بقلم ديجا
البطله :أميرة أرمله منذ ٥شهور بيضاء ولون عنيها رمادي غامق شعرها بمنتصف ظهرها أشقر غامق مش طويله ولا قصيره
البطل: أحمد زوج دينا اخت مصطفى زوج أميرة جسمه رياضى وطويل عينه عسلى شعره أسود فحمى
دينا:زوجه أحمد بيضاء بعيون عسلى فاتح وشعر بنى قصير أوى
فريد ابنهم عمره ٨ سنوات وفارس ١٠ سنوات وفريده ٥ سنوات
وباقى الأشخاص هنتعرف عليهم بالأحداث
أميره :اسمع ايه يا دينا ازاى اتجوز جوزك إنتى واعيه لكلامك ده وبعدين بعد اللي عمله مصطفى فيا مستحيل افكر فالجواز تاني
دينا بعياط:عشان خاطري يا اميره توافقى ومتخافيش أحمد مش زى مصطفى خالص
أميرة :اهدي بس يا دينا أنا بعتبرك اختى ومستحيل احرق قلبك بجوازى من البشمهندس أحمد
دينا :عشان انتى اختى وواثقه من حبك ليا ولولادى بقولك اتجوزى أحمد أنا خلاص فى مرحله متأخرة مفيش امل فالشفا انتى الوحيده اللي هتحافظى على بيتى وولادى من بعدى محدش من أهلى بيسأل عليا وانتي كنتي ليا الأهل كح كح
اميرة:دكتور بسرعه اهدى عشان خاطري
الدكتور :أنا قولت مينفعش تتعرض لأى ضغط من فضلك برة
اميرة خرجت برة وقعدت على أول كرسى وفضلت تبكى وافتكرت اللى حصل معاها من ٣شهور
الباب خبط ودخلت سالى ومعاها اشرف زميل مصطفى
اشرف:ازيك يا مدام أميرة احنا اسفين اننا جينا من غير معاد بس فى موضوع مهم جدا لازم نتكلم فيه
أميره :الحمد لله اتفضلوا
سالى أخرجت ملف من شنطتها واديته لاميرة : ده عقد جواز بينى وبين مصطفى متسجل فالشهر العقاري انا مكنتش ناويه أعرفك بس اللي جد انى حامل من مصطفى معاكى التحاليل اللى بتقول أنى حامل فى ٣ شهور ونص
اميرة بصدمه :أنتى بتقولي يا ست انتى اطلعى برة حالآ مصطفى مستحيل يتجوز عليا
نزلت حماتها على صوتها
كوثر :فى ايه يا أميرة مالك صوتك عالي ليه
أشرف حكى لكوثر اللى حصل
سالى :انا كل اللي طالباه اقعد فى بيت جوزى لحد ما اولد يا ماما واصرف حالى
كوثر قامت وقفت وقالت :……
تعود اميره للواقع على صوت
ارملتى العذراء
الفصل الثاني
الممرضه : حضرتك مدام أميرة
أميره :ايوة أنا في إيه
الممرضه :مدام دينا عايزه حضرتك جوه ضروري
أميرة :حاضر أنا هدخلها حالا
أميرة دخلت لدينا
الدكتور :لو سمحتي يا مدام من غير انفعال ولازم تدخلى للعمليات النهارده
دينا:حاضر يا دكتور هتكلم كلمتين مع أختى وجوزى وتحت أمرك بعدها
الدكتور لأميره :من فضلكم تعملوا اللى هى عايزاه عشان حالتها تستقر قبل العمليه عن اذنك
أميرة بدموع:أنا آسفه لو انا السبب فى انفعالك ده
دينا:ما تتأسفيش يا حبيبتي هو أحمد خد الولاد وراح فين
أميرة :حدهم للمول وزمانهم جايين
دينا:ها فكرتى فى اللى اتكلمنا فيه أنا مش هدخل عمليات غير وأحمد متجوزك وده أخر كلام عندي
أميرة :أنتى ليه مصرة أوى كده ان شاء الله هتقومى بالسلامه
دينا بنفاذ صبر :خلاص اوعدك لو قمت بالسلامة هخليه يطلقك بس إنتى وافقى.. وبعدين يا ستى أنا بجوزك أحمد هريحك من الارف اللي انتى عايشه فيه مع امى واخواتي ولا عجبك معامله الخدامات اللى بيعاملوكى بيها دى
اميرة افتكرت اللي حصل كوثر قامت وقالت :خلاص يا بنتى اقعدى فى بيت جوزك واميرة هتعيش معايا في شقتى على ما تولدى ونشوف أيه اللى هيتم
اميرة:ازاي يا ماما تديها شقتى حرام والله
