حياة ومراد بقلم روني محمد ج 1
حياة قامت غسلت وشها واتوضت وصلت وغيرت هدومها ونزلت ودورت علي مراد ملقتهوش راحت سألت سنية الي كانت فالمطبخ
حياة هو.. هو البي قصدي مراد فين
سنية في المكتب… مستنيكي فالمكتب
حياة راحت اوضة المكتب وخبطت عليها ولما سمعت مراد بيقولها ادخلي فتحت الباب ودخلت ولكن اتفاجأت لما شافت مين قاعد مع مراد
تفتكروا عاصم ناوي على ايه وهل ليه علاقك بالڤـ،ـضـ،ـ،ـيحة الي حصلت لحياة زمان
يتبع
الجزء الثالث
لما حياة دخلت المكتب أتفاجأت براجل في سن الخامسينات تقريبا وقاعد مع مراد مراد شاور لها تعد قعدت عالكنبة الي قصاد المكتب
مراد أعرفك ده المتر محمود وده الي هيتولى اي حاجة خاصة بنقل ريما الي كفالتنا… وهو الي هيتولى اي مسألة قانونية خاصة بيكي أو بريما…
محمود انا بس كنت عاوز المدام تمضي عالورق ده!!
مراد بص لحياة وقالها
ممكن تقربي
حياة وقفت وراحت وقفت جنب مراد الي وقف بردو
واخد الورق من المحامي وقربه من حياة وقال
أمضي هنا…
حياة اترددت وكانت خـ،ـاېفة حاسة انها تا…يهة وبعدين قالت
هو ده ورق ايه
مراد ده الورق الي المتر محمود هيقدمه للمحكمة والدار عشان ناخد الموافقة على ضم ريما لكفالتنا..
محمود لو حابه تعدي تقرأي الورق براحتك انا معنديش مشكلة ممكن أسيبه لحضرتك واجي أخده وقت تاني..
بس مراد رد عليه وقال
لأ هي هتمضي دلوقتي عشان تلحق تخلص اجراءاتك… أنا عاوز ريما ترجع تعيش معانا في أقرب وقت ممكن…
حياة هزت راسها وقالت
خلاص أنا همضي… أمضي فين
حياة مضت على كل الورق الي طلبه منها مراد من غير حتى ما تقراه…….
بعد وقت طلعت حياة أوضتها ولقيت تليفونها كان بيرن ردت بسرعة لما عرفت ان الي بيتصل هي سلمى
حياة أيوه يا سلمى طمنيني ماما كويسة…
سلمي كويسة يا حبيبتي متشغليش بالك انا اتصلت عشان أقولك صباحية مباركة يا عروسة…
حياة ياختي اتنيلي صباحية ايه وعروسة ايه اشحال لو مكنتيش عارفة الي فيها..
سلمي عريسك ايه اخباره
حياة زي اهرامه.. هقولك ايه يعني…. المهم هو حاتم متصلش بيكي تاني
سلمي ليه السيرة الي هتـ،ـعـ،ـكر مزاجي عالصبح كده..
حياة انا يعني كنت عاوزة أعرف اخبار عاصم اتجوز فعلا ولا لأ
اتعـ،ـصـ،ـبت سلمى وقالت
جاته جنازة بقولك ايه أنسي سي زفت ده انتي واحدة متجوزه دلوقتي وبيتهيألي جوزك برقبته وبرقبه علته بحالها ..
