ظننته حبا 2

ظننته حبا
حلقة ٦
*توسط جواد لرفع ماده عن جودي ولكنه طلب منها عمل بحث بالاتفاق مع دكتور الماده حتى لا تشعر ان الموضوع كان سهلا و تتخاذل في استذكار دروسها و محاضراتها كما فعلت
سلوى: الحمد لله جواد انقذك اظن بقى تفوقي لنفسك وبلاش تنفذي كلام باسل وانت عا-ميه
:اسمها مغمضه
:لا عام-يه يا جودي حطي مصلحتك الاول قبل كل شيء
:المشكله ان لازم دلوقتي اختار التخصص وهو عايزني اختار تدريس وانا مش بحبه انا عايزه تدريب
بقلمي سحر السحرتي
:ثاني يا جودي هتجنن-يني انت بتست-هبلي اولا تخصص التدريس مش هتقدري تشتغلي في مجال ثاني غيره انما تخصص تدريب تقدري تشتغلي تدريس كمان اوعي تسمعي كلامه
:طب اعمل ايه اقول له اني اخترت تدريس و اك-ذب
:هو انت كل شويه هتك-ذبي عشان تاخذي حقك مش معقول واجهي ولو زعل يتف-لق ويشرب من البحر
:ايوه بس انا بحبه
:تصدقي انا حاسه انك مش بتحبيه ولا حاجه انها مساله تعود وهو مس-يطر عليك بشكل مستفز
:بقول لك ايه بدل ما تقعدي تحللي شخصيتي قولي لي على حل
:ما فيش غير حل واحد
:دليني عليه افكارك بتنقذني
:مامتك تقفشك
:نعم
:اه مامتك تعرف بموضوعكم و هيبقى قدامه حل واحد يتقدم لك وتقولي له انها اصرت تختاري القسم ده
: طب ما هي لو عرفت هتمنعني اشوفه
:لا ما انا هقول لك نعمل ايه عشان نجبره يتقدم و تشوفي هو فعلا عايزك ولا بيضحك عليك
*شرحت سلوى الخطه و بدات في تنفيذها
:طنط مها عايزه اتكلم معاكي قبل جودي ما ترجع من الكليه
:خير يا سلوى محتاجه حاجه يا حبيبتي
:لا عايزه احكي لك على حاجه بس توعديني ما تتعص-بيش و تتصرفي معاها بهدوء
:خير قلقتيني هو الموضوع يخص جودي
: اه انت عارفه انها لسه صغيره والحب مش بايدينا
:حب ايه هي جودي بتحب
:اه يا طنط بتحب باسل ابن عمها و بيتكلموا في التليفون
:يعني علاقتهم وصلت لفين
:ما فيش يا طنط صدقيني كله بس في التليفون فانا قلت ابلغك تتكلمي معاها تنصحيها زي اي ام وكمان تكلمي عمو فهمي يشوف ابن اخوه ناوي على ايه بدل ما تتعلق بيه وقلبها يتك-سر بس بلاش تعرف اني قلت لك
: امال هقول لها اني عرفت ازاي
:شوفي هي بتكلموا كل يوم بالليل فحضرتك تدخلي عليها وبعدين
بقلمي سحر السحرتي
*شرحت سلوى الخطه في المساء كانت جودي تتحدث مع باسل
:يا حبيبي اعمل ايه انا مش بحب تخصص التدريس بس بحب التدريب ما اقدرش اتعامل مع الاطفال انا بستحملهم في التربيه العملي بالعافيه
*دخلت مها فجاه
:بتكلمي مين يا جودي و اوعي تقفلي الخط
: ده … ده
:هاتي اما اشوف مين الو مين معايا …. قفل الخط الج-بان خاف يواجهني
: يا ماما هو مش ج-بان هو خاف عليا
:هو مين ده احكي لي وما تخافيش
*تعاملت مها مع جودي كما طلبت منها سلوى وروت لها جودي كما خططت سلوى
:خلاص يا جودي ادخلي قسم التدريب ولما يرجع فهمي هتكلم معاه ونشوف حل مع ابن اخوه اذا ناوي على جد يتقدم ويقرا الفاتحه
:بجد يا ماما يعني انت مش زعلانه مني
:اكيد زعلانه كان المفروض جيتي و حكيتي لي بدل ما اكتشف من نفسي وانا كمان غلطانه اني ما اتكلمتش معاكي و نصحتك … وعموما اعملي حسابك لو ما اخذش خطوه جديه يبقى تنهي الموضوع خالص
:حاضر يا ماما بس بلاش مبالغه في طلباتك اصل لسه بيكون نفسه
:ولما هو لسه بيكون نفسه بيعلق بنات الناس معاه ليه
:اصله بيحبني و خايف لحد يسبقني و يخطبني
:ده الكلام اللي كل شاب بيضحك بيه على البنت احنا هنخيره ونشوف هو جد ولا بيلعب
*عاد فهمي من العمل فتحدثت معه مها و اخبرته بما حدث
: يعني انت عايزاني اروح لابن اخويا اقول له يجي يخطب بنتك
: امال نسيبه يلعب بيها و يعلقها بيه
:بنتك اللي غلطانه لو كانت بنتي كنت قط-مت رقبتها
بقلمي سحر السحرتي
: نعم الغلط على ابن اخوك الكبير العاقل هي في الاول كانت بتعتبره زي اخوها وهو اللي شاغلها وبلاش تتهم بنتي و تجيب عليها الذنب لانها لسه صغيره واحنا كنا مامنينوا عليها هي وكل ولاد عمها
:انا اسف عايزاني اعمل ايه بالظبط
:يا اما ياخد خطوه جاده معاها يا اما يسيبها في حالها
:حاضر
*اتصلت جودي على باسل لتخبره ان والدتها علمت بكل شيء
:وانت طبعا قلت كل حاجه
:بقول لك سمعتني وانا بكلمك ما قدرتش اك-ذب هنعمل ايه
:في ايه
:مع ماما كده هتفرقنا عن بعض المفروض انك تاخد خطوه
:منين وانا لسه بكون نفسي
:انت بقالك سنتين بتشتغل وبتقول بتحوش حق الشبكه السنتين دول يجيبوا شبكه وشقه كمان
:انت هتقري علي كان عندي عجز في كام عهده اضطريت ادفع فيهم مبلغ كبير
:عجز في عهده ولا خروجك كل يوم مع اصحابك والجري ورا البنات
:بنات مين
:انا بسمع و بطنش بس لحد هنا وكفايه يا تاخد خطوه يا اما كل واحد يروح لحاله انا مش حمل به-دلة ماما ليا غير انها بته-ددني توديني عند بابا وانت ما تعرفش بابا ممكن يعمل فيا ايه
:جودي انا مش بت-هدد
: انا مش به-ددك انا بخيرك سلام
*اغلقت معه وقد بدات الشكوك تساورها
جواد: ايه اللي انا سمعته ده انت عايز جودي ولا مش عايزها
:عايزها بس مش دلوقتي عايز اعيش حياتي وبعدين افكر اتجوز مش تربطني على طول كده
:امال ارتبطت بيها ليه
: بصراحه قلت اربيها على ايدي وتعرف طبعي و متاكد انها لسه خام ومحدش كلمها او لمسها وانت عارف الواحد بيحب يتجوز واحده لسه بالسوليفان
:يعني مش بتحبها
:الحب ده هيجي مع العشره ما تشغلش بالك
:ولما انت مش بتحبها لما سالتك قلت بحبها ليه
:كنت فاكر اني بحبها بس لما صدتني قلت كويسة اخلاق وتحافظ على البيت وبعدين وانت مالك محموق لها قوي كده مش سالتك لو عايزها اسيبها لك
:احترم نفسك وانت بتتكلم عليها طريقتك مق-ززه وقلت لك انها زي اختي وبس
: انت متاكد
: اكيد متاكد مش زيك شويه بحبها وشويه تنفع للبيت
*ذهب فهمي للتحدث مع باسل امام والديه حتى يخجل من تصرفاته واذا حاول الت-هرب من الارتباط من جودي يتدخل والده
:يا عمي انا نفسي النهارده قبل بكره بس للاسف مش معايا
: ولما انت مش معاك بتربطها ليه هي مش امانه في رقبتنا كلنا عموما لو عايزها انا هساعدك
:ازاي يعني
:الشبكه هديه مني هي زي بنتي برده
:هو الجواز شبكه بس يا عمي
: ما هي على ما تتخرج تبقى انت حوشت فلوس الشقه ولا هتستهبل في دي كمان
: لا بس هعمل ايه في العفش
:مقدور عليه اللي تقدر تجيبه واللي والدها هيجيبه وانا هكمل الناقص
: خلاص اللي تشوفه يا عمي
:يبقى على نص السنه تروح مع خالها عند والدها و تطلبها منه
:نعم مش كفايه منك
: لا الاصول من ابوها طول ما هو عايش
بقلمي سحر السحرتي
: افرض رفض
:خالها هيتصرف
*سعدت جودي بهذه الخطوه وحزن جواد كثيرا لانه بذلك قد فقد حب عمره فحاول الابتعاد بالسفر الى الخارج
*ذهب باسل مع هشام خال جودي الى والدها لكنه عندما علم انه يقرب لفهمي زوج والدتها رفض
هشام :ليه يا صلاح رافض ده باسل مهندس مستقبله كويس
:بنتي وانا حر
:بنتك اللي رميتها تاني احنا عملنا الاصول لكن بما انك رفضت والبنت موافقه فاحنا هنكمل الجواز
:هتكملوه وانا مش موافق يبقى ما حدش يطلب مني اجهزها
:حتى دي يا صلاح …. ده حق بنتك عليك مش كفايه مقصر معاها السنين اللي فاتت وما حدش اتكلم وفهمي طلع راجل وصرف عليها اظن كمان مش مطلوب منه يجهزها
: طول ما هي هتتجوز واحد مش على هوايا يبقى يشيل هو
:لما السنين تدور عليك ثاني بلاش تكلمني وتقول انك عايز تشوفها
:انت هتمنعني اشوف بنتي
:على اساس انك مقطع زيارات معاها انت من ساعه ما خلفت وانت ما شفتهاش زي ما يكون كانت بتملا فراغ على ما ربنا يرزقك بغيرها
:هشام مش عايز كلام كثير وخذ عريس الغ-فله اللي انت جايبه ده وامشي
*خرج هشام وهو متاثر من هذا الكلام الجارح وحق جودي المهدور من قبل والدها امام عريسها
*ابلغ مها بما حدث فابلغت بدورها فهمي لانه سيعلم منها او من باسل
: لو سمحت يا فهمي انا عايزه انزل اشتغل
:ليه يا مها انا قصرت في حاجه
:لا بس مش معقول هتجهز جودي كثر خيرك متكفل بمصاريفها كلها من يوم ما اتجوزنا وعمرك ما قصرت هشتغل لغايه لما تخلص اكون كونت مبلغ كويس عشان جوازها
بقلمي سحر السحرتي
:هو انت قصرتي مع سيلا لما بتيجي هنا و تغلس عليك انت وهي
: لا انت عارف انها زي بنتي ومهما عملت مش بزعل منها كفايه انها حته منك
:وجودي بنتي ومن يوم ما اتجوزنا قلت لك انها مسؤوله مني وربنا رزقني من وسع من يوم ما اتجوزتك وده رزقها ولسه مسؤوله مني لغايه لما تتجوز
:ربنا يخليك يا حبيبي انت فعلا العوض
:انا مش عايز اقول لك انا مش بضحك عليك لما بقول انا فعلا ما حسيتش اني متجوز غير لما اتجوزتك وربنا كرمنا بفريد وان ما فيش زوج في الدنيا دي اسعد مني
:بجد يا فهمي سعيد معايا
: ده سؤال يا مها يعني مش عارفه الاجابه
*نترك عصافير الحب ونعود لجودي التي بكت عندما علمت موقف والدها
سلوى :معلش يا حبيبتي
:دي سنه واحده اللي حسسني انه اب وبعد مراته ما حملت رماني تاني
:بصي للجانب الايجابي
:اللي هو ايه يا عبقريه زمانك
:انك هتتخطبي لباسل
:اه بس الكلام اللي بابا قاله قدامه صغرني اكيد في عينه وممكن يعاي-رني بيه
:لا باسل متربي وعمره ما يقول حاجه زي كده خلى ايه لاولاد الشوارع
:معظم الرجاله فيهم طبع المعاي-ره
: افرحي دلوقتي وبعد كده نشوف لها حل
*تمت خطوبه باسل على جودي لكن مها كانت تتعامل بصرامه معه وعند احساسها انه يتحكم بجودي كانت توقفه عند حده
*وذات يوم بعد مده من الخطوبه طلب باسل من جودي ان تصعد لوالدته وتساعدها في اعمال المنزل
: ازاي يا باسل عايزني اطلع اساعد مامتك
:هو انت مش هتبقي مراتي والمفروض تساعديها
:ايوه بس الكلام ده مش دلوقتي الا لما ابقى مراتك
:حبيبتي ما فرقتش دلوقتي عن بعدين لو سمحتي اطلعي ساعدي ماما لانها تعبانه
:حاضر يا باسل
*راها جواد تقوم بغسل الاطباق
:انت بتعملي ايه يا جودي
:بساعد طنط عشان تعبانه
:لو سمحت يا جودي انزلي تحت عند مامتك ماما لو عايزه مساعده تجيب اي حد من بره يساعدها لكن انت ما يصحش انك تطلعي هنا ده بيت خطيبك انت لسه مش مراته
:ايوه بس باسل كده ممكن يزعل
:يزعل ولا يتف-لق يوم ما يتكلم قولي له جواد هو اللي نزلني
*شعرت جودي بسعاده لان جواد يقوم بالدفاع عنها ومساعدتها فيما عجزت عن فعله
*في مره من المرات كانت تتحدث مع باسل
:يعني ايه يا هانم دخلتى فرقه الفنون الشعبيه و هترقصي قدام الناس
:مش انا اللي دخلت الدفعه كلها مطلوب منها عروض تقدمها عشان تاخد درجه الامتحان
: في داه-يه مش لازم
: لا طبعا انا مش هشيل مواد تاني وبعدين هي مفروضه عليا السنه دي وحتى لو شلتها ماما متابعاني بعد ما سقطت في المادتين وساعات بتجيلي الجامعه تسال على حضور المحاضرات
:يعني ايه بتسال عليك
: لما عرفت اني سقطت راحت الجامعه وسالت وعرفت انه بسبب الغياب و سالتني قلت لها كنت ببقى تعبانه وبروح طبعا ما جبتش سيره جنابك انك اللي كنت بتجبرني اروح
:من ساعه ما اتخطبنا و مامتك واقفه لي على الواحده …. يعني باختصار حضرتك هترقصي قدام الناس
: مش رقص دي حركات تعبيريه زي فرقه رضا و الدكاتره بس اللي هيقيمونا عشان الدرجات
:طب يا جودي اما اشوف اخرتها معاكي
:طب خلصت تجهيز الشقه
: انا هجهزها على قد ما اقدر وبلاش طلباتك المبالغ فيها
: انا طلباتي مبالغ فيها انا بطلب زيي زي اي واحده عروسه كلها في حدود المعقول
:اهو المعقول ده خفيه شويه
:اكثر من كده
: اه لاحظي ان عمي هيكمل اللي ناقص مني يعني هيجهزك ويكمل معايا كثر خيره كان المفروض باباك اللي يجهزك …. كان عمي هيكمل الناقص بس فلازم نحس على دمنا شويه وما نزودش على الراجل
#كيف ستتصرف جودي مع كلام باسل الجارح

