بنت السارق سالي مصطفى ج 2

الفصل السابع عشر …..

ونامت ماسة علطول من كتر التعب …….. وتانى يوم صحيت من النوم مخضوضة اوى على صوت خبط جامد على الباب من بدرى ……..

قامت تجرى ماسة عشان تشوف مين لقت سهر كمان صحيت على الصوت ده ورايحة على الباب برضو ……. راحت فتحت ماسة الباب بسرعة لقت امها فريدة قدامها ………

ماسة بخوف : خضتينى ياماما اوى ……. كنت لسة نايمة ….

فريدة بقلق : نايمة لحد دلوقتى ياماسة ؟؟؟ انا بخبط من بدرى اوى ياحبيبتى ……… وكنت شوية وحمشى …….

ماسة بقلق : معلش ياماما كنت تعبانة شوية بس ومحستش …… تعالى خشى وحشتينى اوى ياحبيبتى ……

سهر باستغراب : هيه دى امك ياماسة ؟؟؟ الدكتورة فريدة ؟؟؟

ماسة بضحكة : اه ياسهر هيه دى ماما فريدة …..اكيد سمعتى عنها طبعآ …… ايه رايك فيها بقى ؟؟؟؟؟

سهر بضحكة : زى القمرر …… اه طبعا سمعت عنها كتير وكل خير كمان …… انا بقى سهر مرات سليم يافريدة …… قلبى عندك بقى ياحبيبتى فى اللى حصل لملك …….

فريدة بخوف شديد واستغراب : ايه ؟؟ مالها ملك ؟؟؟ حصلها ايه ؟؟؟

ماسة بغضب شديد : ايه ياسهر ده ؟؟؟ ماما لسة متعرفش حاجة عن اللى حصل …….. حتقلقيها ليه من دلوقتى وتخضيها وهيه لسة داخلة كده ؟؟؟

سهر بدهشة : معرفش ياماسة انا بحسبك قولتلها بجد …….. وجاية هنا عشان كده ……

فريدة مصدوووووووومة : ايه اللى حصل لاختك ياماسة ؟؟؟ ردى علياااا فين ملك ؟؟؟

ماسة بقلق : اطمنى ياماما مفيش حاجة ملك بخيررر …….. اعدى بس واهدى وانا ححكيلك على كل حاجة بالظبط ………

سهر بقلق : طب انا حروح بقى اعملكم حاجة تشربوهاا …..

ماسة : ماشى ياسهر ………. ومشت سهر وسابت فريدة مع ماسة لوحدها ……

فريدة بقلق : قولى بقى ياماسة …… متوقعيش قلبى اكتر من كده اختك فيييين ؟؟؟؟؟

ماسة : حاضر ياماماا …………. وحكت ماسة لامها فريدة كل حاجة حصلت معاهم من يوم ما سابوا البيت عندها وراحوا عند ابوهم هما الاتنين …………

وحكاية جواز ملك العرفى وقتـ,ـلها لسيف وكله بالتفصيل لحد ما اتقبض عليهم هما الاتنين فى شقة سيف وراحوا عند الظابط جاسر ………

فريدة مصدوووووووووومة : مش معقول …… ملك اختك تعمل كده ؟؟؟؟ بنتى انا تمشى فى السكة دى ؟؟؟؟؟ انا مش قادرة اصدق ابدا …….

ماسة بوجع : سامحيها ياماما ملك مظلومة ……. الظروف معانا كانت متلخبطة اوى وسيف عرف يستغلها كويس ……..

سيف مكنش ساهل ياماما هوه اللى وقعها فى كل ده ودبر كل حاجة …….. وملك صغيرة وطايشة متفهمش كل ده ……..

