بنت السارق سالي مصطفى ج 2

سيف بفرح : حبيبتى ياملك ….. بحبك لما تريحينى وتسمعى كلامى كده …..

سيف : بصى ياستى …. انتى طبعا دلوقتى بقيتى عارفة عنى كل حاجة…… ومش حقدر اخبى عليكى حاجة تانى بعد كده عشان انتى مراتى حبيبتى وسرى معاكى …….

ملك : خش فى الموضوع علطول ياسيف ……. وقولى انت عاوز ايه بالظبط ؟؟؟

سيف : ماشى ياملك حخش فى الموضوع علطول ……. انتى سمعتى طبعا مكالمة ابوكى عن العملية الجديدة اللى انا حنفذها ….

العملية دى عبارة عن ملياردير سعودى بنك متنقل ……. حينزل فى اوتيل النهاردة وفلوسه كلها حتبقى معاه حتبقى فى الاوضة اللى حينزل فيها مبشيلهاش فى بنوك …….

ومش ساهل ابدا ان حد يعرف يدخل اوضته …… بس الراجل ده علاقاته النسائية كتير اوى …..

المطلوب منك بقى ياملك انك تتعرفى على الراجل ده فى المكان اللى بيسهر فيه وانا حبقى اقولك على المكان ده ……… وتستدرجيه لحد مايوافق انك تدخلى معاه اوضته ……

وانا حبقى متابعك خطوة بخطوة ………. واول ماتخشى تسبيلى الباب مفتوح وانا حدخل وراكى علطول وتسهى الراجل بقى لحد ماآخد كل الفلوس اللى معاه واعرف اخرج من الاوضه منغير ماحد يشوفنى …… هاااا قولتى ايه بقى ياملك ؟؟

برقت ملك واتصدمت من كلام سيف ليها وقالت بدهشة : انت بتقول ايه ياسيف ؟؟؟ انت عارف انت بتطلب منى ايه ؟؟؟؟ هيه وصلت بيك الحقارة للدرجة دى …..

سيف : متكبريش الموضوع ياملك ….. دول شوية دلع على الراجل بس لحد مااعرف اخد كل فلوسه ………… وانا حبقى معاكى خطوة بخطوة وانا عارفك شاطرة فى الحاجات دى كويس ياملك …….

صرخت ملك بغضب شديد وقالت : انت ساااااافل وحقـ,ـييييير …….. انا مش حعمل كده ابدآ ياسيف ولو حتقـ,ـتلنى انت سامع ……. انت احقر انسان انا قابلته فى حياتى ……

سيف بثقة : لا حتعملى كده ياملك …….. عشان لو معملتيش اللى انا قولته ده ………

ورقة جوازنا العرفى على شوية صور حلوة ليكى كده ……… حيكونوا على مكتب ابوكى بكره الصبح وساعتها ابوكى هوه اللى حيقول مين الحقير فيناااا ………..

ملك بغضب شديد : انا بكرهك ياسيف بكرهك …….. وبكره اليوم اللى شوفت وشك فيه انت ايه شيطاااااان انت لايمكن تكون بنى آدم ابدآااااا …….

سيف بثقة : ملوش لزمة الكلام ده ياملك ……. انا اديتك حرية الاختيار ومعاكى وقت تفكرى لحد آخر اليوم ولو لسة مصممة على رايك برده ……..

يبقى زيك ماقولتلك ورقة جوازنا العرفى حتكون على مكتب ابوكى بكره الصبح ……. انا العمليه دى اهم عملية عندى ولازم تمشى زى ماانا عاوز …….

وانا معنديش حد اثق فيه غيرك عشان يساعدنى فى العملية دى …….. خدى وقتك وفكرى وانا مستنى ردك …..

واحب اقولك حاجة برده وانصحك نصيحة ….. انتى بقيتى جوه اللعبة خلاص ياملك ومش حتعرفى تهربى ولا حتعرفى تخرجى منها فنفذى بقى احسن لك اللى قولته ……..

