بنت السارق سالي مصطفى ج 2

ماسة بقلق : مينفعش ياجاسر اصل انا مقولتش لماما ان انا معاك اصلااا ……… معلش انا مضطرة امشى دلوقتى بقى ……..

جاسر بقلق : ماشى ياماسة …. وابقى طمنينى عليكى لما توصلى ماشى متنسيش …..

مااسة بقلق : حاضر ياجاسر ….. سلام دلوقتى بقى …… ومشت ماسة علطوووول على البيت ….

وصلت ماسة البيت لقت فريدة امها اعدة مع سهر وبيتكلموا …….. وشكلها زعلان اووووى ومتعصبة وعمالة بتشتكى لسهر ……

ماسة بقلق : ايه اللى حصل ياماما ؟؟ فيه ايه ؟؟؟ خضتينى …….

فريدة بحزن : انا اتطلقت من سامى ياماسة لسة دلوقتى مطلقنى ……..

ماسة باستغراب : ايه ؟؟اتطلقتى ؟؟؟ ليه ايه اللى حصل ؟؟؟

فريدة بحزن : لما سيبتك النهاردة الصبح وروحت على البيت لقيت السافل ده بيخونى وفى بيتى كمان ……….. استغل فرصة انى بايتة عندكو القذر ده …….

ماسة بضحكة : دى حاجة متوقعة منه اووى ياماما …….. وانا قولتلك قبل كده وانتى مصدقتنيش برضو …… وانا وملك سيبنا البيت عندك وروحنا لبابا عشان كده حسيناه مش كويس ونظراته كلها وقحة ………

فريدة بحزن : مكنش باين عليه حاجة فى الاول بس ياماسة انا محستش بكل ده خالص ………. وكمان فكرتكوا قولتوا عليه كده عشان عاوزنى اطلق منه وخلاص ………

ماسة بضيق : خلاص بقى ياماماا انا مبحبش سيرة الراجل ده …….. وحصل خير واهم حاجة انك اتطلقتى من الراجل المقرف ده ومشى من البيت المفروض انك تفرحى متزعليش كده ……..

فريدة بحزن : انا مش زعلانة عليه ياماسة انا زعلانة عشان استغفلنى الحيوان ده وعمل كده ………….انا طردته فى ساعتها من البيت ياماسة هوه واللى معاه وخليته يطلقنى فى ساعتها برضو …….

ماسة : عملتى الصح ياماما المفروض ده كان يحصل من زمااان اوووووى مش دلوقتى ………وشوية وراحت بصة ماسة لسهر وفريدة اووى وباستغراب ………

وقالت باستغراب : بس انا شايفة ان انتى وسهر بقيتوا حبايب يعنى وبتحكيلها على كل حاجة وعلى اللى حصل حتى قبل ماتقوليلى وتحكيلى انا كمان …….

فريدة بضحكة : ياحبيبتى ماانتى مكنتيش فى البيت انا جيت ملقتيش اصلآ ………. اه صح ……. انتى كنتى فين بقى ياماسة ؟؟؟؟ مقولتليش انك نازلة يعنى ………

اتلخبطت ماسة اووى وقالت : هااااا ….. كنت كنت عند واحدة صحبتى ياماما …..

فريدة باستغراب : صاحبتك؟؟ صاحبتك اللى كنتى بتكلميها فى التليفون امبارح ياماسة برضو ؟؟؟ ……….. بتخبى على امك ياماسة ماشى على راحتك ياحبيبتى بس مسيرك حتقولى ……….

ماسة بضحكة : سيبك من ده بقى ياماما وخلينا فى المهم دلوقتى ……… مش سامى خلاص مشى من البيت انا نفسى اروح البيت بقى وحشنى اووى ……….. ووحشتنى اعدتى فيه ووحشتنى اوضتى وكل حاجة فيه وحشتنى …………

فريدة بوجع : دنا نفسى ياماسة انك ترجعى انتى واختك وتعيشوا معايااا تانى فى البيت البيت بقى وحش منغيركوا اوووى وملوش اى طعم ………..

