اقدار الحب 3

(((الحلقة الحادية والعشرون)))

أكمل اول ماشاف تسنيم وهي شافته . أكمل جري عليها وشالها وحضنها اوييي
أكمل : حبيبتي وحششتيييني اوييي . اويييي . هنت عليكي هان عليكي أكمل تقعدي 4شهور ميمعش صوتك حتي . من امتي وانتي قاسية كدة
تسنيم : كانت بتعيط ووحشها أكمل ووحشها حضنه وخرجت من حضنه غصب عنها .
تسنيم : أكمل كفاية احنا في المطار الناس بتبص علينا .
أكمل : ولا يهمك من حد. المهم انتي وحشاني اوي .
تسنيم وهي بتحاول متبينش اللي جواها وتضعف وهي مصدقت اتماسكت الفترة اللي فاتت.
تسنيم : وانتوا كمان كلكم وحشتوني .
أكمل : والله كلنا وانا لوحدي موحشتكيش . عموما مهما تخبي باين عليكي انا هنا هنا يا تسنيم . وكان بيشاور علي قلبها . تعالي يالا علشان اروحك .
تسنيم : لا اروح ايه وديني المستشفي عند مايا عايزة اطمن عليها الاول .
أكمل : ابتسم . ماشي حوديكي ولوإنها متستهلش لهفتك دي .
وركبوا العربية وتسنيم متعمدة متتكلمش معاه ولا تبصله .
أكمل شغلها الاغنية دي (لحماقي . بعدنا ليه )( تعبت في بعدي كان ناقصني حاجات كتير . وحاسس برده بيكي وعارف انك مش بخير. علشان فهمك وعرفك وتملي حبيبتي شايفك بتحني لكل ذكري جنبك عشتها. وانا زيك برده واكتر اوقات بسرح وافكر انا وانتي بعدنا ليه . ملقتش اجابة جيتلك ما انا يمكن لو حكتلك تقوليلي كسبنا ايه. تعبت في بعدي عنك وكان ناقصني حاجات كتير . وحاسس برده بيكي وعارف انك مش بخير .علشان فهمك وعرفك وتملي حبيبتي شايفك . بتحني لكل ذكري حنبك عيشتها . محدش فينا عارف لسة بكرة مخبي ايه. لكن كل اللي فاتك ممكن احكيلك عليه . اصعب ايام في عمري . مقدرش اوصفها عمري . وأكيد حسيتي بيا وعشتي ايام زيها .ما انا زيك برده واكتر . اوقات بسرح وافكر انا وانتي بعدنا ليه. ملقتش اجابة جيتلك ما انا يمكن لو حكتلك تقولي بعدنا ليه. )
تسنيم : مسحت دموعها . وسكتت وهي نفسها تقولو. انت قولي بعدنا ليه انت اللي اتخليت عني وبعتني واتجوزت غيري . بس مش عايزة تفتح جرحها تاني وهي لسة بتحاول تلمه وترتاح .
أكمل : انا عارف وحاسس بكل اللي جواكي . بس عايزك تعرفي انا لو بعتي عني لاخر يوم في عمري. عمري ماهنساكي ولا ابطل احبك . ابعدي واهربي براحتك . برده حتفضلي في قلبي وعقلي . بحبك يا سمسمة مهما عملتي ومهما اقسيتي عليا . وبصلها وابتسم وغمزها
تسنيم : من جوها فرحانا ان اكمل لسة بيحبها والبعد مغيروش بس مش قادرة تقرب منه علشان خايفة من القرب ده وعارفة نتيجته
تسنيم : احمم قولي هي مايا ولدت ولا لسة .
أكمل : لسة من بليل وهي قرفانا معاها وكل شوية تشتم الدكتور وتزعقله وتقولو يولدها. قيصيرية وانا قلتلوا اوعي خليها تتلوع كدة لحد ماتولد لوحدها
تسنيم : ههههه والله حرام عليك ليه كدة مدامت تعبانة ماتسيبها تولد وتخلص
أكمل : ههههههه والله ابدا خليها تعرف قيمه بنتها علشان تعرف تحافظ عليها . ده انا قلت للدكتور وانا جاي اياك تولدها بعملية انا عايزها كدة لحد ما ارجع .
تسنيم : من امتي قلبك قاسي كدة يا أكمل . اكمل انتوا لسة زي ما انتوا
اكمل : اتنهد . اه يا تسنيم ومفيش حاجة حتتغير لحد ما نتطلق هي بس تقوم وتبقي كويسة وانا حاخد البنت واربيها وهي تروح تشوف حياتها
تسنيم : هي حتجيب بنوتة .
اكمل : ابتسم . اه كنا عارفين من السونار . فكري بقي هتسميها ايه. لحد ما نوصل .
تسنيم : وانا اسميها ليه مامتها هي اللي حملت وتعبت فيها وهي اللي تسميها .
اكمل : لا دي بنتي انا وانا اللي حسمها والاسم اللي هتخطاريه هو ده اللي حيكون اسمها فكري بقي انا طول عمري بثق في زوقك.
تسنيم : بصتله وابتسمت . وكانت من جواها صعبان عليها كل الحب اللي بينهم ده يضيع ويموت كدة .

في المستشفي .
اكمل وتسنيم وصلوا وشافه شوكت خارج من المستشفي
تسنيم : جريت وحضنت باباها . حبيبي يا بابا وحشتني .
شوكت : حبيبتي طمنيني عاملة ايه وايه اخبار الشغل
تسنيم : كله تمام . بس المهم طمني علي مايا ولدت ولا لسة .
شوكت : اه يا حبيبتي الحمد لله . مبروك يا اكمل بنوتة جميلة ولما تشوفها حتتفاجئ مش حتصدق شبه مين
أكمل : هههههه الله يبارك فيك يا عمي . بس متقلقش انا عارف هي حتكون شبه مين ومتأكد كمان وبص لتسنيم .
شوكت : طيب اسيبكم انا لازم اروح اغير هدومي واروح الشركة وابقي ارجع بالليل .
ومشي شوكت ودخل اكمل وتسنيم لمايا يشوفوها هي والبيبي

في أوضة مايا أكمل شايل البنوتة ومبتسم
أكمل : قربي يا سمسمة علشان تشوفي شبه مين
تسنيم : قربت ومصدقتش . البنت شبه تسنيم جدا شعرها اسود وناعم وبيضاء وعنيها لونها ازرق وخدودها وشفايفها لونهم احمر . وجميلةجدا
تسنيم فرحت وابتسمت . الله جميلة اوي يا اكمل مبروك يا مايا مبروك يا اكمل
أكمل : ادي البنت لتسنيم تشيلها . خدي بقي سنو وايت الصغيرة دي شوية .
تسنيم : اخدتها وكانت بصالها ومبسوطة وفرحانة وبستها .
حلوة اوووي يا مايا . ربنا يخليهالك
مايا : بخنقة. انا مش عارفة دي طلعت شبهك ازاي وانا اصلا مش بحبك اوي .
تسنيم : راحت الابتسامة من شفايفها
أكمل : هو انت مش هتتهدي بقي حتي وانت تعبانة لسانك طويل ياريتني كنت قولت للدكتور يقصلك منه يا شيخة علشان تريحينا من طولة لسانك دي
نسرين : ايه يا أكمل مراتك تعبانة ميصحش كدة وبعدين هي مغلطتش هي وتسنيم فعلا مش قريبين من بعض عادي
اكمل : حتي حضرتك كمان مش مصدق والله .
مايا : تسنيم هاتي البنت انا عايزاها انتي مصدقتي تشيليها ولا ايه . بكرة تتجوزي وتخلفي . ولا مش باين اصل طارق فضحك في النادي وقال علي اللي عملو معاكي .
تسنيم : دموعها نزلت وادت البنت لاكمل وخرجت بسرعة
أكمل : حط البنت في سيريرها بجد انتي انسانة مستفزة والله ربنا يهدك بس احب اطمنك تسنيم هتتجوز قريب . وهتتجوز كمان واحد احسن من طارق بكتير فاهماني ولا افهمك . كتك الارف . وخرج أكمل يشوف تسنيم
مايا : شايفة يا مامي شايفة حيموت عليها ازاي
نسرين : شايفة. تصوري انا مكنتش مصدقاكي لما قولتي انك شاكة ان في حاجة بينهم بس معلش بكرة هيتعلق بيكي انتي والبيبي. وانتي شاغليه علي قدما تقدري
اكمل خرج لقي تسنيم واقفة بعيد عند شبك كبير وبتعيط . أكمل راح حضنها
أكمل : متزعليش منها ما انتي عارفة ربنا خد من عقلها وحط في لسانها .
تسنيم : انا مش زعلانة انها بتقول اني مش حتجوز انت اكتر واحد عارف اني خلاص عمري ماهتجوز . بس صعب عليا انها خلتني اسيب البنوتة اناحبتها اوي اول ما شوفتها وكمان صعب عليا اني مش هكون ام ابدا
أكمل : لا يا روحي ان شاء الله لما نتجوز هخليكي تملي البيت ولاد ولا تزعلي ده غير ان دي بنتي انا واوعي تكون معاكي وتخدها منك تاني ولا تسيبيها فاهمة .
تسنيم : ازاي بس دي بنتها. انا مش هزعلها وحبعد عن البنت خالص
أكمل : طيب لما اشوف حتشيليها غصب عنك . المهم قوليلي فكرتي في اسمها .
تسنيم : بلاش يا أكمل خلي مايا تسميها
أكمل : مستحيل انتي اللي هتسميها . قولي لو كنتي انتي اللي ولدتيها كنتي سمتيها ايه .
تسنيم : اممم بصراحة انا بحب اسم جني حلو وناعم ايه رأيك .
أكمل : باس ايديها وابتسم مش ممكن هتفضلي طول عمرك زوقك حلو . ووشوشها ب ح ب ك
تسنيم : ابتسمت وسكتت .
اكمل : خلاص حتتسجل جني . يالاتعالي اوصلك البيت . انتي جاية. من الطيارة علي هنا
تسنيم :لا خليك مع مايا وانا حخد تاكسي
أكمل : اتنهد بنفاذ صبر
مايا ايه بس دلوقتي . امشي قدامي يا مغلباني .
واخد اكمل تسنيم وروحوا البيت وبعدها بيومين خرجت مايا ورجعت البيت ونسرين كمان رجعت معاهم وطبعا لسة نسرين مش ناسية ان أكمل بيفكرها بباباه وبتتعمد تكون قريبة منه وتكلمه وتحضنه واكمل اتخنق منها هي ومايا .

((((أقدار الحب)))) بقلم ريحانة الجنة

(((الحلقة الثانية والعشرون))

وعدي شهر علي ولادة مايا ونسرين لسة كانت قاعدة معاهم ولاسف نسرين زي مايا وهي اللي مربياها وطبعا لا بتفرق معاها قيم ولا مبادئ ولا حتي الدين اللي بيحرم اللي بتعمله واللي بتفكر فيه ناحية أكمل اللي هو زوج بنتها . ومايا زيها وبتفكر بنفس الطريقة والدليل انها كانت عايشه ومقضياها في لبنان . احنا مش حننكر ان تسنيم غلطت هي وأكمل . لاكن تسنيم واكمل اللي كان بيحركهم حبهم اللي بجد مش مجرد شهوة وخلاص والدليل انهم هما اللاتنين لسة متمسكين بحبهم ومفيش حد قدر يخليهم ينسوا حبهم واكمل حتي مضعفش تاني مع مايا مع انها مراته بس هو مش ناسي انه اتجوزها لهدف وبس وهو عمو مش اكتر وتسنيم كمان مفيش راجل قدر يلفت نظرها ويخليها تحبه . علشان كدة التعاطف معاهم علشان حبهم مش غلطتهم اللي لسة بيتعاقبوا عليها بإنهم بعدوا عن بعض . وفي يوم واكمل راجع من بره متاخر لقي نسرين قاعدة مستنياه أكمل لما شافها اتخنق لانه حاسس باللي بتفكر فيه طول الشهر اللي قعدته معاهم وحاول كتير يبعدها ويفهمها ان ده مستحيل بس هي مبتيأسش
نسرين: قربت من أكمل علشان تحضنه . كيمو ايه اللي اخرك كدة والله قلقت عليك .
اكمل : بعدها عنه وبحزم. خير حضرتك كنتي عايزة حاجة .
نسرين : ابدا انا بس كنت عايزة اطمن عليك .
اكمل : وهو طالع . انا كويس تصبحي علي خير .
نسرين: شدته. استني بس كنت عايزاك في حاجة .
اكمل : لفلها وهو بيجز علي سنانه. نعم خير
نسرين : انت لسة انت ومايا يعني مبنموش مع بعض في اوضة واحدة . ليه انت منحقك تكون مع مراتك. ليه تفرط في الحق ده
أكمل : مسح وسه من الغيظ. هو انا بس عايز افهم الموضوع ده شاغل حضرتك ومايا ليه واحدة غيرها اتجوزتني علشان المصيبة اللي عملتها كانت هي اللي تطلب مني ابعد عنها مش العكس بس واضح ان انا بحلم . عموما علشان بس ترتاحوا انتوا الاتنين مايا مش حتكون مراتي ابدا وانا بس كنت مستني انها تخف من الولادة علشان نتطلق ونرتاح بقي كلنا. عن اذنك عايز انام
نسرين : مسكت ايده . اكمل طيب دي مايا. لكن انا
أكمل : اتصدم ومكنش متخيل انها تقولها بصراحة . انتي ايه مش فاهم
نسرين : أكمل انت تعرف انك شبه باباك جدا مسبتش منه حاجة . اكمل انا كنت بحب باباك وهو كان بيحبني بس متجوزناش ومامتك خادتوا مني
اكمل : اتنرفز وزعق . لو جبتي سيرة امي تاني حنسي انك كنتي مرات عمي فاهمة
نسرين :قربت منه اوي
خلاص مش حجيب سيريتها بس ارجوك متحرمنيش منك زي ما اتحرمت من ابوك .
اكمل : بعدها ونزل ايديها بصدمة. انتي بتقولي ايه انتي اتجننتي يا ست انتي ولا ايه انا في كل الاحول منفعلكيش انا جوز بنتك اللي اه مبحبهاش بس جوزها وانتي متحرمه عليا انتي ايه انتي وبنتك مبتحسوش مبتعرفوش ربنا انا دلوقتي بس عرفت هي طالعة لمين كدة بجحة ومبتكسفش . اسمعي انتي تبعدي عني ومش عايز اشوفك ولا اتكلم معاكي وياريت ترجعي لبنان وتريحينا منك وان شاء الله قريب جدا بنتك حتحصلك .
وطلع اكمل علي اوضته وهو مصدوم ومش مصدق .
أكمل : انا بجد مش مصدق ان دي ام تسنيم القطة المغمضة اللي فتحت علي ايدي . تسنيم اللي كانت حتموت من الرعب بعد اللي حصل بينا لما بس سمعت صوت ابوها في التليفون مش ممكن الحمد لله انها اتربت معانا هنا ومعشتش مع الست البجحة دي يارب تغور بقي من هنا هي ومايا
ودخل اكمل لقي تسنيم قاعدة في البلكونة وساندة راسها علي الصور . وعنيها مدمعة .
اكمل : ابتسم. مساء الخير يا قلبي وحشتيني
تسنيم : ابتسمت. وبعدين احنا اتفقنا انك تبطل تكلمني كدة .
اكمل : مقدرش . قلبي بقي خديه وحاسبيه براحتك. انتوا بتعرفوا تتفاهموا مع بعض. ولا نسيتي
تسنيم: ههههه طيب يا غلس. تصبح علي خير
اكمل : امتي بقي تقوليهالي وانتي مراتي ونايمة في حضني امتي
تسنيم : راحت ابتسمتها. خلاص يا اكمل ده حلم وراح حاول تحلم وتتمني حاجة تانية. لان ده صعب يتحقق . تصبح علي خير. ودخلت تسنيم من البلكونة وفضلت تعيط.
اكمل :يارب بقي الرقة والاحساس ده
ازاي تكون بنت نسرين واخت مايا.

وبعد اسبوع سافرت نسرين لانها لقت ان اكمل مستحيل يطاوعها في اللي كانت بتفكر فيه . وفي ليلة بالليل تسنيم سمعت صوت جني بتعيط وعيطها كتير قلقت وراحت عند اوضة مايا وهي خايفة تدخل ومايا تزعقلها هي طول الشهر اللي فات كله مكنتش بتخليها تشيلها ولا تقرب منها . بس مقدرتش صوت عياط جني واجع قلبها . خبطتت ومحدش رد فتحت الباب لقت جني في السرير بتعيط ومفلوقة من العياط ومايا في البلكونة وبتشرب سجاير تاني.
تسنيم : اتخضت علي جني. كدة يا مايا سايبها تعيط حرام عايكي دي تعبت من العياط
مايا : انا خلاص فاضلي دقيقة وارميها من البلكونة انا تعبت عايزة اقعد براحتي عايزة انام ايه الهم ده . لا وكله كوم وحكاية الرضاعة دي كوم تاني. علشان سي زفت اكمل مصمم اني ارضعها ربنا يخده هو وهي .
تسنيم : طيب بس ممكن اشيلها دي بتعيط جامد قلبي مش متحمل ممكن .
مايا : شيليها بلاقرف
تسنيم : شالت جني وقعدت تهدهدها وتملس علي شعرها . ششش بس يا روحي بس .
الغريب ان جني عياطها هدي وابتدت تسكت بس لسة بتأن. طيب يا مايا مش يمكن تكون جعانة اوعايزة تغير انا كنت بسمع دادا بتقول ان الاطفال بيعيطوا علشان كدة
مايا :انا لا حرضعها ولا حغيرلها انا قرفت انا مش واخدة علي كدة وسي زفت ده من بكرة يشوفلها بيبي سيتر تقعد معاها انا مش خدامة عنده هو وبنته.
تسنيم : طيب لو ميضايقكيش ممكن اخدها تنام عندي ووالله حخلي بالي منها . وبكل رجاءمن تسنيم . ممكن لو سمحتي
مايا: اصلا هي مش ام ولا تستاهل انها تكون ام . خديها انا عايزة انام
تسنيم : طيب ممكن اخدلها حاجاتها هدومها والبيبرونة وكدة
مايا: كل حاجتها عندك خديها وسيبيني انام
وفعلا تسنيم اخدت جني وكل حاجتها وكانت فرحانة بيها جدا ونزلت لدادا صباح اللي كانت خلاص حتنام
تسنيم :دادا اسفة حأخرك عن النوم . ممكن بس تيجي معايا نحمي جني ونغيرلها وتقوليلي ازاي احضرلها رضعة. انا معرفش اعمل كدة
صباح : وفين مامتها سايبهالك ليه
تسنيم : حرام تعبت اوي بقالها شهر وزيادة بتسهر معاها انا طلبت منها اني اخدها تنام عندي للصبح وهي تنام وترتاح
صباح : والله لولا انه حرام كنت قولت ان اللي خلاها ام ظلمها بس حرام ربنا هو اللي بقدر ويدينا النعم . تعالي يا بنتي وانا حوريكي وافهمك كل حاجة
وفعلا صباح فهمت تسنيم كل حاجة وازي تحميها وتغيرلها وتعملها رضعة وتسنيم كانت فرحانة واخدتها بعد ما عملت كل ده ونيمتها في حضنها ونامت وبعد ساعة جني صحيت تاني وعيطت تسنيم قلقت بسرعة وهي مخضوصة عليهاوشالتها
تسنيم : بس بس يا روحي مالك بس انتي لسة راضعة. طيب هي ممكن تكون عايزة ترضع من مايا اصل رضعة اللبن دي مش حتشبعها انا حروحلها ترضعها واجبها تاني
وراحت تسنيم وصحت مايا براحة
تسنيم : مايا .. مايا..ممكن بس ترضعي جني علشان جعانة
مايا : قامت مخنوقة
اوفففف انا عايزة انام
تسنيم : معلش علشان خاطر جني رضعيها وحخدها وامشي علي طول
مايا رضعت جني وهي مضررة وعايزة تنام. وتسنيم اخدت جني ورجعت اوضتها وقعدت تلعبها ومبسوطة بيها بس لقت الجو حر ودادا صباح لما كانت عندها من شوية قفلت التكيف علشان جني متتعبش تسنيم فتحت البلكونة ودخلت بجني تقف بيها وكانت قاعدة تغنيلها وتتمشي بيها .
أكمل : كان لسة راجع من بره ولما دخل البلكونة شاف تسنيم ومعاها جني .
أكمل : ابتسم . يا بختك يا جني واخدة الحضن اللي بابي حيموت عليه
تسنيم : ههههه خاضتنا يا غلس
اكمل : هههههه سلامتك من الخضة يا روحي . قوليلي العفريتة دي عندك بتعمل ايه وليه مش مع مايا
تسنيم : ابدا اصل مايا صعبت عليا تعبانة وشكلها مرهق فقلتلها اخدها تنام عندي ووفقت
اكمل : غريبة دي كانت معاندة ومش عايزاكي تشيليها
تسنيم : لا ما هو انا اتحايلت عليها ووفقت . بس اسكت يا اكمل وانا بحميها انا ودادا كان شكلها عسل وصغننةخالص الهدوم مكبراها
اكمل : ههههه اه ما انا نفسي زي ما اخدت شكلك تاخد جسمك كمان
تسنيم : بطل قلة ادب .
اكمل : ههههههه حاضر هبطل بس شوفتي شبهك ازاي علشان لما قلتلك اني يومها كان عقلي فيكي وشايفك انتي تبقي تصدقي اهي طلعت نسخة منك
تسنيم : بصت لجني وهي مبتسمة. تعرف اكيد ربنا ليه حكمة في اللي حصل ده كله من انك تتجوز مايا وتخلف منها كمان بس ايه هي الحكمة دي محدش يعرف . بس المهم ان جني دي جت ونورت حياتنا انا بحبها اوي يا اكمل اكنها بنتي والله. وعيطت تسنيم. انا مش عايزة الصبح يجي علشان مديهاش لمايا عايزاها تفضل معايا .
أكمل : معلش يا حبيبتي هي كدة كدة حتفضل معاكي لان انا لما اطلق مايا مستحيل اخليها تخدها وتربيها زي ماهي اتربت
تسنيم : اكمل راعي ان اللي بتتكلم عنها دي اختي واللي ربتها ماما مش حد غريب . وان كانت مايا غلطت . احنا كمام غلطتنا متنساش محدش فينا مبيغلطش
اكمل : انتي غلطي مع حبيبك اللي بتحبيه من وانتي صغيرة واللي وثقتي فيه واللي عارفة انه بيحبك ومش حيسيبك. وكمان ندمتي وتوبتي لكن هي بقي باردة ولا بتتأثر بحاجة ولا حتي زعلت ولا ندمت . تسنيم متحطيش نفسك في سلة واحدة مع مايا انتي حاجة وهي حاجة فاهمة
تسنيم : خلاص يا اكمل قفل علي الموضوع ده . انا حدخل بقي علشان جني نامت واخاف تاخد برد تصبح علي خير
اكمل : وانتي من اهله يا قلبي والله كان نفسي اجي واخدكم انتم الاتنين في حضني وانام بس اعمل ايه حستني يمكن ربنا يحققهالي.
تسنيم : دمعت. تصبح علي خير ودخلت واخدت جني في حضنها ونامت وهي كمان كانت بتتمني اللي اكمل بيتمناه. يارب يارب انا مش بطلب المستحيل انا نفسي اكمل يكون جوزي ومخفش وانا بحضنه مخافش وهو معايا يارب مليش غيرك يعرف اللي جوايا ويحققهولي . ونامت تسنيم وجني
اما اكمل كان لسة سهران ومش عارف ينام . نط لبلكونة تسنيم وفتحها وشافها وهي واخده جني في حضنها ونايمة وكان شكلهم جميل
اكمل : فضل واقف مبتسم . يارب امتي بقي تبقي حلالي ومراتي واعيش معاها هي وجني يارب حققلي امنيتي دي ومش عايز حاجة تاني . وقرب اكمل منهم وباس جني وباس تسنيم وغطاهم ورجع اوضته

