صغيرة في قبضتي2
في فيلا العماري.
دخلت براء بحذر، وطلعت اوضتها…. لقت اختها قاعدة.
هند قامت بسرعة وقربت منها:براء، انتي كويسة؟!
براء بضيق:كويسة.
هند نظرت لها بتوتر: ا انتي اتأخرتي المرادي.
براء سكتت.
هند بحزن:ط طب انا خارجة، لو احتاجتي حاجة اتصلي عليا…. ويستحسن تنزلي تشوفي ماما، سألو كلهم عليكي امبارح.
نظرت لها براء باستغراب:قصدك كانوا قلقانين عليا؟!
هند باحر*اج:ل لا يعني مش اوي.
سكتت براء بحزن.
وهند اخدت شنطتها، وحضنتها بحزن وخرجت.
اما براء سابت الشنطة والتلفون.
ونزلت تحت.
لقت مامتها وسليم في الجنينة.
سليم:ياااه، اخيرا نزلتي…. دا انا بقالي اكتر من يومين مشوفتكيش.
براء:كنت تعبا*نة شوية.
هالة:طب تعالي اقعدي معانا.
براء قعدت معاهم، وهالة بصتلها:هتفطري؟!
براء:لا،مش جعانة.
سليم:عملتي ايه في الكلية؟!
براء بتوتر:ق قدمت خلاص، وكل حاجة ماشية تمام.
سليم:بصراحة عايز اشوفها، هبقي اجي معاكي بكرا، وشوف اذا كنتي عملتي كل حاجة صح.
براء بتوتر:ما انا بقولك كل حاجة ماشية تمام، يبقي ايه لازمة انك تيجي معايا؟!
سليم:مش اخوكي وعايز اتطمن علي مستقبلك.
براء:افتكرت انك اخويا دلوقتي!!!
هالة بحدة:اتكلمي مع اخوكي كويس.
براء بصتلها بضيق:انتوا عارفين اني عايزة ادخل فنون، ومحدش فيكم اهتم او قال لبابا.
سليم بسخرية:فنون ايه بس، في النهاية هتخلصي تعليمك وتتجوزي…. امتي عارفة بابا بقي.
براء بحزن:بس انا كان نفسي ادخل فنون، واكمل واشتغل مصممة ازياء.
هالة بدون اهتمام:يا حبيبيتي، هندسة افضل.
براء:بس انا مش بفهم حاجة في الهندسة.
سليم:خلاص بقي يا براء… اوعي تتكلمي كدا قدام بابا.
براء قامت وقفت بضيق، ودخلت الفيلا وطلعت اوضتها.
٪٪٪٪٪٪٪٪٪٪٪٪٪٪٪٪٪٪
طلعت اوضتها بضيق، مسكت تلفونها،بس بصت علي التلفون ال جابه ليها.
اخدته، ونقلت عليه ارقام كل ال تعرفهم، وحطت تلفونها في الدرج.
شافت اسمه، اترددت…. بس اتصلت…. لم تنتظر كثيرا ولقته رد.
بلعت ريقها واتكلمت: ا الوا.
رد:معاكي.
قالت بتوتر:ا انا روحت الجامعة…. ب بصراحة شكلها حلو وواسعة اوي.
رد:كويس انها عجبتك.
اترددت وقالت:ب بس مصاريفها غالية.
رد:مش مهم.
قالت:ب بس انا مش عارفة الفيزا فيها فلوس تاني ولا ايه.
رد:هاتي ال انتي عايزاه مهما كان تمنه….وكمان مأظنش انك هتوصلي لنهايتها.
ردت بخجل: ط طب انا اخويا دلوقتي عايز يروح معايا كلية الهندسة بكرا، اعمل ايه؟!
رد:متقلقيش، كل حاجة تمام…. روحي معاه وبس.
اتنهدت بهدوء:ه هو انت مشغول دلوقتي؟!ع عشا يعني اسفة لو ازعجتك.