بصتله ملك بغيظ جااامد منغير ماتنطق كلمة واحدة وتمتمت فى سرها وقالت : حقـ,ـتلك …. حقـ,ـتلك ياسيف …….

وعلى آخر اليوم بعد مافكرت ملك فى كل كلام سيف قالتله بثقة : انا موافقة ياسيف على كل اللى طلبته منى ……

سيف بفرح : ايوووووه كده …….. انتى حبيبتى ياملك كنت حاسس انك مش حتزعلينى …… يبقى ميعاد التنفيذ بكره ان شاء الله الساعة 8 بالظبط وتكونى مجهزة نفسك …….. وان شاء الله وشك حيبقى حلو عليه اوى والعملية حتنجح ياملك ……..

ملك بغيظ : حاضر ياسيف فيه اى اوامر تانية ……

سيف بخبث : منا قولتلك ياملك ……. انا مبستغناش عنك يا حبيبتى ……

بصتله ملك بغيط جامد ودخلت على سريرها تنااام ……… وفضل سيف سهران يفكر فى العملية وتنفيذها …….

( داخل قسم الشرطة )

وصل جاسر من السفر على قسم الشرطة علطووول …… عشان يتابع ويشوف الشغل كان ماشى ازاى فى غيابه ……

جاسر بضحكة : اهلا يااحمد ….. ايه كله تمام والدنيا ماشية كويس ولا سفرى اثر عليك بقى وعكيت الدنيا …….

ضحك احمد وقال : تلاميذك ياحضرة الظابط …….. كل حاجة ماشية كويس الحمد لله ……

وبعدين رن تليفون المكتب عند جاسر ….. ورد عليه الظابط احمد وقال : الوووو ….. مين ؟؟

مجهول : مش لازم تعرف انا مين ؟؟ انا واحد عاوز مصلحتكوا فاعل خير يعنى …….

وعاوز ابلغك ان فى حادثة سرقة حتتنفذ النهاردة فى اوضة الملياردير السعودى اللى نزل القاهرة النهاردة ……..

حتتنفذ الساعة 8 بالظبط ده لو عاوزين تلحقوا الملياردير قبل ما يتسرق بقى ……….

احمد بقلق : وانت جبت المعلومات الخطيرة دى منين بقى ؟؟؟

احمد : الووووو الوووووووووو …… قفل السكة ……..

جاسر : فى ايه يااحمد ؟؟؟؟؟

احمد : ده واحد بيقول انه فاعل خير ……. وبيبلغ عن حادثة سرقة حتتم النهاردة فى اوضة الملياردير السعودى اللى لسة نازل القاهرة وحتتم الساعة 8 بالظبط ……..

جاسر بصدمة : انت بتقول ايه ؟؟؟ طب جهز نفسك بسرعة يااحمد وحضرلى حملة من دلوقتى …… انا اللى حطلع العملية دى النهاردة …….

احمد : يمكن يكون بلاغ كاذب يافندم …… حتطلع بنفسك ؟؟؟

جاسر : مفيش دخان منغير نار يااحمد ……. وبعدين الملياردير شخصية معروفة ومشهورة …….. وممكن اوى يحصل معاه كده …….. .

واحنا مش حنخسر حاجة لما نروح ونتاكد من البلاغ ده ……. احسن مانطنش وتحصل كارثة بعد كده ……..

احمد : تمام يافندم …..

جاسر بلهفة : اه صح ……. حط تامين على الاوتيل كله وعلى اوضة الملياردير من دلوقتى متنساش …….. بس منغير ماحد يحس انهم شرطة …… عشان منتكشفش …….

احمد : تمام يافندم حيحصل دلوقتى …… حستاذن بقى ……

جاسر : ماشى يااحمد ……. اتفضل …….

