الصعيد محافظة قنا في منزل الحاج حسين حسين:يابني اسمع الكلام وبلاش تركب دماغك انا ابوك وعايز مصلحتك انت عمرك ما هتلاقي واحدة زي الي نقتهالك فوزية:يابني اسمع الكلام هو معقولة احنا هنعمل حاجة تضرك امان:يا جماعة الي بتطلبوه ده مستحيل ازاي اتجوز واحدة ولا شوفتها ولا اعرفها ولا حتي اتكلمت معاها ..لالا ده لايمكن يحصل ولا ينفع ابدا حسين:يابني انا عارفها وعارف اهلها كويس ناس كويسين وابوها الله يرحمه كان راجل ولا كل الرجالة امان:يابا افهمني بقي انا مقدرش اتجوز بالطريقة القديمة دي الكلام ده بطل من زمان انا مش صغير انا الحمدلله اتخرجت بقيت دكتور وعندي عيادة وشغل في القاهرة لو بتعملوا كده رسمين انكوا تربطوني هنا جمبكوا فده مش هيحصل فوزية:طب علشان خاطري يابني شوفها بس ..اذا معجبتكش بلاش منها الجوازة دي حسين بيبصلها بصة معناها انه مش موافق علي اقتراحها حسين:اقعد معاها يابني واتكلموا امان:ماشي وده هيبقي امتي بقي؟ حسين:قبل الفرح بكام يوم امان:ايه؟؟واحدة خلاص هتجوزها وعايزني اقعد اتعرف عليها قبل الفرح بكام يوم؟؟ امال الخطوبة لزمتها ايه؟ حسين:انت عارف اننا معندناش خطوبة امان:عن اذنكوا لسه جي من سفر واخدتوني علي مشمي ونبقي نكمل كلامنا بكره حسين:ماشي يابني اطلع استريح ولينا كلام تاني بكره ويذهب امان فوزية:مابلاش منها الجوازة دي وخلاص سيبه ينقي الي هو عايزها حسين:انا عايز افهم بقي مالها بدور بنت همام وحشة؟؟ ماانتي عارفاها فوزية:انا عارفاها وانت عارفها ابنك ميعرفهاش..بلاش تغصبها عليه حسين:الموضوع انتهي انا عارف مصلحته كويس وكلمتي هي الي هتمشي فوزية:يا خوفي من الي بتعمله و ترجع تندم وتظلم الواد والبت حسين:انا بعمل الصح يا فوزية ده لسه صغير ميعرفش مصلحته فين فوزية:انتو حريين بقي مع بعض..انا ماشية *********** امان في غرفته امان وهو يتحدث في الهاتف:ايوة يا سميحة الغي كل المواعيد والحجوزات…القاعدة باينها هتطول هنا المرادي سلام امان:اما نشوف ايه الحكاية معاك ياحاج حسين مصر اوي تجوزهاني ليه؟ وبعدين بقي انا هطلع من الورطة دي ازاي بس ياربي وفي الصباح الباكر يخرج امان من غرفته الي الصالة وحسين علي السفرة هو وفوزية امان:صباح الخير ياحاج حسين ببرود:صباح النور فوزية محاولة لتلطيف الجو:اعملك شوية شاي تشربها يابني من بتاع زمان تلاقيك نفسك فيه امان:شكرا ياامي مش عايز وتذهب فوزية امان:ابا انا عندي شغل مهم في مصر ولازم ارجع ضروري مش هينفع اقعد اكتر من كده انت عارف ال….. حسين مقاطعا:فكرت ف الي اتكلمنا فيه امبارح؟ امان:ونبي يابا متضغطش عليا سبني اختار لنفسي حسين:مش هتعرف امان:انا مش صغير وعارف مصلحتي واكيد هختار الي تحبني واحبها ونكون مناسبين لبعض مش واحدة عمري ما شوفتها حسين بعصبية وهو يدق يده علي المنضضة:هي كلمة قولتلهاولازم تتسمع ومن غير نقاش ولا فاكر نفسك كبرت علينا وهتمشي كلامك كمان فرحك علي بدور بنت همام الخميس الجي وده اخر كلام عندي سواء وافقت او موفقتش دي حاجة تقرف وينهض حسين فوزية مسرعة فوزية:في ايه ابوك متعصب ليه ما كان كويس امان:ياامي ارحموني بقي هو الجواز بالعافية فوزية:لا مش بالعافية بالرضا والتفاهم بس ابوك عايز مصلحتك صدقني يابني بدور بنت همام دي بنت كويسة امان:هي المحروسة اسمها بدور؟ فوزية:اه بدور وهي بدر البدور امان:بلا بدور بلا شموس انا ميهمنيش الكلام ده انا مش هتجوزها فوزية:اسمع الكلام ابوك عايز يطمن عليك وانت عارف ان ابوك صحته مش حمل مناهدة امان في استسلام:حاضر..بس اشوفها زي مكا قولتولي فوزية:ماشي..اقعد بقي كمل فطارك امان:مش عايز…انا هطلع اوضتي اكلم الممرضة تظبط المواعيد…اما نشوف اخرتها في العطلة دي ويذهب امان فوزية:ربنا يهديك يابني ************** وبعد 3 ايام حسين وامان وفوزية في المنزل حسين:بدور هتيجي دلوقتي وهتقعد معاها زي ما انت عايز امان:طيب ماشي اروح اجهز بقي حسين:متتاخرش امان:حاضر فوزية:لما تيجي سبهم لوحدهم بلاش تقعد زي العزول حسين:ماشي ولونه ميصحش فوزية:دول خلاص علي وش جواز وبعدين ابنك متربي لا بتاع كده ولا كده حسين:اما نشوف وينزل امان فوزية:هي علي وصول خلاص امان شكله طبعا مضايق وبيبتسم كده وهو مش طايق نفسه وفاجاة تدخل بنت من علي الباب مغطاة الوجه فوزية:ادخلي يا بدور متتكسفيش امان بهمس:دي مغطية وشها فوزية:سلو بلدنا كده ولا انت عايزها تجيلك حاطة حمر واخضر وعاملة شعرها اصفر امان:مهو مينفعش لازم اشوفها فوزية:وطي صوتك حسين:اتفضلي يابنتي بدور:سلام عليكم يا جماعة فوزية تقوم تسلم عليها وتبوسها فوزية:ازيك يا بدور بدور:الحمدلله حسين:طيب نسبكوا مع بعض بقي امان:ما تخليكوا ياحاج حسين وهو مضايق:معلش لازم تبقوا لوحدكوا امان بطهق:زي بعضه ويذهب حسين وفوزية وتجلس بدور ويجلس امان بجوارها امان:ااااا مساء الخير بدور بصوت جميل ورقيق:مساء النور امان بلهجة خجل وتردد:انا امان بشتغل دكتور وعندي عيادة في مصر وانتي؟؟؟ بدور:انا….انا مبشتغلش امان:اقصد يعني عرفيني بفسك بدور بهدوء وتردد:انا بدور عندي 22 سنة امان وهو حاسس انه مش حابب القاعدة خالص هو انا ممكن اشوف وشك بدور:هااا لا اصله سلو بلدنا وبعدين……. امان مقاطعا:خلاص خلاص امان في سره:يخربيت السلو علي بيت الكلام الفاضي ده الدنيا بتتقدم واحنا محلك سر ويبصلها امان ويلاحظ حاجة غريبة في عنيها وهي تدقق فيه لاول مرة وبعد كده تنزل بنظرها لتحت امان وهو زي مايكون متخدر وهو بيبص في عنيها ومرة واحدة يجي هوا جامد اوي من بره يطيروا النقاب الي هي لابساه ووشها يبان امان تعجب من شكلها لانه لقاها بنت جميلة اووووي عنين بني وشعر بني فاتح وبياض بس هيكدب احساسه بيها وهيرجع لموقفه الاولاني بدور اتكسفت ودارت وشها بسرعة طب استاذن انا بقي امان:مع السلامة وتذهب بدور حسين:ها امان:ها ايه انا بدوب متكلمتش معاها كلمتين علي بعض ده منظر واحد وواحدة هيتجوزا كمان يومين فوزية:معلش بكره تتعرفوا بعد الجواز امان:يوووو بكره بكره انا داخل انام تصبحوا علي خير وبعد يومين فرح امان وبدور وبعد انتهاء الفرح وطبعا امان مش مبسوط امان وبدور في الاوضة بدور:مش هتشيل النقاب من علي وشي امان:مفيش داعي شوفتك مرة كفاية بدور تحس انه مش مبسوط وتزعل من كلامه امان:انا لازم ارجع مصر بكره عندي شغل مهم هناك بدور:هاجي معاك امان:لا هتفضلي هنا بدور:ليه؟ امان:من غير ليه تصبحي علي خير بدور بحزن:وانت من اهله ويذهب امان للنوم بدور في سرها:واضح ان هما غصبوه عليا بس معلش انا قادرة اسعده ويسافر امان الي مصر امان في العربية ايوة يا سميحة انا جي في الطريق كلمي المرضي بتوعي ويوصل امان للعيادة وتدخل عليه فريدة كمريضة فريدة:صباح الخير يا دكتور امان وهو معجب ومتنح بابتسامة:صباح النور…بتشتكي من ايه يا مدام؟ فريدة:لا انا انسة امان وهو سعيد:غبي فريدة بتعجب:هو مين؟ امان:الي يشوف الرقة دي كلها ويسبها كده فريدة:هههههههه ميرسي يا دكتور امان:طب يلا بقي علشان اكشف علي حضرتك ********************************************* بدور قاعدة في بيت والدين امان بتعيط فوزية:مالك يابنتي؟ بدور:مفيش وفاجاة خالها يجي بدور تجري عليه وتحضنه وهي بتعيط خال بدور:مالك في ايه في عروسة تعيط يوم صباحيتها بدور:صباحية ؟؟ لا مفيش انا بس صعبان عليا فراقكوا فوزية:ياشيخة خضتيني افتكرت زعلانة من حاجة كده ولا كده بدور وهي بتمسح دموعها:لا يا خالة وهو انتو بردو تعملوا حاجة تزعلني فوزية:طيب سيبي الرجالة تعد مع بعض وتعالي معايا نرغي في المطبخ بدور بابتسامة:حاضر ********************************* بدور في المطبخ مع فوزية فوزية:قوليلي بقي انتي زعلانة علشان امان سابك..معلش هو شغله كده بقي بدور في سرها:اه سابني وحتي ملمسنيش وكانه مجبور عليا فوزية:بتسرحي ليه مالك؟ بدور:مفيش انا….انا هروح اشوف الاكل علي النار واعمل شاي لعمي حسين وخالي فوزية:يلا روحي ************************************ امان بعد ما يكشف علي فريدة امان:حضرتك تمام مفيش حاجة هو يمكن بس شوية التهابات في المعدة فريدة بابتسامة واعجاب:طب الحمدلله امان:انسة فريدة فريدة:نعم امان:هو ممكن رقمك؟ فريدة:افندم؟؟ليه؟؟ امان:ااااا علشان ابقي اطمن عليكي يعني فريدة بخبث:مفيش مانع يا دكتور هات تليفونك اسجلهولك امان معجب اوي بفريدة فريدة:استاذن انا امان:اشوفك الاستشارة الي جاية ضروري علشان اطمن فريدة:ان شاء الله سلام امان:سلام تذهب فريدة امان:سميحة!!! وتدخل سميحة نعم يا دكتور امان:هي مين دي؟ سميحة:دي فريدة عز الدين استاذة في كلية الاداب امان:اااه ودي يعني تعرفي عنها ايه؟ سميحة:هي بنت ناس اوي زي ما حضرتك شايف واعرف ان اخوها عنده مكتب استيراد وتصدير امان بمزح:وانتي عرفتي كل ده منين بقي ياحلوة؟؟ سميحة:دي اهم مريضة عندنا وبتيجي علي طول علي فكرة مش اول مرة امان:بجد؟؟؟ازاي مكنتش باخد بالي منها سميحة:واضح انها مبترتحش غير معاك يا دكتور امان:تقصدي ايه يابت سميحة بخوف:ونبي ما اقصد حاجة امان:طب يلا غوري اعمليلي شاي ودخلي الي بعده سميحة بزهق:حاضر..رجالة عنيهم زايغة امان:بتقولي ايه؟؟؟ سميحة:مبقولش حاجة امان:طب يلا امشي وتذهب سميحة ********* بدور بتقدم لخالها الشاي بدور:اتفضل يا خالي خال بدور:متشكر يابنتي حسين:اقعدي بقي بدور:حاضر حسين:امان متصلش بدور:لا يا عمي حسين:طب ازاي بقي مش كان لازم يطمنك انه وصل بدور:ميهمش انا هكلمه وتذهب بدور للاتصال بامان ويلاقي امان رقم غريب ويجيب عن الهاتف امان:الوو بدور:ايوة ياامان انت وصلت امان وهو مضايق من اتصالها:من بدري وفي العيادة كمان بدور:ومكلمتنيش ليه تطمني امان:معلش نسيت بدور:هترجع البلد امتي؟ امان:لما افضي معلش عندي شغل سلام ويغلق امان الخط بدور في سرها:هو بيعاملني كده ليه؟ المفروض اني مراته اه بس لو اهله يعرفوا انه…….يلا اهو نصيبي هقول ايه؟ ******************** امان بعد ما يقفل مع بدور هيتصل بفريدة امان:الو فريده باستهبال:مين؟ امان:انا دكتور امان الي… فريدة:اه اه افتكرتك خير في حاجة امان:لا بس كنت بطمن عليكي فريدة:انا كويسة امان:هو انا ينفع اشوفك فريدة:الاستشارة فاضل عليها اسبوع كمان امان:اقصد يعني….بره العيادة وكده في كافيه مثلا ايه رايك؟ فريدة:اممممم موافقة امان:طيب هايل فاضية بكره الساعة 2 فريدة بفرحة:اه امان:طيب تمام سلام فريدة:سلام فريدة بترقص من الفرحة واخوها فاجاة يدخل عليها يوسف:ايه الفرحة دي كلها فريدة بابتسامة وسعادة:اخيرا حس بيا انا بقالي سنة بروح عنده وبتحجج علشان يعبرني واخيرا حس بيا يوسف:هو مين ده؟؟ ااااااه استني يكنش دكتور المعدة والامعاء بتاعك الي قولتي انك معجبة بيه فريدة:هو يا جو يوسف:طب اتقلي متبقيش مدلوقة عليه كده فريدة:متخفش..ده عزمني بكره يوسف:بجد؟؟ فريدة بسعادة:اه يوسف:زي ما قولتلك اتقلي عليه لا يفتكرك مدلوقة فريدة:متخفش اختك عارفة هي بتعمل ايه؟ يوسف:طيب انا هنزل عندي شغل سلام فريدة:سلام ******* بدور في منزل امان في الصعيد جالسة سارحة في الصالة فوزية:ايه يابنتي مالك ؟ بدور:مفيش حاجة سلامتك ياخالة فوزية:امان اتصل بيكي؟ بدور:اه ده حتي بيكلمني علي طول فوزية هتحس ان في حاجة مش مظبوطة طيب يابنتي وتذهب فوزية بدور في سرها:والعمل ؟؟اطلق منه؟؟ لا لو اطلقت منه هتبقي فضيحة وخالي مش حمل فضيحة زي دي ولا حمل مصاريفي ده جوزني مخصوص علشان يخلص مني ومن مصاريفي عنده حق عياله اولي خليني متحمله كده وخلاص بعد مرور اسبوع امان وفريدة بعد عددة مقابلات ينجذبوا لبعض ويحس انها الانسانة المناسبة بالنسباله امان وفريدة في مطعم بيتعشوا امان:عايز اقولك حاجة؟ فريدة بشغف:ايه؟ امان:تقبلي تتجوزيني؟ فريدة وهي مبتسمة وسعيدة:ايييييييه؟ انا….. امان وهو بيفتح العلبة ويظهر خاتم الماظ حلو اوي امان:تقبلي؟؟ فريدة وهي بتهز راسها:ده علشاني؟ امان:لا ماجره وهرجعه كمان ساعة اخلصي فريدة:ههههههههه موافقة طبعا ويلبسها امان الخاتم ويبوس ايديها ************ بدور بتتصل كتير بامان وهو مع فريدة في المطعم ومبيردش عليها وفريدة هتلاحظ فريدة:ايه ما ترد يمكن حاجة مهمة امان:ولا يهمك مفيش اهم منك انهارده فريدة:هههه انت كلامك حلو امان:مش احلي منك فريدة:طب خلاص ادام انت طلبتني للجواز لازم تروح تكلم اخويا امان:طبعا من بكره خديلي بس معاد منه فريدة:تعرف بقي ان انا معجبة بيك من زمان وكنت بتحجج بالمرض علشان اجيلك امان:هههههههه تصدقي اني طلعت غبي فريدة:اخص عليك ياحبيبي متقولش كده علي نفسك امان:يا ايه؟ فريدة:حبيبي امان:الله قوليها تاني فريدة:هههههه حبيبي وتبص في ساعتها معلش انا اتاخرت اوي لازم امشي امان:هوصلك استني ويوصل امان فريدة للبيت فريد اول ما تدخل البيت يوسف:ايه ؟ فريدة:انا فرحااااانة اووووي يوسف:خير في ايه؟ فريدة:امان طلبني للجواز وعايز يقابلك حتي بص جابلي ايه يوسف:الله ذوقه حلو اوي فريدة:اخليه يجي امتي بقي؟ يوسف:بكره طبعا فريدة:بحبك يا جو…تصبح علي خير *************** بدور تتصل ب امان وهو في منزله امان:الو بدور:ازيك؟ امان:ازيك انتي؟ بدور:الحمدلله مش ناقصني الا جوزي امان:معلش مشغول ممكن اتاخر عبال ما اجي بدور:ليه؟ امان:عندي شغل ممكن سلام بقي علشان تعبان وهنام بدور:سلام ويغلق امان الخط بدور في سرها:هو ليه كل لما اكلمه يبقي عايز يقفل معايا علي طول ومش عايز يجي كمان امان في سره:وبعدين بقي انا هخلص من اللزقة دي واتجوز فريدة ازاي؟؟ الحل الوحيد ان محدش من اهلي هناك يعرف جوازي بفريدة ولا فريدة تعرف اني متجوز واحدة تانية في بلدي…طب واذا …اذا عرفت هتعمل ايه؟…لالا هي مش هتعرف طول مهي في مصر وبدور في البلد ربنا يستر ************* بدور في المنزل فوزية:ايه كنتي بتعملي ايه؟ بدور:كنت بتصل بامان علشان اطمن عليه فوزية:ومالك وشك متغير كده ليه؟ قالك حاجة تزعلك الواد ده؟ بدور:هااا لا ابدا ده حتي بيعاملني معاملة حلوة اوي كانه يعرفني من زمان بدور في سرها:تقصدي تقولي كان في تار بايت بينكوا….هو انتي امتي بقي هتقوليلهم علي الحقيقة هتفضلي تكدبي كده كتير فوزية في سرها:مبتعرفيش تكدبي يا بدور اكيد في حاجة بدور:طيب ياخالة انا داخلة انام تصبحي علي خير فوزية:وانتي من اهله يابنتي وتذهب فوزية وتدخل بدور اوضتها وتعيط ************ امان يذهب ليقابل يوسف يوسف:لازم نتفق علي شوية حاجات امان:ايه؟ يوسف:انت شايف طبعا اننا عايشين في فيلا واختي مينفعش تعيش في اقل من مستواها يعني لازم تجبلها فيلا امان بتردد وكانه حاسس انه طلب صعب عليه:اه طبعا طبعا يوسف:علي خيرة الله يبقي فرحكوا الخميس الي بعد الجاي امان وهو سعيد:ربنا يتمم بخير يوسف:الف مبروك امان:الله يبارك فيك وتدخل فريدة امان:مبروك يا عروسة فريدة:مبروك يا عريس ****************** ويذهب امان الي البنك موظف البنك:متاكد انك عايز تسحب كل ده من رصيدك امان بتردد:أيوة وعايز أعمل قرض موظف البنك:خلي بالك القروض بفوايد كمان امان:عارف موظف البنك:طب ايه بقي الضمان للقرض امان:عيادتي وعربيتي وفدانين قرض في الصعيد موظف البنك:تمام امان حاسس انه بيورط نفسه وبيعمل مصيبة بس مضطر علشان يتجوز فريدة انه يعمل كده ********** ويوم فرح امان وفريدة بدور في المنزل تستيقظ من نومها فاجاة وتحس بالقلق وكان قلبها حاسس بدور:هو في ايه؟ هو انا مالي مش علي بعض الساعة دي ليه ********* امان عمل لفريدة فرح حلو اوي وبعد انتهاء الفرح يروحوا اوضتهم امان:تعرفي ان انا بحبك اوي فريدة:تعرف انت بقي ان انا بحبك اكتر امان:طب ما يلا فريدة:يلا ايه؟ امان:هو المفروض ان انا اوضح اكتر من كده ما انتي عارفة كل حاجة يا لئيمة فريدة بابتسامة:متكسفنيش بقي ويحملها امان الي الغرفة وفي الصباح الباكر امان امام المراة وفريدة نائمة وتستيقظ فريدة:صباح الخير امان:صباح النور يا روحي فريدة:رايح فين كده علي الصبح امان:رايح اتفق مع المهندس الي هيشطب فيلتنا انتي نسيتي ولا ايه؟ فريدة:اااه بس بدري كده ما تخليك معايا شوية امان:معلش علشان الحقه….يلا سلام فريدة:سلام ويذهب امان الي الفيلا ويلتقي بالمهندس امان:المهم مش هوصيك الديكورات الي قولتلك عليها تتنفذ وترتيب العفش كمان المهندس:متقلقش عيب ده انا الي عاملك ديكورات عيادتك امان:ماشي يلا بقي وريني همتك وتتصل بيه فريدة فريدة:انتي فين يا حبيبي؟ امان وهو بيبص يمين وشمال علشان محدش يسمعه انا في عش الزوجية الجديد يا حياتي فريدة:طيب ماشي..اوعي تتاخر امان:انا اقدر جيلك هوا اخلص بس مع المهندس واتفق معاه فريدة:بحبك امان:انا اكتر يلا سلام فريدة:سلام امان:قولي ياباش مهندس هنستلم امتي؟ المهندس:شهر بالكتير امان:لا كتر اوي شد حيلك المهندس:هنحاول اهو ادينا شغالين امان:علي خيرة الله ************* بعد مرور شهر علي جواز امان وفريدة ينتقلوا للعيش في الفيلا فريدة:امان عارف الفيلا ناقصها ايه؟ امان:ايه؟ فريدة:شغالين امان:انتي عارفة في ازمة شغالين في البلد فريدة:معلش بقي هنحاول امان:ماشي هحاول ادورلك امان فاجاة وشه يتغير فريدة:ايه؟ امان:مفيش فريدة:قول بقي مبقاش بايخ ده انا مراتك امان:خايف مقدرش اسدد القرض الي اخدته علشان اشتريلك الفيلا وكمان معنديش ولا مليم في البنك خلاص سحبت كل رصيدي فريدة:لا ياحبيبي هتسدده انت دكتور ناجح وهتقدر تسدده ************ بدور في المنزل حسين:ايه امان متصلش؟ فوزية:ولا حتي بعت جواب ولا رسالة حسين:لالالا الواد ده زودها اوي ازاي يعد كل ده ميسالش علينا ولا علي مراته الي رميها وقاعد في مصر وسايبها وحتي مش مكلف خاطره يجي يومين يسال عليها من يوم ما اتجوزا هو ده يبقي اسمه جواز ده انا اراهنك ان البت نسيت شكله فوزية بتحاول تهديه:معلش يمكن مشغول حسين:مشغول ومراته الغلبانة دي الي قاعد شهرين مبيسالش عليها فوزية:معلش الغايب حجته معاه حسين:هي كلمة واحدة مفيش غيرها اذا كان هيعد كل ده سايب مراته وهاملها يبقي تنزل تعيش معاه في مصر!!! فوزية:بس…. حسين:زي ما قولت بدور هتنزل تعيش مع جوزها في مصر وده اخر كلام عندي بدور:يا عمي كلامك علي عيني وراسي بس انا قولتله وهو موافقش معرفش رد فعله ايه لما يلاقيني عنده في مصر حسين:ولا يهمك ..هو الواد ده يقدر يكسرلي كلمة.؟زي ما قولت من بكره الصبح بدور هتحضر شنطتها وتروح تعيش مع امان في مصر بدور:بس انا معرفش عنوانه ولا طريقه حسين:هديهولك متخفيش بدور:طب هسافر لوحدي كده؟ فوزية:وهو انتي صغيرة؟ وبعدين انتي رايحة لجوزك يعني عادي…متخفيش وفي الصباح الباكر الساعة 6 الصبح بدور بتحضر شنطتها علشان تسافر مصر لامان وتذهب في القطار وتوصل مصر هتطلع الورقة الي كاتبة فيها العنوان وهتروحه وهتوصل للشقة بدور:لو سمحت هو الدكتور امان ساكن هنا البواب:لا الدكتور امان عزل بدور:عزل؟؟ طب ماتعرفش راح فين؟ البواب:لا والله بدور:طيب شكرا بدور في سرها:وبعدين انا هعمل ايه دلوقتي ؟طب انا هكلمه وتتصل بدور بامان وهو مع فريدة امان :يوووو عايزة ايه دي كمان فريدة:هي مين؟ امان:هااا لا سميحة الممرضة بتتصل فريدة:طب رد يمكن حاجة مهمة امان:لالا ويقفل تليفونه ويرميه بدور:كده بردو الاول مبتردش وبعد كده تقفله انا مش فاهمة هو مش طايقني كده ليه؟معذور يمكن عنده شغل ..شوية كده واكلمه..اوووووف *************** حسين وفوزية في المنزل في الصعيد فوزية:طب مش نكلم امان نديله خبر؟ حسين:ياستي زمانها وصلت وبعدين اذا ملقتوش في البيت اهو معاها عنوان العيادة فوزية:يوووو تلاقيها وصلت من بدري بلاش بقي تزعجهم تلاقيها وحشاه هههههههههه حسين:يلا ربنا يهنيهم ***************** امان وهو في غرفته امان في سره:انا احسن حل اعمل لها بلوك وخلاص مش وقتها خالص ولو فريدة شافت رقمها هتحس بحاجة فريدة تتدخل فاجاة فريدة:امان معلش انا لازم انزل مع يوسف علشان اصلح العربية امان:ماشي هتتاخري فريدة:لا يدوب ساعة امان:وانا كمان هنزل علشان عندي شغل فريدة:ماشي امان:ماشي ياحبيبتي سلام فريدة:سلام يا حبيبي يوسف مستني فريدة بره يوسف:يلا بقي اما نشوف حكاية العربية الي بتقطع دي فريدة:ماشي بس علي الله المكانيكي يعرف يصلحها يوسف:متقلقيش مكانيكي اصلي فريدة:طيب يلا مش عايزة اتاخر ************** الساعة 4 عصرا بدور بتحاول تتصل بامان علشان تعرف مكانه بس طبعا عمل بلوك فا بيقفل لوحده بدور:والعمل انا هعمل ايه دلوقتي؟؟يوووو ياربي بقي تقف بدور في ركن وتبدا تعيط طبعا محتاسة لا عارفة طريق امان ولا عارفة تتصل بيه وحتي معهاش فلوس ترجع تاني البلد وتكون فريدة ويوسف معديين بالعربية من جنب بدور فريدة:استني كده اما اشوف الي بتعيط دي حكايتها ايه يوسف:واحنا مالنا بس فريدة:يااخي اصبر وتنزل فريدة من العربية لبدور فريدة:مالك بتعيطي ليه؟ بدور وهي تبكي:انا تايهة ومش عارفة اعمل ايه؟ فريدة:هو انتي مش من هنا بدور:لا فريدة:طب وانتي منقبة؟؟ بدور:لا بس ده احتشام يعني فريدة:طب تعالي معايا متخفيش تعالي وتذهب معها بدور الي السيارة فريدة سايقة العربية ويوسف جنبها وبدور وراها فريدة:انتي بقي ليكي في الطبخ وكده؟ بدور:طبعا انا اصلي من الصعيد وبعمل شغل البيت من زمان اوي فريدة:متخفيش انا هساعدك انتي هتعيشي معايا في البيت بدور بخجل:لا مهو اصل مش هينفع فريدة:هو ايه الي مهو؟؟ متخفيش مش ببلاش يعني بصي ياستي انا محتاجة شغالة ضروري عندي شغالة بس مش هتسد لوحدها بدور:شغالة؟؟؟ فريدة:متخفيش انتي هتعيشي معايا انا وجوزي في البيت وهتاخدي مرتب كويس قولتي ايه؟ بدور بخجل وتردد:موافقة بدور:وهو حضرتك ساكنة فين؟ فريدة:انا وجوزي عايشين في فيلا في المهندسين..تسمعي عنها؟ بدور:اه ويوصلوا الي الفيلا فريدة:اسمعي بقي النقاب الي انتي لابساه ده مينفعش هنا احنا هنا مش في بلدكوا بدور:يعني البس ايه؟ فريدة:هتقلعي ده خالص وتلبسي هدوم هخترهالك ماشي؟ بدور بخجل:ماشي بدور وتروح تقلع النقاب وتطلع ويوسف يشوفها وينبهر من جمالها يوسف في سره:الله ايه الحلاوة دي . فريدة:ايه الجمال ده كله…كل ده كان مسخبي تحت النقاب بدور بخجل:بجد حلوة؟ فريدة:لا انتي مش حلوة…انتي تهوسي..هديكي شوية لبس من عندي تلبسيه بدور:طيب يوسف في سره:ايه ده كله بقي الحلاوة دي تشتغل في البيوت فريدة:ادخلي بقي دلوقتي واول ما جوزي يجي هندهلك علشان تتعرفي عليه بدور بابتسامة:ماشي بعد اذنك وتذهب بدور فريدة:هاا شايفها مؤدبة وغلبانة صح؟ يوسف:وحلوة اووووي فريدة:يوسف الله دي شغالة يا اخي يوسف:بس تهوس فريدة:اتلم يلا بقي وريني عرض كتفاك ويذهب وهو بيبص علي بدور ومعجب بيها فريدة:يلا بقي بسرعة علشان امان هيرجع يوسف:ااااااه طيب ياستي ربنا يهني امان بفريدة بدور تسمع يوسف وهو بيقول امان بره وتفتكره انا هخليني هنا بس لحد ما لاقيه وساعتها همشي فريدة:صحيح انا نسيت اسالها اسمها ايه؟ وتدخلها فريدة المطبخ تصوري نسيت اسئلك اسمك ايه؟ بدور:بدور فريدة:الله ده اسم حلو اوي بس انتي احلي طبعا تبتسم بدور فريدة:بصي بقي انتي هتجهزي الغذا علشان امان راجع دلوقتي ده معاد رجوعه بدور:امان؟؟ فريدة:جوزي اسمه امان بدور:غريبة فريدة:هو ايه الي غريبة؟ بدور:هااا لا ولا حاجة ويدخل امان من باب الفيلا فريدة حبيبتي انتي فين؟ فريدة:ايوة يا حبيبي جاية..طيب خليكي بقي هنا هتهجزي العشا زي ما قولتلك وانا رايحة اشوف جوزي بدور:ماشي فريدة:اه هجبلك واحدة كمان جنبك تيجي تساعدك اكيد مش هتقدري علي كل ده لوحدك بدور بابتسامة:ماشي فريدة تخرج من المطبخ لامان فريدة:مش هتصدق امان:لا هصدق قولي فريدة:لقيت شغالة امان:بجد؟ لقيتيها فين؟ فريدة:هقولك بس تعالا ويدخل امان معاها الاوضة بدور في المطبخ بتجهز العشا فريدة بعد ما تحكي لامان علي بدور تخرج من الاوضة فريدة:استني لما اعرفك عليها امان:ماشي فريدة:بدور….بدور بدور تخرج من المطبخ ايوة نعم فريدة:تعالي هعرفك علي الدكتور بدور:حاضر وتوصلهم بدور وامان يشوفها ويتخض جامد اوي وهي كمان هتشوفه وهيعدوا يبرقوا ويبصوا لبعض وفريدة بتتكلم وهما مش سامعينها اصلا فريدة:اعرفك ياستي ده الدكتور امان حسين جوزي بدور بمكر واستحقار:اهلا امان طبعا يحس انه مكسوف منها اوي ومش قادر حتي يبصلها فريدة:بص بقي ياحبيبي دي بدور الشغالة الجديدة اي حاجة تعوزها وانا مش موجودة هتعملها علي طول امان وهو مطءطء الراس:ماشي بدور وهي بتبص لامان نفس البصة:انا رايحة احضر العشا عن اذنكوا بدور هتروح المطبخ وهي بتعيط فريدة هتروح وامان هيدخل المطبخ وهو بيتسحب وهيشوف بدور وهي بتعيط وبدور هتاخد بالها من وجوده وتدير وشها امان بخجل:بدور خليني اشرحلك بدور:انت مش محتاج تشرح حاجة انا خلاص عرفت وفهمت كل حاجة …عرفت ليه كنت بتعاملني كده وكل لما اكلمك تبقي مش طايقني لو كنت اعرف فعلا انك مبتحبنيش مكنتش اتجوزتك وورطتك الورطة دي امان وهو بيتصعب عليها:بدور علشان خاطري بلاش تحسسيني بالذنب انا عارف اني غلطت بس… بدور وهي بتمسح دموعها و مقاطعة:متخفش محدش هيعرف حاجة لا اهلي ولا اهلك…..ولا حتي مراتك..انا هفضل هنا خدامة في بيتك امان وهو مضايق علشانها:اانتي هتضحي التضحية دي كلها علشان……. بدور مقاطعة:لا مش علشانك ..علشان اهلك واهلي والي ممكن يعملوا وكمان علشان مسببلكش مشاكل مع مراتك الي بتحبها …اوعي تكون فاكرني مش فاهمة..انا من اول يوم اتجوزنا فيه عارفة انك مبتحبنيش ومش موافق علي الجوازة دي امان:بدور انا اسف بدور:مش محتاج تعتذر علي حاجة الغلطة مش غلطتك …الغلطة غلطة اهلي واهلك واتكتب عليا انا ادفع ثمنها امان:انا.. بدور:مش هتقول ولا كلمة تاني خلاص..اتفضل بقي لازم احضر العشاء امان يخرج من المطبخ وهو زعلان علشانها وفي نفس الوقت حاسس من ناحيتها احساس غريب وخايف بسبب فريدة طبعا ويروح امان اوضته وفريدة بتكلمه وهو مش معاها خالص سرحان في بدور تروح بدور اوضتها وطبعا بتعيط وتتصل بيها فوزية اول ما هتشوف الرقم هتترعب وهترد فوزية:ايه ها وصلتي؟ بدور:ايوة يا خالة فوزية:عاملة ايه؟ بدور:الحمدلله فوزية:اديني امان من جنبك بدور:هااااااا لا اصله نايم فوزية:هههههه طيب تصبحي علي خير بدور:وانتي من اهله يا خالة وتغلق بدور الخط وتنام في الصباح الباكر فريدة:بدور انا نازلة اجيب شوية حاجات تعالي معايا هنقيلك كام حاجة بدور:حاضر وتروح بدور مع فريدة وتشتريلها هدوم حلوة اوي بدور:بس دول كتير اوي فريدة:متخفيش دول من مرتبك مش م جيبي بدور:هههههه ماشي بدور في سرها:شكلها طيبة ربنا يسعدهم ويروحوا البيت ويكون امان رجع فريدة:امان معلش يا حبيبي اتاخرنا …روحي يا بدور اعملي الغدا بدور وامان بيبصلها وهي بتبصله بهدوء حاضر فريدة:اه بالمناسبة صفية الشغالة جت هتساعدك هناك بدور:طيب وتدخل بدور المطبخ وتلاقي صفية ست كبيرة بس هاي كلاس بدور:صباح الخير ياخالة صفية:خالة؟؟؟ بدور:لامؤاخذة يا حاجة صفية:حاجة؟؟؟ انتي جاية منين يابنتي؟ بدور:الصعيد..ليه؟ صفية:ااااه بتعرفي بقي تطبخي ولا هتتعبيني بدور بثقة:جربيني صفية وهي بتهز راسها:ماشي وتطبخ بدور الغذا وصفية تدوق منه يابنت اللذين ده انتي استاذة مطبخ بدور بابتسامة:ربنا يخليكي صفية:طب اخرجي بقي قدميه يلا بدور:حاضر و تخرج بدور ومعاها الغدا وتحطه علي السفرة وامان بيبصلها فريدة:شكرا يا بدور روحي انتي كلي في المطبخ بدور ساعتها هتزعل شوية وامان هيحس انه تسبب في جرح كبير ليها وبهدلة امان اول ما هياكل منه هيعجبه اوي فريدة:طبخها حلو اوي صح امان وهو هيمان فيها وسرحان اه اوي ويدخل يوسف يوسف:ايه انا حماتي بتحبني صح؟ فريدة:دي بتمو؟؟؟ت فيك دوق كده الاكل يوسف:الله مين الي طبخت فريدة:دي بدور يوسف:اه المزة الفحت الي جبتيها امبارح امان هيتغاظ اوي يوسف!!! من فضلك الكلام ده ميتقلش في بيتي يوسف:اوكي اوكي متتحمقش اوي كده امال لو حد قال كده علي مراتك امان في سره:مهي المصيبة انها مراتي يوسف:طيب استاذن انا بقي علشان واضح ان قعدتي هنا بايخة فريدة:استني بس يوسف:معلش امان شكله مش طايقني فريدة:معلش تلاقيه مضغوط في شغله…ما تقول حاجة ياامان امان:انا مش شايف اني غلط عن اذنكوا وينهض امان من علي السفرة يوسف:انا ماشي… سلام فريدة:سلام فريدة:ايه ياامان ده؟ احرجته يااخي ثم انت مالك اتحمقت اوي كده ليه هي كانت من بقيت اهلك؟ امان:لا بس ميصحش الكلام ده في بيتي فريدة بدلع:خلاص متزعلش بقي وتلوي بوزك امان:انا محتاج قهوة فريدة:اقول لبدور تعملها؟ امان برفض شديد:لا وقال بارتباك:اقصد انا هقولها فريدة تلاحظ وتستغرب شوية طيب قولها انت …انا طالعة اخد شور امان:طيب ويدخل امان المطبخ لبدور وهي بتغسل الاطباق بدور:نعم يا دكتور عايز مني حاجة؟ امان:بدور من فضلك اسمعيني بقي بدور:اوامرك يا دكتور تحت امرك اطلب وانا انفذ امان:ما بلاش اسلوبك المستفز ده بدور:امال عايزني اكلم سيدي ازاي ؟؟ معقولة انده لولي نعمتي حاف كده من غير القاب يا….يا دكتور امان:ممكن تبطلي بقي بدور باسلوب حاد:نعم خير جي عايز مني ايه؟ امان بهدوء:انا عايزك تفهمي ان الوضع ده مش هيستمر كتير بدور بتريقة:والله ؟؟لا والله فيك الخير انك ناوي تعتق جريتك لوجه الله وتحررها امان:صدقيني انا مقدر الي انتي فيه كويس امان هيحط ايده علي كباية مشروخة وايده هتتعور امان:اااااااااااااه ايه ده؟ بدور هتتخض عليه جامد اوي بدور:مالك حصل ايه؟؟ طب استني انا هعلجلك الجرح ده هات ايدك وتذهب بدور لاحضار قطن ومطهر وتعالج لامان الجرح وهو عمال يبصلها بصة غريبة ومختلفة بابتسامة غريبة بدور ببرود:هااا كده كويس؟ امان:شكرا بدور بتلجج:العفو معلش هروح بقي علشان ورايا شوية حاجات في المطبخ امان:ماشي بدور وهي ماشية هتفتكر حاجة بدور:اه بالمناسبة خالة فوزية كلمتني وسالتني عليك امان:كلمتك امتي؟ بدور:امبارح بليل امان:وانتي قولتلها ايه؟ بدور:متخفش قولتلها اني قاعدة معاك واني وصلت..وانت كمان متقولهاش حاجة ابوك عيان ومش حمل حاجة زي دي امان في سره:ياااااه انتي اصيلة اوي كده؟ بدور:انا رايحة بقي هاا عايز مني حاجة؟ امان:لا بدور:عن اذنك وتذهب بدور وامان بيبصلها شكله وقع في حبها بس مش عارف في الصباح الباكر محمود يتصل بامان محمود:ايوة ياامان انا وصلت مصر امان:بجد؟ حمدلله علي السلامة ياخويا محمود:الله يسلمك امان:تعالالي بقي عندي البيت اهو اعرفك علي مراتي محمود:انت اتجوزت؟؟ امان:هاااا اه ياسيدي محمود:كان نفسي احضر فرحك بس معلش ملحوقة امان:كلمت ابوك وامك؟ محمود:طبعا عرفوا اني وصلت بس مقالوليش انك اتجوزت امان:حبوا يخلوني اقولك الخبر بنفسي..كده بردو يا واد يا واطي تعد الوقت ده كله متسالش علي اخوك..محمود انا محتجلك اوي محمود:معلش والله مشاغل..مالك بس احكيلي امان:لما اشوفك مش هينفع في التليفون محمود:المهم هات عنوانك اجيلك هوا امان:تامرني…خد عندك ياسيدي ************ بدور في اوضتها بتودب حاجتها ومن جيب حاجة من هدومها تقع ورقة علي باب الاوضة وهي متشوفهاش وتروح علشان تشوف شغلها في المطبخ وهي في طريقها للمطبخ فريدة:صباح الخير بدور:صباح النور فريدة:امال فين صفية؟ بدور:قالت انها مش جاية لمدة شهرين علشان عندها ظروف وقالتلي ابلغك فريدة: ماشي…..الفطار جاهز؟ بدور:5 دقائق بس فريدة:شهلي الدكتور لازم يفطر قبل ما يروح شغله بدور:حاضر وقبل ما بدور تدخل المطبخ امان ينزل فريدة:صباح الخير يا حبيبي امان وهو بيبص لبدور وعارف انها واخدة بالها صباح النور فريدة تحضنه متتاخرش انهارده ها علشان عايزة اتعشي معاك امان ببرود:حاضر بدور طبعا زعلت اوي لما لقيتها حضنته فريدة تاخد بالها ان بدور لسه واقفة فريدة بعصبية:انتي واقفة عندك بتعملي ايه؟ يلا روحي حضري الفطار امان يبص لفريدة بغضب ويبص لبدور بحنيه وكانه بيواسيها وبدور ساكتة بدور:حاضر فريدة:شكلها واقفة بتتصنت علينا بس ولا يهمك انا هادبها امان:معلش بلاش تعمللها حاجة فريدة:لا دي لازم شوية شخط علشان تمشي عدل الحنية مش هتنفع معاها اوي امان:اخويا محمود انهارده جي علي الغدا اعملي حسابه فريدة:حاضر هبقي اقول لبدور امان:سلام عليكم فريدة:ايه مش هتفطر معايا؟ امان:معلش مستعجل فريدة:ماشي سلام وتذهب فريدة الي المطبخ فريدة:اعمليلي قهوة وبلاش الفطار مليش نفس بدور:حاضر وتعمل بدور القهوة فريدة وهي معدية من جنب اوضة بدور هتشوف الورقة الي وقعت وتاخدها فريدة:ايه الورقة دي؟ وتاخدها وتجلس في الصالون وبدور جايبلها القهوة فريدة:انا لقيت الورقة دي بدور تبص وتبرق وكانها شاكة في حاجة وتفتحها فريدة وتقراها وتقول بصوت مسموع دي قسيمة جواز بدور اول ما تسمع كده تفتكر انها وقعت قسيمة الجواز وقبل ما تقرا فريدة اسم الزوج تدلق بدور القهوة عليها وعلي الورقة فريدة بعصبية:انتي مجنو؟؟؟نة ايه الي انتي عملتيه ده؟ انتي غبية ولسه جاية تضر…..بها بالقلم تلاقي امان مسك ايديها!! امان بعصبية:انت ايه مجنونة عايزة تمدي ايدك عليها؟؟ فريدة بعصبية:واكسرلها دماغها كمان…ثم..انت بتمسك ايدي علشان مضر..بش الز؟؟؟؟بالة دي امان بعصبية:فريدة من فضلك ..الي بتعمليه ده مينفعش امان يبص لبدور ويلاقي دمو…ع في عنيها وبتعـ,ـيط وهتصـ,ـعب عليه اوي هيحس زي ما تكون حتة منه امان:بدور ادخلي انتي دلوقتي وتذهب بدور وهي تبكي فريدة:انت اتجننت هي حصلت تكلمني كده ادام الشغالة امان:انت مش عارفة انتي عملتي ايه؟ عايزة تمدي ايدك عليها ليه؟ فريدة:دلقت عليا القهوة وعلي ورقة كنت بقراها امان يبص للورقة الي متغرقة قهوة فريدة:ثم انت ايه الي رجعك مش قولت مستعجل؟ امان:نسيت حاجة وجيت اخدها فريدة:ماشي ياامان وتذهب فريدة امان ياخد الورقة و يدخل المطبخ يلاقيها بتعيط يحس تجاهها احساس غريب اوي امان:متزعليش يا بدور..هي الورقة دي بتاعة ايه؟ ويوريها الورقة بدور وهي تبكي:دي قسيمة الجواز خفت تقراها روحت دلقت عليها القهوة بدور تاخدها منه امان يحس بخجل من اصلها وندم وانها عملت كده علشانه طب متزعليش خلاص كفاية بقي عياط يطلع منديله ويمسح دموعها امان:انا لازم امشي بدور:مع السلامة امان:مع السلامة امان في سره:بقي معقولة تدلق قهوة علي قسيمة الجواز وتعرض نفسها للاهانة علشان فريدة متعرفش….قد كده يهمها ساعدتي..ااااااه شكلي كده هلبس في حيطة سد ********** فريدة في غرفتها بتتصل بيوسف فريدة:يوسف تعالالي حالا يوسف:خير يافريدة فريدة:بقولك تعالالي حالا لما تيجي هفهمك يوسف:حاضر جيلك ********** يوسف يجي لفريدة الفيلا فريدة تحكيله علي الي حصل يوسف:بقي معقولة تعملي عقلك بعقل حتة شغالة ثم عادي يعني موقفه ده فريدة:عادي؟؟عادي انه يمسك ايدي علشانها يوسف:اه عادي تلاقيها صعبت عليه فريدة:انا همشي واسيبله البيت يوسف:هتمشي وتسيبي البيت علشانها ما تعقلي بقي يافريدة فريدة:هي كلمة واحدة همشي واسيب البيت ولما يعرف بقيمتي هيجي يصالحني يوسف:حضري شنطتك وتعالي ادام مصرة وتحضر فريدة شنطتها وتمشي وتنده علي بدور وتيجي بدور فريدة:بلغي بقي الدكتور اني ماشية وسيبهاله مخد…رة سلام..يلا يا يوسف بدور مصدومة ومتسمرة في مكانها بدور في سرها:وانا هقوله ايه بس؟ربنا يستر جرس الفيلا يضر؟؟؟؟ب وتفتحله بدور ويدخل محمود اخو امان وهو لا يقل وسامة عن اخوه ويتعجب من جمال بدور ويعد متنح شوية لحد ما هيفوق علي صوتها بدور:مين حضرتك؟ محمود:انا محمود اخو الدكتور بدور:محمود؟؟ اه اهلا وسهلا اتفضل محمود:انتي شغالة هنا مش كده؟ بدور بحزن وصدمة:هااااا اه انا شغالة هنا ويدخل محمود بدور:تشرب ايه؟ محمود:مفيش داعي بدور:لا ازاي قولي تشرب ايه؟ محمود:لما يجي الدكتور بس بدور:حاضر محمود:امال فين المدام؟ بدور:هاااا محمود:بقولك فين المدام؟ بدور:خرجت …راحت تشتري حبة لوازم كده …اااا طيب انا رايحة بقي بدور مشيت لانها حسيت لو فضلت اكتر من كده هتعك في الكلام تروح بدور وتتصل بامان ويرد عليها امان:ايه في ايه ؟ بدور تحكيله علي الي حصل امان:بتقولي ايه؟ بدور:هو ده الي حصل..المهم محمود هنا دلوقتي متتاخرش بقي امان:هو وصل؟ بدور:اه امان:طيب هحاول متاخرش..سلام بدور:سلام وياتي امان بدور:حمدلله علي السلامة يا اما….قصدي يا دكتور امان بابتسامة:الله يسلمك اول ما يشوف محمود امان:بالحضن ياابو حنفي محمود:عامل ايه ياراجل؟ امان:الحمدلله تمام محمود:وحشتني امان:وانت كمان…..قهوة يا بدور بدور:حاضر وتذهب بدور محمود:الشغالة بتقول ان مراتك راحت تجيب حاجات بس اتاخرت اوي امان:انهي شغالة؟ محمود:دي..الي هي قولتلها دلوقتي تعمل قهوة امان يبصله وكانه زعل لما قال عليها شغالة اااه انا مراتي عند اخوها مش جاية انهارده محمود:طيب ماشي امان:اطلع بقي انت استريح تلاقيك راجع تعبان ونكمل كلامنا بكره محمود:ماشي تصبح علي خير امان:وانت من اهله يذهب امان الي المطبخ وبدور تبصله وهو داخل وكانت بتعمل شوية حاجات بدور:ايه مش خايف يشوفنا؟ امان بغضب:ليه قولتيله انك الشغالة؟ بدور:مقولتلوش هو خمن من شكلي ومنظري امان:اااه وانتي بقي موضحتيش ليه؟ بدور:مش هتفرق كتير عادي يعني امان:انتي مش عارفة ان الموضوع ده ضايقني بدور بسعادة وتعجب:بجد انت زعلت لما قال عليا شغالة امان بارتباك:اممم ها طبعا مش مراتي؟ بدور بتريقة:مراتك؟؟؟ ما علينا انت لازم تروح تصالح مراتك امان:انتي الي بتقولي كده؟ بدور:الي سمعته امان مكسوف اوي من اصلها وجدعنتها ومعجب بشخصيتها بس…. بدور مقاطعة:مفيش بس اعمل حسابك بكره هتروح تصالحها امان:ماشي بدور:تصبح علي خير امان:وانتي من اهله في الصباح الباكر امان خارج علشان يصالح فريدة ومحمود لسه في البيت وهيشوفه وهو نازل محمود:هتروح فين علي الصبح كده مش قولت انهارده اجازة؟ امان:رايح اصالح فريدة واجبها البيت محمود:تمام ولونها يعني…. امان مقاطعا:محمود.!!!لاحظ انك بتتكلم علي مراتي محمود:والله ما اقصد حاجة…بس مش عارف انت ازاي متخدتش راينا قبل ما تتجوزها امان:والله بقي انا حر انا مش عيل صغير….انا ماشي….سلام محمود:سلام….ربنا معاك محمود في سره:يااااااا بوظ الاخص دي هترجع تاني….ربنا معانا ********* امان يوصل بيت فريدة ويخبط علي الباب ويوسف يفتحله يوسف:نعم امان:مفيش اتفضل.؟ يوسف:اتفضل يدخل امان وتخرج فريدة انت جي ليه؟ امان:ممكن تهدي؟ فريدة:انت عايز مني ايه بعد ما جرحت كرمتي قدام حتة شغالة زي دي امان:فريدة الامورمتتحلش كده فريدة:امال تتحل ازاي يا دكتور يا محترم امان وهو يقترب منها:بالهدوء يا فريدة…فريدة انا اسف فريدة:ها وبعدين؟ امان:ارجوكي اهدي وارجعي معايا البيت فريدة بتحاول تهدي وترضي ماشي انا هرجع ياامان بس بشرط امان:ايه هو؟ فريدة:البنت الشغالة دي تطردها من البيت قدامي امان بصدمة:ايه؟؟ انتي اتجننتي ؟ عايزة تعملي عقلك بعقلها؟ فريدة:هو ده شرطي يوسف:فريدة اعقلي ياماما اشحال لو مكنتيش انتي الي جايباها وياخد يوسف فريدة علي الاوضة ويقنعها طبعا مش علشان سواد عيون امان ولا مصلحة اخته بس علشان بدور عاجباه يوسف وفريدة في الغرفة يوسف:ارجعي مع جوزك واسمعي الكلام فريدة:لا يا يوسف انا قولتله شرطي واذا مكنش عاجبه يخبط راسه في الحيط يوسف:ارجعي معاه وساعتها ممكن بشوية ذكاء منك تقرفيها في عشتها وتمشي لوحدها او تمشيها بس بالذكااااء فريدة:ذكاء؟؟ يوسف:ايووووة ذكاء…الموضوع مش مستاهل كل ده انتي كبرتيه جدا فريدة وهي تفكر في حديث يوسف:فعلا معاك حق انا مش هخرب بيتي علشان حتة شغالة زي دي…انا هرجع معاه يوسف:عليكي نوووور….يلا ربنا يهديكي…اخرجي بقي وقوليله الكلام ده فريدة:حاضر تخرج فريدة انا موافقة ارجع معاك البيت بس لو حصل منك حاجة تانية انت حر امان:ماشي يلا بقي يوسف في سره:ايوووة كده …كده هبقي اقرب لبدور ولازم هاخد منها الي انا عايزه بس اهم حاجة فريدة متغضبش تاني اليومين دول علشان اعرف اقرب من بدور وتذهب فريدة مع امان الي الفيلا فريدة:انتي يا زفتة يا الي اسمك بدور؟ طبعا امان هيطق لانها بتشتمها تيجي بدور بسرعة “نعم” فريدة:انتي هتكنسي البيت ده حتة حتة بدور بحزن وصدمة:حاضر امان طبعا زعلان بس مش عارف يعملها ايه وخلاص علي اخره ومتعصب علشانها تروح بدور تنفذ الي فريدة قالت عليه امان:ملوش لازمة تعملي كده معاها فريدة:اسكت انت انا اعرف اتعامل مع الاشكال دي كويس امان:انتي حرة اووووووف انا داخل اوضتي محمود نازل من اوضته حضرتك المدام؟ فريدة:ايوة انا مين انت؟ محمود:انا اخو امان فريدة بجفاء:اه اهلا عن اذنك وتذهب فريدة محمود:ياساتر هي مالها قليطة كده ليه؟ بدور وهي بتنضف برواز عالي كانت هتقع ومحمود يجري عليها علشان يمسكها ويشلها قبل ما توقع يعد يبصلها زي ما يكون اعجب بيها!!! محمود:انتي كويسة بدور وهي مديرة وشها:اه ممكن تسبني بس؟ محمود:اه صح اسف اتفضلي بدور:شكرا وتذهب بدور محمود في سره:بقي الملاك دي تشتغل في البيوت والقليطة التانية دي تبقي صاحبة البيت…عجبي عليك يا زمن بدور تروح المطبخ ومحمود يجي وراها محمود:تحبي اساعدك؟ بدور:شكرا ويخرج محمود لانه هيحس ان بدور حرجته ************ يوسف هيتصل بفريدة وهي في اوضتها فريدة:ايوة يا يوسف يوسف:بقولك ايه ؟ فريدة:ايه؟ يوسف:انا هاجي اعد معاكي يومين ايه رايك؟ فريدة:تعالا يوسف:حاضر…بس هتقولي لامان فريدة:البيه جاب اخوه يقعد معانا من غير ما يقولي مفيهاش حاحة لما تيجي…تعالا يوسف:هواا…سلام فريدة:سلام ******** ويجي يوسف وامان يشوفه وهو داخل امان:ايه الي جاب اخوكي ؟ فريدة:جي يقعد معانا امان:انتي قولتيلي؟؟؟؟ فريدة:زي ما انت مقولتليش ان اخوك جي كمان انا جبت اخويا يقعد معانا يومين فيها حاجة امان:انتي عايزاني اطرد اخويا؟؟ وبعدين اخويا ملوش بيت هنا انما انتي اخوكي ليه بيته فريدة:معلش بقي انا مش هطرده اتحمله اليومين دول محمود سمع الكلام ده وجه محمود:خلاص ياامان اذا كان وجودي مضايق مراتك انا همشي امان:يا محمود اهدي ايه الي بتقوله ده؟ محمود:انا سمعت كل حاجة ..انا خلاص همشي بكره امان:يااخي اقعد بس صدقني فريدة متقصدش محمود:انا لازم امشي علشان ورايا شغل ولازم ارجع امان:ماشي انت حربي ********** يوسف يذهب الي غرفة من الغرف وتذهب اليه فريدة يوسف:ابه مالك حامية علي جوزك كده؟ فريدة:متغاظة يااخي مش عارفة ليه مرضاش يمشي الشغالة دي؟ يوسف:اما امرك عجيب مش انتي الي جبتيها؟ فريدة:جبتها علشان تبقي ملهاش مكان الا هنا وتشوف طلبات البيت مش تاخد جوزي في صفها يوسف:معلش اتكي علي الصبر بكره تمشي فريدة:خلاص علي العموم انت هتفضل هنا اول ما اقولك امشي تمشي فاهم؟ يوسف:ماشي وتذهب فريدة ********* وفي المساء بدور نايمة في اوضتها ويوسف يطلع يتسحب ويروح لاوضتها ويفتح الباب ولسه هيحط ايده علي شعرها هيلاقي ايد مسكت ايده وهتصحي وتشوف المنظر ده محمود:انت هنا بتعمل ايه؟ يوسف:انا …انا هااا محمود بعصبية:انت ايه بس؟ بقي مش مكسوف من نفسك يااخي جاي تتهجم علي بنت نايمة في نص الليل بدور تقوم من علي السرير وتقف قدامهم بدور:هو في ايه؟ محمود:متخفيش انا معاكي امان وفريدة يسمعوا الصوت العالي وينزلوا تحت في اوضه بدور امان يشوف المنظر ويتخض في ايه؟ فريدة بعصبية:في ايه يايوسف؟ماتتكلم يوسف:البيه هو والحلوة دي شوفتهم مع بعض وهما…….. بدور وهي بتعيط:اخرس محمود:صدقني يا امان ده كداب ده هو الي كان عايز يتحر؟؟؟ش بيها امان ساكت مبيردش فريدة بعصبية:خلاص كفاية بقي كدب انتي تلمي هدومك وبره من هنا بدور:ما تقول حاجة ياامان؟؟ فريدة:امان؟؟ انتي ازاي يابت انتي تقوليله امان حاف كده يلا غو؟؟ري بره محمود:كفاية كده يا مدام هي مش كدابة ولا انا كداب ولا ايه ياامان؟ فريدة:ماتتكلم ياامان امان ينزل ض…رب في يوسف وفريدة بتحوش عن يوسف وبعدها هتاخده وتخرج بره الاوضة بدور هتبدا في العياط ومحمود بيهديها محمود:بدور …تتجوزيني!!! بدور بتفاجا وصدمة:ايه.؟ انت بتقول ايه؟ امان مصدوم وبيبرق محمود:صدقيني انا اقدر احميكي من الز؟؟؟بالة الي زي يوسف ده بس تقبلي تتجوزيني بدور وهي تبكي:الي انت بتقوله ده مينفعش محمود:ليه مينفعش؟ بدور وهي بتعيط:انت…..انت مش فاهم حاجة مش فاهم حاجة محمود:طب فهميني انتي….انا اتعايب في حاجة؟؟ بدور:لا محمود بتعجب:امال….امال مينفعش ليييه؟؟ امان قرر في اللحظة دي انه لازم يقول لاخوه علي الحقيقة ويتكلم بدور:علشان انا….انا ابقي امان مقاطعا:دي تبقي مراتي محمود يتصدم ويبصلهم هما الاثنين وبدور بتعيط ومش عارفة تقول ايه ******** فريدة وهي بتعالج جروح يوسف فريدة:معلش يا يوسف انا مش هقعدلة في البيت ولا ثانية يبقي اخوه هو الي عامل العملة ويضر؟؟؟بك انت يوسف:هو عمل كده لانه … فريدة:لانه ايه؟ يوسف:بصراحة بقي شكله عينه منها فريدة:انت بتقول ايه؟ يوسف:هي دي الحقيقة..امان بيحب البت دي وكل افعاله بتقول كده فريدة:ماشي لو الي بتقوله صح انا هوريهم فريدة تحضرهدومها وتمشي وامان يخرج من الاوضة امان:فريدة استني فريدة:ورقة طلاقي تجيني وابقي اشبـ,ـع بالخدامة بتعاتك وتمشي وتسيبه يدخل امان تاني الاوضة لبدور و لاكأن فريدة مشيت ولاحاجة ************ محمود وامان وبدور في اوضة بدور محمود:مرتك؟؟؟ مراتك ازاي ؟؟ ما تفهومني امان يحكيله علي الي حصل محمود:يعني انتي تبقي مراته؟ بدور:ايوة محمود:وجالك قلب تشغلها عند مراتك الثانية خدامة وتسبها تبهدل فيها وواحد زبالة زي يوسف يعمل معاها كده امان:الحمدلله ربنا ستر بعد الي حصل مش هخلي مخلوق يلمسها ويعانقها امان محمود يبصلهم وهو سعيد وكانه فرحان بيهم رغم انه حبها امان في سره:انا بايني حبيتك ولا ايه بدور تفوق لنفسها وتسيب امان امان:في ايه؟ بدور:في ايه؟؟؟في اني اتبهدلت بسببك ووصلت كمان ان اخو مراتك كان عايز……انا تعبت بقي امان:يا بدور صدقيني انا اسف وانتي عارفة انه مش بايدي حاجة..احنا ممكن نهرب من اي حاجة الا الحقيقة بدور:اي حقيقة؟ امان:انك مراتي بدور بعصبية:اه فعلا مراتك الي متجوزها ومش متجوزها الي حتي ملمستهاش وبتشتغل عندك شغالة….مراتك بورقة جواز مدلوق عليها قهوة وقلب مجروح ونفس مكسورة وعنين ورمت من كتر العياط وفي الاخر بتقولي مراتك ده انت غريب يااخي …عن اذنك محمود:ايه؟؟؟؟ امان:بدور استني بس….بدو محمود:انت كمان ملمستهاش؟؟ امان:ونبي يا محمود مش ناقصاك انت كمان..انا هروح اشوفها ويخرج امان ومحمود من الاوضة يلاقوها رايحة للاوضة تاني ويدخل امان وراها الاوضة امان:انتي بتعملي ايه؟ بدور:زي ما انت شايف بلم هدومي وماشية…انا بقي المرادي الي همشي امان:يا بدور اعقلي بقي بدور:سبني في حالي بقي امان:طب خدي خدول خليهم معاكي بدور:شكرا انا مش محتجاهم انت نسيت اني بشتغل هنا عندك خدامة وباخد مرتب بدور تاخد من الفلوس مرتبها وتسيب الباقي امان:انا جوزك ولازم اديكي مصاريفك بدور:اذا كان الجواز بالنسبالك واحدة ملمستهاش واتجوزت عليها ومتدتش نفسك فرصة حتي تعرفها يبقي ظلم وحرام عليا لو مطلقتش منك انا ماشية ويتصل حسين بامان ويجيب امان عن الهاتف وبدور لسه واقفة امان:ايوة ايوة الحمدلله…..ايه؟ اه طبعا خلاص تشرفوا!! سلام استني انتي مش هتقدري تروحي في اي حتة بدور:ليه؟ امان:علشان ابويا وامي وخالك جايين بكره من البلد وهيعدوا معانا يومين بدور بفزع:اييييييييه؟ محمود:يانهار اسووود
