خفقات قلب ابي النسيان بقلم سما سعيد ج3

فلقد توقفت سيارتة فجأة فى الطريق اثناء القيادة

فـ ترجل منها وظل يركض حتى وصل الى منزلة

فوجد اسيل تحمل حقيبة ملابسها مغادرة المنزل

فـ أستوقفها فارس قائلا………يارا ,,يارا فين يااسيل

اجابت علية اسيل على مضض وقالت……..عايز منها اية تانى

اهى سبتلك البيت والبلد كلها ومشيت

امسكها فارس بعن,ف من ذراعيها حتى اوقعت حقيبة ملابسها

وتحدث اليها بخنق…………انتى بتقولى اية

نزعت اسيل ذراعيها من بين قبضتية وهى تقول…….

زى ما سمعت كدا سابتلك البلد وسافرت

كنت عايزها تقعد تعمل اية بعد اللى سمعتة وشافتة

لية ,,لية عملت كدا لية ,, لما انت متجوز من زمان اتجوزت من يارا لية

لية وافقت عمك واتجوزتها واتفقت معاها اتفاقك السخيف دة

لية جر,حت مشاعرها اكتر من مرة وعذبتها

لية مصارحتهاش انك متجوز من ايميلى واكتفيت بس بــ كلمة مرتبطين

واسترسلت من بين دموعها قائلة…….يارا متستهلش كل اللى عملتة

فيها دة انت حسستها انها غلطة ف حياتك

وفى الاخر تطلع متجوز من ايميلى

اتجة بخطوات مترنحة حتى رمى بثقل جسدة على الاريكة ودفن وجههة بين يدية

وهو يقول ……… انا عارف انى غلطت ف حقها كتير

وكان لازم اصارحها من الاول

ومن ثم اردف بيأس …….طب لية لية مشيت كانت استنت

وانا كنت هعملها كل اللى هى عايزاة كان لازم تفضل وتسمعنى

اسيل بأمتعاض….اللى هى عايزاة انها تبعد عنك ومتشوفكش تانى

ومن ثم قالت بحنق ……..عن اذنك

استوقفها فارس وهو يقول…….طب هى سافرت على فين؟؟

اسيل بلا مبالاة …..معرفش ,,لاسف حتى انا مقلتليش

ومن ثم تركتة اسيل وغادرت منزلة وهى تبكى لوداع صديقتها ,,

تركتة يتوجع ويتألم لذهاب اقرب الناس الية احب الناس الى قلبة

لقد حزنت على فراق صديقتها الوحيدة المقربة وتساءلت بداخلها

كيف لها ان تتكبد كل هذا العناء بمفردها

لقد جر,حها مراراً وتكراراً وسبب لها الحزن والالم القاتل

لماذا اذا يتلهف عليها بعد كل ما فعل

………………….

صعد فارس الدرج وتوجة الى غرفتها فوجد الخزانة مشرعة على مصراعيها

خالية تماما من اغراضها رمى بجسدة المثقل بالهموم على فراشها

وهو يبكى كــ الطفل الذى تركتة والدتة وحيدا

لفت نظرة وجود ظرف بجانب الوسادة التقطة مسرعاً وفتحة وجد بداخلة

صورتة مع ايميلى التى كانت تجمعهم بأحدى الاماكن العامة وهم يتبادلون القبل