ظننته حبا
حلقة ٧
*شعرت جودي بغ-صه في قلبها على ذكر موقف والدها فارادت ان تمنعه من ذكر هذا الكلام مره اخرى
: بابا كان هيجيب كل حاجه في حاله انك ما كنتش العريس
*ضحك : انت مصدقه نفسك ده كان بيتلكك ما انا كنت هناك وسمعت بنفسي ده ما صدق خلص منك
*تماسكت و تحكمت في دموعها فهو صادق فيما قال ولكن لم يكن عليه ان يق-سو بكلماته عليها ….كيف سيعوضها ما افتقدته …. شعرت انها تسرعت في الموافقه على الزواج منه ولكن ليس بيدها حيله فقد بداوا في تجهيزات الزواج الفعليه وعند انتهاء امتحانات اخر العام ستتزوج
*ظلت في حيره بعد هذا الموقف مع باسل ليس من حقها طلب شيء قبقيه البنات سواء من زوج والدتها او من خطيبها فذهبت لفهمي
: بابا لو سمحت كنت عايزه اطلب نأجل الجواز سنه
: ليه يا جودي يا حبيبتي حصل حاجه
:ابدا محتاجه اشتغل الاول واقف على رجلي
: احنا مستنيين نفرح بيكي ابقي اشتغلي بعد الجواز اهو باسل هيبقى مسؤول يوافق ولا لا هو حر
:يا بابا ارجوك افهمني انا محتاجه اثبت ذاتي قبل الجواز لان ممكن اتعطل
:بلاش كلام فارغ ولو مصره اتكلمي مع خطيبك هو مستعجل قبل مني
: انا كنت عايزه التاجيل يجي من ناحيتك انت بما انك عمو فلك كلمه عليه
:لا انا اصلا مش موافق اتفقي معاه وبلغيني
*خافت جودي من محادثه باسل في هذا الموضوع فقد بدات عصبيته تظهر كثيرا وبررت انه مضغوط من اعدادات الزواج …. وقد بدات ايضا يده تمتد عليها من وقت الى اخر
*فقررت الذهاب الى والدها فهو مسؤول عنها
: ازيك يا بابا وحشتني
:انت لسه فاكره اني لك اب اكيد عايزه حاجه
:انا كل ما اقول لك عايزه اجي تقول مش فاضي
بقلمي سحر السحرتي
: اه ببقى مش فاضي جايه ليه مش عملتي اللي في دماغك و اتخطبتي لقريب جوز امك وكانك من غير اب
: انت رفضته من غير ما تقعد معاه وتعرف هو كويس او وحش
:يعني لو كنت قعدت معاه و لقيته وحش كنت وافقتي على كلامي
: وليه لا مش انت بابا و بتخاف على مصلحتي ولو اقنعتني بعيبه اكيد كنت سمعت كلامك
:قصره عايزه ايه
:محتاجه حاجات للجواز واكيد مش هروح اطلبها من جوز ماما
:دلوقتي بقى جوز ماما مش كان بابا
:انت اللي اجبرتني اقول له بابا ولا ناسي رمي-تك ليا سنين غير رمي-تك ليا من على السلم
: انت جايه تحاسبيني يا بنت مها
: لا مش بحاسبك بس انت ابويا وحقي عليك انك تجهزني زي اي بنت
: ما عنديش طول ما انت هتتجوزي العريس ده
*بكت وهي تترجاه
:بابا لو سمحت بلاش تك-سر بخاطري ما عنديش حد اطلب منه بلاش ابقى في نظر خطيبي قليله و ابويا رميني ارجوك
:هي مها زقاك عليا
:لا ما حدش يعرف اني جايه لك بابا ارجوك كمان مره بلاش تعمل معايا كده انا كنت صغيره و سامحت بس وانا كبيره مش هقدر اسامح
:وانا مش محتاج السماح بتاعك ده في حاجه
:يعني مش هتديني فلوس
:ولا جنيه
:طب مش عايزه ممكن تبقى وكيلي في الجواز اظن ده مش هيكلفك حاجه
:برضو لا طول ما انت بتع-صي كلامي
*بكت بح-رقه من قس-وته وظل-مه
:افتكر كويس قوي اللحظه دي انا جيت لك وانت كس-رتني مش قدام نفسي بس لا وكمان قدام الانسان اللي هتجوزه لو جوري جات لي في المنام مش هبلغك دي اخر مره هنقل لك منها رساله
:عايزه ايه ست جوري تاني
:بتقول لك اكشف على فارس وخلي بالك منه سلام
:تعالي هنا معناه ايه كلامك ده
:معناه انه تعبان وهي عايزاك تلحقه من الاول
: عنده ايه
:ما اعرفش هي قالت كده وبس
:لا فارس ازاي انا هصرف عليه من جنيه لمليون
: ربنا يقدرك تصرف عليه وتسيب بنتك
*وتركته وذهبت مكس-وره الخاطر دون وعي وجدت نفسها تتصل على جواد
:خير يا جودي
:لو سمحت ممكن اقابلك
:ليه في حاجه
: اه لما اشوفك انا واقفه على النيل قريب من البيت
*وصفت له العنوان وذهب اليها مسرعا فقد كان صوتها متالما
:مالك يا جودي قلقتيني
:متضايقه وزعلانه وانت اول واحد خطر على بالي
:طب احكي لي في ايه
: ينفع ما احكيش انا بستريح وانا بتكلم معاك
:طب مش عايزه تفضفضي معايا ليه
:اقول لك اني مكس-وره ومق-هوره من الراجل اللي حامله اسمه ولا من الراجل اللي هبقى على اسمه اقول لك اني مضطره اكمل في جوازه حسيت انها غلط لمجرد ان جوز والدتي هو اللي بيجهزني
: يعني انت مش عايزه تكملي ليه هو باسل عمل لك حاجه وباباك ماله هو كمان
*انهمرت دموعها كثيرا
: اهدي بس وفهميني
: مش قادره احكي يا جواد الموضوع صعب
:طب لو الجزء بتاع باسل انا ممكن ادخل واكلمه
: تفتكر هيرضى يفسخ الخطوبه ده ما صدق حد يساعده في تجهيز الشقه وواخد عروسه فوق البيعه
:هي وصلت انك عايزه تفسخي انت مش بتحبيه
:هتصدقني لو قلت لك مش عارفه
بقلمي سحر السحرتي
*لم يرد جواد الاصطياد في المياه العكره
:اكيد كل ده توترات قبل الجواز ودائما بيحصل مشاكل من النوع ده بس انت بتحبيه بقى لك كام سنه
:صح انت عندك حق انت كمان اكيد هتدافع عن اخوك انا همشي
:استني بس حصل ايه وانا هساعدك
:زي ما انت قلت توتر قبل الجواز
:طب وحصل ايه من باباك
*اخفت عليه انه رفض اعطائها بعض المال لانها تعرف جواد جيدا كان سيعطيها ويصر عليها لانه كان دائما يعطيها بحجه انها تنجح بالاجابه على اسئلته اثناء الشرح
:بابا رفض يكون وكيلي في الجواز
:وانت زعلانه ليه ما انت عارفه انه رافض جوازك من باسل
: انت شايف انها حاجه ما تزعلش وتخلي صورتي قدام خطيبي وحشه
:لا باسل مقدر كويس قوي انك اتمسكت بيه
*قالت بنبره منك-سره
:اه مقدر قوي
:تعالي انا عارف ايه اللي هيخرجك من زعلك ده
*اخذها وذهب بها الى محل ايس كريم المفضل لديها
: تصدق ان باسل عمره ما خرجني ولا عزمني على حاجه زي اي اثنين مخطوبين
: تلاقيه بس مشغول في تحضيرات الفرح
: اه مشغول قوي ارجوك بلاش توجد له مبررات لاني بشوف صوره مع اصحابه وهم خارجين
:جودي الفتره الجايه لو محتاجه حاجه ما تتكسفيش تطلبيها
:شكرا يا جواد بابا فهمي مش مقصر
:اظن فاضل على الفرح شهر ونص
: اه ليه
:اصل مسافر بعد ما اطمن عليك
:مسافر فين
:جالي عقد عمل باره ووافقت
*ادمعت عينيها
:ليه كده يا جواد انا كنت ببقى مطمنه وانت هنا
*كانت الدموع تتصارع في عينيه هو ايضا
:مش هقدر اقعد في مصر
:ليه يا جواد مش هتقدر ليه
:اقصد ان المستقبل باره احسن
:ربنا يوفقك انت تستاهل كل خير
*عادت الى المنزل وهي تبكي واتصلت على سلوى روت لها ما حدث
: انا شايفه انك عايزه تتراجعي عن الجواز
:اه يا سلوى مش عارفه لما دخلنا في الجد والموضوع بيقرب قلبي بيتق-بض
:خلاص اعملي كده
: انا كنت فاكراك هتقولي لي زي جواد ان توتر بس
: امشي وراء احساسك ومن الاول كنت بقول لك اني مش مستريحه لباسل والكلمتين اللي قالهم عن باباكي ده معناه انه مش راجل ما تزعليش مني احنا بنصارح بعض بكل حاجه
:انا خايفه بابا يزعل اني هلغي الجواز بعد المصاريف اللي دفعها
:هي مشكله طبعا بس اي حاجه افضل من انك تدبسي معاه العمر كله او شويه و تطلقي انت دلوقتي على البر
:طب هحاول واشوف
بقلمي سحر السحرتي