وعدي شهر كمان ومايا سابت جني لتسنيم خالص وابتدت تخرج وتروح النادي وتسهر وتسنيم مبتسبيش جني مهتمة بيها وبكل حاجاتها
وفي يوم اكمل مع عمه في مكتبه
اكمل : يعني ايه يا عمي لا بقي كفاية كدة اوي انا مش متحمل
شوكت : يا اكمل افهم بس انا عارف اني تقلت عليك بس المرة دي علشان بنتك . خاليها بس تفطمها وبعدين طلقها . انت مش كنت مصمم انها ترضعها طبيعي علشان خايف علي صحتها
اكمل : ايوة بس انا خلاص مش قادر لسة حتحمل الوضع ده لحد سنتين لا كتير
شوكت : طيب حتي خليها سنة. وتبقي تفطمها مااحنا لازم نستني لانها مش حتخدها معاها الا بقي لو انت تتطلقها وتديها البنت
اكمل : لا مستحيل انا بنتي متترباش بعيد عني
شوكت : يبقي تستني وامرك لله
اكمل كان مخنوق ومتضايق وراح لتسنيم وحكالها وقلتلوا ان باباها معاه حق وانه لازم يستني . وسمع كلامها واستني وبعد شهر كمان كان فرح شروق صاحبة تسنيم ومقلتش لاكمل علشان كانت متأكدة انه مش هيسبها وحيروح معاها. ولبست ونزلت براحة علشان ميشوفهاش واول ما وصلت للعربية لقت اكمل بيحط ايده علي خصرها .
اكمل : ايه الحلاوة دي حرام عليكي حتموتيني
تسنيم : لفت وهي مخضوضة. حرام عليك يا اكمل والله اتخضيت
اكمل : ههههههه احسن علشان تبقي تتسحبي وتخبي عليا . كنتي عايزة تروحي من غيري . ده بعدك حروح معاكي ولا انتي عايزة كل اللي في الفرح يسيبوا الفرح ويتخانقوا عليكي
تسنيم : ابتسمت. انت عرفت منين
اكمل : عمي هو اللي قالي وقالي اروح معاكي علشان اخلي بالي منك
تسنيم : بس انا مأكدة عليه ميقولكش
أكمل : ههههه عمي مبيخبيش عليا حاجة. وانتي كمان كنتي كدة . وعموما حسابك معايا بعدين علشان خبيتي عليا وكنتي عايزة تروحي من غيري . بس دلوقتي صعب ازعلك وانتي جميلة كدة ايه ده بس لابسة فستان احمر هو انا ناقص جنان ده انا مجنون خلقة .
تسنيم : هههههه مش هتتغير . اتفضل وصلني
اكمل : تعالي يا عسل
تسنيم : طيب ممكن نركب عربيتي انا مش هعرف اركب عربيتك الفستان ضيق وانت عربيتك عالية
اكمل : تؤتؤ انا حشيلك واركبك. تعالي
تسنيم:اكمل لا استني بلاش
اكمل : ششش حشيلك وشالها علشان يرفعها وهو شايلها حضنها . وحشتيني . وحشتيني اوي
تسنيم : مش قادرة تتنفس من كتر شوقها لاكمل. اكمل لوسمحت ركبني بسرعة كدة ممكن حد يشوفنا يقول ايه
اكمل : ابتسم حاضر حركبك وقرب منها . باسها من خدها وركبها العربية ولف وركب وساق
تسنيم : بتحاول تهدي . اكمل اوعي تعمل كدة تاني فاهم . وقلتلك انسي انت مبتزهقش
اكمل: ابتسم وهو بيغيظها . تؤتؤ مبزهقش . وشغلها اغنية خالتها تضحك وهو كمان كان بيضحك وكانت.( ناويها لحماقي)( انا جايلك وناويها . بظبط وقتيل علي الباب بخبط حتعملي ايه. هتسلم بعديها فقصر وبجد انا مش بهزر.حخاف ولا ايه.انا حر يا سيدي انت ايه ضرك راضي وبيإيدي عمري مااتحرك امشي ده ايه لا انت بتهرج . واعمل كدة ليه.انا جايلك وناويها بظبط وقتيل علي الباب بخبط هتعملي ايه . ولا بتعب ولا بزهق . ده مبدأ واحلف لو مش مصدق كبيرك يومين. ماهي كبرت في دماغي براحتك . عداني العيب نصاحتك. بتتحدي مين . انا حر يا سيدي انت ايه ضرك . راضي وبإيدي عمري ماتحرك امشي ده ايه لا انت بتهرج واعمل كدة ليه)
وفضلوا الاتنين يضحكوا لحد ماوصلوا الفرح وقضوا وقت حلو وطبعا اكمل طول الفرح حيتجنن من الغيرة علي تسنيم كل الناس مبهورة بجمالها وخلصوا الفرح ورجعوا البيت

((((أقدار الحب)))) بقلم ريحانة الجنة

(((الحلقة الثالثة والعشرون)))

وعدي كمان 3 شهور وجني بقي عندها 6شهور وتسنيم اتعلقت بيها اوي ومكنتش قادرة تسببها وتسافر ووقفت الشغل اللي في دبي وفضلت قاعدة معاها وكمان حتي الشركة بتروحها قليل جدا وترجع بسرعة علشان جني بتوحشها. أما مايا فكانت خلاص نسيت انها خلفت وسابت جني لتسنيم هي اللي تعملها كل حاجة حتي معاد الدكتور تسنيم اللي عارفاه وهي اللي بتوديها وجني كمان مكنتش بتسكت ولا تحس بالامان غير مع تسنيم ولما مايا تشيلها تعيط وتروح لتسنيم ومايا لانها مبتحسش مكنش فارق معاها المهم خروجها وسهرها واصحابها .وشوكت كل يوم بعد يوم. يضغط علي اكمل علشان يأجل الطلاق. وكان متخيل ان مايا ممكن تتغير واكمل يحبها وميطلقهاش
ومكنش عايز حفيدته تتربي بعيد عن امها وابوها. وفي يوم تسنيم كانت حتاخد جني للدكتور وراحت لمايا علشان تقولها انهم خارجين علشان لو حابة تروح معاهم للدكتور وخبطت بس مايا مفتحتش فتحت تسنيم ودخلت لقت مايا في الحمام ولما بصت علي السرير لقت الاب توب بتاع مايا مفتوح وكمان صورة شات مع اياد تسنيم اصدمت واتصدمت اكتر لما شافت الكلام اللي بينهم والصور وكمان المكلمات الڤيديو اللي بينهم وطبعا مش محتاجة اقول كانوا بيعملوا ايه في المكالمات دي بس خرجت مايا وشافت تسنيم فاتحة الاب توب .
مايا : جريت عليها وقفلت الاب توب . انتي بتعملي ايه انتي بتتجسسي عليا ولا ايه. انتي مجنونة.
تسنيم : ليه يا مايا ليه اياد تاني مش هو ده اللي سابك وهرب مش هو ده اللي خلاكي تسيبي البيت وتهربي معاه. وبعدين انتي ناسية انك متجوزة لو أكمل عرف انتي عارفة ممكن يعمل ايه .
مايا : ههههههه متجوزة حلوة دي . ماانتي عارفة اللي فيها هو بيقرب مني ولا حتي بيطيق يبص في وشي والبركة فيكي ماليه عليه الدنيا ومش شايف غيرك
تسنيم : انتي ليه مصرة تحمليني نتيجة اخطأك هو انا اللي من الاول خليتك تهربي وتغلطي مع اياد . انا اللي خليتك تتجوزي أكمل علشان المصيبة دي . انا مالي كل واحد يتحمل نتيجة غلطه انا لحد امتي حفضل اتحمل اخطأغيري وانتي اول واحدة
مايا : انتي عايزة ايه دلوقتي
تسنيم : مش عايزة حاجة غير انك تصبري شوية هانت مش انتي وأكمل اتفقته علي الطلاق لما جني تتم سنة يعني خلاص كلها 6شهور كمان وتخلصي وابقي وقتها روحي اتجوزي اياد مع اني مش عارفة لما هو كدة من الاول متجوزكيش ليه وهرب
مايا : إياد مهربش هو كان خايف من بابا يأذيه او يلبسه مصيبة. واحنا فعلا حنتجوز بعد طلاقي من اكمل وقتها بابا مش حيرفض وحتي لو رفض حتجوزه غصب عنهم
تسنيم :وانتي بقي متخيلة انه هيتجوزك . اللي خلاه معملهاش في الاول . هيعمله دلوقتي بعد ما خلاص اتجوزتي وكل حاجة خلصت والناس عرفت انك متجوزة ولا حيقضيها علاقة كدة من غير جواز
مايا :حتي لو كان مش مهم ماانا خلاص اتجوزت وهبقي مطلقة ومحدش له عندي حاجة انا المهم اعيش حياتي وبس ازاي مش مهم . المهم اكون مبسوطة
تسنيم : يا مايا حرام عليكي لو كنتي غلطي قبل كدة معلش كلنا بنغلط بس متفضليش تغلطي وتسيبي نفسك لاياد يدمر حياتك . علشان خاطري اقطعي علاقتك بيه لحد ما تتطلقي ووقتها لازم تجبريه انه يتجوزك اوعي تعيشي معاه كدة تاني ده بابا ممكن يروح فيها. مش بعد ماعمل كل ده وجوزك أكمل تروحي انتي تكرري اللي حصل تاني .
مايا : والله بقي دي حياتي وتخصني انا متخصش حد . ولو حد يا تسنيم عرف او بس شم خبر باللي حصل والله لهفضحك واقول انك كنتي علي علاقة بأكمل وكنتم بتناموا مع بعض
تسنيم : هي حصلت لكدة يا مايا وانتي بقي مين قالك ان في حاجة بينا
مايا : محدش انا الي عارفة هو بيحبك ازاي وانتي كمان مبتتحمليش عليه الهوا ولعلمك انا عارفة انه معملش معاكي حاجة بس هقول كدة ساعتها علشان افضحك انتي وهو وانتي حرة بقي اعملي اللي يعجبك انا اصلا بجحة زي ما أكمل بيقول بعني مايفرقش معايا كلام ولا فضايح . فاهمة يا حلوة .
تسنيم : نزلت معيطة واخدت جني علشان توديها للدكتور. وهي بتقعدها في العربية كان أكمل راجع من بره نزل من العربية وراحلها
أكمل : ايه يا سمسمة واخدة جني علي فين .
تسنيم :وهي باين عليها الزعل والعياط. مفيش انا واخدها للدكتور
أكمل : بلهفة. ليه مالها هي تعبانة
تسنيم : لا ابدا ده المعاد بتاع كل شهر لازم نتطمن عليها بإستمرار
أكمل : تسنيم انتي معيطة مالك انتي الي تعبانة ولا جني متقلقنيش عليكم
تسنيم : والله مافي حاجة سيبني بس دلوقتي علشان متأخرش علي معاد الدكتور
أكمل :لا تعالي انا حوصلكم
تسنيم : لا يا أكمل ادخل انتي انت جاي تعبان
أكمل : قرب منها وابتسم . ده انا لو هموت اول بس ما اكون حنبك وعيني عليكي ببقي كويس ومرتاح انتي دوايا يا سمسمتي .
تسنيم : بضيق. اكمل لو سمحت كفاية بقي انسي واتكلم معايا بطريقة تانية. انا تعبت من الكلام معاك
أكمل : اممم واضح كدة ان الحيوانة اللي فوق دي منكدة عليكي وقايلالك كلام زفت زيها. ماهو محدش بيعمل فيكي كدة غيرها الباردة دي
تسنيم : لا مايا ملهاش دخل احنا اللى
غلطنا ولسة بنغلط بقربنا ده. انت ليه بتصعبها عليا ليه
أكمل : حبيبتي انتي شكلك مخنوق تعالي نروح للدكتور وبعدين نخرج شوية علشان تهدي شوية تعالي يا روحي
وركبوا مع بعض ومعاهم جني
تسنيم : اكمل هو انا ممكن اطلب منك طلب وتعملوا
أكمل : بإبتسامة. طلب واحد انتي تؤمري يا روحي
تسنيم : ممكن الفترة اللي جاية دي تقرب من مايا وتديها حقها اللي انت مانعها منه. كدة حرام دي انسانة ومن حقها تكون مع جوزها
أكمل : وهو بيجز علي سنانه. يا دي الموضوع الزفت اللي كل شوية حد يكلمني فيه انتوا مبتزهقوش. ريحي نفسك انا مش حلمس ست غيرك لحد ما اموت
تسنيم : يا اكمل علشان خاطري هي ست وليها احتياجات من حقها
أكمل : والله واشمعني هي بقي اللي محتاجة وانا ليه محتاجتش وقربت منها هي ولا غيرها من وقت ماكنت معاكي . وانتي ليه محتاجتيش حد من وقت ماكنتي معايا ليه منعتي نفسك عني وانا كل يوم لقرب منك واتمناكي ليه مسبتيش نفسك لطارق ولا لمروان اللي كان عايز يتجوزك . اقولك انا ليه علشان احنا بنحب بجد مش طفاسة زيها. احنا غلطنا اه بس علشان بنحب بعض . لكن هي عمرها محبت ولا عندها احساس . هي عايزة اي حد وخلاص انا بقي اياد مش مهم . هي دي لو كانت حبت اياد بجد وكان بينهم حب زي اللي بينا.
مش كانت هي اللي هططلب مني اني مقربلهاش ازاي واحدةتحب واحد وتروح لحضن غيره انا مش فاهم . تسنيم انا جبت اخري من الموضوع ده . لو سمحتي متفتحهوش تاني هما كلهم خلاص 6شهور وكل حاجة تخلص . ثم انا بقي عايز افهم انتي ازاي بتطلبي مني المس واحدة تانية انتي مبتغريش ده انتي كنتي بتموتي لما تشوفيني بكلم اي واحدة واولهم مايا ايه اللي حصل خلاص بطلتي تحبيني
تسنيم : اصلا كانت لتعيط وعياطها زاد
أكمل : وقف العربية وخدها في حضنه . حبيبتي انا اسف اني قولت كدة انا عارف انك بتحبيني وبتغيري عليا. وعارف كمان انك قولتي كدة علشان انتي حساسة وخايفة تكوني السبب في بعدي عن مايا. بس يا قلبي هي مش مراتي وانتي خطفتيني منها هي اللي خطفتني منك وكانت السبب في بعدي عنك….. خلاص ممكن بقي نهدي انتي عارفة انا بضعف قدام دموعك وممكن دلوقتي ابوسك كمان مش بس احضنك.
تسنيم : خرجت من حضنه وابتسمت.ده بعينك
أكمل :ههههههه عيني بس ده عيني وقلبي وعقلي وكل حاجة فيا حتموت عليكي . بحبك بحبك يا سمسمة مهما حصل فاهمة
تسنيم : ابتسمت. فاهمة ممكن بقي نروح علي الدكتور اتأخرنا
أكمل : باس ايديها وابتسم . ممكن انا تحت امر حبيبة قلبي
وطلع اكمل بالعربية وراحوا للدكتور وكشفوا علي جني وخرجوا اتعشوا بره ورجعوا البيت وقعدوا مع شوكت واتفرجوا علي فيلم وتسنيم كانت قاعدة وحضنا جني. ونامت وجني هي كمان . نامت في حضنها.
شوكت: ههههه بص يا أكمل جني وتسنيم الاتنين ناموا وهما حاضنين بعض
أكمل : مبتسم بسعادة. اه يا عمي شكلهم جميل تحس كدة انهم صورة من فيلم كارتون سنو وايت الكبيرة وسنو وايت الصغيرة
شوكت : ههههههه اه والله عندك حق . بقولك ايه انا طالع انام صحيهم بقي يطلعو يناموا فوق
أكمل : اصحي مين بس دول في سابع نومة. لا حضرتك انا حشيل بنتي وانت شيل بنتك ونطلعهم فوق
شوكت : ههههههه بتحلم انا يا حبيبي خلاص ماعنديش صحة لكدة خليك جدع بقي وشيل الاتنين
أكمل : هو ده
شوكت : بتقول حاجة
اكمل : وهو بيمسح شعره . هههههه لا مفيش روح انت نام وانا حشيلهم متقلقش
وطلع شوكت نام وأكمل شال جني براحة من حضن تسنيم وطلعها في سيريرها في أوضة تسنيم . ورجع لقي تسنيم لسة نايمة كان بيصلها وبيبتسم .
أكمل : اه بس لو كنت اقدر اخدك علي أوضتي دلوقتي . وحشتيني . يارب عدي بقي ال6 شهور دول علي خير البعد ده صعب اوي . اوففف
وشال أكمل تسنيم وطلع بيها فوق وكان حاضنها وهو مبسوط ومكنش عايز يحطها في السرير. بس مضطر . ونيمها في سيريرها وباسها وغطاها وخرج واول ما خرج لقي مايا راجعة من بره اكمل استغرب كان فاكرها في أوضتها وكمان الوقت اتأخر
أكمل : انتي كنتي فين كل ده الساعة 2 صباحا يا هانم
مايا : بقرف. وانت مالك وراحت أوضتها.
أكمل : راح وراها ومسكها من ذراعها . انا لما اكلمك تردي عليا عدل وانتي واقفة واياك تمشي وتسبيني تاني وانا بكلمك فاهمة
مايا : اوففففف عايز ايه
أكمل : كنتي فين
مايا : في النادي
أكمل : والله لحد دلوقتي
مايا : بعد ما خرجنا من النادي روحنا ديسكو
أكمل : نعم يا ختي ديسكو ايه ده الله يخربيتك انت اتهبلتي في عقلك
مايا: وفيها ايه تكنش بتغير
أكمل : أغير مين يا غبية انتي . انتي بس للاسف محسوبة عليا زوجة . ده بقي غير عمي وسمعته لما الناس تشوف بنته في الديسكو لحد وقت زي ده يقولوا ايه
مايا: يقولوا اللي يقولوه . متفرقش معايا
أكمل : احنا بقي يفرق معانا . وعلشان متغباش عليكي تاني . الحكاية دي متتكررش تاني لحد ما نطلق . انا مش اخرتها يجيني حد ملوش لزمة ويقولي شوفت مراتك ولا مراتك كانت معايا في الديسكو فاهمة
مايا : هي تسنيم قالتلك حاجة
أكمل : قلق . حاجة ايه
مايا : لا ولا حاجة . وبكل حقارة وخبث . تعرف انا شوفت تسنيم بتكلم واحد علي الشات ومصورالو نفسها بلبس عريان وكمان كلامهم مقولكش حاجة تفضح
أكمل : بكل انفعال وغيظ وارف . ضربها قلم وقعها علي السرير . انتي مستحيل تكوني بني آدمة انتي حيوانة ويمكن الحيوان احسن منك انتي بتشهري بأختك وتتبلي عليها تسنيم دي برقبتك انتي واللي زيك تسنيم دي . متعرفش تعمل كدة فاهمة . والله يا زفتة انتي لو اتكلمتي عليها كدة تاني انا هموتك فاهمة كتك الارف
ومشي اكمل وراح أوضته مخنوق من مايا . اللي كل يوم بتأكدلو ان هو كان صح وان مايا غير تسنيم الاتنين عكس بعض .
أكمل : يا رب ازاي دي بس تكون ام بنتي انا خايف تيجي في يوم وتفضحها بتصرفتها واخلاقها الزبالة دي يارب ريحني منها بقي انا تعبت . والله تعبت
وعدي شوية وقت ولسة مايا مبطلتش اي حاجة ولا المخدرات اللي بتشرابها ولا علاقتها مع اياد ولا سهر ولا خروج ولا نادي وتستمر المعناه ..

((((أقدار الحب)))) بقلم ريحانة الجنة

(((الحلقة الرابعة والعشرون))