فريدة مصدووووووووومة : ابوكى السبب مش سيف ……. ابوكى ده ربنا ينتقم منه …. هوه اللى ضيع بنتى كده …….. وهوه السبب فى كل اللى بيحصل ده ………

ماسة بوجع : بابا حاسس بالذنب اووى ياماما وحيشيل جر…..يمة القـ,ـتل دى عن ملك …… ملك مش حتتحبس ياماماا ….. ملك حتطلع براءة ان شاء الله متخا…..فيش ………

فريدة بغضب : تطلع ولا متطلعش بقى …… ابوكم خلاص ضيعكوا منى واخدكم فى طريقه ………….. وضيع مستقبلكم وضيع ملك بنتى منى ودمرلها حياتها ……..

عرفتى دلوقتى بقى ياماسة انا ليه اتطلقت منه وصممت على الطلاق ده ؟؟؟ عرفتى ليه كنت ببعدكوا عنه طول الفترة دى وكنت بخلى دايما صورته حلوة قدامكوا …….

عشان متتصدموش فيه ………. عشان عارفة سكته كويس اوى اللى بيروح فيها مبيرجعش تانى …….. غلطة عمرى انى اتجوزت الراجل ده وبقى ابوكم ……..

ماسة بوجع : معلش ياماماا اللى حصل حصل بقى ……. مش عاوزة تيجى معايا وتشوفى ملك بنتك بقى ولا ايه ؟؟؟؟؟؟ مش وحشتك يعنى ؟؟؟

فريدة بوجع : وحشتنى وحشتنى اوووووى كمان …….. بس كان نفسى اشوفها وهيه احسن من كده ……

ماسة بوجع : حتبقى احسن من كده ياماما ……. وكل حاجة حترجع زى الاول واحسن كمان …….. اشربى القهوة انتى بس عقبال مااغيرر هدومى واجيلك …….. عشان ننزل مع بعض ونروحلها …………

فريدة بقلق : ماشى ياماسة …… بس متتاخريش عليا …..

وشوية كده وراحت بصة فريدة لسهر من فوق لتحت كده بقرف وقالت : وانتى بقى اللى اجوزك سليم ؟؟؟؟؟

اتكسفت سهر منها وقالتها : اه انا يافريدة ……. وراحة قايمة ودخلت على اوضتها علطوول …………

ورجعت ماسة من اوضتها بعد ماغيرت هدومها وقالت لامها : ليه كده ياماما ؟؟؟؟ كسفتيهاا …….

فريدة بضيق : هوه انا جيت جمبهااا يابنتى ………. انا قولتلها انتى اللى اجوزك سليم بس راحت قايمة ودخلت اوضتها واتقمصت …….

ماسة : سهر طيبة ياماما وملهاش دعوة بحاجة …….. احنا كنا ظالمينها فى الاول بس عامليها كويس بقى ياماما هيه ملهاش ذنب ……….

فريدة بضيق : انا مفيش بينى وبينها معاملة اصلا ياماسة عشان تبقى كويسة ولا وحشة …………….. و يلا بينا بقى عشان منتاخرش على اختك ………..

ماسة بضيق : حاضر ياماما ………. ونزلت ماسة وفريدة من البيت وراحوا على قسم الشرطة علطوول بس لما دخلت ماسة المكتب ملقتش جاسر فى المكتب لقت الظابط احمد بس ……..

استغربت ماسة وسالت الظابط احمد بقلق وقالت : لو سمحت ياحضرة الظابط …. هوه الظابط جاسر فين ؟؟؟؟

الظابط احمد : الظابط جاسر تعبان شوية كده وواخد اجازة النهاردة …….. كنتى عاوزة حاجة ؟؟؟؟؟؟؟

ماسة بقلق : جاسر تعباان …… وواخد اجازة ؟؟؟

بصت فريدة لماسة بدهشة وقالت : جرى ايه ياماسة ؟؟؟؟ انتى جاية تسالى عن الظابط ولا تسالى عن اختك ؟؟؟؟؟

ماسة بقلق : هاااا …….. لا اختى طبعآ ياماما …….