ومشى احمد وساب الظابط جاسر فى المكتب لوحده …….. وافتكر جاسر انه كان حيقابل ابوه ماسة النهاردة ومكنش عامل حسابه انه حيطلع شغل …….. راح متصل بيها علطووووووول ……..

جاسر بلهفة : الووووو …….. ايوه ياماسة عاملة ايه ياحبيبتى مفتقدك جدااااااااا …..

ماسة بخوف : مفتقدنى ؟؟

جاسر باستغراب : ايوه يا ماسة مفتقدك ايه مش مصدقانى ولا ايه ؟؟؟

ماسة بقلق : لا ابدا ياجاسر ازاى مصدقاك ……. اصل انا فى الكلية وعندى محاضرات ومش عارفة اتكلم ……..

جاسر : وانا مش حطول عليكى ياحبيبتى ……. انا بس عاوز اقولك انى حأجل مقابلة ابوكى لبكره عشان طلعلى شغل مهم اوى النهاردة ………….

بلغى ابوكى انى جاي بكره وبلغيه اعتذارى ياماسة عشان مقدرتش آجى النهاردة ……… انتى عارفة ظروف شغلى بقى وقتى مش فى ايدى ……..

ماسة بخوف : ولا يهمك ياجاسر على راحتك ……. انا حقفل دلوقتى بقى عشان انا فى محاضرة ……. سلام ياجاسر …….

وقفلت ماسة الخط مع جاسر وهيه خايفة اوى وبتقول لنفسها : انا ايه اللى خلانى رديت عليك ياجاسر ؟؟؟؟ ماكنت عملت نفسى مش سامعة التليفون ………

حقولك متقابلش بابا بكره ازاى دلوقتى طيب ؟؟؟؟ بجد انا مش عارفة اتصرف …… ولا قادرة اكسر قلبى بايدى …….. انا لسة بحبك ياجاسر واكتر من الاول كمان ….. يااارب دبرنى …..

 

الفصل الرابع عشر ….

( فى منزل فريدة )

فريدة بقلق : انا قلبى مش مطمن ياسامى …… وقلقانة على البنات اوووى …… مش عارفة عايشين مع ابوهم ازااى ؟؟ ومرتاحين ولا لا ؟؟ ومرات ابوهم دى عاملة معاهم ايه ؟؟

سامى : مدام محدش كلمك منهم من ساعة مامشيوا يبقوا مرتاحين عند ابوهم …… اكيد لو مش مرتاحين كانوا رجعوا عندك تانى هناا حيروحوا فين يعنى …..

فريدة بقلق : مش عارفة ……. بس انت متعرفش سليم ياسامى ……. سليم سكته وحشة اوى وانا خايفة عليهم …….

انا قلبى واجعنى عليهم اوى وملك بالذات حلمت بيها حلم النهاردة مش مريحنى …… وحسة فيهم حاجة ……

سامى : خلاص مدام قلقانة اوى كده كلميهم واطمنى عليهم …… ولو تعرفى بيت سليم ده روحيلهم وشوفيهم عشان تطمنى اكتر برضو …….

فريدة بقلق : انا معرفش بيت سليم ده خالص ولا اعرف قاعد فين ؟؟؟ انا اعرف بيت سيف بس وده اكتر واحد كان بيقعد عنده سليم علطوول ……

ولما اتطلقنا ونزل من البيت عندى وراح معاه برضوو ……

سامى : خلاص يافريدة كلمى البنات واطمنى عليهم واعرفى منهم مكان البيت بالظبط …….. ولو عاوزانى اروح معاكى مفيش مشكلة ……. بناتك وحشونى انا كمان اووووى يافريدة ………

فريدة : حكلمهم ياسامى مفيش قدامى حل تانى ….. مع انى زعلانة منهم اووى عشان مسالوش فى امهم طول الفترة دى ……

سامى : مهما كان دول بناتك يافريدة ومينفعش تزعلى منهم كده ومفيش حاجة حصلت تستاهل كل ده …… وقومى بقى اعمليلى فنجان قهوة احسن انا دماغى صدعت على الآخرر ……

فريدة بقلق : حاضر ياساامى …… وقامت فريدة على المطبخ وعملت فنجالين قهوة واحد ليها وواحد لسامى ……..