وعدي كمان 5 شهور من عمر جني وبقي عندها 11شهر وفاضل شهر واحد علشان تتم سنة وكل يوم جني بتتعلق بتسنيم وكمان بتنده عليها مامي. وكل ما حد يسألها فين مامي تشاور علي تسنيم وكانت مبتحبش مايا لانها هملاها ولا تعرف عنها حاجة. وفي يوم تسنيم قاعدة بتأكل جني وبتلاعبها وأكمل راجع من بره ولما لاقهم كان مبتسم ومبسوط.
أكمل : حبيايب قلبي أغلي اتنين عندي في الدنيا
تسنيم : ههههههه بابي ده فظيع يا جني عليه كلام يدوخ بس هنعمل ايه مضطرين نتحمله
أكمل : ههههههه كدة ماشي المهم وحشتوني انتوا الاتنين . وانتي يا حبيبة بابي عاملة ايه
جني : كانت بتبصله وتضحك
تسنيم : هاه قولي لبابي انا كويسة
أكمل: باس ايد تسنيم . طبعا انا متأكد انها كويسة لانها معاكي انتي
تسنيم : وبعدين بابي مش ناوي يجبها لبر مصر يفضحنا
أكمل : هههههههه حرام عليكي ده بابي غلبان والله
تسنيم : انت هتقولي ما انا عارفة . يالا اطلع غير هدومك علشان نتعشي كلنا
أكمل : حاضر يا روحي . بس قوليلي الزفته دي جت ولا لسة
تسنيم : ارتبكت . ايه اه لالا لسة زمانها جاية
أكمل : هي المتخلفة دي مش حتتلم شوية ده خلاص فاضل شهر وتغور بقي ده مفيش حد في النادي مبيتكلمش عليها وعلي بلاويها انا قرفت الله يسامحك يا عمي مرمت اسمي معاك علشان تبقي واحدة زي دي مراتي وكل شوية عيل ملوش لزمة يجي يقولي المدام كانت امبارح بتعمل ايه المدام امبارح كانت مولعاها في النادي حاجة تقرف
تسنيم : معلش بس يا أكمل اهدي هي يعني بتعمل ايه بتروح تعوم تلعب تنس تقعد مع اصحابها وتهزر وتضحك يعني مش حاجة وحشة
أكمل : والله اومال الشبان اللي راحةجاية معاهم دول ايه
تسنيم : متلومهاش علي حاجة انت السبب فيها انت اللي حرمها منك
أكمل : تاني يا تسنيم تمام ماشي انا بقي حروح النادي واجررها من شعرها علي هنا خليها تختمها معايا بمصيبة اوعي بقي كدة
تسنيم : مسكت ايده . أكمل علشان خاطري بلاش تأذيها ولا تعملنا فضيحة في النادي خليك هادي
أكمل : فضايح هي اللي زي دي بيهمها فضايح اوعي يا تسنيم من وشي انتي بالذات مبحبش اتنرفز عليكي . ومشي بسرعة
تسنيم : دادا خدي بسرعة خلي جني معاكي لما اروح معاه ده مجنون وممكن يعمل جناية …. وخرجت لقت اكمل حيطلع بالعربية وقفت قدامه
أكمل : تسنيم اوعي
تسنيم : لفت وركبت جنبه. ممكن اجي معاك علشان بس متتهورش عليها
أكمل : انا عمري ما اقدر امنعك تكوني معايا مهما كانت حالتي ربنا يريحنا بقي من الارف ده ويعدي الشهر ده علي خير. وساق بسرعة
تسنيم : طيب براحة ممكن تسوق اهدي من كدة انت متعصب
أكمل : هدي السرعة واخد نفس. وبصلها انتي مش ممكن عندك قدرة غريبة في انك تهديني بمجرد ما اتكلم معاكي وتكوني جنبي
تسنيم : ههههه قول بقي انك بتتلكك وعملت الشوية دول علشان اخرج واركب معاك
أكمل : ههههههه انتي بتقولي فيها احنا اصلا مبنخرجش مع بعض غير في مشوار الدكتور بتاع جني غير كدة حضرتك عاملالي حظر
تسنيم : اكمل علشان خاطري لما نوصل النادي متعملش مشكلة ولا تزعق لمايا قدام صحابها ممكن
أكمل : سبحان الله شوفي انتي بتطلبي ايه وبتقولي عليها ايه وهي بتقول ايه فعلا فرق السما والارض
تسنيم : يا سيدي متخدش علي كلامها هي برده بتبقي غايراناوحقها
أكمل : حقها كسر حقها دي بني أدمة مستفزة انا في حياتي مشوفتش واحدة زيها …. يالا ادينا وصلنا انزلي نشوفها ولا هتستني في العربية
تسنيم : لا طبعا حاجي معاك انا عارفاك وقت ما بتتعصب مبتشوفش قدامك
أكمل : ابتسم طيب بقي انا حقولك علي حاجة لو لقتيني اتعصبت احضنيني وانا اهدي علي طول
تسنيم : ههههههههه والله انا اللي حتعصب عليك لو مبتطلتش الكلام ده انت بجد حكاية
أكمل : مسك ايديها ومشي وهمسلها . انا مش حكاية انا بحبك بحبك
تسنيم : ابتسمت ومشيت معاه
وفضل أكمل وتسنيم يدوروا علي مايا في كل حتة مش لاقينها وكمان الوقت اتأخر والنادي ابتدي يفضي
أكمل : راحت فين دي بس .انسانةميجيش من وراها غير القلق
تسنيم : طيب مش يمكن مشيت . كلم دادا واسألها انا خرجت معاك مجبتش تليفوني
أكمل : طيب هكلمها …… ايوة يا دادا زفته مايا دي رجعت …….. لا. تمام ماشي خلي انتي بالك بس من جني لحد ما نرجع
تسنيم : طيب ممكن تكون فين
أكمل : تفتكري تكون راحت الديسكو تاني
تسنيم : والله يا أكمل مش عارفة انا ابتديت اقلق
أكمل : استني كدة في انا شايف حد هناك ورا ملعب التنس
تسنيم : وهو ايه اللي حيودي مايا ورا ملعب التنس وكمان دلوقتي المكان هناك هادي ومضلم.
أكمل : بيجز علي سنانه. ماهي اختك دي بتعشق الضلمة اسأليني انا تعالي لما نشوف
ومشي أكمل وتسنيم وراحوا ورا ملعب التنس وكانت صدمة مايا قاعدة مع 3شبان وكمان كانت تقريبا حاضنة واحد منهم وبيشربوا مخدرات أكمل كان حيقتلها والشبان اول ما شافوه جريوا بسرعة وسابوا مايا ومايا اترعبت لما شافت أكمل . بس هو كان خلاص جاب أخره وجري عليها وشدها من شعرها
أكمل : عمرك ما هتتغيري حتفضلي زبالة ويمكن الزبالة انضف منك . انتي بتعملي ايه يا حيوانة
مايا: اي .. اي اوعي شعري يا متخلف انت ايه مش بني أدم
تسنيم :أكمل علشان خاطري سيبها بلاش فضايح
مايا : ايوة اعملي نفسك غلبانة تلاقيكي انتي اللي جايباه علشان يشوفني ويضربني بس والله لعمل اللي قولتلك عليه وافضحكم انتي اللي جبتيه لنفسك
أكمل : شدها تاني من شعرها وضربها بالقلم هو انتي لسة ليكي عين تتكلمي وتهددي انت ايه معمولة من ايه
تسنيم : بتعيط ومسكت ايد أكمل . أكمل ارجوك كفاية بلاش ضرب علشان خاطري
أكمل : تمام انا هستني لحد ما نروح علشان النهاردة دي حتبات في المستشفي
واخد أكمل مايا وتسنيم علي البيت ولما رجعوا أكمل حكي لشوكت علي اللي حصل
شوكت : مكنش طايق مايا. هو انتي مش حتتغري اعمل فيكي ايه بس يعني مش كفاية أكمل ادبس فيكي وفي مصيبتك السودا كمان رايحة تتصرمحي مع الشبان وتفضحيه انتي ناسية انك محسوبة عليه زوجة. والله انالوطبيت ساكت دلوقتي حتكوني انتي السبب . منها لله امك هي السبب في تربيتك البايظة دي منها لله
انا مش عارف لما تطلقي حتعملي ايه حضيعي كل اللي احنا عملناه ربنا يهديكي
تسنيم : كفاية يا بابا لو سمحت خليها تطلع أوضتها وابقي كلمه بعدين
مايا : ايوة تلاقيكي خايفة اوقل وافضحك ماانتي اللي قولتلهم اني بشرب مخدرات بس والله لفضحك
أكمل : انتي كنتي تعرفي انها بتشرب يا تسنيم ومقلتليش
تسنيم : بتعيط مكنش ينفع لو كنت اتكلمت كانت حتفتكر اني بوقع بينكم
شوكت : بس ده غلط يا تسنيم كان لازم تقولي. وبعدين فضيحةايه اللي بتتكلم عليها مايا دي انا مبقتش فاهم حاجة هو انا خلاص بقيت مليش لازمة في البيت كل واحد يعمل اللي علي مزاجوا
مايا : والله انت يا سي أكمل عايز تفهمني انها مقلتلكش . بس ماشي بردوا انا هقول لبابا . بابا….
أكمل : قاطعها وميسكها من شعرها وجرها علي فوق . امشي معايا احسن اقسم بالله موتك الليلة دي حيكون علي ايدي . امشي يا بجحة
مايا : اي اي يا بابا قولو يسيبني
شوكت : والله ابدا خليه يمكن يعرف يعمل اللي انا معملتوش . خليه يربيكي
تسنيم : جريت علي أكمل . أكمل كفاية لو سمحت. لو ليا خاطر عندك
أكمل : مردش عليها واخد مايا علي أوضتها وقفل الباب بالمفتاح وضربها لما فش غله فيها انتي ايه كلك غلط كلك متستحقيش تعيش غير في وسط الزبالة اللي بتعرفيهم . والله ومش حعيد الكلام ده تاني لو في يوم من الايام بوقك اتفتح بكلمة عن تسنيم وعني لعمي لحيكون أخر يوم في عمرك . وخلي الشهر اللي فاضل ده يعدي علي خير انتي سامعة
وخرج أكمل وراح أوضتة تسنيم . لقاها بتنيم جني
أكمل : تسنيم انا عايز اعرف هي الحيوانة دي كانت بتهددك بأيه
تسنيم : بتعيط ومش بترد
أكمل : قعد جنبها. ومسك وشها حبيبتي قوليلي كانت بتهددك بأيه
تسنيم : وهي بتعيط وصعبان عليها نفسها. كانت بتقولي لو قلتلك حتقول لبابا وماما وكل الناس انها شافتنا نايمين مع بعض ولو ده كان حصل انت عارف انهم ممكن يتأكده من ده بسهولة بعد اللي حصل بينا قبل كدة . وعيطت أكتر
أكمل : حضنها وهو بيعض علي شايفه . اه يا بنت ال….. بقي كدة . وانتي ازاي تسكتي ليه مقلتليش
تسنيم : كنت خايفة من الفضايح انت عارف يا أكمل انا مش كمل فضيحة زي دي والله انا تعبت غلطة واحدة افضل ادفع ثمنها كل عمري والله حرام كل اللي يعرف اللي كان بينا يهددني ويزلني انا اتزليت اوي يا أكمل اتزليت وعيطت زيادة
أكمل : ضمها أكتر وطبطب عليها . خلاص يا قلبي كفاية معلش انا السبب في كل اللي حصلك واللي بيحصلك . بس والله اوعدك بعد عيد ميلاد جني حطلقها ونتجوز علي طول ويبقي بقي حد يفتح بقوه والله اخدك واسافر ما هيهمني حد . اهدي يا روحي اهدي
تسنيم : حضنته أكتر . انا بحبك والله بحبك. وحبك ده هو اللي مخليني ضعيفة كدة ومكسورة
أكمل : وهو بيحضنها اكتر ونفسه يخاد كل المها ووجعها ويريحها . لا يا عمري محدش يقدر يكسرك طول ما انا موجود والله لخليكي ترفعي راسك قدام كل الناس وانتي مراتي وحلالي يا قلبي . بس كفاية انتي وجعتي قلبي والله انا مستحملش اشوفك مقهورة كدة اهدي اهدي وانا حنزل تحت اجبلك عصير واجع تشربيه وتنامي اتفقنا.
تسنيم : هزت راسها وهي بتمسح دموعها. اتفقنا
أكمل : مسك وشها. ايوة كدة هي دي حبيبتي اللي بتسمع الكلام . انا مش حتأخر عليكي
ونزل أكمل وجابلها العصير وشربها ونيمها في حضنه لحد ما نامت وبعدين. رجع أوضته وعدي الشهر اللي فاضل وجه يوم عيد ميلاد جني واللي حصلت فيه مفجأة محدش توقعها واللي كانت هي دي اللي فرقت بين تسنيم واكمل لسنين

((((أقدار الحب ))))بقلم ريحانة الجنة

(((الحلقة الخامسة والعشرون)))

وفي يوم عيد ميلاد جني تسنيم وأكمل عملوه في في جنينة الفيلا بس الكبيرة اللي بعيدة عن البسين وكانت حفلة جامدة وكل اصحابهم ومعارفهم وكل الاطفال اللي في النادي كانو موجودين وكانت الدنيا زحمة ودوشة وتسنيم وأكمل كانوا مع جني بيرقصوا معاها ويلعبوها بس تسنيم بصت من بعيد شافت مايا بتتكلم في التليفون وبتتلفت حاوليها وبعدت بعيد تسنيم خافت انها تعمل مشكلة في عيد ميلاد جني وراحت وراها تشوفها بتعمل ايه وأكمل اخد باله ان تسنيم بعدت بس قال عادي ممكن تكون بتشوف حاجة وجاية . تسنيم لقت مايا دخلت الفيلا بسرعة راحت وراها بس وقفتها واحدة من صاحباتها وقعدت تتكلم معاها بس تسنيم حاولت تخلص الحوار بسرعة ودخلت الفيلا تشوف مايا ملقتهاش تحت طلعت فوق في أوضتها واول ما قربت من الاوضة اتصدمت سمعت صوت مايا ومعاها صوت راجل قلبها وقف وخافت خصوصا لما قربت اكتر وسمعت الكلام اللي بيقولوا وفهمت هما بيعملوا ايه حطت ايدها علي بقهاونزلت تجري علي تحت وكان أكمل قلق علي تسنيم وراح وراها وقابلها وهي نازلة وبتجري ومخضوضة
أكمل : مالك يا سمسمة انتي وشك اصفر ليه كدة
تسنيم : خايفة ومرتبكة. اااانا كويييسة ممافيش حاجة
أكمل : شك اكتر : تسنيم مالك ايه اللي حصل هي الزفتة دي مش ناوية تجبها لبر عملتلك ايه
تسنيم : لا لا معملتش حاجة بقولك ايه تعالي علشان منتأخرش علي الحفلة ومسكت ايده علشان يمشوا
أكمل: شدها ليه . تسنيم مالك انتي لو خبيتي علي الدنيا بحالها انا لا
تسنيم : عنيها دمعت . مفيش يا اكمل صدقني بقي تعالي علشان جني مع بابا لوحدها
أكمل : هي مايا فوق بتعمل ايه
تسنيم : ايه اه لا هي هي بتتغير هدومها وجاية تعالي احنا نرجع الحفلة
أكمل : انا طالع اشوفها
تسنيم : مسكته من ايده لا لا علشان خاطري بلاش هي هتنزل لوحدها
أكمل : اه واضح كدة انها لسة بتضرب مخدرات انا بقي حطلع افوقها علشان تسيب بنتها في اول عيد ميلاد ليها وتطلع تضرب الهباب ده
تسنيم : عيطت اكتر وهي ماسكة ايده . ارجوك لا متطلعش فوق بلاش وحياتي عندك بلاش .
أكمل : سابها وطلع وهي طلعت وراه وجه يفتح الباب لقاه مقفول فضل يزق فيه لحد ما اتفتح ولقي مايا مع اياد في السرير وطبعا أكمل عرف انه اياد لانه شاف صوره معها علي الفيس والانستجرام قبل مايتجوزها .أكمل شد اياد وقعد يضرب فيه وتسنيم حاولت تفك الاشتباك علشان خايفة علي أكمل و اياد عرف يفلت منه واخد هدومه ونزل يجري. أكمل لف لمايا وجرها من شعرها وهو مش طايقها وقعد يضرب فيها بالاقلام
أكمل : انتي ايه ليه رخيصة كدة ليه واطيه كدة مش قادرة تصبري لحد مااطلقك وتتجوزيه. وكمان انتي ام انتي سايبة بنتك في عيد ميلادها وجاية …. يا بنت ال….. والله لربيكي وافضحك يا كلبة يا زبالة
مايا : كفاية بقي انت محسسني انك ملاك انت والهانم ما انتوا كمان بتحبه بعض في ايه بقي
أكمل : ايديكي قولتي يا رخيصة بنحب بعض مش بنام مع بعض يا كلبة. وانتي طالق طالق طالق كتك الارف
مايا : احسن انا كنت عايزة اخلص منك . بس والله لو بابا عرف حفضحك انت والسهتانة دي واقول اني شوفتكم مع بعض
أكمل : كدة طيب ورحمة ابويا لنزلك كدة زي ماانتي بقميص النوم ده لابوكي وكل الناس اللي تحت علشان يشفوكي ويعرفوا حقيقتك وافضحك ابقي بقي وريني ازاي حتفتحي بقك محدش حيصدق واحدة كلبة وواطية زيك تعالي. وشدها أكمل من شعرها وجرها علي تحت وتسنيم كانت وراه وبتترجاه
تسنيم : بتعيط. ارجوك يا أكمل بلاش وحياتي وحياتي لا كفاية فضايح لا
مايا : لا يا أكمل ابوس ايدك بابا كدة ممكن يحرمني من كل حاجة لا
أكمل : وقف. هو ده اللي همك وفارق معاكي انه يحرمك من الفلوس اه يا زبالة ومفرقش معاكي الفضيحة وابوكي ممكن يحصله ايه لما يعرف
تسنيم : أكمل ابوس ايدك سيبها لو بابا شافها كدة وقلتلوا علي اللي حصل بابا ممكن يجرالوا حاجةوساعتها انا مش حسامحك والله عمري ما حسامحك
أكمل : كان وصل عند اول البسين وعلشان خايف علي تسنيم ساب مايا ومايا كانت عايزة تجري بعيد عن أكمل علشان ميمسكهاش تاني وهي بتجري وقعت علي حرف البسين ودمغها نزفت وغابت عن الوعي . تسنيم واكمل جريوا عليها
تسنيم : بتصرخ . مايا مايا ردي عليا ايه اللي حصلك انا السبب انا السبب يارتني ما روحت وراكي يا رتني أكمل شيلها بسرعة لازم نوديها المستشفي ارجوك بسرعة .
أكمل : شال مايا وطبعا شوكت والناس جريوا يشوفوا في ايه بسبب صريخ تسنيم وشوكت شاف مايا وأكمل شايلها بقميص النوم استغرب بس من قلقه معلقش وراحوا كلهم علي المستشفي وكانت مايا في العمليات واكمل وتسنيم وشوكت مستنينها بره
شوكت : أكمل مايا كانت نازلة عند البسين بقميص النوم ليه وايه اللي وقعها
أكمل : بص لتسنيم وهي كانت بتهز راسها لا وعنيها بتحظره انه يتكلم
شوكت : ساكت ليه رد يا ابني انا قلبي بيقولي حاجة وخايف تطلع صح ريحني يا ابني رد عليا .
أكمل : انا حقولك
تسنيم : أكمل اوعي عمري ما حسامحك والله عمري
شوكت : اسكتي انتي اتكلم يا أكمل كانت بتعمل ايه.
أكمل : اصلي طلعت الاوضة ولقتها مع اياد في السرير و…………
شوكت : قعد علي الكرسي وهو مكسور ومش قادر ياخد نفسه. لا حول ولا قوة الا بالله انا بس مش عارف انا ربنا بيعاقبني بالبنت دي ليه ده انا عمري ما ازيت حد. استغفر الله العظيم .
تسنيم : قعدت قصاد بابها علي ركبتها وباست ايده. بابا اهدي علشان خطري متعملش كدة انا خايفة عليك وبصت لأكمل انا لو بابا جرالوا حاجة مش حسامحك انت اللي حتكون السبب فاهم
أكمل : كان مخنوق ومردش عليها. وقرب من عمه . عمي انت كويس اندهلك الدكتور
شوكت : بيتكلم بصعوبة. لا يا ابني متخفش لسة العمر في باقي علشان اشوفها واعرف هي عملت كدة ليه هي لو قامت انا اللي حموتها بأيدي
وفي الوقت ده خرج الدكتور .
تسنيم : جريت عليه. طمني يا دكتور مايا عاملة ايه
الدكتور : شكله حزين وبص لشوكت نظرة فهم منها هو عايز يقول ايه
شوكت : دموعه نزلت. لا اله الا الله
تسنيم : بصتلهم انتوا تقصدوا ايه اتكلم يا دكتور مايا مالها. اختي حصلها ايه رد بقي حرام عليك
الدكتور: للاسف مايا جالها نزيف في المخ نتيجة الوقعة وللاسف مقدرناش نوقف النزيف ومايا ربنا رحمها
تسنيم : صرخت. لا مايا لا مش ممكن
أكمل : راحلها وحضنها. حبيبتي اهدي علشان خاطري
تسنيم : بتصرخ في حضنه. انا اللي موتها انا يارتني مارحتلها يارتني مارحتلها مايا ماتت يا أكمل وهي كدة ليه ماتت من غير ما توب ليه ليه انا المجرمة انا يا أكمل
أكمل : علشان خاطري كفاية انتي ملكيش ذنب. هي اللي عملت كدة في نفسها. ربنا يرحمها ويغفرلها بقي
تسنيم : خرجت من حضنه وزقته. انت انت اللي موتها كانت بتجري خايفة منك انت كانت خايفة تفضحها. انا. مش حسامحك عمري عمري .
أكمل : انا يا تسنيم. انا اللي قولتلها تعمل كدة مع اياد انا اللي خلتها تعمل كدة ليه ليه بتحمليني فوق طاقتي حرام عليكي انا خلاص تعبت

شوكت في الوقت ده وقع من علي الكرسي .تسنيم وأكمل جريوا عليه والدكتور ونقلوه الاوضة وكان تعب وقلبه اصلا تعبان . تسنيم : كمان مش انت السبب في اللي حصل لبابا مش انت اللي حكتلوا وانا حظرتك انا قولتلك لا وانت مسمعتش كلامي
أكمل : يا حبيبتي اهدي بقي انا مليش ذنب في كل ده انا مالي انا مش حزعل منك علشان عارف انك مش في وعيك . حاولي تهدي بس انا اول مرة اشوفك كدة
تسنيم : قعدت في الارض وهي بتعيط. اه يا أكمل انا فعلا مجرمة بسببي انت حرمتها منك وهي راحت تدور علي ده مع غيرك انا وانت اللي عملنا فيها كدة احنا اللي قتلناها اه يا أكمل انا احنا منستهلش اننا نكون مع بعض احنا لازم نتعاقب لازم لازم .
أكمل : دمع . وقعد جنبها في الارض . وحضنها. حبيبتي انتي ليه عايزة تحملي نفسك وتحمليني ذنب مايا. حبيبتي قولتلك قبل كدة لو الموضوع كدة.احتياج ليه احنا مكررنهاش من يوم ماكنا مع بعض ليه محدش فينا ضعف مع حد غير التاني . علشان مكناش عايزين غير بعض لكن مايا الله يرحمها. كانت بتفكر بطريقة تانية. وهي اللي وصلتها لكدة .
تسنيم : في حضنه بس مش بترد
أكمل : تسنيم. تسنيم. ردي مالك حبيبتي مالك . الحقني يا دكتور بسرعة
تسنيم : فقدت وعيها من كتر الصدمة مكنتش متحملة وقعدت اسبوع في المستشفي هي وشوكت وبعدين خرجوا. وأكمل مكنش فايق ولا فاكر يكلم نسرين ولما تسنيم خرجت من المستشفي كلمها وقالها ان مايا ماتت. نسرين سافرت بسرعة وراحت الفيلا واول ما دخلت راحت لشوكت وحكالها كل حاجة. طلعت لتسنيم أوضتها وكان أكمل قاعد بيأكلها وهي في السرير ولسة تعبانة وبتعيط
نسرين : وهي منهارة. قتلتي بنتي يا تسنيم قتلتيها علشان تخطفي جوزها منها عمري ماحسامحك وحفضحك واقول علي اللي كان بينكم
تسنيم : بتعيط. انا يا ماما والله ابدا انا معملتش حاجة
أكمل : انتي ازاي تتهميها بكدة جوز مين ده اللي عايزة تخطفوا ما كدة كدة كنت هطلقها انتي بتقولي اي كلام وخلاص وبعدين انتي آخر واحدة تتكلم عن الخيانة واضح ولا اوضح
نسرين: انت كمان هتهددني . لا ده انا نسرين ومبيهمنيش
أكمل : انتي هتقوليلي. ما انا عارف ومجرب منك ومن بنتك الله يرحمها بقي
تسنيم : كفاية حرام عليكم انا مش قادرة يا رب اموت انا كمان يارب اريحكم كلكم مني بقي انا خلاص تعبت
أكمل : قعد جنبها وحضنها وهو بيبص لنسرين بغل وبيجز علي سنانه سيبيها بقي في حالها حرام عليكي انتي عايزة تموتيها هي كمان
نسرين : اه يارب تموت اشمعن بنتي ماتت بسببكم
أكمل : وهي دي مش بنتك هي كمان
نسرين : لا مش بنتي ولا ربتها ولا حبيتها . انا بنتي ماتت بنتي مايا اللي قتلتوها . بس والله انا هنزل لشوكت وافضحكم عنده واخليه يطردكم بره انتوا الاتنين
تسنيم : بتبص لأكمل بحسرة وانكسار وبتعيط
أكمل : بصلها وهو بيهز دماغة متخفيش. انا معاكي
وقام لنسرين واخدها بره الاوضة
أكمل : علشان بس نجيب من الاخر انتي لو قلتي اي حاجة لعمي انا حقوله علي اللي كنتي عايزة تعمليه معايا وعلي فكرة حتي وقتها لو كان زعلان مني بردوا حيصدقني لانه حكالي علي كنتي عايزاه من ابويا كمان وان ده سبب طلاقكم وساعتها بقي انسي اي فلوس من عمي حتشحتي . والقرار ليكي اختاري .
نسرين : اتراجعت وخافت لشوكت فعلا يمنع عنها الفلوس اللي بتاخدها منه . طيب انا كنت عايزة مبلغ كدة علشان اسافر
أكمل : حط ايده في جيبه وهو بيعض علي شافيفه من الغيظ قد أيه انتي شبه بنتك الفلوس نستك بنتك اللي ماتت وبنتك اللي مدمرة جوا سبحان الله انتي مش بني آدمة. المهم عايزة كام
نسرين : مبدأيا عايزة 2مليون
أكمل : هو مليون واحد وتسافري الصبح غير كدة اعلي ما في خيلك اركبيه . علي فكرة انا لو عمي زعل وطردني زي ما بتقولي عادي حاخد تسنيم واتجوزها عادي بس انتي اللي حتخصري . مش احنا
نسرين : هات الشيك
أكمل : راح أوضته وكتبلها الشيك وادهولها وفعلا تاني يوم مشيت بس قبل ماتمشي راحت لتسنيم وهددتها بعيد عن أكمل
نسرين : انا ماشية. بس احب اقولك حاجة لو اتجوزتي أكمل اناحاخد جني منك بالقانون وكمان لما تكبرهقولها ان انتي اللي قتلتي امها وخطفتي منها جوزها. فاهمة اوعي تتخيلي انك تموتي بنتي وانا اسيبك تعيشي وتتهني مع جوزها . ومشيت وسافرت
وتسنيم كانت هاتموت من الحزن والقهر. وقالت خلاص كدة اتكتب عليها هي وأكمل الفراق . وعدي 5 شهور علي الحادثة دي وتسنيم قررت انها تسافر دبي تاني بس المرة دي من غير رجعة ولازم تبعد وقالت لأكمل
أكمل :دبي تاني يا تسنيم ما خلاص بقي احنا لازم نتجوز بسرعة خلاص مبقاش في حاجة تمنعنا
تسنيم : لا فيه لما جني تتاخد مني يبقي فيه لما ماما لما تكبر تقولها اني قتلت امها وخطفت ابوها منها يبقي فيه لما اختي تموت بسببي يبقي فيه لما كل ما اقرب منك افتكر اختي وهي سايحة في دمها يبقي فيه في كتير يا أكمل كتير اوي اوي . خلاص يا أكمل احنا كدة وصلنا للنهاية. انا لو مش عندك مانع حاخد جني معايا انا مقدرش ابعد عنها
أكمل: مسكها من ذراها الاتنين . ليه ليه حرام عليكي بعد كل ده لسة عايزة تبعدي انا خلاص مش متحمل بعدك اللي فات لسة حتحمليني بعد جديد ليه ليه تعملي فيا وفي نفسك كدة ليه بتقسي علينا كدة
تسنيم : عيطت علشان هو ده أكبر عقاب لينا احنا غلطنا غلطنا كتير اوي ولازم نتحاسب انا كنت بغير عليك من اختي.
كنت بغير وانا مش منحقي كنت بمنعك عنه بغيرتي عليك كنت بتحضني وتبوسني وانت جوز اختي كنت بتحبني وانت جوز اختي لا لازم اعاقب نفسي قبل ما أعاقبك
وفعلا تسنيم حجزت وصممت علي السفر واخدت دادا صباح معاها علشان تبقي تخلي بالها من جني وهي في الشغل ويوم سفرها
أكمل : وهو جواه حزن ميتوصفش . لسة مصممة
تسنيم : اه لسة خلاص انا اخت قرار ومش حتراجع عنه
أكمل : طيب ممكن احضنك لا خر مرة ولا كتير عليا
تسنيم : بتحاول تمسك دموعها. وساكته
أكمل :حضنها وحضنها اوييي. بحبك والله بحبك مهما عملتي ومهما قسيتي هفضل احبك. تسنيم انا عمري ما هنسي لو قعتي سنين عمري ماهنساكي وعارف انك هترجعي . بس خدي وقتك انا مش مستعجل وهستناكي .
تسنيم : كفاية لو سمحت انا تعبانة لوحدي مش ناقصة
أكمل : اخد جني وحضنها . تسنيم خلي بالك انتي واخدة روحي معاكي انتي وهي روحي متطوليش عليا ارجوكي
تسنيم : اكمل احنا هنتأخر علي الطيارة لوسمحت وصلنا بسرعة
وفعلا اكمل وصلهم وهما طول الطريق دموعهم موقفتش وودع أكمل حبيبته وبنته وكان ربنا اللي عالم هو حاسس بإيه. وسافرت تسنيم وبعدت وتعمدت متتكلمش مع أكمل حتي في التليفون الا قليل جدااا وأكمل كان بيموت كل يوم في بعدها . بس لحد امتي البعد ده محدش عارف وايه اللي ممكن يحصل ويرجعهم او يبعدهم زيادة