كوثر :حرام عليكي انتي عايزه تحرميني من حفيدى ده من ريحه المرحوم مش كفايه استحملناكى وانت ارض بور ٣سنين لف عالدكاترة ومفيش فايده
أميرة ببكاء:يعنى كان بايدى ربنا عايز كده
كوثر :ونعمه بالله يا أختي ولو مش عاجبك شوفيلك حته تانيه اقعدى فيها
أميرة :حضرتك عارفه ان شقه أهلى اخويا اتجوز فيها
كوثر :خلاص يبقي تتكنى وتقعدى واحمدي ربنا ان هخليكى تعيشى معايا
محمد اخو مصطفي ومراته :كويس انها ما مشيتش كان مين هيخدمنا ويعمل الاكل الحلو ده وبنص السعر
أميرة بقهر :حاضر اللى تشوفيه حضرتك
كوثر :لمى حاجتك وطلعيها فوق فى شقتى
دينا :رحتى فين يا أميرة
أميرة مسحت دموعها :معاكى يا دينا البشمهندس احمد رأيه ايه
دينا :وافقى إنتى بس وخلى احمد عليا
فالوقت ده جه احمد بالولاد وقعدوا يحكوا لدينا قد ايه أميرة بتعاملهم كأنها هى اللى معاهم أميرة استأذنت وخرجت سابتهم أسرة مع بعض
دينا لأحمد :شوفت أنى كان عندي حق وأنت كمان مع الوقت هتحبها
أحمد :دينا من فضلك ادخلي العمليه دلوقتي ولما تخرجي بالسلامة نتكلم
دينا :أنا قولت مش هدخل عمليات غير واميرة مراتك يا أحمد وده اخر كلام عندي
جت ليلى مامت أحمد بعد أحمد ما بلغها بقرار دينا وطلب منها تكلمهاتغير قرارها ده
ليلى :ازيك يا دودو يا حبيبتي
دينا :الحمد لله انا عارفه حضرتك عايزه تقولي ايه احمد بلغك مش كده
ليلى:اه يا بنتى بلغنى وانا جايه اتكلم معاكي تدخلى العمليه و…
دينا بدموع :من فضلك يا ماما انا مش هغير قرارى انا خلاص يا ماما مافيش أمل أبقى كويسه وأميرة احسن حد ياخد باله من ولادى ومن أحمد من بعدى
ليلى :قدمى الخير يا حبيبتي ان شاء الله تقومي بالسلامة لبيتك وولادك
دينا :أميرة الوحيده اللى وقفت جنبى من يوم ما جالى الكانسر وولادى بيحبوها وهى بتحبهم فالوقت اللى اخواتى وامى مكنوش بيسالوا حتى بتليفون شالت بيتى وولادى من فضلك يا ماما لو عايزنى ادخل العمليه هاتى المأذون
ليلى :حاضر يا بنتى.. وخرجت اقنعت أحمد واميرة يكتبوا الكتاب عشان تدخل العمليه وفعلا جه المأذون وكتب الكتاب ودينا وافقت تدخل العمليه
جت كوثر ومعاها محمد ابنها عشان يطمنوا على دينا وليلى طلبت من أميرة تاخد الولاد وتروح البيت وهى هطمنها وبعد شويه وقت خرج الدكتور
أحمد :خير يادكتور طمنى
الدكتور :………..
وصلت أميره البيت عند دينا هى والولاد واكلتهم وبيستعدوا للنوم عشان المدرسه الصبح
فريده :أنا فرحانه إنك هتفضلى معانا هنا عشان فى بيتك تيته كوثر بتزعقلنا
أميرة حضنتها:وانا كمان فرحانه اني هكون معاكم ومتزعليش من تيته هى بس بتبقى تعبانه
فريده:تعبانه كل يوم طب تروح المستشفى عشان تخف زى ماما وتعمل عمليه كمان
أميرة :مينفعش نتكلم على حد مش موجود تمام ومش لازم كل التعبانين يروحوا المستشفى
فريده:sorryيا ميرو.. وباستها من خدها
أميرة :يا خلاثى على القمر يا ناس هكلك أنا يلا عالعموم عشان المدرسه
فريد قاعد زعلان راحتله أميرة :مالك يا حبيبي قاعد كده ليه
فريد :أنا زعلان عشان ماما شكلها تعبان أوى وإحنا طول الوقت معاكى
أميره :ادعليها ربنا يشفيها وبعدين يا سى فريد زعلان أنك معايا طب أنا مخصماك وما فيش برجر الصبح.ها
فريد:خلاص أنا آسف إلا البرجر.. وقام باس راسها وحضنها
فارس :يلا بقى احكنا الحدوته عشان ننام يا ميرو
أميرة بضحك:حاضر يا قلب ميرو..