ضحك احمد من كلام فريدة وماسة ضحكة خفيفة كده ……… وحاول يدارى ضحكته عشان ميحسوش انه بيضحك عليهم …….

وراحت بصة ماسة للظابط احمد مرة تانية وقالت بقلق : ااه ………. كنت عاوزة اشوف سليم واختى ملك اللى محجوزين هنا من امبارح …….. ودى ماما الدكتورة فريدة ……..

احمد بضحكة : اهلاا وسهلاا بيها طبعا ……. حاضر ثوانى ويكونوا عندكم وحتشوفوهم متقلقوش ………

وطلب الظابط احمد من العسكرى اللى عنده فى القسم …….. انه يجيب سليم وملك من الحجز تانى …………….

وطلع احمد بره المكتب علطووول برضو زى ماجاسر عمل وسابهم لوحدهم فى المكتب عشان يتكلموا براحتهم ……….

واول ما طلع احمد اتصل بالظابط جاسر علطووووول ……….

احمد : الووووو ايوه ياجاسر …… عامل ايه دلوقتى ؟؟؟؟؟

جاسر بقلق : الحمد لله كويس يااحمد ….. فى حاجة ولا ايه ؟؟؟؟

احمد : لا مفيش حاجة ياجاسر خير ان شاء الله …… بس ماسة عندى فى القسم دلوقتى هيه ومامتها ……

جاسر بدهشة : ماسة عندك فى القسم بدرى كده ؟؟؟؟ بتعمل ايه القسم ؟؟؟؟

احمد : جت هيه وامها عشان يشوفوا سليم وملك دلوقتى ……… وسالت عليك قولتلها انك تعبان وفي اجازة وشها جاب الوان علطووووول …………….

حتى امها اخدت بالها منها واستغربت اوى …… شكلها بتحبك بجد ياجاسر …… انا كنت عاوز اضحك الصراحة بس مسكت نفسى ………

جاسر بقلق : طب هما فين دلوقتى يااحمد ؟؟؟؟؟

احمد : انا سايبهم فى المكتب من شوية اهوه اعدين مع بعض بيتكلموا لسة ……

جاسر : طب انا جايلك دلوقتى حالآ …….. وقفل جاسر التليفون مع احمد وقام لبس بسررعة ونزل علطووول ………

( فى مكتب الظابط جاسر )

فريدة بوجع : كده ياملك ……….. كده توجعى قلب امك عليكى ليه عملتى كده ……. ضيعتى حياتك ومستقبلك وضيعتى نفسك كمان …….

ملك باكية : معلش ياماما سامحينى ……… انا عارفة انى غلطانة بس كل حاجة حصلت كانت بجد غصب عنى ……. مكنش قصدى اعمل كده ……….

فريدة بوجع : انتى ملكيش ذنب فى حاجة صح ……. انتى ذنبك فعلاا انك بنت الراجل ده ………..

سليم بوجع : خلاص بقى يافريدة متوجعهاش اكتر من كده بنتك اتعلمت من غلطتها …… وانا كمان اتعلمت كتير اوووى وملك ادتنى درس فوقنى لنفسى بجد ……….

فريدة بوجع : وانت كان لازم بنت من بناتك تضيع كده ياسليم عشان تتعلم وتفوق …….. عملتلك ايه فلوسك الحرام دلوقتى كسبت منها ايه ؟؟؟؟ اديك فى الاخر خسرت حياتك كلها وحتروح السجن برجليك …………..

وبعد ايه كمان بعد ما ضيعت احلى واغلى حاجة عندى وعندك فى الدنياا ضيعت بنتك فى طريقك ياسليم …….. شوفت اعمالك وصلتك لحد فين ؟؟؟؟ شوفت اخرت طريقك الغلط ……. هيه دى نهايتك الطبيعية …….

