حب وانتقام بقلم هالة الحسيني ج1
…في شركة الحديدي …
كان فارس جالس على مكتبه و واضع قدميه على المكتب
و يلعب بكره من الكريستال و شارد في ..جانا ..تلك العنيدة المجنونة التي في يومين تكاد تفقده عقله من افعالها المجنونة ..شارد في تلك الضحكة التي تجبر اذنه بالاستماع لها و لكن ما يدهشه هي تلك النبضات التي يسمعها لا يعلم ما سببها … يكاد عقله يجن فما هو عليه و لماذا يفكر بها … اغمض عينه و اخذ نفسا و اخرجه و قال في نفسه :انا هتجنن قريب من وراء اللى بتعمليه فيا يا بنت الشناوي
و هنا داخل اشرف و وجد فارس في شروده فابتسم ابتسامة مزيفة و قال …..
اشرف :ايه يا عمنا مالك
فاق فرس من شروده و اعتدل فى جلسته و نظر له وقال :ماليش اقعد
جلس اشرف و قال :مالكش ايه بس انت شكلك كنت بتفكر
في حاجات كتير
فارس :فكك المهم اخبارك ايه
اشرف :تمام
فارس بشك :مشيت امبارح بسرعة يا اشرف يعني
اشرف بارتباك :كان عندي شغل
فارس :اشرف انت ليه قولتلهم على حكاية جوازي
اشرف :انا ..
فارس :انا نبهت عليك انك متقولش لحد و انا اللى هقولهم صح و لا لا
اشرف : صح بس هو كل اللى حصل ان
فارس مقاطعه :خلصنا يا اشرف بس اتمنى متكرارش تاني على ما اظن مفهوم
اشرف :مفهوم
فارس :دي حاجة اما عن الحاجة التانية الشغل بيتأخر ليه احنا قربنا ندخل في خمس شهور على مشروع صغير غير الشكاوي اللى بتيجي من العمال انك بتعملهم اكنهم عبيد عندك ايه
يا اشرف انت ناسي نفسك الايام دي و لا ايه
اشرف بارتباك :هاا معرفش
فارس :اومال مين اللى يعرف يا استاذ هو مش حضرتك بردو بتكون المهندس المشرف على المشروع و بعدين ده مشروع صغير اومال لو ادتك مشروع كبير
اشرف :يا فارس
فارس مقاطعه بحدة :مش هتكلم كتير يا اشرف و اتمنى الكلام ميتكرارش تاني و ابقى عامل العمال كويس و ركز
في شغلك شوية بدل ما انت مركز في حاجات مالكش داخل بيها مفهوم و لا لا
اشرف بحقد :مفهوم اي اوامر تانية
فارس :اها يا ريت بلاش معاكسات المهندسات اللى بقت واضحة ليا يا بشمهندس و مالكش داخل بالحسابات انت هنا مهندس في الشركة مش محاسب او ليك شان في الادارة المالية على ما اظن كلامي مفهوم
اشرف بحقد :مفهوم
فارس يأمر : اتفضل روح مكتبك و ابقى روح الموقع و جيب اسمنت و الملازمات للمشروع لانهم اتصلوا بيا و قالولي ان في حاجات خلصت و لازم تيجي
اشرف :حاضر سلام
و قام من مكانه و على وجهه غضب شديد و حقد اشد و خرج من الغرفة …… بينما امسك فارس سماعة الهاتف و اتصل بالسكرتيرة و امر ان تجلب له قهوة و اغلق و ظل يفكر
في شي و يشعر ان هناك شي خطأ ….