______________________________________
فالمستشفى خرج الدكتور :الحمدلله العملية نجحت بس الحاله لسه مش مستقرة لازم نفسيتها تكون كويسه الايام الجايه عشان نعدى على خير
أحمد :كده حضرتك استئصالت الورم فى اى ورم تاني
الدكتور:للأسف فى أورام فى أماكن حساسه جدا واستئصالها حاليا مش فى صالح الحاله هنمشى على جلسات كيماوي وربنا ييسر هى هتفضل يومين هنا تحت الملاحظة وبعدين تقدر تاخدها البيت وهبعت لحضرتك ممرضه تاخد بالها منها
أحمد :ما فيش مشكلة اللى فى الصالح أعمله يادكتور المهم ترجع لينا
الدكتور :أن شاء الله اهم شيء النفسيه.. عن اذنك
رنت أميرة على ليلى تطمن على دينا
ليلى:الحمد لله يا بنتي العمليه نجحت
أميره :الحمد لله والشكر لله
ليلى :الولاد ناموا
أميرة :اه يا طنط من بدري.. هو مين اللي هيبات معاها
ليلى :أحمد يا بنتى مش راضي يجي هو يريح وأنا أفضل جنبها
أميرة :الولاد ناموا ومش هيصحوا إلا على معاد المدرسه حضرتك تعالى انتي والبشمهندس وأنا هبات معاها اليومين دول
ليلى :ربنا يبارك فيكي ويحفظك يابنتي ثوانى أقول لأحمد وارجع اكلمك.. أحمد يا بنى أميرة بتقول….
كوثر بأندفاع :وهى إيه اللى وداها الشقه وما فيش حد
ليلى:أنا اللي قولتلها عشان الولاد ميتأثروش بتعب مامتهم وقلقنا عليها
كوثر :ست البيت مش موجوده هى اللى يوديها
أحمد :أميرة بقت مراتى وليها فالبيت
كوثر ضربت على صدرها :اتجوزت على بنتى وهى فالحاله دى وكمان مرات اخوهامنك لله أنت والعقربه
أحمد :بنت حضرتك اللي طلبت كده لما تفوق اساليها بنفسك يلا ماما عشان أوصلك واجيب أميرة
كوثر بشر بعد ما مشيوا :أنا هوريكى يا ست أميرة يا خطافه الرجاله
ياترى كوثر هتعمل ايه مع أميرة
ارملتي العذراء الفصل الرابع
فى غرفه أحمد ودينا تبحث أميرة عن شئ ما يدخل أحمد فجأة وبتتخض أميرة
أحمد بعصبيه:أنتى بتعملي ايه هنا لتكونى صدقتى نفسك أنك مراتى بجد دى مجرد ورقه عشان بس دينا ترتاح وتوافق تدخل العمليه
ليلى جت عالصوت واميرة واقفه حابسه دموعها :خير يا بنى بتزعق ليه كده الولاد هيصحوا على صوتك
أحمد :الهانم مفكرة نفسها بقت ست البيت مش عارف دخلت اوضتنا تعمل ايه
أميره :والله يا طنط أنا روقت الاوضه وكنت بدور على شنطه عشان احط الغيارات اللى حضرتك طلبيتها لدينا عشان اخدها معايا
ليلى :حصل خير يا حبيبتي انا فعلآ طلبت منها غيارات لدينا يا بنى
أميره :عن اذن حضرتك.. وخرجت بره الغرفة
ليلى:ليه يا بنى كده تكسر بخاطرها البنت مش مخليه عن جهدها جهد معاكوا وهى يعنى كانت طلبت تتجوزها ولا اجبرتك أنت بتقول بنفسك إنك مكنتش بتشوفها هنا روح يا بنى أعتذر لها وطيب خاطرها
أحمد بضيق:حاضر يا ماما.. خرج أحمد بس ملقاش أميرة دور فى الشقه عليها ملهاش أثر
أحمد :مشيت يا ماما ممكن ترنى عليها
ليلى:هات التليفون.. ايوة يا أميرة أنتى فين يابنتي
أميرة :أنا فالتاكس يا طنط رايحه المستشفى
ليلى:ليه يا بنتى ما استنتيش أحمد يوصلك
أميرة :معلش يا طنط خليه يرتاح هو جاى تعبان
ليلى:متزعليش منه يا أميرة انتي عارفه
أميرة :الله يكون في عونه اللى هو فيه مش سهل أنا مش زعلانه ولا حاجه
ليلى :ربنا يصلح حالك يا بنتى خلى بالك من نفسك
اميرة:حاضر..
