أنت قدري بقلم سمية بلال ج3
الفصل الاخير
الدكتور طلع ونزع القمامة من على بقه وقال: البقاء الله عملنا اللى علينا ودى حكمة ربنا
شهق الجميع
لحظة ! صمت عم المكان حدقت عيناه فى الفراغ صمم اصاب اذنيه لم يعد يسمع شيئا اخر دارت به الدنيا لم يعد يستطيع سماع شىء حتى صوت دقات قلبه هل انتهى كل شىء اين وعودنا اننا سنربى طفلنا سويا هل سأعيش دون بسمتها وبلسم كلماتها اضطرب نفسه واختنق استند الى الجدار وانحدرت الدموع من عينيه عودى ياملاكـــى
أتت الممرضة مسرعة: دكتور النبض رجع وانا بعمل اخر صدمة كهربية بس ضعيف
تنفس الجميع الصعداء وحلت البسمة على الشفاة وتتموا الحمد لله الحمد لله
دخل الدكتور بسرعة واجرى المطلوب وخرج
عمار والجميع : طمنا يا دكتور
الدكتور: للاسف النبض ضعيف جدا جدا ومحتاجة زراعة قلب وحضرتك قلت لسه مش لقيتوا متبرع فمفيش حل غير انها هتفضل فى الغيبوبة لحد لما نلاقى القلب المناسب بس لو اتاخرنا يبقى خلاص مفيش امل
عمار بخوف: يعنى حضرتك عايزه فى مدة اد ايه
الدكتور: اربع ايام بالكتير وانصرف
تنهد عمار بقوة وملس على وجهه وتمتم: استغفر الله استغفر الله يارب اجعل لى من ضيقى هذا مخرجا استغفر الله
ربت بدر على كتفه: متقلقش ياعمار خير خلى عندك ثقة فى ربنا
عمار : ونعم بالله ربنا هو املى الوحيد
:::::::::::::::::::::::::::::::::::::::::::::::::: :::::::::::::
ليليان: بس عارف يامنصور بحب شكلك بالجلابية احسن من الكاجوال
منصور بابتسامة: علشان عيونك حلوة بس شايفة كل الناس حلوة
ليليان بسعادة: انا مبسوطة اوى ياحبيبى مبسوطة انى بقيت مرات واحد شهم وطيب وجدع زيك انا بشكر ربنا كل يوم انه اهدانى هدية زيك
منصور بعيون ملئها الحب: يعنى مش ندمانة
ليليان: ندمانة !! انا يامنصور يعتبر مكنتش عايشة كان جوايا مكان فاضى مستنى حد يعمره ورجوعى لربنا وتوبتى ليه ملت المكان ده حب ربنا نعمة كبيرة اوى وربنا كفائنى بيك
منصور يشوى الذرة فى الغيط اللى قريب من البيت مد ليها بواحد: عندك حق علقى قلبك بربنا وربنا هيريحه يلا كلى بالهنا على قلبك
اكلته ليليان : اممممممم طعمه لذيذ اوى عارف ليه
منصور: ليه
ليليان بحب: علشان من ايدك ياحبيبى
منصور: طب يلا يابت نقوم من هنا بدل ماحبنا يولع فى الدرة
ليليان: هههههههههههههههههههههههههه
منصور ابتسم: تسلملى صاحبة الضحكة
ليليان: عارف يامنصور مكنتش اعرف انك حساس وطيب اوى كده اول مرة خفت منك اوى
ضحك وقال يعنى المفروض كنت اطبطب عليكى وانتى بتدينى فلوس
ليليان: هههههههههههه انت لسه فاكر ده انت قلبك اسود اوى
منصور: يلا ياقلبى علشان الجو بدا يبرد والساعة داخلة على 9 زمان امى وابويا ناموا
ليليان: على فكرة الجو حلو انت اللى كبرت وعجزت
منصور قام علشان يمسكها : بقى انا عجوز ها طيب تعالى
ليليان بتجرى: ههههههههههههه مش هتعرف تمسكنى ياعجوز
منصور سرع مرة واحدة ومسكها ورفعها على كتافه زى شوال البطاطا
ليليان بضحكة: نزلنى ياصوصو حرمت والله
منصور بهزار صوصو هو انا كتكوت طيب علشان صوصو دى هروح ارميكى فى الترعة تاخدى غطس
ليليان خافت ليكون بيتكلم جد : الحقينى ياماما الحقنى يابابا
منصور: هههههههههههههههه ابقى خليهم ينفعوكى
:::::::::::::::::::::::::::::::::::::::::::
ياسر باشفاق: معلش ياعمار ان شاء الله هنلاقى
عمار بيأس: امتى يا ياسر بكرة اخر يوم
ياسر: خلى املك فى ربنا كبير اوعى ياصاحبى الظرف ده ينقص من حسن ظنك فى ربنا خلى قلبك يصدق ان مسبب الاسباب هيحلها من عنده وخليك فاكر ضاقت فلما استحكمت حلقاتها
عمار بامل : فرجت وكنت اظنها لاتفرج
عند حق بس خايف يا صاحبى انت متعرفش هى ايه بالنسبة لى
ياسر بمرح ليهون الموقف ضرب بيديه على كتفه وهو بيقلد صوت واحدة: اخص عليك ياخاين وبتقول كده قدامى طب راعى مشاعرى واحاسيسى المرهفة
عمار ابتسم : ربنا يكرمك ياصاحبى انا بحمد ربنا انه جمعنا على محبته
ياسر احتضنه بمحبة اخويا: يشهد الله انى بحبك فيه
عمار: هروح دلوقتى لان ميعاد الزيارة جه وهرجع نصلى سوا فى المسجد
ياسر اومأ راسه بايجاب