سليم بوجع : معلش يافريدة سامحينى ……….. انتى معاكى حق فى كل كلمة قولتيها مقدرش اقولك حاجة ……. بس ابقى خلى بالك من البنات من بعدى يافريدة انا معرفش مصيرى حيبقى ايه لسة ……….

فريدة بوجع : دلوقتى اخلى بالى من البنات ياسليم ؟؟؟؟؟ منا حاولت ابعدهم عنك على اد مااقدر كتيييير قبل كده ………………

واتطلقت منك عشان كده برضو واخدتهم معاك فى طريقك الغلط برضو ……….. غلطة عمرى بجد انى اجوزتك ياسليم ………

هيه دى الغلطة اللى انا عايشة بكفر عنها كل ده ………… احنا مكناش ننفع بعض من الاول ياسليم بس النصيب والقدر اللى رماك فى طريقى بقى …….

سليم بغضب : كفاااية عتاااااب يافريدة بقى حرام عليكى انا مش مستحمل حاجة ……..

ودخل الظابط جاسر عليهم المكتب فى اللحظة دى ………

وقال جاسر بصوت عالى : السلام عليكم …..

اتفاجات ماسة بيه وقامت وقفت وبصتله باستغراب اووى ومتكلمتش كلمة وقالت لنفسها : تعباان وفى اجازة ؟؟ ازاى بقى ؟؟؟

فريدة : وعليكم السلام ……. ازيك ياحضرة الظابط ……..

ماسة باستغراب وقلق : ايه ده ياماما ….. انتوا تعرفوا بعض ؟؟؟؟؟؟

جاسرر بثقة : اه طبعآ ياماسة …….. حد ميعرفش الدكتورة فريدة …….

فريدة بضحكة : اه ياحبيبتى ………. جاسر جالى البيت كتير ياماسة قبل كده هوه والظابط احمد كمان …………..

ايام مكان بيدور على ابوكى سليم وياماا خضنى ووقع قلبى من خبطته ……….. كانت ايام صعبة اوى بجد ……. وكان كل خوفى بقى عليكم انتم بس انتى واختك …………

جاسررر : خلاص بقى يادكتورة فريدة سامحينى ……….. واللى كنت عاوز اوصله وصلتله خلاص …………. اعذرينى بقى انا ظابط شرطة وده شغلى ………

فريدة : اه طبعا ده حقك مقدرش اقول حاجة …….. حستاذن انا بقى وحبقى اجيلك تانى ياملك ……… خدى بالك من نفسك ياحبيبتى ……..

جاسر باستغراب : ايه ده ؟؟؟ انا جيت مشتكوا ولا ايه ؟؟؟؟

فريدة بضحكة : لا ياجاسر طبعا ……….احنا اعدين هنا من بدرى كده كده انا كنت ماشية …………..

ملك بوجع : ماشى ياماما مش حعطلك …… ومتتاخريش عليا بقى حستناكى ……..

فريدة : ماشى ياحبيبتى ………… يلابينا ياماسة …….

وراحت بصة ماسة لجاسر اووى بنظرة عتاب طويلة شوية وبصلها جاسر بنفس النظرة …………… لحد ما دموعها نزلت من عنيها غصب عنها واخدت امها ومشت من القسم علطوول وهيه بتعيط ……….

فريدة بقلق : بتعيطى ليه ماماسة كده ؟؟؟؟

ماسة باكية : مفيش ياماما ……. بس صعبانة عليه اختى ملك اووى …..

فريدة باستغراب : متاكده ياماسة ان دموعك دى عشان اختك ملك بس ….

ماسة بقلق : ايوه ياماما ….. قصدك ايه يعنى؟؟؟؟

فريدة بوجع : انتى فى حاجة بينك وبين الظابط جاسر ……. صح ياماسة ؟؟؟؟

ماسة باستغراب وقلق : الظابط جاسر ؟؟؟ ايه اللى خلاكى تقولى كده ياماما ؟؟؟؟

فريدة بوجع : نظرات عنيكى ياحبيبتى وطريقتك كل ماتيجى سيرته بتقول كده ………… انتى مش شايفة نفسك انا اللى شايفاكى ……..قولى احكيلى ياماسة ………

ماسة باكية : ايوه ياماما ……. انا فى حاجة بينى وبين الظابط جاسر …….. انا بحب جاسر ياماما بحبه اووى كمان ……. بحبه حب محكوم عليه بالمو………ت …….