ورجعت تانى وحطيت القهوة قدام سامى على المكتب وسرحت شوية فى بناتها بخوف وقلق ……. وبعدين مدت ايديها على فنجان القهوة عشان تقدمه لجوزها …….

وفجاة اتقلبت منها كل القهوة على المكتب ……

سامى بغضب : ايه يافريدة ده ؟؟ مش تاخدى بالك كويس …… الورق كله باظ من القهوة عاجبك كده ؟؟

فريدة بقلق شديد : معلش ياسامى مخدتش بالى غصب عنى ……. وبعدين انا مش بتفائل بقلب القهوة دى خالص ربنا يستر ……. انا حاسة ان بناتى فيهم حاجة وفى مشكلة ياسامى اناا متاكدة ……..

( فى منزل سيف )

سيف بفرح : سليم لسة مكلمنى دلوقتى حالا ياملك عشان يطمن على العملية دى ……. وبلغنى بمكان الراجل دلوقتى بالظبط فين ………

عشان تعرفى بس ان العملية دى مهمة اد ايه عند ابوكى كمان ؟؟ بلاش تزعلى ابوكى بقاا ياملك وركزى فى كل حاجة كويس ماشى ……. جااهزة ياملك ………

ملك بوجع : ماشى …… جاهزة ياسيف …..

واتحرك الظابط جاسر بسررعة من المكتب بعد مكالمته مع ماسة علطووول ….. على الاوتيل اللى نزل فيه الملياردير ووزع تامين مكثف على الاوتيل كله مع الظابط احمد ………..

وفضل مراقب بنفسه اوضه الملياردير من على مسافة قريبة ……. ومنغير ما حد يحس انه ظابط شرطة ……..

ونبه جاسر على الظابط احمد انه يبلغه علطووووول لو حس باى حاجة غريبة بتحصل فى الاوتيل …….. ولو شك فى اى حد يبلغه علطوووووول ……..

وركز الظابط جاسرر اكترررر مع اوضة الملياردير وهوه مترقب اووووى لاى حاجة تحصل مش طبيعية …….

ونفذت ملك كل اللى طلبه منها سيف بالحرف الواحد …….. لحد ما علقت مع الملياردير واخدها ووصل بيها لحد باب اوضته …….

ودخل الملياردير الاوضة وملك معاه وقفل الباب وراه ……… راحت رجعة ملك تانى ومنغير مايحس بيها وفتحت الباب …….

وسابته مفتوح عشان سيف يعرف يدخل وراها ……… ودخلت جوه على الاوضة ……..

وشاف جاسر من بعيد الموقف ده وشك فيها اوووى وحس ان فيه وراها مصيبة ……….

وفى نفس اللحظة دى كان سيف مراقب كل حاجة من بعيد …… واتحرك بسرعة وراها اول ما الباب اتفتح ودخل الاوضة وقفل الباب وراه ……..

بعد مابص طبعآ يمين وشمال حوالين الاوضة عشان يتاكد ان محدش شايفه ………

وطبعآ جاسر كان مراقب كل ده من بعيد …… واتاكد انهم كانوا متفقين مع بعض من تصرفه الغريب ده …….. الظابط جاسر كان ذكى جدآاااا ………….
ومرضاش يدخل وراه علطول واستنى دقايق كده وبعدين اقتحم الاوضة عشان يظبطهم متلبسين ……..

وبالفعل دخل جاسر الاوضة ولقى سيف قدامه علطوول ومعاه الفلوس …… وفلوس بكميات كبيررة كمان ……..