((((أقدار الحب)))) بقلم ريحانة الجنة

(((الحلقة السادسة والعشرون ))

وفات 4 سنين علي اللي حصل وأكمل وتسنيم بعاد أكنهم أغراب تسنيم مكنتش بتنزل مصر غير مرة واحدة في السنة وتقعد شهر واحد وهو شهر عيد ميلاد جني وكانت طول الشهر ده بتسيب جني لأكمل يخرجها ويلاعبها لأنها بتكون وحشاه وهي بتتعمد متنكش معاهم لأنها خايفة تضعف وترجع لأكمل لانه ببساطة واحشها وحتموت عليه وهو كان بيموت عليها كل يوم كان طول الشهر ده بينط من البلكونة بالليل ويفتحها علشان بس بشوف تسنيم اطول وقت ممكن حتي لو كانت نايمة ومش معاه بس كانت بتبقي وحشاه بشكل فظيع . وكمان دادا صباح رجعت مصر لان خلاص جني كبرت وبقي عندها 5 سنين وبتروح المدرسة وتسنيم جابتلها بيبي سيتر تقعد معاها لان صباح تعبت وصممت تنزل مصر . وفي يوم شوكت بيكلم أكمل في المكتب
أكمل : لا لا يا عمي انا مش هسافر . ياريت تروح حضرتك او تسنيم
شوكت : يا ابني الحفلة دي مهمة وانت عارف ماجد نعيم ده احنا بنا وبينوا شغل كتير ومينفعش محدش يروح وانا تعبان ومش قادر اسافر . ثم انا قلت انك حتفرح وتسافر جري علشان الحفلة في دبي . اهو تشوف تسنيم وجني ايه هما مش واحشينك ولا ايه
أكمل : كان قلبه بيتعصر. اااااه اااه يا عمي هما واحشيني بعقل . طيب هي تسنيم راحة الحفلة.
شوكت : لا بتقول تعبانة . وكمان بقي تعالي هنا انتوا ايه اللي جرالكم انتوا الاتنين . مبقتوش زي الاول ولا بتتكلموا ولا بتعرفوا اي حاجة عن بعض ايه اللي حصل ده انتوا كانت روحكم في بعض
أكمل : بحزن . اللي حصل اننا اتغيرنا وبعدنا وتسنيم نسيتني وانشغلت في شغلها واديك شايف خلت الفرع بتاع دبي عامل ازاي
شوكت : البركة فيك انت اللي علمتها وخلتها بالشطارة دي
اكمل : لا يا عمي هي طول عمرها شاطرة وكمان تسنيم مهندسة شاطرة وتستاهل.
شوكت: طيب هتسافر
أكمل : اه هسافر .
شوكت : طيب ابقي سلملي علي تسنيم وجني اوي البنات دول وحشوني اوي يا اكمل
أكمل : بياخد نفسه بصعوبةوبيتنهد. مش أكتر مني . بس معلش يا عمي انا مش حروحلهم انا ححجز الطيارة ذهاب وعودة حرجع بعد الحفلة علي طول انت عارف جني بتزعل لما اكون معاها واسافر
شوكت اللي يريحك يا ابني . أكمل انت مش ناوي تتجوز
أكمل : والله نفسي بس اعمل ايه . مش بإيدي
شوكت : انت مش كنت زمان بتحب واحدة وكنت عايز تتجوزها . متروح تتجوزها انا نفسي افرح بيك واعوضك عن اللي عملتوا فيك زمان
أكمل : انت معملتش حاجة ده قدر ربنا قدره علينا ومفيش مفر منه . بس حبيبتي خلاص سابتني ومشين بعدت خلاص والله اعلم اذا كانت هترجعلي تاني ولا لا
شوكت : طيب والبنات اللي كنت بتعرفهم فين انت اتغيرت فين اكمل بتاع زمان اللي مكنش بيبطل ضحك وهزار وصرمحة مع البنات
أكمل : كان بقي انا كنت بعمل كدة علشان انسي حبيبتي لكن من يوم ما صارحتها بحبي ليها وبقت حبيبتي مفيش واحدة دخلت حياتي ولا حتدخل انا خلاص مش عايز غيرها بس هي ترجعلي
شوكت : ياه يا أكمل للدرجة دي بتحبها ده انت عنيك دمعت
أكمل : اه للدرجة دي وأكتر دي حبيبة عمري وعمري ما هنساها لو مش هي يبقي خلاص مش عايز انا عايزها هي. هي وبس
شوكت :والله دي بنت غبية علشان تسيب واحد بيحبها الحب ده كله
اكمل : لا هي مش غبية . هي مجروحة وموجوعة من اللي شافته مني انا عذبتها كتير وبعدت عنها واتجوزت مايا وخلفت منها كمان وهي كانت بتموت كل يوم نفسي هي بس تنسي وترجعلي وانا والله حعوضها وانسيها بس هي معاندة معاندة اوي
شوكت : ربنا يا ابني يصلحلك الحال . انا هطلع انام تصبح علي خير. متنساش تحجز التذكرة الحفلة بعد بكرة
اكمل : حاضر يا عمي . بس ممكن متقولش لتسنيم وجني اني مسافر علشان جني متزعلش اني حسافر ومش حروح اشوفها
شوكت : اللي يريحك يا ابني حاضر

وعدي اليومين وسافر اكمل علشان يحضر الحفلة وتسنيم مكنتش تعرف انه هيروح وقررت انها تروح علشان دي حفلة مهمة. ولبست وراحت الحفلة واكمل كان واقف بيتكلم مع ناس وفجأة شاف تسنيم واقفة مع ناس وبتتكلم معاهم أكمل عنيه اتعلقت بيها ومكنش شايف غيرها كانت واحشاه ولما تسنيم لفت وشافته بصتله بكل شوق ولهفة وكان نفسها تجري علي حضنه وتقولوا وحشتني . بس تماسكت وبعدت نظرتها عنه واول ما واحد من اللي اكمل واقف معاهم كلمه واكمل رد عليه وكلمه في اقل من دقيقة بص ملقاش تسنيم . راح ودور عليها في كل مكان بس ملقهاش عرف انها مشيت علشان متتكلمش معاه . اكمل كان مخنوق .
أكمل : للدرجة دي حتي مش عايزة تشوفيني ولا تتكلمي معايا حتي مسلمتيش عليا ليه ليه القسوة دي حرام عليكي والله حرام . وساب اكمل الحفلة وراح قعد في مكان بعيد مخنوق وحزين ومش مصدق قسوة تسنيم عليه وقعد سمع اغنية اسمها (وافتكرت لحماقي )( حياتي وهو مش فيها. سنين عدت رضيت بيها. وفاكر لو قابلت عنيه عادي جدا هعديها. واديك يا اللي افتكرت نسيت . قابلتوا الليلة واتهزيت. طب ازاي في حاجات بتموت. وتيجي الصدفة تحيها. وافتكرت لما جات عنيني في عينه سنيني معاه وافتكرت وعد كان بيني وبينه زمان خادناه وافتكرت مسكتي في ايده وايدي خلاص سايباه.قصادي عيونه محتارة يقرب ولا تتدارا. جه اليوم اللي اشوفه انا فيه ومنتكلمش يا خسارة . دي صعبة عليا واعمل ايه. مفيش في ايديا شئ تاني. خلاص اهو اسمي شوفت عنيه علشان دي بجد وحشاني . وافتكرت لما جات عيني في عينه سنيني معاه. وافتكرت مسكتي في ايده وايدي خلاص سايباه )
ورجع أكمل وكان مكسور وتعبان وتسنيم كمان فضلت طول الليل تعيط ومحتارة تعمل ايه ترجع لاكمل طيب وامها قالتلها انها لو اتجوزته حتاخد منها جني وكمان خايفة ان امها تقول لباباها انهم كانوا علي علاقة مع بعض ولو عرف هو مش حمل صدمة جديدة من وقت موت مايا.
تسنيم : اه اه يارب اعمل ايه انا تعبت من بعده تعبت نفسي اترمي في حضنه زي زمان نفسي اعيش معاه واموت معاه يارب انت عارف اني ندمت علي اللي عملته بجد يارب حلها من عندك. انا خلاص مبقاش فيا
وعدي اسبوع وكانت تسنيم قاعدة بالليل كالعدة حزينة وبتعيط وبتسمع اغنية بتوصف حالها وكل اللي شافته وحصلها والتعب والحيرة وكانت( يا مرايتي لأليسا )
(يا مرايتي. من كام سنين اليوم اديش اتغيرت. يا مرايتي من كام سنين اليوم انا كام مرة خسرت. يا مرايتي يااللي بتعرفي حكايتي انتي بتعرفي شو شفت وبتعرفي من شو خفت . كام مرة بوشك وقفت قلتلك هايدي نهايتي. يا مرايتي يا اللي بتعرفي حكايتي زهقانه من كل الدينيا. تعبانة من دري شو بني . كل يوم عم عيشوا سنة. معقولة هايد نهايتي. يا مرايتي شو ضيعت شو الايد وشو باقي فرص. يا مرايتي قلبي تعب عن جد من كل القصص. يا مرايتي يا اللي بتعرفي حكايتي مقهورة من غدر البشر مهمومة. قاتلني الدجر . في جروح عم تترك أثر . ارسم طريق نهايتي . يا مرايتي يا اللي بتعرفي حكايتي . مجروح قلبي ومجرحو عجروح قلبي اتمرجحت . من يوم يومي ما فرحت قوليلي وين بدايتي . يا مرايتي)
تسنيم كانت بتعيط وبتعيط بحرقة قربت منها جني وهي زعلانة
جني : مالك يا مامي ليه زعلانة وبتعيطي انا زعلتك
تسنيم : مسحت دموعها وابتسمت وحضنت جنا. لا يا حبيبة مامي مش زعلانة منك انتي بنت جميلة ومش بتغلطي
جني : بس انتي ليه بتعيطي كل يوم انا بحبك يا مامي تسنيم ومش بحب اشوفك زعلانة
تسنيم : خلاص اوعدك اني احاول معيطش بس والله يا حبيبتي غصب عني انا اللي فيا مش في حد
جني :هي مامي مايا كانت بتعيط زيك كدة كل يوم
تسنيم : حزنت أكتر لما جات سيرة مايا. لا ياروحي مامي مايا كانت بتحب الضحك واللعب
جني : امم هي كانت بتحبني
تسنيم : طبعا كانت بتحبك وطول الوقت بتلاعبك وبتخلي بالها منك انتي كنتي بنتها الوحيدة
جني : انا مش فاكراها غير من صورها بس . تعرفي هي كانت جميلة اوي
تسنيم : عيطت. اه هي فعلا كانت جميلة وجميلة اوي كمان
جني : بس ليه انا شبهك مش شبها مش انتي قلتي ان هي اللي ولدتني
تسنيم : اه هي اللي ولدتك. بس علشان احنا كنا بنحب بعض اوي كانت نفسها تجيب بنت شبهي بس يا خسارة انتي طلعتي احلي مني
جني : هههههه لا بابي أكمل بيقول انك احلي واحدة في الدنيا
تسنيم : سمعت اسم أكمل قلبها دق وحنت . ده بابي أكمل هو اللي احلي واجمل راجل في الدنيا. ده حبيبي يا جني
جني : يعني انتي بتحبيه اوي
تسنيم : اتنهدت. اه بحبه اوي اوي
جني : طيب ليه مش بتكلمي معاه وكل لما تشوفيه بتمشي وتقعدي لوحدك . ده بابي لذيذ وكيوت جدا
تسنيم : هههههه هو من ناحية لذيذ وكيوت اه بصراحة منكرش بس معلش بكرة لما تكبري هتعرفي انا ليه بعمل كدة
جني : بس بابي زعلان منك وقالي اقولك كفاية كدة
تسنيم : هو قالك كدة . امتي
جني : النهاردة كلمني ڤيديو كول وكمان بعتلي صور ليه كتير وقالي اوريهالك وكمان بعتلك ڤيديو ليكي وقالي اخليكي تشوفيه .
تسنيم : بلهفة بجد هو فين وليه مقولتليش يا جني من بدري هاتيه بسرعة
جني : اهو علي التاب. اتفضلي
تسنيم فتحت الڤيديو لقت اكمل بيقولها. وحشتيني وحشتيني اوي ارجوكي بقي كفاية انا البعد تعبني يا سمسمة معقول 4سنين بعيد عني حتي مخدكيش في حضني هنت عليكي هان أكمل. علشان خاطري ارجعي بقي كفاية انا بموت من غيرك كل يوم . تسنيم اوعي تفتكري اني ممكن انسي واعيش مستحيل انا هفضل استناكي يارب حتي لحد ما أعجز واكبر حتجوزك يارب بعد 20 سنة مش حسيبك ابعدي بقي براحتك واهربي خاليكي بقي البسي فستان الفرح وانتي عندك 50 سنة. بحبك بحبك ومش ححب غيرك . واعملي بقي اللي يريح قلبك وانا عارف ان راحته معايا انا وبس. باي حتوحشيني لحد مااشوفك. مع اني مش عارف امتي. سلام يا قطتيتي .
تسنيم كانت بتسمع أكمل ودموعها نازلة مبتقفش هو واحشها ونفسها ترجع وخايفة ومحتارة ومش مصدقة انه لسة مش ناسي ولا حب غيرها ولا زهق ولا حتي استسلم
تسنيم : اه يا حبيبي والله انا كمان بحبك وبموت فيك بس اعمل ايه انا فعلا محتارة يارب يارب حلها بقي
(في مصر في فيلا شوكت)
شوكت قاعد في المكتب وصباح مدخلاله القهوة ولقته زعلان ومهموم
صباح : خير يا شوكت بيه مالك
شوكت : والله يا صباح ما عارف اقولك ايه تسنيم واكمل مش مريحيني لاكمل عايز يتجوز ولا تسنيم عايزة تتجوز وانا نفسي اكمل يتجوز وياخد جني تعيش معاه علشان تسنيم تشوف حياتها بقي وتتجوز دي من ويوم ما اتولدت وتسنيم نسيت نفسها وعايشالها زي ما تكون بنتها والعمر بيجري وانا خايف عليها تفضل كدة
صباح : كان شكلها متوتر ومترددة تتكلم
شوكت:صباح انتي تعرفي حاجة ومخبياها عليا
صباح : ااانا لا لا معرفش حاجة
شوكت:صباح انتي مربي الاتنين وهما مبيخبوش عليكي حاجة قوليلي لو حد منهم حاكالك حاجة . يمكن اقدر اساعده وخصوصاتسنيم لو بتحب حد وعايزاه قوليلي وانا اجوزهولها والله بس قولي يا صباح
صباح : بص بقي انا ححكيلك علي كل حاجة بس توعدني انك تسامح تسنيم وأكمل كفاية اللي هما شافوه
شوكت : انا مش فاهم حاجة هما عملوا ايه اتكلمي يا صباح انا ابتديت اقلق
صباح : انا حككيلك كل حاجة من اول يوم لحد النهاردة …………
شوكت :
مش معقول أكمل وتسنيم يعملوا كدة .

يا تري ايه حيكون رد فعل شوكت وممكن يعمل ايه مع أكمل ممكن يترد ابن اخوه علي خاينته ليه ولا ممكن يسامحه هو وتسنيم

((((أقدار الحب )))) بقلم ريحانة الجنة

(((الحلقة السابعة والعشرون))

شوكت : انا مش مصدق اللي بسمعه
صباح: انا عارفة انهم غلطوا بس هما اتعاقبه بكفاية وشافوا اللي محدش شافوا وكمان بعدوا واتحرموا من بعض . علشان خاطري سامحهم .
شوكت : سبحان الله بقي انا اكون السبب في تعب أغلي اتنين عندي في الدنيا خوفهم مني وعليا خلاهم يخبوا عليا وهو اللي وصلهم للي هما عملوه لو مكنتش خالتهم اخوات كان أكمل طلبها مني من زمان لا حول ولا قوة الا بالله
صباح : يعني سامحتهم خلاص
شوكت: انا عارف انهم غلطوا بس انا مسامحهم كفاية انهم عاقبوا نفسهم كل السنين دي . بس خلاص كفاية عليهم كدة لازم يفرحوا بقي دول حبيبي
صباح :انا فرحانة اوي انك فعلا مش زعلان انا حروح اقول لأكمل وتسنيم
شوكت : لا انا اللي هقولهم . سيبيها عليا. قوليلي هو أكمل نام ولا لسة
صباح : وهو يا حبيبي بينام غير وش الفجر طول الليل صاحي ومشغل مزيكا وقاعد في بلكونة أوضته
شوكت : انا طالعلوا
وطلع شوكت لأكمل وخبط علي الباب بس أكمل مسمعش علشان كان قاعد في البلكونة ومعلي المزيكا فتح شوكت ودخل لأكمل لقاه بيسمع أغنية وقف شوكت يسمع وصعب عليه أكمل علشان شايف هو قد ايه بيحب تسنيم ودي كانت أغنيه( اسمها لسة بتخاف لحماقي )( لسة بتخاف من الفراق لو تيجي سيرتي لو شوفت عيني بتبكي هتدمع عنيك. يعني صوتي بيوحشك لو شوفت صورتي. بتحس بيا حبيبي لما بحس بيك. مين بياخد باله منك بعد مني. في حضن مين بتحس احساسك في حضني. مش قاصدي حاجة انا بس بطمن عليك. حبيت اسلم اعمل ايه اصلك واحشني.لسة بتخاف من الفراق لو تيجي سيرتي . لو شفت عيني بتبكي هدمع عنيك )وبعد ما خلصت

شوكت: ايه الاغنية الحلوة دي يا أكمل
أكمل : قام مخضوض. عمي معلش مأخدش بالي انك دخلت
شوكت : بص لاكمل لقي عنيه مدمعة . انت كنت بتبكي يا أكمل
أكمل : وهو بيحاول يداري ويمسح شعره بإحراج. ايه لا بس اصل الاغنية مؤثرة شوية
شوكت : تعالي يا أكمل نقعد انا عايزك في كلمتين .
أكمل: قعد. خير يا عمي في ايه
شوكت : انت مش ناوي تتجوز انا خلاص مصمم اجوزك واختارتلك واحدة بنت واحد اعرفة بنت غاية في الادب والجمال بكرة تيجي معايا تشوفها .
أكمل : قام مفزوع . لا يا عمي مستحيل مش ممكن
شوكت : بخبث. ليه بقي انت حتفضل لحد امتي من غير جواز
أكمل : عمي لو سمحت انا قلتلك انا مش هتجوز غير الانسانة اللي بحبها من زمان غير كدة لا
شوكت : خلاص تعالي معايا ونخطبها
أكمل : ايه لا مش هينفع هي لسة معاندة ومش عايزة تفتح الموضوع ده
شوكت : انا حعرف اقنعها ايه رأيك نسافرلها انا وانت
أكمل : تنح. وووحضرتك عرفت منين انها مسافرة
شوكت : انت كنت فاكرني هفضل مش عارف لحد امتي . كدة يا أكمل تخون عمك ومع مين تسنيم اللي متربية علي ايدك
أكمل : مسك راسه بإيده ومش عارف يرد . عععمي انت عرفت ازاي مين اللي قالك . انا عارف اني غلط بس والله انا بحب تسنيم دي روحي وانا كنت جاي أكلمك ساعتها بس انت فجأتني بموضوع مايا الله يرحمها . انا. عارف اني كلب وجبان ومكنش المفروض اعمل كدة بس والله تسنيم مالهاش ذنب انا اللي عملت كدة كنت مجنون وملهوف عليها انا ….
شوكت : من غير ماتكمل انا عارف كل حاجة صباح حكتلي كل حاجة يوم بيوم وانا خلاص مش زعلان انتوا اه غلطوا بس كمان اتعاقبتوا بما فيه الكفاية وكفاية عليكم كدة
أكمل : ابتسم وفرح. صحيح يا عمي يعني سامحتني انا وتسنيم
شوكت : ابتسم. اه يا حبيبي وبعدين انت مش كلب ولا جبان انت لو كنت كدة . كنت سيبتني ومشيت من زمان لكن انت وقفت مع عمك وبناته للنهاية اتجوزت مايا وداريت عليها وحبيت تسنيم ولسة متمسك بيها انا منكرش انك غلط وعملت ذنب كبير بس ده كان ضعف وحب. ولما فقوت. فقوت علي كابوس جوازك من مايا. انت يا أكمل ابني مش بس ابن اخويا
أكمل : حضن عمه اوويي. حبيبي يا عمي وانت والله ابويا مش بس عمي انا اسف والله اسف بس انت عمرك ما حتتخيل انا بحب تسنيم ازاي انا بس عايش علشان هي لسة بتتنفس دي حياتي كلها .
شوكت : انا اللي اسف اني حرمتكم من بعض. السنين دي كلها لو مكنتش خالتكم زي الاخوات مكنش ده حصل انا مش عارف ازاي مأخدش بالي من حبكم . المهم دلوقتي انتوا لازم تتجوزه بسرعة لازم تفرحوا . انا عايزك تملالي الفيلا دي كلها عيال
أكمل : ههههه الفيلا بس ده انا هملالك الفيلا والجنينة والبسين كمان لو تحب بس جوزهالي انا خلاص حموت
شوكت : ههههههه يا واد اتكسف ده انا ابوها
أكمل : هههههه لا ابوس ايدك كفاية كسوف انا خلاص تعبت عايز اجوزها بقي دي حبيبتي اه يا عمي دي وحشششتنييييي اوي اوي . قولي بقي هنسافر لها امتي علشان نقولها
شوكت : بقولك ايه بدل ما نسافر ونرجعها معانا نخليها هي تيجي ونقولها هنا كمان انا عايزكم تعملوا الفرح بسرعة .
أكمل : ما انت عارف تسنيم منشفة دماغها ومش عايزة تنزل غير في عيد ميلاد جني وده لسه كمان 5 شهور وزيادة
شوكت : انا عندي فكرة انت تتصل بيها وتقولها اني انا تعبان وفي المستشفي وهي هتنزل هوا
أكمل : ايوة صح بس كدة هنبشر عليك يا عمي وانا عايزك معايا بصحتك انا عايز اتجوز
شوكت : ههههههههه اه يا ندل علشان تتجوز بس
أكمل : هههههه لا والله خاني التعبير مش قاصدي
شوكت :بس تعرف معاك حق انا اللي هكلمها واقولها ان انت اللي تعبان ههههههه
أكمل : هههههههه وانا موافق. بس كدة ممكن تقلق وانا مقدرش علي قلقها عليا بتعب
شوكت: للدرجة دي بتحبها يا أكمل
أكمل : للدرجة دي وأكتر ااااه ااااه يا عمي ده انت لو فتحت قلبي مش حتلاقي غيرها قاعدة جواه انا مش بحبها انا بعشقها حتي وهي زعلانة مني
شوكت : انت كل يوم بتأكدلي انك ابن اخويا اللي ربيته وحبيته زي ابني بصرف النظر عن العملة اللي عملتها وانت مسحور . بس يالا اللي فات مات . استني بقي أكلمها وافتح الاسبيكر واسمعك ……….. ايوة يا سمسمة عاملة ايه
تسنيم : الحمد لله يا بابا طمني صحتك عاملة ايه
شوكت : متصنع الحزن . انا كويس يا بنتي بس أكمل هو اللي تعبان
تسنيم : بلهفة قامت من مكانها. ماله أكمل يا بابا قول بسرعة
شوكت :بيشاور لأكمل ويكتم ضحكته . ابدا هو عمل حادثة من كام
يوم كدة وتعبان ومفشفش علي الاخر
تسنيم : في ثانية عيطت. ايه حادثة حبيبي يا أكمل ليه يابابا ليه مقولتليش من بدري هو عمل الحادثة دي إمتي
شوكت : من 4ايام كدة
تسنيم : 4ايام والله يا بابا حرام عليك ليه مكلمتنيش ليه. بابا خاليه يكلمني عايزة اطمن عليه
أكمل : بيبتسم. بس هي صعبانة عليه من كتر لهفتها عليه
شوكت: لا يا بنتي ده نايم وتعبان ده مبيقدرش يتحرك
تسنيم : عيطها زاد . اه يا بابا حرام عليك ليه مقولتليش من وقتها يا حبيبي يا أكمل اكيد كان سايق وهو سرحان انا السبب انا السبب
شوكت : اهدي بقي انا قولت اقولك علشان تكلميه اصل هو كان قالي مكلمكيش علشان انتي خلاص مبقتيش بتهتمي بيه ولا حتي بتسألي عليه
تسنيم : هو قالك كدة . بس عنده حق انا غبية سيبته لوحده اه يابابا انا هموت من قلقي عليه انا ححجز علي أقرب طيارة واجي اشوفه بس قولوا اني جاية انا خلاص مش حسيبه تاني
شوكت : بس انتي مبتنزليش غير في عيد ميلاد جني وده لسة. وكمان انتي عندك شغل
تسنيم : عيد ميلاد ايه وشغل ايه بس . أكمل اهم بس علشان خاطري طمني هو بقي كويس
شوكت : لما تيجي ابقي شوفيه بنفسك انا حروح انام بقي تصبحي علي خير .
وقفل شوكت وكان بيضحك
شوكت : هههههه شوفت كانت هتومت من القلق عليك
أكمل : مبتسم اه بس صعبت عليا دي مش هتنام النهاردة. حبيتي دي هتموت من القلق
شوكت: معلش اعتبرها قرصت ودن علشان اللي هي عملتوا زمان . يالا تصبح علي خير . روح نام بقي هي بكرة حتحجز علي أول طيارة وتجيلك هوا
أكمل :انام وهو انا هيجيلي نوم ده هستناها بفارغ الصبر ده حاسس اني ميت ومستني روحي ترجعلي تاني
شوكت : ربنا يا ابني يفرحكم