ماسة بلهفة : طب يلا بينا دلوقتى ياماماا ……. انا نفسى اروح اوووى ……..

سهر باستغراب : يلا دلوقتى ايه بس ياماسة ……. امال انا بعمل الغداء ده لمين سيبى امك فريدة تتغدى الاول وترتاح شوية ……….وابقوا روحوا على آخر النهار هناك حيروح فين البيت يعنى ………

فريدة : سهر بتتكلم صح ياماسة ……. انا تعبت اوووى النهاردة ياماسة نتغدى مع بعض الاول واخر النهار نبقى نروح البيت……….. دنا انا لسة جاية من هناك يابنتى مرتحتش ……..

ماسة بفرح : ماشى كلامك ياماماا ……. حقوم اساعدك ياسهر بقى عشان نخلص الاكل بسرعة وننزل ……. ولو عاوزة تيجى معانا البيت هناك تعالى ياسهر ……..

سهرر بضحكة : اجى معاكوا ايه بس ياماسة ؟؟؟؟ انا مينفعش اسيب بيت ابوكى هنااا ……. روحى انتى ياحبيبتى مع مامتك ………. وخلوا بالكوا من نفسكم كويس ……….

وفى اللحظة دى رن جاسر على موبايل ماسة …….. وردت ماسة بسرعة وطلعت تجرى على اوضتها عشان محدش يسمعهااا ………

ماسة بقلق : الوووووو ايوه ياجاسرر …..

جاسررر بضيق : متصلتيش بيا برضو ياماسة …… وسيبانى قلقان عليكى كده …….

ماسة : كنت حكلمك ياجاسر ……… بس متقلقش خالص بالعكس فيه اخبار حلووة ……. بس حقولك عليها بليل مش حعرف اتكلم دلوقتى عشان اعدة مع ماماا …………

جاسررر بضحكة : وحتتصلى بيا بليل بقى ولا حتعملى زى دلوقتى برضووو ………. وتطنشى ……

ماسة بضحكة : لا طبعآ اطنش ايه …… حتصل بيك واقولك على الخبر الحلوو كمان ……

فريدة بضيق : ماااااسة ……… ماااااسة …….. انتى فين ياحبيبتى ؟؟؟؟

ماسة بقلق : ايوه ياماماااا انا جاية ………. باى باى دلوقتى ياجاسر عشان ماما بتنده عليااااا ………….. حكلمك بليل تانى ……. وقفلت ماسة الفون مع جاسر …………

مااسة بقلق : ايووه ياماما ……… انا جيت اهوه …….

فريدة : فينك ياحبيبنى كل ده ؟؟؟ سهر لوحدها فى المطبخ بقالها مدة بتحضر الغداء ………. عيب كده روحى ساعديها ………..

مااسة بقلق : حاضر ياماما …..حروحلهااا دلوقتى اهوه ……

وحضرت ماسة الغداء مع سهر واتغدوا هما الاثنين ومعاهم فريدة ……… وعلى آخر النهار كده نزلت ماسة وفريدة وراحوا على بيتهم القديم ……….

دخلت ماسة البيت وهيه فرحاانة اوى وجرت على اوضتها بسرعة ………. لقيتها زى ماهيه زى ماسبيتها بالظبط ومفيش اى حاجة ناقصة ……….

استغربت ماسة اووووى وقالت لامها فريدة باستغراب : اوضتى زى ماهيه ياماما ؟؟؟ مفيش اى حاجة اتغيرت فى البيت خالص ……… زى ما سيبته ……

فريدة : انا كنت قافلة اوضتك انتى وملك علطووول ياماسة ………. ومكنش فى حد بيدخلها خالص ……… كنت مستنية لحد ماتيجوااا عشان تلاقوا كل حاجة زى ماهية …….. غيرى هدومك بقى وارتاحى ياحبيبتى ………. نورتى بيتك …….

ماسة بفرح : حاضر ياماماااا ………. وطلعت فريدة بره الاوضة وسابت ماسة لوحدهاا ……… راحت متصلة ماسة بجاسررر علطول ………..