واتفاجا جاسر بسيف جوه الاوضة ورفعه بمسد,,,,سه وقاله : هوه انت ياسيف ؟؟؟ انا كنت حاسس برضوو ان اى مصيبة بتحصل فى البلد دى لازم يكون وراها سليم …….

واترعب سيف جاامد اول ماشاف جاسر قدامه ….. واتلخبط وبان على وشه الخوووف وقاله : جاسر ؟؟؟ انت جيت هنا ازاى ؟؟؟

جاسر : ده قدرك بقى هوه اللى وقعك فى سكتى تانى …… عشان تبقى نهايتك على ايدى انت واللى وراك ………. لانك حتقول طبعاا مين اللى زقك وقالك تعمل كده ………. سليم صح ؟؟؟؟

واتلخبط سيف اوووى وبص حواليه يمين وشمال ………. عشان يدور على اى طريقة يهرب بيها من جاسر وميعرفش يمكسه وملقاش ………

جاسر مرفع سيف بمسـ,ـدسه وقال : اثبت ياسيف …….. ومتفكرش كتير لانك مش حتعرف تهرب منى المرة دى واى حركة منك حتمو,,,,,ت مكانك ………
وطلع البنت اللى جوه معاك دى كمااان …….. دى شريكتك بقاا صح؟؟؟

وسمعت ملك كل الكلام ده طبعاا من جوه واترعبت اكتر لما عرفت ان ده هوه الظابط جاسر اللى بيحب اختها ماسة ……. وفضلت مستخبية منه فى الاوضة كده وخايفة تطلع عشان ميشوفهاش ……..

وحست ملك فى اللحظة دى ان سيف ورطها ورطة كبيرة اووووووى ودمر حياتها خالص ……… وفضلت تعيط على نفسها جامد وهيه جوه الاوضة بعد ماسمعت صوت الظابط جاسر ……..

سيف بخوف وقلق واستغراب : وعرفت منين ان فى بنت معايا ؟؟؟؟ ده انت مراقبنى من بدرى بقاا ياجاسر ؟؟؟؟ وعارف كل حاجة ؟؟؟

جاسر بثقة : شوفت بقاا …….. عشان تعرف انك غبى وغبى اووى كمان ……. وطول ماانا موجود هناا فى القاهرة مش حتعرف تعمل اى حاجة ولا حتقدر تنفذ اى عملية قذرة تانى ……

وطلع البت اللى معاك دى بقاا بدل ماادخل واجيبها اناااا ……..

وسمعت ملك كلام جاسر ده وخافت اوووى وطلعت بسررعة من نفسها ……… ووقفت قدامه وهيه بتعيط جامد ……….

وبصلها جاسر واتصدم اووووى اول مشافها وقالهاا وعلامات الدهشة والصدددمة على وشه : مش ممكن ……. ميين ؟؟ ماسة ؟؟ مستحييييل ……..

ملك بسرررعة ودموعها فى عنيها : لا …….لا ياجاسر انا مش ماسة انا ملك اختها ……… احنا توام ياجاسر …… يعنى شبه بعض اوووى بس انا مش ماسة ……… ماسة دى تبقى اختى ياجاسرررر ……..

جاسر مصدووووووم : مستحيل …… انا مش مصدق عينى انتى ياماسة …….. مش معقول …… خدعتينى اووووووى ………..

يبقى سليم زقك فى طريقى عشان تاخدى كل اخبارى وتعرفى كل مواعيد سفرى وتوصليهاله صح ……. لعبتيها صح ياماسة ……

ملك بووجع : صدقنى ياجاسر انا ملك والله ملك ……. مش ماسة واختى ملهاش اى علاقة بحاجة ……… ولا تعرف اى حاجة …….. متظلمهاش …….

جاسرر مصدووووم : انا مش قادر اصدق ……… بقى انتى الكارت اللى كان بيلاعبنى بيه سليم طول الفترة دى ياماسة ………. ازااى صدقتك ازااى خد…عتينى ؟؟؟؟