خفقات قلب ابي النسيان بقلم سما سعيد ج4

واردفت بخجل قائلة……….بصراحة لما فارس ساب انا

وسافر افتقدتة كـ صديق وسافرت مصر

علشان افاجئة انى عملت العملية وبقيت تمام

بس مكنش فية لية انا مكان بقلبة

كنتى انتى اللى جوا قلبة ومش كان شايف غيرك

فـ حكتلة على حبيبى القديم وتضحيتة معايا

فـ اصر فارس انى اكمل حياتى مع حبيبى زى ما كنت انا بتمنى

وهنا انا اكتشفت ان علاقتى بـ فارس كانت صداقة وبس اكيد

لان انا وهو عشنا كتير مع بعض سنين طويلة كـ اصدقاء مقربين

فارس ساعد انا كتير انى اعرف دينى كويس وهو اللى علمنى العربى

وعلمنى الصلاة وعلمنى قراءة القرآن وكان دائما جمبى وساندنى بمرضى

ومن ثم قالت……..اقولك سر مش قلتة لـ فارس

لذمت يارا الصمت لتحسها على تكملة حديثها…….

انا بعد ما عرفت الحكاية من فارس فى اليوم اللى

انتى شفتينى معاة بالشركة

فرحت ومش زعلت ,, الاول بس اتفاجأت لكن

بعد ما انا فكرت تمام فرحت لانى مش كنت محددة مشاعرى تمام

خصوصاً بعد تضحية حبيبى كنت عايزة اكمل معاة واسيب فارس

بس خفت على مشاعر فارس ومشاعر اسرتى

وسافرت الى لندن ومش حكيت لـ باباة ولا لـ ماماة اى حاجة

وقابلت حبيبى مرة تانية بعد العملية واتأكدت انى فعلا بحبة

وحكتلة على كل حاجة ومش خبيت علية اى شئ

وبعد كدا لما فارس طلق انا ,,انا قلت كل حاجة لـ باباة وماماة

فى الاول اتعصبوا بس انا اقنعتهم ان دة صح ولازم كان يحصل

وانا كمان اقنعت باباة انى ارتبط بحبيبى وطبعا باباة مش اعترض

ووافق بسرعة لان هو عارف حبيبى ضحى بأية علشان خاطر انا

وتم زواجى بحبيبى وانا عايشة معاة وانا سعيدة اوى اوووى

واسترسلت بخفوت وقالت……..انا بترجاكى يارا ارجعى لـ فارس

فارس اتعذب من فراقك بجد ,,انا عمرى ما شفت فارس وهو بالحالة دى,,

دا اهمل الشركة ومش بقى يروح شغلة وخسر كل صفقاتة

يارا بقلق…….اية انتى بتقولى اية؟؟

ايميلى……..ايوة صدقينى ,,ارجعي وعيشى معاة من تانى

فارس مش يقدر يعيش من غيرك انتى علشان هو بيحبك بيحبك انتى

وقد تهللت اسارير وجهها وبدت الفرحة على محياها وهى تقول……….

“بيحبنـــــــــــــى”

ايميلى …….طبعا ,,واردفت بأستياء قائلة……..وانا اسفة

لو كنت انا السبب فـ اللى حصل

احتضنتها يارا بفرحة وقالت ….انا مش عارفة اقولك اية

انتى ردتيلى روحى من تانى

ايميلى مبتسمة…….يعنى هترجعي لـ فارس