ماسة بفرح : الوووووو ايوووه ياجاسر …… انا فرحانة اووى ياجاسرر ……

جاسر باستغراب : وايه اللى مفرحك اوووى كده بقى …… ايه اللى حصل يعنى؟؟؟؟

مااسة بفرح : انا رجعت البيت عند ماما تانى ياجاسرررر ودلوقتى حالآا كمان ……. انا بكلمك من بيت مامااا فريدة دلوقتى ……….

جاسرر بقلق : انتى بتقولى ايه ياماسة ؟؟؟؟ وجوز امك حتعيشى معاه ازاى ده ؟؟؟؟

ماسة بابتسامة : ماما اتطلقت من سامى النهاردة ياجاسر ……. وانا روحت معاها على البيت بعد مامشى من البيت خالص ……..

تعرف بقى ان وشك حلو عليا اوى ……. من ساعة مارجعنا واتكلمنا تانى مع بعض وانا بسمع اخبار حلوة كتييير ………..

جاسررر بفرح : ربنا يفرحك دايمااا ياماسة ……… ومادام كده بقى قولى لماماا فريدة انى عاوز اقابلها ……. وخدى منها ميعاد اجيلها فيه وخليها تختار الوقت اللى يناسبها ……….

ماسة بفرح : بجد ياجاسررر …….. واقولها عاوز تقابلها بخصوص ايه بقى ؟؟؟

جاسررر بضحكة : لمااجى حتعرفى كويس ياماااسة بخصوص ايه ……. ومتساليش كتيييير كده واصبرى ……. سلام بقى دلوقتى عشان عندى شغل …………….

مااسة بضحكة : ماشى ياجاسرر مش حسال كتير ….سلااام ….بس انا عارفة برضو انت عاوز تقابل ماما فريدة ليه ؟؟؟؟؟؟؟

جاسرر بضحكة : مجنووونة انتى ……… سلام ياحبيبتى دلوقتى بقى وحكلمك تانى …….. وقفل جاسر التليفون مع ماسة ………

وهيه مبسوووطة على الاخر …… ونامت ماسة اليوم ده فى بيت امها وهيه مرتاحة اكتر كتييييير من بيت سهرر ……….

وقامت ماسة تانى يوم من النوم على صوت خبط جااامد ومن الصبح بدرى ……. اتخضت ماسة اوووى وقالت لنفسها : ايه ده ؟؟؟؟ مين حيكون جيلنا دلوقتى ؟؟؟؟

وقامت ماسة بسرعة عشان تفتح لقت اختها ملك فى وشهااا ……. بصتلها ماسة بفرح شديدددد وقالتلها : مش معقوول ؟؟؟؟ ملك ؟؟؟ وحشتينى اوى ياحبيبتى حمد لله على سلامتك ……… طلعتى امتى ؟؟؟؟

ملك بابتسامة : انتى اللى وحشتينى اوووى ياماسة ….. وكل حاجة هنا وحشتنى اوووى بجد ………..

ماسة بفرح : مامااااا ياماماااااااا ……. ملك جت يامامااا ….. ملك جت …..

وقامت فريدة تجرى بسرعة من اوضتها وراحت على باب الشقة ……… اول ما سمعت صوت ماسة وملك بيتكلموا مع بعض وماسة ندهت عليها ………

وجرت فريدة على بنتها ملك وحضنتها اووى وقالت : حمد لله على سلامتك ياملك ……. تعالى خشى ياحبيبتى وحشتينى اووى …… طلعتى ازاااى ؟؟؟؟؟؟

دخلت ملك البيت وقالت بابتسامة : الحمد لله يامامااا ربنا وقف معاياا اوووى ……… وجاسر مسبنيش خالص بجد لحد ماطلعت براءة والظابط احمد كمان ……..

كلهم كانوا بيعاملونى كويس اووى مكنتش حاسة انى محبوسة بالعكس ……. انا مكنتش متوقعة كده منهم ابدآ ………. وجاسر فضل ورا القضية بتاعتى لحد ماطلعت براءة ……….