*كانت سيلا تستمع الى حوارهم من خلف الباب فقد دفعتها ناهد بعد خطوبه جودي ان تبدا في مصادقتها وتتعامل مع مها بكل حب حتى يحين وقت تنفيذ الخطه حتى لا يشك احد بهم
*ذهبت سيلا سريعا للاتصال على ناهد
: اعمل ايه يا ماما دي ناويه تفسخ الخطوبه
: ادخلي كلميها و سانديها و هقول لك تعملي ايه معاها ومع باسل
*ذهبت الى غرفه جودي
:مالك يا جوجو شكلك زعلان
:ما فيش يا سيلا
:احنا مش اخوات هتخبي عليا اكيد بتعتبريني مش اختك ولا عشان اصغر منك بسنتين
: ابدا يا حبيبتي بس مشكله كده وبفكر اسيب باسل
: ليه ايه اللي حصل
:شويه تراك-مات مع بعضها
:اكيد ده توتر قبل الجواز كله بيعدي بالمرحله دي تصدقي بنت خالتي كانت كده يوم الفرح كانت مش هتكمل و هديناها ودلوقتي معاها ولدين طب ما كلمتيش حد تاخدي رايه
: كلمت سلوى صاحبتي وقالت لي امشي وراء احساسي
:اسمحي لي يا جودي صاحبتك دي مش بتحبك و غيرانه منك اكيد لسه ما اتخطبتش
: لا سلوى عمرها ما تعمل كده وبعدين دي لسه قدامها سنه على ما تخلص وتفكر تتجوز
:المفروض لو صاحبتك كانت تهديكي انت خلاص قربت تتجوزي وداخله على امتحانات لازم تهدي
: انت رايك كده
: طبعا انت بتحبي باسل من زمان واكيد انت متوتره عشان داخله على مرحله جديده في علاقتك اهدي كده وفكري مع نفسك
:حاضر هفكر شكرا يا سيلا
: على ايه احنا اخوات
*صعدت سيلا الى باسل
: باسل ممكن اتكلم معاك شويه اتفضلي تعالي نقعد في البلكونه
:انت عارف انك ابن عمي وجودي اختي
:لازمته ايه الكلام ده
:اصل جودي متوتره من الامتحانات والجواز فحبيت انصحك و انبهك انها خايفه من الجواز وكانت بتفكر تفسخ الخطوبه
:نعم هي تقدر
:اه وايه اللي هيمنعها
:طب والحل ده هتبقى مشكله اكيد عمي هيسحب كل حاجه جابها
:هو ده اللي همك المهم الحل انك تكلمها وتبقى حنين معاها وتحاول تهديها عشان ترجع عن رايها
:انت شايفه كده
بقلمي سحر السحرتي
: اكيد انت طول عمرك كلامك حلو و بيدوخ البنات امال انت وقعتها ازاي وبعدين جوازكم هيربط جودي بينا اكتر هتبقى اختي رسمي لما تتجوز ابن عمي
:شكرا يا سيلا اي جديد بلغيني عشان اقدر اتصرف
: اوكي انزل انا وانت بقى كلمها على طول
*استمع باسل لنصيحه سيلا واتصل على جودي وغير طريقه تعامله الجافه وعاد الى كلام الحب والغزل مره اخرى
*فعدلت جودي عن رايها فقد كانت ضعيفه الشخصيه وليس لديها قدره على مواجهه غضب زوج والدتها حين يعرف انها تريد انهاء ارتباطها بابن اخيه
*مرت الايام كان باسل يدعي الحنيه لجودي حتى لا تفسخ الخطوبه فقد استفاد من مساعده عمه له ويراها فتاه جميله ونقيه لم ترتبط باحد غيره لكن الحب ليس له مكان في قلبه
*كان جواد يعد اوراقه للسفر بعد فرح جودي فلن يستطيع رؤيتها وهي زوجه اخيه فاختار اله-رب والابتعاد عن نار حبها الحارقه
*حاولت سيلا التفريق بين جودي وسلوى صديقتها لكن فشلت فعلاقتهم اقوى من اي شيء ولم تصدق جودي كلام سيلا عن سلوى انها تغير منها و تحقد عليها لمجرد انها سوف تتزوج قبلها فهي تعلم ان سلوى دائما تنصحها لمصلحتها
*وكم مره وقفت بجانبها عندما كان باسل يق-سو عليها و يج-برها على ان تتصرف ضد مصلحه دراستها
*عندما علمت سلوى بعدول جودي عن فكره فسخ الخطوبه فضلت دعمها على ان تقف ضدها
:خلاص يا حبيبتي انت مش بتقولي باسل اتغير ورجع زي الاول
: اه بقى حنين قوي
:خلاص افرحي بقى كل الشكوك اللي كانت عندك طلعت غلط ربنا يسعدك يا حبيبتي
*ذهبت سيلا قبل الفرح لباسل و اعطته علبه دواء
#ماذا يوجد في علبه الدواء وهل سيمر الفرح بسلام

