و.جع البعاد بقلم فاطيما يوسف
وكانت في الفيديو بتبكي بتاثر جدا وكانت ندمانه على اللي هي عملته ،
وبالرغم من اللي هي عملته في عاليا الا انها لما شافتها كده حزنت من جواها على اللي حصل لها ،
ومرت الايام وجالها حد من طرف ساره ان هي عايزه تشوفها ضروري ما كانتش هتروح الا ان حاجه جواها أصرت عليها أنها تروح ،
وفعلا راحت المقابله واللي لقت فيها ساره متدمره وحالها يصعب على الكافر واول ما شافتها قالت لها باسف:
_شفتي ربنا يا عاليا انتقم مني واخذ لك حقك تالت ومتلت هو مش حقك إنتي لوحدك ده حق بنات كتير غلطت في حقهم وكنت بهددهم وكانوا بيدعوا عليا بعدد شعر راسهم وربنا انتقم لهم وهقضي شبابي كله بين حيطان السجن .
ما قدرتش عاليه انها تقول لها انها سامحتها وقالت لها:
_مش هقدر اقول لك اني سامحتك يا ساره لكن كل اللي انا اقدر اقوله لك ربنا يقدرك ويعينك على اللي هتشوفيه هنا وياما قلت لك كتير قوي لما كنت بشوف عدائك في اي موقف على حد “افعل يا ابن ادم كما شئت فكما تدين تدان”
ودلوقتي انتي بتسددي ديونك واحمدي ربنا انك لسه في الدنيا استغفري لربك ،
خلصت كلامها وسابتها ولسه هتمشي قالت لها سارة:
_عايزه اقول لك ان انا كفرت عن ذنبي معاكي وزيدان كان عندي في الزياره من ساعتين قبل انتي ما تيجي وقلت له ان انا اللي عملت كل ده فيكي واني كنت بمسك موبايلك وببعت الصور من عليه واعمل حظر للموقع علشان ما تاخديش بالك وكررت الحكايه دي مرتين تلاته مع مواقع تانيه لما كنت بمسك موبايلك وإنتي كنتي مأمناني عليه ،
ولو لاحظتي الزراق اللي في وشي هتعرفي ان هو ضر…بني الض.ربه دي وعلمت في وشي انا حسيت ان كده مستريحه لما برأتك قدامه .
قالت لها عاليه قبل ما تخرج:
_ما بقتش تفرق علشان انا واثقه من نفسي كويس ولان اللي انكسر ما بيتصلحش فتبريئك ليا من عدمه ما يفرقش .
وبعد زيدان ما عرف انها بريئه حاول بقدر الإمكان ان هو يرجعها وهي رافضه رفض تام وقررت انها تتفق مع ماجد بن خالها وزي أخوها واكتر انها تتخطب له علشان تلعب بيه وتدوقه نار الغيرة وتدمره زي مادمرها .
#عودة_من_الباك
افتكرت اللحظات القديمه دي ودموعها ما فارقتش وشها وقلبها اللي بيوجعها ،
وللاسف مش قادره تسامح رغم الحب الكبير بس قباله جرح اكبر،
ورغم نار الاشتياق الشديد ليه بس قباله نار كرامتها وذلها متحكمين فيها اكتر .
