حبي
ومن ثم اغلقت الباب بقوه
ايمن : هتطلقها
ابتسم جاسم بسخريه قائلاً : نجوم السما اقربلك
ايمن : هديك اللي انت عايزه وهوديك اي حته انت عاوزها بس تطلقها
جاسم : انت عبيط باين انسي مراتي عمري ماهطلقها ومسمعكش تتكلم عنها تاني فاهم
نظر إليه ايمن بغضب واتجه الي داخل مكتب لورا فوجدها ممسكه ببعض الاوراق وتتفحصها فتحدث بغضب : سيبي اللي في ايدك ده وبصيلي
لم تعيره اي اهتمام وظلت تنظر الي الاوراق حتي تقدم منها وجذب الاوراق والقاهم بقوه علي الارض لتتبعثر في جميع ارضية المكتب
نظرت إليه ببرود وعقدت ذراعيها امام صدرها قائله بهدوء : عايز ايه انت
ايمن : يعني ايه ريتال اتجوزت مش فاهم انتوا بتكدبوا صح
لورا : للاسف انت عايش في وهم ان ممكن في يوم ريتال تبصلك اصلا انسي انت واحد سٌكري وزاني عمرها ماهتبصلك ياايمن باشا
نظر ايمن اليها بغضب ثم تركها وخرج صافعا الباب خلفه فتحدثت لورا بضيق : لما اشوف اخرتها معاك اي يا ايمن
اما عند ريتال فذهبت الي المطبخ ووجدت الخدم يجهزون الطعام وسلوي تحمل الصغيره وتساعدهم في بعض الطعام فتحدثت بابتسامه : سلوي انتي حامل اطلعي ارتاحي وانا هعملك ال انتي عايزاه او سيبي الخدم يشتغلوا هما
سلوي بضيق : لازم اشوف الاكل وهو بيتعمل علشان جاسر مش بيحب العك
ريتال : طيب ارتاحي انتي وانا هعمل كل حاجه بدالك كمان علشان جوري
سلوي : اوك
خرجت سلوي من المطبخ فطلبت ريتال من الخدم ان يعدوا الطعام لسلوي والصغيره فقط وهي ستعد طعام جاسم فاطاع الخدم اوامرها وبعد ساعات ظلت فيهم ريتال في المطبخ وصل جاسم وتحدث بدهشه : انتي بتعملي اي هنا
ريتال : بلعب شطرنج واحده في المطبخ هتكون بتعمل اي يعني
جاسم بضيق : ما تلمي لسانك يا بت انتي
ريتال بعصبيه : امشي من وشي خسارة فيك الاكل ال بعملهولك من الصبح
جاسم بسعاده : احلفي !! بس انتي من امتي وانتي بتعرفي تطبخي
اما عند ايمن ذهب الي شقته وظل يكسر كل شئ امامه وفجأه دخل والده الي الشقه ونظر اليها بأشمئزاز ثم تحدث بغضب : انت اي ال انت عامله دا
ايمن بعصبيه : بابا امشي من هنا لو سمحت انا مش طايق نفسي
فوزي بضيق : طيب تعالي شوف داليا هي بقالها فتره هتم*و*ت وتشوفك
ايمن بغضب : مش عايز اشوف حد خااالص
فوزي بحده : دي امك هو اي ال مش عايز تشوف حد خاالص اي ال حصل لو عايز اي حاجه انا هجبهالك بس اهدي