ظننته حبا
حلقة ٨
: ايه دي يا سيلا
:خالو صيدلي ولما عرف انك هتتجوز قال لي اديلك العلبه دي و بيقول لك تبدا تاخذها من النهارده
: مش فاهم بتاعه ايه
:ما اعرفش خد رقمه و اساله او دور على اسمها على النت هتعرف بتاعه ايه هو قال لي لو قلت لك مش هتفهمي لانها مصطلحات طبيه
*اتصل على خالها وعلم منه انها مقويات ستفيده عند الزواج عباره عن فيتامينات وعليه كل يوم تناول حبه ليلا نفذ باسل كلام خال سيلا
*يوم الزفاف جلست جودي شارده هل ما تفعله فعلا ما تريده لكن سيلا لم تعطيها فرصه للتراجع فقط علمت مغزى هذا الشرود وهذه النظره
:مبروك يا احلى عروسه انت واخده احلى شاب في العيله و رجوله كل البنات بتحسدك عليه وتقول يا بختك
:انا مش عارفه اشكرك ازاي يا سيلا انت وقفت معايا احسن من اخت
:انت عبيطه انت اختي حتى لو مش نفس الاب والام

:ده العشم انت وسلوى فعلا اكثر من اخوات
بقلمي سحر السحرتي
: الله صحيح فين سلوى مش عايزه تيجي زعلانه انك هتتجوزي قبلها
سلوى: و هزعل ليه يا استاذه سيلا كنت بعمل لها احلى بوكيه ورد ولعلمك خطوبتي قربت
: انا ما اقصدش حاجه وح-شه قصدي انها هتبعد بحكم انها هيبقى وراها مسؤوليات زوج و بيت انت فاهمه بقى الحاجات دي
: اكيد فاهماكي كويس بس ما فيش حاجه تفرقني عن اختي و صاحبتي
جودي :ما تيلا بقى عاملوني معامله العرايس قبل العريس ما يجي و يخطفني منكم انتم الاثنين
*تحدثت سيلا بخ-بث
:يعني يا سي باسل ما كنتش قادر تجيب لنا غرفه جنب القاعه ولا عشان القاعه صغيره ما فيهاش امكانيات صعب قوي نلبس في البيوتي سنتر
سلمى: جودي راضيه وفرحانه ودي امكانيات عريسها و الفرحه في القلب والناس اللي بيحبوها ويكونوا حواليها
:كان ميل على بابا ساعده زي كل حاجه ما ساعده كتير
جودي :كثر خيره وعمل الواجب بزياده وان شاء الله هرده لما تتجوزي يا حبيبتي واقف معاكي زي ما وقفت معايا في فرحك
: وعد ما تقوليش باسل رافض او تعبانه في نونو
: وعد بس شدي حيلك
: قريب هتسمعي اخبار حلوه
:اوبا و مخبيه علينا احكي
: هو ده وقته وبعدين ده مجرد نظرات اعجاب مع واحد زميلي
بقلمي سحر السحرتي
*ارادت سيلا ان تخفي الموضوع عنهم ولا يعرفون ماذا تقصد فقد رسمت والدتها الخطه باحكام وخرجت حتى لا ينكشف امرها
*لاحظت سلوى شرود جودي
: ما تزعليش الفرح مش بكبر القاعه وعارفه انك زعلانه كمان عشان ما عملتيش حفله حنه
:مش زعلانه كل الحاجات دي البنت بتحلم بيها بس ما قدرتش اطلبها من جوز ماما الراجل ما قصرش خالص معايا بس شفتي كانت بتلمح بايه
:صغيره و طاي-شه ما انت عارفاها احمدي ربنا انها اتغيرت معاكي بقى لها فتره مش كنت بتشتكي منها
:وبابا اللي اتحايلت عليه يجي ويبقى وكيلي
:انت عايزه تنكدي على نفسك وخلاص ده طبعه وانت عارفاه بس حاسه ان في حاجه ثانيه
:لا ثانيه ولا ثالثه
:عليا برده فضفضي قبل ما تيجي سيلا
:مش عارفه يا سلوى اللي بعمله صح ولا غلط
: لا انت وصلت لمرحله ما ينفعش تسالي السؤال ده انت متوتره بس عشان حياه جديده
:بس ده ما كانش رايك قبل كده
:قبل كده كان في وقت ترجعي في كلامك وانت اللي تراجعتي لكن دلوقتي هتتسببي في مشاكل كثير قوي و السبب اللي كان خلاكي تفكري تتراجعي باسل ضيعه باهتمام وحبه
:عندك حق لازم افرح دي مره في العمر
:طب تعالي اما الحق اقرصك في ركبتك قبل سيلا ما ترجع وتقول بح-قد عليك
: هههههه اوعي ايدك بتوجع
:ايوه كده لو ما حصلتكيش في جمعتك هعرف اني قرصتك بالراحه واجي اعض-ك احسن
: هههههه يا مجنونه
*دخلت سيلا :العريس وصل
*ذهل باسل من جمال جودي وقبل يدها واخذها ليركبوا السياره
بقلمي سحر السحرتي
*كان جواد من يقودها عندما التقت عيناها بعينيه ارتسمت ملامح الحزن على كل منهم هي لا تدري لما هذا الشعور لكنه متاكد من شعوره
:مبروك يا اجمل عروسه مبروك يا باسل
:عقبالك يا حبيب اخوك واكون جبت عربيه احلى من بتاعتك و ازفك فيها
سيلا :انا هقعد جمب جواد سلوى اركبي انت جمب جودي وباسل
*صعد الجميع و همست سلوى في اذن جودي
:هو في ايه بالظبط مالك زعلتي لما شفتي جواد اوعي تكوني
: لا كل الحكايه ان باسل كان بيقلل اختلاطي معاه ودلوقتي اكيد هيمنع اي كلام لانه بيغير وانا بستريح وانا بتكلم وياه
:جودي انت بتحاولي باي طريقه تنكدي على نفسك
:حاضر يا سلوى
*وصلا الى القاعه وبدا الماذون في عقد القران عندما انتهى بكت جودي
باسل: اكيد دموع الفرح
: لا دي دموع الحزن
*ص-دم الجميع من ردها فنغ-زتها سلوى في كتفها فشرحت قبل ان يفهموها خطا
: كان نفسي بابا يبقى وكيلي
*اخذها خالها في حضنه
:معلش يا حبيبتي ربنا عوضك بفهمي وهو اصر يبقى وكيلك
: طبعا ربنا يحفظه ليا ما تزعلش يا بابا بس كان نفسي يعمل معايا اي حاجه صح بما اني مكتوبه على اسمه
بقلمي سحر السحرتي
: فهمك يا حبيبتي ولولا الظروف كنت بقيتي بنتي انا يلا بقى نبدا
*بدات الموسيقى ورقص الجميع
*كان باسل سعيدا جدا اما جودي فقد تظاهرت بسعاده مصطنعه لم تفهمها سوى سلوى فهمست
: جودي انت بقيتي مراته دلوقتي وهو بيحبك من سنين وانت كمان حرام تفكري في غيره
: انت بتقولي ايه طبعا ما فيش حاجه من دي انا بس خايفه بعد الجواز تحكماته تزيد وانت كنت شايفاها عامله ازاي
: بلاش تستسلمي زي ما كنت بتعملي و افتكري ان عمو هيقف معاكي و خالك الموضوع بقى في النور زمان كنت بتبقي خايفه حد يعرف عن علاقتكم فهمتي
: اه تعالي نرقص
*تفاجات جودي بزميلتها في الكليه بتنظيم عرض راقص من تلك العروض التي كانوا يتمرنون عليها ايام الجامعه للامتحانات قاموا بالرقص و امسكوا يد جودي لكي تشاركهم في هذه الرقصه كانت على اغنيه لا عتاب ولا حيرة لمحمد حماقي
$ لا عتاب ولا حيرة ولا لوم ولا غيرة ولا أي خصام ولا خوف
$ولا شوق يرمي-نا ولا ن-ار تك-وينا ولا قلبي يبات ملهوف