رد: اتصلي وقت ما انتي عايزة، متهتميش بالمواضيع دي.
ظهرت ابتسامة خفيفة جدا علي شفا*يفها.
قالت:ط طيب، انا هقفل عشان معطلكش…. مع السلامة.
سمعت منه الرد، وبعدها قفلت.
نظرت للهاتف واخدت نفس طويل.
@@@@@@@@@@@@@@@@@@@@@@@
في قصر السيوفي.
جنا كانت قاعدة في الجنينة مع رغد، وبتحكيلها ال حصل امبارح.
رغد بضحك:دا انتي قصفتي الواد.
جنا بثقة:اومال اسكتله.
قربت منهم سهر:بتتكلموا في ايه؟!
جنا:تعالي اقعدي معانا يا ماما، عايزة احكيلك حاجة.
قعدت سهر، وجنا حكت كل حاجة.
سهر ورغد قعدوا يضحكوا.
سهر بضحك:اه لو ادم كان معاكي.
جنا:اسمه لوحده كفيل يدب الرعب في قلب اي حد….. بس انا مجبتش اسمه للاسف.
رغد بضحك:عوضيها المرة الجاية.
سهر بصت لرغد:مامتك اتصلت يا رغد، وكانت عايزة تكلمك.
رغد وشها اتقلب لضيق:ا اه، هبقي اكلمها.
سهر حطت ايدها علي رجلها:معلش يابنتي، دي مهما راحت ولا جت والدتك.
رغد بضيق:انا مش عارفة هي بتسأل عليا ليه…. ما تخليها في ولادها وجوزها.
سهر:انتي في النهاية بنتها برضوا.
رغد:مش هي ال سافرت وسابتني.
جنا:خلاص يا ماما، متفتحيش الموضوع تاني.
رغد اتنهد بضيق،وبصت عند الباب، لقت الجدة بتتجه عليهم.
رغد بخضة:يلهوي، الحقي يا جنا، ستك جت.
جنا بخضة:استر يارب، هنبدا المحاضرة.
قربت منهم فيروز بحده:انتوا قاعدين بتعملوا ايه هنا، مش وراكم حاجة تعملوها.
قامت جنا ورغد.
جنا بتوتر:ر رايحين نذاكر يا تيتة.
فيروز:انتي كنتي فين امبارح؟!
جنا بصت لامها بتوتر: ك كنت….
قامت سهر:كانت بتوصل حاجة لواحدة صاحبتي تعبا*نة.
فيروز:ما تبعتيها مع السواق، مش معني هي؟!
سهر:مينفعش يا ماما، لازم حد من العيلة، فا بعت جنا مكاني.
رغد بتوتر:ط طب احنا هنروح نذاكر، يلا يا جنا.
ومشيت هي وجنا بسرعة من المكان.
فيروز قعدت علي الكرسي وبصت لسهر: ابنك مجاش امبارح.
سهر:وراه شغل كتير.
فيروز بصت قدامها بشك وسكتت.
@@@@@@@@@@@@@@@@@@@@@@
في المساء، في فيلا العماري.
العيلة كانت متجمعة علي السفرة، وكمان براء.
نظر لها عزيز بجمود:سليم قالي انك قدمتي في الكلية.
براء وهي تنظر لطبقها:ايوا يابابا.
عزيز:سليم هييجي معاكي بكرا، ويشوف ازا كنتي عملتي كل حاجة صح ولا لا…. ما انا عارف انك مش بتنفعي في حاجة.
سكتت براء بضيق.
عمر:اروح معاها انا يا عمي.
عزيز:خلاص ماشي يا عمر، روح انت…. وانا هاخد سليم ونروح المصنع.
عمر بابتسامة وهو بيبص لبراء:تمام.
صالح:الوفد اجل نزوله يا عزيز.
عزيز بضيق: هنستناه.