 

الفصل الثامن عشر …..
فريدة : وهوه بيحبك ياماسة زى ماانتى بتحبيه كده ؟؟؟؟؟
ماسة بوجع : المفروض انه كان بيحبنى ياماما بس قبل مايعرف انا بنت مين ؟؟؟ دلوقتى معرفش بقى اذا كان لسة بيحبنى زى الاول ولا لا …………..
فريدة باستغراب : وانتى ملقتيش غير جاسرر ياماسة عشان تحبيه كده ……. ملقتيش غير اللى بيكره ابوكى ده …… جاسر ده اكتر واحد مينفعكيش ياحبيبتى ……
ماسة بوجع : وانا مكنتش اعرف اى حاجة ياماما عن اللى بينهم ………. ولا كنت اعرف ان بابا ممكن يكون كده ابدآاا ………. نصيبى بقى …….
فريدة بوجع : بصى ياماسة انا امك ياحبيبتى وعايزة مصلحتك ……. ونفسى اشوفك سعيدة بجد …….. بس جاسرر ده مينفعكيش ابعدى عن جاسرر احسن ياماسة وانسيه ياحبيبتى ………
ماسة بوجع : انساه ؟؟؟ مش حقدرر ياماماا ….. واكسر قلبى بايدى ؟؟؟ مش عارفة بس اوعدك انى ححاول ابعد عنه على اد مااقدر ……..
فريدة : ابعدى ياحبيبتى واكسرى قلبك بايدك انتى دلوقتى ……. احسن ماهوه اللى يكسرهولك بعدين …………. فوقى ياماسة …….
انتى متعرفيش اللى بينه وبين ابوكى دى سنين كلها مطاردات ………… وغير كده كمان جااسررر ظابط شرطة ………… وعمره ماحيرضى انه يناسب تاجر مخدرات …….. فاهماانى ياماسة ؟؟؟
ماسة بوجع : فهماكى ياماما …… اوعدك انى حبعد عنه …….
فريدة : ماشى ياحبيبتى ……… انا حروح انا على بيتى بقى وروحى انتى على بيت ابوكى …… وخلى بالك من نفسك كويس ياماسة ……..
ماسة بقلق : لا يامامااا ….. متروحيش دلوقتى اعدى معايا شوية النهاردة عشان خاطرى ……………. انتى وحشانى وعاوزة اتكلم معاكى كتير ومفيش حد غير سهر فى البيت …………
وبابا عمره ما حييجى طبعا ……… باتى النهاردة معايا بقى وروحى بكره مش حيحصل حاجة يعنى ……. انا علطول اعدة لوحدى ياماماا …….
فريدة بابتسامة : حاضر يا حبيبتى مش حزعلك ……. بس حكلم سامى واقوله انى حقعد معاكى عشان ميقلقش عليااا ………..
ماسة بغضب شديد : اوووووف…… سامى تانى يامامااا ؟؟؟
فريدة باستغراب : ماهوه لازم يعرف ياحبيبتى انى حبات معاكى النهاردة ……….. مهما كان ده جوزى برضو ياماسة هيه دى الاصول ……..
ماسة بغيظ : ماشى ياماماا ……. كلميه ……
واتصلت فريدة بجوزها سامى علطووول عشان تقوله ……….
فريدة : الوووو ايوه ياسامى …… انت فى البيت ؟؟؟؟
سامى : اه ياحبيبتى فى البيت ….. حتيجى امتى بقى ؟؟؟
فريدة : لا ياسامى انا مش حعرف اجى النهاردة ………… انا حبات النهاردة مع بنتى ماسة فى البيت وحجيلك بكره ………….
سامى باستغراب : تباتى مع ماسة ؟؟؟ وسليم فين بقى؟؟؟؟