كل الكلام أحمد سامعوا لأن ليلى فاتحه الاسبيكر
ليلى:أدخل أرتاح يا بنى وأنا هدخل أرتاح أنا كمان تصبح على خير
أحمد :وانتي بخير يا ماما
دخل أحمد ياخد شاور عشان ينام
____ ❤❤
فالمستشفى وصلت أميره ودخلت لقت كوثر عند دينا
كوثر :جيتى يا عروسه جيتى يا خطافه الرجاله يا عقربه دونآ عن رجاله الدنيا ملقتيش غير جوز بنتى
دينا بتعب:ماما ممكن تسمعينى الأول أنا اللي طلبت كده مش هأمن على ولادى غير معاها هى اللى وقفت جنبى فالوقت اللى كنتي انتي واخواتى مش فاضيين تسألوا عليا حتى بتليفون ممكن بقي ما تجرحيهاش بالكلام اللي مالوش لازمه ده
كوثر :بقى كده يا بنت بطنى أنا ماشيه واشبعى بقى بخطافه الرجاله دى ومتجيش بكره تعيطى لما تاكل عقل جوزك زى ما كلت عقلك انت وولادك
خرجت كوثر تاركه أميرة مع دينا
دينا:ما تزعليش من كلام ماما حقك عليا أنا عارفه اني قرارى كان في انانيه بس صدقيني غصب عنى
أميرة :ارتاحى يا حبيبتي ما تتعبيش نفسك وانتي مش أنانيه ولا حاجه انتى أم ولازم تفكري فى ولادك واللى يريحهم وان شاء الله تقومي بالسلامة ليهم
دينا :أنا بحبك أوى يا أميرة أنتى أحن بنى ادمه قابلتها فى حياتى استحملتى كتير أوى وكل ده من طبيه قلبك
أميرة :ربنا يخليكي ليا يارب انتي كمان قلبك طيب ونعم الأخت.. نامت دينا أثر العلاج وأكملت أميرة كلامها :انتي عارفه يا دينا أن الكل فاكرينى ضعيفه مش قادره اخد حقي بس انا مش بحب اكون لوحدي يعنى منال ونهى فاكرين انهم بيضحكوا عليا وياخدوا وجبات مني بنص التمن بس فالحقيقه أنا حابه كده انا ممكن اقولهم لأ بس عشان خاطر الولاد وسهيله مرات اخويا لما غضبت أول مره اتخنقت مع وليد اخويا عشان مش عايزانى لأنى مصرة عالطلاق واخويا رافض فكرة انى اعيش لوحدي عشان كلام الناس فضلت انى ارجع لمصطفى منعآ للمشاكل وخراب البيت.. كاان هناك من يسترق السمع ودموعه نازله وفجأه…..
ياترى مين اللي واقف وإيه اللي حصل وايه حكايه أميرة ده اللي هنعرفه الفصل الجاى
الفصل الخامس و السادس
فى منزل كوثر يجلس محمد وزوجته نهى ومجدي وزوجته منال وسالى أيضا
كوثر :يعني إيه دينا تقولي محدش يجرحها بالكلام اتمسكنت لبنتى لحد ما لهفت جوزها
منال:لازم يا ماما نشوف حل ونطلقها الناس هتاكل وشنا من اللي عملته ده
نهى:ايوة فعلآ بس يا ترى هترضى تطلق وترجع هنا
سالى :دى طلعت مش سهله
محمد :بس منك ليها انتوا مضايقين بس عشان الخدامه اللي بلاش مشيت وهتضطروا تشتغلوا لولادك وتطبخوا من تاني
منال:والبيه محموق أوى ليه كده يكونش كنت ناوى تتجوزها
مجدي :اتلهى منك ليها عالاقل لو واحد فينا اتجوزها كانت هتفضل تحت طوع الكل ونترحم من العك اللي بتعملوا
نهى:قصدك ايه يعنى احنا مش زى السنيورة ولا ايه كويس انها غارت
كوثر:جتكم واكسه توكسكم ايوة فعلآ انتم عكاكين وبعدين أنا فى ايه وانتم فى ايه غوروا كل واحد على شقته وسيبونى فى اللى أنا فيه
الكل طلع شقته وقعدت سالى معاها
كوثر :وانتي قاعدة ليه ما تقومى تروحى شقتك
سالى :اصل انا عندي حل لمشكلتك دى يا ماما
كوثر :قولى واشجينى ما انتي نفسك ترجع الخدامه اللى بلاش
سالى ضحكت بشر وقالت :بصى يا ستى………..
_________________________ 💞
فالمستشفى وقفه ممرضه على باب الاوضه وسامعه أميرة بتتكلم مع دينا وهى نايمه صعبت عليها ودمعت على حالها فالوقت ده جه أحمد لاقها واقفه
أحمد :واقفه ليه كده وبتعيطى فى ايه
الممرضه :ابدا بس اخت المدام شكلها موجوع أوى لدرجه أنها بتحكى للمدام وهى نايمه عشان مش لاقيه اللي يسمعها
أحمد :وانتى بقى وقفتى تتصنتى عليها
الممرضه :ابدا والله انا حبيت بس اسيبها تطلع اللى جواها عشان ترتاح ومحبتش اقاطعها كنت جايبه العلاج عن اذنك أديها العلاج
أحمد وقف مكانه وقال :شكل حكايتك حكاية يا ست أميرة ده صورتك وانتى حابسه دموعك ما فرقتش خيالي ومعرفتش أنام
الممرضه أدت دينا العلاج وخارجه أحمد طلب منها تنادى لاميرة عشان يعتذر لها
الممرضه :مدام اميرة أستاذ أحمد بره عايز حضرتك
أميرة :حاضر انا جايه معاكي.. وخرجت لأحمد بره
أحمد :ممكن ننزل الكافيه تحت نشرب حاجه
أميره :مافيش داعى.. حضرتك ما نمتش ليه ما تقلقش أنا هاخد بالى منها كويس
أحمد :أنا جاى اعتذر على قله زوقى مش عشان قلقان وعارف أنك واخده بالك كويس منها
اميرة:أنا مش زعلانه حصل خير الله يكون بالعون
أحمد :طب عشان أصدق إنك مش زعلانه ننزل نشرب حاجه فالكافيه قولتى ايه
اميرة بتفكير :اوكي يلا..