$طول ما إنت معايا يا أغلى حبايبي وقلبي ملك إيديك
$ولا يوم ولا ليلة راح نبعد ليلة
دي الدنيا جميلة و حنبعد ليه
$ولا يوم ولا ليلة راح نبعد ليلة
دي الدنيا جميلة و حنبعد ليه
$قرب لي تعالى يا شاغلني تعالى
البعد أنا لا، لا مقدرش عليه
*كانت جودي ترقص مع زميلتها بخفه و رشاقه وكان الجميع سعيد بهذه الرقصه وسعيد بهذا الزواج
بقلمي سحر السحرتي
*غير ان باسل كان يشتعل من الغي-ره بسبب ان الجميع ينظر لجودي بنظره اعجاب
بقلمي سحر السحرتي
*فهم جواد نظره باسل فهمس له
:ما فيهاش حاجه يا باسل لما جودي تفرح و تنبسط شويه مع صاحبتها بلاش تعملها مشكله معاها
:انا متضايق ان هي عماله بترقص مع اصحابها
: دي عروسه يا باسل واي عروسه بترقص مع اصحابها عادي ما فيهاش حاجه عديها وبلاش تنكد عليها في يوم زي ده
: حاضر يا جواد لما ابقى اشوف اخرتها مع الست جودي
*انتهى الفرح بين سعاده وحزن وقلق
*فتح باسل باب الشقه لجودي فدخلت و احتضانها
:اخيرا بقيتي في بيتي
*كانت جودي خائفه و ترتعش
:مالك يا حبيبتي ما تخافيش انا هبقى حنين معاكي مش هخليك تنسي الليله دي
*لقد كان صادقا فعلا دخل غرفه النوم ليبدلا ملابسهما وبعد الصلاه بدا باسل يقبلها وهي تزداد توتر
: لو قلقانه ممكن ننام النهارده
: لا بس متاخده شويه
: طب تعالي ناكل عشان نهدى
*تناولا العشاء وهي اكلت قليلا وذهب الى غرفه النوم
*بعد نصف ساعه كان يصف-عها بق-وه و يجذب-ها من شعرها و يس-بها
:بس يا باسل كفايه في ايه حرام عليك
:مش عارفه في ايه
*استمر في ض-ربها حتى كادت ان تفقد وعيها
#هل اكتشف باسل مشاعر جودي الحقيقيه لهذا كان يض-ربها

ظننته حبا
حلقة ٩
: انا تعبت يا باسل في ايه كفايه حرام هم-وت تحت ايدك انا مش فاهمه بتعمل كده ليه
: في انك بارده وما فيش فيك اي حاجه مثيره تحركني ناحيتك
*ادركت جودي لما يفعل بها هذا
: طب اقعد واهدى يا حبيبي انت بقالك فتره تعبان بتابع الشقه والعمال وتجري من هنا لهنا حتى النوم ما كنتش بتنام كويس
*استمع لكلامها فهدئت نفسيته قليلا
:اه فعلا انا بقالي شهر مش بنام
:شفت قله النوم بتعمل ارهاق للجسم فانت محتاج راحه كام يوم وبعدين الدنيا هتبقى زي الفل
:انت عندك حق انا فعلا مجهد و مرهق
:شفت يلا ننام انا كمان مرهقه من الامتحانات وتجهيز الشقه وكمان الفرح كان مجهد رقصنا كثير
:انا كنت فرحان ورقصت طول الليل
: بس كان رقصك جميل قوي احلى عريس شفته بيرقص
: بجد يا جودي
:طبعا يا حبيبي ده كل البنات في الفرح كانوا بيحسدوني عليك تفتكر ان ده حسد
:اه فعلا حسد طب انت زعلانه مني
بقلمي سحر السحرتي
: لا يا حبيبي هزعل منك ليه عشان اتعصبت شويه لازم كل واحد فينا يقدر تعب الثاني مش كده
: انا اسف ما تزعليش
:مش زعلانه افرد جسمك على السرير ونام يلا

*امسك يدها و قبلها
:وانت رايحه فين
:هروح الحمام اخد دش دافي اصل جسمي بيوجعني من الض-رب ما تشغلش بالك هبقى كويسه
:طب اطفي النور وما تعمليش صوت وانت داخلة
*دخلت جودي غرفه اخرى وبدات تبكي من الم جسدها وروحها كيف تبدا حياتها الزوجيه بكل هذه القس-وه لقد ظنت ان باسل سيحتويها و يعوضها عن قس-وه والدها ولكنه لم يختلف كثيرا عنه فهو نفس التخ-لف و الهم-جيه
*هو نوع من الرجال يسقط ما به من عيب على المراه الضعيفه لا يستطيع التفكير سوى بيده
*قامت لتغتسل و تاخذ دوشا دافئا لعله يخفف الم جسدها قليلا فماذا عن الم روحها ستتركه لربها فهو جابر القلوب والروح
*عادت ونامت بنفس الغرفه لم تشا ان تراه او يلامس جسدها جسده
*استيقظ باسل وجد جودي ليست بجانبه بحث عنها وجدها في الغرفه الاخرى اقترب ليطمئن عليها بعد ان تذكر ما فعله بالامس فوجد علامات الض-رب على وجهها و جسدها استمع لصوت انين الال-م وهي نائمه فايقظها
:جودي حبيبتي صباح الخير نمتي هنا ليه ما جيتيش جنبي
*نظرت له بدهشه من طريقة تحدثه معها وكانه لم يفعل شيئا عجبا لذلك فردت بفتور
:صباح الخير ابدا خفت ازعجك وانت كنت تعبان و مرهق جدا
:صحيح مش قادر اقول لك نمت كاني بقى لي سنه ما نمتش بس وشك مليان زرقان من امبارح هنعمل ايه والناس جايه تبارك
:تفتكر هنعمل ايه
: نقول وقعتي
:هقع على الجنبين
*بدا يتعصب و يزعق
:امال هنعمل ايه اظن ما انت عايزه تقولي لهم اني ض-ربتك عشان ما عرفتش اكون راجل
بقلمي سحر السحرتي
*خافت جودي من غضبه فطبطبت عليه لتمتص غضبه
:اهدى يا حبيبي اولا اللي حصل كله امبارح بنا احنا بس مش هيطلع لاي حد لان دي حياتنا واسرار بيتنا وبعدين انا لسه صاحيه من النوم سيبني افكر ونشوف هنعمل ايه لسه كم ساعه على ما حد يفكر يجي
:يعني انت مش هتقولي لمامتك اي حاجه
:هقول ايه باسل جوزي مرهق بقى له شهر ما دقش النوم عشان يجهز عشنا السعيد و اتعصب شويه عليا اكيد لا …. ماما اتكلمت معايا قبل الجواز وقالت اسرار البيت ما حدش يعرفها ابدا حتى هي
:عندها حق امال كانت جافه في التعامل معايا ليه وقت الخطوبه
:عشان تشد علي انجح من غير ما اشيل ماده زي ما حصل قبل كده لكن لو كانت رافضاك كان عمرنا ما اتجوزنا يلا بقى روح وضب الفطار
:نعم اعمل ايه
:اعتذار عما بدر منك في الامس
:انا اتاسفت خلاص امبارح وكنت عصبي و مرهق مش شايف قدامي قومي انت اعملي الفطار
: ولو قلت لك عشان خاطري لان جسمي مك-سر ومش قادره اقف
:ده انت بتمثلي انا ما ض-ربتكيش قوي كده
*كشفت له عن زراعيها و ساقيها
:صح ما ض-ربتنيش قوي امال القوي بتاعك ده شكله ايه
:هوريكي شكله لو ما قمتيش تعملي الفطار
*ردت بحده باسل انا بجد مش قادره وكنت محتاجه كريم للكدمات وما رضيتش اصحيك اتفضل بقى سيبني انام شويه وصبر نفسك باي حاجه وابقى اتصل على الصيدليه هات الكريم
:نعم اقول لهم ايه
: قول انك اتخب-طت ورجلك فيها كدمه زرقاء اظن ما فيش فيها مشكله