فريدة باستغراب : معقولة جاسررر عمل كده بجد ؟؟؟ انا مش مصدقة ؟؟؟ اللى بيكره ابوكى ده ……….

ملك بفرح : لا صدقى ياماماا عمل كده ………. ومش كده وبس كمان جاسرررر قوم لباباا محامى كبير اووووى ……… عشان يقدر يدافع عنه فى القواضى اللى عليه دى ويخفف عليه الاحكام شوية ………….

ماسة بفرح شديدددد : بجد ياملك ؟؟؟ جاسر عمل كده ؟؟؟

ملك بضحكة : ايوه ياماسة عمل كده طبعآاا …….. هيه الحاجات دى فيها هزار …….. انا مكنتش فكراه كده بجد …….انا قولت انه ماحيصدق انه قبض على بابا وحينتقم منااا …………

فريدة بفرحة : الحمد لله ياملك انك طلعتى ………ورجعتى بيتك بالسلامة ياحبيبتى…..

ملك بلهفة : اه صح ياماماا مبرووووووك انك اتطلقتى من ساامى كمان ……. ايوووه كده الراجل ده كان هم على قلبى بجد …….

فريدة باستغراب : وانتى عرفتى منين ياملك انى اتطلقت من سامى بقى ؟؟؟؟؟

ملك بضحكة : انا لسة جاية من عند سهر دلوقتى ياماماا انا طلعت الصبح وروحت على البيت هناك علطووول ………. وهيه اللى قالتلى انكوا هنا وحكتلى على كل اللى حصل ………… وفرحت جدااااااااااااا بجد ………………

فريدة بفرح : ربنا يفرحكوآ دايمآ ياحبايبى كده ……انتى واختك علطوووول ومتبعدوش عنى تانى ابدآ ………..

ماسة بكسوف : اه صح ياماما نسيت اقولك ……. جاسر كلمنى امبارح وقالى انه عاوز يقابلك ……وقالى كمان انى آخد منك ميعاد عشان ييجى يقابلك فيه …………

ملك بفرح : ايوه ياعم …… جاسررر عاوز يقابل ماما ؟؟؟؟ وعاوز ييجى يقابل ماما ليه بقى ؟؟؟؟

ماسة بكسوف : كسفتينى اوووى ياملك……..معرفش هوه مقاليش ليه؟؟ هوه قالى عاوز يقابلها وبس كده ومقلش السبب ايه ………….

 

الفصل العشروون والأخير …….

ضحكت فريدة وقالت : خليه ياحبيبتى ييجى بكره مفهاش مشكلة مش محتاجة ميعااد واناحستناه ……

ماسة بفرح : بجد يامامااا بكره ……. حكلمه دلوقتى حالآ واقوله …….

ضحكت فريدة من طريقة ماسة فى الكلام وسكتت………وجرت ماسة على التليفون عشان تتكلم مع جاسرر بسرررعة …..

ماسة بفرح : الوووو ايوه ياجاسر …..انا قولت لماما انك عاوز تقابلها……

جاسر بضحكة : بالسرعة دى ياماسة وقالتلك ايه ماما فريدة بقى ؟؟؟

ماسة بفرح : قالتلى خليه ييجى بكره وانا حستناه…..

جاسرر بفرح : ماشى ياحبيبتى …..بس انا حاجى ومعاياا ضيف…..

ماسة باستغراب : مين الضيف ده بقى؟؟؟؟

جاسر بضحكة : حتعرفى لمااجى ياحبيبتى …..

ماسة : انت دايما بتشوقنى كده ياجاسرر ….. عاوزة اعرف ميين؟؟؟

جاسرر بضحكة : ياحبيبتى اصل انا عاوز اعملها مفاجاة …….عاوزة تبوظى المفاجاة بقى؟؟؟؟

ماسة : لا ياجاسر مش حبوظهاا ……حستنى لحد بكره وخلاص …..

جاسرر : ايوه كده شطورة ….لا اله الا الله ياحبيبتى …….

