خفقات قلب ابي النسيان بقلم سما سعيد ج3
♥♥♥
بكى ,, تأثراً من كلمات هذة الاغنية الدرامية
التى هزت اروقة قلبة والتى تلخص مشاعرة تجاة يارا
اخرجة من حزنة وشرودة صوت صديقة وهو يقترب منة ويقول
bonsoir ,, عاش من شافك ياعم فارس
انتفض فارس ونهض عن مقعدة وهو يصافح صديق عمرة ويقول…….
bonsoir ايمن ,, اخبارك اية؟؟
جلس ايمن على الطاولة وهو يقول……….تمام يامعلم انت اللى اخبارك اية,,
واحشنى,,واية اللى رماك علينا هنا ف باريس
تنهد فارس بعمق ولم يعلق
ايمن بخبث……..اممممممم شكلها مسألة عاطفية واردف بمرح ,, l’amour
فارس بنبرة جادة……..ايمن انا عايز منك خدمة
شخص ايمن الي صديقة بأهتمام ولم يعلق ليتركة يستكمل حديثة
اردف فارس بحزن …….انا بدور على واحدة هنا ف باريس ,,
انا مش عارف مكانها فـ عايزك تساعدنى انى الاقيها
Oh! Mon Amour ومن ثم غمز ايمن بعينية وقال ………انت وقعت ولا اية يامعلم
فارس مستفهما…وقعت يعنى اية؟؟
ايمن بمرح …….يعنى بالبلدى كدا حبيت وطبيت,,
قوللى بقى مين حبيبتك دى
فارس مرتبكا….لالاء دى مراتى
ايمن مستفهما…….مين ايميلى
فارس…لالالاء مش ايميلى دى يارا بنت عمى
ايمن بنبرة جادة…اية يارا ,, اتجوزتها امتى دى ,,وبعدين مراتك هنا
ولوحدها وانت متعرفش,,طب لية وفين ايميلى
فارس بخفوت……مش واقتة ياايمن بعدين احكيلك كل حاجة ,,
الاول قوللى ,, هتقدر تساعدنى
ايمن بجدية….طبعا يافارس بس احكيلى الاول علشان افهم واقدر اساعدك
سرد فارس كل شئ بمنتهى الصراحة على ايمن صديقة
ولكنة اخفى مشاعرة ولم يتحدث عنها
وبعد انتهائة من سرد حكايتة هبطت دمعة حارة على صفحة وجهة
دمعة قد تجمعت اثناء حديثة وسرد حكايتة
تأثر ايمن من ما قالة صديقة وقال ………انت بتحبها؟؟
اغمض فارس عينية بألم ولم يعلق فـ يبدو ان الصمت اصبح لغتة
اعاد ايمن سؤالة فقال لة فارس……لاء مش مسألة حب
انا بس قلقان عليها دى مهما كانت بنت عمى
ومسئولة منى وعمى موصينى عليها قبل ما يتوفى الله يرحمة
تعمق ايمن بعين صديقة ومن ثم قال…..انت بتضحك علية ولا على نفسك
فارس وهو يبتعد بنظراتة عن نظرات صديقة
لكى لا تفضحة مشاعرة امامة ,, أستل من جيب سترتة صورة فوتغرافية لها
وقبل ان يعطيها لصديقة ظل يرنو اليها ويتذكر اياما جمعتة بها
اخرجة ايمن عن شرودة وهو يقول……..هااااااى هات ياعم الصورة
