رواية دموع الورد(الجزء الأخير من الفصول) بقلم نيفين عبدالسلام
————————————————————-
عدى يومين بعد الحفلة كانوا الكل رجع مكان ما جه توحيدة عند قرايبها والباقى فى الدار
مراد قرر أنه ينزل الشركة اول الاسبوع
شوشو كل نظراتها لفريدة نظرات كره
فريدة : طلبت من مراد انها ترجع الدار بس هو رفض
فى الاوضة عند عائشه كانت بتتكلم فى التليفون مع خالد
شوشو : صدقنى ياخالد مش هينفع دادى مش هيوافڨ
خالد بخبث: ليه ياشوشو مش انا جيت الحفلة عندكم
شوشو: اه بس دى كانت فى الجنينه وكان فيها ناس كتير
خالد : طب ما دي حفلة وفيها ناس وبعدين الشلة كلها موجودة
شوشو : بس فى شقتك
خالد: طب وفيها ايه
شوشو : دادى هيرفض
خالد : مش لازم تقولى انى الحفلة فى البيت يلا متتأخريش وهستناكى
شوشو : هحاول سلام
قفل خالد وهو بيبتسم بشر أن خططه ماشية مظبوط وكلها كام ساعة ويوصل لهدفه
نزلت شوشو واستأذنت من بابها انها تروح حفلة عيد ميلاد فى النادى ومراد وافق بس على شرط انها متتأخرش
طلعت شوشو على اوضتها تفكر تروح ولالأ وخصوصا أن بابها بيثق فيها وهى أول مرة تكدب عليه
بس حسمت أمرها فى النهاية ولبست ونزلت علشان تروح الحفلة وخرجت من باب الفيلا ركبت عربيتها ولم تعلم بمن كان يراقبها وراح وراءها
