك ياحبيبتى
ورد بهدوء: بالهنا والشفاء ياحبيبى

عمار يمسح على وجنتيها: زهرتى حزينة ليه
لم تصدر ورد اى ردة فعل سوى دمعة يتيمة نزلت على خديها ولكن عمار لم يسمح لها ان تتمادى اكثر وأسرع بمسحها قال بحنان :ياه دموع مرة واحدة ياسمينتى احنا مكملناش سنة لسه قدامنا بدرى وان شاء الله ربنا هيرزقنا

نظرت اليه ورد بصدمة: انت عرفت منين
عمار :سمعتك صدفة وانتى بتكلمى فرحة النهاردة الصبح

ورد بحزن: ومش زعلان
عمار : هتصدقينى لو قلتلك لا عسى ان تكرهوا شيئا وهو خير لكم وربنا قال :فقلت استغفروا ربكم إنه كان غفار .يرسل السماء عليكم مدرارا. ها كملى

ورد بأمل : ويمددكم بأموال وبنين ويجعل لكم جنات ويجعل لكم أنهارا
عمار: صدق الله العظيم يبقى نستغفر ربنا ونتصدق وان شاء الله ربنا هيرزقنا صح ياوردتى

ورد ارتمت فى حضنه : ربنا يخليك ليا

اذا ارهقتك متاعب الدنيا,
فنادي للأمل ببصيص من التفائل
واعلم ان للحياة وجه آخر ,
دع منغصات الحياة والتفت لبزوغ الشمس ,
سوف تدرك ان المتاعب يجب ان يندثر تحت وطأة الفرح