نزلوا الكافيه وأحمد سألها تشربى إيه
أميرة :قهوة ساده
أحمد :يا ساتر ليه كده
اميرة:القهوة بتزعل لو حطينا ليها سكر
أحمد :شكلك بتحبى القهوة
أميرة :جدا…. طلبوا القهوة وشربوها فى صمت قاطعه أحمد :أنا حابب اعتذر مرة تانيه كنت قليل الذوق أوى أنا عارف
أميرة :ابتسمت خلاص والله ما فيش حاجه يلا عشان دينا زمانها صحيت
طلعوا الاوضه واميره طلبت من أحمد يروح ورفض
اميرة قعدت عالكرسى اللى جمب سرير دينا وغفت وهى قاعده اما أحمد قاعد على كنبه قصادهم وفضل يتأمل ملامح أميرة وهى نايمه اول مرة يبصلها لنفسه:قد ايه جميله وملامحك بريئه أوى دينا اتململت فى السرير فاق من شروده وقرب عليها حاسه بحاجه انده الدكتور
دينا :لا يا حبيبي أنا كويسه أميرة نايمه ليه هنا
أحمد :جت تبات معاكى عشان اروح انا أرتاح
دينا :طيب يلا روح ارتاح والصبح تعالى احنا اهو هنام
أحمد :لا عشان لو احتاجتى حاجه.. صحيت أميرة على همهمتهم :فى حاجه دينا انت كويسة
دينا:اه الحمد لله يا حبيبتي
أميرة :تقدر تروح ترتاح يا بشمهندس وترجع الصبح أنا جمبها ومش هنام تاني خلاص
دينا :لسه كنت بقوله كده والله يا ميرو
أحمد :خلاص اتفقتوا عليا انا ماشي وهاجى بدرى بأذن الله سلام
الاتنين :سلام
دينا :خدى هنا يا بت فى واحده تقول لجوزها يا بشمهندس هتشلينى
أميرة :بالله عليك تسكتى ما شوفتش فى جنانك والله ويلا يا ختى شدى حيلك عشان تاخدى البشمهندس جوزك
دينا فضلت تضحك على كلامها :عملك حاجه
اميرة:لا ياست الكل معملش انا بحب السنجله السنجله چنتله زى ما بيقولوا وفضلوا يتكلموا لحد ما ناموا وأحمد فالعربيه فطريقه للبيت بيفكر فى أميرة وكلام الممرضه عنها هل كانت بتشتكى منه ولا من مين فاق من شروده وقال لنفسه :بتفكر في ايه بكره دينا تخف وطلقها وكل واحد يروح لحاله
فى الصباح راح المستشفى وجاب ليهم فطار وفطروا سوا وعدا اليومين وراحوا البيت فالبيت
أميرة بتنام مع الولاد فى حضن فريده
وليلى ومروة اخت أحمد قاعدين معاهم
الباب خبط وحد طلب يقابل أميرة
أميرة خرجت وتفاجأت بوجود…..
ياترى مين اللي جه يشوف أميرة وايه اللي هيحصل
الفصل السادس
سالى :ها بقى قوليلي قولتى ايه لاخوها
كوثر :زى ما قولتيلى بالظبط عملت إنى بعيط وقولتله أختك خطفت جوز بنتى بعد ما بنتى ما آمنت لها ودخلتها بيتها وبتقول انها اتجوزته بس ازاى ومن غير ما حد يحضر لها كتب كتاب دى اخرتها بعد ما فتحنا بيتنا ليها وسبتها فى وسطنا وهى حتى ما خلفتش
سالى بضحك :برافو عليكي يا ماما لو زى ما بتقولي ذمانه يبقى الله يرحمها ولو نجت منه هتيجى تبوس ايدك تعيش هنا تاني.. فالوقت ده رن فون سالى واتوترت
كوثر :مين اللي بيرن عليكي ومالك قلقانه كده
سالى:ها ابدا يا ماما دي واحده صحبتي بس دمها تقيل مش عايزه أرد عليها.. وقفلت فونها أنا هطلع ارتاح شويه لأحسن الواد تاعبنى أوى
كوثر :قومى يا حبيبتي ارتاحي على ما نشوف هنعمل ايه تاني مع السنيورة
نزلت سالى الشقة ورنت على الرقم اللي كان بيرن عليها
سالى:عايز ايه بتتصل بيا ليه
اشرف:ليكي حق يا حلوة ما أنتى لقيتى المغفلين اللى صدقوكى بس كل بفضل العبد لله يا ريت ما تنسيش
سالى :أعلى ما فخيلك اركبه ما تقدرش تعمل حاجه
أشرف :لا أقدر يا سوسو ومعايا الدليل تسجيل بصوتك الجميل ده
سالى بتوتر تحاول تخفيه :وأنت هتستفاد ايه لما تفضحنى يعني
أشرف :كيفى كده عايز ٥تلاف جنيه اخر الاسبوع
سالى :وأنا أجبلك منين