فريدة : سليم مش فى البيت اصلا ياسامى ……… لما اجى بكره حبقى اقولك واحكيلك على اللى حصل …….
سامى : ماشى يافريدة ….. على راحتك ياحبيبتى ……
وقفلت فريدة التليفون مع سامى …………. وراحت هيه وماسة على البيت عند سهر علطوووول ……….. وفى آخر اليوم نامت فريدة مع ماسة فى اوضتها على سرير بنتها ملك …………
وفضلت ماسة سهرانة تفكر فى كلام امها فريدة عن جاسررر وازاى حتبعد عنه ……….. وفى اللحظة دى رن موبايل ماسة ……… بصت ماسة بسرعة للتليفون لقيته جاسر اللى بيتصل بيها ……………
ردت ماسة بسرعة وهيه خايفة ومتلخبطة وقالت : الووووو …. ايوه ياجاسر …..
جاسر : وحشتينى ياماسة ……. اتلخبطت ماسة اكتر من كلمته دى عشان مكنتش متوقعاها منه …….. وقلبها دق جامد ومعرفتش ترد عليه وسكتت خالص …………
جاسر : مبترديش ليه ياماسة ؟؟؟ انا موحشتكيش ؟؟؟؟
ماسة بوجع : لا …… وحشتنى طبعآ ياجاسر …… بس مش عارفة ارد عليك اقولك ايه دلوقتى ؟؟؟؟ احنا خلاص بقينا اغراب عن بعض بقى ملوش لازمة الكلام …………..
جاسر بوجع : ليه بتقولى كده ؟؟؟ قولى اللى فى قلبك ياماسة ……
ماسة بوجع : مينفعش ياحضرة الظابط ……. الفرق بينا بقى كبير اوى دلوقتى …….
جاسرر بغضب : انا مش وحش اووى كده ياماسة وعاوزك تفهمى ده كويس ………… واللى انا عملته مع ابوكى ده كان شغلى مش عشان انا بكره ابوكى ولا حاجة ………….
انا ظابط شرطة ياماسة وسليم ده لو كان ابويااا انا مش ابوكى انتى ……… كنت حعمل فيه نفس اللى انا عملته مع سليم بالظبط ومكنتش حتردد لحظة …………. محدش بيختار اهله ياماسة ………….
وانا حبيتك …… حبيتك بجد ياماسة منغير مااعرف حتى انتى بنت مين ؟؟؟؟ ولحد دلوقتى بحبك لسة انتى غيرتى فيه حاجات كتير اوى ياماسة …………….
ومش حبعد عنك ابدآ الا لو انتى بقى مكنتيش عاوزانى فعلآ ………. ومحبتنيش اصلآ من البداية …….. ومش عشان خاطر ابوكى ……………
ردت ماسة فى اللحظة دى بسرعة وقالت بوجع : لا ……. حبيتك طبعآ ياجاسر ……. حبيتك اووى كمان …….
جاسر : انا فكرت كتير ياماسة ………. قبل مااكلمك واقولك الكلام ده ………. بس بجد الكلام ده من قلبى انا مش بكذب عليكى فى حاجة ……….. والحسنة الوحيدة اللى عملها سليم بجد هوه انتى ياماسة …….
دمعت ماسة من كلام جاسر جامد وقالت : انا مش عارفة اقولك ايه بجد ياجاسر انت قولت كل حاجة ………بس انا مغلطش ابدآ لما حبيتك انت اجمل حاجة حصلتلى فى حياتى بجد ………..
كلامك ده ريحنى اوووى ياجاسر وشال هم كبير اوى كان على قلبى ………. زى ماتكون قريت اللى جوايااا بالظبط ………… واللى انا عاوزة اقوله وقولته انت ………….