وفعلا تسنيم حجزت علي طيارة الصبح ورجعت هي وجني ولما وصلت المطار عيطت علشان دي اول مرة من زمان ترجع وأكمل ميكنش مستنيها. وباباها بعتلها عربية بالسواق ورجعت البيت ودخلت جري لقت صباح
تسنيم : دادا أكمل صاحي
صباح : طيب سلمي عليا الاول
تسنيم : يوووه يا دادا اوعي انا طالعة اشوفه. وجربت تسنيم علي أوضة أكمل كان نايم في السرير. صاحي ومعاه شوكت. تسنيم جريت علي أكمل وحضنته. وهو كمان حضنها اوي
تسنيم : حبيبي وحشتني عامل ايه كنت حتجنن من قلقي عليك
أكمل : وهو حاضنهالما كان حيكسر ضلوعها. حبيبتي وحشتيني وحشتيني اوي يا سمسمة
شوكت : احممم انا واقف
تسنيم : سابت أكمل. وقامت . احمم ازيك يا بابا عامل ايه معلش ماخدش بالي ان حضرتك موجود
شوكت : ههههه وحتخادي بالك ازاي
وانتي كنتي عاملة زي المجنونة
تسنيم : ابتسمت وبصت لاكمل . بس لما بصت عليه عقدت حاجبها . ايه ده مش انت قولتلي ان أكمل مجبس ومفشفش فين ده
أكمل وشوكت: بصوا لبعض وضحكه هههههههههههه
تسنيم : ده ايه بقي مش فاهمة انت يا أكمل مش تعبان
أكمل : نط من السرير وهو بيبتسم. لا انا زي الحصان. بس انا ححكيلك كل حاجة ……..
تسنيم : حضنت باباها وهي بتعيط. انا اسفة انا كمان عملت زي مايا احنا الاتنين ازيناك . بعملتنا دي
شوكت : خلاص يا بنتي اللي حصل حصل. بس انتي غير مايا انتي حبيتي وحبيبك مسبكيش ولا اتخلي عنك.وكمان ندمتي لكن هي ربنا يرحمها بقي . المهم دلوقتي لازم تتجوزوا بسرعة
تسنيم : بحزن وجني انتوا ناسين ان ماما قالت هتخودها لو ده حصل وكمان هتكرها فيا انا وأكمل لا لا يا بابا مقدرش دي جني بنتي مش بس بنت أختي
شوكت :ملكيش دعوة بنسرين دي حسابها معايا كبير . علشان تبقي تهددكم تاني
تسنيم : لا يا بابا انا خايفة علي جني . انا مش عارفة افكر .. ونزلت تسنيم علي تحت
أكمل : نزل وراها لقاها قاعدة وحاضنه جني في الجنينة. قرب منها واخد جني . جني حبيبة بابي وحشتيني
جني : بابي حبيبي انت كمان وحشتني اوي انا عايزة افضل معاك انت اصلك بتلعب معايا كتير
تسنيم : كدة يا جني وانامش بلعب معاكي
جني: اه بتلعبي معايا بس انا بحب بابي كمان وبيوحشني اوي
أكمل : وهو شايل جني . اممم طيب ايه رأيك تعيشي معايا انا ومامي تسنيم
جني : ياس . انا موافقة
أكمل : هههههههه حبيبة بابي بس في مشكلة مامي تسنيم مش راضية. وعايزين نقنعها
جني : ليه يا مامي
تسنيم : بصتلها بحنية وحزن . علشانك يا حبيبتي خايفة لما تكبري تكرهيني خايفة تروحي مني
جني : لا انا بحبك ومش حسبببك بس بلييز وافقي بقي
أكمل : جني انا عندي فكرة تعالي نشغل لمامي أغنية ونتحايل عايها شوية
جني : جود انا موافقة
أكمل شغل أغنية لذيذة وكان هو جني طول الاغنية بيتحايلوا علي تسنيم ويلفوا وراها وهي تضحك لحماقي( اسمها مايني)( حد تاني لو مكاني عارفة ممكن يعمل ايه لا كان صبر علي دلعك يوم ولا كان هيهتم تسامحيه. ماتميني مايني مايني وليميها مالك ايه في ايه جرالك مالك الليلة عديها.ده انا صابر عليكي وباقي وانساكي دي مش أخلاقي . طب ضحكة وسيبلي الباقي واللي فات تنسيه. ماتميني مايني مايني وليميها.خادتي بالك واتحكالك. علي اللي ساق في العند وراح شوفتي بقي انا شاريكي ازاي ده حظك ان انا مش بياع. ماتميني مايني مايني مايني وليميها.ده انا صابر عليكي وباقي وانساكي دي مش اخلاقي طب ضحكة وسيبيلي الباقي واللي فات تنسيه. مايني مايني )
أكمل:قرب من تسنيم. مايني بقي حرام عليكي حتموتيني
تسنيم : ابتسمت. طيب وجني
أكمل : متخفيش مادام عمي عرف كل حاجة هو اللي حيقف لطنط نسرين ومش حيخليها تاخد جني. هاه قولتي ايه
تسنيم : اتعلقت في رقبته. موافقة انا خلاص مش قادرة علي بعدك
أكمل : شالها ولف بيها وهو فرحان.ايوة بقي حبيبتي يا قطتيتي .

وقرب منها اكتر وبحنية بص في عنيها وحشتيني اوي
تسنيم : هي كمان زيه بصه في عنيه وبنفس الحنية انت كمان وحشتني اوي
أكمل : قرب منها وباسها وفضلوا كدة ناسين ان جني واقفة
جني : حطت ايديها علي عنيها . بابي كدة عيب
أكمل وتسنيم فاقه واكمل نزل تسنيم اللي كان لسة شايلها
أكمل : هههههه لا بقولك ايه انا مش عايز حد يغلس عليا وانتي شكلك كدة وارثة غلاسة مامتك
تسنيم : زغدت اكمل ووشوشته . اكمل بس اوعي تقول كدة تاني لازم تتكلم عن مايا احسن من كدة
أكمل : احمم عندك حق بصي يا جني علشان بس نبقي متفقين انتي حتشوفي اللي شوفتيه ده كتر بعد
كدة فاانتي بقي ساعتها تجري علي أوضتك علي طول اتفقني
تسنيم : ههههههه انت اب مفسد والله حد يقول كدة بدل ما تتلم شوية
أكمل : شدها وحضنها تاني. لا مش هتلم انا هموت وبعترك فاكرة كنت بعمل فيكي ايه ولا نسيتي
تسنيم : ابتسمت. وزغدته بس يا غلس وبعدين اه تسيت انا اصلا مكنتش طايقاك
أكمل: ههههه كدة طيب تعالي في الجنينه اللي ورا دي وانا اديكي نبذة صغيرة كدة تفكرك
تسنيم : ههههههه لا خلاص توبة لما نتجوز بقي يا حبيبي
أكمل : متخفيش والله حاجة صغيرة تعالي بس……..
وفعلا أكمل وتسنيم حضروا للفرح بتاعهم . صممه انهم يعملوه في قرية السخنة مكان ماقضوا اول ايام ليهم قبل كدة وكمان لبسوا الفستان والبدلة اللي كانوا مشترينهم وقتها

((((أقدار الحب)))) بقلم ريحانة الجنة

(((الحلقة الثامنة والعشرون))

وجه يوم فرح أكمل وتسنيم اللي اتحرموا منه سنين واللي كل واحد فيهم اتمناه كتيييير. وعملوه في قرية السخنة وأكمل صمم. انه الفرح يبقي يوم كامل. حفلة بالنهار علي البحر. بلبس كاجوال. ويلعبوا ويرقصوا. وحفلة بالليل. وتسنيم وأكمل يلبسوا الفستان الابيض والبدلة. واول ما بدأت الحفلة. راحوا اصحاب تسنيم يجيبوها من الشالية. علشان أكمل كان بيستعجلها. وخرجت وراحت علي البحر مكان الحفلة وكانت لابسة فستان ابيض. كاجول ومسيبة شعرها وكانت. جميلة كالعادة. بس قعدت تدور علي أكمل وتبص عليه بس مش لاقياه وبعدين ابتدت أغنية. صاخبة وعالية وجميلة. وأكمل جه من وراها جري وحضنها وشالها ولف بيها ورقصومعاها علي الاغنية الحلوة دي وكان طول الاغنية شايلها وبيغني معالاغنية وبيحرك شافيفه بيها. وتسنيم. كانت متعلقة في رقبته ومبسوطة وبتضحك. والاغنية دي اسمها( أكتر من الدنيا لحماقي)( انا أكتر من الدنيا من الدنيا انا بحبك وغيرك انت ماليش انا لو تبعد ثانية. انا في بعدك حبيبي صعب أعيش. كنت بخاف من الحب وسيرته كنت عامله الف حساب اللي يقولي بلاش من حيرته واللي يقولي نار وعذاب . هو ده قلبي وهو ده حالي لما كنت بعيد.اااه واما عيونك ندهت عيني قلبي في ثانية حس هوالك. لو بإيديا ارجع بسنيني. عمري بحالو يبقي معاك. نفسي اعيش طول ما انت معايا عمر تاني جديد.انا أكتر من الدنيا انا بحبك. وغيرك انت ماليش. انا دلوقتي بعيش في الجنة ايوة حياتي اجمل بيك. قبل ما اقول او حتي اتمني اللي بحبه باليقيه فيك. يالي ما عشتش يوم من قبلك مش هعيش بعديك. عمر ما قبلك حد وصلي عشت وقلبي باب مقفول. انت عرفت ازاي تدخلي. دق القلب ليكي علي طول. ويظهر اني مكنتش عارف اني متستنيك. انا اكتر من الدنيا انا بحبك )وكانت أغنيه جميلة واخرها في طبلة عالية واكمل كان بيزعق بصوت عالي معاها (انا اكتر من الدنيا انا بحبك وغيرك انت ماليش).
وتسنيم كانت في منتهي السعادة . وبعدين وهما لسة بيرقصوا علي اغنيه تانية. جني قربت منهم وشدت تسنيم من الفستان واللي كانت لابسة نفس فستان تسنيم بالظبط ونفس اللون ابيض بس صغير
جني : مامي. ممكن ارقص معاكم
تسنيم : نزلت علي ركبتها. طبعا يا روح مامي تعالي
أكمل : اه يا بنت اللذين انا من الاول قولت انك طالعة لامك
تسنيم : ههههه متبقاش غلس بقي
جني : خلاص اوك. واضح ان بابي مش عايزني ارقص معاكم انا حروح ارقص مع عمر صاحبي
أكمل : ههههه اهلا هو انتي ابتديتي. ونزل جنبها في الارض . ايوة يا روح بابي سمعيني تاني كدة حترقصي مع مين
جني : هي الميوزك عالية وانت مش سامع
تسنيم : هههههههه . عسل صح
اكمل : بيجز علي سنانه اه اوي طالعة لمامي مايا بالملي. معلش يا حبيبتي هتعبك قولي تاني
جني : بقولك حروح ارقص مع عمر صاحبي
اكمل : اه وانتي بقي اصحابتي علي سي عمر ده امتي
جني : دلوقتي . هو جه جنبي ومسك شعري وقالي انتي جميلة اوي وعنيكي حلوة وبقينا صحاب
أكمل : لا والله وانتي سيبتيه يمسك شعرك ليه يا بنت اكمل يومك اسود
تسنيم : هههههههه الله سيبها تنبسط هي كل يوم حتضر فرح بابي ومامي
أكمل : ايوة تنبسط بس مش تنحرف ماهو مش اللي نعمله في الناس يطلع علينا
تسنيم : زغدته اه يا بايخ كدة ماشي
أكمل : ههههههه حبيبتي والله ما اقصد بس انتي عارفة دي بنت مايا والجينات واضح كدة انها عالية اوي .لا بصي يا جني تعالي ارقصي مع بابي اضمن
جني : علي فكرة انت رغاي وانا صدعت. باي سي يو. ومشيت
تسنيم : هههههههه والله طالعالك وواخدة طولة لسانك ولامضتك
أكمل:ههههههه خاتي بالك انتي من سي يو دي
تسنيم : اه خت بالي
أكمل : حضنها تاني بس انا بقي مش عايز اخد بالي غير منك انتي وبس . خاليكي في حضني مش عارف اشبع منك. اه يا سمسمة ده النهاردة يوم بالعمر كله
تسنيم : فعلا هو اتأخر بس لما جه.طلع جميل اوييي
اكمل : انتي اللي جميلة اوي. وجني طالعالك واهي من دلوقتي الولاد هيتجننوا عليها علشان عنيها حلوة زيك. بقولك ايه ما تيجي في الشالية عايز اقولك حاجة مهمة
تسنيم: ههههه لا. مش قادر تصبر لحد بالليل
اكمل : شالها ومشي بيها. تؤتؤ مش قادر تعالي مش هأخرك…….

وبعد شوية نزلوا تاني وكملوا اليوم مع اصحابهم وجه الليل وتسنيم لبست فستان الفرح واكمل البدلة وابتدي الفرح الحقيقي واكمل كان بيرقص مع. تسنيم علي اغنيه هادية( اسمها يا نسمة شوق لحماقي )( يافرحة في وقتها جاية يا بكرة اللي ماددلي ايديه يا احلي حاجة حصلتلي يا حب سنين حلمت انا بيه اااه. حبيبتي وانتي حاولية بعيش دنيا من الاحلام ماليتي الدنيا حنية. وشيلتي الخوف من الايام. يا نسمة شوق في ليل محبة يا غنوة بتحلي حبة حبة يا حلم جميل مبيعديش . بشوفك تحضنك عنيا . يسلم قلبي مش ايديا. وروحي تروح مترجعليش. يا نسمة شوق في ليل محبة. يا غنوة بتحلي حبة حبة. حبيبتي افهمي ان انتي بقيتي في حته تانية خلاص. بتوحشي عيني لو نمتي بشوفك غير عيون الناس. ااااه. وجوه القلب انا راسمك ومن روحي عليكي بغير. وبفرح لما اقول اسمك. عرفتي انا ليه بقولو كتييير. يا نسمة شوق في ليل محبة يا غنوة بتحلي حبة حبة. يا حلم جميل حلمت انا بيه )
اكمل وتسنيم كانوا في منتهي السعادة وكل الناس كانوا معجبين بالرومانسية اللي بينهم ولهفتهم علي بعض وجه مروان يبارك لهم وجه من ورا اكمل
مروان : اخيرا يا كيمو
اكمل : لفله وحضنه حبيبي يا مروان
مروان : مبروك يا حبيبي والله فرحتلك مبروك يا سمسمة وكان بيمد ايده
أكمل : مسك ايده . ههههههه لا محبكش وانت كدة انا بس اللي اقولها يا سمسمة فاهم وانت بالذات
مروان : ههههههه. ده انت قلبك اسود قوي لسة فاكر ده نسيت خلاص. بس ماشي ياعم ولا يهمك من بعيد اهو مبروك يا مدام تسنيم حلو كدة
تسنيم : هههههه ميرسي الله يبارك فيك وعقبالك
مروان: يديكي طولة العمر بقي لحد ماجني تكبر اصلي مش هتنازل لازم عنيها تكون زرقا مليش دعوة اشمعن أكمل
أكمل : زغده اتلم ياحيوان بدل ما ارميك في البحر . فاهم
مروان : هههههه خلاص والله بس بجد احجزلي جني حياة ابوك يا شيخ
تسنيم : ههههه مروان امشي من
قدامه دلوقتي احسنلك علشان فعلا هيرميك في البحر
مروان : هههههههه عندك حق خصوصا ان جرس الانذار رن اهو . انا ماشي واسيبكم بقي تحبوا في بعض. ومال مروان علي اكمل. بقت اختي خلاص افهم يا غبي
أكمل : هههه عارف بس انت عارف انا بغير عليها ازاي
مروان : ربنا يخليكوا بعض اروح بقي اشوف حالي يمكن اقع علي مزة حلوة كدة واصلا الفرح ملغم
أكمل : ههههه روح يا خويا بس بردوا مش هتلاقي زي موزتي.
وقرب اكمل من تسنيم وشدها لحضنه . وبعدين اخبيكي فين بس كل الناس حسداني عليكي اعمل ايه بس
تسنيم : ههههه اه بس دول الرجالة وانا بقي الستات هتموت منتش شايف عنيهم حتتلع عليك خصوصا بنات النادي وبالذات نهال كانت لسة حاطة أمل عليك ولا رغدة تقريبا كدة هتنتحر بعد الفرح
أكمل: ههههههه اه يا بنت اللذين واخدة بالك من كل دول. وانتي معايا . بس انا بقي مش واخد بالي من حد ولا شايف حد غيرك انتي عايز اشوفك انتي وبس بجبك بحبك يا قطيتي .
تسنيم : انا اللي بحبك يا روحي قد البحر والسما والنجوم وكل الدنيا دي
أكمل :حضنها. ههههههه كل ده ويا تري بقي انا استاهل الحب ده
تسنيم : طبعا واكتر كفاية انك منستنيش . ولا حبيت غيري ولا حتي فكرت تتجوز غيري بعد ما بعدت عنك وسيبتك. انا اسفة يا حبيبي اني سيبتك وقتها
أكمل : ولا يهمك يا قلبي المهم انك دلوقتي معايا وفي حضني وبقيتي مراتي خلاص قدام ربنا وقدام الناس انا اصلا امبارح لما كتبنا الكتاب كنت عايز الف الدنيا بحالها واقول خلاص بقت مراتي حلالي
تسنيم : يا ربي علي كلامك بتدوخني انا لو دخت دلوقتي حتكون انت السبب مليش دعوة
أكمل: هههههه احسن ياريت علشان اشيلك ونروح الشالية ونبتدي الليلة بدري انا اصلا بتلكك.
تسنيم : ههههههه بعينك انا حقرقص للصبح ده انا مصدقت اعمل فرح .
اكمل : خلاص يا روحي افرحي زي ما انتي عايزة المهم متبعديش عن عيني
وجم اصحاب تسنيم علشان يخدوها ترقص معاهم بس ابتدت اغنية تحفة واكمل مسك ايد تسنيم وشدها وشاورلها علي قلبه وغمزها بعنيه علشان( الاغية اسمها هنا جنبي) وتسنيم ابتسمت وراحت لحضنه وفضلت في حضنه لحد الاغنية ما خلصت (هنا جنبي لحماقي )(خليك حبيبي هنا جنبي. هنا جوة قلبي . هنا ياللي روحي في هواك. ليالي وانا علي حالي ودايما في بالي بحبك وهفضل معاك . ليك حق يا حبيبي فيا واكتر ماليا. حياتي متغلاش عليك. يا رب اعيش العمر جنبك في حضنك في قلبك في ضحكة بشوفها في عنيك. خليك حبيبي هنا جنبي هنا جوه قلبي هنا يا اللي روحي في هواك )بعد ماخلصت الاغنية تسنيم رفعت راسها من حضنه وهي مبتسمة
تسنيم: بحبك يا كيمو
أكمل : وانا بموت فيكي يا قلب وعقل كيمو. وكفياكي بقي تعب فيا انا والله عايز اخلص الفرح ده في ثانية
تسنيم : ههههههههه
اكمل: اضحكي ما انتي متعرفيش انا حعمل فيكي ايه لما نطلع الشالية
تسنيم : لا معرفش لما نطلع ابقي وريني شطارتك
اكمل : كدة طيب استلقي وعدك بقي والله ما هرحمك النهاردة ابقي وريني ازاي حتعرفي تنامي لحد للصبح