أشرف :اتصرفى قبل ما أبيع التسجيل اللي معايا وشغله وسمعها الأتفاق سلام ياقمر
سالى :الله يخربيتك وانا اجيب الفلوس منين وفضلت تدور فالشقه على حاجه تبيعها لاقت علبه فى دولاب أميرة فيها شبكتها ضحكت بشر وقالت :عرفت هدفعلك منين ولازم اخلص منك يا اشرف
=================== 💞💞💞
مروة:اقول لاميرة مين حضرتك
وليد :قوليلها أخوها
مروة :طب اتفضل حضرتك على ما ناديها
وليد :لأ معلش ممكن بس تناديها.. مروة ندهت أميرة من المطبخ وقالت لها أن اخوها عالباب توقعت اللي هيحصل وخرجت ليه
أميرة :وليد اتفضل.. ولسه هتحضنه لقت قلم جامد نزل على وشها خلى شفايفها تنزف
وليد بزعيق:أنتى صحيح اتجوزتى ومين جوز الست اللي امنتك على بيتها ومن ورايا كنتى عززي نفسك شويه ولا خلاص مالكيش كبير وصوتك بقى من دماغك ده اللي ربيتك عليه
أميرة دموعها نازله :ممكن تدخل نتكلم جوه بدل من عالباب كده.. دخل وليد الصالون تحت أنظار مروة وليلى
أميرة :أنا مش هسال مين اللي قالك عشان أنا عارفه كل الحكايه أنه جواز على ورق مش اكتر عشان دينا ترضى تدخل العمليه لأنها مهمه رفضت تدخل غير لما نتجوز عشان تبقى مطمنه على ولادها وكلمتك اكتر من مرة عشان ابلغك وتكون جمبى بس انت مكنتش موجود اسأل نهى أنا لما اتصلت عليك عملتلى بلوك من فونك ولما اتصلت عليها وقلتلها انى عايزاك فى حاجه مهمه قالتلى لما نيجي نشوف الموضوع المهم وقفلت فى وشى وعملتلى بلوك من عندها كمان رنت عليه وعرف انها معمولها بلوك فعلآ ورن على نهى سألها قالت إنها نسيت
أحمد جه فالوقت ده وشافها منهارة وتدخلت دينا وقالت إنها اللي أصرت عليها
وليد:طب ليه نهى تعمل كده
اميرة:خايفه اخدك منها ومن ولادك عندها حق برده عشان خاطرى ما تعملش معاها مشكله
وليد :ده ازاى بقى ان شاء الله انتي بنتى قبل ما تكوني اختى ولو ما ليش خير فيكى مش هيبقى ليا خير فيها هى وولادة
اميرة:أنا قبل كده رجعت بيتى مع مصطفى عشان بيتك ما يتخربش ودلوقتي بقولك عشان خاطري متعملش مشكله
دينا :حقك عليا انا السبب
أميرة :مافيش حاجه والله هو سوء فهم واتحل خلاص
وليد حضنها حقك عليا يا حبيبتي انا الغضب عمانى من اللي سمعته والله وعارف أن مدام دينا يتحبك قد ايه ازاى تخونى ثقتها
اميرة:انا ما شفتش بابا وأنت اللي ربتنى والمفروض تبقى واثق فيا اكتر من كده
وليد:حقك عليا يا قلب اخوكي وأنا هعرف شغلى مع اللى عملوا كده
أميرة :عشان خاطري خلاص أنا مسامحه فحقى
وليد:ماشى يا أميرتي انا همشى دلوقتى
أحمد :اقعد اتغدى معانا واهو نصلح سوء الفهم
وليد :مرة تانيه عشان عندى شغل
ليلى:هاتى يا مروه علبه الاسعافات عشان اعقم لاميرة الجرح
أميرة :ما فيش حاجه انا كويسه هغسل وشى
الولاد جم من المدرسه واتغدووا مع بعض واميرة استأذنت تنزل تجيب شويه طلبات ودينا أصرت ان أحمد ينزل معاها دخلوا السوبرماركت اتسوقوا واميرة اتسوقت اشغلها لأنها بتعمل اكل بيتي وتبيعه
أحمد :مش كتير عليكي الشغل والبيت ورعايه دينا انتي رفضتي انى اجيب الممرضه
اميره :لا مش كتير ولا حاجه والشغل ده اكتر حاجه بحبها بعد دينا والولاد
أحمد :اممممم يعنى دينا والولاد عندك رقم واحد
أميرة ضحكت وضحكتها خطفت أحمد وسرح فيها:احم ممكن تحكيلى اى حاجه مضايقاكى اعتبرى بتتكلمى مع نفسك
أميرة بابتسامة :ان شاء الله
أحمد :ممكن أسألك سؤال لو مش هيضايقك
اميرة:اتفضل يا بشمهندس ياترى ايه السؤال….