ماسة : محمد رسول والله ……. وقفلت ماسة التليفون مع جاسرر وهيه بتفكر فى مين ممكن يكون الضيف ده ولقت اختها داخلة عليها الاوضة فى ساعتهاا ……..

ملك : هااا ياماسة كلمتيه ؟؟؟ حييجى بكره خلاص ….

ماسة بقلق : اه ياملك حييجى بس بيقولى فى ضيف معاه ……..تفتكرى ممكن يكون مين الضيف ده؟؟؟؟

ملك باستغراب : وهوه مقلكيش ياماسة مين الضيف اللى جاى معاه ده ؟؟؟

ماسة بقلق : لا مقاليش ياملك ……قالى لمااجى حتعرفى برضوو بس انا قلقانة ……

ملك باستغراب : برضوو ياترى بيفكرر فى ايه جاسر ده ؟؟؟ بكره حنعرف متقلقيش ياماسة ان شاء الله خير حتبقى عروسة ياقلبى …… انا حروح بقى آخد دش عشان تعبانة اووى وعاوزة انام ……

ماسة بقلق : ماشى ياحبيبتى روحى ….

وفضلت ماسة قلقانة وبتفكرر فى مين ممكن يكون الضيف ده؟؟؟ …….. وتانى يوم قرب ميعاد جاسرر بصت ماسة لامها بقلق وقالت …….

ماسة بقلق : جاسرر اتاخر اووى ياماما …..

فريدة باستغراب : متاخرش ولا حاجة ياحبيبتى ………..لسة بدرى زمانه جاى دلوقتى ……

ملك : انتى قلقانة زيادة عن اللزوم ياماسة مش عارفة ليه ….. اهوه الباب بيخبط اجرى شوفى مين بقى؟؟؟

وجرت ماسة اول ماسمعت صوت الباب علطول عشان تفتح ……… لقت جاسر قدامهاا ومعاه الظابط احمد بصتله ماسة باستغراب : اهلآ ياجاسر ….. اهلآ يااحمد …… اتفضلواا …….

فريدة بصوت عالى : اتفضل ياجاسرر ….. وراحت بصت فريدة لملك وقالت : قومى ياملك هاتى حاجة يشربوهاا …….

ملك : حاضرر يامامااا …….. وقامت ملك بسرعة ……

ودخل احمد وجاسر وقعدواا فى الصالون ودخلت ماسة وراهم علطول ………. واستغربت فريدة جاامد من وجود الظابط احمد معاه …….

جاسرر : اهلآ يامدام فريدة …. طبعآ انتى مستغربة عشان احمد معايااا صح …….

فريدة : لاطبعآ البيت نور بيكم انتوا الاتنين شرفتونى كتيرر ……

احمد : ربنا يخليكى يادكتورة انا اللى اتشرفت بيكواا ……

جاسر : طب انا حدخل فى الموضوع علطول يامدام فريدة وبدون مقدمات …….احمد جاى النهاردة معاياا عشان يخطب بنتك ملك ……..

ماسة باستغرااب : ملك ؟؟؟؟

جاسر بضحكة : ايوه ملك ياماسة ……مفاجاة صح ؟؟؟

فى اللحظة دى كانت ملك جاية عشان تقدم القهوة …….. واول ماسمعت كلمة جاسر دى تنحت ووقفت مكانها عشان مدخلتش عشان تسمع باقى الكلام ……..

فريدة مصدووومة : احمد عاوز يخطب بنتى ملك؟؟؟؟صحيح يااحمد ؟؟؟؟

احمد بضحكة : اه يامدام فريدة صحيح طبعآ ….. ملك اعدت فترة طويلة معايا لحد ماخلصت التحقيقات ………. وعرفتها كويس وانا عارف ومقدر الظروف اللى خليتها تعمل كده وحطيتها فى كل المواقف دى ……..

فريدة بدهشة : انت فاجئتنى يااحمد بالموضوع ده بجد ……. بس انا معنديش مانع بس اهم حاجة راى ملك طبعآ ……..