وفضل الفرح شغال وأكمل مش عايز تسنيم تبعد عنه ولا تغيب عن عينه لحظة. وجني كانت فرحانه وبترقص وكمان تسنيم صممتلها فستان زي بتاعها تمام علشان تكون أميرة زيها وخلص الفرح وأكمل طلع الشاليه مع تسنيم
أكمل : اخيرا خاتك قدام الناس كلها وهقضي معاكي الليل كله من غير ما تخافي من حد ولا انا انط من البلكونة فاكرة
تسنيم : ههههه اه فاكرة ماهو يا حبيبي بسببك وبسبب عملتك دي اتبهدلنا سنين
أكمل : اه اه يا سمسمة متفكرنيش ده انا كنت بموت كل يوم في بعدك من اول ما اتجوزت مايا لحد مارجعتي من دبي المرة دي
تسنيم : بس خلاص الحمد لله كل حاجة خلصت وبقيت جوزي حبيبي
اكمل : اممم طيب انتي عارفة العرسان بيقضوا الليلة ازاي
تسنيم : هههههههه لا معرفش غبيه بقي عرفني انت
أكمل : بس كدة من عنيا وريني بقي الفستان ده بيتفك منين…………
وبعد شوية الباب خبط أكمل وهو مع تسنيم .
أكمل : مين الحيوان اللي بيخبط دلوقتي ده منبه علي القرية كلها مفيش كلب يجي ناحية الشاليه
تسنيم:ههههههههه. بس عيب افرض بابا
أكمل : وهو ايه اللي هيجيب عمي دلوقتي لا عمي ميعملش كدة سيبك من الباب وخليكي معايا كنا بنقول ايه . بس الباب خبط تاني
تسنيم : اوعي بس وروح شوف مين
أكمل : اوفففف والله لقتله اللي بيخبط ده. خاليكي زي ما انتي اوعي تتحركي فاهمة
تسنيم:ههههه حاضر بس شوف مين
أكمل قام وهومخنوق وراح فتح الباب ملقاش حد بص تحت لقي جني
أكمل : تنح . جني ايه اللي جابك دلوقتي وليه منمتيش
جني :زقته ودخلت لتسنيم
تسنيم : لبست الروب بسرعة. حبيبتي مالك ايه جابك دلوقتي انتي تعبانة
جني : انا مش عارفة انام انا هنام معاكي هنا
أكمل : انا قولت هي ليلة مش معدية
تسنيم : هههه استني بس. بصي يا جني حبيبتي مينفعش تنامي هنا البنات الحلوين مينموش مع بابي ومامي لازم تنامي لوحدك
جني :لا احنا لما كنا في دبي كنتي بتنامي معايا في الاوضة. خلاص تعالي نسافر ونسيب بابي هنا هو ليه بينام معاكي هنا وانا لا
أكمل : وربنا انا قولت طالعة لامك مش سايبة حاجة نفس الغلاسة.
جني : بابي روح نام مع دادا صباح وانا انام هنا مع مامي تسنيم
تسنيم : بتكتم ضحكتها. ههههه
أكمل : نعم ياختي هو انا اخرتها انام مع دادا صباح . انتي ليلتك سودا شكلها كدة تعالي يا حلوة نامي انتي مع دادا صباح.
جني : قولت لا
تسنيم : استني ياأكمل. بصي انا عندي حل . انا هلبس واجي معاكي وافضل معاكي لحد ما تنامي وبعدين ارجع هنا انام مع بابي ايه رأيك
جني : اوك انا موافقة
أكمل : والله انا حد باصصلي في الليلة دي انا عارف . انتي مش هتخرجي من هنا هي لسة فيها تنيميها وترجعي حرام والله حرام
تسنيم : معلش يا كيمو هي اصلها اتعودت علي كدة
أكمل : طيب انا كمان عايز اخد فرصتي واتعود اعمل ايه دي بنت رزلة
جني : بتقول حاجة يا بابي
أكمل : وهو بيجز علي سنانه . لا يا حبيبة بابي مبقولش . ابوس ايدك يا تسنيم نايميها بسرعة
تسنيم : حاضر البس بس بسرعة
أكمل : هو انتي لسة هتلبسي يارب انا هتشل
تسنيم : يعني اخرج بالروب كدة
أكمل : لا طبعا بس ابوس ايدك انجزي.
تسنيم لبست وراحت هي وأكمل الشاليه بتاع جني ودادا صباح . وقعدت جنب جني تنيمها وهي بتكتم ضحكتها من شكل أكمل وهو متنرفز ورايح جاي
اكمل : خلاص بقي اهي نامت تعالي بقي نرجع الشاليه
تسنيم : طيب واطي صوتك لتصحي تاني
أكمل : طيب والله ساعتها ابعتها هي ودادا صباح علي القاهرة انا خلاص علي اخري . دي كلها مايا بغتتها اه بس لو مكنتش بنتي وبحبها
تسنيم : والله دي عسل وجميلة وبتحبنا انا وانت بس هي غيرانا شوية
أكمل : شدها من علي السرير وحضنها
مش هتغير عليكي اكتر مني ده بغير عليكي من هدومك مش عايز حاجة تلمسك غيري تعالي بقي علشان انا غيران من الهدوم دي.
تسنيم :ابتسمت و باسته
أكمل : يا لهوي علي الحلوة تعاليلي علي الشالية ده انا هبتدي من الاول وشالها ومشي بيها لحد الشاليه

((((أقدار الحب))))بقلم ريحانة الجنة

(((الحلقة التاسعة والعشرون))

في صباح احلي واجمل يوم عدي ومر علي تسنيم وأكمل. تسنيم صحيت وابتسمت لما شافت أكمل نايم جنبها قامت قعدت وملست علي شعره وهي مش مصدقة ان خلاص اليوم اللي اتمنته كتييير جه وبقي حقيقة بس هو كان لسة نايم باسته وقامت اخدت حمام وخرجت وحضرتله القهوة والاتشيز كيك وجابتهم وحطت الصنية علي الكمود وقعدت جنبه تلعب في شعره وفي وشه. أكمل صحي وابتسم لما شافها وباس ايديها
أكمل :قطتيتي صاحية ليه وليه مش نايمة في حضني.
تسنيم : مبتسمة. علشان انا طول عمري بصحي قبلك بحب اشوفك وانت لسة صاحي بتبقي امور اويي
أكمل : هههههه لا والله وانا صاحي بس
تسنيم : تؤتؤ. انت في كل حالتك بتبقي جميل
أكمل : اممم طيب وامبارح كانت حالتي عاملة ازاي
تسنيم : هههههههه كنت في اجمل حالاتك يا بايخ
أكمل : بص علي الكمود شاف القهوة والاتشيز كيك. ابتسم وشدها لحضنه ونيمها علي السرير. لسة فاكرة انا قولت انك نسيتي خلاص
تسنيم :مستحيل انسي ابدا. تعرف انا كنت كل يوم بصحي واعمل القهوة والاتشيز كيك علشان اقعد افتكرك لما كنت بتفطر معايا. كمان كنت بعمل القهوة مظبوط زيك مع اني بشربها مانو بس اتعودت عليها علشان اشرب قهوتك .
أكمل : باسها وهو مبتسم. يا قلبي معقول.
تسنيم : اه معقول وكنت كل ماانزل اعمل شوبنج وألاقي حاجة تعجبني ليك كنت اشتريها وابعتهالك علي الشركة واخلي بابا هو اللي يقولك انه جابهالك
أكمل : مش ممكن انتي!!
وانا أقول عمي ليه فجأة كدة كل شوية يجبلي هدايا . اااه يا روح قلبي شوفتي بقي اني كان لازم استناكي مش بس 4سنين ده استناكي العمر كله . بس قوليلي عمي مكنش بيسألك ليه مش بتديهوملي علي طول
تسنيم : طبعا كان بيسأل. بس انا كنت بقوله علشان انا بعيد ومش عايزة أكمل يتعود علي كدة ويقرفني ويصدعني معاه.
أكمل : كدة بتروديهالي علشان قولتها زمان
تسنيم : ههههه اه بس
أكمل : ماشي تعالي بقي لما اردلك الهدايا بتعتك
تسنيم :ههههههههههه ازاي بقي
اكمل: ههههه انا هقولك ازاي تعالي….
تسنيم : بس بقي قوم يالاعلشان تشرب القهوة هتبرد
أكمل : انتي قهوتي يا حبيبتي. وهشربك دلوقتي
تسنيم :هههههه انا علي كدة هخلص منك بسرعة
أكمل : هههههه لا متخفيش انتي عمرك ما تخلصي ولا انا عمري اشبع منك
تسنيم : بجد يا كيمو انت مبسوط يعني مكنتش تتمني ان امبارح تكون دي ليلتنا الاولي
أكمل : طيب ماهي فعلا ليلتنا الاولي . حبيبتي اللي حصل زمان ده كان شوق لهفة. لكن امبارح ده حاجة تانية انا بجد والله كنت حساس اني بلمسك لاول مرة. وعلي فكرة كل مرة هيكون ده احساسي
تسنيم : يا سلام يعني مش هتزهق.
أكمل : تؤتؤ مش هزهق
تسنيم : يعني انا مكبرتش ال4سنين اللي فاته
أكمل : ههههههه اه كبرتي . بس كبيرتي واحلوتي. يا روحي انتي من الستات اللي كل ماتكبر تحلو انا حاسس اصلا انك لحد ما يبقي عندك 50 سنة هتفضلي موزة يا قلبي
تسنيم : بحبك يا كيمو. بحبك خالص
أكمل : لا علي صوتك انا عايز القرية كلها تسمع
تسنيم : ههههههه والله انت مجنون
أكمل: طيب هتعلي صوتك انتي ولا اعلي صوتي انا.
تسنيم : وريني شطارتك
اكمل : كدة طيب اوعي
تسنيم : انت رايح فين
أكمل : داخل البلكونة وهسمع القرية بحالها واقول بحبك يا سمسمة. ودخل البلكونة فعلا
تسنيم :ههههه اه يا مجنون . وجريت وراه
اكمل :في البلكونة وقف وزعق. بحبك يييييا سمسممممممة.
تسنيم:حطت ايديها علي شفايفه. بس يا مجنون هتفضحنا.
أكمل : شالها. خلي الناس كلها تعرف اني بحبك وبموت فيكي.
تسنيم : أكمل نزلني بسرعة انا بالروب حد يشوفني
أكمل : قربها منه أكتر وباسها. انا مش هنزلك انا حخدك جوه واموتك. ودخل الشالية وقفل باب البلكونة……..
وبالليل أكمل وتسنيم كانوا نايمين علي البحر والنجوم بتنور السما. وهما حضنين بعض ومشبكين ايديهم في ايد بعض. وعنيهم في عين بعض ومبتسمين واكمل بيسمعها أغنية هادية وجميلة بتوصف اللي في قلبه واللي حاسس بيه (اغنية مش معقول لحماقي )(مش معقول انا ايدي لامسة ايديك خايف اكون يا حبيبي بحلم بيك. ده الي انا فيه مخطرش يوم علي البال. حلم بعيد انا كنت فاكره خيال. عشت ليالي قبلك مش عايز اعرف كام دي سنين كتير وايام محسوبة علي عمري. دلوقتي جنبك هبدأ حياتي معاك ده انا مستحيل انساك يا اللي معاك عمري.مش معقول انا ايدي لامسة ايديك خايف اكون يا حبيبي بحلم بيك. متقوليش وده برده وقت كلام وانا وياك غمض في حضني ونام. سيبني اعيش جنبك بقلبي وروحي. متخليش ثانية في حياتنا تروح. ليالي قبلك مش عايز اعرف كام. دي سنين كتير وايام محسوبة علي عمري. مش معقول )
أكمل : بجد يا سمسمة انتي معايا وانا مش بحلم
تسنيم : باسته من خده. لا يا حبيبي مش بتحلم. احنا خلاص مع بعض ومش هنفترق تاني ابدا
أكمل : اه يا سمسمة لو تعرفي سنين بعدك دي عدت عليا ازاي كنت بموت كل يوم في بعدك. تعرفي انا كنت كل يوم بالليل انط في بلكونة أوضتك وانام فيها علشان اكون في نفس السرير اللي كنتي بتنامي فيه واحس بيكي في كل مكان في الاوضة وافتكر الكام ليلة اللي قضناهم مع بعض في أوضتك زمان فكرة
تسنيم : عمري ما نسيت علي قد ما كان غلط بس كانت احلي واجمل ذكري في حياتي. بس معقول كنت بتعمل كدة. حبيبي انا بجد اسفة اني بعدت عنك
اكمل :اه كنت بعمل كدة. تعرفي كمان الشهر اللي كنتي بتيجي فيه انتي وجني. كنتي مش بتتكلمي معايا الا قليل جدا. وانا كنت بتجنن نفسي اشوفك واشبع منك. كنت بالليل انط من البلكونة وافتحها وافضل قاعد باصص عليكي وانتي نايمة. علشان اشوفك اطول وقت ممكن. كان بيبقي نفسي اروح واخدك في حضني وانام بس مكنتش بقدر.
تسنيم : حضنته اويييي. هو في اتنين بيحبه بعض كدة زينا
اكمل : تؤتؤتؤ مستحيل يكون فيه راجل في الدنيا بيحب واحدة زي ما انا بحبك. ولا واحدة بتحب زي ماانتي بتحبيني احنا حبنا خيال مخلوق لينا احنا وبس
تسنيم : اه يا كيمو كنت واحشني اوي ووحشني الكلام معاك عايزاك تتكلم. اتكلم كتيير لحد ما اشبع منك .
اكمل : لا كفاية كلام كدة. مش لسة سامعة الاغنية بتقول. متقوليش وده برده وقت كلام
تسنيم : هههههههه اومال وقت ايه
أكمل :اممم تعالي علي الشاليه وانا اقولك وشالها ومشي
تسنيم : وبعدين معاك نزلني انا همشي انت خلاص فضحتنا في القرية كلها وكل الناس بتبص علينا
أكمل : هههههه لا مش هنزلك واللي مش عجبه يروح يعمل زي ده لو عرف اصلا……..
وقضي أكمل مع تسنيم اسبوع في السخنة وبعدين سافروا باريس علشان يقضوا شهر العسل اللي كان فعلا شهر وكانوا في منتهي السعادة كل يوم خروج وسهر وحب ورومانسية كانوا عايزين يعوضوا الايام والسنين اللي اتحرموا فيها من بعض. وبعد شهر شوكت اتصل بأكمل في باريس……
شوكت : الو ايوة يا استاذ انت وبعدين معاك يعني
أكمل : ايوة يا عمي خير فيه ايه
شوكت : انت بتهز حضرتك سايبني انتوا الاتنين طالع عيني في الشغل بقالي شهر وزيادة وتقولي في ايه
أكمل : ههههههه اعمل ايه بس يا عمي بنتك هي اللي حلوة ومش عارف اشبع منها
شوكت : ههههههه لا يا خويا انت لو علي كدة يبقي حتفضل هناك العمر كله عمرك ما هتشبعك انا عارفك طفس
أكمل : هههههه حبيبي يا عمي والله واحشني
شوكت : وانت كمان وسمسمة وحشتوني . هي فين
أكمل : بتاخد حمام. اولدلها التليفون
شوكت : بتتلكك انت انا عارف
أكمل : هههههه بصراحة اه
شوكت :طيب يا قليل الادب انت . بص بقي انتوا تيجوا بكرة او بعده بالكتير انا خلاص تعبت من الشغل. ده غير استاذة جني مجنناني انا وصباح طول الوقت عياط عايزة مامي تسنيم لما وجعت قلبي . وبعدين كفاية عليك كدة كدة حتتعب بدري اسمع كلام عمك
أكمل : ههههههه لا من النحاية دي اطمن ده انا كيمو بردوا. بس خلاص حنجز في أقرب وقت ونيجي علشان كمان انا سمسمة. حتتجنن علي جني ووحشتها .
شوكت : خلاص هستناكم. اه علي فكرة خلاص انا خلصت الجناح بتعكم وفتحت اوضكم علي بعض وجددت كل حاجة. وكمان الفرش اللي اختارتوه وصل وفرشنا الجناح وكل حاجة جاهزة ومستنياكم
أكمل : حبيبي يا عمي تسلم ربنا يخليك لينا. ان شاء الله مش هنتأخر .. سلام
تسنيم : خرجت من الحمام . كنت بتكلم مين يا كيمو.
أكمل : قرب منها. سيبك من اللي كنت بكلمه. وقوليلي بقي هو انتي كل ما هبعدي عني دقيقتن حتحلوي كدة. لا انا كدة هتجنن
تسنيم : هههه لا والله انت عايز تفهمني. انت لسة شايفني حلوة وانت كل يوم بتشوف البنات والستات الفرنسين
أكمل : ستات ايه بس المسلوعين دول يا قلبي انت حاجة تانية انتي تتاكلي اكل. وبعدين انا من بعدك مبشوفش ستات ملامحك محفورة في قلبي وعقلي.
تسنيم : اتعلقت في رقبته.انت بجد مشكلة. بس بحبك اعمل ايه و بتعرف تتضحك عليا.
أكمل : طيب تعالي علشان الضحك النهاردة كتير اوي. حضحكك لما تتعبي
تسنيم : تؤتؤ مليش مزاج
أكمل : كدة خلاص زهقتي مني
تسنيم : اه
أكمل : ماشي انا بقي زعلان . ومش هكلمك غير لما تصالحيني
تسنيم : هههههه حصالحك. بس قولي كنت بتكلم مين
أكمل : ده عمي عايزنا نرجع بكرة او بعده علشان جني بتسال عليكي وكمان هو تعب من الشغل
تسنيم : اه قولتيلي. مسكت ايده. طيب تعالي
أكمل : بإستعباط. اجي فين
تسنيم : مش انت زعلان هصالحك
أكمل : هتعرفي
تسنيم : امممم جرب وانت تشوف
أكمل : والله شكلي انا اللي هصالحك تعالي يا قلبي ………

وبعد يومين رجع أكمل وتسنيم وكمان عدي علي جوازهم سنة كاملة كانت احلي ايام وفي منتهي السعادة . وفي يوم تسنيم قاعدة في بلكونة أوضتها سرحانة وشكلها زعلان
أكمل : دخلها وحضنها. قطتيتي . بتفكر في ايه
تسنيم : مفيش
أكمل : علي كيمو. قولي يا روحي مالك
تسنيم : اتنهدت. بصراحة قلقانة احنا بقالنا سنة وأكتر متجوزين ولحد دلوقتي محملتش وانا نفسي اخلف منك
أكمل : عادي يا روحي بتحصل مش محتاجة تقلقي . وبعدين التأخير ده جاي بالنية عادي
تسنيم : مش فاهمة يعني ايه
اكمل : اصل انا كانت نيتي اني مخلكيش تحملي قبل 10او 15 سنة كدة علشان الحق اشبع منك
تسنيم : ههههههه حرام عليك انا كدة هموت قبل ما اكون ام
أكمل : بعد الشر عليكي يا قلبي يا رب انا
حبيبي : لا متقولش كدة انا متحملش. تعرف انا بدعي ربنا اني اموت قبلك علشان مشوفش اليوم ده
أكمل : حضنها. وجالك قلب تقوليها طيب انا مفكرتيش فيا ممكن يجرالي ايه ده انا قلبي ممكن يقف وقتها اوعي تقولي كدة تاني سامعة
تسنيم : ههههه انت خادت الموضوع جد ليه انا بهزر
أكمل :الا دي اوعي تهزري فيها ده انا قلبي دق بمجرد ما قولتي كدة. انتي روحي يا سمسمة فاهمة روحي
تسنيم : حبيبي . انا كل يوم بحبك اكتر واموت فيك اكتر
أكمل : وانا بقي عايش بس علشان احبك واسعدك وبس. وعموما يا حبيبتي مادام موضوع الخلفة ده مضايقك. بكرة ان شاء الله نروح للدكتور ونعمل كل التحاليل والاشعة المطلوبة علشان تتطمني . بس بشرط
تسنيم : عارفاه
أكمل : هههههه لا يا حلوة مش اللي في دماغك . انا عايزك لو مفيش مشاكل تستني متحمليش بسرعة انا عايزك فاضية لية اطول وقت ممكن
تسنيم : اممم اوعدك بس المهم اطمن
أكمل : اتفقنا. بس قوليلي هو انتي تعرفي البيبي بيجي ازاي
تسنيم : ههههههههههههههه. حرام عليك قلبي هيقف من كتر الضحك
اكمل : هههههههه لا بجد تعرفي
تسنيم : ههههههههه لا معرفش انت تعرف
أكمل :طبعا ده انا استاذ في الحكاية دي تعالي وانا اعلمك……………

((((أقدار الحب ))))بقلم ريحانة الجنة

(((الحلقة الثلاثون))

وراح أكمل وتسنيم للدكتور وتسنيم عملت التحاليل والاشعات كلها والدكتور شافها وابتدت تسنيم تسأل الدكتور
تسنيم : بقلق. خير يا دكتور هو انا عندي مشكلة
الدكتور:بيبص لأكمل. بحيرة
أكمل:فهم. حبيبتي ممكن تهدي بس علشان نفهم
تسنيم : حاضر ههدي بس افهم فيه ايه
الدكتور: بصي يا مدام تسنيم. انتي عندك شوية مشاكل وحكاية الخلفة دي حتاخد وقت وفي الغالب مش حيحصل غير بعملية
تسنيم : بصت لأكمل بحزن وعيطت
أكمل : صعبت عليه.قعد قدمها علي ركبته وباس ايديها. حبيبتي ممكن تهدي شوية الدكتور مقلش مستحيل دي مشكلة. وحتتحل بعملية متزعليش نفسك
تسنيم : يعني انا ممكن اخلف ولا لا
الدكتور:ان شاء الله بس زي ماقلتلك الموضوع هياخد وقت. بس ربنا كبير ادعي انتي بس وان شاء الله خير

في الفيلا
شوكت : يا حبيبتي يا بنتي لا حول ولا قوة الا بالله دي تسنيم طيبة وقلبها ابيض. زمانها دلوقتي مموتة نفسها من العياط
أكمل : وهو حزين . والله يا عمي انا لولا اني خلفت جني كنت خليت الدكتور قلها ان المشكلةعندي. بس مشوفهاش مكسورة كدة.
شوكت : عارف يا بني بس هنعمل ايه ده قضاء ربنا وقدره .
أكمل : عن اذنك يا عمي انا طالع اشوفها .
شوكت : روح يا ابني وانا الصبح حاجي اطمن عليها تكون هديت

في أوضة أكمل وتسنيم
تسنيم : قاعدة في السرير وبتعيط
أكمل : دخل وراح جنبها بحنية. خلاص يا حبيبتي علشان خاطري كفاية عياط. انتي مكفكيش العياط اللي عيطيه زمان كفاية انا بتقطع وانا شايفك كدة .
تسنيم : انا دلوقتي بس عرفت ايه الحكمة من اللي حصلنا زمان وانك اتجوزت مايا وقتها انا كنت فاكرة ان ربنا بيعاقبني لكن اتضح انها كانت رحمة من ربنا ربنا يعلم اني مش هخلف ولا هكون ام علشان كدة خلاك تتجوز مايا وتخلف جني واحبها وتبقي بنتي وخصوصا انها منك انت. وكمان علشان وقتها لو انا مخلفتش كنت ممكن تسيبني او تتجوز عليا علشان تخلف
أكمل : دمع وحضنها اوي. الحمد لله ان ربنا محرمناش بس والله يا قلبي انا لو حتي مكنتش خلفت جني مكنش ممكن اسيبك ابدا انتي عندي بالدنيا وانتي عارفة
تسنيم : عيطت اكتر. بس انا كان نفسي ابقي حامل منك زي مايا واشوف بطني بتكبر كان نفسي احس الاحساس ده اوي يا اكمل
أكمل : حبيبتي كفاية ارجوكي انتي بتموتيني بدموعك دي. وبعدين مش الدكتور قال انك ممكن تحملي بعملية خلاص ان شاء الله نعملها
تسنيم : انا اخت بالي من نظراتك انت والدكتور. وتلاقيه قال كدة بس علشان يكون عندي امل
أكمل :لا والله محصلش يمكن هو مكنش عايز يزعلق وعلشان كدة كان بيبصلي.قولي بقي انك خايفة من العملية صح
تسنيم : يعني
أكمل : اممم خلاص ولا تزعلي اعملها انا بدالك
تسنيم : مسحت دموعهاوضحكت. هههههههه انت مفيش فايدة فيك لازم تهزر
أكمل :هههههه اه لازم مع اني والله لو ينفع كنت عملتها بدالك. وقرب منها اكتر. وبعدين يا قطيتي هو فيه احلي من الهزار
تسنيم :بقولك ايه انا النهاردة مش رايقة بس هاه
أكمل : طيب رهان اروقك انا
تسنيم : هههههه أكمل اهدي شوية
أكمل : ايه بس الضحكة اللي تجنن دي
تسنيم : أكمل
أكمل : يا عيون اكمل . سيبيلي انتي نفسك وانا والله اروقك علي الاخر تعالي بس اسمعي الكلام
تسنيم : تؤتؤتؤ قلت لا
أكمل :طيب اهو ……
تسنيم :ههههههه يا بايخ…..
أكمل : ششششششش

وعدي كمان سنة وتسنيم حاولت كتير وكل مرة الحنين ينزل واتعذبت وتعبت بس اكمل مكنش بيسيبها خالص ومعاها دايما وبيطمنها وفي يوم شوكت بيكلم أكمل في المكتب

أكمل : عمي انت قلقتني كدة فيه ايه
شوكت : مفيش يا ابني بس ريحني علشان خاطري واسمع الكلام
أكمل : مستحيل يا عمي اللي بتقوله ده انا مش ممكن اقبل انك تكتبلي نص الشركة لا مش موافق
شوكت : يا ابني هو مش انا عمك حبيبك و زي ابوك
أكمل : ايوة يا عمي واكتر والله ده انت اللي ربيتني وعلمتني وخلتني مهندس وكمان بشتغل معاك وبخاد مرتب فوق الخيال لا وكمان جوزتني تسنيم هعوز ايه اكتر من كدة بس
شوكت : أكمل اللي بطلبه منك ده حقك انت من يوم ما اتخرجت واشتغلت معايا وانت شايل الشركة علي كتافك وبفضلك وبفضل شطارتك بقت اكبر شركة مقاولات في الشرق الاوسط يبقي نصها مش كتير عليك وتسنيم النص التاني وانتو بقي ابقوا ادوا جني اللي يعجبكم
أكمل :ليه يا عمي بتطلب الطلب ده دلوقتي. انت قلقتني عليك
شوكت : ابدا بس انت عارف الاعمار بيد الله وانا خايف اموت وانا ظالمك
أكمل : ربنا يخليك لينا. احنا من غيرك ولا حاجة.وبعدين انت عمرك ما ظلمتني
شوكت : اوعي تفتكر اني مكنتش بعرف بعروض الشغل اللي كانت بتجياك وانت بترفضها. واللي كنت فيها حتكون شريك بنسبة كويسة . علشان تفضل معايا ومتبعنيش . ده غير مشروع الكمبوند الاخير واللي اطلب منك انك تبيعوا وانت رفضت مع ان المبلغ اللي اتعرض عليك كبير اوي
أكمل : وانت عرفت كل ده ازاي
شوكت : مبقاش شوكت التهامي . انا كنت كل مرة اراهن عليك وكنت بكسب الرهان . كنت اقول لو حاطوا قدامه مال الدنيا عمره مايبيع عمه ابدا
أكمل : حضن عمه. ده انا ابيع الدنيا بحالها الا انت وتسنيم
شوكت : يبقي توافق ومتزعلش عمك منك
أكمل : طيب سألت تسنيم
شوكت : ههههه طبعا وقالتلي اكتبلوا الشركة كلها
أكمل : هههههههه ربنا بخليكوا ليا انتوا عليتي اللي مليش غيرها
شوكت : بكرة الصبح المحامي جاي الشركة تجيب تسنيم وتيجوا تمضوا العقود. اتفقنا
أكمل : بإبتسامة. اتفقنا
وفعلا شوكت كتب لاكمل نص الشركة وتسنيم النص التاني وهو اكتفي بحق الادارة. وفضل الحال كدة شهور وفي يوم شوكت تعب في الشركة وأكمل وداه المستشفي وكلم تسنيم في البيت علشان تحصلهم علي المستشفي.