سليم كان قاعد بياكل وهو بيفكر في تلك الفتاة الذي تطاولت بلسانها امامه…. وكان بيفكر، ياترا يقابلها تاني ازاي…. لازم ياخد حقه منها.
هالة:انا هخرج بكرا، هروح الجمعية انا وصحباتي…. وبعدين نعمل شوبينج.
عزيز:تمام،بس ابقي امسكي ايدك شوية…. الشركة مش مستحملة اليومين دول.
هالة:حاضر يا حبيبي.
براء كانت بتاكل بضيق من كلام ابوها….. لكن فجاة هديت وظهرت ابتسامة خفيفة جدا علي ثغرها…. عندما تذكرت كلامته معها.
@@@@@@@@@@@@@@@@@@@@@@
في قصر السيوفي.
قام من علي السفرة…. واتجه للكنبة وقعد هو وعمه.
قعدت جمبهم الجدة، وسهر.
قربت الخا*دمة بكوب قهوة سادة لادم…. اخذها وارتشف منها.
خليل:الاسهم بتاعتنا في مصر، رفعت اوي يا ادم.
فيروز بابتسامة:كويس…. البركة في حفيدي.
خليل :زين سافر.
رد ادم بهدوء:عارف.
قعد جمبهم سيف.
نظر له ادم:رايح جامعتك بكرا؟!
سيف:ايوا.
ادم وهو ينظر لكوب القهوة:تمام، انا هاجي معاك.
سيف بابتسامة:بجد!!!
خليل باستغراب:ليه يا ادم.
نظر له ادم بجمود:عايز اشوف جامعة اخويا، واشوف مستواها.
سيف بابتسامة:دا العميد معجب بشخصيتك اوي، ياريت تيجي وتقابله….دا هياعملني معاملة خاصة.
سهر :اه قول كدا بقي…. عشان يعاملك معاملة خاصة.
سيف بضحك:ولله دا واحد غتت اوي يا ماما، بس لما يشوف ادم، هيحترم نفسه.
ادم بابتسامة صغيرة:هوصيه عشان يشد عليك.
سيف قرب منه بخوف:لا والنبي يا خويا…. والنبي.
خليل بضحك:خلاص يا بني، دا اخوك برضوا متقلقش.
سيف قام قعد وضحك، وسهر ضحكت عليه.
اما ادم مسك تلفونه، وكان بيراسل براء.
قال: بتعملي ايه؟!
ردت: بشوف مميزات القسم ال هبقي فيه من علي التابلت.
رد: تمام.
ردت:هو انا…. هشوفك بكرا؟!
قال وهو يبتسم بخفة جدا:لو عايزة تشوفيني، معنديش مانع.
ردت بسرعة:لا، لا خلاص… شوف شغلك افضل.
ابتسم ابتسامة جانبية خفيفة.
كل دا وجدته تنظر له ولتعابير وجهه، شعرت بالشك يدخل احساسها.
وهي تقول في سرها:معقول يكون بيكلمها هي، معقول هيحبها…. كل حاجة هتخرب لو البنت دي فضلت علي زمته….
الحر*ب هترجع تاني.
@@@@@@@@@@@@@@@@@@@@@@
في الصباح امام كلية الهندسة.
نزلت براء من العربية…. وعمر معاها.
عمر قرب ومشي معاها للداخل، وهي دخلت وهي متوترة
عمر نظر لها، وشاف العميد واقف بعيد مع شخص.
مسك ايد براء ال اتصدمت وقرب من العميد.
عمر:اهلا بحضرتك، كنت عايز استفسر عن الطالبة دي، في الورق بتاعها.
نظر له العميد، ولف الشخص ال كان معاه.
والصدمة حلت علي وجه براء عندما رأته هو واضع يده في جيبه، وماسك نظارته في اليد الاخري.
اما هو نظر لها ونظر لعمر، فجاة نزلت عينه علي ايدهم.
عمر نظر ليه باستغراب:مش انت ادم السيوفي.