يتبع
الفصل السابع و الثامن
وليد فعربيته اتصل على نهى:حضرى نفسك والولاد عشان اوديكم عند أهلك عشان عندي شغل ومسافر
نهى :حاضر بس هتقعد اد ايه
وليد :يمكن اسبوع ولا عشر ايام
نهى:طيب ما تاخدنا معاك
وليد:بقولك شغل مش فسحه يلا ربع ساعة وجايلك
================💞💞💞💞
عند أحمد وأميرة لسه أحمد هيسأل أميرة فونها رن :ردى لتكون حاجه مهمه
أميره :وعليكم السلام.. ايوة أنا لا مديتوش لحد.. شكلها إيه.. طب تمام حاول تعطلها وأنا جايه حالا شكرا لحضرتك… ممكن يا بشمهندس تنزلى هنا
أحمد :فى حاجه ولا ايه
أميرة :ابدا ده الصايغ اللي اشتريت منه شبكتى بيقول ان حد جه يبيعله الخواتم بتاعتى والشخص ده هناك
أحمد :وهو عرف منين إنها بتعتك وبعدين مينفعش تبقى لوحدك أنا هاجي معاكى
اميرة:طيب المحل اسمه…. قريب من البيت وهو عرفهم لأنهم شغله وانا كنت طالبه شكل معين هو نفذه ومن قريب كنت عنده بنضفهم وخد رقم الواتس عشان عايز ابعتله افكار زى كده وهى معرفتش تبيع بره عشان الفواتير راحتله على أساس شغله وهياخده
أحمد :هى مين دى
اميرة: على وصفه تبقى سالى
فالمحل عن الصايغ
شخص ١:على ما تشربى العصير يكون المحل التانى بعتلى نقديه عشان لسه مورد الفلوس هناك
سالى ولا يهمك أنا هتفرج على الفاترينه عشان عندي حاجات عايزه ابدلها
شخص ٢:معاكي دلوقتي
سالى :اه… لأ لأ اقصد فالبيت
أميرة رنت على الصايغ وقالتله إنها وصلت ودخلت أول لما سالى شافتها اتوترت
سالى :إيه ده أميرة اللى جابك هنا
أميرة :ابدا اصلي كنت موصيه على حاجة وبلغونى انها وصلت إنتى بقى بتعملي ايه وسايبه السرير مش برده غلط على البيبى
سالى :لا ابدا كنت زهقانه ونزلت أتفرج وجهت كلامها للصايغ طب أنا هروح دلوقتي على ما الحاجه تيجي من المحل الثاني
شخص ١:مافيش داعي يا مدام الحاجه جت
سالى واقفه تفرك ايدها ومش عارفة تتصرف أميرة قربت عليها وقالت لها :باقي الشبكه معاكي ولا فالبيت
سالى:فالبيت بس انتى هتعملى فيا إيه
أميرة :ولا حاجه
أحمد :هنبلغ البوليس يا حلوة
سالى بترجى :لأ ارجوكم بوليس لأ.. وفتحت شنطتها وطلعت علبه الدهب خدي باقى الشبكه اهى وسامحيني ولو عايزانى امشي من الشقه كمان همشي
أميرة خدت الدهب :خلاص يا بشمهندس متتصلش ب البوليس اهى عرفت غلطها
الصايغ:بس هى سرقتك لازم نعمل محضر
أميرة :لا معلش أصلها حامل ومش هتقدر عالبهدله حسابها عند ربنا.. وخرجت هى وأحمد
أحمد :أنتى ازاى تسيبها كده من غير عقاب
أميرة :عقاب ربنا أقوى من اى عقاب يلا عشان اتاخرنا ومحدش يعرف احنا فين.. ركبت العربية
أحمد :احممم كنت عايز أسألك انتي قولتلى لاخوكى إنك رجعتي لمصطفي عشان حياته متتخريبش ممكن أعرف ازاى لو مش هتزعلى
أميرة ابتسمت بوجع:أنا بشتغل من قبل الجواز من البيت عشان وليد كان رافض فكرة الشغل واتجوزت مصطفى جواز تقليدى شافنى فى فرح صاحبتى اللى هى قريبته وجيه أتقدم وليد شاف إنه مناسب وناس سيرتها كويسه ومن الخطوبه بيعاملنى أميرة زى ماكان بيقول ولما جيت اختار الشبكه عملتها عموله كل قطعه فيها مميزه يعني الخاتم مكتوب عليه أسمى والاسورة أسمى جنب إسمه وكدا يعني والصراحه معترضش واتجوزنا وبعد ٦شهور أهمل شغله وبقى يغيب كتير وانا اللي بصرف عالبيت ولما اعترضت ضربني وبهدلنى ووقفت عالطلاق ورحت بيت اهلي سمعت نهى بتتخانق مع وليد عشان قعدتى ديه وهى مش واخدة راحتها هى عروسه جديده اخويا قالها لو مش عجبك امشي أنا مش هطرد اختى من بيت أهلهااومستحيل تعيش لوحدها ولانى عارفه انه بيحبها كان الاختيار صعب بس هو اختارنى فقررت اتصل بمصطفى واقوله انى موافقه ارجعله ورجعت