في المستشفي
أكمل قاعد وبيبكي وماسك ايد عمه اللي مش قادر يتكلم
شوكت :بصوت ضعيف جدا. أكمل انا. شكلي كدة خلاص بموت وعايز اوصيك علي تسنيم تحطها في عنيك
أكمل: وهو بيبكي باس ايده. اوعي تقول كدة انت ان شاء الله حتخف وتخرج من هنا
شوكت: يا أكمل خلاص بقي الحمد لله ان ربنا اداني العمر وشوفتكم متجوزين ومتهنين. انا خلاص مش عايز حاجة تاني
أكمل : حبيبي يا عمي ارجوك متوجعش قلبي انت غالي عليا اوي
ومااستحملش اشوفك كدة
شوكت :أكمل متخليش تسنيم تبكي وتحزن كتير. كفاياها حزن انا عايزك تفرحها علي قد ما تقدر فاهم
أكمل : عمي ارجوك كفاية متقولش كدة علشان خاطري اسكت انت تعبان
شوكت : ابتدي يا خد نفسه بصعوبة وخلاص في سكرات الموت. مسك ايد أكمل وضغط عليها جامد . سلملي علي تسنيم كان نفسي اشوفها…..  ومات شوكت
أكمل : انهار ودموعه زادت. عمي عمي لا علشان خاطري احنا محتاجنلك ارجوك لا . وباس ايده. انت مكنتش عمي وبس انت ابويا والله انا مزعلتش عليه زي ما دلوقتي قلبي وجعني عليك. سامحني علي كل اللي عملتوا فيك. اه يا عمي. ليه سبتنا ليه.انا كنت ندل معاك وانت سامحتني ااااه
في الوقت ده تسنيم فتحت الباب ودخلت واتصدمت من شكل أكمل ودموعه وباباها اللي نايم ومش بيرد
تسنيم : اااكمل انت بتعيط ليه وبابا ليه مغمض عنيه هههو نايم صح قولي انه نايم
أكمل :قام وهو دموعه كتير وحضنها.كان نفسه يشوفك
تسنيم : صرخت في حضنه. لا لا بابا مماتش لا يا أكمل ليه ليه انا ليه بيحصلي كدة ليه
أكمل : شششش خلاص علشان خاطري انا مش متحمل انا عايز اللي يهديني ده ابويا انا كمان . اهدي ارجوكي
تسنيم : جريت علي باباها وباسته وباست ايده. حبيبي يا بابا ليه سيبتني ليه.
أكمل : بيشدها بعيد. كفاية يا تسنيم ارجوكي مينفعش كدة .
تسنيم : بتعيط عياط هستيري. بابا تعب اوي واتحمل كتير انا ومايا وجعناه وجرحناه اوي اوي يا أكمل وهو سامح سامح علشان قلبه طيب ومن كتر اللي قلبه اتحمله قلبه تعب ومات يا أكمل مات
أكمل : حضنها اوي وهي عمالة تعافر وتصرخ لحد ما أغمي عليها. والدكتور جه واداها حقنة موهدأة وأكمل خلص كل اجرأت الدفن ودفن عمه وتسنيم لسة في المستشفي وقعدت اسبوعين وخرجت. وأكمل كان معاها ومش بيسيبها طول الوقت قاعد جنبها . ونسرين عرفت الخبر من الصحف والفيس.و حجزت طيارة وجات بسرعة وكان عدي شهر وتسنيم لسة حزينة وبتاخد الموهدأت ومش قادرة تستوعب فكرة ان باباها خلاص مش هتشوفه تاني. ولما جات تسنيم خافت وقلقت انها خلاص محدش ممكن يمنعها انها ترفع قضية وتاخد جني لانها احق بحضنتها بعد موت مايا. وكانت بتحاول تتعامل مع نسرين بلطف علشان متزعلهاش . وفي يوم تسنيم كانت لسة واخدة الموهدأ ونايمة و أكمل كالعادة قاعد جنبها مش بيسيبها بيروح بس يطمن علي جني ويرجع يفضل جنبها حتي وهي نايمه. وكان جنبها وحضنها وبيملس علي شعرها وبيبصلها بحنية وصعبان عليه حزنها واللي هي فيه. في الوقت ده الباب خبط
أكمل : ادخل
نسرين :فتحت ودخلت
أكمل : بخنقة. خير حضرتك عايزة حاجة.
نسرين : هي تسنيم نايمة
أكمل : فهم قصدها. وهو بيجز علي سنانه. اه نايمة علشان لسة واخدة المهدأ. عايزة ايه قولي
نسرين :طيب ما تيجي بره نتكلم
أكمل : مسح وشه بغيظ. استغفر الله العظيم. اتفضلي بره وانا جاي
خرجت نسرين وأكمل نيم تسنيم اللي كانت نايمة في حضنه وباس راها وغطاها وخرج
أكمل : خير . نعم
نسرين : ممكن نقعد في اوضتي ونتكلم
أكمل : اوفففف الله ما طولك يا روح. يا ست انتي عايزة ايه خلصيني
نسرين : قربت منه. مش تسنيم تعبانة وسايباك كدة لوحدك تعالي اقعد معايا وانا اسليك وكانت بتحاول تحضنه
أكمل : مسك ايدها ونزلها بأرف. هو انتي مفيش فايدة فيكي انتي ايه شطانة يا شيخة اعملي حساب ان اللي مات ده عمي وكان جوزك في يوم من الايام. واللي نايمة ومتبهدلة جوه دي تبقي بنتك. ده غير اني قلتلك الف مرة انسي اللي بتفكري فيه ده مستحيل
نسرين : يعني ده آخر كلام عندك
أكمل : بخنقة. اه ومعنديش غيره.
نسرين : طيب اسمع بقي انا عايزة نصيب مايا
أكمل : تاني كدة . نصيب مين حضرتك
نسرين : ايه مسمعتش مايا نصيب مايا
أكمل : اه عادي يعني انتي تعرفي ايه عن الدين علشان تعرفي دي . عموما انا هقولك مايا ملاهاش نصيب لانها ماتت قبل موت عمي . ده غير بقي ان كل حاجة بأسم تسنيم واسمي بيع وشيراه.بالنص
نسرين : انت بتقول ايه مش ممكن يعني ضحكت عليه وخليته يكتبلك نص ثروته. لا انا مش هسكت وهطعن بالتزوير
أكمل : اقسم بالله انا ماشوفت بجاحة كدة انتي وبنتك الله يرحمها. مستحيل تكونوا بشر اكنكم شايطين . اوففففف. عموما اعلي ما في خيلك اركبيه بس احب افكرك انتي اصلا مالكيش صفة للطعن يعني انسي
نسرين : كدة ماشي . بس ليا صفة تانية اقدر احرق قلبك انت و تسنيم بيها. جني هرفع قضية واخدها منكم
أكمل : ههههههه لا والله . ماشي اعملي اللي يريحك. بس متنسيش انا ممكن ببساطة اقدم اللي يثبت انك غير اهل انك تخاديها وهمرمتك في المحاكم وبردوا مش هتطولي جنيه واحد
نسرين : لا ما هو انا ما اطلعش كدة من غير حاجة انا عايزة فلوس
أكمل : اخرك عندي المبلغ اللي كان بيوصلك من عمي كل شهر علشان بس انتي مهما كان حماتي وجدة بنتي . لكن هتسوقي العوج يبقي اتحملي بقي اللي هعملوا فيكي وانت لسة لحد النهاردة مشوفتيش وش أكمل التاني بس انا هموت ووريهولك هخليكي تكرهي نفسك. بس اللي مناعني عنك الغلبانة اللي نايمة جوه دي مش عايزها تتصدم في امها .
نسرين :خافت من اكمل لانها عارفة اتصالته هو وشوكت كانت عاملة ازاي. احممم طيب غير المبلغ بتاع كل شهر عايزة مليون جنيه
أكمل : تاني هو انتي ايه خلاص بتطلبي بالملاين. اسف هو نص مليون وكفاية اوي ال100الف بتوع كل شهر . اكتر من كدة لا
نسرين : هات الشيك
أكمل : اوفففف وراح كتب الشيك وادهاولها . بس وحيات ربنا يا شيخة اللي انتي متعرفيهوش تمشي من هنا انا مش طايقك
نسرين : همشي بس هرجع تاني .تصبح علي خير
أكمل : الاهي يارب تنامي ما تقومي ونرتاح منك اغوذ بالله انا مش عارف الحية دي ازاي ولدت الملاك اللي جوه دي سبحان الله .

وعدي علي موت شوكت 6 شهور وتسنيم ابتدت تفوق وتعيش عادي شوية. وفي يوم بالليل قاعدة في السرير سرحانة
أكمل :قرب منها. ايه الحلاوة دي بس يا ربي انت جميلة كدة ليه النهاردة
تسنيم : ابتسمت. انت اللي عنيك حلوة
أكمل : لا انتي اللي في كل احوالك جميلة حتي لو كنتي حزينة. سمسمتي ارجوكي كفاية حزن بقي. عمي كان موصيني اني مخلكيش تحزني ولا تعيطي
تسنيم : اعمل ايه بس يا اكمل ده بابا. بابا
أكمل : عارف والله وكان ابويا انا كمان بس ده قضاء ربنا. وبعدين هو انا مش صعبان عليكي ولا ايه.
تسنيم : ليه مالك
أكمل : قرب منها أكتر. مش عارفة كدة 6 شهور حرام عليكي ده انا اللي المفرض اموت دلوقتي
تسنيم : هههههههه مفيش فايدة فيك. بس اللي يسمعك بقول كنت محروم خالص ما انت كنت بتمشي امورك شوية
أكمل : ههههههه لا ده كان حاجة كدة خاطافي علشان بس انسيكي حزنك. لكن انا عايز حاجة كدة بمزاك زي الاول. هاه هتسبيني تاني كدة
تسنيم : ابتسمت. تؤتؤتؤ. خلاص مش هسيبك.
أكمل : ايوة بقي هو ده يا قلبي تعاليلي ده انتي وحشاني ………

وبعد شهرين كمان أكمل بيلبس ورايح الشركة. وتسنيم بتحضر القهوة وجابتهالو . ووقفة معاه بتحضرلوا اللبس بتاعه . فجأة داخت
أكمل : قلق وقرب منها. مالك يا سمسمة انتي تعبانة
تسنيم : بصت لأكمل وملحقتش ترد واغمي عليها
أكمل : لحقها وشالها. تسنيم . تسنيم . مالك حبيبتي ردي عليا… دادا . دادا تعالي بسرعة ……

((((أقدار الحب)))) بقلم ريحانة الجنة

(((الحلقة الواحدة والثلاثون ))

أكمل شال تسنيم ونيمها في السرير وهو قلقان عليها. تسنيم سمسمة مالك يا قلبي ايه اللي حصل.
صباح : جات تجري. ايه ده مالها تسنيم
أكمل: معرفش كانت واقفة جنبي وفجأة اغمي عليها حاولي تفوقيها لحد ما اكلم الدكتور .
صباح : حاضر بس روح بسرعة . تسنيم. فوقي يا تسنيم. لا اله الا الله انتي دايما كدة منصابة.
جني : دخلت الاوضة بتعيط. مالها مامي يا دادا
صباح : مالهاش يا حبيبتي. هي كويسة روحي انتي علشان متتأخريش علي باص المدرسة
جني : لا انا مش مروح انا عايزة اطمن علي مامي تسنيم

أكمل كلم الدكتور وجه وكشف علي تسنيم وفوقها.
أكمل : مالها يا دكتور ايه اللي دوخها كدة
الدكتور: متخفش هي كويسة
أكمل : ازاي بس هي مكنش بيحصلها كدة غير لما بتزعل . لكن دي كانت كويسة وبتتكلم معايا وفجأة اغمي عليها.
الدكتور :وكمان ممكن يكون السبب حاجة تانية انها حامل مثلا
أكمل : مش ممكن انت بتتكلم جد
تسنيم : انا مش مصدقة معقول انا حامل لوحدي كدة من غير عملية
الدكتور: ههههه اه والله وانا حضحك عليكم . وبعدين انا قلتلك قبل كدة كل شئ بتاع ربنا
أكمل : قعد جنبها وحضنها. حبيبة قلبي مبروك يا قطيتي.
تسنيم :حبيبي الله يبارك فيك انا مش مصدقة يا كيمو اني فعلا حامل منك من غير عملية.انا فرحانة اويي
أكمل : وانا يا روحي فرحان جدا علشان حكون اب منك انتي وكمان فرحان علشانك انا عارف انتي كنتي بتتمني كدة من قد ايه
الدكتور: احممم طيب امشي انا بقي يا أكمل علشان اللي ممكن يحصل دلوقتي. هههههه
أكمل : هههههههه معلش يا دكتور انت اصلك متعرفش. انا بحب سمسمة أد ايه. بموت فيها
الدكتور : ربنا يخليكو لبعض. بس قبل ما أمش انتوا لازم تجوني العيادة علشان نتابع كل حاجة من الاول
اكمل : ان شاء الله وكويس اني كلمتك . لاني لما كلمت الدكتور عادل مردش . قلت اتصل بيك انت وسبحان الله طلع الموضوع يخصك
الدكتور: ههههه لا يا حبيبي يخصك انت. بس المهم انت الفترة دي لازم تنقل في اوضة تانية لوحدك خلي الولد يجي علي خير فاهمني
أكمل: لا كله الا كدة ده انا اموت
تسنيم : بكسوف. أكمل
أكمل : ايه في ايه مش بفهمه
الدكتور: هههههه انت اللي تفهم تسنيم حالتها مش عادية. ومحتاجة معاملة خاصة.
أكمل : من عنيا انا هعمالها معاملة خاصة جدا متقلقش .
الدكتور : ربنا يستر والبيبي ده يجي علي خير .
أكمل : ان شاء الله. هو ابني وحيسمع كلامي
الدكتور: هههههه انت مصيبة يا أكمل . انا ماشي سلام
تسنيم : انت مش هتبطل هتفضل كدة فاضحنا. علي طول
أكمل : ههههههه وانا عملت ايه. انا بس بفهموا اللي حيصل . وقعد جنبها . شوفتي بقي ان ربنا مسبناش
تسنيم : الحمد لله يا كيمو انت مش متخيل انا فرحانة ازي اني حملت من غير عملية ووجع قلب بس خايفة ينزل زي اللي قبله دول اربع مرات يا كيمو
أكمل : تؤتؤتؤ انا حاسس ان شاء الله ان البيبي ده بالذات هيجي من غير مشاكل
تسنيم : وايه اللي اكدلك بقي
أكمل : ههههههه اصل ده الوحيد اللي جه في الجون من غير عملية
تسنيم : هههههههههههه والله انت مسخرة
أكمل : ههههههه ما انا عارف. احممم ايه بقي
تسنيم : ههههه ايه ايه ربنا يهدك
اكمل : ايه مش هنحتفل ولا ايه
تسنيم : ياربي انت مفيش فايدة فيك مسمعتش الدكتور
اكمل : ملكيش دعوة بكلام الدكتور. انا ححتفل يعني ححتفل. مليش دعوة
تسنيم : والبيبي
اكمل : ملكيش دعوة انا وابني حنتعامل مع بعض. تعالي بقي اقولك حنحتفل ازاي يا ست مامي ……….

وعدي 5شهور وتسنيم بقت في السابع لانها وقت ما عرفت كانت حامل في شهرين . والحمد لله الحمل كمل من غير مشاكل وفي يوم نسرين بتكلم تسنيم في التليفون
تسنيم : ازيك يا مامي ليه لما بكلمك مش بتردي عليا انا عندي ليكي خبر من شهور ومش عارفة اقولهولك
نسرين : مش وقته دلوقتي انا بكلمك علشان موضوع مهم
تسنيم : طيب بس اسمعيني
نسرين :لما اقولك انا الاول ابقي اسمعك . انا عايزة 5 مليون بسرعة انا البيزنس اللي دخلت فيه هيضيع مني وانتي لازم تقفي جنبي
تسنيم : بس ده مبلغ كبير يا مامي
نسرين : نعم بقي ماسكة شركة شوكت التهامي وبتقولي علي المبلغ ده كبير
تسنيم :لا بس حضرتك عايزاه ليه وايه اللي هيضيع البيزنس بتاعك
نسرين: ملكيش دعوة اعملي اللي قولت عليه وبس . قوليلي خبر ايه اللي كنتي هتقوليهولي ده
تسنيم : بحزن. لسة فاكرة يا مامي. عموما معلش انا كنت عايزة اقولك اني حامل وفي الشهر السابع
نسرين: ايه حامل انتي مش كنتي مش عارفة تحملي ايه اللي حصل
تسنيم : الحمد لله ربنا بعتلي البيبي اللي نفسي فيه من زمان
نسرين : اه طيب متنسيش اللي قولتلك عليه سلام .. وقفلت
تسنيم : قفلت التليفون وعيطت. كدة يا مامي حتي مقولتليش مبروك
اكمل كان داخل الاوضة لقي تسنيم بتعيط. اتخض عليها وراحلها
أكمل :قطيتي مالك بتعيطي ليه في حاجة بتوجعك
تسنيم : بتعيط وبتهز راسها. لا مفيش
أكمل : مسك وشها ومسح دموعها. اومال يا روحي ايه الدموع دي مين زعلك
تسنيم : مفيش متخدش في بالك. اكمل انا كنت عايزاك تحضرلي شيك ب5 مليون جنيه.
أكمل : عقد حاجبه . نعم ليه هتعملي بيهم ايه
تسنيم : مفيش . بس مامي عايزاهم
أكمل : وشه اتقلب . اه قولتيلي مامي . وهي طنط عايزة المبلغ ده ليه
تسنيم :معرفش هي بتقول ان البيزنس بتاعها هيضيع منها
أكمل : اه لا هو ضاع اصلا خلاص
تسنيم : وانت عرفت منين
اكمل : عرفت وخلاص اصلها هي وصاحبتها شاركوا واحد في بيزنس وهو بقي طلع نصاب ونصب عليهم وكل حاجة بخخ
تسنيم : مش ممكن طيب تفتكر هي عارفت انه خلاص نصب عليهم. اصل لو كان كدة كانت قالتلي
أكمل : لا هي تلاقيها عايزة تعمل بيزنس جديد بفلوسك وتضيعها تاني
تسنيم : طيب انا مش فاهمة اديها ولا لا
اكمل : حبيبتي دي فلوسك وانتي حرة فيها بس لازم تعرفي ان ماتتك مش هتسيبك وهتضيع الفلوس دي وتطلب تاني والفلوس دي مجتش بالساهل وانتي اكتر واحدة عارفة
تسنيم : معاك حق بس اقولها ايه
اكمل : متقوليش سيبيهالي انا هعرف ازاي اقولها. بس قوليلي هو ده اللي كان مزعلك
تسنيم : لا بس اصل مامي بتعاملني معاملة وحشة
تخيل يا أكمل بقالي شهور من وقت ما عرفت اني حامل بحاول اكلمها علشان اقولها مكنتش بترد عليا. ولما كلمتني دلوقتي علشان الفلوس وقولتلها حتي مقلتليش مبروك وقفلت الفون. وعيطت تسنيم اكتر
أكمل : حضنها. خلاص يا حبيبتي متزعليش نفسك علشان خاطري . ولا يهمك انا بابا وماما وكيمو وكل حاجة في دنيتك ولا انا مش كل دنيتك
تسنيم :حضنته اوييي. طبعا يا حبيبي انا مش عارفة لو انت مكنتش جنبي كان حصلي ايه . طول عمري مبحسش بالامان غير و انا معاك. انت اللي فاضلي من بعد بابا الله يرحموا انتوا اللي كنتوا بتحبوني . لكن مامي ومايا لا مع اني والله كنت بحبهم
أكمل : ميهمكيش طول ما انا جنبك. اوعي تزعلي ابدا فاهمة. بصي بقي احنا عايزين نطلع السخنة كام يوم نغير جو . ايه رأيك يا قطتيتي
تسنيم : ياريت . بس خايفة الدكتور محظرني من الحركة والسفر ما انت عارف
أكمل : ايوة صح طيب ممكن يخليكي تسافري امتي .
تسنيم : يعني انا خلاص في آخر السابع ممكن كمان شهر لما اخلص الثامن وادخل في التاسع وقتها عادي حكون قربت اولد
أكمل : خلاص نستني الشهر ده بس لحد الشهر ده مايخلص انا حروقك علي الاخر وهنسيكي اي زعل يا قلبي
تسنيم : حبيبي يا كيمو انت مفيش منك ابدا
أكمل : هههههه انا اومال انتي ايه بقي انتي اكنك خارجة من لوحة في روايه من الخيال صورتك وشعرك وعنيكي وقلبك وروحك كلك مش من الدنيا انتي يا روحي اللي مفيش منك في الدنيا كلها.
تسنيم : حضنته اكتر . مش ممكن كل ده انا.
أكمل : واكتر بكتير ياقلبي . تسنيم انا فتحت عيني لقيتك حبيتك من وانا صغير . تعرفي انا قبل بابا وماما ما يعملوا الحادثة انا كنت بقول لبابا انا بحب تسنيم وعايز اتجوزها . وقتها ضحك هو ماما وانا مكنتش فاهم هما بيضحكوا علي ايه . بابا قلي اكبر انت بس وابقي مهندس وانا اخلي عمك شوكت يجوزهالك. بس لما تكبروا.
تسنيم :هههههه بجد
أكمل :اه والله. اقولك علي حاجة تانية انا لما ماما وبابا عملوا الحادثة وعمي جه المستشفي. واخدني وجابني هنا علي البيت اول ما شوفتك . فرحت اوي وفرحت اكتر لما جيتي وطبطبتي عليا علشان ابطل عياط وروحتي جبتيلي الاتشيز كيك فاكرة
تسنيم : طبعا فاكرة انا كنت بحبك ومش بحب اشوفك زعلان
أكمل : انتهد. وقتها كان جوايا احساس بالسعادة عمري ماهنساه . مكنتش عارف ازاي نسيت حزني علي ماما بابا. بمجرد ما عرفت اني هعيش معاكي وافضل جنبك كل يوم . من يومها وانتي حبيبتي وصحبيتي وكل حاجة ليا في الدنيا. كل يوم حبك في قلبي كان بيزيد بس كنت بخبي. كنت بسمعك بتكلمي دادا وتتوجعي وانتي فاكراني مش فاهم حبك. كنت بشوف غيرتك عليا افرح. كنت كل مرة بحضنك ابقي نفسي انسي كلمة عمي انك زي اختي واضمك ضمة حبيب واقولك انا بحبك وحاسس بيكي . وعمري ماحبيت غيرك .
تسنيم :ياااا يا كيمو كل السنين دي ولسة فاكر كل ده. انا عمري ما هلاقي حد يحبني زيك عمري .
أكمل : طبعا عمرك ما هتلاقي. كمان عمر مافي حد هيعمل فيكي اللي انا هعمله دلوقتي .
تسنيم : هههههه اللي هو ايه بقي
أكمل : بإبتسامة توعد. مش عارفة. ماشي انا هقولك تعالي هنا
تسنيم : هههههه تؤتؤ مش هاجي
أكمل : طوعيني بدل ما ولدك دلوقتي
تسنيم : ههههههه بردوا لا
أكمل : ماشي جبتيه لنفسك تعالي يا قطقة.وشالها وحطها في السرير. هنا بقي اعرف اشرحلك كويس ……