جاسر بفرح : خلاص بقى ياماسة …………… يبقى حشوفك بكره فى نفس المكان اللى اتقابلنا فيه قبل كده فى نفس الكافيترياا برضو ……….. ماشى ياماسة ……….
ماسة بفرح : ماشى ياجاسر …… اتفقناا …….
جاسرر : سلام يا حبيبتى …… لا اله الا الله ……
ماسة : محمد رسول الله ……… سلام ياجاسر ……….
وقفلت ماسة التليفون مع جاسر وهيه مبسوطة على الاخر وحتطير من الفرحة ………….
فريدة باستغراب : كنتى بتكلمنى مين ياماسة متاخر كده ؟؟؟؟؟
ماسة بدهشة : انتى صحيتى ياماماا …… انااا انااا كنت بكلم واحدة صحبتى ……..
فريدة باستغراب : صحبتك برضو ياماسة ؟؟؟؟؟؟ وصحبتك دى بقى هيه اللى مخلياكى مبسوطة على الاخر كده ؟؟؟؟؟
ماسة بضحكة : اه ياماماا …… معلش بقى حنام دلوقتى عشان تعبانة شوية ……. تصبحى على خير يامامااا ………
فريدة باستغراب : وانتى من اهل الخير يا حبيبتى ……. ربنا يبسطك دايمآ ياماسة ……..
وتانى يوم علطووول صحيت ماسة من النوم بدرى وهيه مبسوطة على الآخر ………….. وحضرت الفطار لامها فريدة وسهر بسررررعة وصحيتهم من النوم علشان يفطرواا ……………..
وبعد مافطروا بشوية ………. نزلت فريدة من البيت وراحت على بيتها عند سامى …….. وقامت ماسة بعدها بسرعة عشان تلبس وتنزل تقابل جاسرر فى الكافيترياا ………..
ووصلت فريدة لبيتها وجاية عشان تفتح باب الشقة لقيته مش راضى يفتح معاها استغربت اوى فريدة ……. وحست انه مقفول من جوه راحت مخبطة على الباب جااامد …………
اتفجع سامى اوى من خبطتها ………… وقام يجرى عشان يفتح ويشوف مين لقى فريدة قدامه علطوووول بصلها باستغراب اوى وخوف وقال ………
سامى بخوف شديد : فريدة ؟؟؟ انتى مش قولتى انك حتعدى مع ماسة ؟؟؟؟ ايه اللى جابك بدرى كده ؟؟؟؟؟
استغربت فريدة من طريقة سامى فى الكلام معاها اوى وقالت باستغراب : وانت مكنتش عاوزنى اجى ليه بقى ياسامى؟؟؟؟ وقافل عليك ليه الباب من جوه ؟؟؟ انت فيه حد معاك فى الشقة ؟؟؟؟
اتلخبطت سامى فى الكلام ومبقاش عارف يرد عليها ……….. شكت فيه فريدة اوى وزقته ودخلت بسررررعة على جوه عشان تشوف مين معاه …………..
سامى بقلق : استنى بس يافريدة ……. حد مين اللى معايا ده ……..
ودخلت فريدة على اوضتها بسرررعة ولقت واحدة ست فى اوضة سامى وعلى سريره ……….. اتصدمت فريدة منها اوووووى وتنحت ……….
ودخل سامى وراها على الاوضة علطووول وقالت بخوف : متفهميش غلط يافريدة …….. انا حشرحلك كل حاجة ……….
فريدة مصدووووومة : تشرحلى ايه ؟؟؟؟ انت بتخونى ياسامى ؟؟؟ وفين فى بيتى ؟؟؟؟؟
سامى بخوف شديد : انا مش بخونك يافريدة ……افهمينى بس ….