أحمد :وفضلتى تصرفي عالبيت
اميرة:ايوة أصرف وآكل البيت كله كل يوم يعتبر ببلاش اهو بدل ما اخرب حياة اخويا اللى رباني وكبرنى بعد اهلي
أحمد :أنتى ازاى قبلتى كده وجينا إحنا كمان كملنا عليكي
أميره :لأ لأ طبعاً دينا الوحيده فى العيله دى اللى كانت بتعاملنى اخت بجد مش نفاق الوحيده اللي ما خبتش ولادها منى لما عرفت انى مبخلفش وكانت ديما داعم ليا اللي بعمله ده قليل على هى حسستني بيه ارجوك متندمنيش انى حكيت ومسحت دمعه هربت من عنيها
أحمد لسه هيتكلم قاطعه الفون
أحمد :ايوة يا ماما إحنا خلاص اهو قربنا عالبيت…. ايه أمتى ده حصل أنا جاي اهو
الفصل الثامن
فى منزل والد نهى رايحه جايه هتتجنن إزاى وليد مش بيرد عليها هى بالذات
والدها:يا بنتى يمكن كان عنده شغل معرفش يكلمك
نهى:يا بابا ده رد عليك وعليا لأ
والدها:يا بنتى اهدي مش كده
نهى :أنا هكلم ست أميرة أكيد عارفه فى ايه من يوم مكلمنى وهو عندها وهو متغير معايا… الو ازيك يا اميره ممكن أسألك سؤال
أميرة :الحمد لله اتفضلي يا نهى انتوا كويسين
نهى بعصبيه:لأ مش كويسين يا أميرة اخوكي جابنى رامانى عند بابا وقال إن عنده شغل ومش بيرد عليا
اميرة:اهدى يا نهى من فضلك أنا هكلمه وأعرف فى ايه
أحمد :فى حاجة يا أميرة ولا ايه
أميرة :مش عارفه يا بشمهندس هكلم وليد وان شاء الله خير.. الو إزيك يا حبيبي مزعل مراتك ليه
وليد :حبيبتي متشغليش بالك انا بقرص ودنها بس عشان اميرتى خط أحمر
أميره :طب عشان خاطري كلمها طمنها عليك دى نهى ماى لاڤ ولا ايه
وليد:ايوة هى مراتى حب عمري لكن إنتى بنتى حبيبتي يا أميره لازم تفهم ده ملهاش لازمه الغيره
اميرة:طيب عشان اميرتك تكلمها
وليد بضحك:ماشي يا اميرتى هعدى عليها
فالوقت ده كانوا وصلوا عند البيت أحمد وهو بيطلع الشنط من العربيه :انتي طيبه بشكل مش عادي
أميرة :ليه بتقول كده يا بخت من قدر وعفى
طلعوا الشقه كانت ليلى قاعده فالليفنج :أهلا وسهلا يا ولاد اتاخرتوا ليه كده
أحمد :معلش يا ماما رحنا مشوار عالسريع كده هى دينا فين
ليلى:بترتاح فاوضتها والولاد فى اوضهم
أحمد :تمام هدخلها.. دودو حبيبتى عامله ايه طمنيني عليكي تحبى نروح المستشفى
دينا:لا أنا كويسه دوخه بسيطه وراحت لحالها ما تقلقش هى أميرة فين
أحمد :أنا جمبك وعايزه أميرة أنا كده هغير
دينا بضحك :كنت عايزاها فى حاجه حريمى ممكن تناديها
أحمد :أوامر القمر هناديها وانزل مشوار.. وباس راسها وايدها وخرج.. ماما هى أميرة فين
ليلى:جوه فاوضه فريده يا حبيبي
أحمد دخل من غير ما يخبط كانت أميرة خلعت الحجاب وعامله شعرها ديل حصان عشوائي وبتهزر هى وفريده أحمد تنح 😟😟من جمالها بشعرها الأشقر الغامق اتكسفت وشدت الطرحه على راسها
أحمد :أنا آسف بس دينا عايزاكى وانا نازل عايزه حاجه من بره
أميرة :ب أحراج :حاضر هروحلها مش عايزة حاجة لأ
أحمد خرج وهى وشها بقى طماطم من الاحراج 🙈
أميرة راحت لدينا:حبيبتي عامله ايه دلوقتي
دينا :الحمد لله تعالى اقعدي عايزة اطلب منك طلب
أميرة :الجميل يؤمر مش يطلب
دينا-عايزاكى تساعدينى اجهز زى العرايس ليلة فرحهم دخلت اميرة جهزتها زى ما طلبت منها وقعدتها قدام المرايه ها ايه رايك بقي دينا/ربنا يخليكي ليا -خدى بالك من نفسك ومن الولاد وطولي بالك مع احمد هو طيب اوى مع الوقت هتحبيه وهو هيحبك اميرة/ايه لازمه الكلام ده دلوقتى ان شاء الله هتقومى بالسلامه ليهم دينا/ان شاء الله انا هنام شويه على ما احمد يجى اميرة /طيب يا حبيبتي –وخرجت وسابتها ترتاح وبعد وقت احمد جه وصحاها وفجاة يا