*خرج وتركها وهو ينفخ وهي تتمتم
: ابسط انواع الاعتذار مش عايز يعمله طيب يا باسل لو فضلت اسكت هتبقى عشتي مرار
*استيقظت جودي بعد ساعتين
:لسه فاكره تصحي ما لسه بدري
:ايه يا باسل الساعه لسه 10:00 و العرسان بتنام للعصر
:قصدك ايه
:مش اللي في بالك قصدي اننا كنا سهرانين في الفرح و بنرقص تعبانين يا اخي ايه انت مش متعود تصحى بدري
: المفروض انت كمان لانك رياضيه
:ان لبدنك يا باسل و بدني زي ما انت شايف ايه الراحه حرام
: لا ريحتي روحي حضري الفطار
:انت ما اكلتش
: لا مستنيك
بقلمي سحر السحرتي
*تحدثت من بين اسنانها
: جبت الكريم
:لا لسه
:طب انا هدخل احضر حاجه خفيفه ناكلها وعلى ما اخلص لو الكريم ما كانش وصل هتنزل تجيبه من غير ما تاكل ولا لقمه
:ايه ده انت بتكلميني كده ليه
*علت نبره صوتها
:لان جسمي بيوجعني بسببك و استحملتك و سامحتك اقل حاجه تعملها عشان خاطري رفضت تعملها
: وهي ايه دي بقى
: الفطار وتطلب الكريم بالتليفون يبقى ما ترجعش تشتكي من اسلوبي
: انا حاسس انك بتذليني
: انا مش بذلك انا بوضح لك الصوره الغايبه عنك واظن هتفضل ماسك لي احساسك بالذل لفتره لغايه لما تبقى كويس و تطلعه على جسمي … اسمع لما اقول لك انا مستعدة استحمل و اشيل بس انت كمان لازم يكون عندك تقدير
: مش فاهم كلامك
:يعني انت ض-ربتني و وجع-تني اقل حاجه كنت هتطلع شويه جبن من التلاجه و ناكلهم انت رفضت امال لو تعبت ولا حملت ولازم تخدمني هتعمل فيا ايه … حرام عليك يا اخي ده انت اديتني علقه موت و سامحتك على طول
*وبكت لكي يرق قلبه ويشعر اذا كان عنده بعض الاحساس ولكن هيهات
*امسكها من ذراعها بق-وه
:اسمعي انا مش بحب الطريقه دي و اوعي تفكري انك كاسرة عيني ده انا اك-سرك انت شخصيا
:نزل ايدك يا باسل وما تفكرش تمدها عليا تاني في يوم من الايام انا انسانه مش عبده عشان كل شويه تض-ربني هو ده الحب اللي وعدتني بيه لا فعلا عيشتني اسعد ايام حياتي شكرا
*وتركته وهي تبكي و تتحسر على حظها
*شعر باسل انه قد زاد قس-وه عليها قليلا فدخل المطبخ وقام بتحضير الفطار واتصل على الصيدليه وطلب الكريم
بقلمي سحر السحرتي
*دخل الغرفه وجدها تبكي فاحتضانها وقبلها على خدها
:ما تزعليش انا حضرت الفطار انا اصل ما ليش في المطبخ والكريم كمان وصل و هدهنه بنفسي
: لا شكرا هدهنه انا
:خلاص بقى ما يبقاش زعلك وحش قوي كده
*بعد ان قام بدهن الكريم
:بقول لك ايه يا جوجو
: جوجو نعم خير
:ما تيجي اقول لك كلمه في الاوضه الثانيه
: باسل يا حبيبي انت هتريح يومين وانا كمان جسمي يريح يومين بعدين نقول كل حاجه ويلا قوم البس عشان الناس زمانها جايه تبارك
: طب يا جودي ماشي
*قالت باستهزاء
: جودي ما كانت جوجو من شويه
*خرج وعاد بعصبيه
: ما قلتليش هتعملي ايه في وشك ده
:هحاول اداريه بشويه مكياج ما تقلقش نفسك عليا
*همهمت: على اساس انك خايف و حاسس بيا صبرني يا رب
*بعد قليل حضر اهلها واهله لمباركتهم وسلوى صديقتها
*دخلت سلوى لمساعدتها دون ان تنتبه جودي رفعت يدها لاحضار الاكواب فظهر علامات على يدها
*سلوى بحده : ايه ده يا جودي
*جودي بارتباك ايه يا سلوى ده هزار عرايس ما تشغليش بالك انت لسه انسه
*وضحكت لعل سلوى تغلق الموضوع
:انا مش صغيره دي علامات ض-رب حتى وشك عليه ميك اب كثير ودي مش عوايدك وشكله وحش عليك في حاجه بتداريها
تعالي نطلع للناس العصير الاول وبعدين تحكيلي

:حاضر هنقدمه وندخل
*قدمت العصير ودخلت معاها الى الغرفه دون ان ينتبه احد
: ايه اللي حصل احكي لي
*بكت جوري بشده و ارتمت في حضن سلوى وروت لها انه تعصب من رقصها في الفرح وقام بض-ربها
:و سكتي ليه من اول يوم يعمل فيك كده و تسكتي
: بس يا سلوى هوني عليا ما تحسرنيش على نفسي …. هشتكي لمين جوز امي اللي هو عمه …. ولا ابويا اللي ما بيسالش فيا …. ولا خالي عشان يسجنه ولا يطلقني من اول يوم
:وانت المفروض تستحملي ده لغايه امتى
:مساله وقت بس و هحاول اتصرف
:تتصرفي ازاي هو كل ما تحصل حاجه هيمد ايده
:مش هيخليه يوصل للمرحله دي على ما ارتب اموري هعمل ايه
:طب لو عملها ثاني اوعي تسكتي وانا معاكي و هقفله و اوريه سامعه
:حاضر ادعي لي ما تتكررش
*بعد يومين
:جودي تعالي بقى هقول لك على حاجه
:ما تستنى شويه يا باسل
*امسكها من يدها
:لا تعالي انا بقالي يومين مستريح
بقلمي سحر السحرتي
*دخلت وهي متخوفه وتدعي من قلبها ولكن للقدر كلمه اخرى
*بدا في ض-ربها مثل اول يوم لكن الفرق انها استطاعت الهرب للغرفه الاخرى و اغلقت عليها الباب بالمفتاح وبدات بالبكاء
*طرق الباب بعصبيه
:افتحي يا جودي بدل ما اكس-ر الباب
:لا اكس-روا و هصوت والم الناس مش ذنبي قلت لك ريح وانت مستعجل
:انت اللي مش واحده ست
: بدل ما تعتذر عن اللي عملته عايز تجيب الغلط عليا المفروض اعمل ايه ….. اعمل زي العاه-رات مثلا … واحده اول مره تتجوز واول مره راجل يلمسها المفروض تكون ازاي حرام عليك بقى
:طب ما تزعليش افتحي الباب مش هعمل لك حاجه
: هفتح بس لو مديت ايدك صدقني مش هسكت
:خلاص افتحي
*فتحت الباب وجد عينيها حمراوتان من البكاء فاخذها داخل حضنه
: هو ايه اللي حصل عشان تعيطي بالشكل ده
: ابدا ما حصلش حاجه واضح انك اخذت على كده …. باسل ارجوك كده الحياه هتبقى مستحيله بينا مش هقدر استحمل كل يوم ضرب و اهانه
:هو انا ض-ربتك كل يوم
: يا سلام انت بتهزر
:يعني لو انت حبيبتي ما استحملتنيش مين هيستحملني
:انا اتحملك العمر كله لكن ض-رب و اه-انه لا …. جسمي كله بيوج-عني
:انا مش عارف ايه اللي جرى لي فجاه مش بحس بنفسي بلاقيك بتصرخي وانا بض-ربك
:طب تيجي نسافر نغير جو و نشم هوا البحر
:منين بس يا جودي كل فلوسي صرفتها على تجهيزات الفرح
:اتصرف يا باسل نروح اي مكان رخيص مش لازم غالي وممكن ناخذ شقه ارخص من الفندق
:تفتكري لو غيرنا جو هيبقى كويس
: ده مجرد اقتراح بس تعمل حسابك هنسافر نتفسح وبس لما نرجع تكون ريحت تبقى تجرب
:ماشي نشوف اسبوع في اي مكان تفتكري نروح فين
: بيقولوا بورسعيد والسويس و الاسماعيليه مناطق حلوه ومش غاليه ايه رايك
:حلو نروح بورسعيد
*ذهبا لقضاء اسبوع مر عليهم سعيدا لكن كانت جودي خائفه من العوده
بقلمي سحر السحرتي
*عادت جودي مع باسل ولكنه قبل ان يعيد التجربه
:ممكن نتكلم مع بعض كلمتين الاول بس ارجوك تفهمني
:عايزه ايه مش هض-ربك تاني
: لا قصدي ان لو حصل حاجه انت محتاج تكشف لان المرض مش عيب وممكن يكون حاجه بسيطه وفي جميع الاحوال انا جنبك و هستحمل
*تفهم باسل حوار جودي ولكن طبعا هي هي العل-قه اللي فاتت لكن هذه المره كان هناك اختلاف
#ما هو هذا الاختلاف وهل ستستمر الحياه هكذا

