ابن الاكابر والأسطى بليا ج٥

ففجأه جت جرى طفله جميله جدآ على اسيا وقالت = عمتو عمتو خبينى بسرعه عمو محمد هينفخنى

اسيا باستغراب = مالك يا فيروز عملتى ايه تانى

فيروز ببرائه = ولا حاجه خالص والله

اسيا برفع حاجب = والله على عمتو يا بت

دخل محمد بغضب للغرفه وقال = هيا فين. فين الجزمه دى. انتى هنا تعليلى يا حلوه

اسيا = مالك يا محمد فيه ايه عاوز ايه من البنت

محمد = يرضيكى يا اسيا اكون لسه راجع من الشغل تعبان تجيلى الجزمه دى وترمى على الارض زيت وتخلينى كنت هقع لولا انى لحقت نفسى. امال يا بت لو مكنتش عمك كنتى عملتى فيه ايه يخرب بيت امك

دخلت نيره وقالت بشلل = يا اخى والله العظيم مخروب جاهز اكتر ما انى مطلق ايه. وبعدين انا بنتى تعمل اللى هيا عوزاه يا بابا المهم متتحبسش

فيروز باستفزاز = ماااامى حببببتشى روح قلبى ديمآ نصرانى عن الأعداء

محمد بغيظ = شفتى الاستفزاز، شفتى الاستفزاز

اسيا بضحك = ايه يا محمد انتا هتحط عقلك بعقل عيله صغيره دى يا حبيبى 15 سنه وانتا 25 سنه احضرم سنه شويه يابنى ده انتا حته معيد محضرم. اظن

محمد =تظنى يالاهوى يا جدعان هيا حصلت اظن كمان. انتى بتشككى فى اخلاقى يا اسيا

اسيا ونيره وفيروز بضحك = ايون

دخل كريم وقال بمرح = فى ايه ياض عامل دوشه ليه كده

محمد بغيظ = ياعم تعاله ربى بنت اختك اللى مطلعه عينى دى هيا ليه مش معتبرانى عمها. مثلآ

نيره = مثلآ. يابنى حرام عليك ارحمنى. وبعدين قولتلك ميت مره بطل تخليها تاخت عليك اهو انتا دلوقتي بتشيل نتيجت افعالك هههههههه

محمد = بقا كده مااااشى. انا بقا رايح انام ولو شفتك فى اوضى يا سفروته انتى هرميكى من الشباك

وخرج محمد بغيظ ففضل الكل يضحك بشده على منظر محمد.فـ فجأه دخلت الام هبه وقالت بحب = حبايبى الحلوين متجمعين عند النبى. انا قولت ياترا انتم فين فـ تصورت انكم اكيد متجمعين عند اسيا

اسيا بلا نفس = امممم. اهى حاجه بتجمع الاخوات مع بعض يا طنط لو كنتى حضرتك مش مضيقه.

برغم ان اسيا كانت عيشه مع هبه فتره كبيره وهبه كانت بتحاول انها تكسب اسيا كا ابنه ولاكن اسيا مكنتش عطيا ليها اي فرصه تقرب منها حته

فقالت الام هبه بحزن = وانا هضايق لي يا حببتى دى حاجه تسعدنى. احم طيب انا كنت جيه عوزاكى يا نيره فى موضوع

نيره = حاضر يا ماما. هسيبك يا سوسو دلوقتي وهروح اشوف ماما عوزه ايه. يلا يا روزى