ودخلت ملك بسرعة فى اللحظة دى وقدمت القهوة ……….وقعدت جمب امها فريدة وهيه مبسوطة وباين عليها الفرحة ……

راحت بصة فريدة لملك بسرعة وقالت : احمد جاى يخطبك النهاردة منى ياملك ايه رايك بقى موافقة ؟؟؟

راحت بصة ملك لامها بكسوف وبصت لاحمد تانى وسكتت متكلمتش …..

ضحك جاسرر وقال : يبقى العروسة موافقة يادكتورة فريدة متكسفهاش بقى ………..اقولك بقى على الخبر التانى الللى ورا الزيارة دى برضوو …….

فريدة بفرح : قول ياجاسر …..

جاسر بفرح : بنتك ماسة انا طلبها للجواز يادكتورة ………وشئ يشرفنى جدآ طبعآ انها تبقى مراتى قولتى ايه ؟؟؟؟

فريدة بفرح : ويشرفنى انا كمان ياحضرة الظابط ومعنديش اى مانع فى كل اللى انت قولته ………. بس لازم اقول لابوهم سليم وآخد رايه فى جوازهم دول بناته برضوو مهما كان هية دى الاصول ياجاسر متزعلش منى بقى ………….

جاسرر : وانا الاصول عمرها ماتفوتنى يادكتورة طبعآ …….انا قبل مااجى هنا واخش البيت ده استاذنت سليم وقولتله على كل حاجة وعارف انى جاى اقابلك النهاردة وسليم موافق معندوش اى اعتراض على حاجة ……..

فريدة بدهشة : سليم موافق ؟؟؟ مدام سليم موافق يبقى خلاص على خيرة الله…….

جاسرر : بس فى حاجة يادكتورة كمان موضوع جوازى من ماسة حيبقى بسرعة شوية عشان انا مسافر قريب ………..

وعاوز اخدها معاياا يعنى الجواز حيبقى على الشهر الجاى كده وحخدها واسافر علطول ده لو معندكيش مانع ………..

فريدة بفرح : لا طبعآ معنديش مانع ……..قولتى ايه ياماسة الشهر الجاى ياحبيبتى تمام ………

اتكسفت ماسة اوووى وقالت بفرح : اللى انتى شايفاه ياماما……

جاسرر : يبقى الشهر الجاى يامدام فريدة ………… استاذن انا واحمد بقى عشان مطولش عليكوا …………. سلام يادكتورة …….

فريدة : سلام ياجاسررر ……. مع السلامة يااحمد شرفتونى ……..

احمد : مع السلامة يادكتورة ……….ومشى احمد وجاسر من البيت وبص جاسر لاحمد بعد مانزلواا وقال : ايه رايك يااحمد مبسوط ……..

احمد بفرح : اه طبعآ مبسوط وامها كويسة جدآ ومقابلتهاا ليناا حلوة ……. وملك كمان مكنتش اعرف انى حتعلق بيها اوى كده وافكر انى اجوزهاا …………

جاسرر : انا قولتلك كده انا اعرف دكتورة فريدة من زماان ………وقولتلك كمان ان البنات كويسين وملهمش اى علاقة بابوهم واتظلمواا بسببه ……..

( فى منزل فريدة )

ماسة بفرح : مبروووك ياملك …….. اهوه موضوع احمد ده مكنش على البال خالص كانت مفاجأة فعلآ ……..

ملك بفرح : الله يبارك فيه ياماسة صح مفاجاة متوقعتهااش …………. بس انا كنت حاسة بكده لما كان بيتعامل معاياا ………….

بس كنت بكدب نفسى واقول عمر الظابط احمد ما حيبصلى انا يعنى …………خصوصآ بعد اللى حصلى وكنت مفكراه انه بيعاملنى كده بس عشان جاسرر هوه اللى طلب منه كده …………

عشان انا عارفة ان جاسر بيحبك اوى ياماسة ………متوقعتش ابدآ ان احمد ممكن يكون بيحبنى اناا ………..

فريدة بفرح : ربنا عوضك خير ياملك………انتى اتعذبتى كتير ياحبيبتى وربنا مش بينسى حد …….