ظننته حبا
حلقة ١٠
*تظاهرت جودي بانك-سار يدها وبدات في الصراخ
:اه الحقني يا باسل ايدي اتكس-رت
:فزع من صراخها
:ايه بتقولي ايه انا ما عملتش حاجه
: انت مش بتحس بنفسك حرام عليك الحقني
: اعمل ايه دلوقتي
:هات تليفوني اكلم سلوى
: وهي سلوى هتعمل ايه
:هي دكتوره علاج طبيعي اكيد تعرف دكتور عظام كويس نروح عنده لو كان جواد هنا كان اتصرف
:يا ريته ما سافر حاضر خذي التليفون ومش هوصيكي انت وقعتي
*نظرت له بغيظ وغضب
: اكيد طبعا او ممكن داس عليا قطر
:فيكي حيل تهزري
:اوعى تحط ايدك علي والله ما هسكت جسمي ما فيش فيه حته سليمه كفايه ايدي اللي كس-رتها
: انا مش هحاسبك عشان ايدك المك-سوره
:كثر خيرك
:حاسس انك بتتريقي
: انا اقدر روح هات لي ثلج احطه على ايدي على ما اكلم سلوى
*ذهب واتصلت على سلوى
: ايه يا عروسه وحشتك
:اسمعيني بسرعه الله يخليك الحقيني و نفذي زي ما هقول لك
*ذهبت للطبيب الذي رشحته لها سلوى و قابلتها بدورها عنده
:خليك يا باسل استريح انا هدخل معاها و اطمنك شكلك قلقان قوي
:اه يا سلوى انا مش هستحمل المها
:واضح وكنت فين لما وقعت
:كنت نايم وهي كانت بتجيب حاجه من فوق دولاب المطبخ
:غريبه دي قالت وقعت من على السلم
:مش مركز من الخضة عليها
*دخل الطبيب
:اهلا وسهلا خير بتشتكي من ايه انا ما اقدرش اتاخر على دكتوره سلوى
: انا اسفه يا دكتور بس انا فعلا محتاجه تركب لي جبس بس انا سليمه
: ليه كده
:ارجوك من غير اسئله وجوزي لازم يفهم انه ك-سر مضاعف ويا ريت استريح من اي حركه عشان الك-سر يلم وما يحصلش تشوه لليد
:محتاج افهم لان اللي هعمله غلط

بقلمي سحر السحرتي
: وانت بتجبسني هتلاقي علامات ض-رب على ايدي ولو كان ينفع كنت وريت لك بقيه جسمي
*سلوى بعصبيه
:انت هتفضلي ساكته لغايه امتى
: اديني بس فتره الجبس وانا هتصرف
: ازاي مش هترجعي غير لما تموتي في ايده
*تحدثت بدموع و حسره
:ارجوك يا سلوى ساعديني بس هشتكي لمين وانا ما كملتش 10 ايام جواز
:صعق الدكتور من سماعه لكلماتها
:انا هساعدك بس ممكن اعرف ناويه تعملي ايه
:هكمل دوره الدفاع عن النفس اللي بدأتها وانا في الجبس و هقعد عند ماما عشان اعرف انزل النادي ومش هرجع غير لما اقدر ادافع عن نفسي انا مش هسكت بعد كده
: انت شايفه ان ده الحل
: باسل من النوع الجبان ولو لقاني رديت عليه هيحترم نفسه واهي تجربه مش هخسر حاجه اكثر من اللي انا خسرته
:طب ما تدخلي اهلك عشان يقف عند حده
*نظرت للاسفل بخجل ردت سلوى
:هو للاسف يا دكتور ظروفها العائليه تمنع
:طب انا هعمل لك جبس تقدري تفكيه و اعرفك تخلعيه و تركبيه ازاي عشان تقدري تتمرني وابقي طمنيني عليك
:متشكره قوي يا دكتور
: دكتوره سلوى تؤمر بس وانا انفذ
*نظرت له وجدته ينظر لسلوى بحب واعجاب
:وانا زياده شكر كل ما اجيلك هجيبها معايا
*ضحك :لا مش محتاجه تتعبيها احنا خلاص كلها كم يوم و هنعلن خطوبتنا
:الف مبروك يا حبيبتى
:اقعدوا هنا بقى شويه وانا هطلع لجوزك نستنى الاشعه و اهول من الاصابه واقترح عليه يخليك تباتي عند مامتك وما تنسيش تتالمي شويه
*بعد ان خرج حضنت سلوى
:مبروك يا سولي ايه الدكتور العسل ده يا رب تفرحي
*نظرت لها بحزن
:مالك يا سلوى مش فرحانه
: لا زعلانه عليك انا خايفه من اللي ناويه تعمليه المفروض تبلغي اهلك احسن يض-ربك يم-وتك
:انا كده كده مي-ته بس ناقص الدفنه يا ريت م-ت مع جوري زمان كنت هريح و استريح
: ليه بتقولي كده يا حبيبتي يعني هشتكي لمين ما انت عارفه الظروف انا هقعد عند ماما وباسل خلاص بعد بكره راجع الشغل و هروح النادي اتدرب لما اشوف اخرتها معاه
بقلمي سحر السحرتي
*خرج الدكتور فعلا بدا في شرح الاص-ابه كم هي قويه ومؤلمه لا يستطيع انسان ان يتحملها وقد علم من جودي انها كانت مك-سوره وهي صغيره في نفس الزراع فاستغل ذلك ايضا
: يفضل يا استاذ باسل لو والدتها موجوده تقعد معاها لانها ممنوع عنها الحركه ومش هتقدر تخدمك ولو انت تقدر تخدمها خلاص تمام
: لا اخدمها ايه هي تقعد عند مامتها وانا عند ماما هيبقى الوضع احسن لينا وعموما هما الاثنين في نفس العماره يعني مش هبعد عنها