فريدة بغضب شديد : افهمك ؟؟؟؟؟ خد الزبالة دى واطلع بره بيتى دلوقتى حالآ …….. بدل ما اجبلك البوليس هنا وتلبس قضية انت وهيه …….. وفى بيتى كمان ؟؟؟ وفى اوضتى ياقذررر ؟؟؟؟؟
سامى بخوف شديد : اهدى بس يافريدة بوليس ايه بس …… كل اللى انتى عوزاه انا حعملهولك ………
فريدة بغضب شديد : وتطلقنى دلوقتى حالآااااااااااا …………
( فى الكافيتريا )
ماسة بقلق : اتاخرت عليك ياجاسر ؟؟؟ معلش السكة بس ……..
جاسر بابتسامة : لا ياحبيبتى ولايهمك متاخرتيش ……… على فكرة بقى انا عندى خبر حلو اوووى عشانك ………………
ماسة بفرح : مفيش حاجة احلى من الكلام اللى انا سمعته منك امبارح ياجاسر واللى انت قولتهولى ………..
جاسرر بابتسامة : طب اسمعى الخبر الاول ياستى ……. وبعدين ابقى احكمى ……..
ماسة بفرح : ماشى ياجاسر ……… قول ….. ايه الخبر ؟؟؟؟
جاسر بثقة : اختك ملك …… حتطلع براءة ياماسة ……
ماسة بفرح شديد : انت بتقول ايه جاسر ؟؟؟ بجد ملك حتطلع براءة ؟؟؟؟ ومش حتتحبس ؟؟؟؟؟
جاسر بثقة : اه ياحبيبتى …… ابوكى اعترف فى التحقيق ان هوه اللى قـ,ـتل سيف مش ملك خالص والمسد…س اللى اتقـ,ـتل بيه سيف كان بتاعه وكان عليه بصماته كمان ……….
وبعد مافتشنا الشقة كويس لقينا ورقة الجواز العر؟؟؟فى بتاعة اختك ملك ……….. سيف كان مخبيها مع فلوسه فى شنطة جوه الدولاب ……….. وكان قافل عليها عشان محدش يعرف يوصلها منكم ……………
يعنى سيف كان متجوزها بجد ……. وكانت موجودة فى الشقة معاه بحكم انها مراته يعنى مش عشان تقتـ,ـله ولا حاجة ………….
وطبعاا سيف انكر انه كان متجوزها اصلا وده اللى قالته ملك فى التحقيق ………. وده اللى خلى سليم برضو يزعل على بنته طبعآ ويفكر يقتـ,ـله بالطريقة دى ……………
كده سبب القتـ,ـل بقى واضح واختك ملهاش ذنب ولا دعوة باى حاجة …………. يعنى ورقة الجواز العرفى دى هيه كانت السبب فى براءة اختك ……….
جاسر بثقة : ايه رايك فيه بقى ياماسة ؟؟؟؟؟ ظابط شرطة شاطر انا ولا مش شاطر ؟؟؟
ضحكت ماسة وقالت بفرح شديد : ظابط شرطة ممتاااز ياجاسر …….. انا بجد مش عارفة اشكرك ازاااى على كل ده ……………
جاسر بفرح : متشكرنيش على حاجة ياماسة ……. ده واجبى يا حبيبتى ……….
ماسة بقلق : طب وموضوع شقة الملياردير بقى …….. اختى كانت موجودة هناك برضو …………. بس سيف هوه اللى ضغط عليها عشان تروح معاه حتطلع منها ازاى دى ؟؟؟؟
جاسر بضحكة : ياحبيبتى مفيش سرقة حصلت اصلآ عشان تطلع منها ………
وانا دخلت عليهم الاوضة قبل ماينفذوا اى حاجة ………….. وهما هربوا منى بعد كده على شقة سيف وانا عارف ان سيف هوه اللى اجبرها على كده ……………
يعنى مفيش جريمة سرقة حصلت عشان احاسبها عليها ………….