و.جع البعاد بقلم فاطيما يوسف
_ده انتي البجاحه في أرذل صورها ياشيخة غوري من هنا مش عايز اشوف وشك تاني ابدا .
وخرجت في اليوم ده مكسوره ومتهانه ومذلوله وانكسرت نفسها إللي طول عمرها عزيزة ،
وعدت الايام عليها وهي في وجعها وبعد مده من التعب والارهاق اللي حصل لها ،
راحت لصاحبتها اللي عملت فيها كده بس ما راحتش وهي مذلوله راحت لها بكل شموخ وسألتها السؤال إللي حيرها:
_ليه عملت فيا كده يا سارة!
اذيتك في ايه علشان خاطر تدمريني وتخسريني بيتي وحياتي ده انا كنت ليكي اخت وصديقه وسند،
بصيت لها سارة بكبر وحطت رجل على رجل وهي بتكلمها :
_علشان واخده في نفسك مقلب وعايشه دور مش دورك ومش على قد مقاسك فحبيت اديك مقاسك المظبوط اللي يليق على شخصيتك المتعجرفه يا عاليا .
بصيت لها عاليه بقرف وردت عليها باستنكار:
_قد كده طلعتي مريضه بداء الغيره والحقد والغل كلهم اتجمعوا فيكي ووصلوكي بانك تأذي صاحبه عمرك اللي ياما وقفت جنبك وعمرها ما تكبرت عليكي زي ما انتي بتقولي ، قد ايه انا مشفقه عليكي قوي؟
ضحكت ساره بشماته وقالت لها:
_اشفقي على نفسك وعلى حالك يا حبيبتي خلاص ما بقينا في الهوا سوا هو سابني زمان علشان خاطرك وانا كنت حالفه لانتقم منه وما لقيتش اعز منك علشان ألبسه في الحيط وبصراحه انا بهرتني لأني ما لبستكيش بس ده انا وقعت الحيطه عليكي لحد ما كسرتك ما خلتش فيكي حته سليمه .
قربت منها عاليه وبصيت لها باشمئزاز وقالت لها:
_من زمان وانتي متعوده تبصي على اللي في ايدي واللي ليا وما بتقتنعيش ابدا بنصيبك اللي ربنا بيبعته لك،
كنت دايما ببقى شايفه كده وبكدب عيني لكن صدمتي فيكي كانت كبيره قوي واحب اعرفك انك نجحتي يا صاحبتي في انك تدمريني وتقهريني مبروك عليكي جزاء ظلم النفس وعقابك هسيبه لربنا لأني وكلته امري ومن يتوكل على الله فهو حسبه ومهما طال الزمن او قصر ربنا هيجيب لي حقي والمظلوم هتترد مظلمته على العلن عشان ربنا عادل وحكيم عاجلا ام اجلا وحسبي الله ونعم الوكيل فيكي.
قالت لها الكلام ده وسابتها ومشيت بكسره قلب لدرجه ان هي ما سألتهاش عملت كده فيها ازاي ما بقاش يفرق معاها حاجه ،
كانت كل يوم تقعد تستنى زيدان يجي لها ويصالحها لكنه كان قاسي عليها قوي وعدي على الموضوع ده اكتر من ست شهور ،
لحد ما في يوم كانت قاعده بتلقب في موبايلها شافت فيديو لصاحبتها وهي مقبوضه عليها في قضيه اتجار بفتيات لشبكه دعاره عالميه على الانترنت ،