*نظر له بدهشه من هذا الزوج الجاحد فهو من تسبب في اص-ابه زوجته ويرفض ان يكفر عن خطؤه بخدمتها فاستراح ضميره لما سيقوم به
*اوصل باسل جودي على منزل والدتها وعلامات الحزن المصطنعه على وجهه
مها :خير يا جودي ايه اللي حصل
باسل :وقعت من على السلم يا طنط معلش بقى مضطره تقعد معاكي الدكتور قال ترتاح وانا هنزل الشغل بعد بكره ومش هقدر اخدمها وانت عارفه بتاخر في الشغل لو كانت اجازه كنت حطيتها في عينيا
جودي: طبعا يا حبيبي انت هتقول لي
*كان قد اخبرها الطبيب بحواره معه وانه رفض خدمتها
:مع السلامه انت بقى يا باسل عشان تلحق تطلع لطنط قبل ما تنام
مها :معقول قبل ما ياكل
: لا ما هو ماكلني كويس كفايه اكل كده
*نظر لها بحده فهو يعلم مغزى ما تقول
:تعالى اوصلك غرفتك و اطمن عليك
*همست له: لا حنين قوي
*دخلت وتحدث بعصبيه
: معناه ايه كلام اللي كنت بتلقحي عليا بيه بره ده
: زي ما فهمت انت حتى ما اعتذرتش … اسمع يا باسل اخر كلام عندي ممكن تروح تكشف عند دكتور متخصص لان بجد تعبت ومش هسكت
: هتعملي ايه يعني
:مش هرجع البيت و ما تخافش مش هقول لحد حاجه بس ممكن اقول ان حصل خلاف بيننا وانت اللي ك-سرت ايدي
*حاول استعطفها بكلمات الحب والغزل كما كان يفعل
:ما بقتش باكل من الكلام ده
:يعني يرضيكي هروح اقول للدكتور ايه
:المرض مش عيب مش يمكن تكون حاجه بسيطه محتاج مقويات مثلا ايه المانع ترحم نفسك من العذاب ده و ترحمني من ايدك المرزبه دي
: حاضر يا جودي بس عشان منظري ما تقوليش لحد
: قلت لك مره و هقول تاني دي اسرار بيت ما ينفعش حد يعرفها
:طب يا حبيبتي عايزه حاجه
:منك لا شكرا
بقلمي سحر السحرتي
: انت لسه زعلانه مش عايزه تعذريني ولا تقدري موقفي و تقفي جنبي
:كل ده ومش واقفه جنبك عايز تك-سر رجلي كمان ولا ايه
: يا باي انت زعلك وحش دي مش عيشه
: فعلا دي مش عيشه روح عند مامتك مع السلامه
*نظر لها بسخريه منها وكانه لم يفعل اي خطا
*اغلقت باب الغرفه وبكت الى ان جفت الدموع طرق الباب ودخل فريد
: ازيك يا حبيبتي عامله ايه
:كويسه يا حبيبي انت عامل ايه

:كويس انت كنت بتعيطي
:اه الك-سر وجع ايدي والمسكن مش عامل حاجه
:معلش يا حبيبتي هتبقي كويسه لو محتاجه حاجه انا جنبك
:ليه بتقول كده
:شكلك باين عليه وغيري البيجامه دي عشان الكدم-ات باينه
:دي كدم-ات من الواقعه على السلم
:جودي انا صحيح اصغر منك بس بفهم و العبايه اللي كنت لابساها يوم ما جينا نبارك لك في الصباحية وانت بتقعدي بينت رجلك وشفت برده كدم-ات زيها بس ما رضيتش اتكلم …. هو اه ابن عمي بس مش هسكت لما اعرف انه بيض-رب اختي
: ده مش ض-رب دي غشوميه هناخد وقت على ما نتعود على بعض و طباع بعض
: انا جنبك و سندك يا جودي
:كبرت يا حبيبي
*بكت وهي تقول
: يعني لو حصل حاجه اقدر اعتمد عليك
:ما تبكيش تحبي تشوفي دلوقتي يوضع سره في اصغر خلقه
:لا مش عايز اشوف انا فعلا وقعت
:عيني في عينك
*ضحكت: انا وقعت على بوزي هههههه
*ضحك معها وضمها و طبطب عليها وكانه اكبر منها ب 10 سنوات وليست هي الاكبر
: انا فعلا كنت محتاجه الحضن ده
:عارف يا حبيبتي اسيبك تستريحي
*تعجبت لهذا القدر فها هو اخيها الصغير الان احن من اي شخص
*بدات جودي في تنفيذ خطتها بتعلم الدفاع عن النفس
*بعد مرور اسبوع دخل باسل غرفة جودي وهو سعيد
:خير يا باسل مبسوط قوي كده ليه
:انا لسه راجع من عند الدكتور وقال لي اني سليم وما فيش اي مرض هو مجرد توتر وارهاق بس هيروح مع الوقت
: الحمد لله كويس شفت لما سمعت كلامي طلع الموضوع بسيط
:طب يلا بينا
:على فين ان شاء الله
: نروح عايزك في كام كلمه
: لا مش هعمل اي حاجه قبل ما افك الجبس انت ناسي انه ك-سر مضاعف وعايز راحه وانت لو اتعصبت و ض-ربتني ممكن دراعي يبوظ خالص
:ما تخافيش مش همد ايدي عليك ما انا عرفت ان هو توتر
:لا اخاف وكذا مره قلت مش همد ايدي وعملتها ثلاث مرات خلال 10 ايام منهم مره الك-سر
:جودي بقول لك ايه
:نعم
*بتحدي
: انا قلت اللي عندي اصبر لما عملتك السوداء تخف و اديني طلعت مش السبب لا انا بارده ولا جبله زي ما انت قلت وطلع توتر
:يعني مش هتيجي
: اسفه سوابقك معايا كثير و بطلت اسامح واعدي ما فيش قدامك الا الصبر
: انت اتغيرتي قوي
: البركه في حضرتك وبعدين بقى لك اسبوع لاجيت ولا اتصلت انت لك عين كمان تتكلم
:هو المفروض مين اللي يتصل على مين
*تحدثت بحده وغضب لانها تحتمي في اهلها
: والله اللي اعرفه ان اللي غلطان اللي زي جنابك وانا اصلا مريضه حتى لو انت مش غلطان المفروض انت اللي تسال

:هو انت هتذليني
بقلمي سحر السحرتي
*دخل فريد على صوتهم العالي فقد كان شاب في الصف الثاني الثانوي ولكنه كان طويل مفتول العضلات نظر لباسل نظرة حاده
:صوتك عالي ليه يا باسل
*تخوف باسل منه
:ايه باسل دي من غير ابيه
:ما انت بقيت ابو نسب ما فيش داعي بقى للالقاب
*نظرت له جودي باعجاب وفخر وكانت تريد ان تذهب و تحتضنه وتقول له :ادي له على دماغه
*تخوف باسل من رده ونظرته
:ايه يا عم مراتي و بتكلم معاها و شدينا شويه
: مراتك اه بس خذ بالك انها اختي واللي يفكر بس .. يفكر يزعلها ما يلومش غير نفسه
*باسل حب يعمل فيها جامد دفعه هو يمزح معه
: يا عم وسع انت هتخوفني دي اختك دي في عيني
: طب خلي بالك لو نزلت من عينك هقلع-ها لك
:هي ايه دي
:عينك
: هههههه هزارك تقيل يا فريد
*بكل جديه :مش بهزر
*ونظر لجودي :مزعلك ولا حاجه
:ده انا اصلي وحشته و عايزني اروح بقول له مش هتقدر تخدمني
*بنفس الجديه :عندك حق مش هتمشي من هنا الا لما تخفي واللي يقول لك روحي قولي له خذ الاذن من فريد
*كانت جودي طائره من السعاده ولكنها اخفتها خوفا من بطش باسل
: اصل هفهمك يا استاذ فريد احنا لسه عرسان جداد وهي وحشتني وانت شاب بقى نفسي احضنها
:ما تحضنها حد كلمك هنا وبعدين واحده و مريضه ايديها مك-سوره استحملها يعني انت لو كنت وقعت ورقبتك اتك-سرت كانت هي هتقصر معاك
*تحسس باسل رقبته
: بعد الشر يا اخي دى فال تقوله
:بعرفك ان اختي اصيله بس يلا روح عشان معاد الدواء بتاعها وهي بتاخده من هنا و بتنام من هنا ما تقطعش الجوابات

: طب يا جودي يا حبيبتي عايزه حاجه
:لا يا باسل شكرا
*خرج باسل واسرع من خطواته خوفا من فريد
*قامت جودي و احتضنت فريد بقوه وهي تبكي
:انا مش عارفه من غيرك كان ممكن اعمل ايه معاه
:هتيجي لاخوك حبيبك طبعا ياما دفعتي عني وانا صغير لما كنا بنلعب تحت عند جدو
: انا بحبك قوي يا فريد انت مش عارف سندتك ليا فرحت قلبي ازاي
: انا معاكي يا قلبي بس بلاش تبكي بالشكل ده بتقط-عي قلبي
:انت مش عارف انا كنت مفتقده الاحساس ده ازاي انا ابيع عمري كله واشتري لحظه واحده من دي
:بعد الشر عنك يا حبيبتي طول ما انا موجود ما تشيليش هم
:ربنا يحفظك ويبارك لنا في عضلاتك دي هههههه ما شاء الله ده انا خريجة تربيه رياضيه ما عملتش ربعهم
: اصلي راسم ابقى زبوط جيش أو شرطه مش فارقه
:اه يا واد يا فيري و اتصور وانا معاك و هض-رب لك تعظيم سلام وانت رايح وانت جاي
: وا د وفيري خلاص هعملها واشوف احلى تعظيم سلام
: تمام يا فندم
*وهي تؤدي التحيه بكل جديه و ضحكا
: بس جوزك مشي من هنا و قفاه بيامر عيش
: تصدق كان نفسي تض-ربه
:هيحصل بس يغلط غلطه عمره و يزعلك هشلف-طه
:فيري يا جامد
*مرت الايام وكانت تنتظر جودي الذهاب للطبيب لتفك الجبس المزعوم علمت ناهد باليوم فاتفقت مع سيلا على تنفيذ الخطه
#كيف كانت خطوات الخطه وهل تم تنفيذها كلها بطريقه صحيحه