ورن جاسر على ماسة الموبايل فى اللحظة دى ………وطلعت تجرى بسرررعة عشان ترد وهيه مبسووطة ………..

ماسة بلهفة : الووو ايوه ياجااسر ….

جااسر : ايه ياحبيبتى ايه رايك فى مفاجاة النهاردة ؟؟؟

ماسة بفرح : مفاجاة جميلة فعلآ ومتوقعتهااش ابدآ ياجاسرر ولا جت فى بالى …….
جاسرر : اهم حاجة انك اتبسطى ياماسة …….

ماسة بفرح : اتبسط طبعآ ياجاسرر ……. بس كنت عاوزة اطلب منك طلب كده ………
جااسر : اطلبى ياحبيبتى ……

ماسة : انا بكره حاجى القسم عندك………وعاوزة اشوف بابا واتكلم معاه شوية فى موضوعناا انا مكنتش اعرف انك حكيتله حاجة ………..

جاسرر بضحكة : بس كده هوه ده الطلب ياماسة ؟؟؟ تعالى ياحبيبتى بكره عشان تشوفيه حستناكى وحتلاقى سليم مستنيكى فى مكتبى كماان ………. اى اوامر تانية ؟؟؟؟

ضحكت ماسة وقالت : لا ياجاسرر ……. عاوزة اشوف بابا بس …….

وقفلت ماسة التليفون مع جاسرر ………..وتانى يوم من بدرى نزلت وراحت على القسم علطووووول عشان تشوف ابوهاا ………..

واول مادخلت مكتب الظابط جاسرر لقت ابوهاا سليم معاه فى المكتب ………. جرت ماسة على ابوهاا وخضنته وقالت : وحشتنى …. وحشتنى اوووى يابابا …….

سليم بفرح : وانتى كماان وحشينى اوى ياحبيبتى يااحلى عروووسة فى الدنياا كلهاا مبروووك ياماسة …….

ماسة مدمعة : الله يبارك فيك ياباباا ……

جاسررر بوجع : وطب ليه الدموع دى ياماسة بس ؟؟؟؟

ماسة باكية : اصل اصل كان نفسى بابا يبقى موجود معاياا فى يوم فرحى ده……… ويحضره معايااا ويكون جمبى ……………

سليم بوجع : متوجعيش قلبى بقى ياماسة ده النصيب ياحبيبتى ………وانا فرحتى اللى بجد انى اشوفك دايمآ فرحانة ياحبيبتى انتى واختك ملك ………

وراح بص سليم لجاسرر وقاله بوجع : خلى بالك من بنتى ياجاسرر انا مليش غيرهاا ………… انا مليش غير بناتى دلوقتى دول اللى انا طلعت بيهم من الدنياا بجد …….

جااسر : بنتك ماسة فى عنيه ياسليم متخافش عليهااا …… بناتك الاتنين انا حاخد بالى منهم كويس اووى وكانك موجوود معاهم بالظبط ويمكن اكتر ……….

سليم بوجع : انا مش عارف اشكرك ازاااى ياجاسررر …….. مفيش اى حاجة فى الدنياا تقدر تعوض كل اللى انت عملته معاياا بجد وخصوصآ مع بناتى …….. انا عمرى ماحنسى انك رجعتلى بناتى بعد ماكانواا حيضيعوا منى …………

جاسررر : متشكرنيش ياسليم على اى حاجة ……….. انا اللى المفروض اشكرك عشان انت اديتنى اغلى هدية فى حياتى بجد ادتنى ماسة وهيه ماسة فعلآ ………..

واتجوزت ماسة من الظابط جاسر وسافرت معاه علطوول …….. واتخطبت ملك لاحمد وقعدت مع امها الدكتورة فريدة لحد مايتجوزاا ……..

واتحكم على سليم فى كل القواضى اللى عليه ب…. 25 سنة سجن واتحبس …………. وفضلت سهر تزوره فى السجن كتييير عشان ميحسش انه بقى لوحده وفريدة كمااااان …………..

تمت.