خفقات قلب ابي النسيان بقلم سما سعيد ج4

يارا بحماس…….طبعا طبعا ,, ياحبيبى يافارس

لقد شعرت بأنها حيت من جديد كثيرا ما شعرت بأن

روحها تركتها وهربت بعيدا وقلبها هش

وكأن العالم اجمع اصبح قليل الهشاشة

ولكن وبعد ما سمعتة اذناها ايقنت انها يجب

ان تعود الية سريعا وتعوض ليالى الحرمان التى عاشتها بعيدة عنة

كانت تقول بأنها ستكتفي بة حلماً ضائعاً

ولكن الان وبعد ما سمعت من حقائق

سوف تكتفى بة حبيباً محباً وعاشقاً

……………………..

داخل شقة مرح وأحمد بـ دبى
:::::::::::::::::::::::::::::::

كانت تجلس على فراشها بملل شديد

حتى دلف الى غرفتها بأبتسامتة السعيدة وهو يحمل

بين يدية طبق كبير من الفاكهة ويضعة امامها فوق الفراش

وتحدث بسعادة قائلاً……..يلا ياقمر انا جبتلك كل انواع الفاكهة اللى

موجودة فـ دبى علشان ميبقاش نفسك فـ حاجة

ضحكت مرح بسعادة وقالت……….اية دة كلة ياحمادة انا مطلبتش حاجة

وكمان متوحمتش لسة ,,لية تعبت نفسك وصرفت دا كلة

احمد بحب وهو يطبع قبلة على جبينها……

حبيبتى مفيش تعب ومتحمليش هم المصاريف

هو انا لية مين غيركوا ,,انا عايزك تتغذى علشان البنت تطلع صحتها تمام

مرح بخفوت ………..بنت ,, لاء انا عايزة ولد ويكون شبة باباة

احمد مداعباً……..لاء انا عايز بنت وتكون شبهك انتى وهسميها مرح كمان

ضحكت مرح وقالت………..كلة بأمر الله وكل اللى يجيبة ربنا كويس

قال احمد وهو يرفع يدة الى رب السماء……….اللهم لك الحمد والشكر

واردف قائلا………..مش مهم ولد ولا بنت ,,المهم انهم ييجوا بصحة وعافية

واسترسل قائلاً………يلا بقى كلى اللى يعجبك واتغذى كويس

علشان مزعلش منك انا مش عايز ابنى ولا بنتى يكونوا نفسهم فـ حاجة

مرح بأستياء………..حمادة انا شبعانة وزهأنة من قعدة السرير دى

انا عايزة اخرج مش معقول هتحبس فـ الاوضة

لحد ما اولد دا لسة فاضل كام شهر

احمد بخفوت……..لاء يامرح لازم ترتاحى زى ما الدكتور قالك

انتى نسيتى كلامة ولا اية؟؟

تنهدت مرح بضيق ولم تعلق

اقترب احمد اليها وقال وهو يتلمس وجنتيها الناعمة بأناملة…….

وحياتك متزعليش ولا تتضايقى انا خايف عليكى وع البيبى

ومن ثم تحولت نظراتة الى شفتيها الوردية فجذبة لونها الناعم

فاقترب ولثمهم برقة ومن ثم تحولت قبلتة الى قبلة شغف عميقة

تملصت مرح منة برقة وهى تقول ………حمادة انتى نسيت ولا اية؟؟