احتل وجداني دودو محمد
نظرت له بضيق وقالت
خديجه :-عادى يعنى زيها زى غيرها بس حاسه انها ممله ودمها تقيل
تكلم سريعا وقال
رحيم :-لو حابه اغيرها علشان تكونى مرتاحه اكتر اغيرها
حركت رأسها بالرفض وقالت
خديجه :-انا اصلا مش محتاجه حد يساعدني مشيها ومتجبش غيرها
امسك يدها وقبلها بحب وقال بنبره هادئه
رحيم :-مينفعش يا حبيبتى مش هكون مطمن عليكى كده احسن ليا وليكى ومدام بتقولى زيها زى غيرها يبقى خليها وخلاص ولو فيه حاجه كلمى شريفه تفهمها تعمل ايه
زفرت بضيق وقالت بعدم رضا
خديجه :-ماشى
داعب وجينتها وقال بأبتسامه
رحيم :-بلاش دلع بقى يا خدوج هقوم اسخن الاكل ونتعشى مع بعض وبعد كده نشغل فيلم ونسهر عليه سوا ماشى
قبلت رأسه وقالت بنبره حنونه
خديجه :-ماشى يا نن عينى من جوه
ابتسم لها ونهض سريعا خرج من الغرفه وبدأ يحضر الطعام لهم.
………………………………………………………………
باليوم التالى
استيقظت شروق من نومها وبدلت ملابسها و أدت فرضها ثم خرجت من غرفتها واتجهت إلى غرفة ابنتها ايقظتها وبدلت لها ملابسها وقالت بتحذير
-شمس حبيبتى مش عايزاكى تتحركى هناك تقعدى مؤدبه ومتدخليش اى اوضه ولا تلمسي اى حاجه هناك علشان ماما متزعلش منك وتسيبك فى الحضانه الفتره المسائيه ماشى
اومأت رأسها بالموافقه وقالت
شمس :-حاضر يا ماما بس انا حبيت انكل رحيم اوى وعايزه ارسم معاه
هدرت بها بغضب وقالت
شروق :-شمس متزعلنيش منك اسمعى كلامى علشان خاطرى
نظرت لها بزعل طفولى وابتعدت عنها وتركتها
زفرت بضيق واقتربت منها وحملتها على قدميها وقالت
-انا مش بحب ازعلك يا شمس بس مينفعش ندخل اوضه مش بتاعتنا عيب واوعى تقولى هناك انك قابلتى استاذ رحيم فاهمه
اومأت رأسها بالموافقه وقالت
شمس :-حاضر
حملتها بين ذراعيها وقبلت وجينتها بحنو وقالت
شروق :-شطوره حبيبت ماما يلا بينا علشان منتأخرش
وخرجوا من الغرفه وغادرت البيت واتجهت إلى عملها.
……………………………………………………………….
*أحتل وجدانى*
“البارت الثالث”
انتهى اليوم غادر الجميع وتبقى شروق وابنتها مع خديجه بالبيت شعرت شروق بشئ غريب بوجه خديجه نظرت لها بتوتر وقالت بتساؤل
-حضرتك كويسه
تساقطت حبات العرق من على جبينها وبدأ وجهها يشحب بشكل غريب جلست بجوارها وامسكت يدها وجدتها مثل لوح التلج تكلمت بقلق وقالت