وبعد اسبوع في الشركة في مكتب أكمل تليفونه بيرن نسرين
أكمل: اوفففف عايزة ايه دي…. الو
نسرين :ايوة يا سي أكمل انت بتدخل بيني وبين بنتي ليه انت مالك انت اخد منها اللي انا عايزاه ليه اكلمها تقولي أكمل اللي هيتصرف
أكمل : وطي صوتك انا مبحبش الصوت العالي. ثم انتي زعلانه ليه انا وتسنيم واحد متفرقش
نسرين : لا تفرق انت متعب ومبخدش منك اللي انا بطلبه
أكمل : علشان مش منحقك. واسمعي بقي فلوس مافيش غير اللي بيوصلك كل شهر غير كدة لا فاهمة واوعي تطلبي من تسنيم حاجة. علشان انا لحد دلوقتي مش عايز افضحك قدامها واقولها انك كنتي عايزة تعملي معايا علاقة وساعتها هي اللي مش هتبص في وشك.
نسرين : ههههه وانت فاكر ان هي هتصدقك. وقتها هقولها العكس ان انت اللي كنت بتعاكسني . وطبعا هتصدق امها
أكمل : لا بجد امها من امتي ده ما انتي طول عمرك كرهاها ومش بتطقيها وبتحبي مايا علشان كانت شبهك. ده انتي حتي لما طلبتي منها الفلوس وعرفتي انها حامل بعد كل التعب اللي شافته المرات اللي فاتت. مهنش عليكي تقوليلها مبروك . وتقوليلي امها انسي انك تخدي منها حاجة طول ما انا عايش ولا حتي تضيقيها فاهمة وابعدي عننا بقي بشرك ده.
نسرين: ماشي يا أكمل والله لموتك هيكون علي ايدي وساعتها هاخد منها اللي انا عايزاه
أكمل : ههههههه لا والله تصدقي خفت . انا اكمل يا نسرين هانم. مبخفش من حد فاهمة. واعلي ما خيلك اركبيه ووريني شطارتك. مع السلامة ولون خسارة فيكي السلام

(في لبنان في شقة نسرين )
نسرين : قفلت مع اكمل وهي متغاظة . اه يا أكمل الكلب انت وقفلي زي اللقمة في الزور
سناء. صاحبة نسرين: اهدي بس هو قالك ايه
نسرين : البيه مش عايز تسنيم تديني الفلوس ولا هو كمان . بيتحكم فيا.
سناء : طيب وهتعملي ايه بعد اللي اسمه. ظافر ده ما اخد كل الفلوس بتاعتنها وهرب ازاي الشغل هيرجع كدة خلاص كل حاجة خلصت
نسرين : انا هتجنن ده انا حطيت في المشروع ده كل اللي املكه ومينفعش كله يروح كدة . بس انا لازم اتصرف واخد من تسنيم اللي انا عايزاه بس بعد ما اخلص من اكمل ده وارتاح منه وياريت كمان ارتاح منهم هما الاتنين . اه بس لو مكنش شبه باباه كنت جمدت قلبي عليه اكتر من كدة
سناء: انتي لسة بتحاولي معاه انتي مجنونة. ده جوز بنتك وكمان كان متجوز بنتك اللي ماتت فوقي بقي
نسرين : هموت يا سناء واكون معاه. زي مكان نفسي اكون مع ابوه. مين بس يقول كدة اتحرم من ابوه زمان واتحرم منه هو دلوقتي
سناء : لا انتي بجد حالتك صعب . المهم شوفي هتعملي ايه وقوليلي… باي
نسرين : اه يا اكمل علي قد ما انا متغاظة منك علي قد ما نفس اخلص من تسنيم اللي واكلة عقلك وقلبك وتكون ليا انا وبس. وبتفكير شيطاني زيها . بس انا خلاص عرفت هعمل ايه

((((أقدار الحب)))) بقلم ريحانة الجنة

(((الحلقة الثانية والثلاثون والاخيرة ))

وبعد ما فات الشهر اللي بعده وتسنيم بقت في التاسع الدكتور سمحلها انها تسافر وفعلا سافرت مع أكمل وجني اللي بقي عندها 7 سنين وكام شهر وهما في العربية مسافرين
تسنيم : كدة يا كيمو انا زعلانة منك
أكمل : هههههههه اعمل ايه بس مينفعش اطوعك يا قلبي ازاي تسوقي وانتي بطنك كدة. وبعدين يرضيكي راجل زي كدة طول وعرض وعضلات اركب جنب المدام وهي اللي تسوق وكمان حامل. والله دي حاجة تكسف هههههههههه
جني : ههههههه ايوة صح يا بابي دي مامي كمان ممكن تعمل بينا حادثة وهي عاملة كدة
تسنيم : كدة والله بقيت تريقتكوا دلوقتي والله بس اولد ووريكوا . ماشي. وكانت مبوزة
أكمل : لا يا قلبي متحملش التكشيرة دي والله بتعب
تسنيم : ابتسمت. بايخ
أكمل : مال عليهاووشوشها. والله لولا معانا جني كنت صالحتك هنا علي الطريق السريع
تسنيم : هههههههههه طيب الحمد لله انها معانا احسن كان ممكن يتقبض علينا.
أكمل : ههههههه لا متخفيش هبقي وقتها اخد بالي
تسنيم : بس بجد يا كيمو كان نفسي اسوق . انا من وقت ماحملت مسوقتش وانت اللي بتودينا للدكتور والنادي وكل مكان ومبتخلنيش اركب عربيتي. السواقة وحشتني
أكمل: طيب بصي يا موزتي انا هخليكي تسوقي واحنا راجعين علي الاقل هتكوني عديتي اسبوعين في التاسع علشان لو جالك الطلق وانتي سايقة الواد يبقي جه في معاده بدل ما نحيبه دلوقتي بدري كدة
تسنيم :هاها ها بايخ
أكمل : ههههههه برده بحبك. وغمزها

ووصل اكمل وتسنيم وجني قرية السخنة. وكلهم كويسين وقضوا كام يوم جمال جدا واكمل كان بيدلع تسنيم احلي واجمل دلع علشان دي حبيبته اللي ياما حرمها منه ومن حبه ومن وجوده جنبها وكمان حزنت كتير وكان نفسه انه يفرحها بأي شئ. وفي يوم أكمل كان مستني تسنيم علشان عزمها عليةالعشا علي البحر بالليل وطبعا كعادتها جميلة والحمل مازدهاش غير جمال اكتر وكانت لابسة فستان فيروزي تحفةلون عنيها الجميلة وشعرها الجميل وميكب هادي أكمل شافها جايه قام وابتسم من جمالها وسحرها اللي كل يوم بتخطفه بيهم. وكان مشغلها اغنية توصف جمالها وخدها في حضنه وبعدين قعدهاوفضل يسمعها وهو باصص في عنيهابحب ولهفة وشوق. وكانت (حبيبتي لعمرو دياب)(انا ليه نظرة اعرف بيها الواحدة ايه احلي ما فيها واهي فكرة جيتي.ولغتيها ماهي كل حاجة فيكي جميلة.حبيبتي لما بتتمايل خطوتها بتسوي هوايل دي عاملة في القلب عمايل يا ملاك ياللا لا لا.يااللي جمالك رباني بحب اغزلك بأغاني ياللي جمالك رباني بحب اقول فيكي أغاني.يااحلي كلمة علي لساني غير حبك انتي مليش سيرة. عودك طرح قبل أوانه.جمل حياتي بألوانه.بان الجواب من عنوانه غير حبك انتي مليش حيلة. حبيبتي لما بتتمايل. خطوتها بتسوي هوايل دي عاملة في القلب عمايل)اكمل:اه والله عاملة في كلي عمايل ايه بس الجمال ده انتي مش ممكن.اناهموت منك كدة
تسنيم :ههههههه كل ده حرام عليك حتي وانا بطني عاملة كدة لسة بتتغزل فيا
أكمل :طبعا ياحبيبتي اناهفضل اتغزل فيكي كدة لحد ما نكبر ونعجز كمان ياروحي انا كل مابشوفك ببقي مش عايزك تغيبي عن عيني لحظة
تسنيم:بحنية مسكت ايده حبيبي يا كيموصدقني انا كل يوم بحسد نفسي عليك. مش متخيلةانك ممكن تتغيروتبطل تحبني
أكمل :باس ايديهاوباسها من خدها. مستحيل اتغير انتي يا سمسمتي بتجري في دمي. بس قوليلي هي بطنك دي مش ناوية تكبر انا مش عارف الواد ده هيبقي عامل ازاي
تسنيم :حرام عليك ماهي كبيرة اهي. بس قولي لسة مااخترتش اسمه
أكمل:تؤتؤتؤقلتلك انتي اللي هتسميه وانا من امتي بختارحاجة كل حياتي بين ايديكي اختاري انتي ياقلبي واناموافق
تسنيم:اممم كنت بفكر في اسم حمزة ايه رأيك عجبني
أكمل :شدهاوقربهامنه اوي هو مين ده اللي عجبك انابغير قولي الاسم وبس
تسنيم :هههههه حاضر بس بتغيرمن مجرد اسم
أكمل:قربها منه اكترطبعا مش ده اسم راجل وانتي سمعتيه يبقي لازم اغيرانا لوعليا مخليش شفايفك تنطق غيراسمي وبس. ومال عليها وباسها بحنية بس كانت طويلة شوية
تسنيم:وبعدين معاك خلي الكلام ده في الشاليه.
أكمل:انا اعمل كدة في المكان اللي يعجبني فاهمة.
تسنيم :فاهمة ماانت طول عمرك مجنون. قولي بقي موافق علي الاسم
أكمل:طبعا موافق. تعرفي عايزه شبهك هو كمان
تسنيم :لا كدة كتير مش كفاية جني لا ده اناهموت ويطلع شبهك ياكيموانا كل شوية اقعد ابصلك حتي وانت نايم علشان يجي شبهك
أكمل:ياربي ايه العسل ده بس بقولك ايه ما تيجي نتعشي في الشاليه
تسنيم :ههههههه مفيش فايدة فيك شكلك عايزني اولد هنا
أكمل:ههههههه ياستي اولدي مكان مايعجبك. تعالي بس معاياومش هتندمي ……….
وكمل اكمل وتسنيم اليومين اللي فاضلين وخلاص نازلين القاهرة وطبعا اكمل اللي سايق.
تسنيم :هو ده اللي قولتلي حخليكي تسوقي واحنا راجعين. ماشي والله ما هكلمك لحد بكرة. بس
أكمل:لا كله الا كدة انامقدرش علي زعلك يا روحي خلاص هركن وتعالي سوقي بس قبل ما ندخل القاهرة حكمل انا اوك
تسنيم :ابتسمت اوك تعالي يالا
ونزلت تسنيم وأكمل ولفت علشان تركب وكانت واقفة قدام العربية بتضحك علشان خلته يغير رايه واكمل بيضحك عليها
أكمل:اركبي يا مجنونة احنا علي الطريق السريع.
تسنيم :حاضر هركب اهو .
بس حصلت مصيبة جات عربية بسرعة وخبطت تسنيم. ووقعت علي الارض وهي بتنزف. أكمل كان مزهول ومش مصدق جري عليها. حبيبتي ردي عليا ارجوكي انا غبي غبي كان لازم اركبك الاول فوقي يا تسنيم علشان خاطري
جني :نزلت وهي بتعيط. مامي مالها يابابي دي كلها دم انا خايفة
أكمل:جني اركبي بسرعة جنبي علشان حركب ماما ورا لازم نوديها المستشفي بسرعة. وركبهاأكمل وساق بسرعة زي المجنون. وتقريبا مش شايف من كتر الدموع اللي نازلة منه. ووصل بيها المستشفي وكانت حالتها خطيرة ودخلت العمليات. أكمل كان قاعد جنب غرفة العمليات وبيبكي بحرقة.
أكمل:يارب ليه بس كدة دي مصدقت تفرح. يارب خليهالي بلاش تحرمني منها انا مقدرش اعيش من غيرها يارب الاتسنيم الاتسنيم لا متحملش يارب خد روحي انا وسيبها
جني :قربت منه وهي بتعيط. بابي هي مامي تسنيم هتموت زي مامي مايا.انا خايفة اوي عليها.
أكمل:لا يا حبيبتي اوعي تقولي كدة تاني مامي حتخف وتبقي كويسة اه هتخف ان شاء الله ربنا مش ممكن يحرمنا منها احنا ملناش غيرها بس يا حبيبتي انتي ادعيلها يمكن ربنا يسمع منك انتي بريئة وان شاء الله ربنا يستجيب ليكي
جني:وهي بتعيط يارب خلي مامي بلاش تموت انا بحبها اوي مامي طيبة اوي
أكمل:حضنها وهو بيعيط. اه والله طيبة اوي يارب يارب تنجيها.
وبعد مرور وقت كبير وتسنيم في العمليات. الدكتور خرج اكمل جري عليه وهو هيموت من القلق والخوف
أكمل:طمني ارجوك هي عاملة ايه
الدكتور: والله يا أكمل حالتها حرجة جدا حصلها نزيف غير الكسور والكدمات الحادثة مكنتش سهلة.ده غير انها كانت حامل
أكمل :كان بيعيط بإنهيار وبيخبط بإده علي الحيطة انا السبب انا السبب انا اللي غبي انا اللي سيبتها تنزل من العربية في مكان زي ده اه يا حبيبتي يارب كنت انا. دكتور ارجوك اعمل كل اللي تقدر عليه المهم تسنيم متموتش ارجوك بص. لو محتاجة اي حاجة خدها مني انا يارب لو قلبي خده المهم تعيش ارجوك
الدكتور: اهدي يا أكمل واتماسك مش كدة ان شاء الله حتبقي كويسة احنا خرجنا الولد وهو في الحضانة تحت الملاحظة وهي كمان هندخلها العناية المركزة وادعي ال24ساعة اللي جايين يعدوا علي خير .
أكمل : يارب يارب والله بادعيلها من قلبي انا مخنوق حاسس اني مكتف مش قادر اعملها حاجة
الدكتور: لا تقدر ادعيلها علي قد ما تقدر الدعاء والقدر يتعاركان الي يوم القيامة الدعاء ممكن يرد القدر وخصوصا لما يطلع من قلب بيحب بجد زي قلبك انا عارف انت بتحبها قد ايه
أكمل : حاضر هدعي انا بجد بشكرك يا دكتور عادل اني اول ما كلمتك جيت بسرعة انا مكنتش هطمن عليها الا وانت موجود
الدكتور:بتشكرني علي ايه تسنيم دي بنتي وشوكت الله يرحمه كان اخويا مش بس صاحبي. يالا تعالي معايا نروح نطمن علي الولد في الحضانة لحد ما تسنيم تروح العناية.
أكمل:بس انا عايز اطمن عليها هي الاول
الدكتور: معلش هما لسة بيجهزوها علشان تخرج تعالي اطمن عليه ونبقي نروحلها بعد كدة
اكمل: هز راسه واخد جني وراح معاه
(في الحضانة). الدكتور: اتفضل يا سيدي ولي العهد اهو.
أكمل: شال البيبي. وباسه وهو بيعيط . حبيبي كان نفسي هي تكون اول واحدة تشيلك دي كانت مستناك من زمان.
جني: بابي ممكن اشيله بلييز
أكمل :نزل علي ركبته قدامهاوقربه منها. معلش يا حبيبتي هو لسة بيبي وصعب تشيليه. ممكن تبوسيه وهو معايا
جني: قربت منه وباسته. بس يا بابي ده صغير اوي.
أكمل:ابتسم. اه يا حبيبتي ماهو انتي كمان لما اتولتي كنتي زيه كدة صغننة
الدكتور:ربنا يخليهملك يا أكمل
أكمل: اهم حاجة تسنيم تقوم بقي انا هموت عليها يادكتور عادل
الدكتور: ان شاء الله قولي بقي هتسميه ايه
أكمل: حمزة هي كانت عايزة تسميه حمزة.
الدكتور: خلاص ان شاء الله. هاتو بقي علشان لازم يرجع الحضانة
أكمل :باس حمزة واداه للدكتور ورجع علي العناية علشان يطمن علي تسنيم.
أكمل اول ماشافها من بره مقدش يمسك دموعه تاني كان قلبه وجعه عليها ومحمل نفسه الذنب انه وافقها تنزل علي الطريق السريع
أكمل:انا اسف يا حبيبتي مكنش لازم اطوعك. انا السبب انا اللي غبي ضيعتك من ايدي تاني. اه يارب يارب مليش غيرك رجعالي بقي. دي روحي حب عمري كله مقدرش اعيش منغيرها مقدرش. وفضل أكمل قاعد وحاضن جني وبيبكي وبيدعي لتسنيم انها ترجعلوا تاني
(في لبنان في شقة نسرين )
سناءصاحبة نسرين:مصدومة مش ممكن يا نسرين انتي انتي اللي بعتي ناس تموت بنتك وجوزها. انامش مصدقة هانت عليكي بنتك وكمان دي كان معاها حفيتك جني والبيبي اللي في بطنها ليه حرام عليكي انتي مش ممكن تكوني ام معقول علشان توريثيها تعملي كدة. دي بنتك اللي حملتي فيها هي علشان اتربت بعيد عنك تكريهيها اوي كدة مش مصدقة بجد مش مصدقة.
نسرين :بتعيط. اعمل ايه ادخل السجن يعني ما انتي عارفة الكارثة اللي احنا فيها. كل حاجة راحت.
سناء: تقومي تقتلي بنتك.
نسرين :هي اللي مرضيتش تديني الفلوس كنت اعمل ايه.
سناء:طيب لماانتي كنتي بعتاهم يقلبوا العربية ازاي تسنيم بس اللي دخلت المستشفي
نسرين :ااااصل لما بعتهم في الاول يقلبوهم بالعربية. لقتهم بيكلموني انهم وقفوا علي الطريق وتسنيم واكمل نزلوا من العربية. فكرت بسرعة اني ممكن اخلص منها وأكمل يبقي ليا لوحدي. فقلتلهم يخبطوها هي لوحدها.
نسرين :ضربتها بالقلم. انتي مش بني آدمة انتي شطانة عايزة تخلصي من بنتك علشان جوزها اللي هو اصلا مينفعكيش. خلاص الشهوة نستك انك ام انامن النهاردة مش عايزة اعرفك ولا اشوفك اللي تقتل بنتها متتأمنش ابدا مين عارف مش ممكن في يوم تعملي فيا كدة. انا ماشية ومش عايزة اعرفك ناتي. ومشيت سناء
نسرين :في ستين داهية. انا خلاص مش محتاجة لحد بعد ما تموت حاخد نصيبهاحتي لو أكمل ورث معايا مش مهم علي الاقل اعرف اقرب منه. انا لازم انزل مصر بسرعة علشان اتابع كل حاجة.
(في المستشفي بعد اسبوع)
أكمل :يا دكتور دي بقالها اسبوع ولسة مافقتش ده طبيعي انا قلقان عليها اوي ارجوك طمني عليها
الدكتور: والله يا أكمل هي في غيبوبة وانها تفوق دي بتاعة ربنا مش بإيدينا حاجة المهم ان قلبها شغال والمخ كمان. صدقني لو اقدر اعمل زيادة كنت عملت
أكمل كان حزين عليها جدا ومش عارف ينام ولا بيروح الشركة ولا حتي البيت الا علشان يطمن علي جني ويغير هدومه ويرجعلها ويفضل قاعد معاها. ومبيسبهاش ابدا وعدي كمان شهر وهو علي نفس الحال وفي يوم كان قاعد جنبها علي كرسي ونام من التعب. وتسنيم ابتدت تفوق ولقت نفسها في المستشفي
و أكمل نايم جنبها نايم جنبها علي الكرسي.
تسنيم :ابتسمت. حبيبي يا كيمو شكلوا مانمش من كتير. وندهت عليه. أكمل كيمو حبيبي
أكمل :صحي مخضوض واتفاجأ بتسنيم انها فاقت.وبفرحة متتوصفش ولهفة وشوق وكل معاني الحب والاحتياج من حبيب لحبيبته
أكمل:سمسمة حبيبتي اخيراالحمد لله علي سلامتك يا قلبي قعد يبوس ايديها وخدها وكل جزء فيها وحشتيني وحشتيني اوي كنت حموت عليكي والله انتي متعرفيش الفترة دي عدت عليا ازاي عمري ما حزنت ولا اتوجعت قدها
تسنيم :حبيبي انا يمكن كنت مش في وعيي بس كنت بحس بيك اكني في حلم انك جنبي وحضاني
كنت معايا حتي في احلامي
أكمل :باس إيديها لا يا روحي مكنتيش بتحلمي انا فعلا كنت جنبك وحضنك ومعاكي مكنتش قادر اسيبك. اسيبك ازاي وانتي روحي قوميلي بقي كفاية انا خلاص مش قادر علي بعدك أكتر من كدة
تسنيم: ابتسمت حاضر يا حبيبي هقوم ان شاء الله. بس طمني البيبي حصله حاجة
أكمل:ابتسم لا يا قلبي الحمد لله ربنا نجاه وهو في الحضانة وكمان بقي كويس وكبر شوية وبقي جميل. ثواني هروح اجبهولك وارجع. وراح أكمل جاب حمزة وإداه لتسنيم.
تسنيم:ابتسمت. حبيبي كان نفسي اشوفك اوي. كيمو أخدت بالك والله شبهك.
أكمل:هههههه انا مش عارف ايه العيلة المكررة دي البنت شبهك والولد شبهي وبعدين.
تسنيم:الحمد لله أمنيتي اتحققت كنت عايزاه يبقي شبهك.
أكمل:قعد جنبها وحضنها وباس راسها. الحمد لله انك لسة معايا انا معرفش كان ممكن يحصلي ايه لو مكنتيش فوقتي وارجعتيلي.
تسنيم :الحمد لله قلي ساميته ايه.
أكمل:ابتسم. حمزة طبعا
تسنيم :ابتسمت وباست أكمل
وعدت فترة علاج تسنيم وخرجت من المستشفي ورجعت البيت
(في الفيلا)تسنيم :أكمل ماما تليفونها مقفول وكمان تليفون شقتها مش بترد عليه. معقول كل الفترة دي مسألتش علياانا قلقانة عليها اوي
أكمل :بحزن اتنهد. وقعد قصادها. حبيبتي انا مكنتش عايز اقولك غير لما تخفي وتبقي كويسة. طنط نسرين وهي راكبة الاسانسير بتاع عمارتها. حصل فيه عطل ووقع بيها وماتت
تسنيم:حطت ايديها علي بقها من الصدمة. ماما مش ممكن لا حرام كدة انا ليه بتحرم من كل اللي حاوليا واحد ورا واحد وعيطت بحرقة.
أكمل:حبيبتي اهدي علشان الخبر اللي جاي هيصدمك أكتر.لما الحادثة بتاعتك حصلت انا مكنتش مركز اخد رقم العربية. بس كان في شخص قريب مننا جري ورا العربية واخد الرقم وبلغ ولما جابه صاحب العربية كان معاه واحد تاني اعترفوا ان طنط نسرين هي اللي خلتهم يمشوا ورانا ويقلبوا العربية
تسنيم :اتصدمت  ماما ليه لا مش ممكن ليه تعمل كدة ماما تموتني . معقول
أكمل:للاسف صاحبتها سناء قالت في التحقيق انها كانت عايزة تورثك
تسنيم:عيطت بحرقة علي صدمتها في امها.
أكمل:حضنها. بس يا حبيبتي اوعي تزعلي انا جنبك ومعاكي ومش هسيبك ابدا
تسنيم :ربنا يخليك ليا انت فعلا كل دنيتي انا مليش غيرك يا أكمل خلاص. انا بحبك اكتر من نفسي صدقني
أكمل:وانا يا قلبي بحبك وبموت فيكي . انسي زعلك وحزنك انسي كل اللي فات خلينا نبتدي حياتنا من جديد مع اولادنا جني وحمزة هما دول اللي ربنا عوضنا بيهم
تسنيم :نامت في حضنه. عندك حق احنا ملناش غير بعض وولادنا.ربنا ميحرمنيش منكم ابدا
وعاش أكمل مع تسنيم حياه جديدة وسعيدة مع اولادهم. جني وحمزة

النهاية…