حب وانتقام بقلم هالة الحسيني ج1

…………………..
كان فارس في طريقه الى فيلا الحديدي لكي يقابل اخته العزيزة و لكن كان شارذ يتذكر شي و قال لنفسه …
فارس :انا اللى عملته صح و كمان انا ملمستهاش انا وهمتها بكدة لكن انا ملمستهاش
اخذ فارس يتذكر ذلك اليوم الذي لم يخرج ابدا من عقله ……

فلاش باك…….
يظهر فارس و هو يفتح الباب و حامل جانا على كتفه و يدخل بها المنزل و عندما دخل اغلق الباب خلفه و اتجه الى غرفة النوم و داخلها و وضع جانا على السرير و نظر لها بكره و قام من الاقتراب منها و بدا بتمزيق فستانها و بدأ بفك شعرها
و قام بنكشه و قام بخلع قميصه و نظر لها و من يراها يظن انه قام بالاعتداء عليها بالفعل …. ابتسم فارس بخبث و اتجه الى الاريكة و جلس منتظر ان تفيق …….

باك………

فارس :بس هو اللى عملته صح يواااا انت كل شوية تسأل نفسك نفس السؤال ايوا صح.. صح انت بتنتقم ارحم نفسك بقى ارحم
و فاق من كل هذا على صوت رنين الهاتف و عندما ينظر وجد انها خالته … اخذ نفس حتى يهدي نفسه و قام بالرد عليها….
فارس :يا مرحب يا مرحب يا خالة
عايدة :كيفك يا واد خايتي
فارس :الحمدلله يا خالة و انتي كيفك
عايدة :نحمد الله و نشكره يا ولدي انت فين بجالك مدة مش بتتصل ايه كأنك نسيتني
فارس :هو انا اقدر بردو يا خالة بس مشغول جدا الايام دي
عايدة :على العموم انا جاية عنديكم بكرة
فارس :بجد يا مرحب الدنيا كلها تنور يا خالة
عايدة :تسلم يا ولدي متجوليش لسندس اني جاية علان عملها مفاجاة
فارس :ماشي عيوني
عايدة :تسلم عيونك يا ولدي عايزة حاجة مني و انا جاية
فارس :عايز سلامتك
عايدة :الله يسلمك يلا سلام يا ولدي
فارس :سلام
و اغلق الخط و قال في نفسه :يعني حبكت تيجي الايام دي
يا خالة اوفففف لو عرفت مش هتوافقني ابدا بس في الاول و في الاخر الحكاية هتتعرف ربنا يستر …

بعد مدة وصل فارس الفيلا و نزل من سيارته و اغلق الباب
و اتجه الى داخل الفيلا ……
صار يبحث على اخته بعينه و لكن لم يراها فناد على احد الخدم و سأل عنها فأخبره انها في غرفة ابنها فأمره بأن يذهب
و اتجه الى الدرج و صعد و اتجه الى غرفة ابن اخته و عندما وصل قام بفتح الباب و هو يرسم ابتسامة على وجهه

فارس :مساء الخير يا اهل الدار
سليم ابن اخته بفرح :خالو
و قام بالركض له و عانقه و بادله فارس العناق و نظر لأخته
و تبتسم له بحب فحمل سليم و اتجه الى اخته و عانقها و قبل راسها و قال….
فارس :اخبارك ايه يا حبيبتي
سندس :الحمدلله و انت
فارس :انا الحمدلله
سندس :كنت فين يا فارس بقالك يومين مش باين و بايت برة
فارس :كنت مشغول في حاجات يا حبيبتي
سندس :ربنا يستر من الحاجات دي لان بصراحة انا مش مطمئنة ليك
فارس :ايه حضرة المحقق ما تستهدي بالله
سندس :لا إله الا الله
فارس :سندس متخافيش عليا انا كويس
سندس :ربنا يهديك يا فارس
فارس :يارب
ثم نظر لسليم و قال :و انت يا بطل اخبارك ايه
سليم :الحمدلله يا خالو
فارس :يا رب دايما بس قولي يا واد يا سليم انت خاسس